શ્રીવિનાયકસ્તોત્રમ્

શ્રીવિનાયકસ્તોત્રમ્
ગણ્ડસ્થલદ્ધરાગલન્મદવારિધારા
સૌરભ્યલુભ્યદલિડિમ્ભકગુમ્ભનાદૈઃ .
વાચાલિતાખિલદિશં વરદં નતાનાં
વન્દામહે ગજમુખં વયમાદિદેવમ્ .. ૧..

ગર્વિષ્ઠખેચરપુરત્રયનાથદૈત્ય-
ભઙ્ગોદ્યતઃ સ્વયમયં પરમેશ્વરોઽપિ .
આદૌ યમેવ પરિપૂજ્ય વિધૂતસર્વ-
વિઘ્નો જિગાય તમિમં વયમાશ્રયામઃ .. ૨..

પ્રણષ્ટવર્ણતતિપઞ્ચમષષ્ઠવર્ણ-
યુગ્માવિધેયવિરહાદતિમાત્રદીનમ્ .
પ્રાયેત મામનુદિનં નિજપુષ્કરાત્ત-
કુમ્ભસ્થરત્નનિકરાનભિવૃધ્ય દેવઃ .. ૩..

પદ્માસહાયગિરિજાપતિરત્યવાગધીશ-
દેવાદિનાકનિલયૈર્વનિતાસહાયૈઃ .
અન્વાસ્યમાનમખિલાસ્વપિ દિક્ષુ સિદ્ધ -
લક્ષ્મીસહાયમનિશં શરણં ભજામઃ .. ૪..

તન્વીત નઃ શુભમતિં તરુણારુણશ્રી
દાયાદકાયરુચિરિન્દુક્તંસસૂનુઃ .
પ્રત્યૂહભઙ્ગપટુભિઃ સહિતો વધૂભિ
રામોદમુખ્યનિજપારિષદૈઃ સમેતઃ .. ૫..

યે ચિન્તયન્તિ નિમિષાર્ધમપિ પ્રભો ત્વાં-
શ્રીમાનિભાનન વિધૂતભિદાન્ધકારાઃ .
બાભાસમાનમનિશં હૃદયે સમુદ્ય-
દાનન્દબોધઘનમેકમમી નમસ્યાઃ .. ૬..

ન શ્રૌતકર્મસુ રતિર્ન ચ બોધનિષ્ઠા
સ્વામિન્નુમાસુત ન જાતુ કૃતાપિ પૂજા .
નિસ્સારવૈષયિકસૌખ્યદુરાશયૈવ
નીતાન્યહાન્યહહ કિં કથયે દયસ્વ .. ૭..

વસ્ત્રાજ્યદુગ્ધમધુભિઃ સિતશર્કરાદ્યૈઃ
પુણ્ડ્રેક્ષુખણ્ડકદલીફલનારિકેલૈઃ .
લાજૈશ્ચ મોદકયુતૈઃ પરિપૂજિતું ત્વાં (લાભૈશ્ચ)
ધન્યાઃ ક્ષમાઃ પરમહં શરણં પ્રપદ્યે .. ૮..

સમીરૈઃ પ્રોચ્ચણ્ડૈઃ શ્રવણયુગલીચાલનભવૈ-
ર્નતાનાં પ્રત્યૂહચ્છલજલદરાશિં વિદલયન્ .
કટાયોગોદશ્ચન્મદસુરભિલાદોષભુવનઃ
શિવાચન્દ્રોત્સપ્રણયપરિણામોઽવતુ ગજઃ .. ૯..