શ્રીરઙ્ગનાથસુપ્રભાતમ્

.. શ્રીરઙ્ગનાથસુપ્રભાતમ્ ..

અમ્ભોરુહાણિ વિકસન્ત્યરુણસ્ય ભાસા
શક્રસ્ય દિગ્ભવતિ પાટલિતા તથૈવ.
માના ભવત્યુડુગણસ્ય રુચિર્જય ત્વં
શ્રીરઙ્ગનાથ ભગવન્ તવ સુપ્રભાતમ્ .. ૨ ..

ભૃઙ્ગાઃ પતન્તિ કુમુદાનિ વિહાય પદ્મે -
ષ્વાર્તં રથાઙ્ગમિથુનં સમુપૈતિ યોગમ્.
રૌતીહ પક્ષિપરિષત્પરિતો જય ત્વં
શ્રીરઙ્ગનાથ ભગવન્ તવ સુપ્રભાતમ્ .. ૩ ..

ઉદ્યાનસદ્મસુ વિહૃત્ય સહ પ્રિયાભિ -
નક્તં યુવાન ઉપયાન્તિ પુનર્ગૃહાણિ.
ચન્દ્રો ન ભાતિ સહ દીપગણૈર્જય ત્વં
શ્રીરઙ્ગનાથ ભગવન્ તવ સુપ્રભાતમ્ .. ૩ ..

નક્તં પ્રપાસુ પથિકાઃ સુખસુપ્તિભાજો
નિદ્રાં વિહાય પરિતઃ સ્વપથાન્ પ્રયાન્તિ.
શોશ્રૂયતે નિગમપાઠરવો જય ત્વં
શ્રીરઙ્ગનાથ ભગવન્ તવ સુપ્રભાતમ્ .. ૪ ..

વિપ્રા ગૃહીતસકલોપકરાઃ પ્રયાન્તિ
સ્નાનાદિકર્મકરણાય કવેરકન્યામ્.
સઙ્કલ્પયન્તિ વનિતા વસતીર્જય ત્વં
શ્રીરઙ્ગનાથ ભગવન્ તવ સુપ્રભાતમ્ .. ૫ ..

સહ્યાદ્રિજાપયસિ ચોષસિ યાયજૂકાઃ
સ્નાત્વાગ્નિહોત્રશરણે પ્રણયન્તિ વહ્નીન્.
વીથ્યાં પરિભ્રમતિ ભક્તતતિર્જય ત્વં
શ્રીરઙ્ગનાથ ભગવન્ તવ સુપ્રભાતમ્ .. ૬ ..

ગોવાજિહસ્તિગણિકાઃ પુરતઃ સ્થિતાસ્તે
વીણાધ્વનિઃ પરિજના જલપૂર્ણકુમ્ભઃ.
સજ્જાર્ચકાશ્ચ સકલા ઇતરે જય ત્વં
શ્રીરઙ્ગનાથ ભગવન્ તવ સુપ્રભાતમ્ .. ૭ ..

વેદાન્તયુગ્મમુભયે વિબુધાશ્ચ સર્વે
ત્વાં બોધયન્તિ મુદિતાઃ સ્તુતિભિઃ પ્રિયાભિઃ.
ઉત્તિષ્ઠ શેષશયનાદવ તાન્ જય ત્વં
શ્રીરઙ્ગનાથ ભગવન્ તવ સુપ્રભાતમ્ .. ૮ ..