ஸ்தோத்ரரத்நம்

ஶ்ரீமத்₃யாமுநாசார்யவிரசிதம்
ஸ்வாத₃யந்நிஹ ஸர்வேஷாம் த்ரய்யந்தார்த₂ம் ஸுது₃ர்க்₃ரஹம் .
ஸ்தோத்ரயாமாஸ யோகீ₃ந்த்₃ரஸ்தம் வந்தே₃ யாமுநாஹ்வயம் ..

நமோ நமோ யாமுநாய யாமுநாய நமோ நம꞉ .
நமோ நமோ யாமுநாய யாமுநாய நமோ நம꞉ ..

நமோ யாமுநபாதா₃ப்₃ஜரேணுபி₄꞉ பாவிதாத்மநே .
விதி₃தாகி₂ல வேத்₃யாய கு₃ரவே விதி₃தாத்மநே .. ..

நமோ(அ)சிந்த்யாத்₃பு₄தாக்லிஷ்ட ஜ்ஞாநவைராக்₃யராஶயே .
நாதா₂ய முநயே(அ)கா₃த₄ப₄க₃வத்₃ப₄க்திஸிந்த₄வே .. 1..

தஸ்மை நமோ மது₄ஜித₃ங்க்₄ரிஸரோஜதத்த்வ
ஜ்ஞாநாநுராக₃மஹிமாதிஶயாந்தஸீம்நே .
நாதா₂ய நாத₂முநயே(அ)த்ர பரத்ர சாபி
நித்யம் யதீ₃யசரணௌ ஶரணம் மதீ₃யம் .. 2..

பூ₄யோ நமோ(அ)பரிமிதாச்யுதப₄க்திதத்த்வ-
ஜ்ஞாநாம்ருதாப்₃தி₄பரிவாஹஶுபை₄ர்வசோபி₄꞉ .
லோகே(அ)வதீர்ணபரமார்த₂ஸமக்₃ரப₄க்தி-
யோகா₃ய நாத₂முநயே யமிநாம் வராய .. 3..

தத்த்வேந யஶ்சித₃சிதீ₃ஶ்வரதத்ஸ்வபா₄வ
போ₄கா₃பவர்க₃தது₃பாயக₃தீருதா₃ர꞉ .
ஸந்த₃ர்ஶயந்நிரமமீத புராணரத்நம்
தஸ்மை நமோ முநிவராய பராஶராய .. 4..

மாதா பிதா யுவதயஸ்தநயா விபூ₄தி
ஸ்ஸர்வம் யதே₃வ நியமேந மத₃ந்வயாநாம் .
ஆத்₃யஸ்ய ந꞉ குலபதேர்வகுலாபி₄ராமம்
ஶ்ரீமத்தத₃ங்க்₄ரியுக₃லம் ப்ரணமாமி மூர்த்₄நா .. 5..

யந்மூர்த்₄நி மே ஶ்ருதிஶிரஸ்ஸு ச பா₄தி யஸ்மி-
ந்நஸ்மந்மநோரத₂பத₂ஸ்ஸகலஸ்ஸமேதி .
ஸ்தோஷ்யாமி ந꞉ குலத₄நம் குலதை₃வதம் த-
த்பாதா₃ரவிந்த₃மரவிந்த₃விலோசநஸ்ய .. 6..

தத்த்வேந யஸ்ய மஹிமார்ணவஶீகராணு-
ஶ்ஶக்யோ ந மாதுமபி ஶர்வபிதாமஹாத்₃யை꞉ .
கர்தும் ததீ₃யமஹிமஸ்துதிமுத்₃யதாய
மஹ்யம் நமோ(அ)ஸ்து கவயே நிரபத்ரபாய .. 7..

யத்₃வா ஶ்ரமாவதி₄ யதா₂மதி வாப்யஶக்த-
ஸ்ஸ்தௌம்யேவமேவ க₂லு தே(அ)பி ஸதா₃ ஸ்துவந்த꞉ .
வேதா₃ஶ்சதுர்முக₂முகா₂ஶ்ச மஹார்ணவாந்த꞉
கோ மஜ்ஜதோரணுகுலாசலயோர்விஶேஷ꞉ .. 8..

கிஞ்சைஷ ஶக்த்யதிஶயேந ந தே(அ)நுகம்ப்ய-
ஸ்ஸ்தோதாபி து ஸ்துதிக்ருதேந பரிஶ்ரமேண .
தத்ர ஶ்ருமஸ்து ஸுலபோ₄ மம மந்த₃பு₃த்₃தே₄-
ரித்யுத்₃யமோ(அ)யமுசிதோ மம சாப்₃ஜநேத்ர .. 9..

நாவேக்ஷஸே யதி₃ ததோ பு₄வநாந்யமூநி
நாலம் ப்ரபோ₄ ப₄விதுமேவ குத꞉ ப்ரவ்ருத்தி꞉ .
ஏவம் நிஸர்க₃ஸுஹ்ருதி₃ த்வயி ஸர்வஜந்தோ-
ஸ்ஸ்வாமிந்விசித்ரமித₃மாஶ்ரிதவத்ஸலத்வம் .. 10..

ஸ்வாபா₄விகாநவதி₄காதிஶயேஶித்ருத்வம்
நாராயண த்வயி ந ம்ருஷ்யதி வைதி₃க꞉ க꞉ .
ப்₃ரஹ்மா ஶிவஶ்ஶதமக₂꞉ பரமஸ்வராடி₃-
த்யேதே(அ)பி யஸ்ய மஹிமார்ணவவிப்ருஷஸ்தே .. 11..

கஶ்ஶ்ரீஶ்ஶ்ரிய꞉ பரமஸத்த்வஸமாஶ்ரய꞉ க꞉
க꞉ புண்ட₃ரீகநயந꞉ புருஷோத்தம꞉ க꞉ .
கஸ்யாயுதாயுதஶதைககலாம்ஶகாம்ஶே
விஶ்வம் விசித்ரசித₃சித்ப்ரவிபா₄க₃வ்ருத்தம் .. 12..

வேதா₃பஹாரகு₃ருபாதகதை₃த்யபீடா₃-
த்₃யாபத்₃விமோசநமஹிஷ்ட₂ப₂லப்ரதா₃நை꞉ .
கோ(அ)ந்ய꞉ ப்ரஜாபஶுபதீ பரிபாதி கஸ்ய
பாதோ₃த₃கேந ஸ ஶிவஸ்ஸ்வஶிரோத்₄ருதேந .. 13..

கஸ்யோத₃ரே ஹரவிரிஞ்சிமுக₂꞉ ப்ரபஞ்ச꞉
கோ ரக்ஷதீமமஜநிஷ்ட ச கஸ்ய நாபே₄꞉ .
க்ராந்த்வா நிகீ₃ர்ய புநருத்₃கி₃ரதி த்வத₃ந்ய꞉
க꞉ கேந வைஷ பரவாநிதி ஶக்யஶங்க꞉ .. 14..

த்வாம் ஶீலரூபசரிதை꞉ பரமப்ரக்ருஷ்ட-
ஸத்த்வேந ஸாத்விகதயா ப்ரப₃லைஶ்ச ஶாஸ்த்ரை꞉ .
ப்ரக்₂யாததை₃வபரமார்த₂விதா₃ம் மதைஶ்ச
நைவாஸுரப்ரக்ருதய꞉ ப்ரப₄வந்தி போ₃த்₃து₄ம் .. 15..

உல்லங்கி₄தத்ரிவித₄ஸீமஸமாதிஶாயி-
ஸம்பா₄வநம் தவ பரிவ்ரடி₄மஸ்வபா₄வம் .
மாயாப₃லேந ப₄வதா(அ)பி நிகூ₃ஹ்யமாநம்
பஶ்யந்தி கேசித₃நிஶம் த்வத₃நந்யபா₄வா꞉ .. 16..

யத₃ண்ட₃மண்டா₃ந்தரகோ₃சரம் ச யத்₃த₃-
ஶோத்தராண்யாவரணாநி யாநி ச .
கு₃ணா꞉ ப்ரதா₄நம் புருஷ꞉ பரம்பத₃ம்
பராத்பரம் ப்₃ரஹ்ம ச தே விபூ₄தய꞉ .. 17..

வஶீ வதா₃ந்யோ கு₃ணவாந்ருஜுஶ்ஶுசி-
ர்ம்ருது₃ர்த₃யாலுர்மது₄ரஸ்ஸ்தி₂ரஸ்ஸம꞉ .
க்ருதீ க்ருதஜ்ஞஸ்த்வமஸி ஸ்வபா₄வத-
ஸ்ஸமஸ்தகல்யாணகு₃ணாம்ருதோத₃தி₄꞉ .. 18..

உபர்யுபர்யப்₃ஜபு₄வோ(அ)பி பூருஷா-
ந்ப்ரகல்ப்ய தே யே ஶதமித்யநுக்ரமாத் .
கி₃ரஸ்த்வதே₃கைககு₃ணாவதீ₄ப்ஸயா
ஸதா₃ஸ்தி₂தா நோத்₃யமதோ(அ)திஶேரதே .. 19..

த்வதா₃ஶ்ரிதாநாம் ஜக₃து₃த்₃ப₄வஸ்தி₂தி-
ப்ரணாஶஸம்ஸாரவிமோசநாத₃ய꞉ .
ப₄வந்தி லீலாவித₄யஶ்ச வைதி₃கா-
ஸ்த்வதீ₃யக₃ம்பீ₄ரமநோ(அ)நுஸாரிண꞉ .. 20..

நமோ நமோ வாங்மநஸாதிபூ₄மயே
நமோ நமோ வாங்மநஸைகபூ₄மயே .
நமோ நமோ(அ)நந்தமஹாவிபூ₄தயே
நமோ நமோ(அ)நந்தத₃யைகஸிந்த₄வே .. 21..

ந த₄ர்மநிஷ்டோ₂(அ)ஸ்மி ந சாத்மவேதீ₃
ந ப₄க்திமாம்ஸ்த்வச்சரணாரவிந்தே₃ .
அகிஞ்சநோ(அ)நந்யக₃திஶ்ஶரண்ய꞉
த்வத்பாத₃மூலம் ஶரணம் ப்ரபத்₃யே .. 22..

ந நிந்தி₃தம் கர்ம தத₃ஸ்தி லோகே
ஸஹஸ்ரஶோ யந்ந மயா வ்யதா₄யி .
ஸோ(அ)ஹம் விபாகாவஸரே முகுந்த₃
க்ரந்தா₃மி ஸம்ப்ரத்யக₃திஸ்தவாக்₃ரே .. 23..

நிமஜ்ஜதோ(அ)நந்தப₄வார்ணவாந்த-
ஶ்சிராய மே கூலமிவாஸி லப்₃த₄꞉ .
த்வயாபி லப்₃த₄ம் ப₄க₃வந்நிதா₃நீ-
மநுத்தமம் பாத்ரமித₃ம் த₃யாயா꞉ .. 24..

அபூ₄தபூர்வம் மம பா₄வி கிம் வா
ஸர்வம் ஸஹே மே ஸஹஜம் ஹி து₃꞉க₂ம் .
கிந்து த்வத₃க்₃ரே ஶரணாக₃தாநாம்
பராப₄வோ நாத₂ ந தே(அ)நுரூப꞉ .. 25..

நிராஸகஸ்யாபி ந தாவது₃த்ஸஹே
மஹேஶ ஹாதும் தவ பாத₃பங்கஜம் .
ரூஷா நிரஸ்தோ(அ)பி ஶிஶுஸ்ஸ்தநந்த₄யோ
ந ஜாது மாதுஶ்சரணௌ ஜிஹாஸதி .. 26..

தவாம்ருதஸ்யந்தி₃நி பாத₃பங்கஜே
நிவேஶிதாத்மா கத₂மந்யதி₃ச்ச₂தி .
ஸ்தி₂தே(அ)ரவிந்தே₃ மகரந்த₃நிர்ப₄ரே
மது₄வ்ரதோ நேக்ஷுரகம் ஹி வீக்ஷதே .. 27..

த்வத₃ங்க்₄ரிமுத்₃தி₃ஶ்ய கதா₃பி கேநசி-
த்₃யதா₂ ததா₂ வா(அ)பி ஸக்ருத்க்ருதோ(அ)ஞ்சலி꞉ .
ததை₃வ முஷ்ணாத்யஶுபா₄ந்யஶேஷத-
ஶ்ஶுபா₄நி புஷ்ணாதி ந ஜாது ஹீயதே .. 28..

உதீ₃ர்ணஸம்ஸாரத₃வாஶுஶுக்ஷணிம்
க்ஷணேந நிர்வ்யாப்ய பராம் ச நிர்வ்ருதிம் .
ப்ரயச்ச₂தி த்வச்சரணாருணாம்பு₃ஜ-
த்₃வயாநுராகா₃ம்ருதஸிந்து₄ஶீகர꞉ .. 29..

விலாஸவிக்ராந்தபராவராலயம்
நமஸ்யதா₃ர்திக்ஷபணே க்ருதக்ஷணம் .
த₄நம் மதீ₃யம் தவ பாத₃பங்கஜம்
கதா₃ நு ஸாக்ஷாத்கரவாணி சக்ஷுஷா .. 30..

கதா₃ புநஶ்ஶங்க₂ரதா₂ங்க₃கல்பக
த்₄வஜாரவிந்தா₃ங்குஶவஜ்ரலாஞ்ச₂நம் .
த்ரிவிக்ரம த்வச்சரணாம்பு₃ஜத்₃வயம்
மதீ₃யமூர்தா₄நமலங்கரிஷ்யதி .. 31..

விராஜமாநோஜ்ஜ்வலபீதவாஸஸம்
ஸ்மிதாதஸீஸூநஸமாமலச்ச₂விம் .
நிமக்₃நநாபி₄ம் தநுப₄த்₄யமுந்நதம்
விஶாலவக்ஷஸ்ஸ்த₂லஶோபி₄லக்ஷணம் .. 32..

சகாஸதம் ஜ்யாகிணகர்கஶைஶ்ஶுபை₄
ஶ்சதுர்பி₄ராஜாநுவிலம்பி₃பி₄ர்பு₄ஜை꞉ .
ப்ரியாவதம்ஸோத்பலகர்ணபூ₄ஷண-
ஶ்லதா₄லகாப₃ந்த₄விமர்த₃ஶம்ஸிபி₄꞉ .. 33..

உத₃க்₃ரபீநாம்ஸவிலம்பி₃குண்ட₃லா-
லகாவலீப₃ந்து₄ரகம்பு₃கந்த₄ரம் .
முக₂ஶ்ரியா ந்யக்க்ருதபூர்ணநிர்மலா-
ம்ருதாம்ஶுபி₃ம்பா₃ம்பு₃ருஹோஜ்ஜ்வலஶ்ரியம் .. 34..

ப்ரபு₃த்₃த₄முக்₃தா₄ம்பு₃ஜசாருலோசநம்
ஸவிப்₄ரமப்₄ரூலதமுஜ்ஜ்வலாத₄ரம் .
ஶுசிஸ்மிதம் கோமலக₃ண்ட₃முந்நஸம்
லலாடபர்யந்தவிலம்பி₃தாலகம் .. 35..

ஸ்பு₂ரத்கிரீடாங்க₃த₃ஹாரகண்டி₂கா
மணீந்த்₃ரகாஞ்ஜீகு₃ணநூபுராதி₃பி₄꞉ .
ரதா₂ங்க₃ஶங்கா₂ஸிக₃தா₃த₄நுர்வரை-
ர்லஸத்துலஸ்யாவநமாலயோஜ்ஜ்வலம் .. 36..

சகர்த₂ யஸ்யா ப₄வநம் பு₄ஜாந்தரம்
தவ ப்ரியம் தா₄ம யதீ₃யஜந்மபூ₄꞉ .
ஜக₃த்ஸமஸ்தம் யத₃பாங்க₃ஸம்ஶ்ரயம்
யத₃ர்த₂மம்போ₄தி₄ரமந்த்₂யப₃ந்தி₄ ச .. 37..

ஸ்வவைஶ்வரூப்யேண ஸதா₃(அ)நுபூ₄தயா-
ப்யபூர்வவத்₃விஸ்மயமாத₃தா₄நயா .
கு₃ணேந ரூபேண விலாஸசேஷ்டிதை-
ஸ்ஸதா₃ தவைவோசிதயா தவ ஶ்ரியா .. 38..

தயா ஸஹாஸீநமநந்தபோ₄கி₃நி
ப்ரக்ருஷ்டவிஜ்ஞாநப₃லைகதா₄மநி .
ப₂ணாமணித்ராதமயூக₂மண்ட₃ல-
ப்ரகாஶமாநோத₃ரதி₃வ்யதா₄மநி .. 39..

நிவாஸஶய்யாஸநபாது₃காம்ஶுகோ-
பதா₄நவர்ஷாதபவாரணாதி₃பி₄꞉ .
ஶரீரபே₄தை₃ஸ்தவ ஶேஷதாம் க₃தை-
ர்யதோ₂சிதம் ஶேஷ இதீர்யதே ஜநை꞉ .. 40..

தா₃ஸஸ்ஸகா₂ வாஹநமாஸநம் த்₄வஜோ-
யஸ்தே விதாநம் வ்யஜநம் த்ரயீமய꞉ .
உபஸ்தி₂தம் தேந புரோ க₃ருத்மதா
த்வத₃ங்க்₄ரிஸம்மர்த₃கிணாங்கஶோபி₄நா .. 41..

த்வதீ₃யபு₄க்தோஜ்ஜி₂தஶேஷபோ₄ஜிநா
த்வயா நிவ்ருஷ்டாத்மப₄ரேண யத்₃யதா₂ .
ப்ரியேண ஸேநாபதிநா ந்யவேதி₃ தத்த-
தா₂(அ)நுஜாநந்தமுதா₃ரவீக்ஷணை꞉ .. 42..

ஹதாகி₂லக்லேஶமலைஸ்ஸ்வபா₄வத-
ஸ்ஸதா₃நுகூல்யைகரஸைஸ்தவோசிதை꞉ .
க்₃ருஹீததத்தத்பரிசாரஸாத₄நை
ர்நிஷேவ்யமாணம் ஸசிவைர்யதோ₂சிதம் .. 43..

அபூர்வநாநாரஸபா₄வநிர்ப₄ர-
ப்ரப₃த்₃த₄யா முக்₃த₄வித₃க்₃த₄லீலயா .
க்ஷணாணுவத்க்ஷிப்தபராதி₃காலயா
ப்ரஹர்ஷயந்தம் மஹிஷீம் மஹாபு₄ஜம் .. 44..

அசிந்த்யதி₃வ்யாத்₃பு₄தநித்யயௌவந-
ஸ்வபா₄வலாவண்யமயாம்ருதோத₃தி₄ம் .
ஶ்ரியஶ்ஶ்ரியம் ப₄க்தஜநைகஜீவிதம்
ஸமர்த₂மாபத்ஸஸ்க₂மர்தி₂கல்பகம் .. 45..

ப₄வந்தமேவாநுசரந்நிரந்தர-
ப்ரஶாந்தநிஶ்ஶேஷமநோரதா₂ந்தர꞉ .
கதா₃ஹமைகாந்திகநித்யகிங்கர꞉
ப்ரஹர்ஷயிஷ்யாமி ஸநாத₂ஜீவித꞉ .. 46..

தி₄க₃ஶுசிமவிநீதம் நிர்த₃யம் மாமலஜ்ஜம்
பரமபுருஷ யோ(அ)ஹம் யோகி₃வர்யாக்₃ரக₃ண்யை꞉ .
விதி₄ஶிவஸநகாத்₃யைர்த்₄யாதுமத்யந்ததூ₃ரம்
தவ பரிஜநபா₄வம் காமயே காமவ்ருத்த꞉ .. 47..

அபராத₄ஸஹஸ்ரபா₄ஜநம் பதிதம் பீ₄மப₄வார்ணவோத₃ரே .
அக₃திம் ஶரணாக₃தம் ஹரே க்ருபயா கேவலமாத்மஸாத்குரு .. 48..

அவிவேகக₄நாந்த₄தி₃ங்முகே₂ ப₃ஹுதா₄ ஸந்ததது₃꞉க₂வர்ஷிணி .
ப₄க₃வந்ப₄வது₃ர்தி₃நே பத₂ஸ்க₂லிதம் மாமவலோகயாச்யுத .. 49..

ந ம்ருஷா பரமார்த₂மேவ மே ஶ்ருணு விஜ்ஞாபநமேகமக்₃ரத꞉ .
யதி₃ மே ந த₃யிஷ்யஸே ததோ த₃யநீயஸ்தவ நாத₂ து₃ர்லப₄꞉ .. 50..

தத₃ஹம் த்வத்₃ருதே ந நாத₂வாந்மத்₃ருதே த்வம் த₃யநீயவாந்ந ச .
விதி₄நிர்மிதமேதத₃ந்யம் ப₄க₃வந்பாலய மா ஸ்ம ஜைஹ்ம்யயா .. 51..

வபுராதி₃ஷு யோ(அ)பி கோ(அ)பி வா கு₃ணதோ(அ)ஸாநி யதா₂ததா₂வித₄꞉ .
தத₃யம் தவ பாத₃பத்₃மயோரஹமத்₃யைவ மயா ஸமர்பித꞉ .. 52..

மம நாத₂ யத₃ஸ்தி யோ(அ)ஸ்ம்யஹம் ஸகலம் தத்₃தி₄ தவைவ மாத₄வ .
நியதஸ்வமிதி ப்ரபு₃த்₃த₄தீ₄ரத₂வா கிந்நு ஸமர்பயாமி தே .. 53..

அவபோ₃தி₄தவாநிமாம் யதா₂ மயி நித்யாம் ப₄வதீ₃யதாம் ஸ்வயம் .
க்ருபயைவமநந்யபோ₄க்₃யதாம் ப₄க₃வந்ப₄க்திமபி ப்ரயச்ச₂ மே .. 54..

தவதா₃ஸ்யஸுகை₂கஸங்கி₃நாம் ப₄வநேஷ்வஸ்த்வபி கீடஜந்ம மே .
இதராவஸதே₂ஷு மாஸ்ம பூ₄த₃பி மே ஜந்ம சதுர்முகா₂த்மநா .. 55..

ஸக்ருத்த்வதா₃காரவிலோகநாஶயா
த்ருணீக்ருதாநுத்தமபு₄க்திமுக்திபி₄꞉ .
மஹாத்மபி₄ர்மாமவலோக்யதாம் நய
க்ஷணே(அ)பி தே யத்₃விரஹோ(அ)திது₃ஸ்ஸஹ꞉ .. 56..

ந தே₃ஹம் ந ப்ராணாந்ந ச ஸுக₂மஶேஷாபி₄லஷிதம்
ந சாத்மாநம் நாந்யத்கிமபி தவ ஶேஷத்வவிப₄வாத் .
ப₃ஹிர்பூ₄தம் நாத₂ க்ஷணமபி ஸஹே யாது ஶததா₂
விநாஶம் தத்ஸத்யம் மது₄மத₂ந விஜ்ஞாபநமித₃ம் .. 57..

து₃ரந்தஸ்யாநாதே₃ரபரிஹரணீயஸ்ய மஹதோ
விஹீநாசாரோ(அ)ஹம் ந்ருபஶுரஶுப₄ஸ்யாஸ்பத₃மபி .
த₃யாஸிந்தோ₄ ப₃ந்தோ₄ நிரவதி₄கவாத்ஸல்யஜலதே₄ .
தவ ஸ்மாரம் ஸ்மாரம் கு₃ணக₃ணமிதீச்சா₂மி க₃தபீ₄꞉ .. 58..

அநிச்ச₂ந்நப்யேவம் யதி₃ புநரிதீச்ச₂ந்நிவ ரஜ-
ஸ்தமஶ்ச₂ந்நச்ச₂த்₃மஸ்துதிவசநப₄ங்கீ₃மரசயம் .
ததா₂பீத்த₂ம் ரூபம் வசநமவலம்ப்₃யாபி க்ருபயா
த்வமேவைவம் பூ₄தம் த₄ரணித₄ர மே ஶிக்ஷய மந꞉ .. 59..

பிதா த்வம் மாதா த்வம் த₃யித தநயஸ்த்வம் ப்ரியஸுஹ்ரு-
த்த்வமேவ த்வம் மித்ரம் கு₃ருரஸி க₃திஶ்சாஸி ஜக₃தாம் .
த்வதீ₃யஸ்த்வத்₃ப்₄ருத்யஸ்தவ பரிஜநஸ்த்வத்₃க₃திரஹம்
ப்ரபந்நஶ்சைவம் ஸத்யஹமபி தவைவாஸ்மி ஹி ப₄ர꞉ .. 60..

ஜநித்வா(அ)ஹம் வம்ஶே மஹதி ஜக₃தி க்₂யாதயஶஸாம்
ஶுசீநாம் யுக்தாநாம் கு₃ணபுருஷதத்த்வஸ்தி₂திவிதா₃ம் .
நிஸர்கா₃தே₃வ த்வச்சரணகமலைகாந்தமநஸா-
மதோ₄த₄꞉ பாபாத்மா ஶரணத₃ நிமஜ்ஜாமி தமஸி .. 61..

அமர்யாத₃꞉ க்ஷுத்₃ரஶ்சலமதிரஸூயாப்ரஸவபூ₄꞉
க்ருதக்₄நோ து₃ர்மாநீ ஸ்மரபரவஶோ வஞ்சநபர꞉ .
ந்ருஶம்ஸ꞉ பாபிஷ்ட꞉ கத₂மஹமிதோ து₃꞉க₂ஜலதே₄-
ரபாராது₃த்தீர்ணஸ்தவ பரிசரேயம் சரணயோ꞉ .. 62..

ரகு₄வர யத₃பூ₄ஸ்த்வம் தாத்₃ருஶோ வாயஸஸ்ய
ப்ரணத இதி த₃யாலுர்யச்ச சைத்₃யஸ்ய க்ருஷ்ண꞉ .
ப்ரதிப₄வமபராத்₃து₄ர்முக்₃த₄ஸாயுஜ்யதோ₃(அ)பூ₄-
ர்வத₃ கிமபத₃மாக₃ஸ்தஸ்ய தே(அ)ஸ்தி க்ஷமாயா꞉ .. 63..

நநு ப்ரபந்நஸ்ஸக்ருதே₃வ நாத₂
தவாஹமஸ்மீதி ச யாசமாந꞉ .
தவாநுகம்ப்யஸ்ஸ்மரத꞉ ப்ரதிஜ்ஞாம்
மதே₃கவர்ஜம் கிமித₃ம் வ்ரதம் தே .. 64..

அக்ருத்ரிமத்வச்சரணாரவிந்த₃-
ப்ரேமப்ரகர்ஷாவதி₄மாத்மவந்தம் .
பிதாமஹம் நாத₂முநிம் விலோக்ய
ப்ரஸீத₃ மத்₃வ்ருத்தமசிந்தயித்வா .. 65..

யத்பாதா₃ம்போ₄ருஹத்₄யாநவித்₄வஸ்தாஶேஷகல்மஷ꞉ .
வஸ்துதாமுபயாதோ(அ)ஹம் யாமுநேயாம் நமாமிதம் .. 66..