.. વિઘ્નેશ્વરપ્રાર્થના ..

.. ગણેશ પ્રાર્થના ..

શુક્લામ્બરધરં વિષ્ણું શશિવર્ણં ચતુર્ભુજમ્.
પ્રસન્નવદનં ધ્યાયેત્ સર્વવિઘ્નોપશાન્તયે .. ૧ ..

અગજાનાનપદ્માર્કં ગજાનનમહર્નિશમ્.
અનેકદં તં ભક્તાનામ્ એકદન્તમુપાસ્મહે.. ૨ ..

વક્રતુણ્ડ મહાકાય સૂર્યકોટિસમપ્રભ.
નિર્વિઘ્નં કુરુ મે દેવ સર્વકાર્યેષુ સર્વદા.. ૩ ..

યં બ્રહ્મ વેદાન્તવિદો વદન્તિ
પરે પ્રધાનં પુરુષં તથાઽન્યે.
વિશ્વોદ્ગતેઃ કારણમીશ્વરં વા
તસ્મૈ નમો વિઘ્નવિનાયકાય .. ૪ ..

ગજાનનં ભૂતગણાદિસેવિતં
કપિત્થજમ્બૂફલસારભક્ષિતમ્.
ઉમાસુતં શોકવિનાશકારણં
નમામિ વિઘ્નેશ્વરપાદપઙ્કજમ્ .. ૫ ..

મૂષકવાહન મોદકહસ્ત
ચામરકર્ણ વિલમ્બિતસૂત્ર.
વામનરૂપ મહેશ્વરપુત્ર
વિઘ્નવિનાયક પાદ નમસ્તે .. ૬ ..

સુમુખશ્ચૈકદન્તશ્ચ કપિલો ગજકર્ણકઃ.
લમ્બોદરશ્ચ વિકટો વિઘ્નરાજો ગણાધિપઃ .. ૭ ..

ધૂમકેતુર્ગણાધ્યક્ષો ફાલચન્દ્રો ગજાનનઃ.
વક્રતુણ્ડઃ શૂર્પકર્ણો હેરમ્ભઃ સ્કન્દપૂર્વજઃ .. ૮ ..

ષોડશૈતાનિ નામાનિ યઃ પઠેચ્છૃણુયાદપિ
વિદ્યારમ્ભે વિવાહે ચ પ્રવેશે નિર્ગમે તથા
સઙ્ગ્રામે સઙ્કટે ચૈવ વિઘ્નસ્તસ્ય ન જાયતે .. ૯ ..