Devee chatuh'shasht'yupachaara poojaastotram

Ushasi maagadhamangalagaayanaih'
Jhat'iti jaagri'hi jaagri'hi jaagri'hi.
Atikri'paardrakat'aakshanireekshanaih'
Jagadidam' jagadamba sukheekuru .. 1 ..

Kanakamayavitardishobhamaanam'
Dishi dishi poornasuvarnakumbhayuktam.
Manimayamant'apamadhyamehi maatah'
Mayi kri'payaashu samarchanam' graheetum .. 2 ..

Kanakakalashashobhamaanasheersham'
Jaladharalambi samullasatpataakam.
Bhagavati tava sam'nivaasahetoh'
Manimayamandirametadarpayaami .. 3 ..

Tapaneeyamayee sutoolikaa
Kamaneeyaa mri'dulottarachchhadaa.
Navaratnavibhooshitaa mayaa
Shibikeyam' jagadamba te arpitaa .. 4 ..

Kanakamayavitardisthaapite toolikaad'haye
Vividhakusumakeerne kot'ibaalaarkavarne.
Bhagavati ramaneeye ratnasim'haasane asmin
Upavisha padayugmam' hemapeet'he nidhaaya .. 5 ..

Manimauktikanirmitam' mahaantam'
Kanakastambhachatusht'ayena yuktam.
Kamaneeyatamam' bhavaani tubhyam'
Navamullochamaham' samarpayaami .. 6 ..

Doorvayaa sarasijaanvitavishnu-
Kaantayaa cha sahitam' kusumaad'hyam.
Padmayugmasadri'she padayugme
Paadyametadurareekuru maatah' ..7..

Gandhapushpayavasarshapadoorvaa-
Sam'yutam' tilakushaakshatamishram.
Hemapaatranihitam' saha ratnaih'
Adhyarmetadurareekuru maatah' .. 8 ..

Jalajadyutinaa karena jaatee-
Phalatakkolalavangagandhayuktaih'.
Amri'tairamri'taurivaatisheetaih'
Bhagavatyaachamanam' vidheeyataam .. 9 ..

Nihitam' kanakasya samput'e
Pihitam' ratnapidhaanakena yat.
Tadidam' jagadamba te arpitam'
Madhuparkam' janani pragri'hyataam .. 10 ..

Etachchampakatailamamba vividhaih' pushpaih' muhurvaasitam'
Nyastam' ratnamaye suvarnachashake bhri'ngaih' bhramadbhih' vri'tam.
Saanandam' surasundareebhirabhito hastaih' dhri'tam' te mayaa
Kesheshu bhramarabhrameshu sakaleshvangeshu chaalipyate .. 11 ..

'
Maatah' kunkumapankanirmitamidam' dehe tavodvartanam'
Bhaktyaaham' kalayaami hemarajasaa sam'mishritam' kesaraih'.
Keshaanaamalakaih' vishodhya vishadaankastoorikodanchitaih'
Snaanam' te navaratnakumbhasahitaih' sam'vaasitoshnodakaih' .. 12 ..

Dudhidugdhaghri'taih' samaakshikaih'
Sitayaa sharkarayaa samanvitaih'.
Snapayaami tavaahamaadaraat
Janani tvaam' punarushnavaaribhih' .. 13 ..'
Elosheerasuvaasitaih' sakusumairgangaadi teerthodakaih'
Maanikyaamalamauktikaamri'tarasaih' svachchhaih' suvarnodakaih'.
Mantraanvaidikataantrikaanparipat'hansaanandamatyaadaraat
Snaanam' te parikalpayaami janani snehaattvamangeekuru .. 14 ..

Baalaarkadyuti daad'imeeyakusumapraspardhi sarvottamam'
Maatastvam' paridhehi divyavasanam' bhaktyaa mayaa kalpitam.
Muktaabhih' grathitam' sukanchukamidam' sveekri'tya peetaprabham'
Taptasvarnasamaanavarnamatulam' praavarnamangeekuru .. 15 ..

Navaratnamaye mayaarpite
Kamaneeye tapaneeyapaaduke.
Savilaasamidam' padadvayam'
Kri'payaa devi tayornidheeyataam .. 16 ..

Bahubhiragarudhoopaih' saadaram' dhoopayitvaa
Bhagavati tava keshaankankatairmaarjayitvaa.
Surabhibhiraravindaishchampakaishchaarchayitvaa
Jhat'iti kanakasootrairjoot'ayanvesht'ayaami .. 17 ..

Sauveeraanjanamidamamba chakshushoste
Vinyastam' kanakashalaakayaa mayaa yat.
Tannyoonam' malinamapi tvadakshisangaat
Brahmendraadyabhilashaneeyataamiyaaya .. 18 ..

Manjeere padayornidhaaya ruchiraam' vinyasya kaancheem' kat'au
Muktaahaaramurojayoranupamaam' nakshatramaalaam' gale.
Keyooraani bhujeshu ratnavalayashreneem' kareshu kramaa-
Ttaat'anke tava karnayorvinidadhe sheershe cha chood'aamanim .. 19 ..

Dhammille tava devi hemakusumaanyaadhaaya phaalasthale
Muktaaraajiviraajamaanatilakam' naasaaput'e mauktikam.
Maatarmauktikajaalikaam' cha kuchayoh' sarvaanguleeshoormikaah'
Kat'akhaam' kaanchanakinkineervinidadhe ratnaavatam'sam' shrutau .. 20 ..

Maatah' phaalatale tavaativimale kaashmeerakastoorikaa-
Karpooraagarubhih' karomi tilakam' dehe angaraagam' tatah'.
Vakshojaadishu yakshakardamarasam' siktvaa cha pushpadravam'
Paadau chandanalepanaadibhiraham' sampoojayaami kramaat .. 21 ..

Ratnaakshataistvaam' paripoojayaami
Muktaaphalairvaa ruchirairaviddhaih'.
Akhand'itairdevi yavaadibhirvaa
Kaashmeerapankaankitatand'ulairvaa .. 22 ..

Janani champakatalaimidam' puro
Mri'gamadopayutam' pat'avaasakam.
Surabhigandhamidam' cha chatuh'samam'
Sapadi sarvamidam' parigri'hyataam .. 23 ..

Seemante te bhagavati mayaa saadaram' nyastametat
Sindooram' me hri'dayakamale harshavarsham' tanoti.
Baalaadityadyutiriva sadaa lohitaa yasya kaantee-
Rantardhvaantam' harati sakalam' chetasaa chintayaiva .. 24 ..

Mandaarakundakaraveeralavangapushpaih'
Tvaam' devi santatam' aham' paripoojayaami.
Jaateejapaavakulachampakaketakaadi-
Naanaavidhaani kusumaani cha te arpayaami .. 25 ..

Maalateevakulahemapushpikaa-
Kaanchanaarakaraveerakaitakaih'.
Karnikaaragirikarnikaadibhih'
Poojayaami jagadamba te vapuh' .. 26 ..

Paarijaatashatapatrapaat'alaih'
Mallikaavakulachampakaadibhih'.
Ambujaih' sukusumaishcha saadaram'
Poojayaami jagadamba te vapuh' .. 27 ..

Laakshaasam'militaih' sitaabhrasahitaih' shreevaasasam'mishritaih'
Karpooraakalitaih' shirairmadhuyutairgosarpishaa lod'itaih'.
Shreekhand'aagarugugguluprabhri'tibhirnaanaavidhairvasttubhih'
Dhoopam' te parikalpayaami janani snehaattvamangeekuru .. 28 ..

Ratnaalankri'tahemapaatranihitairgosarpishaa lod'itaih'
Deepairdeerghataraandhakaarabhidurairbaalaarkakot'iprabhaih'.
Aataamrajvaladujjvalapravilasadratnapradeepaistathaa
Maatastvaamahamaadaraadanudinam' neeraajayaamyuchchakaih' .. 29 ..

Maatastvaam' dadhidugdhapaayasamahaashaalyannasantaanikaah'
Soopaapoopasitaaghri'taih' savat'akaih' sakshaudrarambhaaphalaih'.
Elaajeerakahingunaagaranishaakustumbhareesam'skri'taih'
Shaakaih' saakamaham' sudhaadhikarasaih' santarpayaamyarchayan .. 30 ..

Saapoopasoopadadhidugdhasitaaghri'taani
Susvaadubhaktaparamaannapurah'saraani.
Shaakollasanmarichijeerakabaahnikaani
Bhakshyaani bhunkshva jagadamba mayaarpitaani .. 31 ..

Ksheerametadidam'muttamottamam'
Praajyamaajyamidamujjvalam' madhu.
Maataretadamri'topamam' payah'
Sambhramena paripeeyataam' muhuh' .. 32 ..

Ushnodakaih' paaniyugam' mukham' cha
Prakshaalya maatah' kaladhautapaatre.
Karpooramishrena sakunkumena
Hastau samudvartaya chandanena .. 33 ..

Atisheetamusheeravaasitam'
Tapaneeye kalashe niveshitam.
Pat'apootamidam' jitaamri'tam'
Shuchi gangaajalamamba peeyataam .. 34 ..

Jambavaamrarambhaaphalasam'yutaani
Draakshaaphalakshaudrasamanvitaani.
Sanaarikelaani sadaad'imaani
Phalaani te devi samarpayaami .. 35 ..

Kooshmaand'akoshaatakisam'yutaani
Jambeeranaarangasamanvitaani.
Sabeejapooraani sabaadaraani
Phalaani te devi samarpayaami .. 36 ..

Karpoorena yutairlavangasahitaistakkolachoornaanvitaih'
Susvaadukramukaih' sagaurakhadiraih' susnigdhajaateephalaih'.
Maatah' kaitakapatrapaand'uruchibhistaamboolavalleedalaih'
Saanandam' mukhamand'anaarthamatulam' taamboolamangeekuru .. 37 ..

Elaalavangaadisamanvitaani
Takkolakarpooravimishritaani.
Taamboolavalleedalasam'yutaani
Poogaani te devi samarpayaami .. 38 ..

Taamboolanirjitasutaptasuvarnavarnam'
Svarnaaktapoogaphalamauktikachoornayuktam.
Sauvarnapaatranihitam' khadirena saardham'
Taamboolamamba vadanaamburuhe gri'haana .. 39 ..

Mahati kanakapaatre sthaapayitvaa vishaalaan
D'amarusadri'sharoopaanbaddhagodhoomadeepaan.
Bahughri'tamatha teshu nyasya deepaanprakri'sht'aa-
Nbhuvanajanani kurve nityamaaraartikam' te .. 40 ..

Savinayamatha datvaa jaanuyugmam' dharanyaam'
Sapadi shirasi dhri'tvaa paatramaaraartikasya.
Mukhakamalasameepe te amba saartham' trivaaram'
Bhramayati mayi bhooyaatte kri'paardrah' kat'aakshah' .. 41 ..

Tribhuvanakamaneeyaih' poojayitvaa cha vastraih'.
Militavividhamuktaam' divyamaanikyayuktaam'
Janani kanakavri'sht'im' dakshinaam' te arpayaami .. 42 ..

Maatah' kaanchanadand'amand'itamidam' poornendubimbaprabham'
Naanaaratnavishobhihemakalasham' lokatrayaahlaadakam.
Bhaasvanmauktikajaalikaaparivri'tam' preetyaatmahaste dhri'tam'
Chhatram' te parikalpayaami shirasi tvasht'raa svayam' nirmitam .. 43 ..

Sharadindumareechigaurabarnai-
Rmanimuktaavilasatsuvarnadand'aih'.
Jagadamba vichitrachaamaraistvaa-
Mahamaanandabharena beejayaami .. 44 ..

Maartaand'amand'alanibho jagadamba yo ayam'
Bhaktyaa mayaa manimayo mukuro arpitaste.
Poornendubimbaruchiram' vadanam' svakeeya-
Masminvilokaya vilolavilochane tvam .. 45 ..

Indraadayo natinatairmakut'apradeepai-
Rneeraajayanti satatam' tava paadapeet'ham.
Tasmaadaham' tava samastashareerameta-
Nneeraajayaami jagadamba sahasradeepaih' .. 46 ..

Priyagatiratitungo ratnapalyaanayuktah'
Kanakamayavibhooshah' snigdhagambheeraghoshah'.
Bhagavati kalito ayam' vaahanaartham' mayaa te
Turagashatasameto vaayuvegasturangah' .. 47 ..

Madhukaravri'takumbhanyastasindoorarenuh'
Kanakakalitaghant'aakinkaneeshobhikant'hah'.
Shravanayugalachanchachchaamaro meghatulyo
Janani tava mude syaanmattamaatanga eshah' .. 48 ..

Drutataraturagairviraajamaanam'
Manimayachakrachatusht'ayena yuktam.
Kanakamayamamum' vitaanavantam'
Bhagavati te hi ratham' samarpayaami .. 49 ..

Hayagajarathapattishobhamaanam'
Dishi dishi dundubhimeghanaadayuktam.
Atibahu chaturangasainyameta-
Dbhagavati bhaktibharena te arpayaami .. 50 ..

Parigheekri'tasaptasaagaram'
Bahusampatsahitam' mayaamba te vipulam.
Prabalam' dharaneetalaabhidham'
Dri'd'hadurgam' nikhilam' samarpayaami .. 51 ..

Shatapatrayutaih' svabhaavasheetaih'
Atisaurabhyayutaih' paraagapeetaih'.
Bhramareemukhareekri'tairanantaih'
Vyajanaistvaam' jagadamba veejayaami .. 52 ..

Bhramaralulitalolakuntalaalee-
Vigalitamaalyavikeernarangabhoomih'.
Iyamatiruchiraa nat'ee nat'antee
Tava hri'daye mudamaatanotu maatah' .. 53 ..

Mukhanayanavilaasalolavenee-
Vilasitanirjitalolabhri'ngamaalaah'.
Yuvajanasukhakaarichaaruleelaa
Bhagavati te purato nat'anti baalaah' .. 54 ..

Bhramadalikulatulyaaloladhammillabhaaraah'
Smitamukhakamalodyaddivyalaavanyapooraah'.
Anupamitasuveshaa vaarayoshaa nat'anti
Parabhri'takalakant'hyo devi dainyam' dhunotu .. 55 ..

D'amarud'ind'imajarjharajhallaree-
Mri'duravadragad'addragad'aadayah'.
Jhat'iti jhaankri'tajhaankri'tajhaankri'taih'
Bahudayam' hri'dayam' sukhayantu te .. 56 ..

Vipancheeshu saptasvaraanvaadayantya-
Stava dvaari gaayanti gandharvakanyaah'.
Kshanam' saavadhaanena chittena maatah'
Samaakarnaya tvam' mayaa praarthitaasi .. 57 ..

Abhinayakamaneeyairnartanairnartakeenaam'
Kshanamapi ramayitvaa cheta etattvadeeyam.
Svayamahamatichitairnri'ttavaaditrageetaih'
Bhagavati bhavadeeyam' maanasam' ranjayaami .. 58 ..

Tava devi gunaanuvarnane
Chaturaa no chaturaananaadayah'.
Tadihaikamukheshu jantushu
Stavanam' kastava kartumeeshvarah' .. 59 ..

Pade pade yatparipoojakebhyah' sadyo ashvamedhaadiphalam' dadaati.
Tatsarvapaapakshaya hetubhootam' pradakshinam' te paritah' karomi .. 60 ..

Raktotpalaaraktalataaprabhaabhyaam' dhvajordhvarekhaakulishaankitaabhyaam.
Asheshabri'ndaarakavanditaabhyaam' namo bhavaaneepadapankajaabhyaam .. 61 ..

Charananalinayugmam' pankajaih' poojayitvaa
Kanakakamalamaalaam' kant'hadeshe arpayitvaa.
Shirasi vinihito ayam' ratnapushpaanjaliste
Hri'dayakamalamadhye devi harsham' tanotu .. 62 ..

Kanakamayavitaanaraajamaane.
Prasaradagarudhoopadhoopite asmi-
Nbhagavati bhavane astu te nivaasah' .. 63 ..

Etasminmanikhachite suvarnapeet'he
Trailokyaabhayavaradau nidhaaya hastau.
Visteerne mri'dulatarottarachchhade asmi-
Nparyanke kanakamaye nisheeda maatah' .. 64 ..

Tava devi sarojachihnayoh' padayornirjitapadmaraagayoh'.
Atiraktatarairalaktakaih' punaruktaam' rachayaami raktataam .. 65 ..

Tapaneeyamaye hi pat't'ake mukhagand'oochajalam' vidheeyataam .. 66 ..

Kshanamatha jagadamba manchake asmi-
Nmri'dutalatoolikayaa viraajamaane.
Atirahasi mudaa shivena saardham'
Sukhashayanam' kuru tatra maam' smarantee .. 67 ..

Muktaakundendugauraam' manimayakut'aam' ratnataat'ankayuktaa-
Makshasrakpushpahastaamabhayavarakaraam' chandrachood'aam' trinetraam.
Naanaalankaarayuktaam' suramakut'amanidyotitasvarnapeet'haam'
Saanandaam' suprasannaam' tribhuvanajananeem' chetasaa chintayaami .. 68 ..

Eshaa bhaktyaa tava virachitaa yaa mayaa devi poojaa
Sveekri'tyainaam' sapadi sakalaanme aparaadhaankshamasva.
Nyoonam' yattattava karunayaa poornataametu sadyah'
Saanandam' me hri'dayakamale te astu nityam' nivaasah' .. 69 ..

Poojaamimaam' yah' pat'hati prabhaate
Madhyaahnakaale yadi vaa pradoshe.
Dhramaarthakaamaanpurusho abhyupaiti
Dehaavasaane shivabhaavameti .. 70 ..

Poojaamimaam' pat'hennityam' poojaam' kartumaneeshvarah'.
Poojaaphalamavaapnoti vaanchhitaartham' cha vindati .. 71 ..

Pratyaham' bhaktisam'yukto yah' poojanamidam' pat'het.
Vaagvaadinyaah' prasaadena vatsaraatsa kavirbhavet .. 72 ..

.. Iti shreematparamaham'saparivraajakaachaaryasya shreegovindabhagavatpoojyapaadashishyasya shreemachchhankarabhagavatah' kri'tau deveechatuh'shasht'yupachaarapoojaastotram' sampoornam ..