.. ಶ್ರೀಲಕ್ಷ್ಮೀನರಸಿಂಹಸುಪ್ರಭಾತಮ್ ..

.. ಶ್ರೀಲಕ್ಷ್ಮೀನರಸಿಂಹಸುಪ್ರಭಾತಮ್ ..

ಶ್ರೀ ಯಾದಗಿರಿ ಲಕ್ಷ್ಮೀನೃಸಿಂಹ ಸುಪ್ರಭಾತಮ್
ಶ್ರೀ ವಙ್ಗೀಪುರಮ್ ನರಸಿಂಹಾಚಾರ್ಯರಚಿತ .
ಕೌಸಲ್ಯಾ ಸುಪ್ರಜಾ ರಾಮ ಪೂರ್ವಾ ಸಂಧ್ಯಾ ಪ್ರವರ್ತತೇ .
ಉತ್ತಿಷ್ಠ ನರಶಾರ್ದೂಲ! ಕರ್ತವ್ಯಂ ದೈವಮಾಹ್ನಿಕಮ್ .. ೧..

ಉತ್ತಿಷ್ಠೋತ್ತಿಷ್ಠ ಗೋವಿಂದ ಉತ್ತಿಷ್ಠ ಗರುಡಧ್ವಜ .
ಉತ್ತಿಷ್ಠ ಕಮಲಾಕಾನ್ತ ತ್ರೈಲೋಕ್ಯಂ ಮಙ್ಗಳಂ ಕುರು .. ೨..

ಯಾದಾದ್ರಿನಾಥಶುಭಮನ್ದಿರಕಲ್ಪವಲ್ಲಿ
ಪದ್ಮಾಲಯೇ ಜನನಿ ಪದ್ಮಭವಾದಿವನ್ದ್ಯೇ .
ಭಕ್ತಾರ್ತಿಭಞ್ಜನಿ ದಯಾಮಯದಿವ್ಯರೂಪೇ
ಲಕ್ಷ್ಮೀನೃಸಿಂಹದಯಿತೇ ತವ ಸುಪ್ರಭಾತಮ್ .. ೩..

ಜ್ವಾಲಾನೃಸಿಂಹ ಕರುಣಾಮಯ ದಿವ್ಯಮೂರ್ತೇ
ಯೋಗಾಭಿನನ್ದನ ನೃಸಿಂಹ ದಯಾಸಮುದ್ರ! .
ಲಕ್ಷ್ಮೀನೃಸಿಂಹ ಶರಣಾಗತಪಾರಿಜಾತ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೪..

ಶ್ರೀರಙ್ಗವೇಙ್ಕಟಮಹೀಧರಹಸ್ತಿಶೈಲ
ಶ್ರೀ ಯಾದವಾದ್ರಿಮುಖಸತ್ತ್ವನಿಕೇತನಾನಿ .
ಸ್ಥಾನಾನಿ ತೇಕಿಲ ವದನ್ತಿ ಪರಾವರಜ್ಞಾಃ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೫..

ಬ್ರಹ್ಮಾದಯಸ್ಸುರವರ ಮುನಿಪುಙ್ಗವಾಶ್ಚ
ತ್ವಾಂ ಸೇವಿತುಂ ವಿವಿಧಮಙ್ಗಳವಸ್ತುಹಸ್ತಾಃ .
ದ್ವಾರೇ ವಸನ್ತಿ ನರಸಿಂಹ ಭವಾಬ್ಧಿಪೋತ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೬..

ಪ್ರಹ್ಲಾದ ನಾರದ ಪರಾಶರ ಪುಣ್ಡರೀಕ
ವ್ಯಾಸಾದಿಭಕ್ತರಸಿಕಾ ಭವದೀಯಸೇವಾಮ್ .
ವಾಞ್ಛನ್ತ್ಯನನ್ಯಹೃದಯಾ ಕರುಣಾಸಮುದ್ರ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೭..

ತ್ವದ್ದಾಸ್ಯಭೋಗರಸಿಕಾಶ್ಶಠಜಿನ್ಮುಖಾರ್ಯಾಃ
ರಾಮಾನುಜಾದಿಮಹನೀಯಗುರುಪ್ರಧಾನಾಃ .
ಸೇವಾರ್ಥ ಮತ್ರ ಭವದೀಯಗೃಹಾಙ್ಗಣಸ್ಥಾಃ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೮..

ಭಕ್ತಾ ಸ್ತ್ವದೀಯಪದಪಙ್ಕಜಸಕ್ತಚಿತ್ತಾಃ
ಕಾಲ್ಯಂ ವಿಧಾಯ ತವಕನ್ದರ ಮನ್ದಿರಾಗ್ರೇ .
ತ್ವದ್ದರ್ಶನೋತ್ಸುಕತಯಾ ನಿಬಿಡಂ ಶ್ರಯನ್ತೇ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೯..

ದಿವ್ಯಾವತಾರದಶಕೇ ನರಸಿಂಹ ತೇ ತು
ದಿವ್ಯಾವತಾರಮಹಿಮಾ ನಹಿ ದೇವಗಮ್ಯಃ .
ಪ್ರಹ್ಲಾದದಾನವಶಿಶೋಃಕಿಲ ಭಕ್ತಿಗಮ್ಯಃ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೧೦..

ಶ್ರೀಯಾದವಾದ್ರಿಶಿಖರೇ ತ್ವಮಹೋಬಿಲೇಽಪಿ
ಸಿಂಹಾಚಲೇ ಚ ಶುಭಮಙ್ಗಳಶೈಲರಾಜೇ .
ವೇದಾಚಲಾದಿ ಗಿರಿ ಮೂರ್ಧಸು ಸುಸ್ಥಿತೋಸಿ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೧೧..

ಕಾಮ್ಯಾರ್ಥಿನೋ ವರದಕಲ್ಪಕ ಕಲ್ಪಕಂ ತ್ವಾಂ
ಸೇವಾರ್ಥಿನಃ ಸ್ಸುಜನಸೇವ್ಯಪದದ್ವಯಂ ತ್ವಾಮ್ .
ಭಕ್ತ್ಯಾ ವಿನಮ್ರ ಶಿರಸಾ ಪ್ರಣಮನ್ತಿ ಸರ್ವೇ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೧೨..

ತ್ವನ್ನಾಮಮನ್ತ್ರಪಠನೇನ ಲುಠನ್ತಿ ಪಾಪಾಃ
ತ್ವನ್ನಾಮಮನ್ತ್ರಪಠನೇನ ಲುಠನ್ತಿ ದೈತ್ಯಾಃ .
ತ್ವನ್ನಾಮಮನ್ತ್ರಪಠನೇನ ಲುಠನ್ತಿರೋಗಾಃ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೧೩..

ಲಕ್ಷ್ಮೀನೃಸಿಂಹ! ಜಗದೀಶ! ಸುರೇಶ! ವಿಷ್ಣೋ
ಜಿಷ್ಣೋ! ಜನಾರ್ದನ! ಪರಾತ್ಪರ ವಿಶ್ವರೂಪ .
ವಿಶ್ವಪ್ರಭಾತಕರಣಾಯ ಕೃತಾವತಾರ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೧೪..

ತ್ವನ್ನಾಮಮನ್ತ್ರ ಪಠನಂಕಿಲಸುಪ್ರಭಾತಂ
ಅಸ್ಮಾಕಮಸ್ತು ತವಚಾಸ್ತು ಚ ಸುಪ್ರಭಾತಮ್ .
ಅಸ್ಮತ್ಸಮುದ್ಧರಣಮೇವ ವಿಚಿತ್ರಗಾಧ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೧೫..

ತ್ವತ್ ಪೂಜಕಾ ಪರಿವ್ರುಢಾ ಪರಿಚಾರಕಾಶ್ಚ
ನಿತ್ಯಾರ್ಚನಾಯ ವಿಧಿವದ್ವಿಹಿತ ಸ್ವಕ್ರುತ್ಯಾಃ .
ಯತ್ತಸ್ತ್ವದೀಯ ಶುಭಗಹ್ವರ ಮನ್ದಿರಾಗ್ರೇ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೧೬..

ಪ್ರಾಭಾತಕೀಮುಪಚಿತಿಮ್ ಪರಿಕಲ್ಪಯನ್ತಃ
ಕುಣ್ಡಾಶ್ಚ ಪೂರ್ಣಜಲಕುಮ್ಭಮುಪಾಹರನ್ತಃ .
ಶ್ರೀವೈಷ್ಣವಾಃ ಸಮುಪಯಾನ್ತಿಹರೇ! ನೃಸಿಂಹ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೧೭..

ಸೂರ್ಯೋಽಭ್ಯುದೇತಿ ವಿಕಸನ್ತಿ ಸರೋರುಹಾಣಿ
ನೀಲೋತ್ಪಲಾನಿ ಹಿ ಭವನ್ತಿ ನಿಮೀಲಿತಾನಿ .
ಪ್ರಾಗ್ದಿಙ್ಮುಖೇರುಣಗಭಸ್ತಿಗಣೋಽಭ್ಯುದೇತಿ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೧೮..

ಮನ್ದಾನಿಲಸ್ಸುರ ನದೀಕಮಲೋದರೇಶು
ಮನ್ದಂವಿಗಾಹ್ಯ ಶುಭಸೌರಭ ಮಾದಧಾನಃ .
ಹರ್ಷಪ್ರಕರ್ಷಮುಪಯಾತಿ ಚ ಸೇವಿತುಂ ತ್ವಾಂ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೧೯..

ತಾರಾಗಣೋವಿಯತಿ ಮಜ್ಜತಿ ಸುಪ್ರಭಾತೇ
ಸೂರ್ಯೇಣಸಾಕಮವಲೋಕಯಿತುಂ ತ್ವದೀಯಮ್ .
ಶ್ರೀಸುಪ್ರಭಾತಮವಭಾಸಿತ ಸರ್ವಲೋಕಂ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೨೦..

ಪಕ್ಷಿಸ್ವನಾಶ್ಚಪರಿತಃಪರಿಸಮ್ಪತನ್ತಿ
ಕೂಜನ್ತಿಕೋಕಿಲಗಣಾಃಕಲಕಂಠರಾವೈಃ .
ವಾಚಾ ವಿಶುದ್ಧಕಲಯಾನುವದನ್ತಿಕೀರಾಃ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೨೧..

ಪಲ್ಲೀಷು ವಲ್ಲವಜನಾಃಸ್ವಗೃಹಾಙ್ಗಣೇಷು
ಧೇನೂರ್ದುಹನ್ತಿ ವಿನಿಭಾನ್ತಿ ವಿಶೇಷದೃಷ್ಟ್ಯಾ .
ಗೋಪಾಲಬಾಲ ಇವ ಭಕ್ತಹೃದಮ್ಬುಜೇಷು
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೨೨..

ಗಾಢಾಂಧಕಾರಪಟಲಮ್ ಗಗನಂಜಹಾತಿ
ಮೋಹಾನ್ಧಕಾರ ಇವ ಸನ್ಮನುಜಮ್ ಸಮಸ್ತಮ್ .
ರಾಗೋವಿರಾಗ ಇವ ಸಂವಿಶತಿ ಪ್ರಕಾಮಂ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೨೩..

ನಿದ್ರಾಜಹಾತಿ ಹಿ ಜನಾನ್ ಸುಮುನಿಂ ಯಧಾವತ್
ಪ್ರಜ್ಞಾಪ್ಯುದೇತಿ ಹಿ ಜನೇಷು ಮುನೌಯಧಾವತ್ .
ಸಕ್ತಿರ್ಜನೇಷು ಹಿ ಯಥಾ ಚ ಮುನೌವಿರಕ್ತಿಃ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೨೪..

ಫುಲ್ಲಾನಿಪಙ್ಕಜವನಾನಿ ವಿಶುದ್ಧಸತ್ತ್ವ
ಫುಲ್ಲಾನಿ ಸಜ್ಜನಮನಃಕಮಲಾನಿ ಯದ್ವತ್ .
ಭಾಶ್ಶುದ್ಧಸತ್ವಮಿವ ಭಾತಿ ವಿದಿಕ್ಷು ದಿಕ್ಷು
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೨೫..

ಬ್ರಹ್ಮಾಸ್ವಯಂಸುರಗಣೈಸ್ಸಹಲೋಕಪಾಲೈಃ
ಧಾಮಪ್ರವಿಶ್ಯ ತವ ಮಣ್ಡಪಗೋಪುರಾಢ್ಯಮ್ .
ಪಞ್ಚಾಙ್ಗಶುದ್ಧಿಮಭಿವರ್ಣಯತಿ ತ್ವದೀಯಾಂ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೨೬..

ವಿಖ್ಯಾತವೈದ್ಯಜನ ವಞ್ಚಕರೋಗಜಾಲ
ವಿಖ್ಯಾತವೈದ್ಯ ಇತಿ ರೋಗನಿಪೀಡಿತಾಸ್ತ್ವಾಮ್ .
ನಿಶ್ಚಿತ್ಯಧಾಮ ತವ ದೂರತ ಆಪತನ್ತಿ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೨೭..

ಭೂತಗ್ರಹಾದಿ ಬಲವತ್ತರ ತಾಪಯುಕ್ತಾಃ
ಬಾಣಾವತೀಮುಖ ಮಹೋಗ್ರಪಿಶಾಚ ವಿದ್ಧಾಃ .
ಸ್ನಾತಾಃಪ್ರದಕ್ಷಿಣವಿಧಾ ವುಪಯಾನ್ತಿನಾಥ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೨೮..

ಸನ್ತಾನಹೀನ ವನಿತಾಸ್ಸರಸಿ ತ್ವದೀಯೇ
ಸ್ನಾತ್ವಾಜಲಾರ್ದ್ರವಸನಾಸ್ತವ ದರ್ಶನಾಯ .
ಆಯಾನ್ತಿಸನ್ತತಿವರಪ್ರದ ದೇವದೇವ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೨೯..

ಯದ್ದುಷ್ಟ ಸಂಹರಣಮುತ್ತಮಲೋಕರಕ್ಷಾ
ದೀಕ್ಷಾಂ ವ್ಯನಕ್ತಿ ತವರೂಪ ಮಹೋನೃಸಿಂಹ .
ತಚ್ಚಾತ್ರ ಯಾದಗಿರಿಮೂರ್ಥನಿಸಂವಿಭಾತಿ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೩೦..

ಪ್ರಹ್ಲಾದ ಪುಣ್ಯಜನಿ ಪುಣ್ಯಬಲಾತ್ಪ್ರತೀತಂ
ರೂಪಂ ಜನಸ್ತವಹರೇ ನಿಗಮಾನ್ತವೇದ್ಯಮ್ .
ಪ್ರಾತಃಸ್ಮರಂಸ್ತರತಿ ಸಂಸ್ಮಾರಣಾಮ್ಬುರಾಶಿಂ
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೩೧..

ಶ್ರೀಸುಪ್ರಭಾತಮಿದಮಚ್ಯುತಕೈತವೋಕ್ತ
ಮಪ್ಯಚ್ಯುತಂ ಭವತುಭಕ್ತಜನೈಕವೇದ್ಯಮ್ .
ಲಕ್ಷ್ಮೀನೃಸಿಂಹ ತವ ನಾಮಶುಭಪ್ರಭಾವಾತ್
ಯಾದಾದ್ರಿನಾಥ ನೃಹರೇ! ತವ ಸುಪ್ರಭಾತಮ್ .. ೩೨..

ಇತ್ಥಂ ಯಾದಾದ್ರಿನಾಥಸ್ಯ ಸುಪ್ರಭಾತ ಮತನ್ದ್ರಿತಾಃ .
ಯೇ ಪಠನ್ತಿ ಸದಾ ಭಕ್ತ್ಯಾ ತೇ ನರಾಸ್ಸುಖಭಾಗಿನಃ .. ೩೩..