.. ஶ்ரீலக்ஷ்மீநரஸிம்ஹஸுப்ரபா₄தம் ..

.. ஶ்ரீலக்ஷ்மீநரஸிம்ஹஸுப்ரபா₄தம் ..

ஶ்ரீ யாத₃கி₃ரி லக்ஷ்மீந்ருஸிம்ஹ ஸுப்ரபா₄தம்
ஶ்ரீ வங்கீ₃புரம் நரஸிம்ஹாசார்யரசித .
கௌஸல்யா ஸுப்ரஜா ராம பூர்வா ஸம்த்₄யா ப்ரவர்ததே .
உத்திஷ்ட₂ நரஶார்தூ₃ல! கர்தவ்யம் தை₃வமாஹ்நிகம் .. 1..

உத்திஷ்டோ₂த்திஷ்ட₂ கோ₃விம்த₃ உத்திஷ்ட₂ க₃ருட₃த்₄வஜ .
உத்திஷ்ட₂ கமலாகாந்த த்ரைலோக்யம் மங்க₃ளம் குரு .. 2..

யாதா₃த்₃ரிநாத₂ஶுப₄மந்தி₃ரகல்பவல்லி
பத்₃மாலயே ஜநநி பத்₃மப₄வாதி₃வந்த்₃யே .
ப₄க்தார்திப₄ஞ்ஜநி த₃யாமயதி₃வ்யரூபே
லக்ஷ்மீந்ருஸிம்ஹத₃யிதே தவ ஸுப்ரபா₄தம் .. 3..

ஜ்வாலாந்ருஸிம்ஹ கருணாமய தி₃வ்யமூர்தே
யோகா₃பி₄நந்த₃ந ந்ருஸிம்ஹ த₃யாஸமுத்₃ர! .
லக்ஷ்மீந்ருஸிம்ஹ ஶரணாக₃தபாரிஜாத
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 4..

ஶ்ரீரங்க₃வேங்கடமஹீத₄ரஹஸ்திஶைல
ஶ்ரீ யாத₃வாத்₃ரிமுக₂ஸத்த்வநிகேதநாநி .
ஸ்தா₂நாநி தேகில வத₃ந்தி பராவரஜ்ஞா꞉
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 5..

ப்₃ரஹ்மாத₃யஸ்ஸுரவர முநிபுங்க₃வாஶ்ச
த்வாம் ஸேவிதும் விவித₄மங்க₃ளவஸ்துஹஸ்தா꞉ .
த்₃வாரே வஸந்தி நரஸிம்ஹ ப₄வாப்₃தி₄போத
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 6..

ப்ரஹ்லாத₃ நாரத₃ பராஶர புண்ட₃ரீக
வ்யாஸாதி₃ப₄க்தரஸிகா ப₄வதீ₃யஸேவாம் .
வாஞ்ச₂ந்த்யநந்யஹ்ருத₃யா கருணாஸமுத்₃ர
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 7..

த்வத்₃தா₃ஸ்யபோ₄க₃ரஸிகாஶ்ஶட₂ஜிந்முகா₂ர்யா꞉
ராமாநுஜாதி₃மஹநீயகு₃ருப்ரதா₄நா꞉ .
ஸேவார்த₂ மத்ர ப₄வதீ₃யக்₃ருஹாங்க₃ணஸ்தா₂꞉
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 8..

ப₄க்தா ஸ்த்வதீ₃யபத₃பங்கஜஸக்தசித்தா꞉
கால்யம் விதா₄ய தவகந்த₃ர மந்தி₃ராக்₃ரே .
த்வத்₃த₃ர்ஶநோத்ஸுகதயா நிபி₃ட₃ம் ஶ்ரயந்தே
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 9..

தி₃வ்யாவதாரத₃ஶகே நரஸிம்ஹ தே து
தி₃வ்யாவதாரமஹிமா நஹி தே₃வக₃ம்ய꞉ .
ப்ரஹ்லாத₃தா₃நவஶிஶோ꞉கில ப₄க்திக₃ம்ய꞉
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 10..

ஶ்ரீயாத₃வாத்₃ரிஶிக₂ரே த்வமஹோபி₃லே(அ)பி
ஸிம்ஹாசலே ச ஶுப₄மங்க₃ளஶைலராஜே .
வேதா₃சலாதி₃ கி₃ரி மூர்த₄ஸு ஸுஸ்தி₂தோஸி
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 11..

காம்யார்தி₂நோ வரத₃கல்பக கல்பகம் த்வாம்
ஸேவார்தி₂ந꞉ ஸ்ஸுஜநஸேவ்யபத₃த்₃வயம் த்வாம் .
ப₄க்த்யா விநம்ர ஶிரஸா ப்ரணமந்தி ஸர்வே
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 12..

த்வந்நாமமந்த்ரபட₂நேந லுட₂ந்தி பாபா꞉
த்வந்நாமமந்த்ரபட₂நேந லுட₂ந்தி தை₃த்யா꞉ .
த்வந்நாமமந்த்ரபட₂நேந லுட₂ந்திரோகா₃꞉
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 13..

லக்ஷ்மீந்ருஸிம்ஹ! ஜக₃தீ₃ஶ! ஸுரேஶ! விஷ்ணோ
ஜிஷ்ணோ! ஜநார்த₃ந! பராத்பர விஶ்வரூப .
விஶ்வப்ரபா₄தகரணாய க்ருதாவதார
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 14..

த்வந்நாமமந்த்ர பட₂நம்கிலஸுப்ரபா₄தம்
அஸ்மாகமஸ்து தவசாஸ்து ச ஸுப்ரபா₄தம் .
அஸ்மத்ஸமுத்₃த₄ரணமேவ விசித்ரகா₃த₄
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 15..

த்வத் பூஜகா பரிவ்ருடா₄ பரிசாரகாஶ்ச
நித்யார்சநாய விதி₄வத்₃விஹித ஸ்வக்ருத்யா꞉ .
யத்தஸ்த்வதீ₃ய ஶுப₄க₃ஹ்வர மந்தி₃ராக்₃ரே
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 16..

ப்ராபா₄தகீமுபசிதிம் பரிகல்பயந்த꞉
குண்டா₃ஶ்ச பூர்ணஜலகும்ப₄முபாஹரந்த꞉ .
ஶ்ரீவைஷ்ணவா꞉ ஸமுபயாந்திஹரே! ந்ருஸிம்ஹ
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 17..

ஸூர்யோ(அ)ப்₄யுதே₃தி விகஸந்தி ஸரோருஹாணி
நீலோத்பலாநி ஹி ப₄வந்தி நிமீலிதாநி .
ப்ராக்₃தி₃ங்முகே₂ருணக₃ப₄ஸ்திக₃ணோ(அ)ப்₄யுதே₃தி
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 18..

மந்தா₃நிலஸ்ஸுர நதீ₃கமலோத₃ரேஶு
மந்த₃ம்விகா₃ஹ்ய ஶுப₄ஸௌரப₄ மாத₃தா₄ந꞉ .
ஹர்ஷப்ரகர்ஷமுபயாதி ச ஸேவிதும் த்வாம்
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 19..

தாராக₃ணோவியதி மஜ்ஜதி ஸுப்ரபா₄தே
ஸூர்யேணஸாகமவலோகயிதும் த்வதீ₃யம் .
ஶ்ரீஸுப்ரபா₄தமவபா₄ஸித ஸர்வலோகம்
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 20..

பக்ஷிஸ்வநாஶ்சபரித꞉பரிஸம்பதந்தி
கூஜந்திகோகிலக₃ணா꞉கலகம்ட₂ராவை꞉ .
வாசா விஶுத்₃த₄கலயாநுவத₃ந்திகீரா꞉
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 21..

பல்லீஷு வல்லவஜநா꞉ஸ்வக்₃ருஹாங்க₃ணேஷு
தே₄நூர்து₃ஹந்தி விநிபா₄ந்தி விஶேஷத்₃ருஷ்ட்யா .
கோ₃பாலபா₃ல இவ ப₄க்தஹ்ருத₃ம்பு₃ஜேஷு
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 22..

கா₃டா₄ம்த₄காரபடலம் க₃க₃நம்ஜஹாதி
மோஹாந்த₄கார இவ ஸந்மநுஜம் ஸமஸ்தம் .
ராகோ₃விராக₃ இவ ஸம்விஶதி ப்ரகாமம்
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 23..

நித்₃ராஜஹாதி ஹி ஜநாந் ஸுமுநிம் யதா₄வத்
ப்ரஜ்ஞாப்யுதே₃தி ஹி ஜநேஷு முநௌயதா₄வத் .
ஸக்திர்ஜநேஷு ஹி யதா₂ ச முநௌவிரக்தி꞉
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 24..

பு₂ல்லாநிபங்கஜவநாநி விஶுத்₃த₄ஸத்த்வ
பு₂ல்லாநி ஸஜ்ஜநமந꞉கமலாநி யத்₃வத் .
பா₄ஶ்ஶுத்₃த₄ஸத்வமிவ பா₄தி விதி₃க்ஷு தி₃க்ஷு
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 25..

ப்₃ரஹ்மாஸ்வயம்ஸுரக₃ணைஸ்ஸஹலோகபாலை꞉
தா₄மப்ரவிஶ்ய தவ மண்ட₃பகோ₃புராட்₄யம் .
பஞ்சாங்க₃ஶுத்₃தி₄மபி₄வர்ணயதி த்வதீ₃யாம்
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 26..

விக்₂யாதவைத்₃யஜந வஞ்சகரோக₃ஜால
விக்₂யாதவைத்₃ய இதி ரோக₃நிபீடி₃தாஸ்த்வாம் .
நிஶ்சித்யதா₄ம தவ தூ₃ரத ஆபதந்தி
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 27..

பூ₄தக்₃ரஹாதி₃ ப₃லவத்தர தாபயுக்தா꞉
பா₃ணாவதீமுக₂ மஹோக்₃ரபிஶாச வித்₃தா₄꞉ .
ஸ்நாதா꞉ப்ரத₃க்ஷிணவிதா₄ வுபயாந்திநாத₂
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 28..

ஸந்தாநஹீந வநிதாஸ்ஸரஸி த்வதீ₃யே
ஸ்நாத்வாஜலார்த்₃ரவஸநாஸ்தவ த₃ர்ஶநாய .
ஆயாந்திஸந்ததிவரப்ரத₃ தே₃வதே₃வ
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 29..

யத்₃து₃ஷ்ட ஸம்ஹரணமுத்தமலோகரக்ஷா
தீ₃க்ஷாம் வ்யநக்தி தவரூப மஹோந்ருஸிம்ஹ .
தச்சாத்ர யாத₃கி₃ரிமூர்த₂நிஸம்விபா₄தி
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 30..

ப்ரஹ்லாத₃ புண்யஜநி புண்யப₃லாத்ப்ரதீதம்
ரூபம் ஜநஸ்தவஹரே நிக₃மாந்தவேத்₃யம் .
ப்ராத꞉ஸ்மரம்ஸ்தரதி ஸம்ஸ்மாரணாம்பு₃ராஶிம்
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 31..

ஶ்ரீஸுப்ரபா₄தமித₃மச்யுதகைதவோக்த
மப்யச்யுதம் ப₄வதுப₄க்தஜநைகவேத்₃யம் .
லக்ஷ்மீந்ருஸிம்ஹ தவ நாமஶுப₄ப்ரபா₄வாத்
யாதா₃த்₃ரிநாத₂ ந்ருஹரே! தவ ஸுப்ரபா₄தம் .. 32..

இத்த₂ம் யாதா₃த்₃ரிநாத₂ஸ்ய ஸுப்ரபா₄த மதந்த்₃ரிதா꞉ .
யே பட₂ந்தி ஸதா₃ ப₄க்த்யா தே நராஸ்ஸுக₂பா₄கி₃ந꞉ .. 33..