.. Shreelakshmee asht'ottarashatanaamastotram ..
.. Shreelakshmyasht'ottarashatanaamastotram ..
Devyuvaacha
Devadeva mahaadeva trikaalajnya maheshvara .
Karunaakara devesha bhaktaanugrahakaaraka .
Asht'ottarashatam' lakshmyaah' shrotumichchhaami tattvatah' .. 1..
Eeshvara uvaacha
Devi saadhu mahaabhaage mahaabhaagyapradaayakam .
Sarvaishvaryakaram' punyam' sarvapaapapranaashanam .. 2..
Sarvadaaridryashamanam' shravanaadbhuktimuktidam .
Raajavashyakaram' divyam' guhyaadguhyatamam' param .. 3..
Durlabham' sarvadevaanaam' chatuh'shasht'ikalaaspadam .
Padmaadeenaam' varaantaanaam' vidheenaam' nityadaayakam .. 4..
Samastadevasam'sevyamanimaadyasht'asiddhidam .
Kimatra bahunoktena devee pratyakshadaayakam .. 5..
Tava preetyaadya vakshyaami samaahitamanaah' shri'nu .
Asht'ottarashatasyaasya mahaalakshmeestu devataa .. 6..
Kleembeejapadamityuktam' shaktistu bhuvaneshvaree .
Anganyaasah' karanyaasah' sa ityaadih' prakeertitah' .. 7..
Vande padmakaraam' prasannavadanaam' saubhaagyadaam' bhaagyadaam'
Hastaabhyaamabhayapradaam' maniganairnaanaavidhairbhooshitaam .
Bhaktaabheesht'aphalapradaam' hariharabrahmaadibhih' sevitaam'-
Paarshve pankajashankhapadmanidhibhiryuktaam' sadaa shaktibhih' .. 8..
Sarasijanayane sarojahaste
Dhavalatamaam'shukagandhamaalyashobhe .
Bhagavati harivallabhe manojnye
Tribhuvanabhootikari praseeda mahyam .. 9..
Prakri'tim' vikri'tim' vidyaam' sarvabhootahitapradaam .
Shraddhaam' vibhootim' surabhim' namaami paramaatmikaam .. 10..
Vaacham' padmaalayaam' padmaam' shuchim' svaahaam' svadhaam' sudhaam .
Dhanyaam' hiranmayeem' lakshmeem' nityapusht'aam' vibhaavareem .. 11..
Aditim' cha ditim' deeptaam' vasudhaam' vasudhaarineem .
Namaami kamalaam' kaantaam' kaamaaksheem' krodhasambhavaam .. 12..
Anugrahapadaam' buddhimanaghaam' harivallabhaam .
Ashokaamamri'taam' deeptaam' lokashokavinaashineem .. 13..
Namaami dharmanilayaam' karunaam' lokamaataram .
Padmapriyaam' padmahastaam' padmaaksheem' padmasundareem .. 14..
Padmodbhavaam' padmamukheem' padmanaabhapriyaam' ramaam .
Padmamaalaadharaam' deveem' padmineem' padmagandhineem .. 15..
Punyagandhaam' suprasannaam' prasaadaabhimukheem' prabhaam .
Namaami chandravadanaam' chandraam' chandrasahodareem .. 16..
Chaturbhujaam' chandraroopaamindiraamindusheetalaam .
Aahlaadajananeem' pusht'im' shivaam' shivakareem' sateem .. 17..
Vimalaam' vishvajananeem' tusht'im' daaridryanaashineem .
Preetipushkarineem' shaantaam' shuklamaalyaambaraam' shriyam .. 18..
Bhaaskareem' bilvanilayaam' varaarohaam' yashasvineem .
Vasundharaamudaaraangeem' harineem' hemamaalineem .. 19..
Dhanadhaanyakareem' siddhim' sadaa saumyaam' shubhapradaam .
Nri'paveshmagataanandaam' varalakshmeem' vasupradaam .. 20..
Shubhaam' hiranyapraakaaraam' samudratanayaam' jayaam .
Namaami mangalaam' deveem' vishnuvakshah'sthalasthitaam .. 21..
Vishnupatneem' prasannaaksheem' naaraayanasamaashritaam .
Daaridryadhvam'sineem' deveem' sarvopadravahaarineem .. 22..
Navadurgaam' mahaakaaleem' brahmavishnushivaatmikaam .
Trikaalajnyaanasampannaam' namaami bhuvaneshvareem .. 23..
Lakshmeem' ksheerasamudraraajatanayaam' shreerangadhaameshvareem
Daaseebhootasamastadevavanitaam' lokaikadeepaankuraam .
Shreemanmandakat'aakshalabdhavibhavabrahmendragangaadharaam
Tvaam' trailokyakut'umbineem' sarasijaam' vande mukundapriyaam .. 24..
Maatarnamaami kamale kamalaayataakshi
Shreevishnuhri'tkamalavaasini vishvamaatah' .
Ksheerodaje kamalakomalagarbhagauri
Lakshmi praseeda satatam' namataam' sharanye .. 25..
Trikaalam' yo japedvidvaan shanmaasam' vijitendriyah' .
Daaridryadhvam'sanam' kri'tvaa sarvamaapnotyayatnatah' .. 26..
Deveenaamasahasreshu punyamasht'ottaram' shatam .
Yena shriyamavaapnoti kot'ijanmadaridratah' .. 27..
Bhri'guvaare shatam' dheemaan pat'hedvatsaramaatrakam
Asht'aishvaryamavaapnoti kubera iva bhootale .. 28..
Daaridryamochanam' naama stotramambaaparam' shatam .
Yena shriyamavaapnoti kot'ijanmadaridritah' .. 29..
Bhuktvaa tu vipulaan bhogaan ante saayujyamaapnuyaat .
Praatah'kaale pat'hennityam' sarvaduh'khopashaantaye .
Pat'ham'stu chintayeddeveem' sarvaabharanabhooshitaam .. 30..