அத₂ ஶ்ரீஸுத₃ர்ஶநஶதகம்

ஶ்ரீஸுத₃ர்ஶநாய நம꞉
ஸௌத₃ர்ஶந்யுஜ்ஜிஹாநா தி₃ஶி விதி₃ஶி திரஸ்க்ருத்ய ஸாவித்ரமர்சி-
ர்பா₃ஹ்யாபா₃ஹ்யாந்த₄காரக்ஷதஜக₃த₃க₃த₃ங்காரபூ₄ம்நா ஸ்வதா₄ம்நா .
தோ₃꞉க₂ர்ஜூதூ₃ரக₃ர்ஜத்₃விபு₃த₄ரிபுவதூ₄கண்ட₂வைகல்யகல்யா
ஜ்வாலா ஜாஜ்வல்யமாநா விதரது ப₄வதாம் வீப்ஸயா(அ)பீ₄ப்ஸிதாநி .. 1..

ப்ரத்யுத்₃யாதம் மயூகை₂ர்நப₄ஸி தி₃நக்ருத꞉ ப்ராப்தஸேவம் ப்ரபா₄பி₄-
ர்பூ₄மௌ ஸௌமேரவீபி₄ர்தி₃வி வரிவஸிதம் தீ₃ப்திபி₄ர்தே₃வதா₄ம்நாம் .
பு₄யஸ்யை பூ₄தயே வ꞉ ஸ்பு₂ரது ஸகலதி₃க்₃ப்₄ராந்தஸாந்த்₃ரஸ்பு₂லிங்க₃ம்
சாக்ரம் ஜாக்₃ரத்ப்ரதாபம் த்ரிபு₄வநவிஜயவ்யக்₃ரமுக்₃ரம் மஹஸ்தத் .. 2..

பூர்ணே பூரை꞉ ஸுதா₄நாம் ஸுமஹதி லஸதஸ்ஸோமபி₃ம்பா₃லவாலே-
பா₃ஹாஶாகா₂வருத்₃த₄க்ஷிதிக₃க₃நதி₃வஶ்சக்ரராஜத்₃ருமஸ்ய .
ஜ்யோதிஶ்ச₂த்₃மா ப்ரவால꞉ ப்ரகடிதஸுமநஸ்ஸம்பது₃த்தம்ஸலக்ஷ்மீம்
புஷ்ணந்நாஶாமுகே₂ஷு ப்ரதி₃ஶது ப₄வதாம் ஸப்ரகர்ஷம் ப்ரஹர்ஷம் .. 3..

ஆராதா₃ராத்ஸஹஸ்ராத்₃விஸரதி விமதக்ஷேபத₃க்ஷாத்₃யத₃க்ஷா-
ந்நாபே₄ர்பா₄ஸ்வத்ஸநாபே₄ர்நிஜவிப₄வபரிச்சி₂ந்நபூ₄மேஶ்ச நேமே꞉ .
ஆம்நாயைரேககண்டை₂꞉ ஸ்துதமஹிம மஹோ மாத₄வீயஸ்ய ஹேதே-
ஸ்தத்₃வோ தி₃க்ஷ்வேத₄மாநம் சதஸ்ருஷு சதுர꞉ புஷ்யதாத்பூருஷார்தா₂ந் .. 4..

ஶ்யாமம் தா₄மப்ரஸ்ருத்யா க்வசந ப₄க₃வத꞉ க்வாபி ப₃ப்₄ரு ப்ரக்ருத்யா
ஶுப்₄ரம் ஶேஷஸ்ய பா₄ஷா க்வசந மணிருசா க்வாபி தஸ்யைவ ரக்தம் .
நீலம் ஶ்ரீநேத்ரகாந்த்யா க்வசித₃பி மிது₂நஸ்யாதி₃மஸ்யேவ சித்ரம்
வ்யாப்தந்வாநம் விதாநஶ்ரியமுபசிநுதாச்ச₂ர்ம வஶ்சக்ரபா₄நம் .. 5..

ஶம்ஸந்த்யுந்மேஷமுச்சோ₂ஷிதபரமஹஸோ பா₄ஸ்வத꞉ கைடபா₄ரே-
ரிந்தே₄ ஸந்த்₄யேவ நக்தஞ்சரவிலயகரீ யா ஜக₃த்₃வந்த₃நீயா .
ப₃ந்தூ₄கச்சா₂யப₃ந்து₄ச்ச₂விக₄டிதக₄நச்சே₂த₃மேத₃ஸ்விநீ ஸா
ராதா₂ங்கீ₃ ரஶ்மிப₄ங்கீ₃ ப்ரணுத₃து ப₄வதாம் ப்ரத்யஹோத்தா₂நமேந꞉ .. 6..

ஸாம்யம் தூ₄ம்யாப்ரவ்ருத்₃த்₄யா ப்ரகடயதி நப₄ஸ்தாரகாஜாலகாநி
ஸ்பௌ₂லிங்கீ₃ம் யாந்தி காந்திம் தி₃ஶதி யது₃த₃யே மேருரங்கா₃ரஶங்காம் .
அக்₃நிர்மக்₃நார்சிரைக்யம் ப₄ஜதி தி₃நநிஶாவல்லபௌ₄ து₃ர்லபா₄பௌ₄
ஜ்வாலாவர்தாவிவ ஸ்த꞉ ப்ரஹரணபதிஜம் தா₄ம வஸ்தத்₃தி₄நோது .. 7..

த்₃ருஷ்டே(அ)தி₄வ்யோமசக்ரே விகசநவஜபாஸந்நிகாஶே ஸகாஶம்
ஸ்வர்பா₄நுர்பா₄நுரேஷ ஸ்பு₂டமிதி கலயந்நாக₃தோ வேக₃தோ(அ)ஸ்ய .
நிஷ்டப்தோ யைர்நிவ்ருத்தோ விது₄மிவ ஸஹஸா ஸ்ப்ரஷ்டுமத்₃யாபி நேஷ்டே
க₄ர்மாம்ஶும் தே க₄டந்தாமஹிதவிஹதயே பா₄நவோ பா₄ஸ்வரா வ꞉ .. 8..

தே₃வம் ஹேமாத்₃ரிதுங்க₃ம் ப்ருது₂பு₄ஜஶிக₂ரம் பி₃ப்₄ரதீம் மத்₄யதே₃ஶே
நாபி₄த்₃வீபாபி₄ராமாமரவிபிநவதீம் ஶேஷஶீர்ஷாஸநஸ்தா₂ம் .
நேமிம் பர்யாயபூ₄மிம் தி₃நகரகிரணாத்₃ருஷ்டஸீம꞉பரீத்ய
ப்ரீத்யை வஶ்சக்ரவாலாசல இவ விலஸந்நஸ்து தி₃வ்யாஸ்த்ரரஶ்மி꞉ .. 9..

ஏகம் லோகஸ்ய சக்ஷுர்த்₃விவித₄மபநுத₃த்கர்ம நம்ரத்ரிநேத்ரம்
தா₃த்ரர்தா₂நாம் சதுர்ணாம் க₃மயத₃ரிக₃ணம் பஞ்சதாம் ஷட்₃கு₃ணாட்₄யம் .
ஸப்தார்சி꞉ஶோஷிதாஷ்டாபத₃நவகிரணஶ்ரேணிரஜ்யத்₃த₃ஶாம்ஶம்
பர்யஸ்யாத்₃வ꞉ ஶதாங்கா₃வயவபரிவ்ருட₄ஜ்யோதிரீதீ꞉ ஸஹஸ்ரம் .. 10..

உச்சண்டே₃ யச்சி₂க₂ண்டே₃ நிபி₃ட₃யதி நப₄꞉ க்ரோட₃மர்கோ(அ)டதி த்₃யா-
மப்₄யஸ்ய ப்ரௌட₄தாபக்₃லபிதவபுரபோ பி₃ப்₄ரதீரப்₄ரபங்க்தீ꞉ .
த₄த்தே ஶுஷ்யத்ஸுதோ₄த்ஸோ விது₄ரபமது₄ந꞉ க்ஷௌத்₃ரகோஶஸ்ய ஸாம்யம்
ரக்ஷந்த்வஸ்த்ரப்ரபோ₄ஸ்தே ரசிதஸுசரிதவ்யுஷ்டயோ கு₄ஷ்டயோ꞉ வ꞉ .. 11..

பத்₃மௌகோ₄ தீ₃ர்கி₄காம்ப₄ஸ்யவநித₄ரதடே கை₃ரிகாம்பு₃ப்ரபாத꞉
ஸிந்தூ₃ரம் குஞ்ஜராணாம் தி₃ஶி தி₃ஶி க₃க₃நே ஸாந்த்₄யமேக₄ப்ரப₃ந்த₄꞉ .
பாராவாரே ப்ரவாலோ வநபு₄வி ச ததா₂ ப்ரேக்ஷ்யமாண꞉ ப்ரமுக்₃தை₄꞉
ஸாதி₄ஷ்ட₂ம் வ꞉ ப்ரமோத₃ம் ஜநயது த₃நுஜத்₃வேஷிணஸ்த்வைஷராஶி꞉ .. 12..

பா₄நோ பா₄ நோ த்வதீ₃யா ஸ்பு₂ரதி குமுதி₃நீமித்ர தே குத்ர தேஜ-
ஸ்தாராஸ்தாராத₃தீ₄ரோ(அ)ஸ்யநல ந ப₄வத꞉ ஸ்வைரமைரம்மதா₃ர்சி꞉ .
ஶம்ஸந்தீத்த₂ம் நப₄꞉ஸ்தா₂ யது₃த₃யஸமயே சக்ரராஜாம்ஶவஸ்தே
யுஷ்மாகம் ப்ரௌட₄தாபப்ரப₄வக₃தா₃பக்ரமாய க்ரமந்தாம் .. 13..

ஜக்₃த்₄வா கர்ணேஷு தூ₃ர்வாங்குரமரிஸுத்₃ருஶாமக்ஷிஷு ஸ்வர்வதூ₄நாம்
பீத்வா சாம்ப₄ஶ்சரந்த்ய꞉ ஸவ்ருஷமநுக₃தா வல்லவேநாதி₃மேந .
கா₃வோ வஶ்சக்ரப₄ர்து꞉ பரமம்ருதரஸம் ப்ரஶ்ரிதாநாம் து₃ஹாநா꞉
ருத்₃தி₄ம் ஸ்வாலோகலுப்தத்ரிபு₄நதமஸ꞉ ஸாநுப₃ந்தா₄ம் த₃த₃ந்தாம் .. 14..

ஸேநாம் ஸேநாம் மகோ₄நோ மஹதி ரணமுகே₂(அ)லம் ப₄யம் லம்ப₄யந்தீ-
ருத்ஸேகோஷ்ணாலுதோ₃ஷ்ணாம் ப்ரத₂மதி₃விஷதா₃மாவலீர்யாவலீடே₄ .
விஶ்வம் விஶ்வம்ப₄ராத்₃யம் ரத₂பத₃தி₄பதேர்லீலயா பாலயந்தீ
ருத்₃தி₄꞉ ஸா தீ₃தி₄தீநாம் வ்ருஜிநமநுஜநுர்மார்ஜயத்வார்ஜிதம் வ꞉ .. 15..

தப்தா ஸ்வேநோஷ்மணேவ ப்ரதிப₄டவபுஷாமஸ்ரதா₄ராம் த₄யந்தீ
ப்ராப்தேவ க்ஷீப₃பா₄வம் ப்ரதிதி₃ஶமஸக்ருத்தந்வதீ கூ₄ர்ணிதாநி .
வம்ஶாஸ்தி₂ஸ்போ₂டஶப்₃த₃ம் ப்ரகடயதி படூந்யா(ஆ)வஹந்த்யட்டஹாஸாந்
பா₄ ஸா வ꞉ ஸ்யந்த₃நாங்க₃ப்ரபு₄ஸமுத₃யிநீ ஸ்பந்த₃தாம் சிந்திதாய .. 16..

தே₃வைராஸேவ்யமாநோ த₃நுஜப₄டபு₄ஜாத₃ண்ட₃த₃ர்போஷ்ணதப்தை-
ராஶாரோதோ₄(அ)திலங்கீ₄ லுட₂து₃டு₃படலீலக்ஷ்யடி₃ண்டீ₃ரபிண்ட₃꞉ .
ரிங்க₃ஜ்ஜ்வாலாதரங்க₃த்ருடிதரிபுதருவ்ராதபாதோக்₃ரமார்க₃-
ஶ்சாக்ரோ வ꞉ ஶோசிரோத₄꞉ ஶமயது து₃ரிதாபஹ்நவம் தா₃வவஹ்நிம் .. 17..

ப்₄ராம்யதீ ஸம்ஶ்ரிதாநாம் ப்₄ரமஶமநகரீ ச்ச₂ந்ந ஸூர்யப்ரகாஶா
ஸூர்யாலோகாநுரூபா ரிபுஹ்ருத₃யதமஸ்காரிணீ நிஸ்தமஸ்கா .
தா₄ராஸம்பாதிநீ ச ப்ரகடிதத₃ஹநா தீ₃ப்திரஸ்த்ரேஶிதுர்வ-
ஶ்சித்ரா ப₄த்₃ராய வித்₃ராவிதவிமதஜநா ஜாயதாமாயதாய .. 18..

நிந்யே வந்யேவ காஶீத₃வஶிகி₂ஜடிலஜ்யோதிஷா யேந தா₃ஹம்
க்ருத்யா வ்ருத்த்யா விலில்யே ஶலப₄ஸுலப₄யா யத்ர சித்ரப்ரபா₄வே .
ருத்₃ரோ(அ)ப்யத்₃ரேர்து₃ஹித்ரா ஸஹ க₃ஹநகு₃ஹாம் யத்₃ப₄யாத₃ப்₄யயாஸீத்
தி₃ஶ்யாத்₃விஶ்வார்சிதோ வ꞉ ஸ ஶுப₄மநிப்₄ருதம் ஶௌரிஹேதிப்ரதாப꞉ .. 19..

உத்₃யந்பி₃ம்பா₃து₃தா₃ராந்நயநஜலஹிமம் மார்ஜயந்நிர்ஜரீணா-
மஜ்ஞாநத்₄வாந்தமூர்ச்சா₂கரஜநிரஜநீப₄ஞ்ஜநவ்யஞ்ஜிதாத்₄வா .
ந்யக்குர்வாணோ க்₃ரஹாணாம் ஸ்பு₂ரணமபஹரந்நர்சிஷ꞉ பாவகீயா-
ஶ்சக்ரேஶார்கப்ரகாஶோ தி₃ஶது த₃ஶ தி₃ஶோ வ்யஶ்நுவாநம் யஶோ வ꞉ .. 20..

வர்க₃ஸ்ய ஸ்வர்க₃தா₄ம்நாமபி த₃நுஜநுஷாம் விக்₃ரஹம் நிக்₃ரஹீதும்
தா₃தும் ஸத்₃யோ(அ)ப₃லாநாம் ஶ்ரியமதிஶயிநீம் பத்ரப₄ங்கா₃நுவ்ருத்யா .
யோக்தும் தே₃தீ₃ப்யதே யா யுக₃பத₃பி புரோ பூ₄திமய்யா ப்ரக்ருத்யா
ஸா வோ நுத்₃யாத₃வித்₃யாம் த்₃யுதிரம்ருதரஸஸ்யந்தி₃நீ ஸ்யாந்த₃நாங்கீ₃ .. 21..

தா₃ஹம் தா₃ஹம் ஸபத்நாந்ஸமரபு₄வி லஸத்₃ப₄ஸ்மநா வர்த்மநா யாந்
க்ரவ்யாத₃ப்ரேதபூ₄தாத்₃யபி₄லஷிதபுஷா ப்ரீதகாபாலிகேந .
கங்காலை꞉ காலதௌ₄தம் கி₃ரிமிவ குருதே ய꞉ ஸ்வகீர்தேர்விஹர்தும்
க்₄ருஷ்டி꞉ ஸாந்த்₃ருஷ்டிகம் வ꞉ ஸகலமுபநயத்வாயுதா₄க்₃ரேஸரஸ்ய .. 22..

த₃க்₃தா₄நாம் தா₃நவாநாம் ஸப₄ஸிதநிசயைரஸ்தி₂பி₄꞉ ஸர்வஶுப்₄ராம்
ப்ருத்₂வீம் க்ருத்வாபி பூ₄யோ நவருதி₄ரஜ₂ரீகௌதுகம் கௌணபேப்₄ய꞉ .
குர்வாணம் வாஷ்பபூரை꞉ குசதடகு₄ஸ்ருணக்ஷாலநைஸ்தத்₃வதூ₄நாம்
பாபம் பாபச்யமாநம் ஶமயது ப₄வதாம் ஶஸ்த்ரராஜஸ்ய தேஜ꞉ .. 23..

மாகா₃ந்மோஷம் லலாடாநல இதி மத₃நத்₃வேஷிணா த்₄யாயதேவ
ஸ்ரஷ்ட்ரா ப்ரோந்நித்₃ரவாஸாம்பு₃ஜத₃லபடலப்லோஷமுத்பஶ்யதேவ .
வஜ்ராக்₃நிர்மா ஸ்ம நாஶம் வ்ரஜதி₃தி சகிதேநேவ ஶக்ரேண ப₃த்₃தை₄꞉
ஸ்தோத்ரைரஸ்த்ரேஶ்வரஸ்ய த்₃யது து₃ரிதஶதம் த்₃யோதமாநா த்₃யுதிர்வ꞉ .. 24..

ஶஸ்த்ராஸ்த்ரம் ஶாத்ரவாணாம் ஶலப₄குலமிவ ஜ்வாலயா லேலிஹாநா
கௌ₄ஷை꞉ ஸ்வை꞉ க்ஷோப₄யந்தீ விக₄டிதப₄க₃வத்₃யோக₃நித்₃ராந்ஸமுத்₃ராந் .
வ்யூடோ₄ர꞉ப்ரௌட₄சாரத்ருடிதபடுரடத்கீகஸக்ஷுண்ணதை₃த்யா
நேமி꞉ ஸௌத₃ர்ஶநீ வ꞉ ஶ்ரியமதிஶயிநீம் தா₃ஶதாஶதாப்₃த₃ம் .. 25..

தா₄ரா சக்ரஸ்ய தாராக₃ணகபிஶக்₄ருணித்₃யோதிதத்₃யுப்ரசாரா
பாராவாராம்பு₃பூரக்வத₂நபிஶுநிதோத்தாலபாதாலயாத்ரா .
கோ₃த்ராத்₃ரிஸ்போ₂டஶப்₃த₃ப்ரகடிதவஸுதா₄மண்ட₃லீசண்ட₃யாநா
பந்தா₂நம் வ꞉ ப்ரதி₃ஶ்யாத்ப்ரஶமநகுஶலா பாப்மநாமாத்மநீநம் .. 26..

யாத்ரா யா த்ராதலோகா ப்ரகடிதவருணத்ராஸமுத்₃ரே ஸமுத்₃ரே
ஸத்த்வாஸத்த்வாஸஹோஷ்ணாக்ருதஸக₃ருத₃க₃ஸ்பந்த₃தா₃நா த₃தா₃நா .
ஹாநிம் ஹா நிந்தி₃தாநாம் ஜக₃தி பரிஷதா₃ம் தா₃நவீநாம் நவீநாம்
சக்ரே சக்ரேஶநேமி꞉ ஶமமுபஹரது ஸப்ரபா₄வப்ரபா₄ வ꞉ .. 27..

யத்ராமித்ராந்தி₃த₄க்ஷௌ ப்ரவிஶதி ப₃லிநோ தா₄ம நி꞉ஸீமதா₄ம்நி
க்₃ரஸ்தாபஸ்தாபஶீர்ணை꞉ ப்ரகு₃ணிதஸிகதோ மௌக்திகை꞉ஶௌக்திகேயை꞉ .
ராஶிர்வாராமபாராம் ப்ரகடயதி புநர்வைரிதா₃ராஶ்ருபூரை꞉
வ்ருத்₃தி₄ம் நிர்யாதி நிர்யாபயது ஸ து₃ரிதாந்யஸ்த்ரராஜப்ரதி₄ர்வ꞉ .. 28..

கக்ஷ்யாதௌல்யேந கத்₃ரூதநயப₂ணமணீந்கல்யதீ₃பஸ்ய யுஞ்ஜந்
பாதாலாந்த꞉ ப்ரதாபீ நிகி₂லமபி தம꞉ ஸ்வேந தா₄ம்நா நிகீ₃ர்ய .
தை₃தேயப்ரேயஸீநாம் வமதி ஹ்ருதி₃ ஹதப்ரேயஸாம் பூ₄யஸாம் ய-
ஶ்சக்ராக்₃ரீயாக்₃ரதே₃ஶோ த₃ஹது விலஸிதம் பூ₄யஸாமம்ஹஸாம் வ꞉ .. 29..

க்ருஷ்ணாம்போ₄த₃ஸ்ய பூ₄ஷா க்ருதநயநநயவ்யாஹதிர்பா₄ர்க₃வஸ்ய
ப்ராப்தாமாவேத₃யந்தீ ப்ரதிப₄டஸுத்₃ருஶாமுத்₃ப₄டாம் வாஷ்பவ்ருஷ்டிம் .
நிஷ்டப்தாஷ்டாபத₃ஶ்ரீ꞉ ஸமமமரசமூக₃ர்ஜிதைருஜ்ஜிஹாநா
கீர்தி வ꞉ கேதகீபி₄꞉ ப்ரத₂யது ஸத்₃ருஶீம் சஞ்சலா சக்ரதா₄ரா .. 30..

வப்ராணாம் பே₄தி₃நீம் ய꞉ பரிணதிமகி₂லஶ்லாக₄நீயாம் த₃தா₄ந꞉
க்ஷுண்ணாம் நக்ஷத்ரமாலாம் தி₃ஶி தி₃ஶி விகிரந்வித்₃யுதா துல்யகக்ஷ்ய꞉ .
நிர்யாணேநோத்கடேந ப்ரகடயதி நவம் தா₃நவாரிப்ரகர்ஷம்
சக்ராதீ₄ஶஸ்ய ப₄த்₃ரோ வஶயது ப₄வதாம் ஸ ப்ரதி₄ஶ்சித்தவ்ருத்திம் .. 31..

நாகௌக꞉ ஶத்ருஜத்ருத்ருடநவிக₄டிதஸ்கந்த₄நீரந்த்₄ரநிர்யந்
நவ்யக்ரவ்யாஸ்ரஹவ்யக்₃ரஸநரஸலஸஜ்ஜ்வாலஜிஹ்வாலவஹ்நிம் .
யம் த்₃ருஷ்ட்வா ஸாம்யுகீ₃நம் புநரபி வித₃த₄த்யாஶிஷோ வீர்யவ்ருத்₃த்₄யை
கீ₃ர்வாணா நிர்வ்ருணாநா விதரது ஸ ஜயம் விஷ்ணுஹேதிப்ரதி₄ர்வ꞉ .. 32..

த₄ந்வாத்₄வந்யஸ்ய தா₄ராஸலிலமிவ த₄நம் து₃ர்க₃தஸ்யேவ த்₃ருஷ்டி-
ர்ஜாத்யந்த₄ஸ்யேவ பங்கோ₃꞉ பத₃விஹ்ருதிரிவ ப்ரீணநீ ப்ரேமபா₄ஜாம் .
பத்யுர்மாயாக்ரியாயாம் ப்ரகடபரிணதிர்விஶ்வரக்ஷாக்ஷமாயாம்
மாயாமாயாமிநீம் வஸ்த்ருடயது மஹதீ நேமிரஸ்த்ரேஶ்வரஸ்ய .. 33..

த்ராணம் யா விஷ்டபாநாம் விதரதி ச யயா கல்ப்யதே காமபூர்தி-
ர்ந ஸ்தா₂தும் யத்புரஸ்தாத்ப்ரப₄வதி கலயாப்யோஷதீ₄நாமதீ₄ஶ꞉ .
உந்மேஷோ யாதி யஸ்யா ந ஸமயநியதிம் ஸா ஶ்ரியம் வ꞉ ப்ரதே₃யா-
ந்ந்யக்க்ருத்ய த்₃யோதமாநா த்ரிபுரஹரத்₃ருஶம் நேமிரஸ்த்ரேஶ்வரஸ்ய .. 34..

நக்ஷத்ரக்ஷோத₃பூ₄திப்ரகரவிகிரணஶ்வேதிதாஶாவகாஶா
ஜீர்ணை꞉ பர்ணைரிவ த்₃யாம் ஜலத₄ரபடலைஶ்சூர்ணிதைரூர்ணுவாநா .
ஆஜாவாஜாநவாஜாநதரிபுஜநதாரண்யமாவர்தமாநா
நேமிர்வாத்யேவ சாக்ரீ ப்ரணுத₃து ப₄வதாம் ஸம்ஹதம் பாபதூலம் .. 35..

க்ஷிப்த்வா நேபத்₂யஶாடீமிவ ஜலத₃க₄டாம் ஜிஷ்ணுகோத₃ண்ட₃சித்ராம்
தாராபுஞ்ஜம் ப்ரஸூநாஞ்ஜலிமிவ விபுலே வ்யோமரங்கே₃ விகீர்ய .
நிர்வேத₃க்₃லாநிசிந்தாப்ரப்₄ருதிபரவஶாநந்தரா தா₃நவேந்த்₃ராந்
ந்ருத்யந்நாநாலயாட்₄யம் நட இவ தநுதாம் ஶர்ம சக்ரப்ரதி₄ர்வ꞉ .. 36..

தௌ₃ர்க₃த்யப்ரௌட₄தாபப்ரதிப₄டவிப₄வா வித்ததா₄ரா꞉ஸ்ருஜந்தீ
க₃ர்ஜந்தீ சீத்க்ரியாபி₄ர்ஜ்வலத₃நலஶிகோ₂த்₃தா₃மஸௌதா₃மநீகா .
அவ்யாத்க்ரவ்யாத்₃வதூ₄டீநயநஜலப₄ரைர்தி₃க்ஷு நவ்யாநநாவ்யாந்
புஷ்யந்தீ ஸிந்து₄பூராந் ரத₂சரணபதேர்நேமிகாத₃ம்பி₃நீ வ꞉ .. 37..

ஸந்தோ₃ஹம் தா₃நவாநாமஜஸமஜமிவாலப்₄ய ஜாஜ்வல்யமாநே
வஹ்நாவஹ்நாய ஜுஹ்வத்த்ரித₃ஶபரிஷதே₃ ஸ்வஸ்வபா₄க₃ப்ரதா₃யீ .
ஸ்தோத்ரைர்ப₃ஹ்மாதி₃கீ₃தைர்முக₂ரபரிஸரம் ஶ்லாக்₄யஶஸ்த்ரப்ரயோக₃ம்
ப்ராப்த꞉ ஸங்க்₃ராமஸத்ரம் ப்ரதி₄ரஸுரரிபோ꞉ ப்ரார்தி₂தம் ப்ரஸ்நுதாம் வ꞉ .. 38..

உத்பாதாலாதகல்பாந்யஸுரபரிஷதா₃மாஹவப்ரார்தி₂நீநா-
மத்₄வாநத்₄வாவவோத₄க்ஷபணசணதம꞉ க்ஷேபதீ₃போபமாநி .
த்ரைலோக்யாகா₃ரபா₄ரோத்₃வஹநஸஹமணிஸ்தம்ப₄ஸம்பத்ஸகா₂நி
த்ராயந்தாமந்திமாயாம் விபதி₃ ஸபதி₃ வோ(அ)ராணி ஸௌத₃ர்ஶநாநி .. 39..

ஜ்வாலாஜாலப்ரவாலஸ்தப₃கிதஶிரஸோ நாபி₄மாவாலயந்த்ய꞉
ஸிக்தா ரக்தாம்பு₃பூரை꞉ ஶகலிதவபுஷாம் ஶாத்ரவாநீகிநீநாம் .
சக்ராக்ரீட₃ப்ரரூடா₄பு₄ஜக₃ஶயபு₄ஜோபக்₄நநிக்₄நப்ரசாரா꞉
புஷ்ப்யந்த்ய꞉கீர்திபுஷ்பாண்யரகநகலதா꞉ ப்ரீதயே வ꞉ ப்ரத₂ந்தாம் .. 40..

ஜ்வாலாஜாலாப்₃தி₄முத்₃ரம் க்ஷ்தீவலயமிவாபி₃ப்₄ரதீ நேமிசக்ரம்
நாகே₃ந்த்₃ரஸ்யேவ நாபே₄꞉ ப₂ணபரிஷதி₃வ ப்ரௌட₄ரத்நப்ரகாஶா .
த₃த்தாம் வோ தி₃வ்யஹேதேர்மதிமரவிததி꞉ க்₂யாதஸாஹஸ்ரஸங்க்₂யா
ஸங்க்₂யாவத்ஸங்க₄சித்தஶ்ரவணஹரகு₃ணஸ்யந்தி₃ஸந்த₃ர்ப₄க₃ர்பா₄ம் .. 41..

ப்₃ரஹ்மேஶோபக்ரமாணாம் ப₃ஹுவித₄விமதக்ஷோத₃ஸம்மோதி₃தாநாம்
ஸேவாயை தே₃வதாநாம் த₃நுஜகுலரிபோ꞉ பிண்டி₃காத்₃யங்க₃பா₄ஜாம் .
தத்தத்₃தா₄மாந்தஸீமாவிப₄ஜநவித₄யே மாநத₃ண்டா₃யமாநா
பூ₄மாநம் பூ₄யஸா வோ தி₃ஶது த₃ஶஶதீ பா₄ஸ்வராணாமராணாம் .. 42..

ஜ்வாலாகல்லோலமாலாநிபி₃ட₃பரிஸராம் நேமிவேலாம் த₃தா₄நே
பூர்வேணாக்ராந்தமத்₄யே பு₄வநமயஹவிர்போ₄ஜிநா பூருஷேண .
ப்ரஸ்பூ₂ர்ஜத்ப்ராஜ்யரத்நே ரத₂பத₃ஜலதா₄வேத₄மாநை꞉ ஸ்பு₂லிங்கை₃꞉
ப₄த்₃ரம் வோ வித்₃ருமாணாம் ஶ்ரியமரவிததிர்விஸ்த்ருணாநா வித₄த்தாம் .. 43..

நாஸீரஸ்வைரப₄க்₃நப்ரதிப₄டருதி₄ராஸாரதா₄ராவஸேகா-
நேகாந்தஸ்மேரபத்₃மப்ரகரஸஹசரச்சா₂யயா ப்ராப்ய நாப்₄யா .
முக்தாநீவாங்குராணி ஸ்பு₂ரத₃நலஶிகா₂த₃ர்ஶிதப்ராக்ப்ரவாலா-
ந்யவ்யாகா₄தேந ப₄வ்யம் ப்ரத₃த₃து ப₄வதாம் தி₃வ்யஹேதேரராணி .. 44..

தா₃வோல்காமண்ட₃லீவ த்₃ருமக₃ணக₃ஹநே பா₃ட₃வஸ்யேவ வஹ்நே-
ர்ஜ்வாலாவ்ருத்₃தி₄ர்மஹாப்₃தௌ₄ ப்ரவயஸி தமஸி ப்ராதரர்கப்ரபே₄வ .
சக்ரே யா தா₃நவாநாம் ஹயகரடிக₄டாஸங்கடே ஜாக₄டீதி
ப்ராஜ்யம் ஸா வ꞉ ப்ரேதே₃யாத்பத₃மரபரிஷத்பத்₃மநாபா₄யுத₄ஸ்ய .. 45..

தாபாத்₃தை₃த்யப்ரதாபாதபஸமுசிதாத்த்ராயமாணம் த்ரிலோகீம்
லோலைர்ஜ்வாலாகலாபை꞉ ப்ரகடயத₃பி₄தஶ்சீநபட்டாஞ்சலாநி .
ச₂த்ராகாரம் ஶலாகா இவ கநகக்ருதா꞉ ஶௌரிதோ₃ர்த₃ண்ட₃லக்₃நம்
பூ₄யாஸுர்பூ₄ஷயந்த்யோ ரத₂சரணமரஸ்பூ₂ர்தய꞉கீர்தயே வ꞉ .. 46..

நாபீ₄ஶாலாநிகா₂தாம் நஹநஸமுசிதாம் வைரிலக்ஷ்மீவஶாநாம்
ஸம்யத்₃வாரீஹ்ருதாநாம் ஸமநுவித₃த₄தீ காஞ்சநாலாநபங்க்திம் .
ராஜ்யா ச ப்ராஜ்யதை₃த்யவ்ரஜவிஜயமஹோத்தம்பி₄தாநாம் பு₄ஜாநாம்
துல்யா சக்ராரமாலா துலயது ப₄வதாம் தூலவச்ச₂த்ருலோகம் .. 47..

ஆநேமேஶ்சக்ரவாலாத்த்விஷ இவ விததா꞉பிண்டி₃காசண்ட₃தீ₃ப்தே-
ர்தீ₃ப்தா தீ₃பா இவாராத்₃க₃ஹநரணதமீகா₃ஹிந꞉ பூருஷஸ்ய .
ஶாணே ரேகா₂யிதாநாம் ரத₂சரணமயே ஶத்ருஶௌண்டீ₃ர்யஹேம்நாம்
ரேகா₂꞉ ப்ரத்யக்₃ரலக்₃நா இவ பு₄வநமரஶ்ரேயண꞉ ப்ரீணயந்து .. 48..

தீ₃ப்தைரர்சி꞉ப்ரரோஹைர்த₃லவதி வித்₄ருதே பா₃ஹுநாலேநவிஷ்ணோ-
ருத்₃யத்ப்ரத்₃யோதநாப₄ம்ப்ரத₂யதி புருஷம் கர்ணிகாவர்ணிகாயாம் .
சூடா₃லம் வேத₃மௌலிம் கலயதி கமலே சக்ரநாம்நோபலக்ஷ்யே
லக்ஷ்மீம் ஸ்பா₂ராமராணி ப்ரதிவித₃த₄து வ꞉ கேஸரஶ்ரீகராணி .. 49..

தா₄துஸ்யந்தை₃ரமந்தை₃꞉ கலுஷிதவபுஷோ நிர்ஜ₂ராம்ப₄꞉ப்ரபாதா-
நர்சிஷ்மத்யா ஸ்வமூர்த்யா ரத₂சரணகி₃ரேர்நேமிநாபீ₄தடஸ்ய .
வ்யாகுர்வாணாரபங்க்திர்விதரது விபு₄தாவிஸ்த்ருதிம் வித்தகோடீ-
கோடீரச்ச₂த்ரபீடீ₂கடககரிக₄டாசாமரஸ்ரக்₃விணீம் வ꞉ .. 50..

ஐக்யேந த்₃வாத₃ஶாநாமஶிஶிரமஹஸாம் த₃ர்ஶயந்தீ ப்ரவ்ருத்திம்
த₃த்த꞉ ஸ்வர்லோகலக்ஷ்ம்யாஸ்திலக இவ முகே₂ பத்₃மராக₃த்₃ரவேண .
தே₃யாத்₃தை₃தேயத₃ர்பக்ஷதிகரணரணப்ரீணிதாம்போ₄ஜநாபி₄-
ர்நாபி₄ர்நாபி₄த்வமுர்வ்யாஸ்ஸுரபதிவிப₄வஸ்பர்ஶி ஸௌத₃ர்ஶநீ வ꞉ .. 51..

ஶஸ்த்ரஶ்யாமே ஶதாங்க₃க்ஷிதிப்₄ருதி தரலைருத்தரங்கே₃ துரங்கை₃-
ஸ்த்வங்க₃ந்மாதங்க₃நக்ரே குபிதப₄டமுக₂ச்சா₂யமுக்₃த₄ப்ரவாலே .
அஸ்தோகம் ப்ரஸ்நுவாநா ப்ரதிப₄டஜலதௌ₄ பாடவம் வாட₃வஸ்ய
ஶ்ரேயோ வஸ்ஸம்வித₄த்தாம் ஶ்ரிதது₃ரிதஹரா ஶ்ரீத₄ராஸ்த்ரஸ்ய நாபி₄꞉ .. 52..

ஜ்வாலாசூடா₃லகாலாநலசலநஸமாட₃ம்ப₃ரா ஸாம்பராயம்
யாஸாவாஸாத்₃ய மாத்₃யத்ஸுரஸுப₄டபு₄ஜாஸ்போ₂டகோலாஹலாட்₄யம் .
தை₃த்யாரண்யம் த₃ஹந்தீ விரசயதி யஶோபூ₄திஶுப்₄ராம் த₄ரித்ரீம்
ஸா வஶ்சக்ரஸ்ய நக்ரஸ்யத₃ம்ருதி₃தக₃ஜத்ராயிணீ நாபி₄ரவ்யாத் .. 53..

விந்த₃ந்தீ ஸாந்த்₄யமர்சிர்வித₃லிதவபுஷ꞉ப்ரத்யநீகஸ்ய ரக்தை꞉
ஸ்பா₂யந்நக்ஷத்ரராஶிர்தி₃ஶி தி₃ஶி கணஶ꞉ கீகஸை꞉ கீர்யமாணை꞉ .
நாகௌக꞉பக்ஷ்மலாக்ஷீநவமத₃ஹஸிதச்சா₂யயா சந்த்₃ரபாதா₃ந்
ராதா₂ங்கீ₃ விஸ்த்ருணாநா ரசயது குஶலம் பிண்டி₃காயாமிநீ வ꞉ .. 54..

நி꞉ஸீமம் நிஸ்ஸ்ருதாயா பு₄ஜத₄ரணித₄ராகா₄டத꞉கைடபா₄ரே-
ராஶாகூலங்கஷர்த்₃தே₄ரஹிதப₃லமஹாம்போ₄தி₄மாஸாத₃யந்த்யா꞉ .
சக்ரஜ்வாலாபகா₃யாஶ்சலத₃ரலஹரீமாலிகாத₃ந்துராயா꞉
பி₃ப்₄ரத்யாவர்தபா₄வம் ப்₄ரமயது பு₄வநே பிண்டி₃கா வ꞉ ப்ரஶஸ்திம் .. 55..

பாணௌ க்ருத்வாஹவாக்₃ரே ப்ரதிப₄டவிஜயோபார்ஜிதாம் வீரலக்ஷ்மீ-
மாநீதாயாஸ்ததோ(அ)ஸ்யா꞉ ஸ்வஸவித₄மஸுரத்₃வேஷிணா பூருஷேண .
ப்ராஸாத₃ம் வாஸஹேதோர்விரசிதமருணை ரஶ்மிபி₄꞉ ஸூசயந்தீ
நாபி₄ர்வோ நிர்மிமீதாம் ரத₂சரணபதேர்நிவ்ருதிம் நிர்விகா₄தாம் .. 56..

டி₃ண்டீ₃ராபாண்டு₃க₃ண்டி₃ரரியுவதிமுகை₂꞉ பிண்டி₃கா க்ருஷ்ணஹேதே-
ருச்சண்டா₃ஶ்ருப்ரவர்ஷைருபரததிலகைருக்தஶௌண்டீ₃ர்யசர்யா .
த்₃வித்ரக்₃ராமாதி₄பத்யத்₃ருஹிணமத₃மஷீதூ₃ஷிதாக்ஷக்ஷமாப்₄ருத்
ஸேவாஹேவாகபாகம் ஶமயது ப₄வதாம் கர்ம ஶர்மப்ரதீபம் .. 57..

பர்யாப்தாமுந்நதிம் யா ப்ரத₂யதி கமலம் யா திரோபா₄வ்ய பா₄தி
ஸ்ரஷ்டுஸ்ஸ்ருஷ்டேர்த₃வீய꞉ குவலயமஹிதம் யா பி₃ப₄ர்தி ஸ்வரூபம் .
பூ₄ம்நா ஸ்வேநாந்தரிக்ஷம் கப₃லயதி ச யா ஸா விசித்ரா வித₄த்தாம்
தை₃தேயாராதிநாபி₄ர்த்₃ரவிணபதிபத₃த்₃ரோஹிணீம் ஸம்பத₃ம் வ꞉ .. 58..

வாணீவாங்கை₃ஶ்சதுர்பி₄꞉ ஸத₃ஸி ஸுமநஸாம் த்₃யோதமாநஸ்வரூபா
பா₃ஹ்வந்த꞉ஸ்தா₂ முராரேரபி₄மதமகி₂லம் ஶ்ரீரிவ ஸ்பர்ஶயந்தீ .
து₃ர்கே₃வோக்₃ராக்ருதிர்யா த்ரிபு₄வநஜநநஸ்தே₂மஸம்ஹாரது₄ர்யா
மர்யாதா₃லங்க₄நம் வ꞉ க்ஷபயது மஹதீ ஹேதிவர்யஸ்ய நாபி₄꞉ .. 59..

ஸ்ரக்₃பி₄꞉ ஸந்தாநஜாபி₄ர்மது₄ரமது₄ரஸஸ்யந்த₃ஸந்தோ₃ஹிநீபி₄꞉
பாடீரை꞉ ப்ரௌட₄சந்த்₃ராதபசயஸுஷமாலோபநைர்லேபநைஶ்ச .
தூ₄பை꞉ காலாக₃ரூணாமபி ஸுரஸுத்₃ருஶோ விஸ்ரமர்சாஸு யஸ்யா꞉
க₃ந்த₄ம் ருந்த₄ந்தி ஸா வஶ்சிரமஸுரபி₄தோ₃ நாபி₄ரவ்யாத₃ப₄வ்யாத் .. 60..

அம்ஹஸ்ஸம்ஹ்ருத்ய த₃க்₃த்₄வா ப்ரீதிஜநிஜநிதம் ப்ரௌட₄ஸம்ஸாரவந்யா
தூ₃ராத்₄வந்யாநத₄ந்யாந்மஹதி விநதிபி₄ர்தா₄மநி ஸ்தா₂பயந்தீ .
விஶ்ராந்திம் ஶாஶ்வதீம் யா நயதி ரமயதாம் சக்ரராஜஸ்ய நாபி₄꞉
ஸம்யந்மோமுஹ்யமாநத்ரித₃ஶரிபுத₃ஶாஸாக்ஷிணீ ஸா(அ)க்ஷிணீ வ꞉ .. 61..

அதா₂க்ஷவர்ணநம்
ஶ்ருத்வா யந்நாம ஶப்₃த₃ம் ஶ்ருதிபத₂கடுகம் தே₃வநக்ரட₃நேஷு
ஸ்வர்வைரிஸ்வைரவத்யோ ப₄யவிவஶதி₄ய꞉ காதரந்யஸ்தஶாரா꞉ .
மந்தா₃க்ஷம் யாந்த்யமந்த₃ம் ப்ரதியுவதிமுகை₂ர்த₃ர்ஶிதோத்ப்ராஸத₃ர்பை-
ரக்ஷம் ஸௌத₃ர்ஶநம் தத்க்ஷபயது ப₄வதாமேத₄மாநாம் த₄நாயாம் .. 62..

வ்யஸ்தஸ்கந்த₄ம் விஶீர்ணப்ரஸவபரிகரம் ப்ரத்தபத்ரோபமர்த₃ம்
ஸம்யத்₃வர்ஷாஸு தர்ஷாதுரக₂க₃பரிஷத்பீதரக்தோத₃காஸு .
அக்ஷம் ரக்ஷஸ்தரூணாமஶநிவத₃ஶநைராபதந்மூர்த்₄நி-மூர்த்₄நி
ஸ்தாத₃ஸ்த்ராதீ₄ஶிதுர்வ꞉ ஸ்தப₃கிதயஶஸே த்₃வேஷிணாம் ப்லோஷணாய .. 63..

தீ₃க்ஷாம் ஸங்கா₃மஸத்ரே மஹதி க்ருதவதோ தீ₃ப்திபி₄ஸ்ஸம்ஹதாபி₄꞉
ஜிஹ்வாலே ஸப்தஜிஹ்வே த₃நுஜகுலஹவிர்ஜுஹ்வதோ நேமிஜுஹ்வா .
வைகுண்டா₂ஸ்த்ரஸ்ய குண்ட₃ம் மஹதி₃வ விலஸத்பிண்டி₃காவேதி₃மத்₄யே
தி₃ஶ்யாத்₃தி₃வ்யர்த்₃தி₄தே₃ஶ்யம் பத₃மிஹ ப₄வதாமக்ஷதோந்மேஷமக்ஷம் .. 64..

துங்கா₃த்₃தோ₃ரத்₃ரிஶ்ருங்கா₃த்₃த₃நுஜவிஜயிந꞉ ஸ்பஷ்டதா₃நோத்₃யமாநாம்
ஶத்ருஸ்தம்பே₃ரமாணம் ஶிரஸி நிபதத꞉ ஸ்ரஸ்தமுக்தாஸ்தி₂புஞ்ஜே .
ரக்தைரப்₄யக்தமூர்தேர்வித₃லநக₃லிதைர்வ்யக்தவீராயிதர்த்₃தே₄-
ர்ஹர்யக்ஷஸ்யாரிப₄ங்க₃ம் ஜநயது ஜக₃தாமீடி₃தம் க்ரீடி₃தம் வ꞉ .. 65..

உந்மீலத்பத்₃மராக₃ம் கடகமிவ த்₄ருதம் பா₃ஹுநா யந்முராரே-
ர்தீ₃ப்தாந் ரஶ்மீந்த₃தா₄நம் நயநமிவ யது₃த்தாரகம் விஷ்டபஸ்ய .
சக்ரேஶார்கஸ்ய யத்₃வாபரிதி₄ரபி₄த₃த₄த்₃தை₃த்யஹத்யாமிவ த்₃ரா-
க₃க்ஷம் பக்ஷே பதித்வா பரிக₄டயது வஸ்தத்₃த்₃ரடி₄ஷ்டா₂ம் ப்ரதிஷ்டா₂ம் .. 66..

க்ரீட₃த்ப்ராக்க்ரோட₃த₃ம்ஷ்ட்ராஹதித₃லிதஹிரண்யாக்ஷவக்ஷ꞉கவாட-
ப்ராது₃ர்பூ₄தப்ரபூ₄தக்ஷதஜஸமுதி₃தாருண்யமுத்₃ரம் ஸமுத்₃ரம் ..

உந்மீலத்கிம்ஶுகாபை₄ருபஹஸத₃மிதைரம்ஶுபி₄꞉ ஸம்ஶயக்₄நீ-
மக்ஷம் சக்ரஸ்ய த₃த்தாமக₄ஶதஶமநம் தா₃ஶுஷீம் ஶேமுஷீம் வ꞉ .. 67..

பத்₃மோல்லாஸப்ரத₃ம் யஜ்ஜநயதி ஜக₃தீமேத₄மாநப்ரபோ₃தா₄ம்
யஸ்யச்சா₂யாஸமாநா லஸதி பரிஸரே ரோஹிணீ தாரகாக்₃ர்யா .
நாநாஹேத்யுந்நதத்த்வம் ப்ரகடயதி ச யத்ப்ராப்தக்ருஷ்ணப்ரயாணம்
த்ரேதா₄ பி₄ந்நஸ்ய தா₄ம்நஸ்ஸமுத₃ய இவ தத்பாது வஶ்சாக்ரமக்ஷம் .. 68..

ஶோசிர்பி₄꞉ பத்₃மராக₃த்₃ரவஸமஸுஷமைஶ்ஶோப₄மாநாவகாஶம்
ப்ரத்யக்₃ராஶோகராக₃ப்ரதிப₄டவபுஷா பூ₄ஷிதம் பூருஷேண .
அந்த꞉ ஸ்வச்ச₂ந்த₃மக்₃நோத்தி₂தப்₄ருகு₃தநயம் க்ஷத்ரியாணாம் க்ஷதாநா-
மாரப்₃த₄ம் ஶோணிதௌகை₄ஸ்ஸர இவ ப₄வதோ தி₃வ்யஹேத்யக்ஷமவ்யாத் .. 69..

மத்தாநாமிந்த்₃ரியாணாம் க்ருதவிஷயமஹாகாநநக்ரீட₃நாநாம்
ஸ்ருஷ்டம் சக்ரேஶ்வரேண க்₃ரஹணதி₄ஷணயா வாரிவத்₃வாரணாநாம் .
க₃ம்பீ₄ரம் யந்த்ரக₃ர்தம் கமபி க்ருததி₄யோ மந்வதே யத்ப்ரதே₃யா-
த₃ஸ்தூ₂லாம் ஸம்வித₃ம் வஸ்த்ரிஜக₃த₃பி₄மதஸ்தூ₂லலக்ஷம் தத₃க்ஷம் .. 70..

ப்ரணாதீ₃ந்ஸந்நியம்ய ப்ரணிஹிதமநஸாம் யோகி₃நாமந்தரங்கே₃
துங்க₃ம் ஸங்கோச்ய ரூபம் விரசிதத₃ஹராகாஶக்ருச்ச்₂ராஸிகேந .
ப்ராப்தம் யத்பூருஷேண ஸ்வமஹிமஸத்₃ருஶம் தா₄ம காமப்ரத₃ம் வோ
பூ₄யாபூ₄ர்பு₄வஸ்ஸ்வஸ்த்ரயவரிவஸிதம் புஷ்கராக்ஷாயுதா₄க்ஷம் .. 71..

வித்₃தா₄ந்வீத்₄ரேண தா₄ம்நா சரணநக₂பு₄வா ப₃த்₃த₄வாஸஸ்ய மத்₄யே
சக்ராத்₄யக்ஷஸ்ய பி₃ப்₄ரத்பரிஹஸிதஜபாபுஷ்பகோஶாந்ப்ரகாஶாந் .
ஶுப்₄ரைரப்₄ரைரத₃ப்₄ரைஶ்ஶரதி₃ தத இதோ வ்யோம விப்₄ராஜமாநம்
ப்ராதஸ்த்யாதி₃த்யரோசிஸ்ததமிவ ப₄வத꞉ பாது ராதா₂ங்க₃மக்ஷம் .. 72..

ஶ்ரீவாணீவாங்ம்ருடா₃ந்யோ வித₃த₄தி ப₄ஜநம் ஶக்தயோ யஸ்ய தி₃க்ஷு
ப்ராஹ வ்யூஹம் யதா₃த்₃யம் ப்ரத₂மமபி கு₃ணம் பா₄ரதீ பாஞ்சராத்ரீ .
கோ₄ராம் ஶாந்தாம் ச மூர்திம் ப்ரத₂யதி புருஷ꞉ ப்ராக்தந꞉ ப்ரார்த₂நாபி₄-
ர்ப₄க்தாநாம் யஸ்ய மத்₄யே தி₃ஶது தத₃நகா₄மக்ஷமத்₄யக்ஷதாம் வ꞉ .. 73..

ரக்ஷ꞉பக்ஷேண ரக்ஷத்க்ஷதமமரக₃ணம் லக்ஷ்யவைலக்ஷ்யமாஜௌ
லக்ஷ்மீமக்ஷீயமாணாம் ப₃லமத₂நபு₄ஜே வஜ்ரஶிக்ஷாநபேக்ஷே .
நிக்ஷிப்ய க்ஷிப்ரமத்₄யக்ஷயதி ஜக₃தி யத்₃த₃க்ஷதாம் தி₃வ்யஹேதே-
ரக்ஷாமாமக்ஷமாம் தாம் க்ஷபயது ப₄வதாமக்ஷஜில்லக்ஷ்யமக்ஷம் .. 74..

.. இத்யக்ஷவர்ணநம் ..

அத₂ஸுத₃ர்ஶநபுருஷவர்ணநம்
ஜ்யோதிஶ்சூடா₃லமௌலிஸ்த்ரிநயநவத₃ந꞉ ஷோட₃ஶோத்துங்க₃பா₃ஹு꞉
ப்ரத்யாலீடே₄ந திஷ்ட₂ந்ப்ரணவஶஶத₄ராதா₄ரஷட்கோணவர்தீ .
நிஸ்ஸீமேந ஸ்வதா₄ம்நா நிகி₂லமபி ஜக₃த்க்ஷேமவந்நிர்மிமாணோ
பூ₄யாத்ஸௌத₃ர்ஶநோ வ꞉ ப்ரதிப₄டபருஷ꞉ பூருஷ꞉ பௌருஷாய .. 75..

வாணீ பௌராணிகீ யம் ப்ரத₂யதி மஹிதம் ப்ரேக்ஷணம் கைடபா₄ரே꞉
ஶக்திர்யஸ்யேஷுத₃ம்ஷ்ட்ராநக₂பரஶுமுக₂வ்யாபிநீ தத்₃விபூ₄த்யாம் .
கர்தும் யத்தத்த்வபோ₃தோ₄ ந நிஶிதமதிபி₄ர்நாரதா₃த்₃யைஶ்ச ஶக்யோ
தை₃வீம் வோ மாநுஷீம் ச க்ஷிபது ஸ விபத₃ம் து₃ஸ்ராமஸ்த்ரராஜ꞉ .. 76..

ரூட₄ஸ்தாராலவாலே ருசிரத₃லசய꞉ ஶ்யாமலைஶ்ஶஸ்த்ரஜாலை-
ர்ஜ்வாலாபி₄ஸ்ஸப்ரவால꞉ ப்ரகடிதகுஸுமோ ப₃த்₃த₄ஸங்கை₄꞉ ஸ்பு₂லிங்கை₃꞉ .
ப்ராப்தாநாம் பாத₃மூலம் ப்ரக்ருதிமது₄ரயா சா₂யயா தாபஹ்ருத்₃வோ
த₃த்தாமுத்₃தோ₃꞉ப்ரகாண்ட₃꞉ ப₂லமபி₄லஷிதம் விஷ்ணுஸங்கல்பவ்ருக்ஷ꞉ .. 77..

தா₄ம்நாமைரம்மதா₃நாம் நிசயமிவ சிரஸ்தா₂யிநாம் த்₃வாத₃ஶாநாம்
மார்தண்டா₃நாம் ஸமூட₄ம் மஹ இவ ப₃ஹுலாம் ரத்நபா₄ஸாமிவர்த்₃தி₄ம் .
அர்சிஸ்ஸங்கா₄தமேகீக்ருதமிவ ஶிகி₂நாம் வாட₃வாக்₃ரேஸராணாம்
ஶங்கந்தே யஸ்ய ரூபம் ஸ ப₄வது ப₄வதாம் தேஜஸே சக்ரராஜ꞉ .. 78..

உக்₃ரம் பஶ்யாக்ஷமுத்₃யத்₃ப்₄ருகுடி ஸமுகுடம் குண்ட₃லிஸ்பஷ்டத₃ம்ஷ்ட்ரம்
சண்டா₃ஸ்த்ரைர்பா₃ஹுத₃ண்டை₃ர்லஸத₃நலஸமக்ஷௌமலக்ஷ்யோருகாண்ட₃ம் .
ப்ரத்யாலீட₄ஸ்த₂பாத₃ம் ப்ரத₂யது ப₄வதாம் பாலநவ்யக்₃ரமக்₃ரே
சக்ரேஶோ(அ)காலகாலேரிதப₄டவிகடாடோபலோபாய ரூபம் .. 79..

சக்ரம் குந்தம் க்ருபாணம் பரஶுஹுதவஹாவங்குஶம் த₃ண்ட₃ஶக்தீ
ஶங்க₂ம் கோத₃ண்ட₃பாஶௌ ஹலமுஸலக₃தா₃வஜ்ரஶூலாம்ஶ்ச ஹேதீந் .
தோ₃ர்பி₄ஸ்ஸவ்யாபஸவ்யைர்த₃த₄ததுலப₃லஸ்தம்பி₄தாராதித₃ர்பை-
ர்வ்யூஹஸ்தேஜோபி₄மாநீ நரகவிஜயிநோ ஜ்ரும்ப₄தாம் ஸம்பதே₃ வ꞉ .. 80..

பீதம் கேஶே ரிபோரப்யஸ்ருஜி ரத₂பதே₃ ஸம்ஶ்ரிதே(அ)ப்யுத்கடாக்ஷம்
சந்த்₃ராத₄꞉காரி யந்த்ரே வபுஷி ச த₃லநே மண்ட₃லே ச ஸ்வராங்கம் .
ஹஸ்தே வக்த்ரே ச ஹேதிஸ்தப₃கிதமஸமம் லோசநே மோசநே ச
ஸ்தாத₃ஸ்தோகாய தா₄ம்நே ஸுரவரபரிஷத்ஸேவிதம் தை₃வதம் வ꞉ .. 81..

சித்ராகாரைஸ்ஸ்வசாரைர்மிதஸகலஜக₃ஜ்ஜாக₃ரூகப்ரதாபோ
மந்த்ரம் தந்த்ராநுரூபம் மநஸி கலயதோ மாநயந்நாத்மகு₃ஹ்யாந் .
பஞ்சாங்க₃ஸ்பூ₂ர்திநிர்வர்திதரிபுவிஜயோ தா₄ம ஷண்ணாம் கு₃ணாநாம்
லக்ஷ்மீம் ராஜாஸநஸ்தோ₂ விதரது ப₄வதாம் பூருஷஶ்சக்ரவர்தீ .. 82..

அக்ஷாவ்ருத்தாப்₄ரமாலாந்யரவிவரலுட₂ச்சந்த்₃ரசண்ட₃த்₃யுதீநி
ஜ்வாலாஜாலாவலீட₄ஸ்பு₂டது₃டு₃படலீபாண்டு₃தி₃ங்மண்ட₃லாநி .
சக்ராந்தாக்ராந்தசக்ராசலசலிதமஹீசக்ரவாலார்தஶேஷா-
ண்யஸ்த்ரக்₃ராமாக்₃ரிமஸ்ய ப்ரத₃த₃து ப₄வதாம் ப்ரார்தி₂தம் ப்ரஸ்தி₂தாநி .. 83..

ஶூலம் த்யக்தாத்மஶீலம் ஸ்ருணிரணுகக்₄ருணி꞉ பட்டஸ꞉ ஸ்பஷ்டஸாத₃꞉
ஶக்திஶ்ஶாலீநஶக்தி꞉ குலிஶமகுஶலம் குண்ட₂தா₄ர꞉ குடா₂ர꞉ .
த₃ண்ட₃ஶ்சண்ட₃த்வஶூந்யோ ப₄வதி தநுத₄நுர்யத்புரஸ்தாத்ஸ வ꞉ ஸ்தாத்₃
க்₃ரஸ்தாஶேஷாஸ்த்ரக₃ர்வோ ரத₂சரணபதி꞉ கர்மணே ஶார்மணாய .. 84..

க்ஷுண்ணாஜாநேயவ்ருந்த₃ம் க்ஷுபி₄தரத₂க₃ணம் ஸந்நஸாந்நாஹ்யயூத₂ம்
க்ஷ்வேலாஸம்ரம்ப₄ஹேலாகலகலவிக₃லத்பூர்வகீ₃ர்வாணக₃ர்வம் .
குர்வாண꞉ஸாம்பராயம் ரத₂சரணபதி꞉ ஸ்தே₂யஸீம் வ꞉ப்ரஶஸ்திம்
து₃க்₃தா₄ம் து₃க்₃தா₄ப்₃தி₄பா₄ஸம் ப₄யவிவஶஶுநாஸீரநாஸீரவர்தீ .. 85..

த்₃ருஹ்யத்₃தோ₃ஶ்ஶாலிமாலிப்ரஹரணரப₄ஸோத்தாநிதே வைநதேயே
வித்₃ராதி த்₃ராக்ப்ரயுக்த꞉ ப்ரத₄நபு₄வி பராவர்தமாநேந ப₄ர்த்ரா .
நிர்ஜித்ய ப்ரத்யநீகம் நிரவதி₄கசரத்₃தா₄ஸ்திகாஶ்வீயரத்₂யம்
பத்₂யம் விஶ்வஸ்ய தா₃ஶ்வாந்ப்ரத₂யது ப₄வதோ ஹேதிரிந்த்₃ராநுஜஸ்ய .. 86..

நந்தி₃ந்யாநந்த₃ஶூந்யே க₃லதி க₃ணபதௌ வ்யாகுலே பா₃ஹுலேயே
சண்டே₃ சாகித்யகுண்டே₂ ப்ரமத₂பரிஷதி₃ ப்ராப்தவத்யாம் ப்ரமாத₂ம் .
உச்சி₂த்₃யாஜௌ ப₃லிஷ்ட₂ம் வலிஜபு₄ஜவநம் யோ த₃தா₃வாதி₃பி₄க்ஷோ-
ர்பி₄க்ஷாம் தத்ப்ராணரூபாம் ஸ ப₄வத₃குஶலம் க்ருஷ்ணஹேதி꞉க்ஷிணோது .. 87..

ரக்தௌகா₄ப்₄யக்தமுக்தாப₂லலுலிதலலத்₃வீசிவ்ருத்₃தௌ₄ மஹாப்₃தௌ₄
ஸந்த்₄யாஸம்ப₃த்₃த₄தாராஜலத₄ரஶப₃லாகாஶநீகாஶகாந்தௌ .
க₃ம்பீ₄ராரம்ப₄மம்ப₄ஶ்சரமஸுரகுலம் வேத₃விக்₄நம் விநிக்₄நந்
நிவிக்₄நம் வ꞉ ப்ரஸூதாம் வ்யபக₃தவிபத₃ம் ஸம்பத₃ம் சக்ரராஜ꞉ .. 88..

காஶீவிப்லோஷசைத்₃யக்ஷபணத₄ரணிஜத்₄வம்ஸஸூர்யாபிதா₄ந-
க்₃ராஹத்₃வேதா₄த்வமாலித்ருடநமுக₂கதா₂வஸ்துஸத்கீர்திகா₃தா₂꞉ .
கீ₃யந்தே கிந்நரீபி₄꞉ கநககி₃ரிகு₃ஹாகே₃ஹிநீபி₄ர்யதீ₃யா
தே₃யாத்₃தை₃தேயவைரீ ஸ ஸகலபு₄வநஶ்லாக₄நீயாம் ஶ்ரியம் வ꞉ .. 89..

நாநாவர்ணாந்விவ்ருண்வந்விரசிதபு₄வநாநுக்₃ரஹாந் விக்₃ரஹாந் ய꞉
சக்ரேஷ்வஷ்டாஸு ம்ருஷ்டாஸுரவரதருணீகண்ட₂கஸ்தூரிகேஷு
. ஆதாராத₃ர்ணமாலாவதி₄ஷு வஸதி ய꞉ பூருஷோ வஸ்ஸ தே₃யாத்
வ்யத்₄வைருத்₃தூ₄தஸத்த்வைருபஹிதமப₃ஹிர்த்₄வாந்தமத்₄வாந்தவர்தீ .. 90..

த்₃வாத்ரிம்ஶத்ஷோட₃ஶாஷ்டப்ரப்₄ருதிப்ருது₂பு₄ஜஸ்பூ₂ர்திர்பி₄மூர்திபே₄தை₃꞉
காலாத்₃யே சக்ரஷட்கே ப்ரகடிதவிப₄வ꞉பஞ்சக்ருத்யாநுரூபம் .
அர்தா₂நாமர்தி₂தாநாமஹரஹரகி₂லம் நிர்விலம்பை₃ர்விலம்பை₃꞉
குர்வாணோ ப₄க்தவர்க₃ம் குஶலிநமவதாதா₃யுத₄க்₃ராமணீர்வ꞉ .. 91..

கோணைரர்ணைஸ்ஸரோஜைரபி கபிஶகு₃ணை꞉ ஷட்₃பி₄ருத்₃பி₄ந்நஶோபே₄
ஶ்ரீவாணீபூர்விகாபி₄ர்த₃த₄தி விகஸதஶ்ஶக்திபி₄꞉ கேஶவாதீ₃ந் .
தாராந்தே பூ₄புராதௌ₃ ரத₂சரணக₃தா₃ஶார்ங்க₃க₂ட்₃கா₃ங்கிதாஶே
யந்த்ரே தந்த்ரோதி₃தே வ꞉ ஸ்பு₂ரது க்ருதபத₃ம் லக்ஷ்ம லக்ஷ்மீஸக₂ஸ்ய .. 92..

த₃ம்ஷ்ட்ராகாந்த்யா கடா₃ரே கபடகிடிதநோ꞉ கைடபா₄ரேரத₄ஸ்தா-
தூ₃ர்த்₄வம் ஹாஸேந வித்₃தே₄ நரஹரிவபுஷோ மண்ட₃லே வாஸவீயே .
ப்ராக்ப்ரத்யக்ஸாந்த்₄யஸாந்த்₃ரச்ச₂விப₄ரப₄ரிதே வ்யோம்நி வித்₃யோதமாநோ
தை₃தேயோத்பாதஶம்ஸீ ரவிரிவ ரஹயத்வஸ்த்ரராஜோ ருஜம் வ꞉ .. 93..

கோணே க்வாபி ஸ்தி₂தோ(அ)பி த்ரிபு₄வநவிததஶ்சந்த்₃ரதா₄மாபி ரூக்ஷோ
ருக்மச்சா₂யோ(அ)பி க்ருஷ்ணாக்ருதிரநலமயோ(அ)ப்யாஶ்ரிதத்ராணகாரீ .
தா₄ராஸாரோ(அ)பி தீ₃ப்தோ தி₃நகரருசிரோ(அ)ப்யுல்லஸத்தாரகஶ்ரீ-
ஶ்சக்ரேஶஶ்சித்ரபூ₄மா விதரது விமதத்ராஸநம் ஶாஸநம் வ꞉ .. 94..

ஶுக்லஶ்ஶக்ர ஸ்தவஸ்தே ஸஹ த₃ஹந கலாம் கால தே(அ)யம் ந கால꞉
கிம் வோ ரக்ஷாம்ஸி ரக்ஷா தவ ப₂லது பதே யாத₃ஸாம் பாத₃ஸேவா .
வாயோ ஹ்ருத்₃யோ(அ)ஸி ப₄ர்துஸ்த்யஜ த₄நத₃ மத₃ம் ஸேவ்யதாம் த்ரயம்ப₃கேதி
ப்ராஹுர்யத்₃யந்த்ரபாலாஸ்ஸ த₃நுஜவிஜயீ ஹந்து தந்த்₃ராலுதாம் வ꞉ .. 95..

கா₃யத்ர்யர்ணாரசக்ரே ப்ரத₂மமநுஸக₂ஸ்ஸ்மேரபத்ராரவிந்தே₃
பி₃ம்ப₃ம் வஹ்நேஸ்த்ரிகோணம் வஹதி ஜயிஜயாத்₃யஷ்டஶக்தௌ நிஷண்ணா .
ஶோகம் வோ(அ)ஶோகமூலே பத₃ஸவித₄லஸத்₃பீ₄மபீ₄மாக்ஷபீ₄மா-
பும்ஸோ தி₃வ்யாஸ்த்ரதா₄மா புருஷஹரிமயீ மூர்திரஸ்யத்வபூர்வா .. 96..

பாஶ்சாத்யாஶோகபுஷ்பப்ரகரநிபதிதை꞉ ப்ராப்தராக₃ம் பராகை₃꞉
ஸந்த்₄யாரோசிஸ்ஸக₃ந்தை₄꞉ ஸ்வபத₃ஶஶத₄ரம் ப்ரேக்ஷ்ய தாராநுஷக்தம் .
பத்₃மாநாப₃த்₃த₄கோஶாநிவ ஸுரநிவஹைரஞ்ஜலீந் கல்ப்யமாநாம்-
ஶ்சக்ராதீ₄ஶோ(அ)பி₄நந்த₃ந்ப்ரதி₃ஶது ஸத்₃ருஶீமுத்தமஶ்லோகதாம் வ꞉ .. 97..

ரக்தாஶோகஸ்ய வேத₃ஸ்ய ச விஹிதபத₃ம் ப்ராப்தஶாக₂ஸ்ய மூலே
சக்ரைரஸ்த்ரைஸ்ததா₃த்₃யைரபி மஹிதசதுர்த்₃விஶ்சதுர்வாஹுத₃ண்ட₃ம் .
ஆஸீநம் பா₄ஸமாநம் ஸ்தி₂தமபி ப₄யதஸ்த்ராயதாம் தத்த்வமேகம்
பஶ்சாத்பூர்வத்ர பா₄கே₃ ஸ்பு₂டநரஹரிதாமாநுஷம் ஜாநுஷாத்₃வ꞉ .. 98..

ப்ராணே த₃த்தப்ரயாணே முஷிததி₃ஶி த்₃ருஶி த்வக்தஸாரே ஶரீரே
மத்யாம் வ்யாமோஹவத்யாம் ஸதமஸி மநஸி வ்யாஹதே வ்யாஹ்ருதே ச .
சக்ராந்தர்வர்தி ம்ருத்யுப்ரதிப₄யமுப₄யாகாரசித்ரம் பவித்ரம்
தேஜஸ்தத்திஷ்ட₂தாம் வஸ்த்ரித₃ஶகுலத₄நம் த்ரீக்ஷணம் தீக்ஷ்ணத₃ம்ஷ்ட்ரம் .. 99..

யஸ்மிந்விந்யஸ்ய பா₄ரம் விஜயிநி ஜக₃தாம் ஜங்க₃மஸ்தா₂வராணாம்
லக்ஷ்மீநாராயணாக்₂யம் மிது₂நமநுப₄வத்யத்யுதா₃ராந்விஹாராந் .
ஆரோக்₃யம் பூ₄திமாயு꞉ க்ருதமிஹ ப₃ஹுநா யத்₃யதா₃ஸ்தா₂பத₃ம் வ-
ஸ்தத்தத்ஸத்₃ய꞉ ஸமஸ்தம் தி₃ஶது ஸ புருஷோ தி₃வ்யஹேத்யக்ஷவர்தீ .. 100..

பத்₃யாநாம் தத்த்வவித்₃யாத்₃யுமணிகி₃ரிஶவித்₄யங்க₃ஸங்க்₂யாத₄ராணா-
மர்சிஷ்வங்கே₃ஷு நேம்யாதி₃ஷு ச பரமத꞉ பும்ஸி ஷட்₃விம்ஶதேஶ்ச .
ஸங்கை₄꞉ ஸௌத₃ர்ஶநம் ய꞉ பட₂தி க்ருதமித₃ம் கூரநாராயணேந -
ஸ்தோத்ரம் நிர்விஷ்டபோ₄கோ₃ ப₄ஜதி ஸ பரமாம் சக்ரஸாயுஜ்யலக்ஷ்மீம் .. 101..