.. શ્રીલક્ષ્મીનરસિંહસુપ્રભાતમ્ ..

.. શ્રીલક્ષ્મીનરસિંહસુપ્રભાતમ્ ..

શ્રી યાદગિરિ લક્ષ્મીનૃસિંહ સુપ્રભાતમ્
શ્રી વઙ્ગીપુરમ્ નરસિંહાચાર્યરચિત .
કૌસલ્યા સુપ્રજા રામ પૂર્વા સંધ્યા પ્રવર્તતે .
ઉત્તિષ્ઠ નરશાર્દૂલ! કર્તવ્યં દૈવમાહ્નિકમ્ .. ૧..

ઉત્તિષ્ઠોત્તિષ્ઠ ગોવિંદ ઉત્તિષ્ઠ ગરુડધ્વજ .
ઉત્તિષ્ઠ કમલાકાન્ત ત્રૈલોક્યં મઙ્ગળં કુરુ .. ૨..

યાદાદ્રિનાથશુભમન્દિરકલ્પવલ્લિ
પદ્માલયે જનનિ પદ્મભવાદિવન્દ્યે .
ભક્તાર્તિભઞ્જનિ દયામયદિવ્યરૂપે
લક્ષ્મીનૃસિંહદયિતે તવ સુપ્રભાતમ્ .. ૩..

જ્વાલાનૃસિંહ કરુણામય દિવ્યમૂર્તે
યોગાભિનન્દન નૃસિંહ દયાસમુદ્ર! .
લક્ષ્મીનૃસિંહ શરણાગતપારિજાત
યાદાદ્રિનાથ નૃહરે! તવ સુપ્રભાતમ્ .. ૪..

શ્રીરઙ્ગવેઙ્કટમહીધરહસ્તિશૈલ
શ્રી યાદવાદ્રિમુખસત્ત્વનિકેતનાનિ .
સ્થાનાનિ તેકિલ વદન્તિ પરાવરજ્ઞાઃ
યાદાદ્રિનાથ નૃહરે! તવ સુપ્રભાતમ્ .. ૫..

બ્રહ્માદયસ્સુરવર મુનિપુઙ્ગવાશ્ચ
ત્વાં સેવિતું વિવિધમઙ્ગળવસ્તુહસ્તાઃ .
દ્વારે વસન્તિ નરસિંહ ભવાબ્ધિપોત
યાદાદ્રિનાથ નૃહરે! તવ સુપ્રભાતમ્ .. ૬..

પ્રહ્લાદ નારદ પરાશર પુણ્ડરીક
વ્યાસાદિભક્તરસિકા ભવદીયસેવામ્ .
વાઞ્છન્ત્યનન્યહૃદયા કરુણાસમુદ્ર
યાદાદ્રિનાથ નૃહરે! તવ સુપ્રભાતમ્ .. ૭..

ત્વદ્દાસ્યભોગરસિકાશ્શઠજિન્મુખાર્યાઃ
રામાનુજાદિમહનીયગુરુપ્રધાનાઃ .
સેવાર્થ મત્ર ભવદીયગૃહાઙ્ગણસ્થાઃ
યાદાદ્રિનાથ નૃહરે! તવ સુપ્રભાતમ્ .. ૮..

ભક્તા સ્ત્વદીયપદપઙ્કજસક્તચિત્તાઃ
કાલ્યં વિધાય તવકન્દર મન્દિરાગ્રે .
ત્વદ્દર્શનોત્સુકતયા નિબિડં શ્રયન્તે
યાદાદ્રિનાથ નૃહરે! તવ સુપ્રભાતમ્ .. ૯..

દિવ્યાવતારદશકે નરસિંહ તે તુ
દિવ્યાવતારમહિમા નહિ દેવગમ્યઃ .
પ્રહ્લાદદાનવશિશોઃકિલ ભક્તિગમ્યઃ
યાદાદ્રિનાથ નૃહરે! તવ સુપ્રભાતમ્ .. ૧૦..

શ્રીયાદવાદ્રિશિખરે ત્વમહોબિલેઽપિ
સિંહાચલે ચ શુભમઙ્ગળશૈલરાજે .
વેદાચલાદિ ગિરિ મૂર્ધસુ સુસ્થિતોસિ
યાદાદ્રિનાથ નૃહરે! તવ સુપ્રભાતમ્ .. ૧૧..

કામ્યાર્થિનો વરદકલ્પક કલ્પકં ત્વાં
સેવાર્થિનઃ સ્સુજનસેવ્યપદદ્વયં ત્વામ્ .
ભક્ત્યા વિનમ્ર શિરસા પ્રણમન્તિ સર્વે
યાદાદ્રિનાથ નૃહરે! તવ સુપ્રભાતમ્ .. ૧૨..

ત્વન્નામમન્ત્રપઠનેન લુઠન્તિ પાપાઃ
ત્વન્નામમન્ત્રપઠનેન લુઠન્તિ દૈત્યાઃ .
ત્વન્નામમન્ત્રપઠનેન લુઠન્તિરોગાઃ
યાદાદ્રિનાથ નૃહરે! તવ સુપ્રભાતમ્ .. ૧૩..

લક્ષ્મીનૃસિંહ! જગદીશ! સુરેશ! વિષ્ણો
જિષ્ણો! જનાર્દન! પરાત્પર વિશ્વરૂપ .
વિશ્વપ્રભાતકરણાય કૃતાવતાર
યાદાદ્રિનાથ નૃહરે! તવ સુપ્રભાતમ્ .. ૧૪..

ત્વન્નામમન્ત્ર પઠનંકિલસુપ્રભાતં
અસ્માકમસ્તુ તવચાસ્તુ ચ સુપ્રભાતમ્ .
અસ્મત્સમુદ્ધરણમેવ વિચિત્રગાધ
યાદાદ્રિનાથ નૃહરે! તવ સુપ્રભાતમ્ .. ૧૫..

ત્વત્ પૂજકા પરિવ્રુઢા પરિચારકાશ્ચ
નિત્યાર્ચનાય વિધિવદ્વિહિત સ્વક્રુત્યાઃ .
યત્તસ્ત્વદીય શુભગહ્વર મન્દિરાગ્રે
યાદાદ્રિનાથ નૃહરે! તવ સુપ્રભાતમ્ .. ૧૬..

પ્રાભાતકીમુપચિતિમ્ પરિકલ્પયન્તઃ
કુણ્ડાશ્ચ પૂર્ણજલકુમ્ભમુપાહરન્તઃ .
શ્રીવૈષ્ણવાઃ સમુપયાન્તિહરે! નૃસિંહ
યાદાદ્રિનાથ નૃહરે! તવ સુપ્રભાતમ્ .. ૧૭..

સૂર્યોઽભ્યુદેતિ વિકસન્તિ સરોરુહાણિ
નીલોત્પલાનિ હિ ભવન્તિ નિમીલિતાનિ .
પ્રાગ્દિઙ્મુખેરુણગભસ્તિગણોઽભ્યુદેતિ
યાદાદ્રિનાથ નૃહરે! તવ સુપ્રભાતમ્ .. ૧૮..

મન્દાનિલસ્સુર નદીકમલોદરેશુ
મન્દંવિગાહ્ય શુભસૌરભ માદધાનઃ .
હર્ષપ્રકર્ષમુપયાતિ ચ સેવિતું ત્વાં
યાદાદ્રિનાથ નૃહરે! તવ સુપ્રભાતમ્ .. ૧૯..

તારાગણોવિયતિ મજ્જતિ સુપ્રભાતે
સૂર્યેણસાકમવલોકયિતું ત્વદીયમ્ .
શ્રીસુપ્રભાતમવભાસિત સર્વલોકં
યાદાદ્રિનાથ નૃહરે! તવ સુપ્રભાતમ્ .. ૨૦..

પક્ષિસ્વનાશ્ચપરિતઃપરિસમ્પતન્તિ
કૂજન્તિકોકિલગણાઃકલકંઠરાવૈઃ .
વાચા વિશુદ્ધકલયાનુવદન્તિકીરાઃ
યાદાદ્રિનાથ નૃહરે! તવ સુપ્રભાતમ્ .. ૨૧..

પલ્લીષુ વલ્લવજનાઃસ્વગૃહાઙ્ગણેષુ
ધેનૂર્દુહન્તિ વિનિભાન્તિ વિશેષદૃષ્ટ્યા .
ગોપાલબાલ ઇવ ભક્તહૃદમ્બુજેષુ
યાદાદ્રિનાથ નૃહરે! તવ સુપ્રભાતમ્ .. ૨૨..

ગાઢાંધકારપટલમ્ ગગનંજહાતિ
મોહાન્ધકાર ઇવ સન્મનુજમ્ સમસ્તમ્ .
રાગોવિરાગ ઇવ સંવિશતિ પ્રકામં
યાદાદ્રિનાથ નૃહરે! તવ સુપ્રભાતમ્ .. ૨૩..

નિદ્રાજહાતિ હિ જનાન્ સુમુનિં યધાવત્
પ્રજ્ઞાપ્યુદેતિ હિ જનેષુ મુનૌયધાવત્ .
સક્તિર્જનેષુ હિ યથા ચ મુનૌવિરક્તિઃ
યાદાદ્રિનાથ નૃહરે! તવ સુપ્રભાતમ્ .. ૨૪..

ફુલ્લાનિપઙ્કજવનાનિ વિશુદ્ધસત્ત્વ
ફુલ્લાનિ સજ્જનમનઃકમલાનિ યદ્વત્ .
ભાશ્શુદ્ધસત્વમિવ ભાતિ વિદિક્ષુ દિક્ષુ
યાદાદ્રિનાથ નૃહરે! તવ સુપ્રભાતમ્ .. ૨૫..

બ્રહ્માસ્વયંસુરગણૈસ્સહલોકપાલૈઃ
ધામપ્રવિશ્ય તવ મણ્ડપગોપુરાઢ્યમ્ .
પઞ્ચાઙ્ગશુદ્ધિમભિવર્ણયતિ ત્વદીયાં
યાદાદ્રિનાથ નૃહરે! તવ સુપ્રભાતમ્ .. ૨૬..

વિખ્યાતવૈદ્યજન વઞ્ચકરોગજાલ
વિખ્યાતવૈદ્ય ઇતિ રોગનિપીડિતાસ્ત્વામ્ .
નિશ્ચિત્યધામ તવ દૂરત આપતન્તિ
યાદાદ્રિનાથ નૃહરે! તવ સુપ્રભાતમ્ .. ૨૭..

ભૂતગ્રહાદિ બલવત્તર તાપયુક્તાઃ
બાણાવતીમુખ મહોગ્રપિશાચ વિદ્ધાઃ .
સ્નાતાઃપ્રદક્ષિણવિધા વુપયાન્તિનાથ
યાદાદ્રિનાથ નૃહરે! તવ સુપ્રભાતમ્ .. ૨૮..

સન્તાનહીન વનિતાસ્સરસિ ત્વદીયે
સ્નાત્વાજલાર્દ્રવસનાસ્તવ દર્શનાય .
આયાન્તિસન્તતિવરપ્રદ દેવદેવ
યાદાદ્રિનાથ નૃહરે! તવ સુપ્રભાતમ્ .. ૨૯..

યદ્દુષ્ટ સંહરણમુત્તમલોકરક્ષા
દીક્ષાં વ્યનક્તિ તવરૂપ મહોનૃસિંહ .
તચ્ચાત્ર યાદગિરિમૂર્થનિસંવિભાતિ
યાદાદ્રિનાથ નૃહરે! તવ સુપ્રભાતમ્ .. ૩૦..

પ્રહ્લાદ પુણ્યજનિ પુણ્યબલાત્પ્રતીતં
રૂપં જનસ્તવહરે નિગમાન્તવેદ્યમ્ .
પ્રાતઃસ્મરંસ્તરતિ સંસ્મારણામ્બુરાશિં
યાદાદ્રિનાથ નૃહરે! તવ સુપ્રભાતમ્ .. ૩૧..

શ્રીસુપ્રભાતમિદમચ્યુતકૈતવોક્ત
મપ્યચ્યુતં ભવતુભક્તજનૈકવેદ્યમ્ .
લક્ષ્મીનૃસિંહ તવ નામશુભપ્રભાવાત્
યાદાદ્રિનાથ નૃહરે! તવ સુપ્રભાતમ્ .. ૩૨..

ઇત્થં યાદાદ્રિનાથસ્ય સુપ્રભાત મતન્દ્રિતાઃ .
યે પઠન્તિ સદા ભક્ત્યા તે નરાસ્સુખભાગિનઃ .. ૩૩..