ভ়রদগণেশকভ়চম্

শ্রীরুদ্রযামলে তন্ত্রে শ্রীদেভ়ীরহস্যে মহাগণপতিকভ়চম্

শ্রীভৈরভ় উভ়াচ ।
মহাদেভ়ি গণেশস্য ভ়রদস্য মহাত্মনঃ ।
কভ়চং তে প্রভ়ক্ষ্যামি ভ়জ্রপঞ্জরকাভিধম্ ॥ ১॥

🌸 ধ্যানম্ । 🌸
ভ়িঘ্নেশং ভ়িশ্বভ়ন্দ্যং সুভ়িপুলযশসং লোকরক্ষাপ্রদক্ষং
সাক্ষাৎ সর্ভ়াপদাসু প্রশমনসুমতিং পার্ভ়তীপ্রাণসূনুম্ ।
প্রাযঃ সর্ভ়াসুরেন্দ্রৈঃ সসুরমুনিগণৈঃ সাধকৈঃ পূজ্যমানং
কারুণ্যেনান্তরাযামিতভযশমনং ভ়িঘ্নরাজং নমামি ॥ ২॥

ওঁ শ্রীং হ্রীং গং শিরঃ পাতু মহাগণপতিঃ প্রভুঃ ।
ভ়িনাযকো ললাটং মে ভ়িঘ্নরাজো ভ্রুভ়ৌ মম ॥ ৩॥

পাতু নেত্রে গণাধ্যক্ষো নাসিকাং মে গজাননঃ ।
শ্রুতি মেঽভ়তু হেরম্বো গণ্ডৌ মোদকাশনঃ ॥ ৪॥

দ্বৈমাতরো মুখং পাতু চাধরৌ পাত্বরিন্দম্ ।
দন্তান্ মমৈকদন্তোঽভ়্যাদ্ ভ়ক্রতুণ্ডোঽভ়তাদ্ রসাম্ ॥ ৫॥

গাঙ্গেযো মে গলং পাতু স্কন্ধৌ সিংহাসনোঽভ়তু ।
ভ়িঘ্নান্তকো ভুজৌ পাতু হস্তৌ মূষকভ়াহনঃ ॥ ৬॥

ঊরূ মমাভ়তান্নিত্যং দেভ়স্ত্রিপুরঘাতনঃ ।
হৃদযং মে কুমারোঽভ়্যাঞ্জযন্তঃ পার্শ্বযুগ্মকম্ ॥ ৭॥

প্রদ্যুম্নো মেঽভ়তাৎ পৃষ্ঠং নাভিং শঙ্করনন্দনঃ ।
কটিং নন্দিগণঃ পাতু শিশ্নং ভ়ীরেশ্বরোঽভ়তু ॥ ৮॥

মেঢ্রে মেঽভ়তু সৌভাগ্যো ভৃঙ্গিরীটী চ গুহ্যকম্ ।
ভ়িরাটকোঽভ়তাদূরূ জানূ মে পুষ্পদন্তকঃ ॥ ৯॥

জঙ্ঘে মম ভ়িকর্তোঽভ়্যাদ্ গুল্ফাভ়ন্ত্যগণোঽভ়তু ।
পাদৌ চিত্তগণঃ পাতু পাদাধো লোহিতোঽভ়তু ॥ ১০॥

পাদপৃষ্ঠং সুন্দরোঽভ়্যাদ্ নূপুরাঢ্যো ভ়পুর্মম ।
ভ়িচারো জঠরং পাতু ভূতানি চোগ্ররূপকঃ ॥ ১১॥

শিরসঃ পাদপর্যন্তং ভ়পুঃ সুপ্তগণোঽভ়তু ।
পাদাদিমূর্ধপর্যন্তং ভ়পুঃ পাতু ভ়িনর্তকঃ ॥ ১২॥

ভ়িস্মারিতং তু যৎ স্থানং গণেশস্তৎ সদাভ়তু ।
পূর্ভ়ে মাং হ্রীং করালোঽভ়্যাদাগ্রেযে ভ়িকরালকঃ ॥ ১৩॥

দক্ষিণে পাতু সংহারো নৈরৃতে রুরুভৈরভ়ঃ ।
পশ্চিমে মাং মহাকালো ভ়াযৌ কালাগ্নিভৈরভ়ঃ ॥ ১৪॥

উত্তরে মাং সিতাস্যুঽভ়্যাদৈশান্যামসিতাত্মকঃ ।
প্রভাতে শতপত্রোঽভ়্যাৎ সহস্রারস্তু মধ্যমে ॥ ১৫॥

দন্তমালা দিনান্তেঽভ়্যান্নিশি পাত্রং সদাভ়তু ।
কলশো মাং নিশীথেঽভ়্যান্নিশান্তে পরশুস্তথা ॥ ১৬॥

সর্ভ়ত্র সর্ভ়দা পাতু শঙ্খযুগ্মং চ মদ্বপুঃ ।
ওঁওঁ রাজকুলে হহৌং রণভযে হ্রীংহ্রীং কুদ্যূতেঽভ়তাৎ
শ্রীংশ্রীং শত্রুগৃহে শশৌং জলভযে ক্লীংক্লীং ভ়নান্তেঽভ়তু ।
গ্লৌংগ্লূংগ্লৈংগ্লংগুং সত্বভীতিষু মহাভ়্যাধ্যার্তিষু গ্লৌংগগৌং
নিত্যং যক্ষপিশাচভূতফণিষু গ্লৌংগং গণেশোঽভ়তু ॥ ১৭॥

ইতীদং কভ়চং গুহ্যং সর্ভ়তন্ত্রেষু গোপিতম্ ।
ভ়জ্রপঞ্জরনামানং গণেশস্য মহাত্মনঃ ॥ ১৮॥

অঙ্গভূতং মনুমযং সর্ভ়াচারৈকসাধনম্ ।
ভ়িনানেন ন সিদ্ধিঃ স্যাৎ পূজনস্য জপস্য চ ॥ ১৯॥

তস্মাৎ তু কভ়চং পুণ্যং পঠেদ্বা ধারযেৎ সদা ।
তস্য সিদ্ধির্মহাদেভ়ি করস্থা পারলৌকিকী ॥ ২০॥

যংযং কামযতে কামং তং তং প্রাপ্নোতি পাঠতঃ ।
অর্ধরাত্রে পঠেন্নিত্যং সর্ভ়াভীষ্টফলং লভেৎ ॥ ২১॥

ইতি গুহ্যং সুকভ়চং মহাগণপতেঃ প্রিযম্ ।
সর্ভ়সিদ্ধিমযং দিভ়্যং গোপযেৎ পরমেশ্বরি ॥ ২২॥