ஶ்ரீமத்₃ப₄க₃வத்₃கீ₃தா மூலம்

அத₂ ப்ரத₂மோ(அ)த்₄யாய꞉
அர்ஜுநவிஷாத₃யோக₃꞉
த்₄ருதராஷ்ட்ர உவாச .
த₄ர்மக்ஷேத்ரே குருக்ஷேத்ரே ஸமவேதா யுயுத்ஸவ꞉ .
மாமகா꞉ பாண்ட₃வாஶ்சைவ கிமகுர்வத ஸஞ்ஜய .. 1-1..

ஸஞ்ஜய உவாச .
த்₃ருஷ்ட்வா து பாண்ட₃வாநீகம் வ்யூட₄ம் து₃ர்யோத₄நஸ்ததா₃ .
ஆசார்யமுபஸங்க₃ம்ய ராஜா வசநமப்₃ரவீத் .. 1-2..

பஶ்யைதாம் பாண்டு₃புத்ராணாமாசார்ய மஹதீம் சமூம் .
வ்யூடா₄ம் த்₃ருபத₃புத்ரேண தவ ஶிஷ்யேண தீ₄மதா .. 1-3..

அத்ர ஶூரா மஹேஷ்வாஸா பீ₄மார்ஜுநஸமா யுதி₄ .
யுயுதா₄நோ விராடஶ்ச த்₃ருபத₃ஶ்ச மஹாரத₂꞉ .. 1-4..

த்₄ருஷ்டகேதுஶ்சேகிதாந꞉ காஶிராஜஶ்ச வீர்யவாந் .
புருஜித்குந்திபோ₄ஜஶ்ச ஶைப்₃யஶ்ச நரபுங்க₃வ꞉ .. 1-5..

யுதா₄மந்யுஶ்ச விக்ராந்த உத்தமௌஜாஶ்ச வீர்யவாந் .
ஸௌப₄த்₃ரோ த்₃ரௌபதே₃யாஶ்ச ஸர்வ ஏவ மஹாரதா₂꞉ .. 1-6..

அஸ்மாகம் து விஶிஷ்டா யே தாந்நிபோ₃த₄ த்₃விஜோத்தம .
நாயகா மம ஸைந்யஸ்ய ஸம்ஜ்ஞார்த₂ம் தாந்ப்₃ரவீமி தே .. 1-7..

ப₄வாந்பீ₄ஷ்மஶ்ச கர்ணஶ்ச க்ருபஶ்ச ஸமிதிஞ்ஜய꞉ .
அஶ்வத்தா₂மா விகர்ணஶ்ச ஸௌமத₃த்திஸ்ததை₂வ ச .. 1-8.. (ஸௌமத₃த்திர்ஜயத்₃ரத₂꞉)
அந்யே ச ப₃ஹவ꞉ ஶூரா மத₃ர்தே₂ த்யக்தஜீவிதா꞉ .
நாநாஶஸ்த்ரப்ரஹரணா꞉ ஸர்வே யுத்₃த₄விஶாரதா₃꞉ .. 1-9..

அபர்யாப்தம் தத₃ஸ்மாகம் ப₃லம் பீ₄ஷ்மாபி₄ரக்ஷிதம் .
பர்யாப்தம் த்வித₃மேதேஷாம் ப₃லம் பீ₄மாபி₄ரக்ஷிதம் .. 1-10..

அயநேஷு ச ஸர்வேஷு யதா₂பா₄க₃மவஸ்தி₂தா꞉ .
பீ₄ஷ்மமேவாபி₄ரக்ஷந்து ப₄வந்த꞉ ஸர்வ ஏவ ஹி .. 1-11..

தஸ்ய ஸஞ்ஜநயந்ஹர்ஷம் குருவ்ருத்₃த₄꞉ பிதாமஹ꞉ .
ஸிம்ஹநாத₃ம் விநத்₃யோச்சை꞉ ஶங்க₂ம் த₃த்₄மௌ ப்ரதாபவாந் .. 1-12..

தத꞉ ஶங்கா₂ஶ்ச பே₄ர்யஶ்ச பணவாநககோ₃முகா₂꞉ .
ஸஹஸைவாப்₄யஹந்யந்த ஸ ஶப்₃த₃ஸ்துமுலோ(அ)ப₄வத் .. 1-13..

தத꞉ ஶ்வேதைர்ஹயைர்யுக்தே மஹதி ஸ்யந்த₃நே ஸ்தி₂தௌ .
மாத₄வ꞉ பாண்ட₃வஶ்சைவ தி₃வ்யௌ ஶங்கௌ₂ ப்ரத₃த்₄மது꞉ .. 1-14..

பாஞ்சஜந்யம் ஹ்ருஷீகேஶோ தே₃வத₃த்தம் த₄நஞ்ஜய꞉ .
பௌண்ட்₃ரம் த₃த்₄மௌ மஹாஶங்க₂ம் பீ₄மகர்மா வ்ருகோத₃ர꞉ .. 1-15..

அநந்தவிஜயம் ராஜா குந்தீபுத்ரோ யுதி₄ஷ்டி₂ர꞉ .
நகுல꞉ ஸஹதே₃வஶ்ச ஸுகோ₄ஷமணிபுஷ்பகௌ .. 1-16..

காஶ்யஶ்ச பரமேஷ்வாஸ꞉ ஶிக₂ண்டீ₃ ச மஹாரத₂꞉ .
த்₄ருஷ்டத்₃யும்நோ விராடஶ்ச ஸாத்யகிஶ்சாபராஜித꞉ .. 1-17..

த்₃ருபதோ₃ த்₃ரௌபதே₃யாஶ்ச ஸர்வஶ꞉ ப்ருதி₂வீபதே .
ஸௌப₄த்₃ரஶ்ச மஹாபா₃ஹு꞉ ஶங்கா₂ந்த₃த்₄மு꞉ ப்ருத₂க்ப்ருத₂க் .. 1-18..

ஸ கோ₄ஷோ தா₄ர்தராஷ்ட்ராணாம் ஹ்ருத₃யாநி வ்யதா₃ரயத் .
நப₄ஶ்ச ப்ருதி₂வீம் சைவ துமுலோ(அ)ப்₄யநுநாத₃யந் .. 1-19.. (துமுலோ வ்யநுநாத₃யந்)
அத₂ வ்யவஸ்தி₂தாந்த்₃ருஷ்ட்வா தா₄ர்தராஷ்ட்ராந் கபித்₄வஜ꞉ .
ப்ரவ்ருத்தே ஶஸ்த்ரஸம்பாதே த₄நுருத்₃யம்ய பாண்ட₃வ꞉ .. 1-20..

ஹ்ருஷீகேஶம் ததா₃ வாக்யமித₃மாஹ மஹீபதே .
அர்ஜுந உவாச .
ஸேநயோருப₄யோர்மத்₄யே ரத₂ம் ஸ்தா₂பய மே(அ)ச்யுத .. 1-21..

யாவதே₃தாந்நிரீக்ஷே(அ)ஹம் யோத்₃து₄காமாநவஸ்தி₂தாந் .
கைர்மயா ஸஹ யோத்₃த₄வ்யமஸ்மிந் ரணஸமுத்₃யமே .. 1-22..

யோத்ஸ்யமாநாநவேக்ஷே(அ)ஹம் ய ஏதே(அ)த்ர ஸமாக₃தா꞉ .
தா₄ர்தராஷ்ட்ரஸ்ய து₃ர்பு₃த்₃தே₄ர்யுத்₃தே₄ ப்ரியசிகீர்ஷவ꞉ .. 1-23..

ஸஞ்ஜய உவாச .
ஏவமுக்தோ ஹ்ருஷீகேஶோ கு₃டா₃கேஶேந பா₄ரத .
ஸேநயோருப₄யோர்மத்₄யே ஸ்தா₂பயித்வா ரதோ₂த்தமம் .. 1-24..

பீ₄ஷ்மத்₃ரோணப்ரமுக₂த꞉ ஸர்வேஷாம் ச மஹீக்ஷிதாம் .
உவாச பார்த₂ பஶ்யைதாந்ஸமவேதாந்குரூநிதி .. 1-25..

தத்ராபஶ்யத்ஸ்தி₂தாந்பார்த₂꞉ பித்ரூநத₂ பிதாமஹாந் .
ஆசார்யாந்மாதுலாந்ப்₄ராத்ரூந்புத்ராந்பௌத்ராந்ஸகீ₂ம்ஸ்ததா₂ .. 1-26..

ஶ்வஶுராந்ஸுஹ்ருத₃ஶ்சைவ ஸேநயோருப₄யோரபி .
தாந்ஸமீக்ஷ்ய ஸ கௌந்தேய꞉ ஸர்வாந்ப₃ந்தூ₄நவஸ்தி₂தாந் .. 1-27..

க்ருபயா பரயாவிஷ்டோ விஷீத₃ந்நித₃மப்₃ரவீத் .
அர்ஜுந உவாச .
த்₃ருஷ்ட்வேமம் ஸ்வஜநம் க்ருஷ்ண யுயுத்ஸும் ஸமுபஸ்தி₂தம் .. 1-28..

ஸீத₃ந்தி மம கா₃த்ராணி முக₂ம் ச பரிஶுஷ்யதி .
வேபது₂ஶ்ச ஶரீரே மே ரோமஹர்ஷஶ்ச ஜாயதே .. 1-29..

கா₃ண்டீ₃வம் ஸ்ரம்ஸதே ஹஸ்தாத்த்வக்சைவ பரித₃ஹ்யதே .
ந ச ஶக்நோம்யவஸ்தா₂தும் ப்₄ரமதீவ ச மே மந꞉ .. 1-30..

நிமித்தாநி ச பஶ்யாமி விபரீதாநி கேஶவ .
ந ச ஶ்ரேயோ(அ)நுபஶ்யாமி ஹத்வா ஸ்வஜநமாஹவே .. 1-31..

ந காங்க்ஷே விஜயம் க்ருஷ்ண ந ச ராஜ்யம் ஸுகா₂நி ச .
கிம் நோ ராஜ்யேந கோ₃விந்த₃ கிம் போ₄கை₃ர்ஜீவிதேந வா .. 1-32..

யேஷாமர்தே₂ காங்க்ஷிதம் நோ ராஜ்யம் போ₄கா₃꞉ ஸுகா₂நி ச .
த இமே(அ)வஸ்தி₂தா யுத்₃தே₄ ப்ராணாம்ஸ்த்யக்த்வா த₄நாநி ச .. 1-33..

ஆசார்யா꞉ பிதர꞉ புத்ராஸ்ததை₂வ ச பிதாமஹா꞉ .
மாதுலா꞉ ஶ்வஶுரா꞉ பௌத்ரா꞉ ஶ்யாலா꞉ ஸம்ப₃ந்தி₄நஸ்ததா₂ .. 1-34..

ஏதாந்ந ஹந்துமிச்சா₂மி க்₄நதோ(அ)பி மது₄ஸூத₃ந .
அபி த்ரைலோக்யராஜ்யஸ்ய ஹேதோ꞉ கிம் நு மஹீக்ருதே .. 1-35..

நிஹத்ய தா₄ர்தராஷ்ட்ராந்ந꞉ கா ப்ரீதி꞉ ஸ்யாஜ்ஜநார்த₃ந .
பாபமேவாஶ்ரயேத₃ஸ்மாந்ஹத்வைதாநாததாயிந꞉ .. 1-36..

தஸ்மாந்நார்ஹா வயம் ஹந்தும் தா₄ர்தராஷ்ட்ராந்ஸ்வபா₃ந்த₄வாந் .
ஸ்வஜநம் ஹி கத₂ம் ஹத்வா ஸுகி₂ந꞉ ஸ்யாம மாத₄வ .. 1-37..

யத்₃யப்யேதே ந பஶ்யந்தி லோபோ₄பஹதசேதஸ꞉ .
குலக்ஷயக்ருதம் தோ₃ஷம் மித்ரத்₃ரோஹே ச பாதகம் .. 1-38..

கத₂ம் ந ஜ்ஞேயமஸ்மாபி₄꞉ பாபாத₃ஸ்மாந்நிவர்திதும் .
குலக்ஷயக்ருதம் தோ₃ஷம் ப்ரபஶ்யத்₃பி₄ர்ஜநார்த₃ந .. 1-39..

குலக்ஷயே ப்ரணஶ்யந்தி குலத₄ர்மா꞉ ஸநாதநா꞉ .
த₄ர்மே நஷ்டே குலம் க்ருத்ஸ்நமத₄ர்மோ(அ)பி₄ப₄வத்யுத .. 1-40..

அத₄ர்மாபி₄ப₄வாத்க்ருஷ்ண ப்ரது₃ஷ்யந்தி குலஸ்த்ரிய꞉ .
ஸ்த்ரீஷு து₃ஷ்டாஸு வார்ஷ்ணேய ஜாயதே வர்ணஸங்கர꞉ .. 1-41..

ஸங்கரோ நரகாயைவ குலக்₄நாநாம் குலஸ்ய ச .
பதந்தி பிதரோ ஹ்யேஷாம் லுப்தபிண்டோ₃த₃கக்ரியா꞉ .. 1-42..

தோ₃ஷைரேதை꞉ குலக்₄நாநாம் வர்ணஸங்கரகாரகை꞉ .
உத்ஸாத்₃யந்தே ஜாதித₄ர்மா꞉ குலத₄ர்மாஶ்ச ஶாஶ்வதா꞉ .. 1-43..

உத்ஸந்நகுலத₄ர்மாணாம் மநுஷ்யாணாம் ஜநார்த₃ந .
நரகே நியதம் வாஸோ ப₄வதீத்யநுஶுஶ்ரும .. 1-44.. (நரகே(அ)நியதம்)
அஹோ ப₃த மஹத்பாபம் கர்தும் வ்யவஸிதா வயம் .
யத்₃ராஜ்யஸுக₂லோபே₄ந ஹந்தும் ஸ்வஜநமுத்₃யதா꞉ .. 1-45..

யதி₃ மாமப்ரதீகாரமஶஸ்த்ரம் ஶஸ்த்ரபாணய꞉ .
தா₄ர்தராஷ்ட்ரா ரணே ஹந்யுஸ்தந்மே க்ஷேமதரம் ப₄வேத் .. 1-46..

ஸஞ்ஜய உவாச .
ஏவமுக்த்வார்ஜுந꞉ ஸங்க்₂யே ரதோ₂பஸ்த₂ உபாவிஶத் .
விஸ்ருஜ்ய ஸஶரம் சாபம் ஶோகஸம்விக்₃நமாநஸ꞉ .. 1-47..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
அர்ஜுநவிஷாத₃யோகோ₃ நாம ப்ரத₂மோ(அ)த்₄யாய꞉ .. 1..

அத₂ த்₃விதீயோ(அ)த்₄யாய꞉
ஸாங்க்₂யயோக₃꞉
ஸஞ்ஜய உவாச .
தம் ததா₂ க்ருபயாவிஷ்டமஶ்ருபூர்ணாகுலேக்ஷணம் .
விஷீத₃ந்தமித₃ம் வாக்யமுவாச மது₄ஸூத₃ந꞉ .. 2-1..

ஶ்ரீப₄க₃வாநுவாச .
குதஸ்த்வா கஶ்மலமித₃ம் விஷமே ஸமுபஸ்தி₂தம் .
அநார்யஜுஷ்டமஸ்வர்க்₃யமகீர்திகரமர்ஜுந .. 2-2..

க்லைப்₃யம் மா ஸ்ம க₃ம꞉ பார்த₂ நைதத்த்வய்யுபபத்₃யதே .
க்ஷுத்₃ரம் ஹ்ருத₃யதௌ₃ர்ப₃ல்யம் த்யக்த்வோத்திஷ்ட₂ பரந்தப .. 2-3..

அர்ஜுந உவாச .
கத₂ம் பீ₄ஷ்மமஹம் ஸங்க்₂யே த்₃ரோணம் ச மது₄ஸூத₃ந .
இஷுபி₄꞉ ப்ரதியோத்ஸ்யாமி பூஜார்ஹாவரிஸூத₃ந .. 2-4..

கு₃ரூநஹத்வா ஹி மஹாநுபா₄வாந்
ஶ்ரேயோ போ₄க்தும் பை₄க்ஷ்யமபீஹ லோகே .
ஹத்வார்த₂காமாம்ஸ்து கு₃ரூநிஹைவ
பு₄ஞ்ஜீய போ₄கா₃ந் ருதி₄ரப்ரதி₃க்₃தா₄ந் .. 2-5..

ந சைதத்₃வித்₃ம꞉ கதரந்நோ க₃ரீயோ
யத்₃வா ஜயேம யதி₃ வா நோ ஜயேயு꞉ .
யாநேவ ஹத்வா ந ஜிஜீவிஷாம-
ஸ்தே(அ)வஸ்தி₂தா꞉ ப்ரமுகே₂ தா₄ர்தராஷ்ட்ரா꞉ .. 2-6..

கார்பண்யதோ₃ஷோபஹதஸ்வபா₄வ꞉
ப்ருச்சா₂மி த்வாம் த₄ர்மஸம்மூட₄சேதா꞉ .
யச்ச்₂ரேய꞉ ஸ்யாந்நிஶ்சிதம் ப்₃ரூஹி தந்மே
ஶிஷ்யஸ்தே(அ)ஹம் ஶாதி₄ மாம் த்வாம் ப்ரபந்நம் .. 2-7..

ந ஹி ப்ரபஶ்யாமி மமாபநுத்₃யாத்₃
யச்சோ₂கமுச்சோ₂ஷணமிந்த்₃ரியாணாம் .
அவாப்ய பூ₄மாவஸபத்நம்ருத்₃த₄ம்
ராஜ்யம் ஸுராணாமபி சாதி₄பத்யம் .. 2-8..

ஸஞ்ஜய உவாச .
ஏவமுக்த்வா ஹ்ருஷீகேஶம் கு₃டா₃கேஶ꞉ பரந்தப .
ந யோத்ஸ்ய இதி கோ₃விந்த₃முக்த்வா தூஷ்ணீம் ப₃பூ₄வ ஹ .. 2-9..

தமுவாச ஹ்ருஷீகேஶ꞉ ப்ரஹஸந்நிவ பா₄ரத .
ஸேநயோருப₄யோர்மத்₄யே விஷீத₃ந்தமித₃ம் வச꞉ .. 2-10..

ஶ்ரீப₄க₃வாநுவாச .
அஶோச்யாநந்வஶோசஸ்த்வம் ப்ரஜ்ஞாவாதா₃ம்ஶ்ச பா₄ஷஸே .
க₃தாஸூநக₃தாஸூம்ஶ்ச நாநுஶோசந்தி பண்டி₃தா꞉ .. 2-11..

ந த்வேவாஹம் ஜாது நாஸம் ந த்வம் நேமே ஜநாதி₄பா꞉ .
ந சைவ ந ப₄விஷ்யாம꞉ ஸர்வே வயமத꞉ பரம் .. 2-12..

தே₃ஹிநோ(அ)ஸ்மிந்யதா₂ தே₃ஹே கௌமாரம் யௌவநம் ஜரா .
ததா₂ தே₃ஹாந்தரப்ராப்திர்தீ₄ரஸ்தத்ர ந முஹ்யதி .. 2-13..

மாத்ராஸ்பர்ஶாஸ்து கௌந்தேய ஶீதோஷ்ணஸுக₂து₃꞉க₂தா₃꞉ .
ஆக₃மாபாயிநோ(அ)நித்யாஸ்தாம்ஸ்திதிக்ஷஸ்வ பா₄ரத .. 2-14..

யம் ஹி ந வ்யத₂யந்த்யேதே புருஷம் புருஷர்ஷப₄ .
ஸமது₃꞉க₂ஸுக₂ம் தீ₄ரம் ஸோ(அ)ம்ருதத்வாய கல்பதே .. 2-15..

நாஸதோ வித்₃யதே பா₄வோ நாபா₄வோ வித்₃யதே ஸத꞉ .
உப₄யோரபி த்₃ருஷ்டோ(அ)ந்தஸ்த்வநயோஸ்தத்த்வத₃ர்ஶிபி₄꞉ .. 2-16..

அவிநாஶி து தத்₃வித்₃தி₄ யேந ஸர்வமித₃ம் ததம் .
விநாஶமவ்யயஸ்யாஸ்ய ந கஶ்சித்கர்துமர்ஹதி .. 2-17..

அந்தவந்த இமே தே₃ஹா நித்யஸ்யோக்தா꞉ ஶரீரிண꞉ .
அநாஶிநோ(அ)ப்ரமேயஸ்ய தஸ்மாத்₃யுத்₄யஸ்வ பா₄ரத .. 2-18..

ய ஏநம் வேத்தி ஹந்தாரம் யஶ்சைநம் மந்யதே ஹதம் .
உபௌ₄ தௌ ந விஜாநீதோ நாயம் ஹந்தி ந ஹந்யதே .. 2-19..

ந ஜாயதே ம்ரியதே வா கதா₃சிந்
நாயம் பூ₄த்வா ப₄விதா வா ந பூ₄ய꞉ .
அஜோ நித்ய꞉ ஶாஶ்வதோ(அ)யம் புராணோ
ந ஹந்யதே ஹந்யமாநே ஶரீரே .. 2-20..

வேதா₃விநாஶிநம் நித்யம் ய ஏநமஜமவ்யயம் .
கத₂ம் ஸ புருஷ꞉ பார்த₂ கம் கா₄தயதி ஹந்தி கம் .. 2-21..

வாஸாம்ஸி ஜீர்ணாநி யதா₂ விஹாய
நவாநி க்₃ருஹ்ணாதி நரோ(அ)பராணி .
ததா₂ ஶரீராணி விஹாய ஜீர்ணா-
ந்யந்யாநி ஸம்யாதி நவாநி தே₃ஹீ .. 2-22..

நைநம் சி₂ந்த₃ந்தி ஶஸ்த்ராணி நைநம் த₃ஹதி பாவக꞉ .
ந சைநம் க்லேத₃யந்த்யாபோ ந ஶோஷயதி மாருத꞉ .. 2-23..

அச்சே₂த்₃யோ(அ)யமதா₃ஹ்யோ(அ)யமக்லேத்₃யோ(அ)ஶோஷ்ய ஏவ ச .
நித்ய꞉ ஸர்வக₃த꞉ ஸ்தா₂ணுரசலோ(அ)யம் ஸநாதந꞉ .. 2-24..

அவ்யக்தோ(அ)யமசிந்த்யோ(அ)யமவிகார்யோ(அ)யமுச்யதே .
தஸ்மாதே₃வம் விதி₃த்வைநம் நாநுஶோசிதுமர்ஹஸி .. 2-25..

அத₂ சைநம் நித்யஜாதம் நித்யம் வா மந்யஸே ம்ருதம் .
ததா₂பி த்வம் மஹாபா₃ஹோ நைவம் ஶோசிதுமர்ஹஸி .. 2-26..

ஜாதஸ்ய ஹி த்₄ருவோ ம்ருத்யுர்த்₄ருவம் ஜந்ம ம்ருதஸ்ய ச .
தஸ்மாத₃பரிஹார்யே(அ)ர்தே₂ ந த்வம் ஶோசிதுமர்ஹஸி .. 2-27..

அவ்யக்தாதீ₃நி பூ₄தாநி வ்யக்தமத்₄யாநி பா₄ரத .
அவ்யக்தநித₄நாந்யேவ தத்ர கா பரிதே₃வநா .. 2-28..

ஆஶ்சர்யவத்பஶ்யதி கஶ்சிதே₃ந-
மாஶ்சர்யவத்₃வத₃தி ததை₂வ சாந்ய꞉ .
ஆஶ்சர்யவச்சைநமந்ய꞉ ஶ்ருணோதி
ஶ்ருத்வாப்யேநம் வேத₃ ந சைவ கஶ்சித் .. 2-29..

தே₃ஹீ நித்யமவத்₄யோ(அ)யம் தே₃ஹே ஸர்வஸ்ய பா₄ரத .
தஸ்மாத்ஸர்வாணி பூ₄தாநி ந த்வம் ஶோசிதுமர்ஹஸி .. 2-30..

ஸ்வத₄ர்மமபி சாவேக்ஷ்ய ந விகம்பிதுமர்ஹஸி .
த₄ர்ம்யாத்₃தி₄ யுத்₃தா₄ச்ச்₂ரேயோ(அ)ந்யத்க்ஷத்ரியஸ்ய ந வித்₃யதே .. 2-31..

யத்₃ருச்ச₂யா சோபபந்நம் ஸ்வர்க₃த்₃வாரமபாவ்ருதம் .
ஸுகி₂ந꞉ க்ஷத்ரியா꞉ பார்த₂ லப₄ந்தே யுத்₃த₄மீத்₃ருஶம் .. 2-32..

அத₂ சேத்த்வமிமம் த₄ர்ம்யம் ஸங்க்₃ராமம் ந கரிஷ்யஸி .
தத꞉ ஸ்வத₄ர்மம் கீர்திம் ச ஹித்வா பாபமவாப்ஸ்யஸி .. 2-33..

அகீர்திம் சாபி பூ₄தாநி கத₂யிஷ்யந்தி தே(அ)வ்யயாம் .
ஸம்பா₄விதஸ்ய சாகீர்திர்மரணாத₃திரிச்யதே .. 2-34..

ப₄யாத்₃ரணாது₃பரதம் மம்ஸ்யந்தே த்வாம் மஹாரதா₂꞉ .
யேஷாம் ச த்வம் ப₃ஹுமதோ பூ₄த்வா யாஸ்யஸி லாக₄வம் .. 2-35..

அவாச்யவாதா₃ம்ஶ்ச ப₃ஹூந்வதி₃ஷ்யந்தி தவாஹிதா꞉ .
நிந்த₃ந்தஸ்தவ ஸாமர்த்₂யம் ததோ து₃꞉க₂தரம் நு கிம் .. 2-36..

ஹதோ வா ப்ராப்ஸ்யஸி ஸ்வர்க₃ம் ஜித்வா வா போ₄க்ஷ்யஸே மஹீம் .
தஸ்மாது₃த்திஷ்ட₂ கௌந்தேய யுத்₃தா₄ய க்ருதநிஶ்சய꞉ .. 2-37..

ஸுக₂து₃꞉கே₂ ஸமே க்ருத்வா லாபா₄லாபௌ₄ ஜயாஜயௌ .
ததோ யுத்₃தா₄ய யுஜ்யஸ்வ நைவம் பாபமவாப்ஸ்யஸி .. 2-38..

ஏஷா தே(அ)பி₄ஹிதா ஸாங்க்₂யே பு₃த்₃தி₄ர்யோகே₃ த்விமாம் ஶ்ருணு .
பு₃த்₃த்₄யா யுக்தோ யயா பார்த₂ கர்மப₃ந்த₄ம் ப்ரஹாஸ்யஸி .. 2-39..

நேஹாபி₄க்ரமநாஶோ(அ)ஸ்தி ப்ரத்யவாயோ ந வித்₃யதே .
ஸ்வல்பமப்யஸ்ய த₄ர்மஸ்ய த்ராயதே மஹதோ ப₄யாத் .. 2-40..

வ்யவஸாயாத்மிகா பு₃த்₃தி₄ரேகேஹ குருநந்த₃ந .
ப₃ஹுஶாகா₂ ஹ்யநந்தாஶ்ச பு₃த்₃த₄யோ(அ)வ்யவஸாயிநாம் .. 2-41..

யாமிமாம் புஷ்பிதாம் வாசம் ப்ரவத₃ந்த்யவிபஶ்சித꞉ .
வேத₃வாத₃ரதா꞉ பார்த₂ நாந்யத₃ஸ்தீதி வாதி₃ந꞉ .. 2-42..

காமாத்மாந꞉ ஸ்வர்க₃பரா ஜந்மகர்மப₂லப்ரதா₃ம் .
க்ரியாவிஶேஷப₃ஹுலாம் போ₄கை₃ஶ்வர்யக₃திம் ப்ரதி .. 2-43..

போ₄கை₃ஶ்வர்யப்ரஸக்தாநாம் தயாபஹ்ருதசேதஸாம் .
வ்யவஸாயாத்மிகா பு₃த்₃தி₄꞉ ஸமாதௌ₄ ந விதீ₄யதே .. 2-44..

த்ரைகு₃ண்யவிஷயா வேதா₃ நிஸ்த்ரைகு₃ண்யோ ப₄வார்ஜுந .
நிர்த்₃வந்த்₃வோ நித்யஸத்த்வஸ்தோ₂ நிர்யோக₃க்ஷேம ஆத்மவாந் .. 2-45..

யாவாநர்த₂ உத₃பாநே ஸர்வத꞉ ஸம்ப்லுதோத₃கே .
தாவாந்ஸர்வேஷு வேதே₃ஷு ப்₃ராஹ்மணஸ்ய விஜாநத꞉ .. 2-46..

கர்மண்யேவாதி₄காரஸ்தே மா ப₂லேஷு கதா₃சந .
மா கர்மப₂லஹேதுர்பூ₄ர்மா தே ஸங்கோ₃(அ)ஸ்த்வகர்மணி .. 2-47..

யோக₃ஸ்த₂꞉ குரு கர்மாணி ஸங்க₃ம் த்யக்த்வா த₄நஞ்ஜய .
ஸித்₃த்₄யஸித்₃த்₄யோ꞉ ஸமோ பூ₄த்வா ஸமத்வம் யோக₃ உச்யதே .. 2-48..

தூ₃ரேண ஹ்யவரம் கர்ம பு₃த்₃தி₄யோகா₃த்₃த₄நஞ்ஜய .
பு₃த்₃தௌ₄ ஶரணமந்விச்ச₂ க்ருபணா꞉ ப₂லஹேதவ꞉ .. 2-49..

பு₃த்₃தி₄யுக்தோ ஜஹாதீஹ உபே₄ ஸுக்ருதது₃ஷ்க்ருதே .
தஸ்மாத்₃யோகா₃ய யுஜ்யஸ்வ யோக₃꞉ கர்மஸு கௌஶலம் .. 2-50..

கர்மஜம் பு₃த்₃தி₄யுக்தா ஹி ப₂லம் த்யக்த்வா மநீஷிண꞉ .
ஜந்மப₃ந்த₄விநிர்முக்தா꞉ பத₃ம் க₃ச்ச₂ந்த்யநாமயம் .. 2-51..

யதா₃ தே மோஹகலிலம் பு₃த்₃தி₄ர்வ்யதிதரிஷ்யதி .
ததா₃ க₃ந்தாஸி நிர்வேத₃ம் ஶ்ரோதவ்யஸ்ய ஶ்ருதஸ்ய ச .. 2-52..

ஶ்ருதிவிப்ரதிபந்நா தே யதா₃ ஸ்தா₂ஸ்யதி நிஶ்சலா .
ஸமாதா₄வசலா பு₃த்₃தி₄ஸ்ததா₃ யோக₃மவாப்ஸ்யஸி .. 2-53..

அர்ஜுந உவாச .
ஸ்தி₂தப்ரஜ்ஞஸ்ய கா பா₄ஷா ஸமாதி₄ஸ்த₂ஸ்ய கேஶவ .
ஸ்தி₂ததீ₄꞉ கிம் ப்ரபா₄ஷேத கிமாஸீத வ்ரஜேத கிம் .. 2-54..

ஶ்ரீப₄க₃வாநுவாச .
ப்ரஜஹாதி யதா₃ காமாந்ஸர்வாந்பார்த₂ மநோக₃தாந் .
ஆத்மந்யேவாத்மநா துஷ்ட꞉ ஸ்தி₂தப்ரஜ்ஞஸ்ததோ₃ச்யதே .. 2-55..

து₃꞉கே₂ஷ்வநுத்₃விக்₃நமநா꞉ ஸுகே₂ஷு விக₃தஸ்ப்ருஹ꞉ .
வீதராக₃ப₄யக்ரோத₄꞉ ஸ்தி₂ததீ₄ர்முநிருச்யதே .. 2-56..

ய꞉ ஸர்வத்ராநபி₄ஸ்நேஹஸ்தத்தத்ப்ராப்ய ஶுபா₄ஶுப₄ம் .
நாபி₄நந்த₃தி ந த்₃வேஷ்டி தஸ்ய ப்ரஜ்ஞா ப்ரதிஷ்டி₂தா .. 2-57..

யதா₃ ஸம்ஹரதே சாயம் கூர்மோ(அ)ங்கா₃நீவ ஸர்வஶ꞉ .
இந்த்₃ரியாணீந்த்₃ரியார்தே₂ப்₄யஸ்தஸ்ய ப்ரஜ்ஞா ப்ரதிஷ்டி₂தா .. 2-58..

விஷயா விநிவர்தந்தே நிராஹாரஸ்ய தே₃ஹிந꞉ .
ரஸவர்ஜம் ரஸோ(அ)ப்யஸ்ய பரம் த்₃ருஷ்ட்வா நிவர்ததே .. 2-59..

யததோ ஹ்யபி கௌந்தேய புருஷஸ்ய விபஶ்சித꞉ .
இந்த்₃ரியாணி ப்ரமாதீ₂நி ஹரந்தி ப்ரஸப₄ம் மந꞉ .. 2-60..

தாநி ஸர்வாணி ஸம்யம்ய யுக்த ஆஸீத மத்பர꞉ .
வஶே ஹி யஸ்யேந்த்₃ரியாணி தஸ்ய ப்ரஜ்ஞா ப்ரதிஷ்டி₂தா .. 2-61..

த்₄யாயதோ விஷயாந்பும்ஸ꞉ ஸங்க₃ஸ்தேஷூபஜாயதே .
ஸங்கா₃த்ஸஞ்ஜாயதே காம꞉ காமாத்க்ரோதோ₄(அ)பி₄ஜாயதே .. 2-62..

க்ரோதா₄த்₃ப₄வதி ஸம்மோஹ꞉ ஸம்மோஹாத்ஸ்ம்ருதிவிப்₄ரம꞉ .
ஸ்ம்ருதிப்₄ரம்ஶாத்₃ பு₃த்₃தி₄நாஶோ பு₃த்₃தி₄நாஶாத்ப்ரணஶ்யதி .. 2-63..

ராக₃த்₃வேஷவிமுக்தைஸ்து விஷயாநிந்த்₃ரியைஶ்சரந் . (ராக₃த்₃வேஷவியுக்தைஸ்து)
ஆத்மவஶ்யைர்விதே₄யாத்மா ப்ரஸாத₃மதி₄க₃ச்ச₂தி .. 2-64..

ப்ரஸாதே₃ ஸர்வது₃꞉கா₂நாம் ஹாநிரஸ்யோபஜாயதே .
ப்ரஸந்நசேதஸோ ஹ்யாஶு பு₃த்₃தி₄꞉ பர்யவதிஷ்ட₂தே .. 2-65..

நாஸ்தி பு₃த்₃தி₄ரயுக்தஸ்ய ந சாயுக்தஸ்ய பா₄வநா .
ந சாபா₄வயத꞉ ஶாந்திரஶாந்தஸ்ய குத꞉ ஸுக₂ம் .. 2-66..

இந்த்₃ரியாணாம் ஹி சரதாம் யந்மநோ(அ)நுவிதீ₄யதே .
தத₃ஸ்ய ஹரதி ப்ரஜ்ஞாம் வாயுர்நாவமிவாம்ப₄ஸி .. 2-67..

தஸ்மாத்₃யஸ்ய மஹாபா₃ஹோ நிக்₃ருஹீதாநி ஸர்வஶ꞉ .
இந்த்₃ரியாணீந்த்₃ரியார்தே₂ப்₄யஸ்தஸ்ய ப்ரஜ்ஞா ப்ரதிஷ்டி₂தா .. 2-68..

யா நிஶா ஸர்வபூ₄தாநாம் தஸ்யாம் ஜாக₃ர்தி ஸம்யமீ .
யஸ்யாம் ஜாக்₃ரதி பூ₄தாநி ஸா நிஶா பஶ்யதோ முநே꞉ .. 2-69..

ஆபூர்யமாணமசலப்ரதிஷ்ட₂ம்
ஸமுத்₃ரமாப꞉ ப்ரவிஶந்தி யத்₃வத் .
தத்₃வத்காமா யம் ப்ரவிஶந்தி ஸர்வே
ஸ ஶாந்திமாப்நோதி ந காமகாமீ .. 2-70..

விஹாய காமாந்ய꞉ ஸர்வாந்புமாம்ஶ்சரதி நி꞉ஸ்ப்ருஹ꞉ .
நிர்மமோ நிரஹங்கார꞉ ஸ ஶாந்திமதி₄க₃ச்ச₂தி .. 2-71..

ஏஷா ப்₃ராஹ்மீ ஸ்தி₂தி꞉ பார்த₂ நைநாம் ப்ராப்ய விமுஹ்யதி .
ஸ்தி₂த்வாஸ்யாமந்தகாலே(அ)பி ப்₃ரஹ்மநிர்வாணம்ருச்ச₂தி .. 2-72..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
ஸாங்க்₂யயோகோ₃ நாம த்₃விதீயோ(அ)த்₄யாய꞉ .. 2..

அத₂ த்ருதீயோ(அ)த்₄யாய꞉
கர்மயோக₃꞉
அர்ஜுந உவாச .
ஜ்யாயஸீ சேத்கர்மணஸ்தே மதா பு₃த்₃தி₄ர்ஜநார்த₃ந .
தத்கிம் கர்மணி கோ₄ரே மாம் நியோஜயஸி கேஶவ .. 3-1..

வ்யாமிஶ்ரேணேவ வாக்யேந பு₃த்₃தி₄ம் மோஹயஸீவ மே .
ததே₃கம் வத₃ நிஶ்சித்ய யேந ஶ்ரேயோ(அ)ஹமாப்நுயாம் .. 3-2..

ஶ்ரீப₄க₃வாநுவாச .
லோகே(அ)ஸ்மிந் த்₃விவிதா₄ நிஷ்டா₂ புரா ப்ரோக்தா மயாநக₄ .
ஜ்ஞாநயோகே₃ந ஸாங்க்₂யாநாம் கர்மயோகே₃ந யோகி₃நாம் .. 3-3..

ந கர்மணாமநாரம்பா₄ந்நைஷ்கர்ம்யம் புருஷோ(அ)ஶ்நுதே .
ந ச ஸம்ந்யஸநாதே₃வ ஸித்₃தி₄ம் ஸமதி₄க₃ச்ச₂தி .. 3-4..

ந ஹி கஶ்சித்க்ஷணமபி ஜாது திஷ்ட₂த்யகர்மக்ருத் .
கார்யதே ஹ்யவஶ꞉ கர்ம ஸர்வ꞉ ப்ரக்ருதிஜைர்கு₃ணை꞉ .. 3-5..

கர்மேந்த்₃ரியாணி ஸம்யம்ய ய ஆஸ்தே மநஸா ஸ்மரந் .
இந்த்₃ரியார்தா₂ந்விமூடா₄த்மா மித்₂யாசார꞉ ஸ உச்யதே .. 3-6..

யஸ்த்விந்த்₃ரியாணி மநஸா நியம்யாரப₄தே(அ)ர்ஜுந .
கர்மேந்த்₃ரியை꞉ கர்மயோக₃மஸக்த꞉ ஸ விஶிஷ்யதே .. 3-7..

நியதம் குரு கர்ம த்வம் கர்ம ஜ்யாயோ ஹ்யகர்மண꞉ .
ஶரீரயாத்ராபி ச தே ந ப்ரஸித்₃த்₄யேத₃கர்மண꞉ .. 3-8..

யஜ்ஞார்தா₂த்கர்மணோ(அ)ந்யத்ர லோகோ(அ)யம் கர்மப₃ந்த₄ந꞉ .
தத₃ர்த₂ம் கர்ம கௌந்தேய முக்தஸங்க₃꞉ ஸமாசர .. 3-9..

ஸஹயஜ்ஞா꞉ ப்ரஜா꞉ ஸ்ருஷ்ட்வா புரோவாச ப்ரஜாபதி꞉ .
அநேந ப்ரஸவிஷ்யத்₄வமேஷ வோ(அ)ஸ்த்விஷ்டகாமது₄க் .. 3-10..

தே₃வாந்பா₄வயதாநேந தே தே₃வா பா₄வயந்து வ꞉ .
பரஸ்பரம் பா₄வயந்த꞉ ஶ்ரேய꞉ பரமவாப்ஸ்யத₂ .. 3-11..

இஷ்டாந்போ₄கா₃ந்ஹி வோ தே₃வா தா₃ஸ்யந்தே யஜ்ஞபா₄விதா꞉ .
தைர்த₃த்தாநப்ரதா₃யைப்₄யோ யோ பு₄ங்க்தே ஸ்தேந ஏவ ஸ꞉ .. 3-12..

யஜ்ஞஶிஷ்டாஶிந꞉ ஸந்தோ முச்யந்தே ஸர்வகில்பி₃ஷை꞉ .
பு₄ஞ்ஜதே தே த்வக₄ம் பாபா யே பசந்த்யாத்மகாரணாத் .. 3-13..

அந்நாத்₃ப₄வந்தி பூ₄தாநி பர்ஜந்யாத₃ந்நஸம்ப₄வ꞉ .
யஜ்ஞாத்₃ப₄வதி பர்ஜந்யோ யஜ்ஞ꞉ கர்மஸமுத்₃ப₄வ꞉ .. 3-14..

கர்ம ப்₃ரஹ்மோத்₃ப₄வம் வித்₃தி₄ ப்₃ரஹ்மாக்ஷரஸமுத்₃ப₄வம் .
தஸ்மாத்ஸர்வக₃தம் ப்₃ரஹ்ம நித்யம் யஜ்ஞே ப்ரதிஷ்டி₂தம் .. 3-15..

ஏவம் ப்ரவர்திதம் சக்ரம் நாநுவர்தயதீஹ ய꞉ .
அகா₄யுரிந்த்₃ரியாராமோ மோக₄ம் பார்த₂ ஸ ஜீவதி .. 3-16..

யஸ்த்வாத்மரதிரேவ ஸ்யாதா₃த்மத்ருப்தஶ்ச மாநவ꞉ .
ஆத்மந்யேவ ச ஸந்துஷ்டஸ்தஸ்ய கார்யம் ந வித்₃யதே .. 3-17..

நைவ தஸ்ய க்ருதேநார்தோ₂ நாக்ருதேநேஹ கஶ்சந .
ந சாஸ்ய ஸர்வபூ₄தேஷு கஶ்சித₃ர்த₂வ்யபாஶ்ரய꞉ .. 3-18..

தஸ்மாத₃ஸக்த꞉ ஸததம் கார்யம் கர்ம ஸமாசர .
அஸக்தோ ஹ்யாசரந்கர்ம பரமாப்நோதி பூருஷ꞉ .. 3-19..

கர்மணைவ ஹி ஸம்ஸித்₃தி₄மாஸ்தி₂தா ஜநகாத₃ய꞉ .
லோகஸங்க்₃ரஹமேவாபி ஸம்பஶ்யந்கர்துமர்ஹஸி .. 3-20..

யத்₃யதா₃சரதி ஶ்ரேஷ்ட₂ஸ்தத்ததே₃வேதரோ ஜந꞉ .
ஸ யத்ப்ரமாணம் குருதே லோகஸ்தத₃நுவர்ததே .. 3-21..

ந மே பார்தா₂ஸ்தி கர்தவ்யம் த்ரிஷு லோகேஷு கிஞ்சந .
நாநவாப்தமவாப்தவ்யம் வர்த ஏவ ச கர்மணி .. 3-22..

யதி₃ ஹ்யஹம் ந வர்தேயம் ஜாது கர்மண்யதந்த்₃ரித꞉ .
மம வர்த்மாநுவர்தந்தே மநுஷ்யா꞉ பார்த₂ ஸர்வஶ꞉ .. 3-23..

உத்ஸீதே₃யுரிமே லோகா ந குர்யாம் கர்ம சேத₃ஹம் .
ஸங்கரஸ்ய ச கர்தா ஸ்யாமுபஹந்யாமிமா꞉ ப்ரஜா꞉ .. 3-24..

ஸக்தா꞉ கர்மண்யவித்₃வாம்ஸோ யதா₂ குர்வந்தி பா₄ரத .
குர்யாத்₃வித்₃வாம்ஸ்ததா₂ஸக்தஶ்சிகீர்ஷுர்லோகஸங்க்₃ரஹம் .. 3-25..

ந பு₃த்₃தி₄பே₄த₃ம் ஜநயேத₃ஜ்ஞாநாம் கர்மஸங்கி₃நாம் .
ஜோஷயேத்ஸர்வகர்மாணி வித்₃வாந்யுக்த꞉ ஸமாசரந் .. 3-26..

ப்ரக்ருதே꞉ க்ரியமாணாநி கு₃ணை꞉ கர்மாணி ஸர்வஶ꞉ .
அஹங்காரவிமூடா₄த்மா கர்தாஹமிதி மந்யதே .. 3-27..

தத்த்வவித்து மஹாபா₃ஹோ கு₃ணகர்மவிபா₄க₃யோ꞉ .
கு₃ணா கு₃ணேஷு வர்தந்த இதி மத்வா ந ஸஜ்ஜதே .. 3-28..

ப்ரக்ருதேர்கு₃ணஸம்மூடா₄꞉ ஸஜ்ஜந்தே கு₃ணகர்மஸு .
தாநக்ருத்ஸ்நவிதோ₃ மந்தா₃ந்க்ருத்ஸ்நவிந்ந விசாலயேத் .. 3-29..

மயி ஸர்வாணி கர்மாணி ஸம்ந்யஸ்யாத்₄யாத்மசேதஸா .
நிராஶீர்நிர்மமோ பூ₄த்வா யுத்₄யஸ்வ விக₃தஜ்வர꞉ .. 3-30..

யே மே மதமித₃ம் நித்யமநுதிஷ்ட₂ந்தி மாநவா꞉ .
ஶ்ரத்₃தா₄வந்தோ(அ)நஸூயந்தோ முச்யந்தே தே(அ)பி கர்மபி₄꞉ .. 3-31..

யே த்வேதத₃ப்₄யஸூயந்தோ நாநுதிஷ்ட₂ந்தி மே மதம் .
ஸர்வஜ்ஞாநவிமூடா₄ம்ஸ்தாந்வித்₃தி₄ நஷ்டாநசேதஸ꞉ .. 3-32..

ஸத்₃ருஶம் சேஷ்டதே ஸ்வஸ்யா꞉ ப்ரக்ருதேர்ஜ்ஞாநவாநபி .
ப்ரக்ருதிம் யாந்தி பூ₄தாநி நிக்₃ரஹ꞉ கிம் கரிஷ்யதி .. 3-33..

இந்த்₃ரியஸ்யேந்த்₃ரியஸ்யார்தே₂ ராக₃த்₃வேஷௌ வ்யவஸ்தி₂தௌ .
தயோர்ந வஶமாக₃ச்சே₂த்தௌ ஹ்யஸ்ய பரிபந்தி₂நௌ .. 3-34..

ஶ்ரேயாந்ஸ்வத₄ர்மோ விகு₃ண꞉ பரத₄ர்மாத்ஸ்வநுஷ்டி₂தாத் .
ஸ்வத₄ர்மே நித₄நம் ஶ்ரேய꞉ பரத₄ர்மோ ப₄யாவஹ꞉ .. 3-35..

அர்ஜுந உவாச .
அத₂ கேந ப்ரயுக்தோ(அ)யம் பாபம் சரதி பூருஷ꞉ .
அநிச்ச₂ந்நபி வார்ஷ்ணேய ப₃லாதி₃வ நியோஜித꞉ .. 3-36..

ஶ்ரீப₄க₃வாநுவாச .
காம ஏஷ க்ரோத₄ ஏஷ ரஜோகு₃ணஸமுத்₃ப₄வ꞉ .
மஹாஶநோ மஹாபாப்மா வித்₃த்₄யேநமிஹ வைரிணம் .. 3-37..

தூ₄மேநாவ்ரியதே வஹ்நிர்யதா₂த₃ர்ஶோ மலேந ச .
யதோ₂ல்பே₃நாவ்ருதோ க₃ர்ப₄ஸ்ததா₂ தேநேத₃மாவ்ருதம் .. 3-38..

ஆவ்ருதம் ஜ்ஞாநமேதேந ஜ்ஞாநிநோ நித்யவைரிணா .
காமரூபேண கௌந்தேய து₃ஷ்பூரேணாநலேந ச .. 3-39..

இந்த்₃ரியாணி மநோ பு₃த்₃தி₄ரஸ்யாதி₄ஷ்டா₂நமுச்யதே .
ஏதைர்விமோஹயத்யேஷ ஜ்ஞாநமாவ்ருத்ய தே₃ஹிநம் .. 3-40..

தஸ்மாத்த்வமிந்த்₃ரியாண்யாதௌ₃ நியம்ய ப₄ரதர்ஷப₄ .
பாப்மாநம் ப்ரஜஹி ஹ்யேநம் ஜ்ஞாநவிஜ்ஞாநநாஶநம் .. 3-41..

இந்த்₃ரியாணி பராண்யாஹுரிந்த்₃ரியேப்₄ய꞉ பரம் மந꞉ .
மநஸஸ்து பரா பு₃த்₃தி₄ர்யோ பு₃த்₃தே₄꞉ பரதஸ்து ஸ꞉ .. 3-42..

ஏவம் பு₃த்₃தே₄꞉ பரம் பு₃த்₃த்₄வா ஸம்ஸ்தப்₄யாத்மாநமாத்மநா .
ஜஹி ஶத்ரும் மஹாபா₃ஹோ காமரூபம் து₃ராஸத₃ம் .. 3-43..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
கர்மயோகோ₃ நாம த்ருதீயோ(அ)த்₄யாய꞉ .. 3..

அத₂ சதுர்தோ₂(அ)த்₄யாய꞉
ஜ்ஞாநகர்மஸம்ந்யாஸயோக₃꞉
ஶ்ரீப₄க₃வாநுவாச .
இமம் விவஸ்வதே யோக₃ம் ப்ரோக்தவாநஹமவ்யயம் .
விவஸ்வாந்மநவே ப்ராஹ மநுரிக்ஷ்வாகவே(அ)ப்₃ரவீத் .. 4-1..

ஏவம் பரம்பராப்ராப்தமிமம் ராஜர்ஷயோ விது₃꞉ .
ஸ காலேநேஹ மஹதா யோகோ₃ நஷ்ட꞉ பரந்தப .. 4-2..

ஸ ஏவாயம் மயா தே(அ)த்₃ய யோக₃꞉ ப்ரோக்த꞉ புராதந꞉ .
ப₄க்தோ(அ)ஸி மே ஸகா₂ சேதி ரஹஸ்யம் ஹ்யேதது₃த்தமம் .. 4-3..

அர்ஜுந உவாச .
அபரம் ப₄வதோ ஜந்ம பரம் ஜந்ம விவஸ்வத꞉ .
கத₂மேதத்₃விஜாநீயாம் த்வமாதௌ₃ ப்ரோக்தவாநிதி .. 4-4..

ஶ்ரீப₄க₃வாநுவாச .
ப₃ஹூநி மே வ்யதீதாநி ஜந்மாநி தவ சார்ஜுந .
தாந்யஹம் வேத₃ ஸர்வாணி ந த்வம் வேத்த₂ பரந்தப .. 4-5..

அஜோ(அ)பி ஸந்நவ்யயாத்மா பூ₄தாநாமீஶ்வரோ(அ)பி ஸந் .
ப்ரக்ருதிம் ஸ்வாமதி₄ஷ்டா₂ய ஸம்ப₄வாம்யாத்மமாயயா .. 4-6..

யதா₃ யதா₃ ஹி த₄ர்மஸ்ய க்₃லாநிர்ப₄வதி பா₄ரத .
அப்₄யுத்தா₂நமத₄ர்மஸ்ய ததா₃த்மாநம் ஸ்ருஜாம்யஹம் .. 4-7..

பரித்ராணாய ஸாதூ₄நாம் விநாஶாய ச து₃ஷ்க்ருதாம் .
த₄ர்மஸம்ஸ்தா₂பநார்தா₂ய ஸம்ப₄வாமி யுகே₃ யுகே₃ .. 4-8..

ஜந்ம கர்ம ச மே தி₃வ்யமேவம் யோ வேத்தி தத்த்வத꞉ .
த்யக்த்வா தே₃ஹம் புநர்ஜந்ம நைதி மாமேதி ஸோ(அ)ர்ஜுந .. 4-9..

வீதராக₃ப₄யக்ரோதா₄ மந்மயா மாமுபாஶ்ரிதா꞉ .
ப₃ஹவோ ஜ்ஞாநதபஸா பூதா மத்₃பா₄வமாக₃தா꞉ .. 4-10..

யே யதா₂ மாம் ப்ரபத்₃யந்தே தாம்ஸ்ததை₂வ ப₄ஜாம்யஹம் .
மம வர்த்மாநுவர்தந்தே மநுஷ்யா꞉ பார்த₂ ஸர்வஶ꞉ .. 4-11..

காங்க்ஷந்த꞉ கர்மணாம் ஸித்₃தி₄ம் யஜந்த இஹ தே₃வதா꞉ .
க்ஷிப்ரம் ஹி மாநுஷே லோகே ஸித்₃தி₄ர்ப₄வதி கர்மஜா .. 4-12..

சாதுர்வர்ண்யம் மயா ஸ்ருஷ்டம் கு₃ணகர்மவிபா₄க₃ஶ꞉ .
தஸ்ய கர்தாரமபி மாம் வித்₃த்₄யகர்தாரமவ்யயம் .. 4-13..

ந மாம் கர்மாணி லிம்பந்தி ந மே கர்மப₂லே ஸ்ப்ருஹா .
இதி மாம் யோ(அ)பி₄ஜாநாதி கர்மபி₄ர்ந ஸ ப₃த்₄யதே .. 4-14..

ஏவம் ஜ்ஞாத்வா க்ருதம் கர்ம பூர்வைரபி முமுக்ஷுபி₄꞉ .
குரு கர்மைவ தஸ்மாத்த்வம் பூர்வை꞉ பூர்வதரம் க்ருதம் .. 4-15..

கிம் கர்ம கிமகர்மேதி கவயோ(அ)ப்யத்ர மோஹிதா꞉ .
தத்தே கர்ம ப்ரவக்ஷ்யாமி யஜ்ஜ்ஞாத்வா மோக்ஷ்யஸே(அ)ஶுபா₄த் .. 4-16..

கர்மணோ ஹ்யபி போ₃த்₃த₄வ்யம் போ₃த்₃த₄வ்யம் ச விகர்மண꞉ .
அகர்மணஶ்ச போ₃த்₃த₄வ்யம் க₃ஹநா கர்மணோ க₃தி꞉ .. 4-17..

கர்மண்யகர்ம ய꞉ பஶ்யேத₃கர்மணி ச கர்ம ய꞉ .
ஸ பு₃த்₃தி₄மாந்மநுஷ்யேஷு ஸ யுக்த꞉ க்ருத்ஸ்நகர்மக்ருத் .. 4-18..

யஸ்ய ஸர்வே ஸமாரம்பா₄꞉ காமஸங்கல்பவர்ஜிதா꞉ .
ஜ்ஞாநாக்₃நித₃க்₃த₄கர்மாணம் தமாஹு꞉ பண்டி₃தம் பு₃தா₄꞉ .. 4-19..

த்யக்த்வா கர்மப₂லாஸங்க₃ம் நித்யத்ருப்தோ நிராஶ்ரய꞉ .
கர்மண்யபி₄ப்ரவ்ருத்தோ(அ)பி நைவ கிஞ்சித்கரோதி ஸ꞉ .. 4-20..

நிராஶீர்யதசித்தாத்மா த்யக்தஸர்வபரிக்₃ரஹ꞉ .
ஶாரீரம் கேவலம் கர்ம குர்வந்நாப்நோதி கில்பி₃ஷம் .. 4-21..

யத்₃ருச்சா₂லாப₄ஸந்துஷ்டோ த்₃வந்த்₃வாதீதோ விமத்ஸர꞉ .
ஸம꞉ ஸித்₃தா₄வஸித்₃தௌ₄ ச க்ருத்வாபி ந நிப₃த்₄யதே .. 4-22..

க₃தஸங்க₃ஸ்ய முக்தஸ்ய ஜ்ஞாநாவஸ்தி₂தசேதஸ꞉ .
யஜ்ஞாயாசரத꞉ கர்ம ஸமக்₃ரம் ப்ரவிலீயதே .. 4-23..

ப்₃ரஹ்மார்பணம் ப்₃ரஹ்ம ஹவிர்ப்₃ரஹ்மாக்₃நௌ ப்₃ரஹ்மணா ஹுதம் .
ப்₃ரஹ்மைவ தேந க₃ந்தவ்யம் ப்₃ரஹ்மகர்மஸமாதி₄நா .. 4-24..

தை₃வமேவாபரே யஜ்ஞம் யோகி₃ந꞉ பர்யுபாஸதே .
ப்₃ரஹ்மாக்₃நாவபரே யஜ்ஞம் யஜ்ஞேநைவோபஜுஹ்வதி .. 4-25..

ஶ்ரோத்ராதீ₃நீந்த்₃ரியாண்யந்யே ஸம்யமாக்₃நிஷு ஜுஹ்வதி .
ஶப்₃தா₃தீ₃ந்விஷயாநந்ய இந்த்₃ரியாக்₃நிஷு ஜுஹ்வதி .. 4-26..

ஸர்வாணீந்த்₃ரியகர்மாணி ப்ராணகர்மாணி சாபரே .
ஆத்மஸம்யமயோகா₃க்₃நௌ ஜுஹ்வதி ஜ்ஞாநதீ₃பிதே .. 4-27..

த்₃ரவ்யயஜ்ஞாஸ்தபோயஜ்ஞா யோக₃யஜ்ஞாஸ்ததா₂பரே .
ஸ்வாத்₄யாயஜ்ஞாநயஜ்ஞாஶ்ச யதய꞉ ஸம்ஶிதவ்ரதா꞉ .. 4-28..

அபாநே ஜுஹ்வதி ப்ராணம் ப்ராணே(அ)பாநம் ததா₂பரே .
ப்ராணாபாநக₃தீ ருத்₃த்₄வா ப்ராணாயாமபராயணா꞉ .. 4-29..

அபரே நியதாஹாரா꞉ ப்ராணாந்ப்ராணேஷு ஜுஹ்வதி .
ஸர்வே(அ)ப்யேதே யஜ்ஞவிதோ₃ யஜ்ஞக்ஷபிதகல்மஷா꞉ .. 4-30..

யஜ்ஞஶிஷ்டாம்ருதபு₄ஜோ யாந்தி ப்₃ரஹ்ம ஸநாதநம் .
நாயம் லோகோ(அ)ஸ்த்யயஜ்ஞஸ்ய குதோ(அ)ந்ய꞉ குருஸத்தம .. 4-31..

ஏவம் ப₃ஹுவிதா₄ யஜ்ஞா விததா ப்₃ரஹ்மணோ முகே₂ .
கர்மஜாந்வித்₃தி₄ தாந்ஸர்வாநேவம் ஜ்ஞாத்வா விமோக்ஷ்யஸே .. 4-32..

ஶ்ரேயாந்த்₃ரவ்யமயாத்₃யஜ்ஞாஜ்ஜ்ஞாநயஜ்ஞ꞉ பரந்தப .
ஸர்வம் கர்மாகி₂லம் பார்த₂ ஜ்ஞாநே பரிஸமாப்யதே .. 4-33..

தத்₃வித்₃தி₄ ப்ரணிபாதேந பரிப்ரஶ்நேந ஸேவயா .
உபதே₃க்ஷ்யந்தி தே ஜ்ஞாநம் ஜ்ஞாநிநஸ்தத்த்வத₃ர்ஶிந꞉ .. 4-34..

யஜ்ஜ்ஞாத்வா ந புநர்மோஹமேவம் யாஸ்யஸி பாண்ட₃வ .
யேந பூ₄தாந்யஶேஷேண த்₃ரக்ஷ்யஸ்யாத்மந்யதோ₂ மயி .. 4-35.. (பூ₄தாந்யஶேஷாணி)
அபி சேத₃ஸி பாபேப்₄ய꞉ ஸர்வேப்₄ய꞉ பாபக்ருத்தம꞉ .
ஸர்வம் ஜ்ஞாநப்லவேநைவ வ்ருஜிநம் ஸந்தரிஷ்யஸி .. 4-36..

யதை₂தா₄ம்ஸி ஸமித்₃தோ₄(அ)க்₃நிர்ப₄ஸ்மஸாத்குருதே(அ)ர்ஜுந .
ஜ்ஞாநாக்₃நி꞉ ஸர்வகர்மாணி ப₄ஸ்மஸாத்குருதே ததா₂ .. 4-37..

ந ஹி ஜ்ஞாநேந ஸத்₃ருஶம் பவித்ரமிஹ வித்₃யதே .
தத்ஸ்வயம் யோக₃ஸம்ஸித்₃த₄꞉ காலேநாத்மநி விந்த₃தி .. 4-38..

ஶ்ரத்₃தா₄வாம்ல்லப₄தே ஜ்ஞாநம் தத்பர꞉ ஸம்யதேந்த்₃ரிய꞉ .
ஜ்ஞாநம் லப்₃த்₄வா பராம் ஶாந்திமசிரேணாதி₄க₃ச்ச₂தி .. 4-39..

அஜ்ஞஶ்சாஶ்ரத்₃த₃தா₄நஶ்ச ஸம்ஶயாத்மா விநஶ்யதி .
நாயம் லோகோ(அ)ஸ்தி ந பரோ ந ஸுக₂ம் ஸம்ஶயாத்மந꞉ .. 4-40..

யோக₃ஸம்ந்யஸ்தகர்மாணம் ஜ்ஞாநஸஞ்சி₂ந்நஸம்ஶயம் .
ஆத்மவந்தம் ந கர்மாணி நிப₃த்₄நந்தி த₄நஞ்ஜய .. 4-41..

தஸ்மாத₃ஜ்ஞாநஸம்பூ₄தம் ஹ்ருத்ஸ்த₂ம் ஜ்ஞாநாஸிநாத்மந꞉ .
சி₂த்த்வைநம் ஸம்ஶயம் யோக₃மாதிஷ்டோ₂த்திஷ்ட₂ பா₄ரத .. 4-42..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
ஜ்ஞாநகர்மஸம்ந்யாஸயோகோ₃ நாம சதுர்தோ₂(அ)த்₄யாய꞉ .. 4..

அத₂ பஞ்சமோ(அ)த்₄யாய꞉
ஸம்ந்யாஸயோக₃꞉
அர்ஜுந உவாச .
ஸம்ந்யாஸம் கர்மணாம் க்ருஷ்ண புநர்யோக₃ம் ச ஶம்ஸஸி .
யச்ச்₂ரேய ஏதயோரேகம் தந்மே ப்₃ரூஹி ஸுநிஶ்சிதம் .. 5-1..

ஶ்ரீப₄க₃வாநுவாச .
ஸம்ந்யாஸ꞉ கர்மயோக₃ஶ்ச நி꞉ஶ்ரேயஸகராவுபௌ₄ .
தயோஸ்து கர்மஸம்ந்யாஸாத்கர்மயோகோ₃ விஶிஷ்யதே .. 5-2..

ஜ்ஞேய꞉ ஸ நித்யஸம்ந்யாஸீ யோ ந த்₃வேஷ்டி ந காங்க்ஷதி .
நிர்த்₃வந்த்₃வோ ஹி மஹாபா₃ஹோ ஸுக₂ம் ப₃ந்தா₄த்ப்ரமுச்யதே .. 5-3..

ஸாங்க்₂யயோகௌ₃ ப்ருத₂க்₃பா₃லா꞉ ப்ரவத₃ந்தி ந பண்டி₃தா꞉ .
ஏகமப்யாஸ்தி₂த꞉ ஸம்யகு₃ப₄யோர்விந்த₃தே ப₂லம் .. 5-4..

யத்ஸாங்க்₂யை꞉ ப்ராப்யதே ஸ்தா₂நம் தத்₃யோகை₃ரபி க₃ம்யதே .
ஏகம் ஸாங்க்₂யம் ச யோக₃ம் ச ய꞉ பஶ்யதி ஸ பஶ்யதி .. 5-5..

ஸம்ந்யாஸஸ்து மஹாபா₃ஹோ து₃꞉க₂மாப்துமயோக₃த꞉ .
யோக₃யுக்தோ முநிர்ப்₃ரஹ்ம நசிரேணாதி₄க₃ச்ச₂தி .. 5-6..

யோக₃யுக்தோ விஶுத்₃தா₄த்மா விஜிதாத்மா ஜிதேந்த்₃ரிய꞉ .
ஸர்வபூ₄தாத்மபூ₄தாத்மா குர்வந்நபி ந லிப்யதே .. 5-7..

நைவ கிஞ்சித்கரோமீதி யுக்தோ மந்யேத தத்த்வவித் .
பஶ்யஞ்ஶ்ருண்வந்ஸ்ப்ருஶஞ்ஜிக்₄ரந்நஶ்நந்க₃ச்ச₂ந்ஸ்வபஞ்ஶ்வஸந் .. 5-8..

ப்ரலபந்விஸ்ருஜந்க்₃ருஹ்ணந்நுந்மிஷந்நிமிஷந்நபி .
இந்த்₃ரியாணீந்த்₃ரியார்தே₂ஷு வர்தந்த இதி தா₄ரயந் .. 5-9..

ப்₃ரஹ்மண்யாதா₄ய கர்மாணி ஸங்க₃ம் த்யக்த்வா கரோதி ய꞉ .
லிப்யதே ந ஸ பாபேந பத்₃மபத்ரமிவாம்ப₄ஸா .. 5-10..

காயேந மநஸா பு₃த்₃த்₄யா கேவலைரிந்த்₃ரியைரபி .
யோகி₃ந꞉ கர்ம குர்வந்தி ஸங்க₃ம் த்யக்த்வாத்மஶுத்₃த₄யே .. 5-11..

யுக்த꞉ கர்மப₂லம் த்யக்த்வா ஶாந்திமாப்நோதி நைஷ்டி₂கீம் .
அயுக்த꞉ காமகாரேண ப₂லே ஸக்தோ நிப₃த்₄யதே .. 5-12..

ஸர்வகர்மாணி மநஸா ஸம்ந்யஸ்யாஸ்தே ஸுக₂ம் வஶீ .
நவத்₃வாரே புரே தே₃ஹீ நைவ குர்வந்ந காரயந் .. 5-13..

ந கர்த்ருத்வம் ந கர்மாணி லோகஸ்ய ஸ்ருஜதி ப்ரபு₄꞉ .
ந கர்மப₂லஸம்யோக₃ம் ஸ்வபா₄வஸ்து ப்ரவர்ததே .. 5-14..

நாத₃த்தே கஸ்யசித்பாபம் ந சைவ ஸுக்ருதம் விபு₄꞉ .
அஜ்ஞாநேநாவ்ருதம் ஜ்ஞாநம் தேந முஹ்யந்தி ஜந்தவ꞉ .. 5-15..

ஜ்ஞாநேந து தத₃ஜ்ஞாநம் யேஷாம் நாஶிதமாத்மந꞉ .
தேஷாமாதி₃த்யவஜ்ஜ்ஞாநம் ப்ரகாஶயதி தத்பரம் .. 5-16..

தத்₃பு₃த்₃த₄யஸ்ததா₃த்மாநஸ்தந்நிஷ்டா₂ஸ்தத்பராயணா꞉ .
க₃ச்ச₂ந்த்யபுநராவ்ருத்திம் ஜ்ஞாநநிர்தூ₄தகல்மஷா꞉ .. 5-17..

வித்₃யாவிநயஸம்பந்நே ப்₃ராஹ்மணே க₃வி ஹஸ்திநி .
ஶுநி சைவ ஶ்வபாகே ச பண்டி₃தா꞉ ஸமத₃ர்ஶிந꞉ .. 5-18..

இஹைவ தைர்ஜித꞉ ஸர்கோ₃ யேஷாம் ஸாம்யே ஸ்தி₂தம் மந꞉ .
நிர்தோ₃ஷம் ஹி ஸமம் ப்₃ரஹ்ம தஸ்மாத்₃ ப்₃ரஹ்மணி தே ஸ்தி₂தா꞉ .. 5-19..

ந ப்ரஹ்ருஷ்யேத்ப்ரியம் ப்ராப்ய நோத்₃விஜேத்ப்ராப்ய சாப்ரியம் .
ஸ்தி₂ரபு₃த்₃தி₄ரஸம்மூடோ₄ ப்₃ரஹ்மவித்₃ ப்₃ரஹ்மணி ஸ்தி₂த꞉ .. 5-20..

பா₃ஹ்யஸ்பர்ஶேஷ்வஸக்தாத்மா விந்த₃த்யாத்மநி யத்ஸுக₂ம் .
ஸ ப்₃ரஹ்மயோக₃யுக்தாத்மா ஸுக₂மக்ஷயமஶ்நுதே .. 5-21..

யே ஹி ஸம்ஸ்பர்ஶஜா போ₄கா₃ து₃꞉க₂யோநய ஏவ தே .
ஆத்₃யந்தவந்த꞉ கௌந்தேய ந தேஷு ரமதே பு₃த₄꞉ .. 5-22..

ஶக்நோதீஹைவ ய꞉ ஸோடு₄ம் ப்ராக்ஶரீரவிமோக்ஷணாத் .
காமக்ரோதோ₄த்₃ப₄வம் வேக₃ம் ஸ யுக்த꞉ ஸ ஸுகீ₂ நர꞉ .. 5-23..

யோ(அ)ந்த꞉ஸுகோ₂(அ)ந்தராராமஸ்ததா₂ந்தர்ஜ்யோதிரேவ ய꞉ .
ஸ யோகீ₃ ப்₃ரஹ்மநிர்வாணம் ப்₃ரஹ்மபூ₄தோ(அ)தி₄க₃ச்ச₂தி .. 5-24..

லப₄ந்தே ப்₃ரஹ்மநிர்வாணம்ருஷய꞉ க்ஷீணகல்மஷா꞉ .
சி₂ந்நத்₃வைதா₄ யதாத்மாந꞉ ஸர்வபூ₄தஹிதே ரதா꞉ .. 5-25..

காமக்ரோத₄வியுக்தாநாம் யதீநாம் யதசேதஸாம் .
அபி₄தோ ப்₃ரஹ்மநிர்வாணம் வர்ததே விதி₃தாத்மநாம் .. 5-26..

ஸ்பர்ஶாந்க்ருத்வா ப₃ஹிர்பா₃ஹ்யாம்ஶ்சக்ஷுஶ்சைவாந்தரே ப்₄ருவோ꞉ .
ப்ராணாபாநௌ ஸமௌ க்ருத்வா நாஸாப்₄யந்தரசாரிணௌ .. 5-27..

யதேந்த்₃ரியமநோபு₃த்₃தி₄ர்முநிர்மோக்ஷபராயண꞉ .
விக₃தேச்சா₂ப₄யக்ரோதோ₄ ய꞉ ஸதா₃ முக்த ஏவ ஸ꞉ .. 5-28..

போ₄க்தாரம் யஜ்ஞதபஸாம் ஸர்வலோகமஹேஶ்வரம் .
ஸுஹ்ருத₃ம் ஸர்வபூ₄தாநாம் ஜ்ஞாத்வா மாம் ஶாந்திம்ருச்ச₂தி .. 5-29..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
ஸம்ந்யாஸயோகோ₃ நாம பஞ்சமோ(அ)த்₄யாய꞉ .. 5..

அத₂ ஷஷ்டோ₂(அ)த்₄யாய꞉
ஆத்மஸம்யமயோக₃꞉
ஶ்ரீப₄க₃வாநுவாச .
அநாஶ்ரித꞉ கர்மப₂லம் கார்யம் கர்ம கரோதி ய꞉ .
ஸ ஸம்ந்யாஸீ ச யோகீ₃ ச ந நிரக்₃நிர்ந சாக்ரிய꞉ .. 6-1..

யம் ஸம்ந்யாஸமிதி ப்ராஹுர்யோக₃ம் தம் வித்₃தி₄ பாண்ட₃வ .
ந ஹ்யஸம்ந்யஸ்தஸங்கல்போ யோகீ₃ ப₄வதி கஶ்சந .. 6-2..

ஆருருக்ஷோர்முநேர்யோக₃ம் கர்ம காரணமுச்யதே .
யோகா₃ரூட₄ஸ்ய தஸ்யைவ ஶம꞉ காரணமுச்யதே .. 6-3..

யதா₃ ஹி நேந்த்₃ரியார்தே₂ஷு ந கர்மஸ்வநுஷஜ்ஜதே .
ஸர்வஸங்கல்பஸம்ந்யாஸீ யோகா₃ரூட₄ஸ்ததோ₃ச்யதே .. 6-4..

உத்₃த₄ரேதா₃த்மநாத்மாநம் நாத்மாநமவஸாத₃யேத் .
ஆத்மைவ ஹ்யாத்மநோ ப₃ந்து₄ராத்மைவ ரிபுராத்மந꞉ .. 6-5..

ப₃ந்து₄ராத்மாத்மநஸ்தஸ்ய யேநாத்மைவாத்மநா ஜித꞉ .
அநாத்மநஸ்து ஶத்ருத்வே வர்தேதாத்மைவ ஶத்ருவத் .. 6-6..

ஜிதாத்மந꞉ ப்ரஶாந்தஸ்ய பரமாத்மா ஸமாஹித꞉ .
ஶீதோஷ்ணஸுக₂து₃꞉கே₂ஷு ததா₂ மாநாபமாநயோ꞉ .. 6-7..

ஜ்ஞாநவிஜ்ஞாநத்ருப்தாத்மா கூடஸ்தோ₂ விஜிதேந்த்₃ரிய꞉ .
யுக்த இத்யுச்யதே யோகீ₃ ஸமலோஷ்டாஶ்மகாஞ்சந꞉ .. 6-8..

ஸுஹ்ருந்மித்ரார்யுதா₃ஸீநமத்₄யஸ்த₂த்₃வேஷ்யப₃ந்து₄ஷு .
ஸாது₄ஷ்வபி ச பாபேஷு ஸமபு₃த்₃தி₄ர்விஶிஷ்யதே .. 6-9..

யோகீ₃ யுஞ்ஜீத ஸததமாத்மாநம் ரஹஸி ஸ்தி₂த꞉ .
ஏகாகீ யதசித்தாத்மா நிராஶீரபரிக்₃ரஹ꞉ .. 6-10..

ஶுசௌ தே₃ஶே ப்ரதிஷ்டா₂ப்ய ஸ்தி₂ரமாஸநமாத்மந꞉ .
நாத்யுச்ச்₂ரிதம் நாதிநீசம் சைலாஜிநகுஶோத்தரம் .. 6-11..

தத்ரைகாக்₃ரம் மந꞉ க்ருத்வா யதசித்தேந்த்₃ரியக்ரிய꞉ .
உபவிஶ்யாஸநே யுஞ்ஜ்யாத்₃யோக₃மாத்மவிஶுத்₃த₄யே .. 6-12..

ஸமம் காயஶிரோக்₃ரீவம் தா₄ரயந்நசலம் ஸ்தி₂ர꞉ .
ஸம்ப்ரேக்ஷ்ய நாஸிகாக்₃ரம் ஸ்வம் தி₃ஶஶ்சாநவலோகயந் .. 6-13..

ப்ரஶாந்தாத்மா விக₃தபீ₄ர்ப்₃ரஹ்மசாரிவ்ரதே ஸ்தி₂த꞉ .
மந꞉ ஸம்யம்ய மச்சித்தோ யுக்த ஆஸீத மத்பர꞉ .. 6-14..

யுஞ்ஜந்நேவம் ஸதா₃த்மாநம் யோகீ₃ நியதமாநஸ꞉ .
ஶாந்திம் நிர்வாணபரமாம் மத்ஸம்ஸ்தா₂மதி₄க₃ச்ச₂தி .. 6-15..

நாத்யஶ்நதஸ்து யோகோ₃(அ)ஸ்தி ந சைகாந்தமநஶ்நத꞉ .
ந சாதிஸ்வப்நஶீலஸ்ய ஜாக்₃ரதோ நைவ சார்ஜுந .. 6-16..

யுக்தாஹாரவிஹாரஸ்ய யுக்தசேஷ்டஸ்ய கர்மஸு .
யுக்தஸ்வப்நாவபோ₃த₄ஸ்ய யோகோ₃ ப₄வதி து₃꞉க₂ஹா .. 6-17..

யதா₃ விநியதம் சித்தமாத்மந்யேவாவதிஷ்ட₂தே .
நி꞉ஸ்ப்ருஹ꞉ ஸர்வகாமேப்₄யோ யுக்த இத்யுச்யதே ததா₃ .. 6-18..

யதா₂ தீ₃போ நிவாதஸ்தோ₂ நேங்க₃தே ஸோபமா ஸ்ம்ருதா .
யோகி₃நோ யதசித்தஸ்ய யுஞ்ஜதோ யோக₃மாத்மந꞉ .. 6-19..

யத்ரோபரமதே சித்தம் நிருத்₃த₄ம் யோக₃ஸேவயா .
யத்ர சைவாத்மநாத்மாநம் பஶ்யந்நாத்மநி துஷ்யதி .. 6-20..

ஸுக₂மாத்யந்திகம் யத்தத்₃ பு₃த்₃தி₄க்₃ராஹ்யமதீந்த்₃ரியம் .
வேத்தி யத்ர ந சைவாயம் ஸ்தி₂தஶ்சலதி தத்த்வத꞉ .. 6-21..

யம் லப்₃த்₄வா சாபரம் லாப₄ம் மந்யதே நாதி₄கம் தத꞉ .
யஸ்மிந்ஸ்தி₂தோ ந து₃꞉கே₂ந கு₃ருணாபி விசால்யதே .. 6-22..

தம் வித்₃யாத்₃ து₃꞉க₂ஸம்யோக₃வியோக₃ம் யோக₃ஸம்ஜ்ஞிதம் .
ஸ நிஶ்சயேந யோக்தவ்யோ யோகோ₃(அ)நிர்விண்ணசேதஸா .. 6-23..

ஸங்கல்பப்ரப₄வாந்காமாம்ஸ்த்யக்த்வா ஸர்வாநஶேஷத꞉ .
மநஸைவேந்த்₃ரியக்₃ராமம் விநியம்ய ஸமந்தத꞉ .. 6-24..

ஶநை꞉ ஶநைருபரமேத்₃ பு₃த்₃த்₄யா த்₄ருதிக்₃ருஹீதயா .
ஆத்மஸம்ஸ்த₂ம் மந꞉ க்ருத்வா ந கிஞ்சித₃பி சிந்தயேத் .. 6-25..

யதோ யதோ நிஶ்சரதி மநஶ்சஞ்சலமஸ்தி₂ரம் .
ததஸ்ததோ நியம்யைததா₃த்மந்யேவ வஶம் நயேத் .. 6-26..

ப்ரஶாந்தமநஸம் ஹ்யேநம் யோகி₃நம் ஸுக₂முத்தமம் .
உபைதி ஶாந்தரஜஸம் ப்₃ரஹ்மபூ₄தமகல்மஷம் .. 6-27..

யுஞ்ஜந்நேவம் ஸதா₃த்மாநம் யோகீ₃ விக₃தகல்மஷ꞉ .
ஸுகே₂ந ப்₃ரஹ்மஸம்ஸ்பர்ஶமத்யந்தம் ஸுக₂மஶ்நுதே .. 6-28..

ஸர்வபூ₄தஸ்த₂மாத்மாநம் ஸர்வபூ₄தாநி சாத்மநி .
ஈக்ஷதே யோக₃யுக்தாத்மா ஸர்வத்ர ஸமத₃ர்ஶந꞉ .. 6-29..

யோ மாம் பஶ்யதி ஸர்வத்ர ஸர்வம் ச மயி பஶ்யதி .
தஸ்யாஹம் ந ப்ரணஶ்யாமி ஸ ச மே ந ப்ரணஶ்யதி .. 6-30..

ஸர்வபூ₄தஸ்தி₂தம் யோ மாம் ப₄ஜத்யேகத்வமாஸ்தி₂த꞉ .
ஸர்வதா₂ வர்தமாநோ(அ)பி ஸ யோகீ₃ மயி வர்ததே .. 6-31..

ஆத்மௌபம்யேந ஸர்வத்ர ஸமம் பஶ்யதி யோ(அ)ர்ஜுந .
ஸுக₂ம் வா யதி₃ வா து₃꞉க₂ம் ஸ யோகீ₃ பரமோ மத꞉ .. 6-32..

அர்ஜுந உவாச .
யோ(அ)யம் யோக₃ஸ்த்வயா ப்ரோக்த꞉ ஸாம்யேந மது₄ஸூத₃ந .
ஏதஸ்யாஹம் ந பஶ்யாமி சஞ்சலத்வாத்ஸ்தி₂திம் ஸ்தி₂ராம் .. 6-33..

சஞ்சலம் ஹி மந꞉ க்ருஷ்ண ப்ரமாதி₂ ப₃லவத்₃ த்₃ருட₄ம் .
தஸ்யாஹம் நிக்₃ரஹம் மந்யே வாயோரிவ ஸுது₃ஷ்கரம் .. 6-34..

ஶ்ரீப₄க₃வாநுவாச .
அஸம்ஶயம் மஹாபா₃ஹோ மநோ து₃ர்நிக்₃ரஹம் சலம் .
அப்₄யாஸேந து கௌந்தேய வைராக்₃யேண ச க்₃ருஹ்யதே .. 6-35..

அஸம்யதாத்மநா யோகோ₃ து₃ஷ்ப்ராப இதி மே மதி꞉ .
வஶ்யாத்மநா து யததா ஶக்யோ(அ)வாப்துமுபாயத꞉ .. 6-36..

அர்ஜுந உவாச .
அயதி꞉ ஶ்ரத்₃த₄யோபேதோ யோகா₃ச்சலிதமாநஸ꞉ .
அப்ராப்ய யோக₃ஸம்ஸித்₃தி₄ம் காம் க₃திம் க்ருஷ்ண க₃ச்ச₂தி .. 6-37..

கச்சிந்நோப₄யவிப்₄ரஷ்டஶ்சி₂ந்நாப்₄ரமிவ நஶ்யதி .
அப்ரதிஷ்டோ₂ மஹாபா₃ஹோ விமூடோ₄ ப்₃ரஹ்மண꞉ பதி₂ .. 6-38..

ஏதந்மே ஸம்ஶயம் க்ருஷ்ண சே₂த்துமர்ஹஸ்யஶேஷத꞉ .
த்வத₃ந்ய꞉ ஸம்ஶயஸ்யாஸ்ய சே₂த்தா ந ஹ்யுபபத்₃யதே .. 6-39..

ஶ்ரீப₄க₃வாநுவாச .
பார்த₂ நைவேஹ நாமுத்ர விநாஶஸ்தஸ்ய வித்₃யதே .
ந ஹி கல்யாணக்ருத்கஶ்சித்₃ து₃ர்க₃திம் தாத க₃ச்ச₂தி .. 6-40..

ப்ராப்ய புண்யக்ருதாம் லோகாநுஷித்வா ஶாஶ்வதீ꞉ ஸமா꞉ .
ஶுசீநாம் ஶ்ரீமதாம் கே₃ஹே யோக₃ப்₄ரஷ்டோ(அ)பி₄ஜாயதே .. 6-41..

அத₂வா யோகி₃நாமேவ குலே ப₄வதி தீ₄மதாம் .
ஏதத்₃தி₄ து₃ர்லப₄தரம் லோகே ஜந்ம யதீ₃த்₃ருஶம் .. 6-42..

தத்ர தம் பு₃த்₃தி₄ஸம்யோக₃ம் லப₄தே பௌர்வதே₃ஹிகம் .
யததே ச ததோ பூ₄ய꞉ ஸம்ஸித்₃தௌ₄ குருநந்த₃ந .. 6-43..

பூர்வாப்₄யாஸேந தேநைவ ஹ்ரியதே ஹ்யவஶோ(அ)பி ஸ꞉ .
ஜிஜ்ஞாஸுரபி யோக₃ஸ்ய ஶப்₃த₃ப்₃ரஹ்மாதிவர்ததே .. 6-44..

ப்ரயத்நாத்₃யதமாநஸ்து யோகீ₃ ஸம்ஶுத்₃த₄கில்பி₃ஷ꞉ .
அநேகஜந்மஸம்ஸித்₃த₄ஸ்ததோ யாதி பராம் க₃திம் .. 6-45..

தபஸ்விப்₄யோ(அ)தி₄கோ யோகீ₃ ஜ்ஞாநிப்₄யோ(அ)பி மதோ(அ)தி₄க꞉ .
கர்மிப்₄யஶ்சாதி₄கோ யோகீ₃ தஸ்மாத்₃யோகீ₃ ப₄வார்ஜுந .. 6-46..

யோகி₃நாமபி ஸர்வேஷாம் மத்₃க₃தேநாந்தராத்மநா .
ஶ்ரத்₃தா₄வாந்ப₄ஜதே யோ மாம் ஸ மே யுக்ததமோ மத꞉ .. 6-47..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
ஆத்மஸம்யமயோகோ₃ நாம ஷஷ்டோ₂(அ)த்₄யாய꞉ .. 6..

அத₂ ஸப்தமோ(அ)த்₄யாய꞉
ஜ்ஞாநவிஜ்ஞாநயோக₃꞉
ஶ்ரீப₄க₃வாநுவாச .
மய்யாஸக்தமநா꞉ பார்த₂ யோக₃ம் யுஞ்ஜந்மதா₃ஶ்ரய꞉ .
அஸம்ஶயம் ஸமக்₃ரம் மாம் யதா₂ ஜ்ஞாஸ்யஸி தச்ச்₂ருணு .. 7-1..

ஜ்ஞாநம் தே(அ)ஹம் ஸவிஜ்ஞாநமித₃ம் வக்ஷ்யாம்யஶேஷத꞉ .
யஜ்ஜ்ஞாத்வா நேஹ பூ₄யோ(அ)ந்யஜ்ஜ்ஞாதவ்யமவஶிஷ்யதே .. 7-2..

மநுஷ்யாணாம் ஸஹஸ்ரேஷு கஶ்சித்₃யததி ஸித்₃த₄யே .
யததாமபி ஸித்₃தா₄நாம் கஶ்சிந்மாம் வேத்தி தத்த்வத꞉ .. 7-3..

பூ₄மிராபோ(அ)நலோ வாயு꞉ க₂ம் மநோ பு₃த்₃தி₄ரேவ ச .
அஹங்கார இதீயம் மே பி₄ந்நா ப்ரக்ருதிரஷ்டதா₄ .. 7-4..

அபரேயமிதஸ்த்வந்யாம் ப்ரக்ருதிம் வித்₃தி₄ மே பராம் .
ஜீவபூ₄தாம் மஹாபா₃ஹோ யயேத₃ம் தா₄ர்யதே ஜக₃த் .. 7-5..

ஏதத்₃யோநீநி பூ₄தாநி ஸர்வாணீத்யுபதா₄ரய .
அஹம் க்ருத்ஸ்நஸ்ய ஜக₃த꞉ ப்ரப₄வ꞉ ப்ரலயஸ்ததா₂ .. 7-6..

மத்த꞉ பரதரம் நாந்யத்கிஞ்சித₃ஸ்தி த₄நஞ்ஜய .
மயி ஸர்வமித₃ம் ப்ரோதம் ஸூத்ரே மணிக₃ணா இவ .. 7-7..

ரஸோ(அ)ஹமப்ஸு கௌந்தேய ப்ரபா₄ஸ்மி ஶஶிஸூர்யயோ꞉ .
ப்ரணவ꞉ ஸர்வவேதே₃ஷு ஶப்₃த₃꞉ கே₂ பௌருஷம் ந்ருஷு .. 7-8..

புண்யோ க₃ந்த₄꞉ ப்ருதி₂வ்யாம் ச தேஜஶ்சாஸ்மி விபா₄வஸௌ .
ஜீவநம் ஸர்வபூ₄தேஷு தபஶ்சாஸ்மி தபஸ்விஷு .. 7-9..

பீ₃ஜம் மாம் ஸர்வபூ₄தாநாம் வித்₃தி₄ பார்த₂ ஸநாதநம் .
பு₃த்₃தி₄ர்பு₃த்₃தி₄மதாமஸ்மி தேஜஸ்தேஜஸ்விநாமஹம் .. 7-10..

ப₃லம் ப₃லவதாம் சாஹம் காமராக₃விவர்ஜிதம் .
த₄ர்மாவிருத்₃தோ₄ பூ₄தேஷு காமோ(அ)ஸ்மி ப₄ரதர்ஷப₄ .. 7-11..

யே சைவ ஸாத்த்விகா பா₄வா ராஜஸாஸ்தாமஸாஶ்ச யே .
மத்த ஏவேதி தாந்வித்₃தி₄ ந த்வஹம் தேஷு தே மயி .. 7-12..

த்ரிபி₄ர்கு₃ணமயைர்பா₄வைரேபி₄꞉ ஸர்வமித₃ம் ஜக₃த் .
மோஹிதம் நாபி₄ஜாநாதி மாமேப்₄ய꞉ பரமவ்யயம் .. 7-13..

தை₃வீ ஹ்யேஷா கு₃ணமயீ மம மாயா து₃ரத்யயா .
மாமேவ யே ப்ரபத்₃யந்தே மாயாமேதாம் தரந்தி தே .. 7-14..

ந மாம் து₃ஷ்க்ருதிநோ மூடா₄꞉ ப்ரபத்₃யந்தே நராத₄மா꞉ .
மாயயாபஹ்ருதஜ்ஞாநா ஆஸுரம் பா₄வமாஶ்ரிதா꞉ .. 7-15..

சதுர்விதா₄ ப₄ஜந்தே மாம் ஜநா꞉ ஸுக்ருதிநோ(அ)ர்ஜுந .
ஆர்தோ ஜிஜ்ஞாஸுரர்தா₂ர்தீ₂ ஜ்ஞாநீ ச ப₄ரதர்ஷப₄ .. 7-16..

தேஷாம் ஜ்ஞாநீ நித்யயுக்த ஏகப₄க்திர்விஶிஷ்யதே .
ப்ரியோ ஹி ஜ்ஞாநிநோ(அ)த்யர்த₂மஹம் ஸ ச மம ப்ரிய꞉ .. 7-17..

உதா₃ரா꞉ ஸர்வ ஏவைதே ஜ்ஞாநீ த்வாத்மைவ மே மதம் .
ஆஸ்தி₂த꞉ ஸ ஹி யுக்தாத்மா மாமேவாநுத்தமாம் க₃திம் .. 7-18..

ப₃ஹூநாம் ஜந்மநாமந்தே ஜ்ஞாநவாந்மாம் ப்ரபத்₃யதே .
வாஸுதே₃வ꞉ ஸர்வமிதி ஸ மஹாத்மா ஸுது₃ர்லப₄꞉ .. 7-19..

காமைஸ்தைஸ்தைர்ஹ்ருதஜ்ஞாநா꞉ ப்ரபத்₃யந்தே(அ)ந்யதே₃வதா꞉ .
தம் தம் நியமமாஸ்தா₂ய ப்ரக்ருத்யா நியதா꞉ ஸ்வயா .. 7-20..

யோ யோ யாம் யாம் தநும் ப₄க்த꞉ ஶ்ரத்₃த₄யார்சிதுமிச்ச₂தி .
தஸ்ய தஸ்யாசலாம் ஶ்ரத்₃தா₄ம் தாமேவ வித₃தா₄ம்யஹம் .. 7-21..

ஸ தயா ஶ்ரத்₃த₄யா யுக்தஸ்தஸ்யாராத₄நமீஹதே .
லப₄தே ச தத꞉ காமாந்மயைவ விஹிதாந்ஹி தாந் .. 7-22..

அந்தவத்து ப₂லம் தேஷாம் தத்₃ப₄வத்யல்பமேத₄ஸாம் .
தே₃வாந்தே₃வயஜோ யாந்தி மத்₃ப₄க்தா யாந்தி மாமபி .. 7-23..

அவ்யக்தம் வ்யக்திமாபந்நம் மந்யந்தே மாமபு₃த்₃த₄ய꞉ .
பரம் பா₄வமஜாநந்தோ மமாவ்யயமநுத்தமம் .. 7-24..

நாஹம் ப்ரகாஶ꞉ ஸர்வஸ்ய யோக₃மாயாஸமாவ்ருத꞉ .
மூடோ₄(அ)யம் நாபி₄ஜாநாதி லோகோ மாமஜமவ்யயம் .. 7-25..

வேதா₃ஹம் ஸமதீதாநி வர்தமாநாநி சார்ஜுந .
ப₄விஷ்யாணி ச பூ₄தாநி மாம் து வேத₃ ந கஶ்சந .. 7-26..

இச்சா₂த்₃வேஷஸமுத்தே₂ந த்₃வந்த்₃வமோஹேந பா₄ரத .
ஸர்வபூ₄தாநி ஸம்மோஹம் ஸர்கே₃ யாந்தி பரந்தப .. 7-27..

யேஷாம் த்வந்தக₃தம் பாபம் ஜநாநாம் புண்யகர்மணாம் .
தே த்₃வந்த்₃வமோஹநிர்முக்தா ப₄ஜந்தே மாம் த்₃ருட₄வ்ரதா꞉ .. 7-28..

ஜராமரணமோக்ஷாய மாமாஶ்ரித்ய யதந்தி யே .
தே ப்₃ரஹ்ம தத்₃விது₃꞉ க்ருத்ஸ்நமத்₄யாத்மம் கர்ம சாகி₂லம் .. 7-29..

ஸாதி₄பூ₄தாதி₄தை₃வம் மாம் ஸாதி₄யஜ்ஞம் ச யே விது₃꞉ .
ப்ரயாணகாலே(அ)பி ச மாம் தே விது₃ர்யுக்தசேதஸ꞉ .. 7-30..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
ஜ்ஞாநவிஜ்ஞாநயோகோ₃ நாம ஸப்தமோ(அ)த்₄யாய꞉ .. 7..

அத₂ அஷ்டமோ(அ)த்₄யாய꞉
அக்ஷரப்₃ரஹ்மயோக₃꞉
அர்ஜுந உவாச .
கிம் தத்₃ ப்₃ரஹ்ம கிமத்₄யாத்மம் கிம் கர்ம புருஷோத்தம .
அதி₄பூ₄தம் ச கிம் ப்ரோக்தமதி₄தை₃வம் கிமுச்யதே .. 8-1..

அதி₄யஜ்ஞ꞉ கத₂ம் கோ(அ)த்ர தே₃ஹே(அ)ஸ்மிந்மது₄ஸூத₃ந .
ப்ரயாணகாலே ச கத₂ம் ஜ்ஞேயோ(அ)ஸி நியதாத்மபி₄꞉ .. 8-2..

ஶ்ரீப₄க₃வாநுவாச .
அக்ஷரம் ப்₃ரஹ்ம பரமம் ஸ்வபா₄வோ(அ)த்₄யாத்மமுச்யதே .
பூ₄தபா₄வோத்₃ப₄வகரோ விஸர்க₃꞉ கர்மஸம்ஜ்ஞித꞉ .. 8-3..

அதி₄பூ₄தம் க்ஷரோ பா₄வ꞉ புருஷஶ்சாதி₄தை₃வதம் .
அதி₄யஜ்ஞோ(அ)ஹமேவாத்ர தே₃ஹே தே₃ஹப்₄ருதாம் வர .. 8-4..

அந்தகாலே ச மாமேவ ஸ்மரந்முக்த்வா கலேவரம் .
ய꞉ ப்ரயாதி ஸ மத்₃பா₄வம் யாதி நாஸ்த்யத்ர ஸம்ஶய꞉ .. 8-5..

யம் யம் வாபி ஸ்மரந்பா₄வம் த்யஜத்யந்தே கலேவரம் .
தம் தமேவைதி கௌந்தேய ஸதா₃ தத்₃பா₄வபா₄வித꞉ .. 8-6..

தஸ்மாத்ஸர்வேஷு காலேஷு மாமநுஸ்மர யுத்₄ய ச .
மய்யர்பிதமநோபு₃த்₃தி₄ர்மாமேவைஷ்யஸ்யஸம்ஶய꞉ .. 8-7.. (ஸம்ஶயம்)
அப்₄யாஸயோக₃யுக்தேந சேதஸா நாந்யகா₃மிநா .
பரமம் புருஷம் தி₃வ்யம் யாதி பார்தா₂நுசிந்தயந் .. 8-8..

கவிம் புராணமநுஶாஸிதார-
மணோரணீயம்ஸமநுஸ்மரேத்₃ய꞉ .
ஸர்வஸ்ய தா₄தாரமசிந்த்யரூப-
மாதி₃த்யவர்ணம் தமஸ꞉ பரஸ்தாத் .. 8-9..

ப்ரயாணகாலே மநஸா(அ)சலேந
ப₄க்த்யா யுக்தோ யோக₃ப₃லேந சைவ .
ப்₄ருவோர்மத்₄யே ப்ராணமாவேஶ்ய ஸம்யக்
ஸ தம் பரம் புருஷமுபைதி தி₃வ்யம் .. 8-10..

யத₃க்ஷரம் வேத₃விதோ₃ வத₃ந்தி
விஶந்தி யத்₃யதயோ வீதராகா₃꞉ .
யதி₃ச்ச₂ந்தோ ப்₃ரஹ்மசர்யம் சரந்தி
தத்தே பத₃ம் ஸங்க்₃ரஹேண ப்ரவக்ஷ்யே .. 8-11..

ஸர்வத்₃வாராணி ஸம்யம்ய மநோ ஹ்ருதி₃ நிருத்₄ய ச .
மூர்த்₄ந்யாதா₄யாத்மந꞉ ப்ராணமாஸ்தி₂தோ யோக₃தா₄ரணாம் .. 8-12..

ஓமித்யேகாக்ஷரம் ப்₃ரஹ்ம வ்யாஹரந்மாமநுஸ்மரந் .
ய꞉ ப்ரயாதி த்யஜந்தே₃ஹம் ஸ யாதி பரமாம் க₃திம் .. 8-13..

அநந்யசேதா꞉ ஸததம் யோ மாம் ஸ்மரதி நித்யஶ꞉ .
தஸ்யாஹம் ஸுலப₄꞉ பார்த₂ நித்யயுக்தஸ்ய யோகி₃ந꞉ .. 8-14..

மாமுபேத்ய புநர்ஜந்ம து₃꞉கா₂லயமஶாஶ்வதம் .
நாப்நுவந்தி மஹாத்மாந꞉ ஸம்ஸித்₃தி₄ம் பரமாம் க₃தா꞉ .. 8-15..

ஆப்₃ரஹ்மபு₄வநால்லோகா꞉ புநராவர்திநோ(அ)ர்ஜுந .
மாமுபேத்ய து கௌந்தேய புநர்ஜந்ம ந வித்₃யதே .. 8-16..

ஸஹஸ்ரயுக₃பர்யந்தமஹர்யத்₃ ப்₃ரஹ்மணோ விது₃꞉ .
ராத்ரிம் யுக₃ஸஹஸ்ராந்தாம் தே(அ)ஹோராத்ரவிதோ₃ ஜநா꞉ .. 8-17..

அவ்யக்தாத்₃ வ்யக்தய꞉ ஸர்வா꞉ ப்ரப₄வந்த்யஹராக₃மே .
ராத்ர்யாக₃மே ப்ரலீயந்தே தத்ரைவாவ்யக்தஸம்ஜ்ஞகே .. 8-18..

பூ₄தக்₃ராம꞉ ஸ ஏவாயம் பூ₄த்வா பூ₄த்வா ப்ரலீயதே .
ராத்ர்யாக₃மே(அ)வஶ꞉ பார்த₂ ப்ரப₄வத்யஹராக₃மே .. 8-19..

பரஸ்தஸ்மாத்து பா₄வோ(அ)ந்யோ(அ)வ்யக்தோ(அ)வ்யக்தாத்ஸநாதந꞉ .
ய꞉ ஸ ஸர்வேஷு பூ₄தேஷு நஶ்யத்ஸு ந விநஶ்யதி .. 8-20..

அவ்யக்தோ(அ)க்ஷர இத்யுக்தஸ்தமாஹு꞉ பரமாம் க₃திம் .
யம் ப்ராப்ய ந நிவர்தந்தே தத்₃தா₄ம பரமம் மம .. 8-21..

புருஷ꞉ ஸ பர꞉ பார்த₂ ப₄க்த்யா லப்₄யஸ்த்வநந்யயா .
யஸ்யாந்த꞉ஸ்தா₂நி பூ₄தாநி யேந ஸர்வமித₃ம் ததம் .. 8-22..

யத்ர காலே த்வநாவ்ருத்திமாவ்ருத்திம் சைவ யோகி₃ந꞉ .
ப்ரயாதா யாந்தி தம் காலம் வக்ஷ்யாமி ப₄ரதர்ஷப₄ .. 8-23..

அக்₃நிர்ஜ்யோதிரஹ꞉ ஶுக்ல꞉ ஷண்மாஸா உத்தராயணம் .
தத்ர ப்ரயாதா க₃ச்ச₂ந்தி ப்₃ரஹ்ம ப்₃ரஹ்மவிதோ₃ ஜநா꞉ .. 8-24..

தூ₄மோ ராத்ரிஸ்ததா₂ க்ருஷ்ண꞉ ஷண்மாஸா த₃க்ஷிணாயநம் .
தத்ர சாந்த்₃ரமஸம் ஜ்யோதிர்யோகீ₃ ப்ராப்ய நிவர்ததே .. 8-25..

ஶுக்லக்ருஷ்ணே க₃தீ ஹ்யேதே ஜக₃த꞉ ஶாஶ்வதே மதே .
ஏகயா யாத்யநாவ்ருத்திமந்யயாவர்ததே புந꞉ .. 8-26..

நைதே ஸ்ருதீ பார்த₂ ஜாநந்யோகீ₃ முஹ்யதி கஶ்சந .
தஸ்மாத்ஸர்வேஷு காலேஷு யோக₃யுக்தோ ப₄வார்ஜுந .. 8-27..

வேதே₃ஷு யஜ்ஞேஷு தப꞉ஸு சைவ
தா₃நேஷு யத்புண்யப₂லம் ப்ரதி₃ஷ்டம் .
அத்யேதி தத்ஸர்வமித₃ம் விதி₃த்வா
யோகீ₃ பரம் ஸ்தா₂நமுபைதி சாத்₃யம் .. 8-28..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
அக்ஷரப்₃ரஹ்மயோகோ₃ நாமாஷ்டமோ(அ)த்₄யாய꞉ .. 8..

அத₂ நவமோ(அ)த்₄யாய꞉
ராஜவித்₃யாராஜகு₃ஹ்யயோக₃꞉
ஶ்ரீப₄க₃வாநுவாச .
இத₃ம் து தே கு₃ஹ்யதமம் ப்ரவக்ஷ்யாம்யநஸூயவே .
ஜ்ஞாநம் விஜ்ஞாநஸஹிதம் யஜ்ஜ்ஞாத்வா மோக்ஷ்யஸே(அ)ஶுபா₄த் .. 9-1..

ராஜவித்₃யா ராஜகு₃ஹ்யம் பவித்ரமித₃முத்தமம் .
ப்ரத்யக்ஷாவக₃மம் த₄ர்ம்யம் ஸுஸுக₂ம் கர்துமவ்யயம் .. 9-2..

அஶ்ரத்₃த₃தா₄நா꞉ புருஷா த₄ர்மஸ்யாஸ்ய பரந்தப .
அப்ராப்ய மாம் நிவர்தந்தே ம்ருத்யுஸம்ஸாரவர்த்மநி .. 9-3..

மயா ததமித₃ம் ஸர்வம் ஜக₃த₃வ்யக்தமூர்திநா .
மத்ஸ்தா₂நி ஸர்வபூ₄தாநி ந சாஹம் தேஷ்வவஸ்தி₂த꞉ .. 9-4..

ந ச மத்ஸ்தா₂நி பூ₄தாநி பஶ்ய மே யோக₃மைஶ்வரம் .
பூ₄தப்₄ருந்ந ச பூ₄தஸ்தோ₂ மமாத்மா பூ₄தபா₄வந꞉ .. 9-5..

யதா₂காஶஸ்தி₂தோ நித்யம் வாயு꞉ ஸர்வத்ரகோ₃ மஹாந் .
ததா₂ ஸர்வாணி பூ₄தாநி மத்ஸ்தா₂நீத்யுபதா₄ரய .. 9-6..

ஸர்வபூ₄தாநி கௌந்தேய ப்ரக்ருதிம் யாந்தி மாமிகாம் .
கல்பக்ஷயே புநஸ்தாநி கல்பாதௌ₃ விஸ்ருஜாம்யஹம் .. 9-7..

ப்ரக்ருதிம் ஸ்வாமவஷ்டப்₄ய விஸ்ருஜாமி புந꞉ புந꞉ .
பூ₄தக்₃ராமமிமம் க்ருத்ஸ்நமவஶம் ப்ரக்ருதேர்வஶாத் .. 9-8..

ந ச மாம் தாநி கர்மாணி நிப₃த்₄நந்தி த₄நஞ்ஜய .
உதா₃ஸீநவதா₃ஸீநமஸக்தம் தேஷு கர்மஸு .. 9-9..

மயாத்₄யக்ஷேண ப்ரக்ருதி꞉ ஸூயதே ஸசராசரம் .
ஹேதுநாநேந கௌந்தேய ஜக₃த்₃விபரிவர்ததே .. 9-10..

அவஜாநந்தி மாம் மூடா₄ மாநுஷீம் தநுமாஶ்ரிதம் .
பரம் பா₄வமஜாநந்தோ மம பூ₄தமஹேஶ்வரம் .. 9-11..

மோகா₄ஶா மோக₄கர்மாணோ மோக₄ஜ்ஞாநா விசேதஸ꞉ .
ராக்ஷஸீமாஸுரீம் சைவ ப்ரக்ருதிம் மோஹிநீம் ஶ்ரிதா꞉ .. 9-12..

மஹாத்மாநஸ்து மாம் பார்த₂ தை₃வீம் ப்ரக்ருதிமாஶ்ரிதா꞉ .
ப₄ஜந்த்யநந்யமநஸோ ஜ்ஞாத்வா பூ₄தாதி₃மவ்யயம் .. 9-13..

ஸததம் கீர்தயந்தோ மாம் யதந்தஶ்ச த்₃ருட₄வ்ரதா꞉ .
நமஸ்யந்தஶ்ச மாம் ப₄க்த்யா நித்யயுக்தா உபாஸதே .. 9-14..

ஜ்ஞாநயஜ்ஞேந சாப்யந்யே யஜந்தோ மாமுபாஸதே .
ஏகத்வேந ப்ருத₂க்த்வேந ப₃ஹுதா₄ விஶ்வதோமுக₂ம் .. 9-15..

அஹம் க்ரதுரஹம் யஜ்ஞ꞉ ஸ்வதா₄ஹமஹமௌஷத₄ம் .
மந்த்ரோ(அ)ஹமஹமேவாஜ்யமஹமக்₃நிரஹம் ஹுதம் .. 9-16..

பிதாஹமஸ்ய ஜக₃தோ மாதா தா₄தா பிதாமஹ꞉ .
வேத்₃யம் பவித்ரமோங்கார ருக்ஸாம யஜுரேவ ச .. 9-17..

க₃திர்ப₄ர்தா ப்ரபு₄꞉ ஸாக்ஷீ நிவாஸ꞉ ஶரணம் ஸுஹ்ருத் .
ப்ரப₄வ꞉ ப்ரலய꞉ ஸ்தா₂நம் நிதா₄நம் பீ₃ஜமவ்யயம் .. 9-18..

தபாம்யஹமஹம் வர்ஷம் நிக்₃ருஹ்ணாம்யுத்ஸ்ருஜாமி ச .
அம்ருதம் சைவ ம்ருத்யுஶ்ச ஸத₃ஸச்சாஹமர்ஜுந .. 9-19..

த்ரைவித்₃யா மாம் ஸோமபா꞉ பூதபாபா
யஜ்ஞைரிஷ்ட்வா ஸ்வர்க₃திம் ப்ரார்த₂யந்தே .
தே புண்யமாஸாத்₃ய ஸுரேந்த்₃ரலோக-
மஶ்நந்தி தி₃வ்யாந்தி₃வி தே₃வபோ₄கா₃ந் .. 9-20..

தே தம் பு₄க்த்வா ஸ்வர்க₃லோகம் விஶாலம்
க்ஷீணே புண்யே மர்த்யலோகம் விஶந்தி .
ஏவம் த்ரயீத₄ர்மமநுப்ரபந்நா
க₃தாக₃தம் காமகாமா லப₄ந்தே .. 9-21..

அநந்யாஶ்சிந்தயந்தோ மாம் யே ஜநா꞉ பர்யுபாஸதே .
தேஷாம் நித்யாபி₄யுக்தாநாம் யோக₃க்ஷேமம் வஹாம்யஹம் .. 9-22..

யே(அ)ப்யந்யதே₃வதா ப₄க்தா யஜந்தே ஶ்ரத்₃த₄யாந்விதா꞉ .
தே(அ)பி மாமேவ கௌந்தேய யஜந்த்யவிதி₄பூர்வகம் .. 9-23..

அஹம் ஹி ஸர்வயஜ்ஞாநாம் போ₄க்தா ச ப்ரபு₄ரேவ ச .
ந து மாமபி₄ஜாநந்தி தத்த்வேநாதஶ்ச்யவந்தி தே .. 9-24..

யாந்தி தே₃வவ்ரதா தே₃வாந்பித்ரூந்யாந்தி பித்ருவ்ரதா꞉ .
பூ₄தாநி யாந்தி பூ₄தேஜ்யா யாந்தி மத்₃யாஜிநோ(அ)பி மாம் .. 9-25..

பத்ரம் புஷ்பம் ப₂லம் தோயம் யோ மே ப₄க்த்யா ப்ரயச்ச₂தி .
தத₃ஹம் ப₄க்த்யுபஹ்ருதமஶ்நாமி ப்ரயதாத்மந꞉ .. 9-26..

யத்கரோஷி யத₃ஶ்நாஸி யஜ்ஜுஹோஷி த₃தா₃ஸி யத் .
யத்தபஸ்யஸி கௌந்தேய தத்குருஷ்வ மத₃ர்பணம் .. 9-27..

ஶுபா₄ஶுப₄ப₂லைரேவம் மோக்ஷ்யஸே கர்மப₃ந்த₄நை꞉ .
ஸம்ந்யாஸயோக₃யுக்தாத்மா விமுக்தோ மாமுபைஷ்யஸி .. 9-28..

ஸமோ(அ)ஹம் ஸர்வபூ₄தேஷு ந மே த்₃வேஷ்யோ(அ)ஸ்தி ந ப்ரிய꞉ .
யே ப₄ஜந்தி து மாம் ப₄க்த்யா மயி தே தேஷு சாப்யஹம் .. 9-29..

அபி சேத்ஸுது₃ராசாரோ ப₄ஜதே மாமநந்யபா₄க் .
ஸாது₄ரேவ ஸ மந்தவ்ய꞉ ஸம்யக்₃வ்யவஸிதோ ஹி ஸ꞉ .. 9-30..

க்ஷிப்ரம் ப₄வதி த₄ர்மாத்மா ஶஶ்வச்சா₂ந்திம் நிக₃ச்ச₂தி .
கௌந்தேய ப்ரதிஜாநீஹி ந மே ப₄க்த꞉ ப்ரணஶ்யதி .. 9-31..

மாம் ஹி பார்த₂ வ்யபாஶ்ரித்ய யே(அ)பி ஸ்யு꞉ பாபயோநய꞉ .
ஸ்த்ரியோ வைஶ்யாஸ்ததா₂ ஶூத்₃ராஸ்தே(அ)பி யாந்தி பராம் க₃திம் .. 9-32..

கிம் புநர்ப்₃ராஹ்மணா꞉ புண்யா ப₄க்தா ராஜர்ஷயஸ்ததா₂ .
அநித்யமஸுக₂ம் லோகமிமம் ப்ராப்ய ப₄ஜஸ்வ மாம் .. 9-33..

மந்மநா ப₄வ மத்₃ப₄க்தோ மத்₃யாஜீ மாம் நமஸ்குரு .
மாமேவைஷ்யஸி யுக்த்வைவமாத்மாநம் மத்பராயண꞉ .. 9-34..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
ராஜவித்₃யாராஜகு₃ஹ்யயோகோ₃ நாம நவமோ(அ)த்₄யாய꞉ .. 9..

அத₂ த₃ஶமோ(அ)த்₄யாய꞉
விபூ₄தியோக₃꞉
ஶ்ரீப₄க₃வாநுவாச .
பூ₄ய ஏவ மஹாபா₃ஹோ ஶ்ருணு மே பரமம் வச꞉ .
யத்தே(அ)ஹம் ப்ரீயமாணாய வக்ஷ்யாமி ஹிதகாம்யயா .. 10-1..

ந மே விது₃꞉ ஸுரக₃ணா꞉ ப்ரப₄வம் ந மஹர்ஷய꞉ .
அஹமாதி₃ர்ஹி தே₃வாநாம் மஹர்ஷீணாம் ச ஸர்வஶ꞉ .. 10-2..

யோ மாமஜமநாதி₃ம் ச வேத்தி லோகமஹேஶ்வரம் .
அஸம்மூட₄꞉ ஸ மர்த்யேஷு ஸர்வபாபை꞉ ப்ரமுச்யதே .. 10-3..

பு₃த்₃தி₄ர்ஜ்ஞாநமஸம்மோஹ꞉ க்ஷமா ஸத்யம் த₃ம꞉ ஶம꞉ .
ஸுக₂ம் து₃꞉க₂ம் ப₄வோ(அ)பா₄வோ ப₄யம் சாப₄யமேவ ச .. 10-4..

அஹிம்ஸா ஸமதா துஷ்டிஸ்தபோ தா₃நம் யஶோ(அ)யஶ꞉ .
ப₄வந்தி பா₄வா பூ₄தாநாம் மத்த ஏவ ப்ருத₂க்₃விதா₄꞉ .. 10-5..

மஹர்ஷய꞉ ஸப்த பூர்வே சத்வாரோ மநவஸ்ததா₂ .
மத்₃பா₄வா மாநஸா ஜாதா யேஷாம் லோக இமா꞉ ப்ரஜா꞉ .. 10-6..

ஏதாம் விபூ₄திம் யோக₃ம் ச மம யோ வேத்தி தத்த்வத꞉ .
ஸோ(அ)விகம்பேந யோகே₃ந யுஜ்யதே நாத்ர ஸம்ஶய꞉ .. 10-7..

அஹம் ஸர்வஸ்ய ப்ரப₄வோ மத்த꞉ ஸர்வம் ப்ரவர்ததே .
இதி மத்வா ப₄ஜந்தே மாம் பு₃தா₄ பா₄வஸமந்விதா꞉ .. 10-8..

மச்சித்தா மத்₃க₃தப்ராணா போ₃த₄யந்த꞉ பரஸ்பரம் .
கத₂யந்தஶ்ச மாம் நித்யம் துஷ்யந்தி ச ரமந்தி ச .. 10-9..

தேஷாம் ஸததயுக்தாநாம் ப₄ஜதாம் ப்ரீதிபூர்வகம் .
த₃தா₃மி பு₃த்₃தி₄யோக₃ம் தம் யேந மாமுபயாந்தி தே .. 10-10..

தேஷாமேவாநுகம்பார்த₂மஹமஜ்ஞாநஜம் தம꞉ .
நாஶயாம்யாத்மபா₄வஸ்தோ₂ ஜ்ஞாநதீ₃பேந பா₄ஸ்வதா .. 10-11..

அர்ஜுந உவாச .
பரம் ப்₃ரஹ்ம பரம் தா₄ம பவித்ரம் பரமம் ப₄வாந் .
புருஷம் ஶாஶ்வதம் தி₃வ்யமாதி₃தே₃வமஜம் விபு₄ம் .. 10-12..

ஆஹுஸ்த்வாம்ருஷய꞉ ஸர்வே தே₃வர்ஷிர்நாரத₃ஸ்ததா₂ .
அஸிதோ தே₃வலோ வ்யாஸ꞉ ஸ்வயம் சைவ ப்₃ரவீஷி மே .. 10-13..

ஸர்வமேதத்₃ருதம் மந்யே யந்மாம் வத₃ஸி கேஶவ .
ந ஹி தே ப₄க₃வந்வ்யக்திம் விது₃ர்தே₃வா ந தா₃நவா꞉ .. 10-14..

ஸ்வயமேவாத்மநாத்மாநம் வேத்த₂ த்வம் புருஷோத்தம .
பூ₄தபா₄வந பூ₄தேஶ தே₃வதே₃வ ஜக₃த்பதே .. 10-15..

வக்துமர்ஹஸ்யஶேஷேண தி₃வ்யா ஹ்யாத்மவிபூ₄தய꞉ .
யாபி₄ர்விபூ₄திபி₄ர்லோகாநிமாம்ஸ்த்வம் வ்யாப்ய திஷ்ட₂ஸி .. 10-16..

கத₂ம் வித்₃யாமஹம் யோகி₃ம்ஸ்த்வாம் ஸதா₃ பரிசிந்தயந் .
கேஷு கேஷு ச பா₄வேஷு சிந்த்யோ(அ)ஸி ப₄க₃வந்மயா .. 10-17..

விஸ்தரேணாத்மநோ யோக₃ம் விபூ₄திம் ச ஜநார்த₃ந .
பூ₄ய꞉ கத₂ய த்ருப்திர்ஹி ஶ்ருண்வதோ நாஸ்தி மே(அ)ம்ருதம் .. 10-18..

ஶ்ரீப₄க₃வாநுவாச .
ஹந்த தே கத₂யிஷ்யாமி தி₃வ்யா ஹ்யாத்மவிபூ₄தய꞉ .
ப்ராதா₄ந்யத꞉ குருஶ்ரேஷ்ட₂ நாஸ்த்யந்தோ விஸ்தரஸ்ய மே .. 10-19..

அஹமாத்மா கு₃டா₃கேஶ ஸர்வபூ₄தாஶயஸ்தி₂த꞉ .
அஹமாதி₃ஶ்ச மத்₄யம் ச பூ₄தாநாமந்த ஏவ ச .. 10-20..

ஆதி₃த்யாநாமஹம் விஷ்ணுர்ஜ்யோதிஷாம் ரவிரம்ஶுமாந் .
மரீசிர்மருதாமஸ்மி நக்ஷத்ராணாமஹம் ஶஶீ .. 10-21..

வேதா₃நாம் ஸாமவேதோ₃(அ)ஸ்மி தே₃வாநாமஸ்மி வாஸவ꞉ .
இந்த்₃ரியாணாம் மநஶ்சாஸ்மி பூ₄தாநாமஸ்மி சேதநா .. 10-22..

ருத்₃ராணாம் ஶங்கரஶ்சாஸ்மி வித்தேஶோ யக்ஷரக்ஷஸாம் .
வஸூநாம் பாவகஶ்சாஸ்மி மேரு꞉ ஶிக₂ரிணாமஹம் .. 10-23..

புரோத₄ஸாம் ச முக்₂யம் மாம் வித்₃தி₄ பார்த₂ ப்₃ருஹஸ்பதிம் .
ஸேநாநீநாமஹம் ஸ்கந்த₃꞉ ஸரஸாமஸ்மி ஸாக₃ர꞉ .. 10-24..

மஹர்ஷீணாம் ப்₄ருகு₃ரஹம் கி₃ராமஸ்ம்யேகமக்ஷரம் .
யஜ்ஞாநாம் ஜபயஜ்ஞோ(அ)ஸ்மி ஸ்தா₂வராணாம் ஹிமாலய꞉ .. 10-25..

அஶ்வத்த₂꞉ ஸர்வவ்ருக்ஷாணாம் தே₃வர்ஷீணாம் ச நாரத₃꞉ .
க₃ந்த₄ர்வாணாம் சித்ரரத₂꞉ ஸித்₃தா₄நாம் கபிலோ முநி꞉ .. 10-26..

உச்சை꞉ஶ்ரவஸமஶ்வாநாம் வித்₃தி₄ மாமம்ருதோத்₃ப₄வம் .
ஐராவதம் க₃ஜேந்த்₃ராணாம் நராணாம் ச நராதி₄பம் .. 10-27..

ஆயுதா₄நாமஹம் வஜ்ரம் தே₄நூநாமஸ்மி காமது₄க் .
ப்ரஜநஶ்சாஸ்மி கந்த₃ர்ப꞉ ஸர்பாணாமஸ்மி வாஸுகி꞉ .. 10-28..

அநந்தஶ்சாஸ்மி நாகா₃நாம் வருணோ யாத₃ஸாமஹம் .
பித்ரூணாமர்யமா சாஸ்மி யம꞉ ஸம்யமதாமஹம் .. 10-29..

ப்ரஹ்லாத₃ஶ்சாஸ்மி தை₃த்யாநாம் கால꞉ கலயதாமஹம் .
ம்ருகா₃ணாம் ச ம்ருகே₃ந்த்₃ரோ(அ)ஹம் வைநதேயஶ்ச பக்ஷிணாம் .. 10-30..

பவந꞉ பவதாமஸ்மி ராம꞉ ஶஸ்த்ரப்₄ருதாமஹம் .
ஜ₂ஷாணாம் மகரஶ்சாஸ்மி ஸ்ரோதஸாமஸ்மி ஜாஹ்நவீ .. 10-31..

ஸர்கா₃ணாமாதி₃ரந்தஶ்ச மத்₄யம் சைவாஹமர்ஜுந .
அத்₄யாத்மவித்₃யா வித்₃யாநாம் வாத₃꞉ ப்ரவத₃தாமஹம் .. 10-32..

அக்ஷராணாமகாரோ(அ)ஸ்மி த்₃வந்த்₃வ꞉ ஸாமாஸிகஸ்ய ச .
அஹமேவாக்ஷய꞉ காலோ தா₄தாஹம் விஶ்வதோமுக₂꞉ .. 10-33..

ம்ருத்யு꞉ ஸர்வஹரஶ்சாஹமுத்₃ப₄வஶ்ச ப₄விஷ்யதாம் .
கீர்தி꞉ ஶ்ரீர்வாக்ச நாரீணாம் ஸ்ம்ருதிர்மேதா₄ த்₄ருதி꞉ க்ஷமா .. 10-34..

ப்₃ருஹத்ஸாம ததா₂ ஸாம்நாம் கா₃யத்ரீ ச₂ந்த₃ஸாமஹம் .
மாஸாநாம் மார்க₃ஶீர்ஷோ(அ)ஹம்ருதூநாம் குஸுமாகர꞉ .. 10-35..

த்₃யூதம் ச₂லயதாமஸ்மி தேஜஸ்தேஜஸ்விநாமஹம் .
ஜயோ(அ)ஸ்மி வ்யவஸாயோ(அ)ஸ்மி ஸத்த்வம் ஸத்த்வவதாமஹம் .. 10-36..

வ்ருஷ்ணீநாம் வாஸுதே₃வோ(அ)ஸ்மி பாண்ட₃வாநாம் த₄நஞ்ஜய꞉ .
முநீநாமப்யஹம் வ்யாஸ꞉ கவீநாமுஶநா கவி꞉ .. 10-37..

த₃ண்டோ₃ த₃மயதாமஸ்மி நீதிரஸ்மி ஜிகீ₃ஷதாம் .
மௌநம் சைவாஸ்மி கு₃ஹ்யாநாம் ஜ்ஞாநம் ஜ்ஞாநவதாமஹம் .. 10-38..

யச்சாபி ஸர்வபூ₄தாநாம் பீ₃ஜம் தத₃ஹமர்ஜுந .
ந தத₃ஸ்தி விநா யத்ஸ்யாந்மயா பூ₄தம் சராசரம் .. 10-39..

நாந்தோ(அ)ஸ்தி மம தி₃வ்யாநாம் விபூ₄தீநாம் பரந்தப .
ஏஷ தூத்₃தே₃ஶத꞉ ப்ரோக்தோ விபூ₄தேர்விஸ்தரோ மயா .. 10-40..

யத்₃யத்₃விபூ₄திமத்ஸத்த்வம் ஶ்ரீமதூ₃ர்ஜிதமேவ வா .
தத்ததே₃வாவக₃ச்ச₂ த்வம் மம தேஜோம்(அ)ஶஸம்ப₄வம் .. 10-41..

அத₂வா ப₃ஹுநைதேந கிம் ஜ்ஞாதேந தவார்ஜுந .
விஷ்டப்₄யாஹமித₃ம் க்ருத்ஸ்நமேகாம்ஶேந ஸ்தி₂தோ ஜக₃த் .. 10-42..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
விபூ₄தியோகோ₃ நாம த₃ஶமோ(அ)த்₄யாய꞉ .. 10..

அதை₂காத₃ஶோ(அ)த்₄யாய꞉
விஶ்வரூபத₃ர்ஶநயோக₃꞉
அர்ஜுந உவாச .
மத₃நுக்₃ரஹாய பரமம் கு₃ஹ்யமத்₄யாத்மஸம்ஜ்ஞிதம் .
யத்த்வயோக்தம் வசஸ்தேந மோஹோ(அ)யம் விக₃தோ மம .. 11-1..

ப₄வாப்யயௌ ஹி பூ₄தாநாம் ஶ்ருதௌ விஸ்தரஶோ மயா .
த்வத்த꞉ கமலபத்ராக்ஷ மாஹாத்ம்யமபி சாவ்யயம் .. 11-2..

ஏவமேதத்₃யதா₂த்த₂ த்வமாத்மாநம் பரமேஶ்வர .
த்₃ரஷ்டுமிச்சா₂மி தே ரூபமைஶ்வரம் புருஷோத்தம .. 11-3..

மந்யஸே யதி₃ தச்ச₂க்யம் மயா த்₃ரஷ்டுமிதி ப்ரபோ₄ .
யோகே₃ஶ்வர ததோ மே த்வம் த₃ர்ஶயாத்மாநமவ்யயம் .. 11-4..

ஶ்ரீப₄க₃வாநுவாச .
பஶ்ய மே பார்த₂ ரூபாணி ஶதஶோ(அ)த₂ ஸஹஸ்ரஶ꞉ .
நாநாவிதா₄நி தி₃வ்யாநி நாநாவர்ணாக்ருதீநி ச .. 11-5..

பஶ்யாதி₃த்யாந்வஸூந்ருத்₃ராநஶ்விநௌ மருதஸ்ததா₂ .
ப₃ஹூந்யத்₃ருஷ்டபூர்வாணி பஶ்யாஶ்சர்யாணி பா₄ரத .. 11-6..

இஹைகஸ்த₂ம் ஜக₃த்க்ருத்ஸ்நம் பஶ்யாத்₃ய ஸசராசரம் .
மம தே₃ஹே கு₃டா₃கேஶ யச்சாந்யத்₃ த்₃ரஷ்டுமிச்ச₂ஸி .. 11-7..

ந து மாம் ஶக்யஸே த்₃ரஷ்டுமநேநைவ ஸ்வசக்ஷுஷா .
தி₃வ்யம் த₃தா₃மி தே சக்ஷு꞉ பஶ்ய மே யோக₃மைஶ்வரம் .. 11-8..

ஸஞ்ஜய உவாச .
ஏவமுக்த்வா ததோ ராஜந்மஹாயோகே₃ஶ்வரோ ஹரி꞉ .
த₃ர்ஶயாமாஸ பார்தா₂ய பரமம் ரூபமைஶ்வரம் .. 11-9..

அநேகவக்த்ரநயநமநேகாத்₃பு₄தத₃ர்ஶநம் .
அநேகதி₃வ்யாப₄ரணம் தி₃வ்யாநேகோத்₃யதாயுத₄ம் .. 11-10..

தி₃வ்யமால்யாம்ப₃ரத₄ரம் தி₃வ்யக₃ந்தா₄நுலேபநம் .
ஸர்வாஶ்சர்யமயம் தே₃வமநந்தம் விஶ்வதோமுக₂ம் .. 11-11..

தி₃வி ஸூர்யஸஹஸ்ரஸ்ய ப₄வேத்₃யுக₃பது₃த்தி₂தா .
யதி₃ பா₄꞉ ஸத்₃ருஶீ ஸா ஸ்யாத்₃பா₄ஸஸ்தஸ்ய மஹாத்மந꞉ .. 11-12..

தத்ரைகஸ்த₂ம் ஜக₃த்க்ருத்ஸ்நம் ப்ரவிப₄க்தமநேகதா₄ .
அபஶ்யத்₃தே₃வதே₃வஸ்ய ஶரீரே பாண்ட₃வஸ்ததா₃ .. 11-13..

தத꞉ ஸ விஸ்மயாவிஷ்டோ ஹ்ருஷ்டரோமா த₄நஞ்ஜய꞉ .
ப்ரணம்ய ஶிரஸா தே₃வம் க்ருதாஞ்ஜலிரபா₄ஷத .. 11-14..

அர்ஜுந உவாச .
பஶ்யாமி தே₃வாம்ஸ்தவ தே₃வ தே₃ஹே
ஸர்வாம்ஸ்ததா₂ பூ₄தவிஶேஷஸங்கா₄ந் .
ப்₃ரஹ்மாணமீஶம் கமலாஸநஸ்த₂-
ம்ருஷீம்ஶ்ச ஸர்வாநுரகா₃ம்ஶ்ச தி₃வ்யாந் .. 11-15..

அநேகபா₃ஹூத₃ரவக்த்ரநேத்ரம்
பஶ்யாமி த்வாம் ஸர்வதோ(அ)நந்தரூபம் .
நாந்தம் ந மத்₄யம் ந புநஸ்தவாதி₃ம்
பஶ்யாமி விஶ்வேஶ்வர விஶ்வரூப .. 11-16..

கிரீடிநம் க₃தி₃நம் சக்ரிணம் ச
தேஜோராஶிம் ஸர்வதோ தீ₃ப்திமந்தம் .
பஶ்யாமி த்வாம் து₃ர்நிரீக்ஷ்யம் ஸமந்தாத்₃
தீ₃ப்தாநலார்கத்₃யுதிமப்ரமேயம் .. 11-17..

த்வமக்ஷரம் பரமம் வேதி₃தவ்யம்
த்வமஸ்ய விஶ்வஸ்ய பரம் நிதா₄நம் .
த்வமவ்யய꞉ ஶாஶ்வதத₄ர்மகோ₃ப்தா
ஸநாதநஸ்த்வம் புருஷோ மதோ மே .. 11-18..

அநாதி₃மத்₄யாந்தமநந்தவீர்ய-
மநந்தபா₃ஹும் ஶஶிஸூர்யநேத்ரம் .
பஶ்யாமி த்வாம் தீ₃ப்தஹுதாஶவக்த்ரம்
ஸ்வதேஜஸா விஶ்வமித₃ம் தபந்தம் .. 11-19..

த்₃யாவாப்ருதி₂வ்யோரித₃மந்தரம் ஹி
வ்யாப்தம் த்வயைகேந தி₃ஶஶ்ச ஸர்வா꞉ .
த்₃ருஷ்ட்வாத்₃பு₄தம் ரூபமுக்₃ரம் தவேத₃ம்
லோகத்ரயம் ப்ரவ்யதி₂தம் மஹாத்மந் .. 11-20..

அமீ ஹி த்வாம் ஸுரஸங்கா₄ விஶந்தி
கேசித்₃பீ₄தா꞉ ப்ராஞ்ஜலயோ க்₃ருணந்தி .
ஸ்வஸ்தீத்யுக்த்வா மஹர்ஷிஸித்₃த₄ஸங்கா₄꞉
ஸ்துவந்தி த்வாம் ஸ்துதிபி₄꞉ புஷ்கலாபி₄꞉ .. 11-21..

ருத்₃ராதி₃த்யா வஸவோ யே ச ஸாத்₄யா
விஶ்வே(அ)ஶ்விநௌ மருதஶ்சோஷ்மபாஶ்ச .
க₃ந்த₄ர்வயக்ஷாஸுரஸித்₃த₄ஸங்கா₄
வீக்ஷந்தே த்வாம் விஸ்மிதாஶ்சைவ ஸர்வே .. 11-22..

ரூபம் மஹத்தே ப₃ஹுவக்த்ரநேத்ரம்
மஹாபா₃ஹோ ப₃ஹுபா₃ஹூருபாத₃ம் .
ப₃ஹூத₃ரம் ப₃ஹுத₃ம்ஷ்ட்ராகராலம்
த்₃ருஷ்ட்வா லோகா꞉ ப்ரவ்யதி₂தாஸ்ததா₂ஹம் .. 11-23..

நப₄꞉ஸ்ப்ருஶம் தீ₃ப்தமநேகவர்ணம்
வ்யாத்தாநநம் தீ₃ப்தவிஶாலநேத்ரம் .
த்₃ருஷ்ட்வா ஹி த்வாம் ப்ரவ்யதி₂தாந்தராத்மா
த்₄ருதிம் ந விந்தா₃மி ஶமம் ச விஷ்ணோ .. 11-24..

த₃ம்ஷ்ட்ராகராலாநி ச தே முகா₂நி
த்₃ருஷ்ட்வைவ காலாநலஸந்நிபா₄நி .
தி₃ஶோ ந ஜாநே ந லபே₄ ச ஶர்ம
ப்ரஸீத₃ தே₃வேஶ ஜக₃ந்நிவாஸ .. 11-25..

அமீ ச த்வாம் த்₄ருதராஷ்ட்ரஸ்ய புத்ரா꞉
ஸர்வே ஸஹைவாவநிபாலஸங்கை₄꞉ .
பீ₄ஷ்மோ த்₃ரோண꞉ ஸூதபுத்ரஸ்ததா₂ஸௌ
ஸஹாஸ்மதீ₃யைரபி யோத₄முக்₂யை꞉ .. 11-26..

வக்த்ராணி தே த்வரமாணா விஶந்தி
த₃ம்ஷ்ட்ராகராலாநி ப₄யாநகாநி .
கேசித்₃விலக்₃நா த₃ஶநாந்தரேஷு
ஸந்த்₃ருஶ்யந்தே சூர்ணிதைருத்தமாங்கை₃꞉ .. 11-27..

யதா₂ நதீ₃நாம் ப₃ஹவோ(அ)ம்பு₃வேகா₃꞉
ஸமுத்₃ரமேவாபி₄முகா₂ த்₃ரவந்தி .
ததா₂ தவாமீ நரலோகவீரா
விஶந்தி வக்த்ராண்யபி₄விஜ்வலந்தி .. 11-28..

யதா₂ ப்ரதீ₃ப்தம் ஜ்வலநம் பதங்கா₃
விஶந்தி நாஶாய ஸம்ருத்₃த₄வேகா₃꞉ .
ததை₂வ நாஶாய விஶந்தி லோகா-
ஸ்தவாபி வக்த்ராணி ஸம்ருத்₃த₄வேகா₃꞉ .. 11-29..

லேலிஹ்யஸே க்₃ரஸமாந꞉ ஸமந்தால்-
லோகாந்ஸமக்₃ராந்வத₃நைர்ஜ்வலத்₃பி₄꞉ .
தேஜோபி₄ராபூர்ய ஜக₃த்ஸமக்₃ரம்
பா₄ஸஸ்தவோக்₃ரா꞉ ப்ரதபந்தி விஷ்ணோ .. 11-30..

ஆக்₂யாஹி மே கோ ப₄வாநுக்₃ரரூபோ
நமோ(அ)ஸ்து தே தே₃வவர ப்ரஸீத₃ .
விஜ்ஞாதுமிச்சா₂மி ப₄வந்தமாத்₃யம்
ந ஹி ப்ரஜாநாமி தவ ப்ரவ்ருத்திம் .. 11-31..

ஶ்ரீப₄க₃வாநுவாச .
காலோ(அ)ஸ்மி லோகக்ஷயக்ருத்ப்ரவ்ருத்₃தோ₄
லோகாந்ஸமாஹர்துமிஹ ப்ரவ்ருத்த꞉ .
ருதே(அ)பி த்வாம் ந ப₄விஷ்யந்தி ஸர்வே
யே(அ)வஸ்தி₂தா꞉ ப்ரத்யநீகேஷு யோதா₄꞉ .. 11-32..

தஸ்மாத்த்வமுத்திஷ்ட₂ யஶோ லப₄ஸ்வ
ஜித்வா ஶத்ரூந் பு₄ங்க்ஷ்வ ராஜ்யம் ஸம்ருத்₃த₄ம் .
மயைவைதே நிஹதா꞉ பூர்வமேவ
நிமித்தமாத்ரம் ப₄வ ஸவ்யஸாசிந் .. 11-33..

த்₃ரோணம் ச பீ₄ஷ்மம் ச ஜயத்₃ரத₂ம் ச
கர்ணம் ததா₂ந்யாநபி யோத₄வீராந் .
மயா ஹதாம்ஸ்த்வம் ஜஹி மா வ்யதி₂ஷ்டா₂
யுத்₄யஸ்வ ஜேதாஸி ரணே ஸபத்நாந் .. 11-34..

ஸஞ்ஜய உவாச .
ஏதச்ச்₂ருத்வா வசநம் கேஶவஸ்ய
க்ருதாஞ்ஜலிர்வேபமாந꞉ கிரீடீ .
நமஸ்க்ருத்வா பூ₄ய ஏவாஹ க்ருஷ்ணம்
ஸக₃த்₃க₃த₃ம் பீ₄தபீ₄த꞉ ப்ரணம்ய .. 11-35..

அர்ஜுந உவாச .
ஸ்தா₂நே ஹ்ருஷீகேஶ தவ ப்ரகீர்த்யா
ஜக₃த்ப்ரஹ்ருஷ்யத்யநுரஜ்யதே ச .
ரக்ஷாம்ஸி பீ₄தாநி தி₃ஶோ த்₃ரவந்தி
ஸர்வே நமஸ்யந்தி ச ஸித்₃த₄ஸங்கா₄꞉ .. 11-36..

கஸ்மாச்ச தே ந நமேரந்மஹாத்மந்
க₃ரீயஸே ப்₃ரஹ்மணோ(அ)ப்யாதி₃கர்த்ரே .
அநந்த தே₃வேஶ ஜக₃ந்நிவாஸ
த்வமக்ஷரம் ஸத₃ஸத்தத்பரம் யத் .. 11-37..

த்வமாதி₃தே₃வ꞉ புருஷ꞉ புராண-
ஸ்த்வமஸ்ய விஶ்வஸ்ய பரம் நிதா₄நம் .
வேத்தாஸி வேத்₃யம் ச பரம் ச தா₄ம
த்வயா ததம் விஶ்வமநந்தரூப .. 11-38..

வாயுர்யமோ(அ)க்₃நிர்வருண꞉ ஶஶாங்க꞉
ப்ரஜாபதிஸ்த்வம் ப்ரபிதாமஹஶ்ச .
நமோ நமஸ்தே(அ)ஸ்து ஸஹஸ்ரக்ருத்வ꞉
புநஶ்ச பூ₄யோ(அ)பி நமோ நமஸ்தே .. 11-39..

நம꞉ புரஸ்தாத₃த₂ ப்ருஷ்ட₂தஸ்தே
நமோ(அ)ஸ்து தே ஸர்வத ஏவ ஸர்வ .
அநந்தவீர்யாமிதவிக்ரமஸ்த்வம்
ஸர்வம் ஸமாப்நோஷி ததோ(அ)ஸி ஸர்வ꞉ .. 11-40..

ஸகே₂தி மத்வா ப்ரஸப₄ம் யது₃க்தம்
ஹே க்ருஷ்ண ஹே யாத₃வ ஹே ஸகே₂தி .
அஜாநதா மஹிமாநம் தவேத₃ம்
மயா ப்ரமாதா₃த்ப்ரணயேந வாபி .. 11-41..

யச்சாவஹாஸார்த₂மஸத்க்ருதோ(அ)ஸி
விஹாரஶய்யாஸநபோ₄ஜநேஷு .
ஏகோ(அ)த₂வாப்யச்யுத தத்ஸமக்ஷம்
தத்க்ஷாமயே த்வாமஹமப்ரமேயம் .. 11-42..

பிதாஸி லோகஸ்ய சராசரஸ்ய
த்வமஸ்ய பூஜ்யஶ்ச கு₃ருர்க₃ரீயாந் .
ந த்வத்ஸமோ(அ)ஸ்த்யப்₄யதி₄க꞉ குதோ(அ)ந்யோ
லோகத்ரயே(அ)ப்யப்ரதிமப்ரபா₄வ .. 11-43..

தஸ்மாத்ப்ரணம்ய ப்ரணிதா₄ய காயம்
ப்ரஸாத₃யே த்வாமஹமீஶமீட்₃யம் .
பிதேவ புத்ரஸ்ய ஸகே₂வ ஸக்₂யு꞉
ப்ரிய꞉ ப்ரியாயார்ஹஸி தே₃வ ஸோடு₄ம் .. 11-44..

அத்₃ருஷ்டபூர்வம் ஹ்ருஷிதோ(அ)ஸ்மி த்₃ருஷ்ட்வா
ப₄யேந ச ப்ரவ்யதி₂தம் மநோ மே .
ததே₃வ மே த₃ர்ஶய தே₃வ ரூபம்
ப்ரஸீத₃ தே₃வேஶ ஜக₃ந்நிவாஸ .. 11-45..

கிரீடிநம் க₃தி₃நம் சக்ரஹஸ்தம்
இச்சா₂மி த்வாம் த்₃ரஷ்டுமஹம் ததை₂வ .
தேநைவ ரூபேண சதுர்பு₄ஜேந
ஸஹஸ்ரபா₃ஹோ ப₄வ விஶ்வமூர்தே .. 11-46..

ஶ்ரீப₄க₃வாநுவாச .
மயா ப்ரஸந்நேந தவார்ஜுநேத₃ம்
ரூபம் பரம் த₃ர்ஶிதமாத்மயோகா₃த் .
தேஜோமயம் விஶ்வமநந்தமாத்₃யம்
யந்மே த்வத₃ந்யேந ந த்₃ருஷ்டபூர்வம் .. 11-47..

ந வேத₃யஜ்ஞாத்₄யயநைர்ந தா₃நை-
ர்ந ச க்ரியாபி₄ர்ந தபோபி₄ருக்₃ரை꞉ .
ஏவம்ரூப꞉ ஶக்ய அஹம் ந்ருலோகே
த்₃ரஷ்டும் த்வத₃ந்யேந குருப்ரவீர .. 11-48..

மா தே வ்யதா₂ மா ச விமூட₄பா₄வோ
த்₃ருஷ்ட்வா ரூபம் கோ₄ரமீத்₃ருங்மமேத₃ம் .
வ்யபேதபீ₄꞉ ப்ரீதமநா꞉ புநஸ்த்வம்
ததே₃வ மே ரூபமித₃ம் ப்ரபஶ்ய .. 11-49..

ஸஞ்ஜய உவாச .
இத்யர்ஜுநம் வாஸுதே₃வஸ்ததோ₂க்த்வா
ஸ்வகம் ரூபம் த₃ர்ஶயாமாஸ பூ₄ய꞉ .
ஆஶ்வாஸயாமாஸ ச பீ₄தமேநம்
பூ₄த்வா புந꞉ ஸௌம்யவபுர்மஹாத்மா .. 11-50..

அர்ஜுந உவாச .
த்₃ருஷ்ட்வேத₃ம் மாநுஷம் ரூபம் தவ ஸௌம்யம் ஜநார்த₃ந .
இதா₃நீமஸ்மி ஸம்வ்ருத்த꞉ ஸசேதா꞉ ப்ரக்ருதிம் க₃த꞉ .. 11-51..

ஶ்ரீப₄க₃வாநுவாச .
ஸுது₃ர்த₃ர்ஶமித₃ம் ரூபம் த்₃ருஷ்டவாநஸி யந்மம .
தே₃வா அப்யஸ்ய ரூபஸ்ய நித்யம் த₃ர்ஶநகாங்க்ஷிண꞉ .. 11-52..

நாஹம் வேதை₃ர்ந தபஸா ந தா₃நேந ந சேஜ்யயா .
ஶக்ய ஏவம்விதோ₄ த்₃ரஷ்டும் த்₃ருஷ்டவாநஸி மாம் யதா₂ .. 11-53..

ப₄க்த்யா த்வநந்யயா ஶக்ய அஹமேவம்விதோ₄(அ)ர்ஜுந .
ஜ்ஞாதும் த்₃ரஷ்டும் ச தத்த்வேந ப்ரவேஷ்டும் ச பரந்தப .. 11-54..

மத்கர்மக்ருந்மத்பரமோ மத்₃ப₄க்த꞉ ஸங்க₃வர்ஜித꞉ .
நிர்வைர꞉ ஸர்வபூ₄தேஷு ய꞉ ஸ மாமேதி பாண்ட₃வ .. 11-55..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
விஶ்வரூபத₃ர்ஶநயோகோ₃ நாமைகாத₃ஶோ(அ)த்₄யாய꞉ .. 11..

அத₂ த்₃வாத₃ஶோ(அ)த்₄யாய꞉
ப₄க்தியோக₃꞉
அர்ஜுந உவாச .
ஏவம் ஸததயுக்தா யே ப₄க்தாஸ்த்வாம் பர்யுபாஸதே .
யே சாப்யக்ஷரமவ்யக்தம் தேஷாம் கே யோக₃வித்தமா꞉ .. 12-1..

ஶ்ரீப₄க₃வாநுவாச .
மய்யாவேஶ்ய மநோ யே மாம் நித்யயுக்தா உபாஸதே .
ஶ்ரத்₃த₄யா பரயோபேதா꞉ தே மே யுக்ததமா மதா꞉ .. 12-2..

யே த்வக்ஷரமநிர்தே₃ஶ்யமவ்யக்தம் பர்யுபாஸதே .
ஸர்வத்ரக₃மசிந்த்யஞ்ச கூடஸ்த₂மசலந்த்₄ருவம் .. 12-3..

ஸந்நியம்யேந்த்₃ரியக்₃ராமம் ஸர்வத்ர ஸமபு₃த்₃த₄ய꞉ .
தே ப்ராப்நுவந்தி மாமேவ ஸர்வபூ₄தஹிதே ரதா꞉ .. 12-4..

க்லேஶோ(அ)தி₄கதரஸ்தேஷாமவ்யக்தாஸக்தசேதஸாம் .
அவ்யக்தா ஹி க₃திர்து₃꞉க₂ம் தே₃ஹவத்₃பி₄ரவாப்யதே .. 12-5..

யே து ஸர்வாணி கர்மாணி மயி ஸம்ந்யஸ்ய மத்பரா꞉ .
அநந்யேநைவ யோகே₃ந மாம் த்₄யாயந்த உபாஸதே .. 12-6..

தேஷாமஹம் ஸமுத்₃த₄ர்தா ம்ருத்யுஸம்ஸாரஸாக₃ராத் .
ப₄வாமி நசிராத்பார்த₂ மய்யாவேஶிதசேதஸாம் .. 12-7..

மய்யேவ மந ஆத₄த்ஸ்வ மயி பு₃த்₃தி₄ம் நிவேஶய .
நிவஸிஷ்யஸி மய்யேவ அத ஊர்த்₄வம் ந ஸம்ஶய꞉ .. 12-8..

அத₂ சித்தம் ஸமாதா₄தும் ந ஶக்நோஷி மயி ஸ்தி₂ரம் .
அப்₄யாஸயோகே₃ந ததோ மாமிச்சா₂ப்தும் த₄நஞ்ஜய .. 12-9..

அப்₄யாஸே(அ)ப்யஸமர்தோ₂(அ)ஸி மத்கர்மபரமோ ப₄வ .
மத₃ர்த₂மபி கர்மாணி குர்வந்ஸித்₃தி₄மவாப்ஸ்யஸி .. 12-10..

அதை₂தத₃ப்யஶக்தோ(அ)ஸி கர்தும் மத்₃யோக₃மாஶ்ரித꞉ .
ஸர்வகர்மப₂லத்யாக₃ம் தத꞉ குரு யதாத்மவாந் .. 12-11..

ஶ்ரேயோ ஹி ஜ்ஞாநமப்₄யாஸாஜ்ஜ்ஞாநாத்₃த்₄யாநம் விஶிஷ்யதே .
த்₄யாநாத்கர்மப₂லத்யாக₃ஸ்த்யாகா₃ச்சா₂ந்திரநந்தரம் .. 12-12..

அத்₃வேஷ்டா ஸர்வபூ₄தாநாம் மைத்ர꞉ கருண ஏவ ச .
நிர்மமோ நிரஹங்கார꞉ ஸமது₃꞉க₂ஸுக₂꞉ க்ஷமீ .. 12-13..

ஸந்துஷ்ட꞉ ஸததம் யோகீ₃ யதாத்மா த்₃ருட₄நிஶ்சய꞉ .
மய்யர்பிதமநோபு₃த்₃தி₄ர்யோ மத்₃ப₄க்த꞉ ஸ மே ப்ரிய꞉ .. 12-14..

யஸ்மாந்நோத்₃விஜதே லோகோ லோகாந்நோத்₃விஜதே ச ய꞉ .
ஹர்ஷாமர்ஷப₄யோத்₃வேகை₃ர்முக்தோ ய꞉ ஸ ச மே ப்ரிய꞉ .. 12-15..

அநபேக்ஷ꞉ ஶுசிர்த₃க்ஷ உதா₃ஸீநோ க₃தவ்யத₂꞉ .
ஸர்வாரம்ப₄பரித்யாகீ₃ யோ மத்₃ப₄க்த꞉ ஸ மே ப்ரிய꞉ .. 12-16..

யோ ந ஹ்ருஷ்யதி ந த்₃வேஷ்டி ந ஶோசதி ந காங்க்ஷதி .
ஶுபா₄ஶுப₄பரித்யாகீ₃ ப₄க்திமாந்ய꞉ ஸ மே ப்ரிய꞉ .. 12-17..

ஸம꞉ ஶத்ரௌ ச மித்ரே ச ததா₂ மாநாபமாநயோ꞉ .
ஶீதோஷ்ணஸுக₂து₃꞉கே₂ஷு ஸம꞉ ஸங்க₃விவர்ஜித꞉ .. 12-18..

துல்யநிந்தா₃ஸ்துதிர்மௌநீ ஸந்துஷ்டோ யேந கேநசித் .
அநிகேத꞉ ஸ்தி₂ரமதிர்ப₄க்திமாந்மே ப்ரியோ நர꞉ .. 12-19..

யே து த₄ர்ம்யாம்ருதமித₃ம் யதோ₂க்தம் பர்யுபாஸதே .
ஶ்ரத்₃த₃தா₄நா மத்பரமா ப₄க்தாஸ்தே(அ)தீவ மே ப்ரியா꞉ .. 12-20..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
ப₄க்தியோகோ₃ நாம த்₃வாத₃ஶோ(அ)த்₄யாய꞉ .. 12..

அத₂ த்ரயோத₃ஶோ(அ)த்₄யாய꞉
க்ஷேத்ரக்ஷேத்ரஜ்ஞவிபா₄க₃யோக₃꞉
அர்ஜுந உவாச .
ப்ரக்ருதிம் புருஷம் சைவ க்ஷேத்ரம் க்ஷேத்ரஜ்ஞமேவ ச .
ஏதத்₃வேதி₃துமிச்சா₂மி ஜ்ஞாநம் ஜ்ஞேயம் ச கேஶவ .. 13-1..

ஶ்ரீப₄க₃வாநுவாச .
இத₃ம் ஶரீரம் கௌந்தேய க்ஷேத்ரமித்யபி₄தீ₄யதே .
ஏதத்₃யோ வேத்தி தம் ப்ராஹு꞉ க்ஷேத்ரஜ்ஞ இதி தத்₃வித₃꞉ .. 13-2..

க்ஷேத்ரஜ்ஞம் சாபி மாம் வித்₃தி₄ ஸர்வக்ஷேத்ரேஷு பா₄ரத .
க்ஷேத்ரக்ஷேத்ரஜ்ஞயோர்ஜ்ஞாநம் யத்தஜ்ஜ்ஞாநம் மதம் மம .. 13-3..

தத்க்ஷேத்ரம் யச்ச யாத்₃ருக்ச யத்₃விகாரி யதஶ்ச யத் .
ஸ ச யோ யத்ப்ரபா₄வஶ்ச தத்ஸமாஸேந மே ஶ்ருணு .. 13-4..

ருஷிபி₄ர்ப₃ஹுதா₄ கீ₃தம் ச₂ந்தோ₃பி₄ர்விவிதை₄꞉ ப்ருத₂க் .
ப்₃ரஹ்மஸூத்ரபதை₃ஶ்சைவ ஹேதுமத்₃பி₄ர்விநிஶ்சிதை꞉ .. 13-5..

மஹாபூ₄தாந்யஹங்காரோ பு₃த்₃தி₄ரவ்யக்தமேவ ச .
இந்த்₃ரியாணி த₃ஶைகம் ச பஞ்ச சேந்த்₃ரியகோ₃சரா꞉ .. 13-6..

இச்சா₂ த்₃வேஷ꞉ ஸுக₂ம் து₃꞉க₂ம் ஸங்கா₄தஶ்சேதநா த்₄ருதி꞉ .
ஏதத்க்ஷேத்ரம் ஸமாஸேந ஸவிகாரமுதா₃ஹ்ருதம் .. 13-7..

அமாநித்வமத₃ம்பி₄த்வமஹிம்ஸா க்ஷாந்திரார்ஜவம் .
ஆசார்யோபாஸநம் ஶௌசம் ஸ்தை₂ர்யமாத்மவிநிக்₃ரஹ꞉ .. 13-8..

இந்த்₃ரியார்தே₂ஷு வைராக்₃யமநஹங்கார ஏவ ச .
ஜந்மம்ருத்யுஜராவ்யாதி₄து₃꞉க₂தோ₃ஷாநுத₃ர்ஶநம் .. 13-9..

அஸக்திரநபி₄ஷ்வங்க₃꞉ புத்ரதா₃ரக்₃ருஹாதி₃ஷு .
நித்யம் ச ஸமசித்தத்வமிஷ்டாநிஷ்டோபபத்திஷு .. 13-10..

மயி சாநந்யயோகே₃ந ப₄க்திரவ்யபி₄சாரிணீ .
விவிக்ததே₃ஶஸேவித்வமரதிர்ஜநஸம்ஸதி₃ .. 13-11..

அத்₄யாத்மஜ்ஞாநநித்யத்வம் தத்த்வஜ்ஞாநார்த₂த₃ர்ஶநம் .
ஏதஜ்ஜ்ஞாநமிதி ப்ரோக்தமஜ்ஞாநம் யத₃தோ(அ)ந்யதா₂ .. 13-12..

ஜ்ஞேயம் யத்தத்ப்ரவக்ஷ்யாமி யஜ்ஜ்ஞாத்வாம்ருதமஶ்நுதே .
அநாதி₃மத்பரம் ப்₃ரஹ்ம ந ஸத்தந்நாஸது₃ச்யதே .. 13-13..

ஸர்வத꞉ பாணிபாத₃ம் தத்ஸர்வதோ(அ)க்ஷிஶிரோமுக₂ம் .
ஸர்வத꞉ ஶ்ருதிமல்லோகே ஸர்வமாவ்ருத்ய திஷ்ட₂தி .. 13-14..

ஸர்வேந்த்₃ரியகு₃ணாபா₄ஸம் ஸர்வேந்த்₃ரியவிவர்ஜிதம் .
அஸக்தம் ஸர்வப்₄ருச்சைவ நிர்கு₃ணம் கு₃ணபோ₄க்த்ரு ச .. 13-15..

ப₃ஹிரந்தஶ்ச பூ₄தாநாமசரம் சரமேவ ச .
ஸூக்ஷ்மத்வாத்தத₃விஜ்ஞேயம் தூ₃ரஸ்த₂ம் சாந்திகே ச தத் .. 13-16..

அவிப₄க்தம் ச பூ₄தேஷு விப₄க்தமிவ ச ஸ்தி₂தம் .
பூ₄தப₄ர்த்ரு ச தஜ்ஜ்ஞேயம் க்₃ரஸிஷ்ணு ப்ரப₄விஷ்ணு ச .. 13-17..

ஜ்யோதிஷாமபி தஜ்ஜ்யோதிஸ்தமஸ꞉ பரமுச்யதே .
ஜ்ஞாநம் ஜ்ஞேயம் ஜ்ஞாநக₃ம்யம் ஹ்ருதி₃ ஸர்வஸ்ய விஷ்டி₂தம் .. 13-18..

இதி க்ஷேத்ரம் ததா₂ ஜ்ஞாநம் ஜ்ஞேயம் சோக்தம் ஸமாஸத꞉ .
மத்₃ப₄க்த ஏதத்₃விஜ்ஞாய மத்₃பா₄வாயோபபத்₃யதே .. 13-19..

ப்ரக்ருதிம் புருஷம் சைவ வித்₃த்₄யநாதீ₃ உபா₄வபி .
விகாராம்ஶ்ச கு₃ணாம்ஶ்சைவ வித்₃தி₄ ப்ரக்ருதிஸம்ப₄வாந் .. 13-20..

கார்யகாரணகர்த்ருத்வே ஹேது꞉ ப்ரக்ருதிருச்யதே .
புருஷ꞉ ஸுக₂து₃꞉கா₂நாம் போ₄க்த்ருத்வே ஹேதுருச்யதே .. 13-21..

புருஷ꞉ ப்ரக்ருதிஸ்தோ₂ ஹி பு₄ங்க்தே ப்ரக்ருதிஜாந்கு₃ணாந் .
காரணம் கு₃ணஸங்கோ₃(அ)ஸ்ய ஸத₃ஸத்₃யோநிஜந்மஸு .. 13-22..

உபத்₃ரஷ்டாநுமந்தா ச ப₄ர்தா போ₄க்தா மஹேஶ்வர꞉ .
பரமாத்மேதி சாப்யுக்தோ தே₃ஹே(அ)ஸ்மிந்புருஷ꞉ பர꞉ .. 13-23..

ய ஏவம் வேத்தி புருஷம் ப்ரக்ருதிம் ச கு₃ணை꞉ ஸஹ .
ஸர்வதா₂ வர்தமாநோ(அ)பி ந ஸ பூ₄யோ(அ)பி₄ஜாயதே .. 13-24..

த்₄யாநேநாத்மநி பஶ்யந்தி கேசிதா₃த்மாநமாத்மநா .
அந்யே ஸாங்க்₂யேந யோகே₃ந கர்மயோகே₃ந சாபரே .. 13-25..

அந்யே த்வேவமஜாநந்த꞉ ஶ்ருத்வாந்யேப்₄ய உபாஸதே .
தே(அ)பி சாதிதரந்த்யேவ ம்ருத்யும் ஶ்ருதிபராயணா꞉ .. 13-26..

யாவத்ஸஞ்ஜாயதே கிஞ்சித்ஸத்த்வம் ஸ்தா₂வரஜங்க₃மம் .
க்ஷேத்ரக்ஷேத்ரஜ்ஞஸம்யோகா₃த்தத்₃வித்₃தி₄ ப₄ரதர்ஷப₄ .. 13-27..

ஸமம் ஸர்வேஷு பூ₄தேஷு திஷ்ட₂ந்தம் பரமேஶ்வரம் .
விநஶ்யத்ஸ்வவிநஶ்யந்தம் ய꞉ பஶ்யதி ஸ பஶ்யதி .. 13-28..

ஸமம் பஶ்யந்ஹி ஸர்வத்ர ஸமவஸ்தி₂தமீஶ்வரம் .
ந ஹிநஸ்த்யாத்மநாத்மாநம் ததோ யாதி பராம் க₃திம் .. 13-29..

ப்ரக்ருத்யைவ ச கர்மாணி க்ரியமாணாநி ஸர்வஶ꞉ .
ய꞉ பஶ்யதி ததா₂த்மாநமகர்தாரம் ஸ பஶ்யதி .. 13-30..

யதா₃ பூ₄தப்ருத₂க்₃பா₄வமேகஸ்த₂மநுபஶ்யதி .
தத ஏவ ச விஸ்தாரம் ப்₃ரஹ்ம ஸம்பத்₃யதே ததா₃ .. 13-31..

அநாதி₃த்வாந்நிர்கு₃ணத்வாத்பரமாத்மாயமவ்யய꞉ .
ஶரீரஸ்தோ₂(அ)பி கௌந்தேய ந கரோதி ந லிப்யதே .. 13-32..

யதா₂ ஸர்வக₃தம் ஸௌக்ஷ்ம்யாதா₃காஶம் நோபலிப்யதே .
ஸர்வத்ராவஸ்தி₂தோ தே₃ஹே ததா₂த்மா நோபலிப்யதே .. 13-33..

யதா₂ ப்ரகாஶயத்யேக꞉ க்ருத்ஸ்நம் லோகமிமம் ரவி꞉ .
க்ஷேத்ரம் க்ஷேத்ரீ ததா₂ க்ருத்ஸ்நம் ப்ரகாஶயதி பா₄ரத .. 13-34..

க்ஷேத்ரக்ஷேத்ரஜ்ஞயோரேவமந்தரம் ஜ்ஞாநசக்ஷுஷா .
பூ₄தப்ரக்ருதிமோக்ஷம் ச யே விது₃ர்யாந்தி தே பரம் .. 13-35..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
க்ஷேத்ரக்ஷேத்ரஜ்ஞவிபா₄க₃யோகோ₃ நாம த்ரயோத₃ஶோ(அ)த்₄யாய꞉ .. 13..

அத₂ சதுர்த₃ஶோ(அ)த்₄யாய꞉
கு₃ணத்ரயவிபா₄க₃யோக₃꞉
ஶ்ரீப₄க₃வாநுவாச .
பரம் பூ₄ய꞉ ப்ரவக்ஷ்யாமி ஜ்ஞாநாநாம் ஜ்ஞாநமுத்தமம் .
யஜ்ஜ்ஞாத்வா முநய꞉ ஸர்வே பராம் ஸித்₃தி₄மிதோ க₃தா꞉ .. 14-1..

இத₃ம் ஜ்ஞாநமுபாஶ்ரித்ய மம ஸாத₄ர்ம்யமாக₃தா꞉ .
ஸர்கே₃(அ)பி நோபஜாயந்தே ப்ரலயே ந வ்யத₂ந்தி ச .. 14-2..

மம யோநிர்மஹத்₃ ப்₃ரஹ்ம தஸ்மிந்க₃ர்ப₄ம் த₃தா₄ம்யஹம் .
ஸம்ப₄வ꞉ ஸர்வபூ₄தாநாம் ததோ ப₄வதி பா₄ரத .. 14-3..

ஸர்வயோநிஷு கௌந்தேய மூர்தய꞉ ஸம்ப₄வந்தி யா꞉ .
தாஸாம் ப்₃ரஹ்ம மஹத்₃யோநிரஹம் பீ₃ஜப்ரத₃꞉ பிதா .. 14-4..

ஸத்த்வம் ரஜஸ்தம இதி கு₃ணா꞉ ப்ரக்ருதிஸம்ப₄வா꞉ .
நிப₃த்₄நந்தி மஹாபா₃ஹோ தே₃ஹே தே₃ஹிநமவ்யயம் .. 14-5..

தத்ர ஸத்த்வம் நிர்மலத்வாத்ப்ரகாஶகமநாமயம் .
ஸுக₂ஸங்கே₃ந ப₃த்₄நாதி ஜ்ஞாநஸங்கே₃ந சாநக₄ .. 14-6..

ரஜோ ராகா₃த்மகம் வித்₃தி₄ த்ருஷ்ணாஸங்க₃ஸமுத்₃ப₄வம் .
தந்நிப₃த்₄நாதி கௌந்தேய கர்மஸங்கே₃ந தே₃ஹிநம் .. 14-7..

தமஸ்த்வஜ்ஞாநஜம் வித்₃தி₄ மோஹநம் ஸர்வதே₃ஹிநாம் .
ப்ரமாதா₃லஸ்யநித்₃ராபி₄ஸ்தந்நிப₃த்₄நாதி பா₄ரத .. 14-8..

ஸத்த்வம் ஸுகே₂ ஸஞ்ஜயதி ரஜ꞉ கர்மணி பா₄ரத .
ஜ்ஞாநமாவ்ருத்ய து தம꞉ ப்ரமாதே₃ ஸஞ்ஜயத்யுத .. 14-9..

ரஜஸ்தமஶ்சாபி₄பூ₄ய ஸத்த்வம் ப₄வதி பா₄ரத .
ரஜ꞉ ஸத்த்வம் தமஶ்சைவ தம꞉ ஸத்த்வம் ரஜஸ்ததா₂ .. 14-10..

ஸர்வத்₃வாரேஷு தே₃ஹே(அ)ஸ்மிந்ப்ரகாஶ உபஜாயதே .
ஜ்ஞாநம் யதா₃ ததா₃ வித்₃யாத்₃விவ்ருத்₃த₄ம் ஸத்த்வமித்யுத .. 14-11..

லோப₄꞉ ப்ரவ்ருத்திராரம்ப₄꞉ கர்மணாமஶம꞉ ஸ்ப்ருஹா .
ரஜஸ்யேதாநி ஜாயந்தே விவ்ருத்₃தே₄ ப₄ரதர்ஷப₄ .. 14-12..

அப்ரகாஶோ(அ)ப்ரவ்ருத்திஶ்ச ப்ரமாதோ₃ மோஹ ஏவ ச .
தமஸ்யேதாநி ஜாயந்தே விவ்ருத்₃தே₄ குருநந்த₃ந .. 14-13..

யதா₃ ஸத்த்வே ப்ரவ்ருத்₃தே₄ து ப்ரலயம் யாதி தே₃ஹப்₄ருத் .
ததோ₃த்தமவிதா₃ம் லோகாநமலாந்ப்ரதிபத்₃யதே .. 14-14..

ரஜஸி ப்ரலயம் க₃த்வா கர்மஸங்கி₃ஷு ஜாயதே .
ததா₂ ப்ரலீநஸ்தமஸி மூட₄யோநிஷு ஜாயதே .. 14-15..

கர்மண꞉ ஸுக்ருதஸ்யாஹு꞉ ஸாத்த்விகம் நிர்மலம் ப₂லம் .
ரஜஸஸ்து ப₂லம் து₃꞉க₂மஜ்ஞாநம் தமஸ꞉ ப₂லம் .. 14-16..

ஸத்த்வாத்ஸஞ்ஜாயதே ஜ்ஞாநம் ரஜஸோ லோப₄ ஏவ ச .
ப்ரமாத₃மோஹௌ தமஸோ ப₄வதோ(அ)ஜ்ஞாநமேவ ச .. 14-17..

ஊர்த்₄வம் க₃ச்ச₂ந்தி ஸத்த்வஸ்தா₂ மத்₄யே திஷ்ட₂ந்தி ராஜஸா꞉ .
ஜக₄ந்யகு₃ணவ்ருத்திஸ்தா₂ அதோ₄ க₃ச்ச₂ந்தி தாமஸா꞉ .. 14-18..

நாந்யம் கு₃ணேப்₄ய꞉ கர்தாரம் யதா₃ த்₃ரஷ்டாநுபஶ்யதி .
கு₃ணேப்₄யஶ்ச பரம் வேத்தி மத்₃பா₄வம் ஸோ(அ)தி₄க₃ச்ச₂தி .. 14-19..

கு₃ணாநேதாநதீத்ய த்ரீந்தே₃ஹீ தே₃ஹஸமுத்₃ப₄வாந் .
ஜந்மம்ருத்யுஜராது₃꞉கை₂ர்விமுக்தோ(அ)ம்ருதமஶ்நுதே .. 14-20..

அர்ஜுந உவாச .
கைர்லிங்கை₃ஸ்த்ரீந்கு₃ணாநேதாநதீதோ ப₄வதி ப்ரபோ₄ .
கிமாசார꞉ கத₂ம் சைதாம்ஸ்த்ரீந்கு₃ணாநதிவர்ததே .. 14-21..

ஶ்ரீப₄க₃வாநுவாச .
ப்ரகாஶம் ச ப்ரவ்ருத்திம் ச மோஹமேவ ச பாண்ட₃வ .
ந த்₃வேஷ்டி ஸம்ப்ரவ்ருத்தாநி ந நிவ்ருத்தாநி காங்க்ஷதி .. 14-22..

உதா₃ஸீநவதா₃ஸீநோ கு₃ணைர்யோ ந விசால்யதே .
கு₃ணா வர்தந்த இத்யேவம் யோ(அ)வதிஷ்ட₂தி நேங்க₃தே .. 14-23..

ஸமது₃꞉க₂ஸுக₂꞉ ஸ்வஸ்த₂꞉ ஸமலோஷ்டாஶ்மகாஞ்சந꞉ .
துல்யப்ரியாப்ரியோ தீ₄ரஸ்துல்யநிந்தா₃த்மஸம்ஸ்துதி꞉ .. 14-24..

மாநாபமாநயோஸ்துல்யஸ்துல்யோ மித்ராரிபக்ஷயோ꞉ .
ஸர்வாரம்ப₄பரித்யாகீ₃ கு₃ணாதீத꞉ ஸ உச்யதே .. 14-25..

மாம் ச யோ(அ)வ்யபி₄சாரேண ப₄க்தியோகே₃ந ஸேவதே .
ஸ கு₃ணாந்ஸமதீத்யைதாந்ப்₃ரஹ்மபூ₄யாய கல்பதே .. 14-26..

ப்₃ரஹ்மணோ ஹி ப்ரதிஷ்டா₂ஹமம்ருதஸ்யாவ்யயஸ்ய ச .
ஶாஶ்வதஸ்ய ச த₄ர்மஸ்ய ஸுக₂ஸ்யைகாந்திகஸ்ய ச .. 14-27..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
கு₃ணத்ரயவிபா₄க₃யோகோ₃ நாம சதுர்த₃ஶோ(அ)த்₄யாய꞉ .. 14..

அத₂ பஞ்சத₃ஶோ(அ)த்₄யாய꞉
புருஷோத்தமயோக₃꞉
ஶ்ரீப₄க₃வாநுவாச .
ஊர்த்₄வமூலமத₄꞉ஶாக₂மஶ்வத்த₂ம் ப்ராஹுரவ்யயம் .
ச₂ந்தா₃ம்ஸி யஸ்ய பர்ணாநி யஸ்தம் வேத₃ ஸ வேத₃வித் .. 15-1..

அத₄ஶ்சோர்த்₄வம் ப்ரஸ்ருதாஸ்தஸ்ய ஶாகா₂
கு₃ணப்ரவ்ருத்₃தா₄ விஷயப்ரவாலா꞉ .
அத₄ஶ்ச மூலாந்யநுஸந்ததாநி
கர்மாநுப₃ந்தீ₄நி மநுஷ்யலோகே .. 15-2..

ந ரூபமஸ்யேஹ ததோ₂பலப்₄யதே
நாந்தோ ந சாதி₃ர்ந ச ஸம்ப்ரதிஷ்டா₂ .
அஶ்வத்த₂மேநம் ஸுவிரூட₄மூலம்
அஸங்க₃ஶஸ்த்ரேண த்₃ருடே₄ந சி₂த்த்வா .. 15-3..

தத꞉ பத₃ம் தத்பரிமார்கி₃தவ்யம்
யஸ்மிந்க₃தா ந நிவர்தந்தி பூ₄ய꞉ .
தமேவ சாத்₃யம் புருஷம் ப்ரபத்₃யே .
யத꞉ ப்ரவ்ருத்தி꞉ ப்ரஸ்ருதா புராணீ .. 15-4..

நிர்மாநமோஹா ஜிதஸங்க₃தோ₃ஷா
அத்₄யாத்மநித்யா விநிவ்ருத்தகாமா꞉ .
த்₃வந்த்₃வைர்விமுக்தா꞉ ஸுக₂து₃꞉க₂ஸம்ஜ்ஞை-
ர்க₃ச்ச₂ந்த்யமூடா₄꞉ பத₃மவ்யயம் தத் .. 15-5..

ந தத்₃பா₄ஸயதே ஸூர்யோ ந ஶஶாங்கோ ந பாவக꞉ .
யத்₃க₃த்வா ந நிவர்தந்தே தத்₃தா₄ம பரமம் மம .. 15-6..

மமைவாம்ஶோ ஜீவலோகே ஜீவபூ₄த꞉ ஸநாதந꞉ .
மந꞉ஷஷ்டா₂நீந்த்₃ரியாணி ப்ரக்ருதிஸ்தா₂நி கர்ஷதி .. 15-7..

ஶரீரம் யத₃வாப்நோதி யச்சாப்யுத்க்ராமதீஶ்வர꞉ .
க்₃ருஹீத்வைதாநி ஸம்யாதி வாயுர்க₃ந்தா₄நிவாஶயாத் .. 15-8..

ஶ்ரோத்ரம் சக்ஷு꞉ ஸ்பர்ஶநம் ச ரஸநம் க்₄ராணமேவ ச .
அதி₄ஷ்டா₂ய மநஶ்சாயம் விஷயாநுபஸேவதே .. 15-9..

உத்க்ராமந்தம் ஸ்தி₂தம் வாபி பு₄ஞ்ஜாநம் வா கு₃ணாந்விதம் .
விமூடா₄ நாநுபஶ்யந்தி பஶ்யந்தி ஜ்ஞாநசக்ஷுஷ꞉ .. 15-10..

யதந்தோ யோகி₃நஶ்சைநம் பஶ்யந்த்யாத்மந்யவஸ்தி₂தம் .
யதந்தோ(அ)ப்யக்ருதாத்மாநோ நைநம் பஶ்யந்த்யசேதஸ꞉ .. 15-11..

யதா₃தி₃த்யக₃தம் தேஜோ ஜக₃த்₃பா₄ஸயதே(அ)கி₂லம் .
யச்சந்த்₃ரமஸி யச்சாக்₃நௌ தத்தேஜோ வித்₃தி₄ மாமகம் .. 15-12..

கா₃மாவிஶ்ய ச பூ₄தாநி தா₄ரயாம்யஹமோஜஸா .
புஷ்ணாமி சௌஷதீ₄꞉ ஸர்வா꞉ ஸோமோ பூ₄த்வா ரஸாத்மக꞉ .. 15-13..

அஹம் வைஶ்வாநரோ பூ₄த்வா ப்ராணிநாம் தே₃ஹமாஶ்ரித꞉ .
ப்ராணாபாநஸமாயுக்த꞉ பசாம்யந்நம் சதுர்வித₄ம் .. 15-14..

ஸர்வஸ்ய சாஹம் ஹ்ருதி₃ ஸந்நிவிஷ்டோ
மத்த꞉ ஸ்ம்ருதிர்ஜ்ஞாநமபோஹநஞ்ச .
வேதை₃ஶ்ச ஸர்வைரஹமேவ வேத்₃யோ
வேதா₃ந்தக்ருத்₃வேத₃விதே₃வ சாஹம் .. 15-15..

த்₃வாவிமௌ புருஷௌ லோகே க்ஷரஶ்சாக்ஷர ஏவ ச .
க்ஷர꞉ ஸர்வாணி பூ₄தாநி கூடஸ்தோ₂(அ)க்ஷர உச்யதே .. 15-16..

உத்தம꞉ புருஷஸ்த்வந்ய꞉ பரமாத்மேத்யுதா₃ஹ்ருத꞉ .
யோ லோகத்ரயமாவிஶ்ய பி₃ப₄ர்த்யவ்யய ஈஶ்வர꞉ .. 15-17..

யஸ்மாத்க்ஷரமதீதோ(அ)ஹமக்ஷராத₃பி சோத்தம꞉ .
அதோ(அ)ஸ்மி லோகே வேதே₃ ச ப்ரதி₂த꞉ புருஷோத்தம꞉ .. 15-18..

யோ மாமேவமஸம்மூடோ₄ ஜாநாதி புருஷோத்தமம் .
ஸ ஸர்வவித்₃ப₄ஜதி மாம் ஸர்வபா₄வேந பா₄ரத .. 15-19..

இதி கு₃ஹ்யதமம் ஶாஸ்த்ரமித₃முக்தம் மயாநக₄ .
ஏதத்₃பு₃த்₃த்₄வா பு₃த்₃தி₄மாந்ஸ்யாத்க்ருதக்ருத்யஶ்ச பா₄ரத .. 15-20..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுந ஸம்வாதே₃
புருஷோத்தமயோகோ₃ நாம பஞ்சத₃ஶோ(அ)த்₄யாய꞉ .. 15..

அத₂ ஷோட₃ஶோ(அ)த்₄யாய꞉ . தை₃வாஸுரஸம்பத்₃விபா₄க₃யோக₃꞉
ஶ்ரீப₄க₃வாநுவாச .
அப₄யம் ஸத்த்வஸம்ஶுத்₃தி₄ர்ஜ்ஞாநயோக₃வ்யவஸ்தி₂தி꞉ .
தா₃நம் த₃மஶ்ச யஜ்ஞஶ்ச ஸ்வாத்₄யாயஸ்தப ஆர்ஜவம் .. 16-1..

அஹிம்ஸா ஸத்யமக்ரோத₄ஸ்த்யாக₃꞉ ஶாந்திரபைஶுநம் .
த₃யா பூ₄தேஷ்வலோலுப்த்வம் மார்த₃வம் ஹ்ரீரசாபலம் .. 16-2..

தேஜ꞉ க்ஷமா த்₄ருதி꞉ ஶௌசமத்₃ரோஹோ நாதிமாநிதா .
ப₄வந்தி ஸம்பத₃ம் தை₃வீமபி₄ஜாதஸ்ய பா₄ரத .. 16-3..

த₃ம்போ₄ த₃ர்போ(அ)பி₄மாநஶ்ச க்ரோத₄꞉ பாருஷ்யமேவ ச .
அஜ்ஞாநம் சாபி₄ஜாதஸ்ய பார்த₂ ஸம்பத₃மாஸுரீம் .. 16-4..

தை₃வீ ஸம்பத்₃விமோக்ஷாய நிப₃ந்தா₄யாஸுரீ மதா .
மா ஶுச꞉ ஸம்பத₃ம் தை₃வீமபி₄ஜாதோ(அ)ஸி பாண்ட₃வ .. 16-5..

த்₃வௌ பூ₄தஸர்கௌ₃ லோகே(அ)ஸ்மிந்தை₃வ ஆஸுர ஏவ ச .
தை₃வோ விஸ்தரஶ꞉ ப்ரோக்த ஆஸுரம் பார்த₂ மே ஶ்ருணு .. 16-6..

ப்ரவ்ருத்திம் ச நிவ்ருத்திம் ச ஜநா ந விது₃ராஸுரா꞉ .
ந ஶௌசம் நாபி சாசாரோ ந ஸத்யம் தேஷு வித்₃யதே .. 16-7..

அஸத்யமப்ரதிஷ்ட₂ம் தே ஜக₃தா₃ஹுரநீஶ்வரம் .
அபரஸ்பரஸம்பூ₄தம் கிமந்யத்காமஹைதுகம் .. 16-8..

ஏதாம் த்₃ருஷ்டிமவஷ்டப்₄ய நஷ்டாத்மாநோ(அ)ல்பபு₃த்₃த₄ய꞉ .
ப்ரப₄வந்த்யுக்₃ரகர்மாண꞉ க்ஷயாய ஜக₃தோ(அ)ஹிதா꞉ .. 16-9..

காமமாஶ்ரித்ய து₃ஷ்பூரம் த₃ம்ப₄மாநமதா₃ந்விதா꞉ .
மோஹாத்₃க்₃ருஹீத்வாஸத்₃க்₃ராஹாந்ப்ரவர்தந்தே(அ)ஶுசிவ்ரதா꞉ .. 16-10..

சிந்தாமபரிமேயாம் ச ப்ரலயாந்தாமுபாஶ்ரிதா꞉ .
காமோபபோ₄க₃பரமா ஏதாவதி₃தி நிஶ்சிதா꞉ .. 16-11..

ஆஶாபாஶஶதைர்ப₃த்₃தா₄꞉ காமக்ரோத₄பராயணா꞉ .
ஈஹந்தே காமபோ₄கா₃ர்த₂மந்யாயேநார்த₂ஸஞ்சயாந் .. 16-12..

இத₃மத்₃ய மயா லப்₃த₄மிமம் ப்ராப்ஸ்யே மநோரத₂ம் .
இத₃மஸ்தீத₃மபி மே ப₄விஷ்யதி புநர்த₄நம் .. 16-13..

அஸௌ மயா ஹத꞉ ஶத்ருர்ஹநிஷ்யே சாபராநபி .
ஈஶ்வரோ(அ)ஹமஹம் போ₄கீ₃ ஸித்₃தோ₄(அ)ஹம் ப₃லவாந்ஸுகீ₂ .. 16-14..

ஆட்₄யோ(அ)பி₄ஜநவாநஸ்மி கோ(அ)ந்யோ(அ)ஸ்தி ஸத்₃ருஶோ மயா .
யக்ஷ்யே தா₃ஸ்யாமி மோதி₃ஷ்ய இத்யஜ்ஞாநவிமோஹிதா꞉ .. 16-15..

அநேகசித்தவிப்₄ராந்தா மோஹஜாலஸமாவ்ருதா꞉ .
ப்ரஸக்தா꞉ காமபோ₄கே₃ஷு பதந்தி நரகே(அ)ஶுசௌ .. 16-16..

ஆத்மஸம்பா₄விதா꞉ ஸ்தப்₃தா₄ த₄நமாநமதா₃ந்விதா꞉ .
யஜந்தே நாமயஜ்ஞைஸ்தே த₃ம்பே₄நாவிதி₄பூர்வகம் .. 16-17..

அஹங்காரம் ப₃லம் த₃ர்பம் காமம் க்ரோத₄ம் ச ஸம்ஶ்ரிதா꞉ .
மாமாத்மபரதே₃ஹேஷு ப்ரத்₃விஷந்தோ(அ)ப்₄யஸூயகா꞉ .. 16-18..

தாநஹம் த்₃விஷத꞉ க்ரூராந்ஸம்ஸாரேஷு நராத₄மாந் .
க்ஷிபாம்யஜஸ்ரமஶுபா₄நாஸுரீஷ்வேவ யோநிஷு .. 16-19..

ஆஸுரீம் யோநிமாபந்நா மூடா₄ ஜந்மநி ஜந்மநி .
மாமப்ராப்யைவ கௌந்தேய ததோ யாந்த்யத₄மாம் க₃திம் .. 16-20..

த்ரிவித₄ம் நரகஸ்யேத₃ம் த்₃வாரம் நாஶநமாத்மந꞉ .
காம꞉ க்ரோத₄ஸ்ததா₂ லோப₄ஸ்தஸ்மாதே₃தத்த்ரயம் த்யஜேத் .. 16-21..

ஏதைர்விமுக்த꞉ கௌந்தேய தமோத்₃வாரைஸ்த்ரிபி₄ர்நர꞉ .
ஆசரத்யாத்மந꞉ ஶ்ரேயஸ்ததோ யாதி பராம் க₃திம் .. 16-22..

ய꞉ ஶாஸ்த்ரவிதி₄முத்ஸ்ருஜ்ய வர்ததே காமகாரத꞉ .
ந ஸ ஸித்₃தி₄மவாப்நோதி ந ஸுக₂ம் ந பராம் க₃திம் .. 16-23..

தஸ்மாச்சா₂ஸ்த்ரம் ப்ரமாணம் தே கார்யாகார்யவ்யவஸ்தி₂தௌ .
ஜ்ஞாத்வா ஶாஸ்த்ரவிதா₄நோக்தம் கர்ம கர்துமிஹார்ஹஸி .. 16-24..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
தை₃வாஸுரஸம்பத்₃விபா₄க₃யோகோ₃ நாம ஷோட₃ஶோ(அ)த்₄யாய꞉ .. 16..

அத₂ ஸப்தத₃ஶோ(அ)த்₄யாய꞉
ஶ்ரத்₃தா₄த்ரயவிபா₄க₃யோக₃꞉
அர்ஜுந உவாச .
யே ஶாஸ்த்ரவிதி₄முத்ஸ்ருஜ்ய யஜந்தே ஶ்ரத்₃த₄யாந்விதா꞉ .
தேஷாம் நிஷ்டா₂ து கா க்ருஷ்ண ஸத்த்வமாஹோ ரஜஸ்தம꞉ .. 17-1..

ஶ்ரீப₄க₃வாநுவாச .
த்ரிவிதா₄ ப₄வதி ஶ்ரத்₃தா₄ தே₃ஹிநாம் ஸா ஸ்வபா₄வஜா .
ஸாத்த்விகீ ராஜஸீ சைவ தாமஸீ சேதி தாம் ஶ்ருணு .. 17-2..

ஸத்த்வாநுரூபா ஸர்வஸ்ய ஶ்ரத்₃தா₄ ப₄வதி பா₄ரத .
ஶ்ரத்₃தா₄மயோ(அ)யம் புருஷோ யோ யச்ச்₂ரத்₃த₄꞉ ஸ ஏவ ஸ꞉ .. 17-3..

யஜந்தே ஸாத்த்விகா தே₃வாந்யக்ஷரக்ஷாம்ஸி ராஜஸா꞉ .
ப்ரேதாந்பூ₄தக₃ணாம்ஶ்சாந்யே யஜந்தே தாமஸா ஜநா꞉ .. 17-4..

அஶாஸ்த்ரவிஹிதம் கோ₄ரம் தப்யந்தே யே தபோ ஜநா꞉ .
த₃ம்பா₄ஹங்காரஸம்யுக்தா꞉ காமராக₃ப₃லாந்விதா꞉ .. 17-5..

கர்ஷயந்த꞉ ஶரீரஸ்த₂ம் பூ₄தக்₃ராமமசேதஸ꞉ .
மாம் சைவாந்த꞉ஶரீரஸ்த₂ம் தாந்வித்₃த்₄யாஸுரநிஶ்சயாந் .. 17-6..

ஆஹாரஸ்த்வபி ஸர்வஸ்ய த்ரிவிதோ₄ ப₄வதி ப்ரிய꞉ .
யஜ்ஞஸ்தபஸ்ததா₂ தா₃நம் தேஷாம் பே₄த₃மிமம் ஶ்ருணு .. 17-7..

ஆயு꞉ஸத்த்வப₃லாரோக்₃யஸுக₂ப்ரீதிவிவர்த₄நா꞉ .
ரஸ்யா꞉ ஸ்நிக்₃தா₄꞉ ஸ்தி₂ரா ஹ்ருத்₃யா ஆஹாரா꞉ ஸாத்த்விகப்ரியா꞉ .. 17-8..

கட்வம்லலவணாத்யுஷ்ணதீக்ஷ்ணரூக்ஷவிதா₃ஹிந꞉ .
ஆஹாரா ராஜஸஸ்யேஷ்டா து₃꞉க₂ஶோகாமயப்ரதா₃꞉ .. 17-9..

யாதயாமம் க₃தரஸம் பூதி பர்யுஷிதம் ச யத் .
உச்சி₂ஷ்டமபி சாமேத்₄யம் போ₄ஜநம் தாமஸப்ரியம் .. 17-10..

அப₂லாகாங்க்ஷிபி₄ர்யஜ்ஞோ விதி₄த்₃ருஷ்டோ ய இஜ்யதே .
யஷ்டவ்யமேவேதி மந꞉ ஸமாதா₄ய ஸ ஸாத்த்விக꞉ .. 17-11..

அபி₄ஸந்தா₄ய து ப₂லம் த₃ம்பா₄ர்த₂மபி சைவ யத் .
இஜ்யதே ப₄ரதஶ்ரேஷ்ட₂ தம் யஜ்ஞம் வித்₃தி₄ ராஜஸம் .. 17-12..

விதி₄ஹீநமஸ்ருஷ்டாந்நம் மந்த்ரஹீநமத₃க்ஷிணம் .
ஶ்ரத்₃தா₄விரஹிதம் யஜ்ஞம் தாமஸம் பரிசக்ஷதே .. 17-13..

தே₃வத்₃விஜகு₃ருப்ராஜ்ஞபூஜநம் ஶௌசமார்ஜவம் .
ப்₃ரஹ்மசர்யமஹிம்ஸா ச ஶாரீரம் தப உச்யதே .. 17-14..

அநுத்₃வேக₃கரம் வாக்யம் ஸத்யம் ப்ரியஹிதம் ச யத் .
ஸ்வாத்₄யாயாப்₄யஸநம் சைவ வாங்மயம் தப உச்யதே .. 17-15..

மந꞉ ப்ரஸாத₃꞉ ஸௌம்யத்வம் மௌநமாத்மவிநிக்₃ரஹ꞉ .
பா₄வஸம்ஶுத்₃தி₄ரித்யேதத்தபோ மாநஸமுச்யதே .. 17-16..

ஶ்ரத்₃த₄யா பரயா தப்தம் தபஸ்தத்த்ரிவித₄ம் நரை꞉ .
அப₂லாகாங்க்ஷிபி₄ர்யுக்தை꞉ ஸாத்த்விகம் பரிசக்ஷதே .. 17-17..

ஸத்காரமாநபூஜார்த₂ம் தபோ த₃ம்பே₄ந சைவ யத் .
க்ரியதே ததி₃ஹ ப்ரோக்தம் ராஜஸம் சலமத்₄ருவம் .. 17-18..

மூட₄க்₃ராஹேணாத்மநோ யத்பீட₃யா க்ரியதே தப꞉ .
பரஸ்யோத்ஸாத₃நார்த₂ம் வா தத்தாமஸமுதா₃ஹ்ருதம் .. 17-19..

தா₃தவ்யமிதி யத்₃தா₃நம் தீ₃யதே(அ)நுபகாரிணே .
தே₃ஶே காலே ச பாத்ரே ச தத்₃தா₃நம் ஸாத்த்விகம் ஸ்ம்ருதம் .. 17-20..

யத்து ப்ரத்யுபகாரார்த₂ம் ப₂லமுத்₃தி₃ஶ்ய வா புந꞉ .
தீ₃யதே ச பரிக்லிஷ்டம் தத்₃தா₃நம் ராஜஸம் ஸ்ம்ருதம் .. 17-21..

அதே₃ஶகாலே யத்₃தா₃நமபாத்ரேப்₄யஶ்ச தீ₃யதே .
அஸத்க்ருதமவஜ்ஞாதம் தத்தாமஸமுதா₃ஹ்ருதம் .. 17-22..

ௐதத்ஸதி₃தி நிர்தே₃ஶோ ப்₃ரஹ்மணஸ்த்ரிவித₄꞉ ஸ்ம்ருத꞉ .
ப்₃ராஹ்மணாஸ்தேந வேதா₃ஶ்ச யஜ்ஞாஶ்ச விஹிதா꞉ புரா .. 17-23..

தஸ்மாதோ₃மித்யுதா₃ஹ்ருத்ய யஜ்ஞதா₃நதப꞉க்ரியா꞉ .
ப்ரவர்தந்தே விதா₄நோக்தா꞉ ஸததம் ப்₃ரஹ்மவாதி₃நாம் .. 17-24..

ததி₃த்யநபி₄ஸந்தா₄ய ப₂லம் யஜ்ஞதப꞉க்ரியா꞉ .
தா₃நக்ரியாஶ்ச விவிதா₄꞉ க்ரியந்தே மோக்ஷகாங்க்ஷிபி₄꞉ .. 17-25..

ஸத்₃பா₄வே ஸாது₄பா₄வே ச ஸதி₃த்யேதத்ப்ரயுஜ்யதே .
ப்ரஶஸ்தே கர்மணி ததா₂ ஸச்ச₂ப்₃த₃꞉ பார்த₂ யுஜ்யதே .. 17-26..

யஜ்ஞே தபஸி தா₃நே ச ஸ்தி₂தி꞉ ஸதி₃தி சோச்யதே .
கர்ம சைவ தத₃ர்தீ₂யம் ஸதி₃த்யேவாபி₄தீ₄யதே .. 17-27..

அஶ்ரத்₃த₄யா ஹுதம் த₃த்தம் தபஸ்தப்தம் க்ருதம் ச யத் .
அஸதி₃த்யுச்யதே பார்த₂ ந ச தத்ப்ரேத்ய நோ இஹ .. 17-28..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
ஶ்ரத்₃தா₄த்ரயவிபா₄க₃யோகோ₃ நாம ஸப்தத₃ஶோ(அ)த்₄யாய꞉ .. 17..

அதா₂ஷ்டாத₃ஶோ(அ)த்₄யாய꞉ . மோக்ஷஸம்ந்யாஸயோக₃꞉
அர்ஜுந உவாச .
ஸம்ந்யாஸஸ்ய மஹாபா₃ஹோ தத்த்வமிச்சா₂மி வேதி₃தும் .
த்யாக₃ஸ்ய ச ஹ்ருஷீகேஶ ப்ருத₂க்கேஶிநிஷூத₃ந .. 18-1..

ஶ்ரீப₄க₃வாநுவாச .
காம்யாநாம் கர்மணாம் ந்யாஸம் ஸம்ந்யாஸம் கவயோ விது₃꞉ .
ஸர்வகர்மப₂லத்யாக₃ம் ப்ராஹுஸ்த்யாக₃ம் விசக்ஷணா꞉ .. 18-2..

த்யாஜ்யம் தோ₃ஷவதி₃த்யேகே கர்ம ப்ராஹுர்மநீஷிண꞉ .
யஜ்ஞதா₃நதப꞉கர்ம ந த்யாஜ்யமிதி சாபரே .. 18-3..

நிஶ்சயம் ஶ்ருணு மே தத்ர த்யாகே₃ ப₄ரதஸத்தம .
த்யாகோ₃ ஹி புருஷவ்யாக்₄ர த்ரிவித₄꞉ ஸம்ப்ரகீர்தித꞉ .. 18-4..

யஜ்ஞதா₃நதப꞉கர்ம ந த்யாஜ்யம் கார்யமேவ தத் .
யஜ்ஞோ தா₃நம் தபஶ்சைவ பாவநாநி மநீஷிணாம் .. 18-5..

ஏதாந்யபி து கர்மாணி ஸங்க₃ம் த்யக்த்வா ப₂லாநி ச .
கர்தவ்யாநீதி மே பார்த₂ நிஶ்சிதம் மதமுத்தமம் .. 18-6..

நியதஸ்ய து ஸம்ந்யாஸ꞉ கர்மணோ நோபபத்₃யதே .
மோஹாத்தஸ்ய பரித்யாக₃ஸ்தாமஸ꞉ பரிகீர்தித꞉ .. 18-7..

து₃꞉க₂மித்யேவ யத்கர்ம காயக்லேஶப₄யாத்த்யஜேத் .
ஸ க்ருத்வா ராஜஸம் த்யாக₃ம் நைவ த்யாக₃ப₂லம் லபே₄த் .. 18-8..

கார்யமித்யேவ யத்கர்ம நியதம் க்ரியதே(அ)ர்ஜுந .
ஸங்க₃ம் த்யக்த்வா ப₂லம் சைவ ஸ த்யாக₃꞉ ஸாத்த்விகோ மத꞉ .. 18-9..

ந த்₃வேஷ்ட்யகுஶலம் கர்ம குஶலே நாநுஷஜ்ஜதே .
த்யாகீ₃ ஸத்த்வஸமாவிஷ்டோ மேதா₄வீ சி₂ந்நஸம்ஶய꞉ .. 18-10..

ந ஹி தே₃ஹப்₄ருதா ஶக்யம் த்யக்தும் கர்மாண்யஶேஷத꞉ .
யஸ்து கர்மப₂லத்யாகீ₃ ஸ த்யாகீ₃த்யபி₄தீ₄யதே .. 18-11..

அநிஷ்டமிஷ்டம் மிஶ்ரம் ச த்ரிவித₄ம் கர்மண꞉ ப₂லம் .
ப₄வத்யத்யாகி₃நாம் ப்ரேத்ய ந து ஸம்ந்யாஸிநாம் க்வசித் .. 18-12..

பஞ்சைதாநி மஹாபா₃ஹோ காரணாநி நிபோ₃த₄ மே .
ஸாங்க்₂யே க்ருதாந்தே ப்ரோக்தாநி ஸித்₃த₄யே ஸர்வகர்மணாம் .. 18-13..

அதி₄ஷ்டா₂நம் ததா₂ கர்தா கரணம் ச ப்ருத₂க்₃வித₄ம் .
விவிதா₄ஶ்ச ப்ருத₂க்சேஷ்டா தை₃வம் சைவாத்ர பஞ்சமம் .. 18-14..

ஶரீரவாங்மநோபி₄ர்யத்கர்ம ப்ராரப₄தே நர꞉ .
ந்யாய்யம் வா விபரீதம் வா பஞ்சைதே தஸ்ய ஹேதவ꞉ .. 18-15..

தத்ரைவம் ஸதி கர்தாரமாத்மாநம் கேவலம் து ய꞉ .
பஶ்யத்யக்ருதபு₃த்₃தி₄த்வாந்ந ஸ பஶ்யதி து₃ர்மதி꞉ .. 18-16..

யஸ்ய நாஹங்க்ருதோ பா₄வோ பு₃த்₃தி₄ர்யஸ்ய ந லிப்யதே .
ஹத்வா(அ)பி ஸ இமாம்ல்லோகாந்ந ஹந்தி ந நிப₃த்₄யதே .. 18-17..

ஜ்ஞாநம் ஜ்ஞேயம் பரிஜ்ஞாதா த்ரிவிதா₄ கர்மசோத₃நா .
கரணம் கர்ம கர்தேதி த்ரிவித₄꞉ கர்மஸங்க்₃ரஹ꞉ .. 18-18..

ஜ்ஞாநம் கர்ம ச கர்தா ச த்ரிதை₄வ கு₃ணபே₄த₃த꞉ .
ப்ரோச்யதே கு₃ணஸங்க்₂யாநே யதா₂வச்ச்₂ருணு தாந்யபி .. 18-19..

ஸர்வபூ₄தேஷு யேநைகம் பா₄வமவ்யயமீக்ஷதே .
அவிப₄க்தம் விப₄க்தேஷு தஜ்ஜ்ஞாநம் வித்₃தி₄ ஸாத்த்விகம் .. 18-20..

ப்ருத₂க்த்வேந து யஜ்ஜ்ஞாநம் நாநாபா₄வாந்ப்ருத₂க்₃விதா₄ந் .
வேத்தி ஸர்வேஷு பூ₄தேஷு தஜ்ஜ்ஞாநம் வித்₃தி₄ ராஜஸம் .. 18-21..

யத்து க்ருத்ஸ்நவதே₃கஸ்மிந்கார்யே ஸக்தமஹைதுகம் .
அதத்த்வார்த₂வத₃ல்பம் ச தத்தாமஸமுதா₃ஹ்ருதம் .. 18-22..

நியதம் ஸங்க₃ரஹிதமராக₃த்₃வேஷத꞉ க்ருதம் .
அப₂லப்ரேப்ஸுநா கர்ம யத்தத்ஸாத்த்விகமுச்யதே .. 18-23..

யத்து காமேப்ஸுநா கர்ம ஸாஹங்காரேண வா புந꞉ .
க்ரியதே ப₃ஹுலாயாஸம் தத்₃ராஜஸமுதா₃ஹ்ருதம் .. 18-24..

அநுப₃ந்த₄ம் க்ஷயம் ஹிம்ஸாமநபேக்ஷ்ய ச பௌருஷம் .
மோஹாதா₃ரப்₄யதே கர்ம யத்தத்தாமஸமுச்யதே .. 18-25..

முக்தஸங்கோ₃(அ)நஹம்வாதீ₃ த்₄ருத்யுத்ஸாஹஸமந்வித꞉ .
ஸித்₃த்₄யஸித்₃த்₄யோர்நிர்விகார꞉ கர்தா ஸாத்த்விக உச்யதே .. 18-26..

ராகீ₃ கர்மப₂லப்ரேப்ஸுர்லுப்₃தோ₄ ஹிம்ஸாத்மகோ(அ)ஶுசி꞉ .
ஹர்ஷஶோகாந்வித꞉ கர்தா ராஜஸ꞉ பரிகீர்தித꞉ .. 18-27..

அயுக்த꞉ ப்ராக்ருத꞉ ஸ்தப்₃த₄꞉ ஶடோ₂ நைஷ்க்ருதிகோ(அ)லஸ꞉ .
விஷாதீ₃ தீ₃ர்க₄ஸூத்ரீ ச கர்தா தாமஸ உச்யதே .. 18-28..

பு₃த்₃தே₄ர்பே₄த₃ம் த்₄ருதேஶ்சைவ கு₃ணதஸ்த்ரிவித₄ம் ஶ்ருணு .
ப்ரோச்யமாநமஶேஷேண ப்ருத₂க்த்வேந த₄நஞ்ஜய .. 18-29..

ப்ரவ்ருத்திம் ச நிவ்ருத்திம் ச கார்யாகார்யே ப₄யாப₄யே .
ப₃ந்த₄ம் மோக்ஷம் ச யா வேத்தி பு₃த்₃தி₄꞉ ஸா பார்த₂ ஸாத்த்விகீ .. 18-30..

யயா த₄ர்மமத₄ர்மம் ச கார்யம் சாகார்யமேவ ச .
அயதா₂வத்ப்ரஜாநாதி பு₃த்₃தி₄꞉ ஸா பார்த₂ ராஜஸீ .. 18-31..

அத₄ர்மம் த₄ர்மமிதி யா மந்யதே தமஸாவ்ருதா .
ஸர்வார்தா₂ந்விபரீதாம்ஶ்ச பு₃த்₃தி₄꞉ ஸா பார்த₂ தாமஸீ .. 18-32..

த்₄ருத்யா யயா தா₄ரயதே மந꞉ப்ராணேந்த்₃ரியக்ரியா꞉ .
யோகே₃நாவ்யபி₄சாரிண்யா த்₄ருதி꞉ ஸா பார்த₂ ஸாத்த்விகீ .. 18-33..

யயா து த₄ர்மகாமார்தா₂ந்த்₄ருத்யா தா₄ரயதே(அ)ர்ஜுந .
ப்ரஸங்கே₃ந ப₂லாகாங்க்ஷீ த்₄ருதி꞉ ஸா பார்த₂ ராஜஸீ .. 18-34..

யயா ஸ்வப்நம் ப₄யம் ஶோகம் விஷாத₃ம் மத₃மேவ ச .
ந விமுஞ்சதி து₃ர்மேதா₄ த்₄ருதி꞉ ஸா பார்த₂ தாமஸீ .. 18-35..

ஸுக₂ம் த்விதா₃நீம் த்ரிவித₄ம் ஶ்ருணு மே ப₄ரதர்ஷப₄ .
அப்₄யாஸாத்₃ரமதே யத்ர து₃꞉கா₂ந்தம் ச நிக₃ச்ச₂தி .. 18-36..

யத்தத₃க்₃ரே விஷமிவ பரிணாமே(அ)ம்ருதோபமம் .
தத்ஸுக₂ம் ஸாத்த்விகம் ப்ரோக்தமாத்மபு₃த்₃தி₄ப்ரஸாத₃ஜம் .. 18-37..

விஷயேந்த்₃ரியஸம்யோகா₃த்₃யத்தத₃க்₃ரே(அ)ம்ருதோபமம் .
பரிணாமே விஷமிவ தத்ஸுக₂ம் ராஜஸம் ஸ்ம்ருதம் .. 18-38..

யத₃க்₃ரே சாநுப₃ந்தே₄ ச ஸுக₂ம் மோஹநமாத்மந꞉ .
நித்₃ராலஸ்யப்ரமாதோ₃த்த₂ம் தத்தாமஸமுதா₃ஹ்ருதம் .. 18-39..

ந தத₃ஸ்தி ப்ருதி₂வ்யாம் வா தி₃வி தே₃வேஷு வா புந꞉ .
ஸத்த்வம் ப்ரக்ருதிஜைர்முக்தம் யதே₃பி₄꞉ ஸ்யாத்த்ரிபி₄ர்கு₃ணை꞉ .. 18-40..

ப்₃ராஹ்மணக்ஷத்ரியவிஶாம் ஶூத்₃ராணாம் ச பரந்தப .
கர்மாணி ப்ரவிப₄க்தாநி ஸ்வபா₄வப்ரப₄வைர்கு₃ணை꞉ .. 18-41..

ஶமோ த₃மஸ்தப꞉ ஶௌசம் க்ஷாந்திரார்ஜவமேவ ச .
ஜ்ஞாநம் விஜ்ஞாநமாஸ்திக்யம் ப்₃ரஹ்மகர்ம ஸ்வபா₄வஜம் .. 18-42..

ஶௌர்யம் தேஜோ த்₄ருதிர்தா₃க்ஷ்யம் யுத்₃தே₄ சாப்யபலாயநம் .
தா₃நமீஶ்வரபா₄வஶ்ச க்ஷாத்ரம் கர்ம ஸ்வபா₄வஜம் .. 18-43..

க்ருஷிகௌ₃ரக்ஷ்யவாணிஜ்யம் வைஶ்யகர்ம ஸ்வபா₄வஜம் .
பரிசர்யாத்மகம் கர்ம ஶூத்₃ரஸ்யாபி ஸ்வபா₄வஜம் .. 18-44..

ஸ்வே ஸ்வே கர்மண்யபி₄ரத꞉ ஸம்ஸித்₃தி₄ம் லப₄தே நர꞉ .
ஸ்வகர்மநிரத꞉ ஸித்₃தி₄ம் யதா₂ விந்த₃தி தச்ச்₂ருணு .. 18-45..

யத꞉ ப்ரவ்ருத்திர்பூ₄தாநாம் யேந ஸர்வமித₃ம் ததம் .
ஸ்வகர்மணா தமப்₄யர்ச்ய ஸித்₃தி₄ம் விந்த₃தி மாநவ꞉ .. 18-46..

ஶ்ரேயாந்ஸ்வத₄ர்மோ விகு₃ண꞉ பரத₄ர்மாத்ஸ்வநுஷ்டி₂தாத் .
ஸ்வபா₄வநியதம் கர்ம குர்வந்நாப்நோதி கில்பி₃ஷம் .. 18-47..

ஸஹஜம் கர்ம கௌந்தேய ஸதோ₃ஷமபி ந த்யஜேத் .
ஸர்வாரம்பா₄ ஹி தோ₃ஷேண தூ₄மேநாக்₃நிரிவாவ்ருதா꞉ .. 18-48..

அஸக்தபு₃த்₃தி₄꞉ ஸர்வத்ர ஜிதாத்மா விக₃தஸ்ப்ருஹ꞉ .
நைஷ்கர்ம்யஸித்₃தி₄ம் பரமாம் ஸம்ந்யாஸேநாதி₄க₃ச்ச₂தி .. 18-49..

ஸித்₃தி₄ம் ப்ராப்தோ யதா₂ ப்₃ரஹ்ம ததா₂ப்நோதி நிபோ₃த₄ மே .
ஸமாஸேநைவ கௌந்தேய நிஷ்டா₂ ஜ்ஞாநஸ்ய யா பரா .. 18-50..

பு₃த்₃த்₄யா விஶுத்₃த₄யா யுக்தோ த்₄ருத்யாத்மாநம் நியம்ய ச .
ஶப்₃தா₃தீ₃ந்விஷயாம்ஸ்த்யக்த்வா ராக₃த்₃வேஷௌ வ்யுத₃ஸ்ய ச .. 18-51..

விவிக்தஸேவீ லக்₄வாஶீ யதவாக்காயமாநஸ꞉ .
த்₄யாநயோக₃பரோ நித்யம் வைராக்₃யம் ஸமுபாஶ்ரித꞉ .. 18-52..

அஹங்காரம் ப₃லம் த₃ர்பம் காமம் க்ரோத₄ம் பரிக்₃ரஹம் .
விமுச்ய நிர்மம꞉ ஶாந்தோ ப்₃ரஹ்மபூ₄யாய கல்பதே .. 18-53..

ப்₃ரஹ்மபூ₄த꞉ ப்ரஸந்நாத்மா ந ஶோசதி ந காங்க்ஷதி .
ஸம꞉ ஸர்வேஷு பூ₄தேஷு மத்₃ப₄க்திம் லப₄தே பராம் .. 18-54..

ப₄க்த்யா மாமபி₄ஜாநாதி யாவாந்யஶ்சாஸ்மி தத்த்வத꞉ .
ததோ மாம் தத்த்வதோ ஜ்ஞாத்வா விஶதே தத₃நந்தரம் .. 18-55..

ஸர்வகர்மாண்யபி ஸதா₃ குர்வாணோ மத்₃வ்யபாஶ்ரய꞉ .
மத்ப்ரஸாதா₃த₃வாப்நோதி ஶாஶ்வதம் பத₃மவ்யயம் .. 18-56..

சேதஸா ஸர்வகர்மாணி மயி ஸம்ந்யஸ்ய மத்பர꞉ .
பு₃த்₃தி₄யோக₃முபாஶ்ரித்ய மச்சித்த꞉ ஸததம் ப₄வ .. 18-57..

மச்சித்த꞉ ஸர்வது₃ர்கா₃ணி மத்ப்ரஸாதா₃த்தரிஷ்யஸி .
அத₂ சேத்த்வமஹங்காராந்ந ஶ்ரோஷ்யஸி விநங்க்ஷ்யஸி .. 18-58..

யத₃ஹங்காரமாஶ்ரித்ய ந யோத்ஸ்ய இதி மந்யஸே .
மித்₂யைஷ வ்யவஸாயஸ்தே ப்ரக்ருதிஸ்த்வாம் நியோக்ஷ்யதி .. 18-59..

ஸ்வபா₄வஜேந கௌந்தேய நிப₃த்₃த₄꞉ ஸ்வேந கர்மணா .
கர்தும் நேச்ச₂ஸி யந்மோஹாத்கரிஷ்யஸ்யவஶோ(அ)பி தத் .. 18-60..

ஈஶ்வர꞉ ஸர்வபூ₄தாநாம் ஹ்ருத்₃தே₃ஶே(அ)ர்ஜுந திஷ்ட₂தி .
ப்₄ராமயந்ஸர்வபூ₄தாநி யந்த்ராரூடா₄நி மாயயா .. 18-61..

தமேவ ஶரணம் க₃ச்ச₂ ஸர்வபா₄வேந பா₄ரத .
தத்ப்ரஸாதா₃த்பராம் ஶாந்திம் ஸ்தா₂நம் ப்ராப்ஸ்யஸி ஶாஶ்வதம் .. 18-62..

இதி தே ஜ்ஞாநமாக்₂யாதம் கு₃ஹ்யாத்₃கு₃ஹ்யதரம் மயா .
விம்ருஶ்யைதத₃ஶேஷேண யதே₂ச்ச₂ஸி ததா₂ குரு .. 18-63..

ஸர்வகு₃ஹ்யதமம் பூ₄ய꞉ ஶ்ருணு மே பரமம் வச꞉ .
இஷ்டோ(அ)ஸி மே த்₃ருட₄மிதி ததோ வக்ஷ்யாமி தே ஹிதம் .. 18-64..

மந்மநா ப₄வ மத்₃ப₄க்தோ மத்₃யாஜீ மாம் நமஸ்குரு .
மாமேவைஷ்யஸி ஸத்யம் தே ப்ரதிஜாநே ப்ரியோ(அ)ஸி மே .. 18-65..

ஸர்வத₄ர்மாந்பரித்யஜ்ய மாமேகம் ஶரணம் வ்ரஜ .
அஹம் த்வா ஸர்வபாபேப்₄யோ மோக்ஷயிஷ்யாமி மா ஶுச꞉ .. 18-66..

இத₃ம் தே நாதபஸ்காய நாப₄க்தாய கதா₃சந .
ந சாஶுஶ்ரூஷவே வாச்யம் ந ச மாம் யோ(அ)ப்₄யஸூயதி .. 18-67..

ய இத₃ம் பரமம் கு₃ஹ்யம் மத்₃ப₄க்தேஷ்வபி₄தா₄ஸ்யதி .
ப₄க்திம் மயி பராம் க்ருத்வா மாமேவைஷ்யத்யஸம்ஶய꞉ .. 18-68..

ந ச தஸ்மாந்மநுஷ்யேஷு கஶ்சிந்மே ப்ரியக்ருத்தம꞉ .
ப₄விதா ந ச மே தஸ்மாத₃ந்ய꞉ ப்ரியதரோ பு₄வி .. 18-69..

அத்₄யேஷ்யதே ச ய இமம் த₄ர்ம்யம் ஸம்வாத₃மாவயோ꞉ .
ஜ்ஞாநயஜ்ஞேந தேநாஹமிஷ்ட꞉ ஸ்யாமிதி மே மதி꞉ .. 18-70..

ஶ்ரத்₃தா₄வாநநஸூயஶ்ச ஶ்ருணுயாத₃பி யோ நர꞉ .
ஸோ(அ)பி முக்த꞉ ஶுபா₄ம்ல்லோகாந்ப்ராப்நுயாத்புண்யகர்மணாம் .. 18-71..

கச்சிதே₃தச்ச்₂ருதம் பார்த₂ த்வயைகாக்₃ரேண சேதஸா .
கச்சித₃ஜ்ஞாநஸம்மோஹ꞉ ப்ரநஷ்டஸ்தே த₄நஞ்ஜய .. 18-72..

அர்ஜுந உவாச .
நஷ்டோ மோஹ꞉ ஸ்ம்ருதிர்லப்₃தா₄ த்வத்ப்ரஸாதா₃ந்மயாச்யுத .
ஸ்தி₂தோ(அ)ஸ்மி க₃தஸந்தே₃ஹ꞉ கரிஷ்யே வசநம் தவ .. 18-73..

ஸஞ்ஜய உவாச .
இத்யஹம் வாஸுதே₃வஸ்ய பார்த₂ஸ்ய ச மஹாத்மந꞉ .
ஸம்வாத₃மிமமஶ்ரௌஷமத்₃பு₄தம் ரோமஹர்ஷணம் .. 18-74..

வ்யாஸப்ரஸாதா₃ச்ச்₂ருதவாநேதத்₃கு₃ஹ்யமஹம் பரம் .
யோக₃ம் யோகே₃ஶ்வராத்க்ருஷ்ணாத்ஸாக்ஷாத்கத₂யத꞉ ஸ்வயம் .. 18-75..

ராஜந்ஸம்ஸ்ம்ருத்ய ஸம்ஸ்ம்ருத்ய ஸம்வாத₃மிமமத்₃பு₄தம் .
கேஶவார்ஜுநயோ꞉ புண்யம் ஹ்ருஷ்யாமி ச முஹுர்முஹு꞉ .. 18-76..

தச்ச ஸம்ஸ்ம்ருத்ய ஸம்ஸ்ம்ருத்ய ரூபமத்யத்₃பு₄தம் ஹரே꞉ .
விஸ்மயோ மே மஹாந் ராஜந்ஹ்ருஷ்யாமி ச புந꞉ புந꞉ .. 18-77..

யத்ர யோகே₃ஶ்வர꞉ க்ருஷ்ணோ யத்ர பார்தோ₂ த₄நுர்த₄ர꞉ .
தத்ர ஶ்ரீர்விஜயோ பூ₄திர்த்₄ருவா நீதிர்மதிர்மம .. 18-78..

ௐ தத்ஸதி₃தி ஶ்ரீமத்₃ப₄க₃வத்₃கீ₃தாஸூபநிஷத்ஸு
ப்₃ரஹ்மவித்₃யாயாம் யோக₃ஶாஸ்த்ரே ஶ்ரீக்ருஷ்ணார்ஜுநஸம்வாதே₃
மோக்ஷஸம்ந்யாஸயோகோ₃ நாம அஷ்டாத₃ஶோ(அ)த்₄யாய꞉ .. 18..

ௐ
ஶாந்தாகாரம் பு₄ஜக₃ஶயநம் பத்₃மநாப₄ம் ஸுரேஶம் .
விஶ்வாதா₄ரம் க₃க₃நஸத்₃ருஶம் மேக₄வர்ணம் ஶுபா₄ங்க₃ம் .
லக்ஷ்மீகாந்தம் கமலநயநம் யோகி₃பி₄ர்த்₄யாநக₃ம்யம் .
வந்தே₃ விஷ்ணும் ப₄வப₄யஹரம் ஸர்வலோகைகநாத₂ம் ..