ஜந்மாஷ்டமீமுபலக்ஷ்ய ஶாஸ்த்ரோபதே₃ஶா꞉

ஜந்மாஷ்டமீமுபலக்ஷ்ய ஶாஸ்த்ரோபதே₃ஶா꞉
ப்₃ரஹ்மபுராணே
அத₂ பா₄த்₃ரபதே₃ மாஸி க்ருஷ்ணாஷ்டம்யாம் கலௌ யுகே₃.
அஷ்டாவிம்ஶதிமே ஜாத꞉ க்ருஷ்ணோ(அ)ஸௌ தே₃வகீஸுத꞉..

விஷ்ணுபுராணே
ப்ராவ்ருட்காலே ச நப₄ஸி க்ருஷ்ணாஷ்டம்யாம் மஹாநிஶி
உத்பத்ஸ்யாமி நவம்யாந்து ப்ரஸூதிம் த்வமவாப்ம்யஸி
ஶ்ராவணே வா நப₄ஸ்யே வா ரோஹிணீஸஹிதாஷ்டமீ
யதா₃ க்ருஷ்ணே நரைர்லப்₃தா₄ ஸா ஜயந்தீ ப்ரகீர்த்ரிதா
அக்₃நிபுராணே
ரோஹிணீஸஹிதா க்ருஷ்ணா மாஸி பா₄த்₃ரபதே₃(அ)ஷ்டமீ
ஸப்தம்யாமர்த்₃த₄ராத்ராத₄꞉கலயாபி யதா₃ ப₄வேத்
தத்ர ஜாதோ ஜக₃ந்நாத₂꞉ கௌஸ்துபீ₄ ஹரிரீஶ்வர꞉
தமேவோபவஸேத் காலம் தத்ர குர்ய்யாச்ச ஜாக₃ரம்
அவித்₃தா₄யாஞ்ச ஸர்க்ஷாயாம் ஜாதோ தே₃வகீநந்த₃ந꞉
ப்₃ரஹ்மவைவர்த்தே
உத₃யே சாஷ்டமீ கிஞ்சிந்நவமீ ஸகலா யதி₃
ப₄வேத்து பு₃த₄ஸம்யுக்தா ப்ராஜாபத்யர்க்ஷஸம்யுதா
அபி வர்ஷஶதேநாபி லப்₄யதே வா ந வா விபோ₄
பத்₃மபுராணே
ப்ரேதயோநிக₃தாநாந்து ப்ரேதத்வம் நாஶிதந்து தை꞉
யை꞉ க்ருதா ஶ்ராவணே மாஸி அஷ்டமீ ரோஹிணீயுதா
கிம் புநர்பு₃த₄வாரேண ஸோமேநாபி விஶேஷத꞉
கிம் புநர்நவமீயுக்தா குலகோட்யாஸ்து முக்திதா₃
ப₄விஷ்யபுராணே
ஏகேநைவோபவாஸேந க்ருதேந குருநந்த₃ந
ஸப்தஜந்மக்ருதாத் பாபாந்முச்யதே நாத்ர ஸம்ஶய꞉
ப₄விஷ்யோத்தரே
ஶ்ராவணே(அ)ப₃ஹுலே பக்ஷே க்ருஷ்ணஜந்மாஷ்டமீவ்ரதம்
ந கரோதி நரோ யஸ்து ஸ ப₄வேத் க்ரூரராக்ஷஸ꞉
வர்ஷே வர்ஷே ச யா நாரீ க்ருஷ்ணஜந்மாஷ்டமீவ்ரதம்
ந கரோதி மஹாக்ரூரா வ்யாலீ ப₄வதி காநநே
ப₄விஷ்யபுராணே
பார்த₂ தத்₃தி₃வஸே ப்ராப்தே த₃ந்ததா₄வநபூர்வ்வகம
உபவாஸஸ்ய நியமம் க்₃ருஹ்ணீயாத்₃ப₄க்திபா₄வத꞉
வாஸுதே₃வம் ஸமுத்₃தி₃ஶ்ய ஸர்வ்வபாபப்ரஶாந்தயே
உபவாஸம் கரிஷ்யாமி க்ருஷ்ணாஷ்டம்யாம் நப₄ஸ்யஹம
அத்₃ய க்ருஷ்ணாஷ்டர்மாம் தே₃வீம் நப₄ஶ்சந்த்₃ரஸரோஹிணீம்
அர்ச்சயித்வோபவாஸேந போ₄க்ஷ்யே(அ)ஹமபரே(அ)ஹநி
ஏநஸோ மோக்ஷகாமோ(அ)ஸ்மி யத்₃கோ₃விந்த₃ த்ரியோநிஜம்
தந்மே முஞ்சது மாம் த்ராஹி பதிதம் ஶோகஸாக₃ரே
ஆஜந்மமரணம் யாவத்₃யந்மயா து₃ஷ்க்ருதம் க்ருதம்
க்₃ருஹமுபக்ரம்ய .
தந்மத்₄யே ப்ரதிமா ஸ்தா₂ப்யா காஞ்சநாதி₃விநிர்ம்மிதா .
ப்ரதப்தகாஞ்சநாபா₄ ஸா தே₃வகீ ஸுதபஸ்விநீ ..

மாஞ்சாபி பா₃லகம் ஸுப்தம் ப்ரஸூதா நீரத₃ச்ச₂விம் .
வஸுதே₃வோ(அ)பி தத்ரைவ க₂ட்₃க₃சர்ம்மத₄ரம் ஸ்தி₂தம் ..

யஶோதா₃ சாபி தத்ரைவ ப்ரஸூதவரகந்யகா .
ப₃லப₄த்₃ரஸ்ததா₂ நந்தோ₃ த₃க்ஷோ க₃ர்க₃ஶ்சதுர்முக₂꞉ ..

ஏவம் ஸம்பூஜயேத்₃ப₄க்த்யா க₃ந்த₄புஷ்பாக்ஷதை꞉ ப₂லை꞉ .
ஸ்த₂ண்டி₃லே ஸ்தா₂பயேத்₃தே₃வீம் ஸசந்த்₃ராம் ரோஹிணீந்ததா₂ ..

தே₃வகீம் வஸுதே₃வஞ்ச யஶோதா₃ம் நந்த₃மேவ ச .
சண்டி₃காம் ப₃லதே₃வஞ்ச பூஜ்ய பாபை꞉ ப்ரமுச்யதே ..

அர்த்₃த₄ராத்ரே வஸோர்தா₄ராம் பாதயேத்₃கு₃ட₃ஸர்பிஷா .
ததோ வர்த்₃தா₄பநம் ஷஷ்டீ₂ம் நாமாதே₃꞉ கரணம் மம ..

கர்த்தவ்யம் தத்க்ஷணாத்₃ராத்ரௌ ப்ரபா₄தே நவமீதி₃நே .
யதா₂ மம ததா₂ கார்ய்யோ ப₄க₃வத்யா மஹோத்ஸவ꞉ ..

ப்₃ராஹ்மணாந் போ₄ஜயேத்₃ப₄க்த்யா தேப்₄யோ த₃த்₃யாச்ச த₃க்ஷிணாம் .
ஸுவர்ணம் காஞ்சநம் கா₃ஶ்ச வாஸாம்ஸி குஸுமாநி ச ..

யத்₃யதி₃ஷ்டதமம் லோகே க்ருஷ்ணோ மே ப்ரீயதாமிதி .
யம் தே₃வம் தே₃வகீ தே₃வீ வஸுதே₃வாத₃ஜீஜநத் ..

பௌ₄மஸ்ய ப்₃ரஹ்மணோ கு₃ப்த்யை தஸ்மை ப்₃ரஹ்மாத்மநே நம꞉ .
ஸுப்₃ரஹ்மவாஸுதே₃வாய கோ₃ப்₃ராஹ்மணஹிதாய ச ..

ஶாந்திரஸ்து ஶிவஞ்சாஸ்து இத்யுக்த்ரா தாந் விஸர்ஜ்ஜயேத் ..

ஏவம் ய꞉ குருதே தே₃வ்யா தே₃வக்யா ஸுமஹோத்ஸவம் .
வர்ஷே வர்ஷே ப₄க₃வதோ மத்₃ப₄க்த்யா த₄ர்ம்மநந்த₃ந !
நரோ வா யதி₃ வா நாரீ யதோ₂க்தப₂லமாப்நுயாத் ..

புத்த்ரஸந்தாநமாரோக்₃யத₄நதா₄ந்யர்த்₃தி₄மத்₃க்₃ருஹம் .
ஸம்பர்கேணாபி ய꞉ குர்ய்யாத் கஶ்சிஜ்ஜந்மாஷ்டமீவ்ரதம் ..

விஷ்ணுலோகமவாப்நோதி நரோ நாஸ்த்யத்ர ஸம்ஶய꞉ ..

பூஜா ச மத்₄யராத்ரே கா₃ருடே₃ .
க்ருஷ்ணாஷ்டம்யாந்து ரோஹிண்யாமர்த்₃த₄ராத்ரே(அ)ர்ச்சநம் ஹரே꞉ ..

வ்ரதபாரணயோ꞉ காலநியம꞉ .
ஏகதி₃நே ஜயந்தீலாபே₄ தத்ரைவோபவாஸ꞉ .
உப₄யதி₃நே சேத்ததா₃ பரதி₃நே .
ஜயந்த்யலாபே₄ து ரோஹிணீயுக்தாஷ்டம்யாம் .
உப₄யதி₃நே ரோஹிணீயுதாஷ்டமீலாபே₄ பரதி₃நே தத₃லாபே₄ து நிஶீத₂ஸம்ப₃ந்தி₄ந்யாமஷ்டம்யாம் உப₄யதி₃நே நிஶீத₂ஸம்ப₃ந்தே₄ தத₃ஸம்ப₃ந்தே₄ வா பரதி₃நே இதி .
உபவாஸபரதி₃நே திதி₂நக்ஷத்ரயோரவஸாநே பாரணம் .
யதா₃ மஹாநிஶாயா꞉ பூர்வ்வமேகதரஸ்யாவஸாநமந்யதரஸ்ய மஹாநிஶாயாம் தத₃நந்தரம் வா ததை₃கதராவஸாநே பாரணம் யதா₃ மஹாநிஶாயாமுப₄யஸ்தி₂திஸ்ததா₃ உத்ஸவாந்தே பாரணம் .”
இதி தித்₂யாதி₃தத்த்வம் ..

ஹரிப₄க்திவிலாஸமதே தூபவாஸகாலோ யதா₂
ஜந்மாஷ்டமீ பூர்வ்வவித்₃தா₄ ந கர்த்தவ்யா கதா₃சந .
பலவேதே₄ து விப்ரேந்த்₃ர ! ஸப்தம்யாம் சாஷ்டமீம் த்யஜேத் ..

ஸுராயா பி₃ந்த்₃வநா ஸ்ப்ருஷ்டம் க₃ங்கா₃ம்ப₄꞉கலஸம் யதா₂ .
விநா ருக்ஷேண கர்த்தவ்யா நவமீஸம்யுதாஷ்டமீ ..

ஸருக்ஷாபி ந கர்த்தவ்யா ஸப்தமீஸம்யுதாஷ்டமீ .
தஸ்மாத் ஸர்வ்வப்ரயத்நேந த்யாஜ்யமேவாஶுப₄ம் பு₃தை₄꞉ ..

வேதே₄ புண்யக்ஷயம் யாதி தம꞉ ஸூர்ய்யோத₃யே யதா₂ .
யச்ச வஹ்நிபுராணாதௌ₃ ப்ரோக்தம் வித்₃தா₄ஷ்டமீவ்ரதம் .
அவைஷ்ணவபரம் தச்ச க்ருதம் வா தே₃வமாயயா ..”
பாரணகாலோ யதா₂,
“யத்₃வா தித்₂யர்க்ஷயோரேவ த்₃ப₃யோரந்தே து பாரணம் .
ஸமர்தா₂நாமஶக்தாநாம் த்₃ப₃யோரேகவியோக₃த꞉ ..

கேசிச்ச ப₄க₃வஜ்ஜந்மமஹோத்ஸவதி₃நே ஶுபே₄ .
ப₄க்த்யோத்ஸவாந்தே குர்வ்வந்தி வைஷ்ணவா வ்ரதபாரணம் ..”
தத்₃வ்ரதகதா₂ யதா₂
“ஏகதா₃ ஶ்ரீகுலாசார்ய்யம் வஶிஷ்ட₂ம்ருஷிஸத்தமம் .
ராஜா தி₃லீப꞉ பப்ரச்ச₂ விநயாவநத꞉ ஸுதீ₄꞉ ..

தி₃லீப உவாச .
பா₄த்₃ரே மாஸ்யஸிதே பக்ஷே யஸ்யாம் ஜாதோ ஜநார்த்₃த₃ந꞉ .
தத்கதா₂ம் ஶ்ரோதுமிச்சா₂மி கத₂யஸ்வ மஹாமுநே ! ..

கத₂ம் வா ப₄க₃வாந் ஜாத꞉ ஶங்க₂சக்ரக₃தா₃த₄ர꞉ .
தே₃வகீஜடே₂ரே விஷ்ணு꞉ கிம் கர்த்தும் கேந ஹேதுநா ..

வஶிஷ்ட₂ உவாச .
ஶ்ருணு ராஜந் ! ப்ரவக்ஷ்யாமி யஸ்மாஜ்ஜாதோ ஜநார்த்₃த₃ந꞉ .
ப்ருதி₂வ்யாம் த்ரிதி₃வம் த்யக்த்ரா ப₄வதே கத₂யாம்யஹம் ..

புரா வஸுந்த₄ரா ஹ்யாஸீத் கம்ஸாராக₄நதத்பரா .
ஸ்வாதி₄காரப்ரமத்தேந கம்ஸதூ₃தேந தாடி₃தா ..

க்ரந்த₃ந்தீ லஜ்ஜிதா ஸாபி யயௌ கூ₄ர்ணிதலோசநா .
யத்ர திஷ்ட₂தி தே₃வேஶ உமாகாந்தோ வ்ருஷத்₄வஜ꞉ ..

கம்ஸேந தாடி₃தா நாத₂ ! இதி தஸ்மை நிவேதி₃தம் .
வாஸ்பதா₄ராம் ப்ரவர்ஷந்தீம் விவர்ணாமபமாநிதாம் ..

க்ரந்த₃ந்தீம் தாம் ஸமாலோக்ய கோபேந ஸ்பு₂ரிதாத₄ர꞉ .
உமயா ஸஹித꞉ ஸர்வ்வைர்த்₃தே₃வவ்ருந்தை₃ரநுத்₃ருத꞉ ..

ஆஜகா₃ம மஹாதே₃வோ விதா₄துர்ப₄வநம் ருஷா .
க₃த்வா சோவாச ப்₃ரஹ்மாணம் கம்ஸத்₄வம்ஸநிமித்தகம் ..

உபாய꞉ ஸ்ருஜ்யதாம் ப்₃ரஹ்மந் ! ப₄வதா விஷ்ணுநா ஸஹ .
ஐஶ்வரம் தத்₃ப₃ச꞉ ஶ்ருத்வா க₃ந்தும் ப்ராக்ராமதா₃த்மபூ₄꞉ ..

க்ஷீரோதே₃ யத்ர வைகுண்ட₂꞉ ஸுப்த꞉ ஸ பு₄ஜகோ₃பரி .
ஹம்ஸப்ருஷ்டே₂ ஸமாருஹ்ய ஹரேரந்திகமாயயௌ ..

தத்ர க₃த்வா ஹரிம் த்₄யாத்வா தே₃வவ்ருந்தை₃ர்ஹராதி₃பி₄꞉ .
துஷ்டாவ ப₄க₃வாந் வாக்₃பி₄ரர்த்₂யாபி₄ர்வ்வாக்₃விதா₃ம்ப₃ர꞉ ..

நம꞉ கமலநேத்ராய ஹரயே பரமாத்மநே .
ஜக₃த꞉ பாலயித்ரே ச லக்ஷ்மீகாந்த ! நமோ(அ)ஸ்து தே ..

நம꞉ கமலகிஞ்ஜல்கபீதநிர்ம்மலவாஸஸே .
நம꞉ ஸமஸ்ததே₃வாநாமதி₄பாய மஹாத்மநே ..

நமோ ப்₃ரஹ்மண்யதே₃வாய கோ₃ப்₃ராஹ்மணஹிதாய ச .
இதி தேப்₄ய꞉ ஸ்துதீ꞉ ஶ்ருத்வா ப்ரத்யுவாச ஜநார்த்₃த₃ந꞉ .
தே₃வா நம்ரமுகா₂꞉ ஸர்வ்வே ப₄வதாமாக₃ம꞉ கத₂ம் ..

ப்₃ரஹ்மோவாச .
ஶ்ருணு தே₃வ ! ஜக₃ந்நாத₂ ! யஸ்மாத₃ஸ்மாகமாக₃ம꞉ .
கத₂யாமி ஸுரஶ்ரேஷ்ட₂ ! தத₃ஹம் லோகதாரண ! ..

ஶூலித₃த்தவரோந்மத்த꞉ கம்ஸராஜோ து₃ராஸத₃꞉ .
வாஸுதா₄ தாடி₃தா தேந பதா₃கா₄தேந முஷ்டிநா ..

வரம் த₃த்த்வா புராப்யுக்₃ரோ மாயயா ஸ ப்ரவஞ்சித꞉ .
பா₄கி₃நேயம் விநா ராஜந் ! ஶாஸ்தா ந ப₄விதா தவ ..

தஸ்மாத்₃க₃ச்ச₂ ஸ்வயம் தே₃வ ! ஹந்தும் கம்ஸம் து₃ராஸத₃ம் .
தே₃வகீஜட₂ரே ஜந்ம லப₄ க₃த்வா ச கோ₃குலம் ..

ப்₃ரஹ்மணா ப்ரேஷிதோ விஷ்ணு꞉ ப்ரத்யுவாச பஶோ꞉ பதிம் .
பார்வ்வதீம் தே₃ஹி தே₃வேஶ ! அப்₃த₃ம் ஸ்தி₂த்வாக₃மிஷ்யதி ..

உமயா ரமயா ஸார்த்₃த₄ம் ஶங்க₂சக்ரக₃தா₃த₄ர꞉ .
உத்₃தி₃ஶ்ய மது₂ராம் சக்ரே ப்ரயாணம் கம்ஸநாஶநம் ..

தே₃வகீஜட₂ரே ஜந்ம லேபே₄ விஷ்ணுர்க₃தா₃த₄ர꞉ .
யஶோதா₃குக்ஷிமத்₄யே து ஸர்வ்வாணீ ம்ருக₃லோசநா ..

நவ மாம்ஸாம்ஶ்ச விஶ்ராம்ய குக்ஷௌ நவதி₃நாதி₄காந் .
பா₄த்₃ரே மாஸ்யஸிதே பக்ஷே அஷ்டமீஸம்ஜ்ஞயா திதௌ₂ ..

ரோஹிணீதாரகாயுக்தா ரஜநீ த₄நகோ₄ரிதா .
கூ₄மயோநௌ தடி₃த்₃யுக்தே வாரி வர்ஷதி ஸர்வ்வதா₃ ..

தஸ்யாம் ஜாதோ ஜக₃ந்நாத₂꞉ கம்ஸாரிர்வ்வஸுதே₃வஜ꞉ .
வைராடே நந்த₃பத்நீ ச யஶோதா₃ஜீஜநத் ஸுதாம் ..

புத்த்ரம் பத்₃மகரம் பத்₃மநாப₄ம் பத்₃மத₃லேக்ஷணம் .
ரம்யம் சதுர்பு₄ஜம் ஶாந்தம் ஶங்க₂சக்ரக₃தா₃த₄ரம் ..

ததா₃ க்ரந்தி₃துமாரேபே₄ த்₃ருஷ்ட்வா சாநகது₃ந்து₃பி₄꞉ .
தத்ரைவ வாண்யபூ₄த்₃தை₃வீ தே₃வகீமாத்ரகோ₃சரா ..

புத்த்ரம் த₃த்த்வா யஶோதா₃யை கந்யாம் தஸ்யா꞉ ஸமாநய .
கம்ஸாஸுரப₄யாத்தம் ஹி உவாச தே₃வகீ ததா₃ ..

வைராடம் க₃ச்ச₂ விப்ரேந்த்₃ர ! ஸுதம் ப்ரத்யர்பிதும் ப்ரபோ₄ ! .
புத்த்ரம் த₃த்த்வா யஶோதா₃யை ஸுதாம் தஸ்யா꞉ ஸமாநய ..

தாம் த்₃ருஷ்ட்வா கம்ஸராஜோ(அ)பி ஸபா₄யாம் ந ஹநிஷ்யதி .
தஸ்யா வச꞉ ஸமாகர்ண்ய வஸுதே₃வோ(அ)திது₃꞉கி₂த꞉ ..

அங்கே குமாரமாதா₃ய வைராடாபி₄முக₂ம் யயௌ .
யமுநா ஜலஸம்பூர்ணா தத்பதே₂ மத்₄யவர்த்திநீ ..

அதிஶ்ரோதா மஹாவீர்ய்யா ஸுதீக்ஷ்ணோர்ம்மிப₄யாகுலா .
தாம் த்₃ருஷ்ட்வா தத்தடே ஸ்தி₂த்வா யமுநாமவலோகயந் ..

வஸுதே₃வோ(அ)திது₃꞉கா₂ர்த்தோ விலோலசேதநோ(அ)ப₄வத் .
கிம் கரோமி க்வ க₃ச்சா₂மி விதி₄நாத்ராபி வஞ்சித꞉ ..

கத₂மத்₃ய க₃மிஷ்யாமி வைராடே நந்த₃மந்தி₃ரம் .
ஹரிணா தத்ர ஸாநந்த₃ம் மாயயா வஞ்சித꞉ பிதா ..

க்ஷணமாத்ரம் தடே ஸ்தி₂த்வா யமுநாமப்யலோகயத் .
தேந த்₃ருஷ்டா புந꞉ ஸாபி க்ஷீணா ஜாநுவஹாப₄வத் ..

தத꞉ ஸோ(அ)பி புரோ த்₃ருஷ்ட்வா தா₄வந்தம் க₂லு ஜம்பு₃கம் .
க்ரோடே₃ க்ருத்வா ஸுதம் ஸ்வைரம் க₃ந்தும் பாரம் ப்ரசக்ரமே ..

தம் த்₃ருஷ்ட்வா ஹ்ருஷ்டசித்தந்து ப₄க₃வாந் யமுநாஜலே .
மாயாம் க்ருத்வா ஜக₃ந்நாதோ₂ ஹ்யங்காத் ஸ பதித꞉ பிது꞉ ..

தம் ஸுதம் பதிதம் த்₃ருஷ்ட்வா ஸூர்ய்யஜாஜீவநே த்₃பி₃ஜ꞉ .
ததா₃ க்ரந்தி₃துமாரேபே₄ பா₄லே கா₄த்வா கரம் த்₃ருட₄ம் ..

விதி₄நா வைரிணா ஹ்யத்ர து₃꞉கி₂தோ(அ)ஹம் ப்ரவஞ்சித꞉ .
த்ராஹி மாம் ஜக₃தாம் நாத₂ ! புத்த்ரம் தே₃ஹி ஸுரோத்தம ! ..

ஜநகம் க்ரந்தி₃தம் த்₃ருஷ்ட்வா கம்ஸாரி꞉ க்ருபயா விபு₄꞉ .
ஜலக்ரீடா₃ம் ஸமாசர்ய்ய பிதுரங்கே(அ)வஸத் புந꞉ ..

பதா₂ தேந த்₃பி₃ஜஶ்ரேஷ்டோ₂ க₃தவாந்நந்த₃மந்தி₃ரம் .
ஸுதம் த₃த்த்வா யஶோதா₃யை ஸுதாம் தஸ்யா꞉ ஸமாநயத் ..

ஸுதாமங்கே ததா₂ ஸோ(அ)பி க்₃ருஹீத்வாநகத்₃ருந்து₃பி₄꞉ .
நிஜாகா₃ரம் புந꞉ ப்ராப்ய ப்ரத்யர்ப்ய தாத்₃ருஶீம் ஸுதாம் ..

ப்ரதியுஜ்ய பதே₃ லோஹமாஸீத் பூர்வ்வவதா₃வ்ருத꞉ .
தே₃வகீ ச ப்ரஸூதேதி வார்த்தா ப்ராப்தா ஸுராரிணா ..

ஆநேதும் ப்ரஹிதோ தூ₃த꞉ஸுதம் து₃ஹிதரஞ்ச வா .
ஆக₃த்ய கம்ஸதூ₃தோ(அ)ஸௌ ஸுதாம் நேதும் ப்ரசக்ரமே ..

ப₃லாத₃ங்காத் ஸமாக்ருஷ்ய தே₃வகீவஸுதே₃வயோ꞉ .
கம்ஸதூ₃தோ க்₃ருஹீத்வா தாம் கம்ஸாயாத₃ர்ஶயத் புந꞉ ..

த்₃ருஷ்ட்வா தாம் கம்ஸராஜோ(அ)பி ஸப₄யோ(அ)பூ₄த்₃து₃ராஸத₃꞉ .
ஶுத்₃த₄காஞ்சநவர்ணாபா₄ம் பூர்ணேந்த்₃வஸத்₃ருஶாநநாம் ..

த்₃ருஷ்ட்வா கம்ஸோ விஹஸ்யந்தீம் வித்₃யுத்ஸ்பு₂ரிதலோசநாம் .
ஆதி₃தே₃ஶாஸுரஶ்ரேஷ்டோ₂ வத₄ நீத்வா ஶிலோபரி ..

ஆஜ்ஞாம் லப்₃த்₄வாஸுராஸ்தே து நிஷ்பேஷ்டும் தாம் ப்ரவர்த்திதா꞉ .
வித்₃ர்யுத்₃ரூபத₄ரா கௌ₃ரீ ஜகா₃ம ஶங்கராந்திகம் ..

அந்தரீக்ஷே க்ஷணம் ஸ்தி₂த்வா கம்ஸம் ப்ரோவாச ஶங்கரீ .
த்வாம் ஹந்தும் கோ₃குலே ஜாத꞉ பூர்வ்வஶத்ருர்ந ஸம்ஶய꞉ ..

தத்ராதிஷ்ட₂ஜ்ஜக₃ந்நாத₂꞉ கம்ஸாரி꞉ ஸுரக்ருத்யக்ருத் .
க்ரீடி₃த்வா பா₃லபா₄வேந கம்ஸத்₄வம்ஸே மநோ த₃தௌ₄ ..

ப்ராப்திமாத்ரேண தம் கம்ஸம் ஜகா₄ந ஜக₃தீ₃ஶ்வர꞉ .
ஏதத்தே கதி₂தம் ராஜந் ! க்ருஷ்ணஜந்மாஷ்டமீவ்ரதம் ..

ய இத₃ம் குருதே ராஜந் ! யா ச நாரீ ஹரேர்வ்ரதம் .
ப்ராப்நோத்யைஶ்வர்ய்யமதுலமிஹ லோகே யதே₂ப்ஸிதம் ..

அந்தகாலே ஹரே꞉ ஸ்தா₂நம் து₃ர்ல்லப₄ஞ்ச க₃மிஷ்யதி .
ஏகேநைவோபவாஸேந க்ருதேந குருநந்த₃ந ! ..

ஸப்தஜந்மக்ருதாத் பாபாந்முச்யதே நாத்ர ஸம்ஶய꞉ .
வத்ஸரத்₃வாத₃ஶே சைவ யத் புண்யம் ஸமுபார்ஜ்ஜிதம் ..

விப₂லம் தத்₃ப₄வேத் ஸர்வ்வம் புரா வ்யாஸேந பா₄ஷிதம் .
ந த்₃ரஷ்டவ்யம் ஸுக₂ம் தேஷாம் நராணாம் ந ச யோஷிதாம் ..

ஜயந்தீ ந க்ருதா யைஸ்து ஜாக₃ராதி₃ஸமந்விதா .
ஶ்வாநஶ்சைதே து விஜ்ஞேயா ஜயந்தீவிமுகா₂ நரா꞉ ..

யோஷிதஶ்ச ந ஸந்தே₃ஹ꞉ ஸத்யோக்தம் தவ ஸுவ்ரதே ..