శ్రీరఙ్గనాథసుప్రభాతమ్

.. శ్రీరఙ్గనాథసుప్రభాతమ్ ..

అమ్భోరుహాణి వికసన్త్యరుణస్య భాసా
శక్రస్య దిగ్భవతి పాటలితా తథైవ.
మానా భవత్యుడుగణస్య రుచిర్జయ త్వం
శ్రీరఙ్గనాథ భగవన్ తవ సుప్రభాతమ్ .. 2 ..

భృఙ్గాః పతన్తి కుముదాని విహాయ పద్మే -
ష్వార్తం రథాఙ్గమిథునం సముపైతి యోగమ్.
రౌతీహ పక్షిపరిషత్పరితో జయ త్వం
శ్రీరఙ్గనాథ భగవన్ తవ సుప్రభాతమ్ .. 3 ..

ఉద్యానసద్మసు విహృత్య సహ ప్రియాభి -
నక్తం యువాన ఉపయాన్తి పునర్గృహాణి.
చన్ద్రో న భాతి సహ దీపగణైర్జయ త్వం
శ్రీరఙ్గనాథ భగవన్ తవ సుప్రభాతమ్ .. 3 ..

నక్తం ప్రపాసు పథికాః సుఖసుప్తిభాజో
నిద్రాం విహాయ పరితః స్వపథాన్ ప్రయాన్తి.
శోశ్రూయతే నిగమపాఠరవో జయ త్వం
శ్రీరఙ్గనాథ భగవన్ తవ సుప్రభాతమ్ .. 4 ..

విప్రా గృహీతసకలోపకరాః ప్రయాన్తి
స్నానాదికర్మకరణాయ కవేరకన్యామ్.
సఙ్కల్పయన్తి వనితా వసతీర్జయ త్వం
శ్రీరఙ్గనాథ భగవన్ తవ సుప్రభాతమ్ .. 5 ..

సహ్యాద్రిజాపయసి చోషసి యాయజూకాః
స్నాత్వాగ్నిహోత్రశరణే ప్రణయన్తి వహ్నీన్.
వీథ్యాం పరిభ్రమతి భక్తతతిర్జయ త్వం
శ్రీరఙ్గనాథ భగవన్ తవ సుప్రభాతమ్ .. 6 ..

గోవాజిహస్తిగణికాః పురతః స్థితాస్తే
వీణాధ్వనిః పరిజనా జలపూర్ణకుమ్భః.
సజ్జార్చకాశ్చ సకలా ఇతరే జయ త్వం
శ్రీరఙ్గనాథ భగవన్ తవ సుప్రభాతమ్ .. 7 ..

వేదాన్తయుగ్మముభయే విబుధాశ్చ సర్వే
త్వాం బోధయన్తి ముదితాః స్తుతిభిః ప్రియాభిః.
ఉత్తిష్ఠ శేషశయనాదవ తాన్ జయ త్వం
శ్రీరఙ్గనాథ భగవన్ తవ సుప్రభాతమ్ .. 8 ..