ஹரிஸ்தோத்ரம்

ஜக₃ஜ்ஜாலபாலம் கசத்கண்ட₂மாலம்
ஶரச்சந்த்₃ரபா₄லம் மஹாதை₃த்யகாலம் .
நபோ₄நீலகாயம் து₃ராவாரமாயம்
ஸுபத்₃மாஸஹாயம் ப₄ஜே(அ)ஹம் ப₄ஜே(அ)ஹம் .. 1..

ஸதா₃ம்போ₄தி₄வாஸம் க₃லத்புஷ்பஹாஸம்
ஜக₃த்ஸந்நிவாஸம் ஶதாதி₃த்யபா₄ஸம் .
க₃தா₃சக்ரஶஸ்த்ரம் லஸத்பீதவஸ்த்ரம்
ஹஸச்சாருவக்த்ரம் ப₄ஜே(அ)ஹம் ப₄ஜே(அ)ஹம் .. 2..

ரமாகண்ட₂ஹாரம் ஶ்ருதிவ்ராதஸாரம்
ஜலாந்தர்விஹாரம் த₄ராபா₄ரஹாரம் .
சிதா₃நந்த₃ரூபம் மநோஜ்ஞஸ்வரூபம்
த்₄ருதாநேகரூபம் ப₄ஜே(அ)ஹம் ப₄ஜே(அ)ஹம் .. 3..

ஜராஜந்மஹீநம் பராநந்த₃பீநம்
ஸமாதா₄நலீநம் ஸதை₃வாநவீநம் .
ஜக₃ஜ்ஜந்மஹேதும் ஸுராநீககேதும்
த்ரிலோகைகஸேதும் ப₄ஜே(அ)ஹம் ப₄ஜே(அ)ஹம் .. 4..

க்ருதாம்நாயகா₃நம் க₂கா₃தீ₄ஶயாநம்
விமுக்தேர்நிதா₃நம் ஹராராதிமாநம் .
ஸ்வப₄க்தாநுகூலம் ஜக₃த்₃வ்ருக்ஷமூலம்
நிரஸ்தார்தஶூலம் ப₄ஜே(அ)ஹம் ப₄ஜே(அ)ஹம் .. 5..

ஸமஸ்தாமரேஶம் த்₃விரேபா₂ப₄கேஶம்
ஜக₃த்₃பி₃ம்ப₃லேஶம் ஹ்ருதா₃காஶதே₃ஶம் .
ஸதா₃ தி₃வ்யதே₃ஹம் விமுக்தாகி₂லேஹம்
ஸுவைகுண்ட₂கே₃ஹம் ப₄ஜே(அ)ஹம் ப₄ஜே(அ)ஹம் .. 6..

ஸுராலிப₃லிஷ்ட₂ம் த்ரிலோகீவரிஷ்ட₂ம்
கு₃ரூணாம் க₃ரிஷ்ட₂ம் ஸ்வரூபைகநிஷ்ட₂ம் .
ஸதா₃ யுத்₃த₄தீ₄ரம் மஹாவீரவீரம்
மஹாம்போ₄தி₄தீரம் ப₄ஜே(அ)ஹம் ப₄ஜே(அ)ஹம் .. 7..

ரமாவாமபா₄க₃ம் தலாநக்₃ரநாக₃ம்
க்ருதாதீ₄நயாக₃ம் க₃தாராக₃ராக₃ம் .
முநீந்த்₃ரை꞉ ஸுகீ₃தம் ஸுரை꞉ ஸம்பரீதம்
கு₃ணௌதை₄ரதீதம் ப₄ஜே(அ)ஹம் ப₄ஜே(அ)ஹம் .. 8..

.. ப₂லஶ்ருதி ..

இத₃ம் யஸ்து நித்யம் ஸமாதா₄ய சித்தம்
படே₂த₃ஷ்டகம் கண்ட₂ஹாரம் முராரே꞉ .
ஸ விஷ்ணோர்விஶோகம் த்₄ருவம் யாதி லோகம்
ஜராஜந்மஶோகம் புநர்விந்த₃தே நோ .. 9..