வரத₃க₃ணேஶகவசம்

ஶ்ரீருத்₃ரயாமலே தந்த்ரே ஶ்ரீதே₃வீரஹஸ்யே மஹாக₃ணபதிகவசம்

ஶ்ரீபை₄ரவ உவாச .
மஹாதே₃வி க₃ணேஶஸ்ய வரத₃ஸ்ய மஹாத்மந꞉ .
கவசம் தே ப்ரவக்ஷ்யாமி வஜ்ரபஞ்ஜரகாபி₄த₄ம் .. 1..

🌸 த்₄யாநம் . 🌸
விக்₄நேஶம் விஶ்வவந்த்₃யம் ஸுவிபுலயஶஸம் லோகரக்ஷாப்ரத₃க்ஷம்
ஸாக்ஷாத் ஸர்வாபதா₃ஸு ப்ரஶமநஸுமதிம் பார்வதீப்ராணஸூநும் .
ப்ராய꞉ ஸர்வாஸுரேந்த்₃ரை꞉ ஸஸுரமுநிக₃ணை꞉ ஸாத₄கை꞉ பூஜ்யமாநம்
காருண்யேநாந்தராயாமிதப₄யஶமநம் விக்₄நராஜம் நமாமி .. 2..

ௐ ஶ்ரீம் ஹ்ரீம் க₃ம் ஶிர꞉ பாது மஹாக₃ணபதி꞉ ப்ரபு₄꞉ .
விநாயகோ லலாடம் மே விக்₄நராஜோ ப்₄ருவௌ மம .. 3..

பாது நேத்ரே க₃ணாத்₄யக்ஷோ நாஸிகாம் மே க₃ஜாநந꞉ .
ஶ்ருதி மே(அ)வது ஹேரம்போ₃ க₃ண்டௌ₃ மோத₃காஶந꞉ .. 4..

த்₃வைமாதரோ முக₂ம் பாது சாத₄ரௌ பாத்வரிந்த₃ம் .
த₃ந்தாந் மமைகத₃ந்தோ(அ)வ்யாத்₃ வக்ரதுண்டோ₃(அ)வதாத்₃ ரஸாம் .. 5..

கா₃ங்கே₃யோ மே க₃லம் பாது ஸ்கந்தௌ₄ ஸிம்ஹாஸநோ(அ)வது .
விக்₄நாந்தகோ பு₄ஜௌ பாது ஹஸ்தௌ மூஷகவாஹந꞉ .. 6..

ஊரூ மமாவதாந்நித்யம் தே₃வஸ்த்ரிபுரகா₄தந꞉ .
ஹ்ருத₃யம் மே குமாரோ(அ)வ்யாஞ்ஜயந்த꞉ பார்ஶ்வயுக்₃மகம் .. 7..

ப்ரத்₃யும்நோ மே(அ)வதாத் ப்ருஷ்ட₂ம் நாபி₄ம் ஶங்கரநந்த₃ந꞉ .
கடிம் நந்தி₃க₃ண꞉ பாது ஶிஶ்நம் வீரேஶ்வரோ(அ)வது .. 8..

மேட்₄ரே மே(அ)வது ஸௌபா₄க்₃யோ ப்₄ருங்கி₃ரீடீ ச கு₃ஹ்யகம் .
விராடகோ(அ)வதாதூ₃ரூ ஜாநூ மே புஷ்பத₃ந்தக꞉ .. 9..

ஜங்கே₄ மம விகர்தோ(அ)வ்யாத்₃ கு₃ல்பா₂வந்த்யக₃ணோ(அ)வது .
பாதௌ₃ சித்தக₃ண꞉ பாது பாதா₃தோ₄ லோஹிதோ(அ)வது .. 10..

பாத₃ப்ருஷ்ட₂ம் ஸுந்த₃ரோ(அ)வ்யாத்₃ நூபுராட்₄யோ வபுர்மம .
விசாரோ ஜட₂ரம் பாது பூ₄தாநி சோக்₃ரரூபக꞉ .. 11..

ஶிரஸ꞉ பாத₃பர்யந்தம் வபு꞉ ஸுப்தக₃ணோ(அ)வது .
பாதா₃தி₃மூர்த₄பர்யந்தம் வபு꞉ பாது விநர்தக꞉ .. 12..

விஸ்மாரிதம் து யத் ஸ்தா₂நம் க₃ணேஶஸ்தத் ஸதா₃வது .
பூர்வே மாம் ஹ்ரீம் கராலோ(அ)வ்யாதா₃க்₃ரேயே விகராலக꞉ .. 13..

த₃க்ஷிணே பாது ஸம்ஹாரோ நைர்ருதே ருருபை₄ரவ꞉ .
பஶ்சிமே மாம் மஹாகாலோ வாயௌ காலாக்₃நிபை₄ரவ꞉ .. 14..

உத்தரே மாம் ஸிதாஸ்யு(அ)வ்யாதை₃ஶாந்யாமஸிதாத்மக꞉ .
ப்ரபா₄தே ஶதபத்ரோ(அ)வ்யாத் ஸஹஸ்ராரஸ்து மத்₄யமே .. 15..

த₃ந்தமாலா தி₃நாந்தே(அ)வ்யாந்நிஶி பாத்ரம் ஸதா₃வது .
கலஶோ மாம் நிஶீதே₂(அ)வ்யாந்நிஶாந்தே பரஶுஸ்ததா₂ .. 16..

ஸர்வத்ர ஸர்வதா₃ பாது ஶங்க₂யுக்₃மம் ச மத்₃வபு꞉ .
ௐௐ ராஜகுலே ஹஹௌம் ரணப₄யே ஹ்ரீம்ஹ்ரீம் குத்₃யூதே(அ)வதாத்
ஶ்ரீம்ஶ்ரீம் ஶத்ருக்₃ருஹே ஶஶௌம் ஜலப₄யே க்லீம்க்லீம் வநாந்தே(அ)வது .
க்₃லௌம்க்₃லூம்க்₃லைம்க்₃லம்கு₃ம் ஸத்வபீ₄திஷு மஹாவ்யாத்₄யார்திஷு க்₃லௌம்க₃கௌ₃ம்
நித்யம் யக்ஷபிஶாசபூ₄தப₂ணிஷு க்₃லௌம்க₃ம் க₃ணேஶோ(அ)வது .. 17..

இதீத₃ம் கவசம் கு₃ஹ்யம் ஸர்வதந்த்ரேஷு கோ₃பிதம் .
வஜ்ரபஞ்ஜரநாமாநம் க₃ணேஶஸ்ய மஹாத்மந꞉ .. 18..

அங்க₃பூ₄தம் மநுமயம் ஸர்வாசாரைகஸாத₄நம் .
விநாநேந ந ஸித்₃தி₄꞉ ஸ்யாத் பூஜநஸ்ய ஜபஸ்ய ச .. 19..

தஸ்மாத் து கவசம் புண்யம் படே₂த்₃வா தா₄ரயேத் ஸதா₃ .
தஸ்ய ஸித்₃தி₄ர்மஹாதே₃வி கரஸ்தா₂ பாரலௌகிகீ .. 20..

யம்யம் காமயதே காமம் தம் தம் ப்ராப்நோதி பாட₂த꞉ .
அர்த₄ராத்ரே படே₂ந்நித்யம் ஸர்வாபீ₄ஷ்டப₂லம் லபே₄த் .. 21..

இதி கு₃ஹ்யம் ஸுகவசம் மஹாக₃ணபதே꞉ ப்ரியம் .
ஸர்வஸித்₃தி₄மயம் தி₃வ்யம் கோ₃பயேத் பரமேஶ்வரி .. 22..