ஶ்ரீவிநாயகஸ்தோத்ரம்

ஶ்ரீவிநாயகஸ்தோத்ரம்
க₃ண்ட₃ஸ்த₂லத்₃த₄ராக₃லந்மத₃வாரிதா₄ரா
ஸௌரப்₄யலுப்₄யத₃லிடி₃ம்ப₄ககு₃ம்ப₄நாதை₃꞉ .
வாசாலிதாகி₂லதி₃ஶம் வரத₃ம் நதாநாம்
வந்தா₃மஹே க₃ஜமுக₂ம் வயமாதி₃தே₃வம் .. 1..

க₃ர்விஷ்ட₂கே₂சரபுரத்ரயநாத₂தை₃த்ய-
ப₄ங்கோ₃த்₃யத꞉ ஸ்வயமயம் பரமேஶ்வரோ(அ)பி .
ஆதௌ₃ யமேவ பரிபூஜ்ய விதூ₄தஸர்வ-
விக்₄நோ ஜிகா₃ய தமிமம் வயமாஶ்ரயாம꞉ .. 2..

ப்ரணஷ்டவர்ணததிபஞ்சமஷஷ்ட₂வர்ண-
யுக்₃மாவிதே₄யவிரஹாத₃திமாத்ரதீ₃நம் .
ப்ராயேத மாமநுதி₃நம் நிஜபுஷ்கராத்த-
கும்ப₄ஸ்த₂ரத்நநிகராநபி₄வ்ருத்₄ய தே₃வ꞉ .. 3..

பத்₃மாஸஹாயகி₃ரிஜாபதிரத்யவாக₃தீ₄ஶ-
தே₃வாதி₃நாகநிலயைர்வநிதாஸஹாயை꞉ .
அந்வாஸ்யமாநமகி₂லாஸ்வபி தி₃க்ஷு ஸித்₃த₄ -
லக்ஷ்மீஸஹாயமநிஶம் ஶரணம் ப₄ஜாம꞉ .. 4..

தந்வீத ந꞉ ஶுப₄மதிம் தருணாருணஶ்ரீ
தா₃யாத₃காயருசிரிந்து₃க்தம்ஸஸூநு꞉ .
ப்ரத்யூஹப₄ங்க₃படுபி₄꞉ ஸஹிதோ வதூ₄பி₄
ராமோத₃முக்₂யநிஜபாரிஷதை₃꞉ ஸமேத꞉ .. 5..

யே சிந்தயந்தி நிமிஷார்த₄மபி ப்ரபோ₄ த்வாம்-
ஶ்ரீமாநிபா₄நந விதூ₄தபி₄தா₃ந்த₄காரா꞉ .
பா₃பா₄ஸமாநமநிஶம் ஹ்ருத₃யே ஸமுத்₃ய-
தா₃நந்த₃போ₃த₄க₄நமேகமமீ நமஸ்யா꞉ .. 6..

ந ஶ்ரௌதகர்மஸு ரதிர்ந ச போ₃த₄நிஷ்டா₂
ஸ்வாமிந்நுமாஸுத ந ஜாது க்ருதாபி பூஜா .
நிஸ்ஸாரவைஷயிகஸௌக்₂யது₃ராஶயைவ
நீதாந்யஹாந்யஹஹ கிம் கத₂யே த₃யஸ்வ .. 7..

வஸ்த்ராஜ்யது₃க்₃த₄மது₄பி₄꞉ ஸிதஶர்கராத்₃யை꞉
புண்ட்₃ரேக்ஷுக₂ண்ட₃கத₃லீப₂லநாரிகேலை꞉ .
லாஜைஶ்ச மோத₃கயுதை꞉ பரிபூஜிதும் த்வாம் (லாபை₄ஶ்ச)
த₄ந்யா꞉ க்ஷமா꞉ பரமஹம் ஶரணம் ப்ரபத்₃யே .. 8..

ஸமீரை꞉ ப்ரோச்சண்டை₃꞉ ஶ்ரவணயுக₃லீசாலநப₄வை-
ர்நதாநாம் ப்ரத்யூஹச்ச₂லஜலத₃ராஶிம் வித₃லயந் .
கடாயோகோ₃த₃ஶ்சந்மத₃ஸுரபி₄லாதோ₃ஷபு₄வந꞉
ஶிவாசந்த்₃ரோத்ஸப்ரணயபரிணாமோ(அ)வது க₃ஜ꞉ .. 9..