.. லக்ஷ்மீநாராயணஸம்ஹிதா ..

லக்ஷ்மீநாராயணஸம்ஹிதா
க₂ண்ட₃꞉ 1
 (க்ருதயுக₃ஸந்தாந꞉)
அத்₄யாய꞉ - 1

பரம்ப்₃ரஹ்மாம்ட₃பரம்ப்₃ரஹ்ம ஶ்ரியம் நாராயணம் ஹரிம் .
ஸர்வா(அ)ந்தர்யாமிணம் வந்தே₃ தே₃வம் ஸர்வா(அ)வதாரிணம் .. 1 ..

ஶ்ரீஶ்ச லக்ஷ்மீஶ்ச யத்பத்ந்யௌ விப்ராக்₃நீ யந்முக₂ம் மதம் .
ஸந்தோ யத்₃த்₄ருத₃யம் ஶஶ்வத் தஸ்மை சா(அ)ந்வயிநே நம꞉ .. 2 ..

தி₃விஷத்₃ப₃ர்ஹிஷத் த்ரிஷத் பித்ருஸத்₃பூ₄தஸச்ச ய꞉ .
த்₄யாநலப்₄யஸ்வரூபாய தஸ்மை ஶம்வர்ஷிம்ணே நம꞉ .. 3 ..

ஹிமவச்சி₂க₂ரே ரம்யே ஸ்வாஶ்ரமே பர்வதோத்தமே .
நாராயணேந வை லக்ஷ்ம்யை யா ப்ரோக்தா நிஜஸம்ஹிதா .. 4 ..

ப₃த்₃ரிகாஶ்ரமதீர்தே₂ தாம் ததோ லப்₃த்₄வா(ஆ)தி₃ரூபத்₄ருக் .
ஶ்வேதவ்யாஸோ தி₃வ்யத்₃ருஷ்டிஶ்சது꞉ஶிஷ்யாநுவாச ஹ .. 5 ..

ஶ்வைதிம் ச ஸுஶிக₂ம் சாபி ஶ்வேதாஶ்வம் ஶ்வேதலோஹிதம் .
சத்வாரஸ்தே மஹாத்மாநோ ப்₃ரஹ்மிஷ்டா₂ ப்₃ரஹ்மபாரகா₃꞉ .. 6 ..

பூ₄த்வா தா₄ம ஹரே꞉ ப்ராபு꞉ புநராவ்ருத்திவர்ஜிதம் .
அநாதி₃ஶ்ரீக்ருஷ்ணநாராயணபத்ந்யஸ்து தா꞉ கதா₂꞉ .. 7 ..

பதிம் நாராயணம் ப்ரேம்ணா பப்ரச்சு₂ர்லோமஶா(ஆ)ஶ்ரமே .
ஸௌராஷ்ட்ரே கும்குமவாபீக்ஷேத்ரே(அ)ஶ்வபட்டஸாரஸே .. 8 ..

நாராயணஶ்ச தாப்₄யோ வை ஜகா₃தே₃மாம் ஹி ஸம்ஹிதாம் .
லக்ஷ்மீநாராயணஸம்ஹிதாக்₂யாம் ஸர்வார்த₂ஸம்ப்₄ருதாம் .. 9 ..

பஞ்சவிம்ஶதிஸாஹஸ்ரா(அ)தி₄கலக்ஷம் ஹி வர்ததே .
ஶ்லோகாநாம் யத்ர ஸம்க்₂யாநம் மோக்ஷத₃ம் பாட₂மாத்ரத꞉ .. 1.1.10 ..

ஏகதா₃ நாரத₃꞉ ப்ராயாத் கர்தும் வைகுண்டி₂த₃ர்ஶநம் .
ஸபா₄ தேந ஸமாஸீநா த்₃ருஷ்டா ஶ்ரீவிஷ்ண்வதி₄ஷ்டி₂தா .. 1 1..

தி₃வ்யா முக்தாஸ்த்வக்ஷராக்₂யா கோ₃லோகஸ்தா₂ஸ்ததா₂(அ)பரே .
வைகுண்ட₂வாஸிநோ முக்தா꞉ ஶ்வேதத்₃வீபநிவாஸிந꞉ .. 1 2..

அவ்யாக்ருதா(அ)ம்ருதவாஸா꞉ ஶ்ரீலக்ஷ்மீதா₄மவாஸிந꞉ .
ப₃த்₃ரீக்ஷீரா(அ)ப்₃தி₄மாஶ்சாபி தத₃ந்யத்₃தா₄மவர்திந꞉ .. 13..

ருஷய꞉ பிதரோ தே₃வா꞉ ஸித்₃தா₄ கா₃ந்த₄ர்வசாரணா꞉ .
லோகபாலாஶ்ச மநவஸ்தாபஸா꞉ ஸாத₄வஶ்ச யே .. 14..

முநயோ தி₃வ்யக₃தயோ தி₃வ்யா(அ)ஹதஸுவிக்₃ரஹா꞉ .
ஆஸந் ஸர்வே தத்ர யோகே₃ நாராயணபராயணா꞉ .. 15..

லக்ஷயோஜநவிஸ்தீர்ணா(ஆ)ப்ராந்தஸம்குலிதா ஸபா₄ .
நாரதே₃ந து ஸம்த்₃ருஷ்டா ஹ்யர்தா₄ பும்பி₄꞉ ப்ரகாஶிதா .. 16..

வாமபா₄கே₃ யத்ர லக்ஷ்மீஸ்தத்ர தே₃வ்யஸ்து ஸம்ஸ்தி₂தா꞉ .
முக்தாந்யோ வாஸுதே₃வாந்யோ கோ₃ப்ய꞉ ஸக்₂யஸ்ததா₂ பரா꞉ .. 17..

ஈஶ்வரிண்யோ ப₄க₃வத்ய꞉ பார்ஷதா₃ண்யஶ்ச ஸேவிகா꞉ .
ப்₃ரஹ்மாண்யோ மாதரோ தே₃வ்யோ மாநவ்ய꞉ ஸித்₃த₄விக்₃ரஹா꞉ .. 18..

நாரதே₃ந ஸபா₄ த்₃ருஷ்டா ஹ்யர்தா₄ நாரீப்ரகாஶிதா .
க்ருஷ்ணநாராயணம் தே₃வம் ஹரிம் விஷ்ணும் ஸநாதநம் .. 19 ..

ஶ்ரியம் லக்ஷ்மீம் மஹாமாயாம் நாரத₃꞉ ப்ராணமந் முதா₃ .
ஸர்வாம் ஸபா₄ம் ப்ரணம்யா(அ)த₂ விஷ்ணுத₃த்தே ஸுவிஷ்டரே .. 20 ..

ந்யஷீத₃ந்நாரடஸ்தத்ர தை꞉ ஸர்வே꞉ ஸத்க்ருத꞉ ருஷி꞉ .
வ்யாஸோ(அ)ஹம் ஶ்வேதஸம்ஜ்ஞோ வை ஸூத꞉ ஸுஶிக₂நாமக꞉ .. 21 ..

வ்யாக்₂யாதாரஸ்ததா₂ சாந்யே ப்₃ருஹஸ்பதிபுரோக₃மா꞉ .
தி₃வ்யரூபாஸ்து தே ஸர்வை நாராயணஸமீஹயா .. 22..

கதா₂ஸ்து விவிதா₄ஸ்தத்ர சக்ருர்ப₄க்திவிவர்த₄நா꞉ .
தத்ர நாராயணேநோக்தம் நாரதோ₃(அ)யம் மஹாமுநி꞉ ..2 3 ..

ப₃ஹுஶ்ருதோ ப₃ஹுஜ்ஞாதா ஸமாக்₂யாநநிதி₄ர்மஹாந் .
லோகவ்ருத்தாந்தகுஶல꞉ ப்ரஷ்டவ்யோ வ்ருத்தவித்தயே .. 24..

லக்ஷ்மீருவாச-
போ₄ தபஸ்விந் மஹாயோகி₃ந் விஷ்ணோரம்ஶ மஹாமுநே .
குதஸ்தாதா₃க₃ம்யதே கிம் வர்ததே விஷ்ணுஸ்ருஷ்டிஷு .. 25 ..

கத₂ம்வ்ரதா ஜநா பூ₄மௌ ஸமயஶ்சாபி கீத்₃ருஶ꞉ .
தீர்தா₂நாம் ஸுஸதாம் ப்ருத்₂வ்யாம் பூ₄ஸுராணாம் க₃வாம் ததா₂ .. 26 ..

தீ₃நாநாம் ஸுக்ருதஸ்யாபி ஸாத்₄வீநாம் ந்யாஸிநாம் ஸ்தி₂தி꞉ .
கீத்₃ருஶீ ஸாம்ப்ரதம் சாஸ்தி மோக்ஷாத்₄வா கச்சித₃க்ஷத꞉ .. 27 ..

ஜ்ஞாநம் விஜ்ஞாநஸஹக்ருத் கச்சித்₃விப்ரேஷு ராஜதே .
நாராயணஸ்ய ஸத்₃ப₄க்திர்லோகஷு வர்ததே ந்விதி? .. 28 ..

ஶ்ரீநாரத₃ உவாச-
பிதரௌ ஸர்வதா₃ வந்தே₃ க்ருபாலூ முக்திதா₃யகௌ .
ஸ்வல்பம் நா(அ)விதி₃தம் சாபி பித்ரோ꞉ ஸர்வஜ்ஞயோ꞉ கில .. 29 ..

ததா₂பி ஶிஷ்யத₄ர்மத்வாத் கத₂யாமி யதா₂க்ரமம் .
பர்யடந் ஸுப₃ஹூந் லோகாந் த்₃ருஷ்ட்வா க்ருதயுக₃ஸ்தி₂திம் .. 3 0 ..

விலோக்ய விஷ்ணுஸ்ருஷ்டௌ வை விஷ்ணுப₄க்தியுதாந் ஜநாந் .
ஹ்ருஷ்யாமி ச முஹுர்மாத꞉ பாதிவ்ரத்யபரா꞉ ப்ரஜா꞉ .. 31 ..

த₄ந்யோ(அ)யம் ப₄க₃வாந் விப்ணுர்த₄ந்யா மா பரமேஶ்வரீ .
யத்ப்ரதாபாத்₃ த்₄ருவா முக்திர்லப்₄யதே மாநவை꞉ கில .. 3 2..

ஶ்ரவணாத்கீர்தநாத்₃விஷ்ணோ꞉ ஸ்மரணாத்பாத₃ஸேவநாத் .
அர்சநாத்₃வந்த₃நாத் ஸக்₂யாத்₃தா₃ஸ்யாத்₃வா(ஆ)த்மாநிவேத₃நாத் .. 33 ..

ஜ்ஞாநா(அ)ஜ்ஞாநக்ருதாத்₃வாபி ஸம்ஸாரமலவர்ஜநாத் .
ஸத்₃ய꞉ ஸம்ப்ராப்யதே மோக்ஷஸ்தஸ்மாத்₃பா₄க்₃யம் நு கிம் பரம் .. 34..

ஸக்ருஜ்ஜபந்தி யே ஜாப்யம் க்₃ருணந்தி நாம வா ஹரே꞉ .
தி₃வ்யபா₄வநயா மாதர்முக்திம் யாந்தி து தே த்₄ருவாம் .. 35..

ஸாமாந்யாமத₂வா முக்₂யாம் விஷ்ணோர்தீ₃க்ஷாம் ஹி யே ஜநா꞉ .
க்₃ருஹ்ணந்த்யாபா₃லவ்ருத்₃தா₄த்₃யாஸ்தே ஸ்யுர்வைகுண்ட₂வாஸிந꞉ .. 36 ..

ஆநுகூல்யம் ஸதா₃ விஷ்ணோ꞉ ப்ராதிகூல்யவிவர்ஜநம் .
விஷ்ணௌ பூர்ணோ ஹி விஶ்வாஸஸ்தவா(அ)ஸ்மீதிவரேஷணா .. 37..

தே₃ஹேந்த்₃ரியமந꞉ ப்ராணா(அ)பி₄மதிதீ₄ஷணாத்மநாம் .
ந்யாஸோ விஷ்ணௌ ததா₂ தீ₃நா(அ)தீ₄நதா ச ஹரே꞉ ஸதா₃ .. 38 ..

ஸர்வஸ்வம் மே ஹரி꞉ ஸாக்ஷாந்நாந்யஶ்சேதி மதி꞉ ஸ்தி₂ரா .
இத்யேவம் ஷட்₃விதா₄ விஷ்ணௌ ப்ரபந்தி꞉ ஶரணாக₃தி꞉ .. 39 ..

ததே₃கம் வா ஸமாஸாத்₃ய நாராயணபராயண꞉ .
பா₄வைக்யம் வா க்ரியைக்யம் வா ஹ்யாத்மைக்யம் வா ப்ரஸாத₄யேத் .. 40 ..

ததா₂ து ஶ்ரீஹரேரைக்யம் யதா₂ யாவத்ப்ரஜாயதே .
தாவத்ததா₂ ஸ்வயம் நாராயணாநந்த₃ம் ஸமஶ்நுதே .. 41 ..

ப்ரேமதத்த்வம் த்₃ரவரூபம் சாத்மாபி த்₃ரவதாம் ப₄ஜேத் .
த்₃ரவத்₃வயம் ஸமாஸாத்₃ய ஸ்வயம் விஷ்ணுர்த்₃ரவோ ப₄வேத் ..42 ..

ஆநந்த₃க₄நசித்₃க₄நவிஜ்ஞாநக₄நமிஷ்டதா꞉ .
நித்யத்ருப்தநித்யஶைத்யநித்யஸுக₂ஸுபுஷ்டதா꞉ .. 43 ..

நாராயணைக்யமாபந்ந꞉ ஸர்வாந் காமாந் ஸமஶ்நுதே .
க்வசித்பார்ஶ்வே க்வசிந்மூர்தௌ க்வசித்தஸ்மிந் ப்ரலீயதே ..44 ..

க்வசிந்முக்த꞉ க்வசில்லக்ஷ்மீ꞉ க்வசித்₃தா₃ஸ꞉ ப்ரவர்ததே .
ஶரீரவச்சேந்த்₃ரியவந்மநோவத்தஸ்ய ஜாயதே ..45..

அஹம் து நாரதோ₃ மாதர்விஷ்ணோர்மந இதீரித꞉ .
த்வம் து லக்ஷ்மீஸ்தஸ்ய சா(அ)ர்த₄ம் ஶரீராத்மேதி கத்₂யஸே ..46 ..

ஸந்பதா₃ர்த₂ம் ஹரி꞉ ஸாக்ஷாச்சித₃ர்த₄ஸ்த்வம் நு ஸம்மதா .
தயோர்த்₃ரவே மஹாநந்த₃꞉ ஸச்சிதா₃நந்த₃ உச்யதே .. 47..

யேந கேநாபி பா₄வேந த்வாத்மா வை த்₃ரவதாம் வ்ரஜேத் .
தத்₃பா₄வத்₃ரவமாஸாத்₃ய முக்திம் விஷ்ணுமயீ வ்ரஜேத் ...48 ..

ஶ்ரீஶ்வேதவ்யாஸ உவாச-
இத்யுக்த்வா த்₃ரவரூபேண நாரதோ₃ லீநதாம் க₃த꞉
விஷ்ணௌ ப்ரேமபராகாஷ்டா₂ஸுகா₂நுப₄வவாரிதௌ₄ ..49 ..

பஶ்யதாம் து ஸபா₄ஸ்தா₂நாம் ஸர்வேஷாமித₃மத்₃பு₄தம் .
சமத்க்ருதிகரம் ஜாதம் அஹோ ப₄க்தஸ்ய ப₄க்ததா .. 5 0..

லக்ஷ்மீர்ஜிஜ்ஞாஸமாநா வை நாராயணபராயணா .
பப்ரச்ச₂ பரமாத்மாநம் லோகோபகாரஸத்தயே ..5 1 ..

ஶ்ரீலக்ஷ்மீருவாச-
அஹோ ப₄க்தாஸ்து ப₃ஹவா த்₃ருஷ்டாஸ்தே பரமாத்மந꞉ .
ந கஶ்சிதீ₃த்₃ருஶோ த்₃ருஷ்டோ யோ(அ)யம் த்வயி க₃தோ த்₃ரவம் ...52..

மந்யே து காரணம் தத்ர கருணா ஶ்ரீமதஸ்தவ .
யஸ்யோபரி ப₄வேத்₃ தே₃வ நி꞉ஸீமாநுக்₃ரஹஸ்தவ ..53 ..

தஸ்யைவ நாத₂ நோ பி₄ந்நோ ப₄வஸீதி மதிர்மம .
ஏதாத்₃ருஶாத்மலாபா₄ர்தே₂ யதா₂ யத்₃ ப₄வதோ மதம் ..54..

யத்₃வா(அ)நுக்₃ரஹலப்₃த்₄யர்த₂ம் கிம் கர்தவ்யம் த்வயேஷ்யதே? .
ஶ்ரீஶ்வேதவ்யாஸ உவாச-
நாராயணஸ்து தச்ச்₂ருத்வா ஸர்வேஷாம் ஹிதகாம்யயா ..55..

உவாச பரமப்ரீத்யா ஸ்வல்பமப்யதுலார்த₂ப்₄ருத் .
யேந ஸாதா₄ரணா ஜீவா அபி யாந்தீத்₃ருஶீம் க₃திம் ..56..

இதி ஶ்ரீலக்ஷ்மீநாராயணீயஸம்ஹிதாயாம் ப்ரத₂மே க்ருதயுக₃ஸந்தாநே வைகுண்டே₂ லக்ஷ்மீநாராயணீயஸபா₄யாம் நாரதீ₃யத்₃ரவீபா₄வப₄க்திசமத்க்ருதிநிரூபணாத்மக꞉ ப்ரத₂மோ(அ)த்₄யாய꞉ .. 1 ..