லக்ஷ்மீநாராயணஸம்ஹிதா
லக்ஷ்மீநாராயணஸம்ஹிதா
க₂ண்·ட₃꞉ 1
( க்ருதயுக₃ஸந்தாந꞉ ) -
அத்₄யாய꞉ 2
ஶ்ரீநாராயண உவாச
ஶ்ருணு லக்ஷ்மி ப்ரவக்ஷ்யாமி ப₄க்தஸ்ய த்₃ரவலப்₃த₄யே .
யதா₂ மே(அ)நுக்₃ரஹ꞉ ப்ராப்யஸ்தத்₃விதா₄ரய தத்த்வத꞉ .. 1 ..
முக்த ஸ்ருஷ்டாவீஶஸ்ருஷ்டௌ ஜீவஸ்ருஷ்டாவபி ப்ரபு₄꞉ .
அஸ்ருஜத்ஸாக்ருதீந்ஸர்வாந் ஶரீரிண இதி .ஸ்தி₂தி꞉ .. 2 ..
ஆத்மா த்விந்த்₃ர இதிப்ரோக்த꞉ ஸர்வஶக்திகு₃ணாஶ்ரய꞉ .
மநஶ்சித்தமஹம்பு₃த்₃தி₄ஸ்தஸ்ய கரணமாந்தரம் .. 3 ..
இந்த்₃ரஸ்ய ஶக்தயஶ்சைதாஶ்சதஸ்ர꞉ ஸமுதா₃ஹ்ருதா꞉ .
ஶ்ரோத்ரத்வங்நேத்ரரஸநாக்₄ராணவாக்பாத₃பாணய꞉ .. 4 ..
பாயூபஸ்தே₂ சேந்த்₃ரியாணி ப₃ஹி꞉கரணகாநி ஹி .
த₃ஶாபி ஶக்தயஶ்சைதா இந்த்₃ரஸ்யைவ ப₄வந்தி வை .. 5 ..
க்₃ராஹ்யேஷு தாஸ்து க₃ச்ச₂ந்தி பதா₃ர்தே₂ஷு ப₃ஹிர்ப₃ஹி꞉ .
க்₃ராஹ்யாகாரேண தா பூ₄த்வா க்₃ராஹ்யாகாரம் ப₄ஜந்தி ச .. 6 ..
பராவ்ருத்ய து தா꞉ ஸர்வா தா₄ர்யாகாரம் ப₄ஜந்தி ச .
வித்₄வா(அ)ந்த꞉கரணாந்யேதா ஆத்மாநம் யாந்தி வை யதா₃ .. 7 ..
போ₄க்₃யாகாரம் க₃தாஸ்தாஶ்ச தா இந்த்₃ராநுப₄வம் க₃தா꞉ .
அபரோக்ஷாநுபா₄வோ(அ)யம் ஸ்வாத்மந்யேவ ப₄வத்யத₂ .. 8 ..
அஹமிந்த்₃ரே ஸ்தி₂த꞉ ஸாக்ஷாத்ஸர்வஶக்திப்ரபூரக꞉ .
இந்த்₃ரோ மத்₃யோக₃த꞉ பூர்ணஶக்த்யாஶ்ரய இதிஸ்தி₂தி꞉ .. 9 ..
ஆக்₃ராஹ்யாத்து மத₃ந்தம் வை ப்ரேமதத்த்வம் த்₃ரவோ மத꞉ .
ஸர்வத்ர நிஹிதம் தத்₃வை தேந ஸ்நிஹ்யந்தி மூர்தய꞉ .. 1.2.10 ..
ஸ்நேஹபூர்ணா(ஆ)நந்த₃பூர்ணப்ரேமபூர்ண꞉ ஸுகா₂ஶ்ரய꞉ .
த்₃ரவபூர்ணோ ஹ்யஹம் விஷ்ணுர்மத்₃யோகா₃த்₃த்₃ரவவாந் ஹி ஸ꞉ .. 11 ..
ஸர்வம் ஸ்தூ₂லம் ததா₂ ஸூக்ஷ்மம் சேதநம் சா(அ)ந்யதே₃வ வா .
மத்₃த்₃ரவாத்₃த்₃ரவிதம் ஸர்வம் மே(அ)நுக்₃ரஹோ(அ)த்ர காரணம் .. 1 2..
'அயம் து த்₃ரவிதோ பூ₄யாதி₃திமே(அ)நுக்ருபா ப₄வேத் .
ததா₃ த்₃ரவதி தத்காலம் நா(அ)ந்யதா₂ து கதா₃சந .. 13 ..
மத்க்ருபாயா꞉ ஸாத₄நம் து ஸர்வஸ்வாத்மார்பணம் மதம் .
ஸர்வதா₃(அ)ஹம் க்ருபாபூர்ண꞉ க்ருபாலு꞉ கருணோத₃தி₄꞉ .. 14..
ப₄க்தோல்லாஸாத்க்ருபாவ்ருஷ்டிம் கரோமி க்ருபயா(அ)ந்வித꞉ .
யதா₂ யதா₂ க்ருபாயா மே ப்ரவாஹோ விஶதி த்₄ருவே .. 15..
ப₄க்தே ததா₂ ததா₂ தத்த்வம் த்₃ரவதாம் யாத்யபீ₄க்ஷ்ணஶ꞉ .
ஏக ஏவா(அ)த்₃விதீயோ(அ)ஹம் ஸ்தி₂தோ(அ)ஸ்ம்யக்ஷரதா₄மநி .. 1 6. .
மந்மூர்தௌ தத்ர மே முக்தா ப்₃ரஹ்ம சா(அ)க்ஷரமித்யபி .
த்₃ரவந்தி ப்ரேமபா₃ஹுல்யாந்மே(அ)நுக்₃ரஹப₃லாத₃பி . . 17..
ததா₃ ஸம்ராட்₃விராஜே(அ)ஹம் ந கிஞ்சித்₃வ்யதிரிச்யதே .
முக்திம் ஸேயம் ததை₃க்யாத்மா(ஆ)ப்யதே தத்ஸ்தி₂திவேதி₃பி₄꞉ .. 18..
ஸ ஏகாகீ ந ரமதே சேச்ச₂த்₃த்₃விதீயமாத்மந꞉ .
ப்₃ரஹ்ம தச்சா(அ)க்ஷரம் தஸ்மாத்ப்ராது₃ர்பூ₄தம் மஹாத்மந꞉ . . 1 9..
த்₃வேதா₄(அ)பூ₄த்தந்நிராகாரம் ஸாகாரம் சேஶவாஞ்ச்ச₂யா .
நிராகாரம் பரம் தா₄ம யஸ்மாத்₃ தா₄மாநி ஜஜ்ஞிரே . . 1.2.20 . .
ஸாகாரம் ஸ்வஸமாகாரம் மூர்தம் மூர்த்யநுரூபகம் .
ஸ ஹரிஸ்து புநரைச்ச₂ந்நைகரூபத்வமாத்மந꞉ .. 21 ..
முக்தா அநாதி₃நஸ்தஸ்மாத்ப்ராது₃ர்பூ₄தா அநந்தஶ꞉ .
தத்ரா(ஆ)ஸம்ஸ்தந்மண்ட₃லாநி த்ரிபாதே₃ தி₃வி சாம்ருதே.. 22..
முக்தா ப்₃ரஹ்ம பரப்₃ரஹ்ம ப்₃ரஹ்மஸ்ருஷ்டிஸ்த்ரிகம் மதம் .
ரூபாநுரூபாவயவா தி₃வ்யா꞉ ஸர்வே ஸரூபிண꞉ .. 23 ..
ஆத்மரூபாணீந்த்₃ரியாணி தத்த்வா(அ)பி₄ந்நாநி ஸந்தி வை .
உபசாராத்து நாமாநி ரஸஶக்த்யாத்மகாநி ஹி .. 24..
மந꞉ ஶ்ரோத்ரம் ச வாக் சக்ஷுஸ்த்வக்₃ ரஸாதீ₃நி தாநி வை .
பூர்ணே சிந்ஹே(அ)பி கு₃ப்தா ந தத்₃ரதிர்வாஸநா ந ச .. 25..
அமாத்ருஜம் யதஸ்தத்ர கோஶஷட்கம் ந வித்₃யதே .
ப்ராணஸ்தத்ரா(ஆ)த்மந꞉ ஶக்தி꞉ காஶோ(அ)நாவரணாத்மதா .. 26..
ஸுஹிரண்யகேஶநக₂த₃ந்தா நைவ வியோகி₃ந꞉ .
ஸச்சித்₃ரூபைகமாநாஸ்தே ஸ்வாத்மகா꞉ ப்ரவிபா₄ந்தி ஹி .. 27..
தி₃வ்யா꞉ ஸர்வே ப்ரகாஶாஸ்தே ராஜந்தே தி₃வ்யதா₄மநி .
இத்யயம் ப்₃ரஹ்மலோகஸ்து ஔபநிஷத்₃ உச்யதே .. 28 ..
ப்₃ராஹ்மீ முக்திஸ்தநுர்ப்₃ராஹ்மீ ப்₃ரஹ்மாநந்தா₃நுபோ₄க்₃யதா .
ஸோ(அ)ஶ்நுதே ஸர்வகாமாம்ஸ்து ஸஹ ஶ்ரீஹரிணா ஸதா₃ .. 29..
இதி ஶ்ரீலக்ஷ்மீநாராயணீயஸம்ஹிதாயாம் ப்ரத₂மே க்ருதயுக₃ஸந்தாநே அக்ஷரதா₄ம்நி பரப்₃ரஹ்மப்₃ரஹ்மமுக்தாதீ₃நாம் த்₃ரவமுக்த்யா(அ)பி ஸாகாரதாத₃ர்ஶகோ த்₃விதீயோ(அ)த்₄யாய꞉ . . 2 . .