ಶ್ರೀರಙ್ಗನಾಥಸುಪ್ರಭಾತಮ್

.. ಶ್ರೀರಙ್ಗನಾಥಸುಪ್ರಭಾತಮ್ ..

ಅಮ್ಭೋರುಹಾಣಿ ವಿಕಸನ್ತ್ಯರುಣಸ್ಯ ಭಾಸಾ
ಶಕ್ರಸ್ಯ ದಿಗ್ಭವತಿ ಪಾಟಲಿತಾ ತಥೈವ.
ಮಾನಾ ಭವತ್ಯುಡುಗಣಸ್ಯ ರುಚಿರ್ಜಯ ತ್ವಂ
ಶ್ರೀರಙ್ಗನಾಥ ಭಗವನ್ ತವ ಸುಪ್ರಭಾತಮ್ .. ೨ ..

ಭೃಙ್ಗಾಃ ಪತನ್ತಿ ಕುಮುದಾನಿ ವಿಹಾಯ ಪದ್ಮೇ -
ಷ್ವಾರ್ತಂ ರಥಾಙ್ಗಮಿಥುನಂ ಸಮುಪೈತಿ ಯೋಗಮ್.
ರೌತೀಹ ಪಕ್ಷಿಪರಿಷತ್ಪರಿತೋ ಜಯ ತ್ವಂ
ಶ್ರೀರಙ್ಗನಾಥ ಭಗವನ್ ತವ ಸುಪ್ರಭಾತಮ್ .. ೩ ..

ಉದ್ಯಾನಸದ್ಮಸು ವಿಹೃತ್ಯ ಸಹ ಪ್ರಿಯಾಭಿ -
ನಕ್ತಂ ಯುವಾನ ಉಪಯಾನ್ತಿ ಪುನರ್ಗೃಹಾಣಿ.
ಚನ್ದ್ರೋ ನ ಭಾತಿ ಸಹ ದೀಪಗಣೈರ್ಜಯ ತ್ವಂ
ಶ್ರೀರಙ್ಗನಾಥ ಭಗವನ್ ತವ ಸುಪ್ರಭಾತಮ್ .. ೩ ..

ನಕ್ತಂ ಪ್ರಪಾಸು ಪಥಿಕಾಃ ಸುಖಸುಪ್ತಿಭಾಜೋ
ನಿದ್ರಾಂ ವಿಹಾಯ ಪರಿತಃ ಸ್ವಪಥಾನ್ ಪ್ರಯಾನ್ತಿ.
ಶೋಶ್ರೂಯತೇ ನಿಗಮಪಾಠರವೋ ಜಯ ತ್ವಂ
ಶ್ರೀರಙ್ಗನಾಥ ಭಗವನ್ ತವ ಸುಪ್ರಭಾತಮ್ .. ೪ ..

ವಿಪ್ರಾ ಗೃಹೀತಸಕಲೋಪಕರಾಃ ಪ್ರಯಾನ್ತಿ
ಸ್ನಾನಾದಿಕರ್ಮಕರಣಾಯ ಕವೇರಕನ್ಯಾಮ್.
ಸಙ್ಕಲ್ಪಯನ್ತಿ ವನಿತಾ ವಸತೀರ್ಜಯ ತ್ವಂ
ಶ್ರೀರಙ್ಗನಾಥ ಭಗವನ್ ತವ ಸುಪ್ರಭಾತಮ್ .. ೫ ..

ಸಹ್ಯಾದ್ರಿಜಾಪಯಸಿ ಚೋಷಸಿ ಯಾಯಜೂಕಾಃ
ಸ್ನಾತ್ವಾಗ್ನಿಹೋತ್ರಶರಣೇ ಪ್ರಣಯನ್ತಿ ವಹ್ನೀನ್.
ವೀಥ್ಯಾಂ ಪರಿಭ್ರಮತಿ ಭಕ್ತತತಿರ್ಜಯ ತ್ವಂ
ಶ್ರೀರಙ್ಗನಾಥ ಭಗವನ್ ತವ ಸುಪ್ರಭಾತಮ್ .. ೬ ..

ಗೋವಾಜಿಹಸ್ತಿಗಣಿಕಾಃ ಪುರತಃ ಸ್ಥಿತಾಸ್ತೇ
ವೀಣಾಧ್ವನಿಃ ಪರಿಜನಾ ಜಲಪೂರ್ಣಕುಮ್ಭಃ.
ಸಜ್ಜಾರ್ಚಕಾಶ್ಚ ಸಕಲಾ ಇತರೇ ಜಯ ತ್ವಂ
ಶ್ರೀರಙ್ಗನಾಥ ಭಗವನ್ ತವ ಸುಪ್ರಭಾತಮ್ .. ೭ ..

ವೇದಾನ್ತಯುಗ್ಮಮುಭಯೇ ವಿಬುಧಾಶ್ಚ ಸರ್ವೇ
ತ್ವಾಂ ಬೋಧಯನ್ತಿ ಮುದಿತಾಃ ಸ್ತುತಿಭಿಃ ಪ್ರಿಯಾಭಿಃ.
ಉತ್ತಿಷ್ಠ ಶೇಷಶಯನಾದವ ತಾನ್ ಜಯ ತ್ವಂ
ಶ್ರೀರಙ್ಗನಾಥ ಭಗವನ್ ತವ ಸುಪ್ರಭಾತಮ್ .. ೮ ..