વરદગણેશકવચમ્

શ્રીરુદ્રયામલે તન્ત્રે શ્રીદેવીરહસ્યે મહાગણપતિકવચમ્

શ્રીભૈરવ ઉવાચ .
મહાદેવિ ગણેશસ્ય વરદસ્ય મહાત્મનઃ .
કવચં તે પ્રવક્ષ્યામિ વજ્રપઞ્જરકાભિધમ્ .. ૧..

🌸 ધ્યાનમ્ . 🌸
વિઘ્નેશં વિશ્વવન્દ્યં સુવિપુલયશસં લોકરક્ષાપ્રદક્ષં
સાક્ષાત્ સર્વાપદાસુ પ્રશમનસુમતિં પાર્વતીપ્રાણસૂનુમ્ .
પ્રાયઃ સર્વાસુરેન્દ્રૈઃ સસુરમુનિગણૈઃ સાધકૈઃ પૂજ્યમાનં
કારુણ્યેનાન્તરાયામિતભયશમનં વિઘ્નરાજં નમામિ .. ૨..

ૐ શ્રીં હ્રીં ગં શિરઃ પાતુ મહાગણપતિઃ પ્રભુઃ .
વિનાયકો લલાટં મે વિઘ્નરાજો ભ્રુવૌ મમ .. ૩..

પાતુ નેત્રે ગણાધ્યક્ષો નાસિકાં મે ગજાનનઃ .
શ્રુતિ મેઽવતુ હેરમ્બો ગણ્ડૌ મોદકાશનઃ .. ૪..

દ્વૈમાતરો મુખં પાતુ ચાધરૌ પાત્વરિન્દમ્ .
દન્તાન્ મમૈકદન્તોઽવ્યાદ્ વક્રતુણ્ડોઽવતાદ્ રસામ્ .. ૫..

ગાઙ્ગેયો મે ગલં પાતુ સ્કન્ધૌ સિંહાસનોઽવતુ .
વિઘ્નાન્તકો ભુજૌ પાતુ હસ્તૌ મૂષકવાહનઃ .. ૬..

ઊરૂ મમાવતાન્નિત્યં દેવસ્ત્રિપુરઘાતનઃ .
હૃદયં મે કુમારોઽવ્યાઞ્જયન્તઃ પાર્શ્વયુગ્મકમ્ .. ૭..

પ્રદ્યુમ્નો મેઽવતાત્ પૃષ્ઠં નાભિં શઙ્કરનન્દનઃ .
કટિં નન્દિગણઃ પાતુ શિશ્નં વીરેશ્વરોઽવતુ .. ૮..

મેઢ્રે મેઽવતુ સૌભાગ્યો ભૃઙ્ગિરીટી ચ ગુહ્યકમ્ .
વિરાટકોઽવતાદૂરૂ જાનૂ મે પુષ્પદન્તકઃ .. ૯..

જઙ્ઘે મમ વિકર્તોઽવ્યાદ્ ગુલ્ફાવન્ત્યગણોઽવતુ .
પાદૌ ચિત્તગણઃ પાતુ પાદાધો લોહિતોઽવતુ .. ૧૦..

પાદપૃષ્ઠં સુન્દરોઽવ્યાદ્ નૂપુરાઢ્યો વપુર્મમ .
વિચારો જઠરં પાતુ ભૂતાનિ ચોગ્રરૂપકઃ .. ૧૧..

શિરસઃ પાદપર્યન્તં વપુઃ સુપ્તગણોઽવતુ .
પાદાદિમૂર્ધપર્યન્તં વપુઃ પાતુ વિનર્તકઃ .. ૧૨..

વિસ્મારિતં તુ યત્ સ્થાનં ગણેશસ્તત્ સદાવતુ .
પૂર્વે માં હ્રીં કરાલોઽવ્યાદાગ્રેયે વિકરાલકઃ .. ૧૩..

દક્ષિણે પાતુ સંહારો નૈરૃતે રુરુભૈરવઃ .
પશ્ચિમે માં મહાકાલો વાયૌ કાલાગ્નિભૈરવઃ .. ૧૪..

ઉત્તરે માં સિતાસ્યુઽવ્યાદૈશાન્યામસિતાત્મકઃ .
પ્રભાતે શતપત્રોઽવ્યાત્ સહસ્રારસ્તુ મધ્યમે .. ૧૫..

દન્તમાલા દિનાન્તેઽવ્યાન્નિશિ પાત્રં સદાવતુ .
કલશો માં નિશીથેઽવ્યાન્નિશાન્તે પરશુસ્તથા .. ૧૬..

સર્વત્ર સર્વદા પાતુ શઙ્ખયુગ્મં ચ મદ્વપુઃ .
ૐૐ રાજકુલે હહૌં રણભયે હ્રીંહ્રીં કુદ્યૂતેઽવતાત્
શ્રીંશ્રીં શત્રુગૃહે શશૌં જલભયે ક્લીંક્લીં વનાન્તેઽવતુ .
ગ્લૌંગ્લૂંગ્લૈંગ્લંગું સત્વભીતિષુ મહાવ્યાધ્યાર્તિષુ ગ્લૌંગગૌં
નિત્યં યક્ષપિશાચભૂતફણિષુ ગ્લૌંગં ગણેશોઽવતુ .. ૧૭..

ઇતીદં કવચં ગુહ્યં સર્વતન્ત્રેષુ ગોપિતમ્ .
વજ્રપઞ્જરનામાનં ગણેશસ્ય મહાત્મનઃ .. ૧૮..

અઙ્ગભૂતં મનુમયં સર્વાચારૈકસાધનમ્ .
વિનાનેન ન સિદ્ધિઃ સ્યાત્ પૂજનસ્ય જપસ્ય ચ .. ૧૯..

તસ્માત્ તુ કવચં પુણ્યં પઠેદ્વા ધારયેત્ સદા .
તસ્ય સિદ્ધિર્મહાદેવિ કરસ્થા પારલૌકિકી .. ૨૦..

યંયં કામયતે કામં તં તં પ્રાપ્નોતિ પાઠતઃ .
અર્ધરાત્રે પઠેન્નિત્યં સર્વાભીષ્ટફલં લભેત્ .. ૨૧..

ઇતિ ગુહ્યં સુકવચં મહાગણપતેઃ પ્રિયમ્ .
સર્વસિદ્ધિમયં દિવ્યં ગોપયેત્ પરમેશ્વરિ .. ૨૨..