.. విఘ్నేశ్వరప్రార్థనా ..

.. గణేశ ప్రార్థనా ..

శుక్లామ్బరధరం విష్ణుం శశివర్ణం చతుర్భుజమ్.
ప్రసన్నవదనం ధ్యాయేత్ సర్వవిఘ్నోపశాన్తయే .. 1 ..

అగజానానపద్మార్కం గజాననమహర్నిశమ్.
అనేకదం తం భక్తానామ్ ఏకదన్తముపాస్మహే.. 2 ..

వక్రతుణ్డ మహాకాయ సూర్యకోటిసమప్రభ.
నిర్విఘ్నం కురు మే దేవ సర్వకార్యేషు సర్వదా.. 3 ..

యం బ్రహ్మ వేదాన్తవిదో వదన్తి
పరే ప్రధానం పురుషం తథాఽన్యే.
విశ్వోద్గతేః కారణమీశ్వరం వా
తస్మై నమో విఘ్నవినాయకాయ .. 4 ..

గజాననం భూతగణాదిసేవితం
కపిత్థజమ్బూఫలసారభక్షితమ్.
ఉమాసుతం శోకవినాశకారణం
నమామి విఘ్నేశ్వరపాదపఙ్కజమ్ .. 5 ..

మూషకవాహన మోదకహస్త
చామరకర్ణ విలమ్బితసూత్ర.
వామనరూప మహేశ్వరపుత్ర
విఘ్నవినాయక పాద నమస్తే .. 6 ..

సుముఖశ్చైకదన్తశ్చ కపిలో గజకర్ణకః.
లమ్బోదరశ్చ వికటో విఘ్నరాజో గణాధిపః .. 7 ..

ధూమకేతుర్గణాధ్యక్షో ఫాలచన్ద్రో గజాననః.
వక్రతుణ్డః శూర్పకర్ణో హేరమ్భః స్కన్దపూర్వజః .. 8 ..

షోడశైతాని నామాని యః పఠేచ్ఛృణుయాదపి
విద్యారమ్భే వివాహే చ ప్రవేశే నిర్గమే తథా
సఙ్గ్రామే సఙ్కటే చైవ విఘ్నస్తస్య న జాయతే .. 9 ..