Stotraratnam

Shreemadyaamunaachaaryavirachitam
Svaadayanniha sarveshaam' trayyantaartham' sudurgraham .
Stotrayaamaasa yogeendrastam' vande yaamunaahvayam ..

Namo namo yaamunaaya yaamunaaya namo namah' .
Namo namo yaamunaaya yaamunaaya namo namah' ..

Namo yaamunapaadaabjarenubhih' paavitaatmane .
Viditaakhila vedyaaya gurave viditaatmane .. ..

Namo'chintyaadbhutaaklisht'a jnyaanavairaagyaraashaye .
Naathaaya munaye'gaadhabhagavadbhaktisindhave .. 1..

Tasmai namo madhujidanghrisarojatattva
Jnyaanaanuraagamahimaatishayaantaseemne .
Naathaaya naathamunaye'tra paratra chaapi
Nityam' yadeeyacharanau sharanam' madeeyam .. 2..

Bhooyo namo'parimitaachyutabhaktitattva-
Jnyaanaamri'taabdhiparivaahashubhairvachobhih' .
Loke'vateernaparamaarthasamagrabhakti-
Yogaaya naathamunaye yaminaam' varaaya .. 3..

Tattvena yashchidachideeshvaratatsvabhaava
Bhogaapavargatadupaayagateerudaarah' .
Sandarshayanniramameeta puraanaratnam'
Tasmai namo munivaraaya paraasharaaya .. 4..

Maataa pitaa yuvatayastanayaa vibhooti
Ssarvam' yadeva niyamena madanvayaanaam .
Aadyasya nah' kulapatervakulaabhiraamam'
Shreemattadanghriyugalam' pranamaami moordhnaa .. 5..

Yanmoordhni me shrutishirassu cha bhaati yasmi-
Nnasmanmanorathapathassakalassameti .
Stoshyaami nah' kuladhanam' kuladaivatam' ta-
Tpaadaaravindamaravindavilochanasya .. 6..

Tattvena yasya mahimaarnavasheekaraanu-
Shshakyo na maatumapi sharvapitaamahaadyaih' .
Kartum' tadeeyamahimastutimudyataaya
Mahyam' namo'stu kavaye nirapatrapaaya .. 7..

Yadvaa shramaavadhi yathaamati vaapyashakta-
Sstaumyevameva khalu te'pi sadaa stuvantah' .
Vedaashchaturmukhamukhaashcha mahaarnavaantah'
Ko majjatoranukulaachalayorvisheshah' .. 8..

Kinchaisha shaktyatishayena na te'nukampya-
Sstotaapi tu stutikri'tena parishramena .
Tatra shrumastu sulabho mama mandabuddhe-
Rityudyamo'yamuchito mama chaabjanetra .. 9..

Naavekshase yadi tato bhuvanaanyamooni
Naalam' prabho bhavitumeva kutah' pravri'ttih' .
Evam' nisargasuhri'di tvayi sarvajanto-
Ssvaaminvichitramidamaashritavatsalatvam .. 10..

Svaabhaavikaanavadhikaatishayeshitri'tvam'
Naaraayana tvayi na mri'shyati vaidikah' kah' .
Brahmaa shivashshatamakhah' paramasvaraad'i-
Tyete'pi yasya mahimaarnavaviprushaste .. 11..

Kashshreeshshriyah' paramasattvasamaashrayah' kah'
Kah' pund'areekanayanah' purushottamah' kah' .
Kasyaayutaayutashataikakalaam'shakaam'she
Vishvam' vichitrachidachitpravibhaagavri'ttam .. 12..

Vedaapahaaragurupaatakadaityapeed'aa-
Dyaapadvimochanamahisht'haphalapradaanaih' .
Ko'nyah' prajaapashupatee paripaati kasya
Paadodakena sa shivassvashirodhri'tena .. 13..

Kasyodare haravirinchimukhah' prapanchah'
Ko rakshateemamajanisht'a cha kasya naabheh' .
Kraantvaa nigeerya punarudgirati tvadanyah'
Kah' kena vaisha paravaaniti shakyashankah' .. 14..

Tvaam' sheelaroopacharitaih' paramaprakri'sht'a-
Sattvena saatvikatayaa prabalaishcha shaastraih' .
Prakhyaatadaivaparamaarthavidaam' mataishcha
Naivaasuraprakri'tayah' prabhavanti boddhum .. 15..

Ullanghitatrividhaseemasamaatishaayi-
Sambhaavanam' tava parivrad'himasvabhaavam .
Maayaabalena bhavataa'pi nigoohyamaanam'
Pashyanti kechidanisham' tvadananyabhaavaah' .. 16..

Yadand'amand'aantaragocharam' cha yadda-
Shottaraanyaavaranaani yaani cha .
Gunaah' pradhaanam' purushah' parampadam'
Paraatparam' brahma cha te vibhootayah' .. 17..

Vashee vadaanyo gunavaanri'jushshuchi-
Rmri'durdayaalurmadhurassthirassamah' .
Kri'tee kri'tajnyastvamasi svabhaavata-
Ssamastakalyaanagunaamri'todadhih' .. 18..

Uparyuparyabjabhuvo'pi poorushaa-
Nprakalpya te ye shatamityanukramaat .
Girastvadekaikagunaavadheepsayaa
Sadaasthitaa nodyamato'tisherate .. 19..

Tvadaashritaanaam' jagadudbhavasthiti-
Pranaashasam'saaravimochanaadayah' .
Bhavanti leelaavidhayashcha vaidikaa-
Stvadeeyagambheeramano'nusaarinah' .. 20..

Namo namo vaangmanasaatibhoomaye
Namo namo vaangmanasaikabhoomaye .
Namo namo'nantamahaavibhootaye
Namo namo'nantadayaikasindhave .. 21..

Na dharmanisht'ho'smi na chaatmavedee
Na bhaktimaam'stvachcharanaaravinde .
Akinchano'nanyagatishsharanyah'
Tvatpaadamoolam' sharanam' prapadye .. 22..

Na ninditam' karma tadasti loke
Sahasrasho yanna mayaa vyadhaayi .
So'ham' vipaakaavasare mukunda
Krandaami sampratyagatistavaagre .. 23..

Nimajjato'nantabhavaarnavaanta-
Shchiraaya me koolamivaasi labdhah' .
Tvayaapi labdham' bhagavannidaanee-
Manuttamam' paatramidam' dayaayaah' .. 24..

Abhootapoorvam' mama bhaavi kim' vaa
Sarvam' sahe me sahajam' hi duh'kham .
Kintu tvadagre sharanaagataanaam'
Paraabhavo naatha na te'nuroopah' .. 25..

Niraasakasyaapi na taavadutsahe
Mahesha haatum' tava paadapankajam .
Rooshaa nirasto'pi shishusstanandhayo
Na jaatu maatushcharanau jihaasati .. 26..

Tavaamri'tasyandini paadapankaje
Niveshitaatmaa kathamanyadichchhati .
Sthite'ravinde makarandanirbhare
Madhuvrato nekshurakam' hi veekshate .. 27..

Tvadanghrimuddishya kadaapi kenachi-
Dyathaa tathaa vaa'pi sakri'tkri'to'nchalih' .
Tadaiva mushnaatyashubhaanyasheshata-
Shshubhaani pushnaati na jaatu heeyate .. 28..

Udeernasam'saaradavaashushukshanim'
Kshanena nirvyaapya paraam' cha nirvri'tim .
Prayachchhati tvachcharanaarunaambuja-
Dvayaanuraagaamri'tasindhusheekarah' .. 29..

Vilaasavikraantaparaavaraalayam'
Namasyadaartikshapane kri'takshanam .
Dhanam' madeeyam' tava paadapankajam'
Kadaa nu saakshaatkaravaani chakshushaa .. 30..

Kadaa punashshankharathaangakalpaka
Dhvajaaravindaankushavajralaanchhanam .
Trivikrama tvachcharanaambujadvayam'
Madeeyamoordhaanamalankarishyati .. 31..

Viraajamaanojjvalapeetavaasasam'
Smitaataseesoonasamaamalachchhavim .
Nimagnanaabhim' tanubhadhyamunnatam'
Vishaalavakshassthalashobhilakshanam .. 32..

Chakaasatam' jyaakinakarkashaishshubhai
Shchaturbhiraajaanuvilambibhirbhujaih' .
Priyaavatam'sotpalakarnabhooshana-
Shladhaalakaabandhavimardasham'sibhih' .. 33..

Udagrapeenaam'savilambikund'alaa-
Lakaavaleebandhurakambukandharam .
Mukhashriyaa nyakkri'tapoornanirmalaa-
Mri'taam'shubimbaamburuhojjvalashriyam .. 34..

Prabuddhamugdhaambujachaarulochanam'
Savibhramabhroolatamujjvalaadharam .
Shuchismitam' komalagand'amunnasam'
Lalaat'aparyantavilambitaalakam .. 35..

Sphuratkireet'aangadahaarakant'hikaa
Maneendrakaanjeegunanoopuraadibhih' .
Rathaangashankhaasigadaadhanurvarai-
Rlasattulasyaavanamaalayojjvalam .. 36..

Chakartha yasyaa bhavanam' bhujaantaram'
Tava priyam' dhaama yadeeyajanmabhooh' .
Jagatsamastam' yadapaangasam'shrayam'
Yadarthamambhodhiramanthyabandhi cha .. 37..

Svavaishvaroopyena sadaa'nubhootayaa-
Pyapoorvavadvismayamaadadhaanayaa .
Gunena roopena vilaasachesht'itai-
Ssadaa tavaivochitayaa tava shriyaa .. 38..

Tayaa sahaaseenamanantabhogini
Prakri'sht'avijnyaanabalaikadhaamani .
Phanaamanitraatamayookhamand'ala-
Prakaashamaanodaradivyadhaamani .. 39..

Nivaasashayyaasanapaadukaam'shuko-
Padhaanavarshaatapavaaranaadibhih' .
Shareerabhedaistava sheshataam' gatai-
Ryathochitam' shesha iteeryate janaih' .. 40..

Daasassakhaa vaahanamaasanam' dhvajo-
Yaste vitaanam' vyajanam' trayeemayah' .
Upasthitam' tena puro garutmataa
Tvadanghrisammardakinaankashobhinaa .. 41..

Tvadeeyabhuktojjhitasheshabhojinaa
Tvayaa nivri'sht'aatmabharena yadyathaa .
Priyena senaapatinaa nyavedi tatta-
Thaa'nujaanantamudaaraveekshanaih' .. 42..

Hataakhilakleshamalaissvabhaavata-
Ssadaanukoolyaikarasaistavochitaih' .
Gri'heetatattatparichaarasaadhanai
Rnishevyamaanam' sachivairyathochitam .. 43..

Apoorvanaanaarasabhaavanirbhara-
Prabaddhayaa mugdhavidagdhaleelayaa .
Kshanaanuvatkshiptaparaadikaalayaa
Praharshayantam' mahisheem' mahaabhujam .. 44..

Achintyadivyaadbhutanityayauvana-
Svabhaavalaavanyamayaamri'todadhim .
Shriyashshriyam' bhaktajanaikajeevitam'
Samarthamaapatsaskhamarthikalpakam .. 45..

Bhavantamevaanucharannirantara-
Prashaantanishsheshamanorathaantarah' .
Kadaahamaikaantikanityakinkarah'
Praharshayishyaami sanaathajeevitah' .. 46..

Dhigashuchimavineetam' nirdayam' maamalajjam'
Paramapurusha yo'ham' yogivaryaagraganyaih' .
Vidhishivasanakaadyairdhyaatumatyantadooram'
Tava parijanabhaavam' kaamaye kaamavri'ttah' .. 47..

Aparaadhasahasrabhaajanam' patitam' bheemabhavaarnavodare .
Agatim' sharanaagatam' hare kri'payaa kevalamaatmasaatkuru .. 48..

Avivekaghanaandhadingmukhe bahudhaa santataduh'khavarshini .
Bhagavanbhavadurdine pathaskhalitam' maamavalokayaachyuta .. 49..

Na mri'shaa paramaarthameva me shri'nu vijnyaapanamekamagratah' .
Yadi me na dayishyase tato dayaneeyastava naatha durlabhah' .. 50..

Tadaham' tvadri'te na naathavaanmadri'te tvam' dayaneeyavaanna cha .
Vidhinirmitametadanyam' bhagavanpaalaya maa sma jaihmyayaa .. 51..

Vapuraadishu yo'pi ko'pi vaa gunato'saani yathaatathaavidhah' .
Tadayam' tava paadapadmayorahamadyaiva mayaa samarpitah' .. 52..

Mama naatha yadasti yo'smyaham' sakalam' taddhi tavaiva maadhava .
Niyatasvamiti prabuddhadheerathavaa kinnu samarpayaami te .. 53..

Avabodhitavaanimaam' yathaa mayi nityaam' bhavadeeyataam' svayam .
Kri'payaivamananyabhogyataam' bhagavanbhaktimapi prayachchha me .. 54..

Tavadaasyasukhaikasanginaam' bhavaneshvastvapi keet'ajanma me .
Itaraavasatheshu maasma bhoodapi me janma chaturmukhaatmanaa .. 55..

Sakri'ttvadaakaaravilokanaashayaa
Tri'neekri'taanuttamabhuktimuktibhih' .
Mahaatmabhirmaamavalokyataam' naya
Kshane'pi te yadviraho'tidussahah' .. 56..

Na deham' na praanaanna cha sukhamasheshaabhilashitam'
Na chaatmaanam' naanyatkimapi tava sheshatvavibhavaat .
Bahirbhootam' naatha kshanamapi sahe yaatu shatathaa
Vinaasham' tatsatyam' madhumathana vijnyaapanamidam .. 57..

Durantasyaanaaderapariharaneeyasya mahato
Viheenaachaaro'ham' nri'pashurashubhasyaaspadamapi .
Dayaasindho bandho niravadhikavaatsalyajaladhe .
Tava smaaram' smaaram' gunaganamiteechchhaami gatabheeh' .. 58..

Anichchhannapyevam' yadi punariteechchhanniva raja-
Stamashchhannachchhadmastutivachanabhangeemarachayam .
Tathaapeettham' roopam' vachanamavalambyaapi kri'payaa
Tvamevaivam' bhootam' dharanidhara me shikshaya manah' .. 59..

Pitaa tvam' maataa tvam' dayita tanayastvam' priyasuhri'-
Ttvameva tvam' mitram' gururasi gatishchaasi jagataam .
Tvadeeyastvadbhri'tyastava parijanastvadgatiraham'
Prapannashchaivam' satyahamapi tavaivaasmi hi bharah' .. 60..

Janitvaa'ham' vam'she mahati jagati khyaatayashasaam'
Shucheenaam' yuktaanaam' gunapurushatattvasthitividaam .
Nisargaadeva tvachcharanakamalaikaantamanasaa-
Madhodhah' paapaatmaa sharanada nimajjaami tamasi .. 61..

Amaryaadah' kshudrashchalamatirasooyaaprasavabhooh'
Kri'taghno durmaanee smaraparavasho vanchanaparah' .
Nri'sham'sah' paapisht'ah' kathamahamito duh'khajaladhe-
Rapaaraadutteernastava parichareyam' charanayoh' .. 62..

Raghuvara yadabhoostvam' taadri'sho vaayasasya
Pranata iti dayaaluryachcha chaidyasya kri'shnah' .
Pratibhavamaparaaddhurmugdhasaayujyado'bhoo-
Rvada kimapadamaagastasya te'sti kshamaayaah' .. 63..

Nanu prapannassakri'deva naatha
Tavaahamasmeeti cha yaachamaanah' .
Tavaanukampyassmaratah' pratijnyaam'
Madekavarjam' kimidam' vratam' te .. 64..

Akri'trimatvachcharanaaravinda-
Premaprakarshaavadhimaatmavantam .
Pitaamaham' naathamunim' vilokya
Praseeda madvri'ttamachintayitvaa .. 65..

Yatpaadaambhoruhadhyaanavidhvastaasheshakalmashah' .
Vastutaamupayaato'ham' yaamuneyaam' namaamitam .. 66..