சரணஶ்ருங்க₃ரஹித நடராஜ ஸ்தோத்ரம்

.. சரணஶ்ருங்க₃ரஹித நடராஜ ஸ்தோத்ரம் ..

ஸத₃ஞ்சிதமுத₃ஞ்சிதநிகுஞ்சிதபத₃ம் ஜ₂லஜ₂லஞ்சலிதமஞ்ஜுகடகம்
பதஞ்ஜலித்₃ருக₃ஞ்ஜநமநஞ்ஜநமசஞ்சலபத₃ம் ஜநநப₄ஞ்ஜநகரம்.
கத₃ம்ப₃ருசிமம்ப₃ரவஸம் பரமமம்பு₃த₃கத₃ம்ப₃கவிட₃ம்ப₃கக₃லம்
சித₃ம்பு₃தி₄மணிம் பு₃த₄ஹ்ருத₃ம்பு₃ஜரவிம்பரசித₃ம்ப₃ரநடம் ஹ்ருதி₃ ப₄ஜ..1..

ஹரம் த்ரிபுரப₄ஞ்ஜநம் அநந்தக்ருதகங்கணம் அக₂ண்ட₃த₃யமந்தரஹிதம்
விரிஞ்சிஸுரஸம்ஹதிபுரந்த₄ரவிசிந்திதபத₃ம் தருணசந்த்₃ரமகுடம்.
பரம் பத₃விக₂ண்டி₃தயமம் ப₄ஸிதமண்டி₃ததநும் மத₃நவஞ்சநபரம்
சிரந்தநமமும் ப்ரணவஸஞ்சிதநிதி₄ம் பரசித₃ம்ப₃ரநடம் ஹ்ருதி₃ ப₄ஜ..2..

அவந்தமகி₂லம் ஜக₃த₃ப₄ங்க₃கு₃ணதுங்க₃மமதம் த்₄ருதவிது₄ம் ஸுரஸரித்
தரங்க₃நிகுரம்ப₃த்₄ருதிலம்படஜடம் ஶமநத₃ம்ப₃ஸுஹரம் ப₄வஹரம்.
ஶிவம் த₃ஶதி₃க₃ந்தரவிஜ்ரும்பி₄தகரம் கரலஸந்ம்ருக₃ஶிஶும் பஶுபதிம்
ஹரம் ஶஶித₄நஞ்ஜயபதங்க₃நயநம் பரசித₃ம்ப₃ரநடம் ஹ்ருதி₃ ப₄ஜ..3..

அநந்தநவரத்நவிலஸத்கடககிங்கிணிஜ₂லம் ஜ₂லஜ₂லம் ஜ₂லரவம்
முகுந்த₃விதி₄ஹஸ்தக₃தமத்₃த₃லலயத்₄வநிதி₄மித்₃தி₄மிதநர்தநபத₃ம்.
ஶகுந்தரத₂ப₃ர்ஹிரத₂நந்தி₃முக₂ஶ்ருங்கி₃ரிடிப்₄ருங்கி₃க₃ணஸங்க₄நிகடம்
ஸநந்த₃ஸநகப்ரமுக₂வந்தி₃தபத₃ம் பரசித₃ம்ப₃ரநடம் ஹ்ருதி₃ ப₄ஜ..4..

அநந்தமஹஸம் த்ரித₃ஶவந்த்₃யசரணம் முநிஹ்ருத₃ந்தரவஸந்தமமலம்
கப₃ந்த₄வியதி₃ந்த்₃வவநிக₃ந்த₄வஹவஹ்நிமக₂ப₃ந்து₄ரவிமஞ்ஜுவபுஷம்.
அநந்தவிப₄வம் த்ரிஜக₃ந்தரமணிம் த்ரிநயநம் த்ரிபுரக₂ண்ட₃நபரம்
ஸநந்த₃முநிவந்தி₃தபத₃ம் ஸகருணம் பரசித₃ம்ப₃ரநடம் ஹ்ருதி₃ ப₄ஜ..5..

அசிந்த்யமலிவ்ருந்த₃ருசிப₃ந்து₄ரக₃லம் குரிதகுந்த₃நிகுரம்ப₃த₄வலம்
முகுந்த₃ஸுரவ்ருந்த₃ப₃லஹந்த்ருக்ருதவந்த₃நலஸந்தம்அஹிகுண்ட₃லத₄ரம்.
அகம்பமநுகம்பிதரதிம் ஸுஜநமங்க₃லநிதி₄ம் க₃ஜஹரம் பஶுபதிம்
த₄நஞ்ஜயநுதம் ப்ரணதரஞ்ஜநபரம் பரசித₃ம்ப₃ரநடம் ஹ்ருதி₃ ப₄ஜ..6..

பரம் ஸுரவரம் புரஹரம் பஶுபதிம் ஜநிதத₃ந்திமுக₂ஷண்முக₂மமும்
ம்ருட₃ம்கநகபிங்க₃லஜடம் ஸநகபங்கஜரவிம் ஸுமநஸம் ஹிமருசிம்.
அஸங்க₄மநஸம் ஜலதி₄ஜந்மகரலம் கவலயந்தமதுலம் கு₃ணநிதி₄ம்
ஸநந்த₃வரத₃ம் ஶமிதமிந்து₃வத₃நம் பரசித₃ம்ப₃ரநடம் ஹ்ருதி₃ ப₄ஜ..7..

அஜம் க்ஷிதிரத₂ம் பு₄ஜக₃புங்க₃வகு₃ணம் கநகஶ்ருங்கி₃த₄நுஷம் கரலஸத்
குரங்க₃ப்ருது₂டங்கபரஶும் ருசிரகுங்குமருசிம் ட₃மருகம் ச த₃த₄தமம்.
முகுந்த₃விஶிக₂ம் நமத₃வந்த்₄யப₂லத₃ம் நிக₃மவ்ருந்த₃துரக₃ம் நிருபமம்
ஸசண்டி₃கமமும் ஜ₂டிதி ஸம்ஹ்ருதபுரம் பரசித₃ம்ப₃ரநடம் ஹ்ருதி₃ ப₄ஜ..8..

அநங்க₃பரிபந்தி₂நமஜம் க்ஷிதிது₄ரந்த₄ரமலம் கருணயந்தமகி₂லம்
ஜ்வலந்தமநலம் த₃த₄தமந்தகரிபும் ஸததமிந்த்₃ரமுக₂வந்தி₃தபத₃ம்.
உத₃ஞ்சத₃ரவிந்த₃குலப₃ந்து₄ஶதபி₃ம்ப₃ருசிஸம்ஹதிஸுக₃ந்தி₄வபுஷம்
பதஞ்ஜலிநுதம் ப்ரணவபஞ்ஜரஶுகம் பரசித₃ம்ப₃ரநடம் ஹ்ருதி₃ ப₄ஜ..9..

இதி ஸ்தவமமும் பு₄ஜக₃புங்க₃வக்ருதம் ப்ரதிதி₃நம் பட₂தி ய꞉ க்ருதமுக₂꞉
ஸத₃꞉ ப்ரபு₄பத₃த்₃விதயத₃ர்ஶநபத₃ம் ஸுலலிதம் சரணஶ்ருங்க₃ரஹிதம்.
ஸர꞉ப்ரப₄வஸம்ப₄வஹரித்பதிஹரிப்ரமுக₂தி₃வ்யநுதஶங்கரபத₃ம்
ஸ க₃ச்ச₂தி பரம் ந து ஜநுர்ஜலநிதி₄ம் பரமது₃꞉க₂ஜநகம் து₃ரிதத₃ம்..10..