Atha shreesudarshanashatakam

Shreesudarshanaaya namah'
Saudarshanyujjihaanaa dishi vidishi tiraskri'tya saavitramarchi-
Rbaahyaabaahyaandhakaarakshatajagadagadankaarabhoomnaa svadhaamnaa .
Doh'kharjoodooragarjadvibudharipuvadhookant'havaikalyakalyaa
Jvaalaa jaajvalyamaanaa vitaratu bhavataam' veepsayaa'bheepsitaani .. 1..

Pratyudyaatam' mayookhairnabhasi dinakri'tah' praaptasevam' prabhaabhi-
Rbhoomau saumeraveebhirdivi varivasitam' deeptibhirdevadhaamnaam .
Bhuyasyai bhootaye vah' sphuratu sakaladigbhraantasaandrasphulingam'
Chaakram' jaagratprataapam' tribhuvanavijayavyagramugram' mahastat .. 2..

Poorne pooraih' sudhaanaam' sumahati lasatassomabimbaalavaale-
Baahaashaakhaavaruddhakshitigaganadivashchakraraajadrumasya .
Jyotishchhadmaa pravaalah' prakat'itasumanassampaduttam'salakshmeem'
Pushnannaashaamukheshu pradishatu bhavataam' saprakarsham' praharsham .. 3..

Aaraadaaraatsahasraadvisarati vimatakshepadakshaadyadakshaa-
Nnaabherbhaasvatsanaabhernijavibhavaparichchhinnabhoomeshcha nemeh' .
Aamnaayairekakant'haih' stutamahima maho maadhaveeyasya hete-
Stadvo dikshvedhamaanam' chatasri'shu chaturah' pushyataatpoorushaarthaan .. 4..

Shyaamam' dhaamaprasri'tyaa kvachana bhagavatah' kvaapi babhru prakri'tyaa
Shubhram' sheshasya bhaashaa kvachana maniruchaa kvaapi tasyaiva raktam .
Neelam' shreenetrakaantyaa kvachidapi mithunasyaadimasyeva chitram'
Vyaaptanvaanam' vitaanashriyamupachinutaachchharma vashchakrabhaanam .. 5..

Sham'santyunmeshamuchchhoshitaparamahaso bhaasvatah' kait'abhaare-
Rindhe sandhyeva naktancharavilayakaree yaa jagadvandaneeyaa .
Bandhookachchhaayabandhuchchhavighat'itaghanachchhedamedasvinee saa
Raathaangee rashmibhangee pranudatu bhavataam' pratyahotthaanamenah' .. 6..

Saamyam' dhoomyaapravri'ddhyaa prakat'ayati nabhastaarakaajaalakaani
Sphaulingeem' yaanti kaantim' dishati yadudaye merurangaarashankaam .
Agnirmagnaarchiraikyam' bhajati dinanishaavallabhau durlabhaabhau
Jvaalaavartaaviva stah' praharanapatijam' dhaama vastaddhinotu .. 7..

Dri'sht'e'dhivyomachakre vikachanavajapaasannikaashe sakaasham'
Svarbhaanurbhaanuresha sphut'amiti kalayannaagato vegato'sya .
Nisht'apto yairnivri'tto vidhumiva sahasaa sprasht'umadyaapi nesht'e
Gharmaam'shum' te ghat'antaamahitavihataye bhaanavo bhaasvaraa vah' .. 8..

Devam' hemaadritungam' pri'thubhujashikharam' bibhrateem' madhyadeshe
Naabhidveepaabhiraamaamaravipinavateem' sheshasheershaasanasthaam .
Nemim' paryaayabhoomim' dinakarakiranaadri'sht'aseemah'pareetya
Preetyai vashchakravaalaachala iva vilasannastu divyaastrarashmih' .. 9..

Ekam' lokasya chakshurdvividhamapanudatkarma namratrinetram'
Daatrarthaanaam' chaturnaam' gamayadariganam' panchataam' shad'gunaad'hyam .
Saptaarchih'shoshitaasht'aapadanavakiranashrenirajyaddashaam'sham'
Paryasyaadvah' shataangaavayavaparivri'd'hajyotireeteeh' sahasram .. 10..

Uchchand'e yachchhikhand'e nibid'ayati nabhah' krod'amarko't'ati dyaa-
Mabhyasya praud'hataapaglapitavapurapo bibhrateerabhrapankteeh' .
Dhatte shushyatsudhotso vidhurapamadhunah' kshaudrakoshasya saamyam'
Rakshantvastraprabhoste rachitasucharitavyusht'ayo ghusht'ayoh' vah' .. 11..

Padmaugho deerghikaambhasyavanidharatat'e gairikaambuprapaatah'
Sindooram' kunjaraanaam' dishi dishi gagane saandhyameghaprabandhah' .
Paaraavaare pravaalo vanabhuvi cha tathaa prekshyamaanah' pramugdhaih'
Saadhisht'ham' vah' pramodam' janayatu danujadveshinastvaisharaashih' .. 12..

Bhaano bhaa no tvadeeyaa sphurati kumudineemitra te kutra teja-
Staaraastaaraadadheero'syanala na bhavatah' svairamairammadaarchih' .
Sham'santeettham' nabhah'sthaa yadudayasamaye chakraraajaam'shavaste
Yushmaakam' praud'hataapaprabhavagadaapakramaaya kramantaam .. 13..

Jagdhvaa karneshu doorvaankuramarisudri'shaamakshishu svarvadhoonaam'
Peetvaa chaambhashcharantyah' savri'shamanugataa vallavenaadimena .
Gaavo vashchakrabhartuh' paramamri'tarasam' prashritaanaam' duhaanaah'
Ri'ddhim' svaalokaluptatribhunatamasah' saanubandhaam' dadantaam .. 14..

Senaam' senaam' maghono mahati ranamukhe'lam' bhayam' lambhayantee-
Rutsekoshnaaludoshnaam' prathamadivishadaamaavaleeryaavaleed'he .
Vishvam' vishvambharaadyam' rathapadadhipaterleelayaa paalayantee
Ri'ddhih' saa deedhiteenaam' vri'jinamanujanurmaarjayatvaarjitam' vah' .. 15..

Taptaa svenoshmaneva pratibhat'avapushaamasradhaaraam' dhayantee
Praapteva ksheebabhaavam' pratidishamasakri'ttanvatee ghoornitaani .
Vam'shaasthisphot'ashabdam' prakat'ayati pat'oonyaa''vahantyat't'ahaasaan
Bhaa saa vah' syandanaangaprabhusamudayinee spandataam' chintitaaya .. 16..

Devairaasevyamaano danujabhat'abhujaadand'adarposhnataptai-
Raashaarodho'tilanghee lut'hadud'upat'aleelakshyad'ind'eerapind'ah' .
Ringajjvaalaatarangatrut'itariputaruvraatapaatogramaarga-
Shchaakro vah' shochirodhah' shamayatu duritaapahnavam' daavavahnim .. 17..

Bhraamyatee sam'shritaanaam' bhramashamanakaree chchhanna sooryaprakaashaa
Sooryaalokaanuroopaa ripuhri'dayatamaskaarinee nistamaskaa .
Dhaaraasampaatinee cha prakat'itadahanaa deeptirastreshiturva-
Shchitraa bhadraaya vidraavitavimatajanaa jaayataamaayataaya .. 18..

Ninye vanyeva kaasheedavashikhijat'ilajyotishaa yena daaham'
Kri'tyaa vri'ttyaa vililye shalabhasulabhayaa yatra chitraprabhaave .
Rudro'pyadrerduhitraa saha gahanaguhaam' yadbhayaadabhyayaaseet
Dishyaadvishvaarchito vah' sa shubhamanibhri'tam' shaurihetiprataapah' .. 19..

Udyanbimbaadudaaraannayanajalahimam' maarjayannirjareenaa-
Majnyaanadhvaantamoorchchhaakarajanirajaneebhanjanavyanjitaadhvaa .
Nyakkurvaano grahaanaam' sphuranamapaharannarchishah' paavakeeyaa-
Shchakreshaarkaprakaasho dishatu dasha disho vyashnuvaanam' yasho vah' .. 20..

Vargasya svargadhaamnaamapi danujanushaam' vigraham' nigraheetum'
Daatum' sadyo'balaanaam' shriyamatishayineem' patrabhangaanuvri'tyaa .
Yoktum' dedeepyate yaa yugapadapi puro bhootimayyaa prakri'tyaa
Saa vo nudyaadavidyaam' dyutiramri'tarasasyandinee syaandanaangee .. 21..

Daaham' daaham' sapatnaansamarabhuvi lasadbhasmanaa vartmanaa yaan
Kravyaadapretabhootaadyabhilashitapushaa preetakaapaalikena .
Kankaalaih' kaaladhautam' girimiva kurute yah' svakeertervihartum'
Ghri'sht'ih' saandri'sht'ikam' vah' sakalamupanayatvaayudhaagresarasya .. 22..

Dagdhaanaam' daanavaanaam' sabhasitanichayairasthibhih' sarvashubhraam'
Pri'thveem' kri'tvaapi bhooyo navarudhirajhareekautukam' kaunapebhyah' .
Kurvaanam' vaashpapooraih' kuchatat'aghusri'nakshaalanaistadvadhoonaam'
Paapam' paapachyamaanam' shamayatu bhavataam' shastraraajasya tejah' .. 23..

Maagaanmosham' lalaat'aanala iti madanadveshinaa dhyaayateva
Srasht'raa pronnidravaasaambujadalapat'alaploshamutpashyateva .
Vajraagnirmaa sma naasham' vrajaditi chakiteneva shakrena baddhaih'
Stotrairastreshvarasya dyatu duritashatam' dyotamaanaa dyutirvah' .. 24..

Shastraastram' shaatravaanaam' shalabhakulamiva jvaalayaa lelihaanaa
Ghaushaih' svaih' kshobhayantee vighat'itabhagavadyoganidraansamudraan .
Vyood'horah'praud'hachaaratrut'itapat'urat'atkeekasakshunnadaityaa
Nemih' saudarshanee vah' shriyamatishayineem' daashataashataabdam .. 25..

Dhaaraa chakrasya taaraaganakapishaghri'nidyotitadyuprachaaraa
Paaraavaaraambupoorakvathanapishunitottaalapaataalayaatraa .
Gotraadrisphot'ashabdaprakat'itavasudhaamand'aleechand'ayaanaa
Panthaanam' vah' pradishyaatprashamanakushalaa paapmanaamaatmaneenam .. 26..

Yaatraa yaa traatalokaa prakat'itavarunatraasamudre samudre
Sattvaasattvaasahoshnaakri'tasagarudagaspandadaanaa dadaanaa .
Haanim' haa ninditaanaam' jagati parishadaam' daanaveenaam' naveenaam'
Chakre chakreshanemih' shamamupaharatu saprabhaavaprabhaa vah' .. 27..

Yatraamitraandidhakshau pravishati balino dhaama nih'seemadhaamni
Grastaapastaapasheernaih' pragunitasikato mauktikaih'shauktikeyaih' .
Raashirvaaraamapaaraam' prakat'ayati punarvairidaaraashrupooraih'
Vri'ddhim' niryaati niryaapayatu sa duritaanyastraraajapradhirvah' .. 28..

Kakshyaataulyena kadrootanayaphanamaneenkalyadeepasya yunjan
Paataalaantah' prataapee nikhilamapi tamah' svena dhaamnaa nigeerya .
Daiteyapreyaseenaam' vamati hri'di hatapreyasaam' bhooyasaam' ya-
Shchakraagreeyaagradesho dahatu vilasitam' bhooyasaamam'hasaam' vah' .. 29..

Kri'shnaambhodasya bhooshaa kri'tanayananayavyaahatirbhaargavasya
Praaptaamaavedayantee pratibhat'asudri'shaamudbhat'aam' vaashpavri'sht'im .
Nisht'aptaasht'aapadashreeh' samamamarachamoogarjitairujjihaanaa
Keerti vah' ketakeebhih' prathayatu sadri'sheem' chanchalaa chakradhaaraa .. 30..

Vapraanaam' bhedineem' yah' parinatimakhilashlaaghaneeyaam' dadhaanah'
Kshunnaam' nakshatramaalaam' dishi dishi vikiranvidyutaa tulyakakshyah' .
Niryaanenotkat'ena prakat'ayati navam' daanavaariprakarsham'
Chakraadheeshasya bhadro vashayatu bhavataam' sa pradhishchittavri'ttim .. 31..

Naakaukah' shatrujatrutrut'anavighat'itaskandhaneerandhraniryan
Navyakravyaasrahavyagrasanarasalasajjvaalajihvaalavahnim .
Yam' dri'sht'vaa saam'yugeenam' punarapi vidadhatyaashisho veeryavri'ddhyai
Geervaanaa nirvri'naanaa vitaratu sa jayam' vishnuhetipradhirvah' .. 32..

Dhanvaadhvanyasya dhaaraasalilamiva dhanam' durgatasyeva dri'sht'i-
Rjaatyandhasyeva pangoh' padavihri'tiriva preenanee premabhaajaam .
Patyurmaayaakriyaayaam' prakat'aparinatirvishvarakshaakshamaayaam'
Maayaamaayaamineem' vastrut'ayatu mahatee nemirastreshvarasya .. 33..

Traanam' yaa visht'apaanaam' vitarati cha yayaa kalpyate kaamapoorti-
Rna sthaatum' yatpurastaatprabhavati kalayaapyoshadheenaamadheeshah' .
Unmesho yaati yasyaa na samayaniyatim' saa shriyam' vah' pradeyaa-
Nnyakkri'tya dyotamaanaa tripuraharadri'sham' nemirastreshvarasya .. 34..

Nakshatrakshodabhootiprakaravikiranashvetitaashaavakaashaa
Jeernaih' parnairiva dyaam' jaladharapat'alaishchoornitairoornuvaanaa .
Aajaavaajaanavaajaanataripujanataaranyamaavartamaanaa
Nemirvaatyeva chaakree pranudatu bhavataam' sam'hatam' paapatoolam .. 35..

Kshiptvaa nepathyashaat'eemiva jaladaghat'aam' jishnukodand'achitraam'
Taaraapunjam' prasoonaanjalimiva vipule vyomarange vikeerya .
Nirvedaglaanichintaaprabhri'tiparavashaanantaraa daanavendraan
Nri'tyannaanaalayaad'hyam' nat'a iva tanutaam' sharma chakrapradhirvah' .. 36..

Daurgatyapraud'hataapapratibhat'avibhavaa vittadhaaraah'sri'jantee
Garjantee cheetkriyaabhirjvaladanalashikhoddaamasaudaamaneekaa .
Avyaatkravyaadvadhoot'eenayanajalabharairdikshu navyaananaavyaan
Pushyantee sindhupooraan rathacharanapaternemikaadambinee vah' .. 37..

Sandoham' daanavaanaamajasamajamivaalabhya jaajvalyamaane
Vahnaavahnaaya juhvattridashaparishade svasvabhaagapradaayee .
Stotrairbahmaadigeetairmukharaparisaram' shlaaghyashastraprayogam'
Praaptah' sangraamasatram' pradhirasuraripoh' praarthitam' prasnutaam' vah' .. 38..

Utpaataalaatakalpaanyasuraparishadaamaahavapraarthineenaa-
Madhvaanadhvaavavodhakshapanachanatamah' kshepadeepopamaani .
Trailokyaagaarabhaarodvahanasahamanistambhasampatsakhaani
Traayantaamantimaayaam' vipadi sapadi vo'raani saudarshanaani .. 39..

Jvaalaajaalapravaalastabakitashiraso naabhimaavaalayantyah'
Siktaa raktaambupooraih' shakalitavapushaam' shaatravaaneekineenaam .
Chakraakreed'aprarood'haabhujagashayabhujopaghnanighnaprachaaraah'
Pushpyantyah'keertipushpaanyarakanakalataah' preetaye vah' prathantaam .. 40..

Jvaalaajaalaabdhimudram' kshteevalayamivaabibhratee nemichakram'
Naagendrasyeva naabheh' phanaparishadiva praud'haratnaprakaashaa .
Dattaam' vo divyahetermatimaravitatih' khyaatasaahasrasankhyaa
Sankhyaavatsanghachittashravanaharagunasyandisandarbhagarbhaam .. 41..

Brahmeshopakramaanaam' bahuvidhavimatakshodasammoditaanaam'
Sevaayai devataanaam' danujakularipoh' pind'ikaadyangabhaajaam .
Tattaddhaamaantaseemaavibhajanavidhaye maanadand'aayamaanaa
Bhoomaanam' bhooyasaa vo dishatu dashashatee bhaasvaraanaamaraanaam .. 42..

Jvaalaakallolamaalaanibid'aparisaraam' nemivelaam' dadhaane
Poorvenaakraantamadhye bhuvanamayahavirbhojinaa poorushena .
Prasphoorjatpraajyaratne rathapadajaladhaavedhamaanaih' sphulingaih'
Bhadram' vo vidrumaanaam' shriyamaravitatirvistri'naanaa vidhattaam .. 43..

Naaseerasvairabhagnapratibhat'arudhiraasaaradhaaraavasekaa-
Nekaantasmerapadmaprakarasahacharachchhaayayaa praapya naabhyaa .
Muktaaneevaankuraani sphuradanalashikhaadarshitapraakpravaalaa-
Nyavyaaghaatena bhavyam' pradadatu bhavataam' divyaheteraraani .. 44..

Daavolkaamand'aleeva drumaganagahane baad'avasyeva vahne-
Rjvaalaavri'ddhirmahaabdhau pravayasi tamasi praatararkaprabheva .
Chakre yaa daanavaanaam' hayakarat'ighat'aasankat'e jaaghat'eeti
Praajyam' saa vah' predeyaatpadamaraparishatpadmanaabhaayudhasya .. 45..

Taapaaddaityaprataapaatapasamuchitaattraayamaanam' trilokeem'
Lolairjvaalaakalaapaih' prakat'ayadabhitashcheenapat't'aanchalaani .
Chhatraakaaram' shalaakaa iva kanakakri'taah' shauridordand'alagnam'
Bhooyaasurbhooshayantyo rathacharanamarasphoortayah'keertaye vah' .. 46..

Naabheeshaalaanikhaataam' nahanasamuchitaam' vairilakshmeevashaanaam'
Sam'yadvaareehri'taanaam' samanuvidadhatee kaanchanaalaanapanktim .
Raajyaa cha praajyadaityavrajavijayamahottambhitaanaam' bhujaanaam'
Tulyaa chakraaramaalaa tulayatu bhavataam' toolavachchhatrulokam .. 47..

Aanemeshchakravaalaattvisha iva vitataah'pind'ikaachand'adeepte-
Rdeeptaa deepaa ivaaraadgahanaranatameegaahinah' poorushasya .
Shaane rekhaayitaanaam' rathacharanamaye shatrushaund'eeryahemnaam'
Rekhaah' pratyagralagnaa iva bhuvanamarashreyanah' preenayantu .. 48..

Deeptairarchih'prarohairdalavati vidhri'te baahunaalenavishno-
Rudyatpradyotanaabhamprathayati purusham' karnikaavarnikaayaam .
Chood'aalam' vedamaulim' kalayati kamale chakranaamnopalakshye
Lakshmeem' sphaaraamaraani pratividadhatu vah' kesarashreekaraani .. 49..

Dhaatusyandairamandaih' kalushitavapusho nirjharaambhah'prapaataa-
Narchishmatyaa svamoortyaa rathacharanagirerneminaabheetat'asya .
Vyaakurvaanaarapanktirvitaratu vibhutaavistri'tim' vittakot'ee-
Kot'eerachchhatrapeet'heekat'akakarighat'aachaamarasragvineem' vah' .. 50..

Aikyena dvaadashaanaamashishiramahasaam' darshayantee pravri'ttim'
Dattah' svarlokalakshmyaastilaka iva mukhe padmaraagadravena .
Deyaaddaiteyadarpakshatikaranaranapreenitaambhojanaabhi-
Rnaabhirnaabhitvamurvyaassurapativibhavasparshi saudarshanee vah' .. 51..

Shastrashyaame shataangakshitibhri'ti taralairuttarange turangai-
Stvanganmaatanganakre kupitabhat'amukhachchhaayamugdhapravaale .
Astokam' prasnuvaanaa pratibhat'ajaladhau paat'avam' vaad'avasya
Shreyo vassam'vidhattaam' shritaduritaharaa shreedharaastrasya naabhih' .. 52..

Jvaalaachood'aalakaalaanalachalanasamaad'ambaraa saamparaayam'
Yaasaavaasaadya maadyatsurasubhat'abhujaasphot'akolaahalaad'hyam .
Daityaaranyam' dahantee virachayati yashobhootishubhraam' dharitreem'
Saa vashchakrasya nakrasyadamri'ditagajatraayinee naabhiravyaat .. 53..

Vindantee saandhyamarchirvidalitavapushah'pratyaneekasya raktaih'
Sphaayannakshatraraashirdishi dishi kanashah' keekasaih' keeryamaanaih' .
Naakaukah'pakshmalaaksheenavamadahasitachchhaayayaa chandrapaadaan
Raathaangee vistri'naanaa rachayatu kushalam' pind'ikaayaaminee vah' .. 54..

Nih'seemam' nissri'taayaa bhujadharanidharaaghaat'atah'kait'abhaare-
Raashaakoolankasharddherahitabalamahaambhodhimaasaadayantyaah' .
Chakrajvaalaapagaayaashchaladaralahareemaalikaadanturaayaah'
Bibhratyaavartabhaavam' bhramayatu bhuvane pind'ikaa vah' prashastim .. 55..

Paanau kri'tvaahavaagre pratibhat'avijayopaarjitaam' veeralakshmee-
Maaneetaayaastato'syaah' svasavidhamasuradveshinaa poorushena .
Praasaadam' vaasahetorvirachitamarunai rashmibhih' soochayantee
Naabhirvo nirmimeetaam' rathacharanapaternivri'tim' nirvighaataam .. 56..

D'ind'eeraapaand'ugand'irariyuvatimukhaih' pind'ikaa kri'shnahete-
Ruchchand'aashrupravarshairuparatatilakairuktashaund'eeryacharyaa .
Dvitragraamaadhipatyadruhinamadamasheedooshitaakshakshamaabhri't
Sevaahevaakapaakam' shamayatu bhavataam' karma sharmaprateepam .. 57..

Paryaaptaamunnatim' yaa prathayati kamalam' yaa tirobhaavya bhaati
Srasht'ussri'sht'erdaveeyah' kuvalayamahitam' yaa bibharti svaroopam .
Bhoomnaa svenaantariksham' kabalayati cha yaa saa vichitraa vidhattaam'
Daiteyaaraatinaabhirdravinapatipadadrohineem' sampadam' vah' .. 58..

Vaaneevaangaishchaturbhih' sadasi sumanasaam' dyotamaanasvaroopaa
Baahvantah'sthaa muraarerabhimatamakhilam' shreeriva sparshayantee .
Durgevograakri'tiryaa tribhuvanajananasthemasam'haaradhuryaa
Maryaadaalanghanam' vah' kshapayatu mahatee hetivaryasya naabhih' .. 59..

Sragbhih' santaanajaabhirmadhuramadhurasasyandasandohineebhih'
Paat'eeraih' praud'hachandraatapachayasushamaalopanairlepanaishcha .
Dhoopaih' kaalaagaroonaamapi surasudri'sho visramarchaasu yasyaah'
Gandham' rundhanti saa vashchiramasurabhido naabhiravyaadabhavyaat .. 60..

Am'hassam'hri'tya dagdhvaa preetijanijanitam' praud'hasam'saaravanyaa
Dooraadhvanyaanadhanyaanmahati vinatibhirdhaamani sthaapayantee .
Vishraantim' shaashvateem' yaa nayati ramayataam' chakraraajasya naabhih'
Sam'yanmomuhyamaanatridasharipudashaasaakshinee saa'kshinee vah' .. 61..

Athaakshavarnanam
Shrutvaa yannaama shabdam' shrutipathakat'ukam' devanakrad'aneshu
Svarvairisvairavatyo bhayavivashadhiyah' kaataranyastashaaraah' .
Mandaaksham' yaantyamandam' pratiyuvatimukhairdarshitotpraasadarpai-
Raksham' saudarshanam' tatkshapayatu bhavataamedhamaanaam' dhanaayaam .. 62..

Vyastaskandham' visheernaprasavaparikaram' prattapatropamardam'
Sam'yadvarshaasu tarshaaturakhagaparishatpeetaraktodakaasu .
Aksham' rakshastaroonaamashanivadashanairaapatanmoordhni-moordhni
Staadastraadheeshiturvah' stabakitayashase dveshinaam' ploshanaaya .. 63..

Deekshaam' sangaamasatre mahati kri'tavato deeptibhissam'hataabhih'
Jihvaale saptajihve danujakulahavirjuhvato nemijuhvaa .
Vaikunt'haastrasya kund'am' mahadiva vilasatpind'ikaavedimadhye
Dishyaaddivyarddhideshyam' padamiha bhavataamakshatonmeshamaksham .. 64..

Tungaaddoradrishri'ngaaddanujavijayinah' spasht'adaanodyamaanaam'
Shatrustamberamaanam' shirasi nipatatah' srastamuktaasthipunje .
Raktairabhyaktamoortervidalanagalitairvyaktaveeraayitarddhe-
Rharyakshasyaaribhangam' janayatu jagataameed'itam' kreed'itam' vah' .. 65..

Unmeelatpadmaraagam' kat'akamiva dhri'tam' baahunaa yanmuraare-
Rdeeptaan rashmeendadhaanam' nayanamiva yaduttaarakam' visht'apasya .
Chakreshaarkasya yadvaaparidhirabhidadhaddaityahatyaamiva draa-
Gaksham' pakshe patitvaa parighat'ayatu vastaddrad'hisht'haam' pratisht'haam .. 66..

Kreed'atpraakkrod'adam'sht'raahatidalitahiranyaakshavakshah'kavaat'a-
Praadurbhootaprabhootakshatajasamuditaarunyamudram' samudram ..

Unmeelatkim'shukaabhairupahasadamitairam'shubhih' sam'shayaghnee-
Maksham' chakrasya dattaamaghashatashamanam' daashusheem' shemusheem' vah' .. 67..

Padmollaasapradam' yajjanayati jagateemedhamaanaprabodhaam'
Yasyachchhaayaasamaanaa lasati parisare rohinee taarakaagryaa .
Naanaahetyunnatattvam' prakat'ayati cha yatpraaptakri'shnaprayaanam'
Tredhaa bhinnasya dhaamnassamudaya iva tatpaatu vashchaakramaksham .. 68..

Shochirbhih' padmaraagadravasamasushamaishshobhamaanaavakaasham'
Pratyagraashokaraagapratibhat'avapushaa bhooshitam' poorushena .
Antah' svachchhandamagnotthitabhri'gutanayam' kshatriyaanaam' kshataanaa-
Maarabdham' shonitaughaissara iva bhavato divyahetyakshamavyaat .. 69..

Mattaanaamindriyaanaam' kri'tavishayamahaakaananakreed'anaanaam'
Sri'sht'am' chakreshvarena grahanadhishanayaa vaarivadvaaranaanaam .
Gambheeram' yantragartam' kamapi kri'tadhiyo manvate yatpradeyaa-
Dasthoolaam' sam'vidam' vastrijagadabhimatasthoolalaksham' tadaksham .. 70..

Pranaadeensanniyamya pranihitamanasaam' yoginaamantarange
Tungam' sankochya roopam' virachitadaharaakaashakri'chchhraasikena .
Praaptam' yatpoorushena svamahimasadri'sham' dhaama kaamapradam' vo
Bhooyaabhoorbhuvassvastrayavarivasitam' pushkaraakshaayudhaaksham .. 71..

Viddhaanveedhrena dhaamnaa charananakhabhuvaa baddhavaasasya madhye
Chakraadhyakshasya bibhratparihasitajapaapushpakoshaanprakaashaan .
Shubhrairabhrairadabhraishsharadi tata ito vyoma vibhraajamaanam'
Praatastyaadityarochistatamiva bhavatah' paatu raathaangamaksham .. 72..

Shreevaaneevaangmri'd'aanyo vidadhati bhajanam' shaktayo yasya dikshu
Praaha vyooham' yadaadyam' prathamamapi gunam' bhaaratee paancharaatree .
Ghoraam' shaantaam' cha moortim' prathayati purushah' praaktanah' praarthanaabhi-
Rbhaktaanaam' yasya madhye dishatu tadanaghaamakshamadhyakshataam' vah' .. 73..

Rakshah'pakshena rakshatkshatamamaraganam' lakshyavailakshyamaajau
Lakshmeemaksheeyamaanaam' balamathanabhuje vajrashikshaanapekshe .
Nikshipya kshipramadhyakshayati jagati yaddakshataam' divyahete-
Rakshaamaamakshamaam' taam' kshapayatu bhavataamakshajillakshyamaksham .. 74..

.. Ityakshavarnanam ..

Athasudarshanapurushavarnanam
Jyotishchood'aalamaulistrinayanavadanah' shod'ashottungabaahuh'
Pratyaaleed'hena tisht'hanpranavashashadharaadhaarashat'konavartee .
Nisseemena svadhaamnaa nikhilamapi jagatkshemavannirmimaano
Bhooyaatsaudarshano vah' pratibhat'aparushah' poorushah' paurushaaya .. 75..

Vaanee pauraanikee yam' prathayati mahitam' prekshanam' kait'abhaareh'
Shaktiryasyeshudam'sht'raanakhaparashumukhavyaapinee tadvibhootyaam .
Kartum' yattattvabodho na nishitamatibhirnaaradaadyaishcha shakyo
Daiveem' vo maanusheem' cha kshipatu sa vipadam' dusraamastraraajah' .. 76..

Rood'hastaaraalavaale ruchiradalachayah' shyaamalaishshastrajaalai-
Rjvaalaabhissapravaalah' prakat'itakusumo baddhasanghaih' sphulingaih' .
Praaptaanaam' paadamoolam' prakri'timadhurayaa chhaayayaa taapahri'dvo
Dattaamuddoh'prakaand'ah' phalamabhilashitam' vishnusankalpavri'kshah' .. 77..

Dhaamnaamairammadaanaam' nichayamiva chirasthaayinaam' dvaadashaanaam'
Maartand'aanaam' samood'ham' maha iva bahulaam' ratnabhaasaamivarddhim .
Archissanghaatamekeekri'tamiva shikhinaam' vaad'avaagresaraanaam'
Shankante yasya roopam' sa bhavatu bhavataam' tejase chakraraajah' .. 78..

Ugram' pashyaakshamudyadbhrukut'i samukut'am' kund'alispasht'adam'sht'ram'
Chand'aastrairbaahudand'airlasadanalasamakshaumalakshyorukaand'am .
Pratyaaleed'hasthapaadam' prathayatu bhavataam' paalanavyagramagre
Chakresho'kaalakaaleritabhat'avikat'aat'opalopaaya roopam .. 79..

Chakram' kuntam' kri'paanam' parashuhutavahaavankusham' dand'ashaktee
Shankham' kodand'apaashau halamusalagadaavajrashoolaam'shcha heteen .
Dorbhissavyaapasavyairdadhatatulabalastambhitaaraatidarpai-
Rvyoohastejobhimaanee narakavijayino jri'mbhataam' sampade vah' .. 80..

Peetam' keshe riporapyasri'ji rathapade sam'shrite'pyutkat'aaksham'
Chandraadhah'kaari yantre vapushi cha dalane mand'ale cha svaraankam .
Haste vaktre cha hetistabakitamasamam' lochane mochane cha
Staadastokaaya dhaamne suravaraparishatsevitam' daivatam' vah' .. 81..

Chitraakaaraissvachaarairmitasakalajagajjaagarookaprataapo
Mantram' tantraanuroopam' manasi kalayato maanayannaatmaguhyaan .
Panchaangasphoortinirvartitaripuvijayo dhaama shannaam' gunaanaam'
Lakshmeem' raajaasanastho vitaratu bhavataam' poorushashchakravartee .. 82..

Akshaavri'ttaabhramaalaanyaravivaralut'hachchandrachand'adyuteeni
Jvaalaajaalaavaleed'hasphut'adud'upat'aleepaand'udingmand'alaani .
Chakraantaakraantachakraachalachalitamaheechakravaalaartasheshaa-
Nyastragraamaagrimasya pradadatu bhavataam' praarthitam' prasthitaani .. 83..

Shoolam' tyaktaatmasheelam' sri'niranukaghri'nih' pat't'asah' spasht'asaadah'
Shaktishshaaleenashaktih' kulishamakushalam' kunt'hadhaarah' kut'haarah' .
Dand'ashchand'atvashoonyo bhavati tanudhanuryatpurastaatsa vah' staad
Grastaasheshaastragarvo rathacharanapatih' karmane shaarmanaaya .. 84..

Kshunnaajaaneyavri'ndam' kshubhitarathaganam' sannasaannaahyayootham'
Kshvelaasam'rambhahelaakalakalavigalatpoorvageervaanagarvam .
Kurvaanah'saamparaayam' rathacharanapatih' stheyaseem' vah'prashastim'
Dugdhaam' dugdhaabdhibhaasam' bhayavivashashunaaseeranaaseeravartee .. 85..

Druhyaddoshshaalimaalipraharanarabhasottaanite vainateye
Vidraati draakprayuktah' pradhanabhuvi paraavartamaanena bhartraa .
Nirjitya pratyaneekam' niravadhikacharaddhaastikaashveeyarathyam'
Pathyam' vishvasya daashvaanprathayatu bhavato hetirindraanujasya .. 86..

Nandinyaanandashoonye galati ganapatau vyaakule baahuleye
Chand'e chaakityakunt'he pramathaparishadi praaptavatyaam' pramaatham .
Uchchhidyaajau balisht'ham' valijabhujavanam' yo dadaavaadibhiksho-
Rbhikshaam' tatpraanaroopaam' sa bhavadakushalam' kri'shnahetih'kshinotu .. 87..

Raktaughaabhyaktamuktaaphalalulitalaladveechivri'ddhau mahaabdhau
Sandhyaasambaddhataaraajaladharashabalaakaashaneekaashakaantau .
Gambheeraarambhamambhashcharamasurakulam' vedavighnam' vinighnan
Nivighnam' vah' prasootaam' vyapagatavipadam' sampadam' chakraraajah' .. 88..

Kaasheeviploshachaidyakshapanadharanijadhvam'sasooryaapidhaana-
Graahadvedhaatvamaalitrut'anamukhakathaavastusatkeertigaathaah' .
Geeyante kinnareebhih' kanakagiriguhaagehineebhiryadeeyaa
Deyaaddaiteyavairee sa sakalabhuvanashlaaghaneeyaam' shriyam' vah' .. 89..

Naanaavarnaanvivri'nvanvirachitabhuvanaanugrahaan vigrahaan yah'
Chakreshvasht'aasu mri'sht'aasuravarataruneekant'hakastoorikeshu
. Aataaraadarnamaalaavadhishu vasati yah' poorusho vassa deyaat
Vyadhvairuddhootasattvairupahitamabahirdhvaantamadhvaantavartee .. 90..

Dvaatrim'shatshod'ashaasht'aprabhri'tipri'thubhujasphoortirbhimoortibhedaih'
Kaalaadye chakrashat'ke prakat'itavibhavah'panchakri'tyaanuroopam .
Arthaanaamarthitaanaamaharaharakhilam' nirvilambairvilambaih'
Kurvaano bhaktavargam' kushalinamavataadaayudhagraamaneervah' .. 91..

Konairarnaissarojairapi kapishagunaih' shad'bhirudbhinnashobhe
Shreevaaneepoorvikaabhirdadhati vikasatashshaktibhih' keshavaadeen .
Taaraante bhoopuraadau rathacharanagadaashaarngakhad'gaankitaashe
Yantre tantrodite vah' sphuratu kri'tapadam' lakshma lakshmeesakhasya .. 92..

Dam'sht'raakaantyaa kad'aare kapat'akit'itanoh' kait'abhaareradhastaa-
Doordhvam' haasena viddhe naraharivapusho mand'ale vaasaveeye .
Praakpratyaksaandhyasaandrachchhavibharabharite vyomni vidyotamaano
Daiteyotpaatasham'see raviriva rahayatvastraraajo rujam' vah' .. 93..

Kone kvaapi sthito'pi tribhuvanavitatashchandradhaamaapi rooksho
Rukmachchhaayo'pi kri'shnaakri'tiranalamayo'pyaashritatraanakaaree .
Dhaaraasaaro'pi deepto dinakararuchiro'pyullasattaarakashree-
Shchakreshashchitrabhoomaa vitaratu vimatatraasanam' shaasanam' vah' .. 94..

Shuklashshakra stavaste saha dahana kalaam' kaala te'yam' na kaalah'
Kim' vo rakshaam'si rakshaa tava phalatu pate yaadasaam' paadasevaa .
Vaayo hri'dyo'si bhartustyaja dhanada madam' sevyataam' trayambaketi
Praahuryadyantrapaalaassa danujavijayee hantu tandraalutaam' vah' .. 95..

Gaayatryarnaarachakre prathamamanusakhassmerapatraaravinde
Bimbam' vahnestrikonam' vahati jayijayaadyasht'ashaktau nishannaa .
Shokam' vo'shokamoole padasavidhalasadbheemabheemaakshabheemaa-
Pum'so divyaastradhaamaa purushaharimayee moortirasyatvapoorvaa .. 96..

Paashchaatyaashokapushpaprakaranipatitaih' praaptaraagam' paraagaih'
Sandhyaarochissagandhaih' svapadashashadharam' prekshya taaraanushaktam .
Padmaanaabaddhakoshaaniva suranivahairanjaleen kalpyamaanaam'-
Shchakraadheesho'bhinandanpradishatu sadri'sheemuttamashlokataam' vah' .. 97..

Raktaashokasya vedasya cha vihitapadam' praaptashaakhasya moole
Chakrairastraistadaadyairapi mahitachaturdvishchaturvaahudand'am .
Aaseenam' bhaasamaanam' sthitamapi bhayatastraayataam' tattvamekam'
Pashchaatpoorvatra bhaage sphut'anaraharitaamaanusham' jaanushaadvah' .. 98..

Praane dattaprayaane mushitadishi dri'shi tvaktasaare shareere
Matyaam' vyaamohavatyaam' satamasi manasi vyaahate vyaahri'te cha .
Chakraantarvarti mri'tyupratibhayamubhayaakaarachitram' pavitram'
Tejastattisht'hataam' vastridashakuladhanam' treekshanam' teekshnadam'sht'ram .. 99..

Yasminvinyasya bhaaram' vijayini jagataam' jangamasthaavaraanaam'
Lakshmeenaaraayanaakhyam' mithunamanubhavatyatyudaaraanvihaaraan .
Aarogyam' bhootimaayuh' kri'tamiha bahunaa yadyadaasthaapadam' va-
Stattatsadyah' samastam' dishatu sa purusho divyahetyakshavartee .. 100..

Padyaanaam' tattvavidyaadyumanigirishavidhyangasankhyaadharaanaa-
Marchishvangeshu nemyaadishu cha paramatah' pum'si shad'vim'shateshcha .
Sanghaih' saudarshanam' yah' pat'hati kri'tamidam' kooranaaraayanena -
Stotram' nirvisht'abhogo bhajati sa paramaam' chakrasaayujyalakshmeem .. 101..