অথ গণেশগীতা

॥ ওঁ নমঃ শ্রীগণেশায ॥

॥ প্রথমোঽধ্যাযঃ ॥

॥ সাঙ্খ্যসারার্থ যোগঃ ॥

ক উভ়াচ -
এভ়মেভ় পুরা পৃষ্টঃ শৌনকেন মহাত্মনা ।
স সূতঃ কথযামাস গীতাং ভ়্যাসমুখাচ্ছ্রুতাম্ ॥১ ॥

সূত উভ়াচ -
অষ্টাদশপুরাণোক্তমমৃতং প্রাশিতং ত্বযা ।
ততোঽতিরসভ়ৎপাতুমিচ্ছাম্যমৃতমুত্তমম্ ॥২ ॥

যেনামৃতমযো ভূত্বা পুমান্‌ব্রহ্মামৃতং যতঃ ।
যোগামৃতং মহাভাগ তন্মে করুণযা ভ়দ ॥৩ ॥

ভ়্যাস উভ়াচ -
অথ গীতাং প্রভ়ক্ষ্যামি যোগমার্গপ্রকাশিনীম্ ।
নিযুক্তা পৃচ্ছতে সূত রাজ্ঞে গজমুখেন যা ॥৪ ॥

ভ়রেণ্য উভ়াচ -
ভ়িঘ্নেশ্বর মহাবাহো সর্ভ়ভ়িদ্যাভ়িশারদ ।
সর্ভ়শাস্ত্রার্থতত্ত্বজ্ঞ যোগং মে ভ়ক্তুমর্হসি ॥৫ ॥

শ্রীগজানন উভ়াচ -
সম্যগ্ব্যভ়সিতা রাজন্মতিস্তেঽনুগ্রহান্মম ।
শৃণু গীতাং প্রভ়ক্ষ্যামি যোগামৃতমযীং নৃপ ॥৬ ॥

ন যোগং যোগমিত্যাহুর্যোগো যোগো ন চ শ্রিযঃ ।
ন যোগো ভ়িষযৈর্যোগো ন চ মাত্রাদিভিস্তদা ॥৭ ॥

যোগো যঃ পিতৃমাত্রাদের্ন স যোগো নরাধিপ ।
যো যোগো বন্ধুপুত্রাদের্যশ্চাষ্টভূতিভিঃ সহ ॥৮ ॥

ন স যোগস্ত্রিযা যোগো জগদদ্ভুতরূপযা ।
রাজ্যযোগশ্চ নো যোগো ন যোগো গজভ়াজিভিঃ ॥৯ ॥

যোগো নেন্দ্রপদস্যাপি যোগো যোগার্থিনঃ প্রিযঃ ।
যোগো যঃ সত্যলোকস্য ন স যোগো মতো মম ॥১০ ॥

শৈভ়স্য যোগো নো যোগো ভ়ৈষ্ণভ়স্য পদস্য যঃ ।
ন যোগো ভূপ সূর্যত্বং চন্দ্রত্বং ন কুবেরতা ॥১১ ॥

নানিলত্বং নানলত্বং নামরত্বং ন কালতা ।
ন ভ়ারুণ্যং ন নৈরৃত্যং যোগো ন সার্ভ়ভৌমতা ॥১২ ॥

যোগং নানাভ়িধং ভূপ যুঞ্জন্তি জ্ঞানিনস্ততম্ ।
ভভ়ন্তি ভ়িতৃষা লোকে জিতাহারা ভ়িরেতসঃ ॥১৩ ॥

পাভ়যন্ত্যখিলান্লোকান্বশীকৃতজগত্ত্রযাঃ ।
করুণাপূর্ণহৃদযা বোধযন্ত্যপি কাংশ্চন ॥১৪ ॥

জীভ়ন্মুক্তা হৃদে মগ্নাঃ পরমানন্দরূপিণি ।
নিমীল্যাক্ষীণি পশ্যন্তঃ পরং ব্রহ্ম হৃদি স্থিতম্ ॥১৫ ॥

ধ্যাযন্তঃ পরমং ব্রহ্ম চিত্তে যোগভ়শীকৃতম্ ।
ভূতানি স্বাত্মনা তুল্যং সর্ভ়াণি গণযন্তি তে ॥১৬ ॥

যেন কেনচিদাচ্ছিন্না যেন কেনচিদাহতাঃ ।
যেন কেনচিদাকৃষ্টা যেন কেনচিদাশ্রিতাঃ ॥১৭ ॥

করুণাপূর্ণহৃদযা ভ্রমন্তি ধরণীতলে ।
অনুগ্রহায লোকানাং জিতক্রোধা জিতেন্দ্রিযাঃ ॥১৮ ॥

দেহমাত্রভৃতো ভূপ সমলোষ্টাশ্মকাঞ্চনাঃ ।
এতাদৃশা মহাভাগ্যাঃ স্যুশ্চক্ষুর্গোচরাঃ প্রিয ॥১৯ ॥

তমিদানীমহং ভ়ক্ষ্যে শৃণু যোগমনুত্তমম্ ।
শ্রুত্বা যং মুচ্যতে জন্তুঃ পাপেভ্যো ভভ়সাগরাৎ ॥২০ ॥

শিভ়ে ভ়িষ্ণৌ চ শক্তৌ চ সূর্যে মযি নরাধিপ ।
যাঽভেদবুদ্ধির্যোগঃ স সম্যগ্যোগো মতো মম ॥২১ ॥

অহমেভ় জগদ্যস্মাৎসৃজামি পালযামি চ ।
কৃত্বা নানাভ়িধং ভ়েষং সংহরামি স্বলীলযা ॥২২ ॥

অহমেভ় মহাভ়িষ্ণুরহমেভ় সদাশিভ়ঃ ।
অহমেভ় মহাশক্তিরহমেভ়ার্যমা প্রিয ॥২৩ ॥

অহমেকো নৃণাং নাথো জাতঃ পঞ্চভ়িধঃ পুরা ।
অজ্ঞানান্মা ন জানন্তি জগৎকারণকারণম্ ॥২৪ ॥

মত্তোঽগ্নিরাপো ধরণী মত্ত আকাশমারুতৌ ।
ব্রহ্মা ভ়িষ্ণুশ্চ রুদ্রশ্চ লোকপালা দিশো দশ ॥২৫ ॥

ভ়সভ়ো মনভ়ো গাভ়ো মনভ়ঃ পশভ়োঽপি চ ।
সরিতঃ সাগরা যক্ষা ভ়ৃক্ষাঃ পক্ষিগণা অপি ॥২৬ ॥

তথৈকভ়িংশতিঃ স্বর্গা নাগাঃ সপ্ত ভ়নানি চ ।
মনুষ্যাঃ পর্ভ়তাঃ সাধ্যাঃ সিদ্ধা রক্ষোগণাস্তথা ॥২৭ ॥

অহং সাক্ষী জগচ্চক্ষুরলিপ্তঃ সর্ভ়কর্মভিঃ ।
অভ়িকারোঽপ্রমেযোঽহমভ়্যক্তো ভ়িশ্বগোঽভ়্যযঃ ॥২৮ ॥

অহমেভ় পরং ব্রহ্মাভ়্যযানন্দাত্মকং নৃপ ।
মোহযত্যখিলান্মাযা শ্রেষ্ঠান্মম নরানমূন্ ॥২৯ ॥

সর্ভ়দা ষড্বিকারেষু তানিযং যোজযেৎ ভৃশম্ ।
হিত্বাজাপটলং জন্তুরনেকৈর্জন্মভিঃ শনৈঃ ॥৩০ ॥

ভ়িরজ্য ভ়িন্দতি ব্রহ্ম ভ়িষযেষু সুবোধতঃ ।
অচ্ছেদ্যং শস্ত্রসঙ্ঘাতৈরদাহ্যমনলেন চ ॥৩১ ॥

অক্লেদ্যং ভূপ ভুভ়নৈরশোষ্যং মারুতেন চ ।
অভ়ধ্যং ভ়ধ্যমানেঽপি শরীরেঽস্মিন্নরাধিপ ॥৩২ ॥

যামিমাং পুষ্পিতাং ভ়াচং প্রশংসন্তি শ্রুতীরিতাম্ ।
ত্রযীভ়াদরতা মূঢাস্ততোঽন্যন্মন্বতেঽপি ন ॥৩৩ ॥

কুর্ভ়ন্তি সততং কর্ম জন্মমৃত্যুফলপ্রদম্ ।
স্বর্গৈশ্বর্যরতা ধ্বস্তচেতনা ভোগবুদ্ধযঃ ॥৩৪ ॥

সম্পাদযন্তি তে ভূপ স্বাত্মনা নিজবন্ধনম্ ।
সংসারচক্রং যুঞ্জন্তি জডাঃ কর্মপরা নরাঃ ॥৩৫ ॥

যস্য যদ্বিহিতং কর্ম তৎকর্তভ়্যং মদর্পণম্ ।
ততোঽস্য কর্মবীজানামুচ্ছিন্নাঃ স্যুর্মহাঙ্কুরাঃ ॥৩৬ ॥

চিত্তশুদ্ধিশ্চ মহতী ভ়িজ্ঞানসাধিকা ভভ়েৎ ।
ভ়িজ্ঞানেন হি ভ়িজ্ঞাতং পরং ব্রহ্ম মুনীশ্বরৈঃ ॥৩৭ ॥

তস্মাৎকর্মাণি কুর্ভ়ীত বুদ্ধিযুক্তো নরাধিপ ।
ন ত্বকর্মা ভভ়েৎকোঽপি স্বধর্মত্যাগভ়াংস্তথা ॥৩৮ ॥

জহাতি যদি কর্মাণি ততঃ সিদ্ধিং ন ভ়িন্দতি ।
আদৌ জ্ঞানে নাধিকারঃ কর্মণ্যেভ় স যুজ্যতে ॥৩৯ ॥

কর্মণা শুদ্ধহৃদযোঽভেদবুদ্ধিমুপৈষ্যতি ।
স চ যোগঃ সমাখ্যাতোঽমৃতত্বায কল্পতে ॥৪০ ॥

যোগমন্যং প্রভ়ক্ষ্যামি শৃণু ভূপ তমুত্তমম্ ।
পশৌ পুত্রে তথা মিত্রে শত্রৌ বন্ধৌ সুহৃজ্জনে ॥৪১ ॥

বহির্দৃষ্ট্যা চ সমযা হৃৎস্থযালোকযেৎপুমান্ ।
সুখে দুঃখে তথাঽমর্ষে হর্ষে ভীতৌ সমো ভভ়েৎ ॥৪২ ॥

রোগাপ্তৌ চৈভ় ভোগাপ্তৌ জযে ভ়া ভ়িজযেঽপি চ ।
শ্রিযোঽযোগে চ যোগে চ লাভালাভে মৃতাভ়পি ॥৪৩ ॥

সমো মাং ভ়স্তুজাতেষু পশ্যন্নন্তর্বহিঃস্থিতম্ ।
সূর্যে সোমে জলে ভ়হ্নৌ শিভ়ে শক্তৌ তথানিলে ॥৪৪ ॥

দ্বিজে হৃদি মহানদ্যাং তীর্থে ক্ষেত্রেঽঘনাশিনি ।
ভ়িষ্ণৌ চ সর্ভ়দেভ়েষু তথা যক্ষোরগেষু চ ॥৪৫ ॥

গন্ধর্ভ়েষু মনুষ্যেষু তথা তির্যগ্ভভ়েষু চ ।
সততং মাং হি যঃ পশ্যেৎসোঽযং যোগভ়িদুচ্যতে ॥৪৬ ॥

সম্পরাহৃত্য স্বার্থেভ্য ইন্দ্রিযাণি ভ়িভ়েকতঃ ।
সর্ভ়ত্র সমতাবুদ্ধিঃ স যোগো ভূপ মে মতঃ ॥৪৭ ॥

আত্মানাত্মভ়িভ়েকেন যা বুদ্ধির্দৈভ়যোগতঃ ।
স্বধর্মাসক্তচিত্তস্য তদ্যোগো যোগ উচ্যতে ॥৪৮ ॥

ধর্মাধরমৌ জহাতীহ তযা যুক্ত উভাভ়পি ।
অতো যোগায যুঞ্জীত যোগো ভ়ৈধেষু কৌশলম্ ॥৪৯ ॥

ধর্মাধর্মফলে ত্যক্ত্বা মনীষী ভ়িজিতেন্দ্রিযঃ ।
জন্মবন্ধভ়িনির্মুক্তঃ স্থানং সংযাত্যনামযম্ ॥৫০ ॥

যদা হ্যজ্ঞানকালুষ্যং জন্তোর্বুদ্ধিঃ ক্রমিষ্যতি ।
তদাসৌ যাতি ভ়ৈরাগ্যং ভ়েদভ়াক্যাদিষু ক্রমাৎ ॥৫১ ॥

ত্রযীভ়িপ্রতিপন্নস্য স্থাণুত্বং যাস্যতে যদা ।
পরাত্মন্যচলা বুদ্ধিস্তদাসৌ যোগমাপ্নুযাৎ ॥৫২ ॥

মানসানখিলান্কামান্যদা ধীমাংস্ত্যজেৎপ্রিয ।
স্বাত্মনি স্বেন সন্তুষ্টঃ স্থিরবুদ্ধিস্তদোচ্যতে ॥৫৩ ॥

ভ়িতৃষ্ণঃ সর্ভ়সৌখ্যেষু নোদ্বিগ্নো দুঃখসঙ্গমে ।
গতসাধ্বসরুড্রাগঃ স্থিরবুদ্ধিস্তদোচ্যতে ॥৫৪ ॥

যথাঽযং কমঠোঽঙ্গানি সংকোচযতি সর্ভ়তঃ ।
ভ়িষযেভ্যস্তথা খানি সংকর্পেদ্যোগতৎপরঃ ॥৫৫ ॥

ভ়্যাভ়র্তন্তেঽস্য ভ়িষযাস্ত্যক্তাহারস্য ভ়র্ষ্মিণঃ ।
ভ়িনা রাগং চ রাগোঽপি দৃষ্ট্বা ব্রহ্ম ভ়িনশ্যতি ॥৫৬ ॥

ভ়িপশ্চিদ্যততে ভূপ স্থিতিমাস্থায যোগিনঃ ।
মন্থযিত্বেন্দ্রিযাণ্যস্য হরন্তি বলতো মনঃ ॥৫৭ ॥

যুক্তস্তানি ভ়শে কৃত্বা সর্ভ়দা মৎপরো ভভ়েৎ ।
সংযতানীন্দ্রিযাণীহ যস্যাসৌ কৃতধীর্মতঃ ॥৫৮ ॥

চিন্তযানস্য ভ়িষযান্সংগস্তেষূপজাযতে ।
কামঃ সংজাযতে তস্মাত্ততঃ ক্রোধোঽভিভ়র্ততে ॥৫৯ ॥

ক্রোধাদজ্ঞানসংভূতির্ভ়িভ্রমস্তু ততঃ স্মৃতেঃ ।
ভ্রংশাৎস্মৃতের্মতের্ধ্বংসস্তদ্ধ্বংসাৎসোঽপি নশ্যতি ॥৬০ ॥

ভ়িনা দ্বেষং চ রাগং চ গোচরান্যস্তু খৈশ্চরেৎ ।
স্বাধীনহৃদযো ভ়শ্যৈঃ সংতোষং স সমৃচ্ছতি ॥৬১ ॥

ত্রিভ়িধস্যাপি দুঃখস্য সংতোষে ভ়িলযো ভভ়েৎ ।
প্রজ্ঞযা সংস্থিতশ্চাযং প্রসন্নহৃদযো ভভ়েৎ ॥৬২ ॥

ভ়িনা প্রসাদং ন মতির্ভ়িনা মত্যা ন ভাভ়না ।
ভ়িনা তাং ন শমো ভূপ ভ়িনা তেন কুতঃ সুখম্ ॥৬৩ ॥

ইন্দ্রিযাশ্বান্বিচরতো ভ়িষযাননু ভ়র্ততে ।
যন্মনস্তন্মতিং হন্যাদপ্সু নাভ়ং মরুদ্যথা ॥৬৪ ॥

যা রাত্রিঃ সর্ভ়ভূতানাং তস্যাং নিদ্রাতি নৈভ় সঃ ।
ন স্বপন্তীহ তে যত্র সা রাত্রিস্তস্য ভূমিপ ॥৬৫ ॥

সরিতাং পতিমাযান্তি ভ়নানি সর্ভ়তো যথা ।
আযান্তি যং তথা কামা ন স শান্তিং ক্বচিল্লভেৎ ॥৬৬ ॥

অতস্তানীহ সংরুধ্য সর্ভ়তঃ খানি মানভ়ঃ ।
স্বস্বার্থেভ্যঃ প্রধাভ়ন্তি বুদ্ধিরস্য স্থিরা তদা ॥৬৭ ॥

মমতাহংকৃতী ত্যক্ত্বা সর্ভ়ান্কামাংশ্চ যস্ত্যজেৎ ।
নিত্যং জ্ঞানরতো ভূত্বা জ্ঞানান্মুক্তিং স যাস্যতি ॥৬৮ ॥

এভ়ং ব্রহ্মধিযং ভূপ যো ভ়িজানাতি দৈভ়তঃ ।
তুর্যামভ়স্থাং প্রাপ্যাপি জীভ়ন্মুক্তিং প্রযাস্যতি ॥৬৯ ॥

যোগামৃতার্থশাস্ত্রে
শ্রীগণেশপুরাণে উত্তরখণ্ডে গজাননভ়রেণ্যসংভ়াদে
সাংখ্যসারার্থযোগো নাম প্রথমোঽধ্যাযঃ ॥

॥ দ্বিতীযোঽধ্যাযঃ ॥

॥ কর্মযোগঃ ॥

ভ়রেণ্য উভ়াচ -
জ্ঞাননিষ্ঠা কর্মনিষ্ঠা দ্বযং প্রোক্তং ত্বযা ভ়িভো ।
অভ়ধার্য ভ়দৈকং মে নিঃশ্রেযসকরং নু কিম্ ॥১ ॥

গজানন উভ়াচ -
অস্মিংশ্চরাচরে স্থিত্যৌ পুরোক্তে দ্বে মযা প্রিয ।
সাংখ্যানাং বুদ্ধিযোগেন ভ়ৈধযোগেন কর্মিণাম্ ॥২ ॥

অনারম্ভেণ ভ়ৈধানাং নিষ্ক্রিযঃ পুরুষো ভভ়েৎ ।
ন সিদ্ধিং যাতি সংত্যাগাৎকেভ়লাৎকর্মণো নৃপ ॥৩ ॥

কদাচিদক্রিযঃ কোঽপি ক্ষণং নৈভ়াভ়তিষ্ঠতে ।
অস্বতন্ত্রঃ প্রকৃতিজৈর্গুণৈঃ কর্ম চ কার্যতে ॥৪ ॥

কর্মকারীন্দ্রিযগ্রামং নিযম্যাস্তে স্মরন্পুমান্ ।
তদ্গোচরান্মন্দচিত্তো ধিগাচারঃ স ভাষ্যতে ॥৫ ॥

তদ্গ্রামং সংনিযম্যাদৌ মনসা কর্ম চারভেৎ ।
ইন্দ্রিযৈঃ কর্মযোগং যো ভ়িতৃষ্ণঃ স পরো নৃপ ॥৬ ॥

অকর্মণঃ শ্রেষ্ঠতমং কর্মানীহাকৃতং তু যৎ ।
ভ়র্ষ্মণঃ স্থিতিরপ্যস্যাকর্মণো নৈভ় সেৎস্যতি ॥৭ ॥

অসমর্প্য নিবধ্যন্তে কর্ম তেন জনা মযি ।
কুর্ভ়ীত সততং কর্মানাশোঽসঙ্গো মদর্পণম্ ॥৮ ॥

মদর্থে যানি কর্মাণি তানি বধ্নন্তি ন ক্বচিৎ ।
সভ়াসনমিদং কর্ম বধ্নাতি দেহিনং বলাৎ ॥৯ ॥

ভ়র্ণান্সৃষ্ট্বাভ়দং চাহং সযজ্ঞাংস্তান্পুরা প্রিয ।
যজ্ঞেন ঋধ্যতামেষ কামদঃ কল্পভ়ৃক্ষভ়ৎ ॥১০ ॥

সুরাংশ্চান্নেন প্রীণধ্বং সুরাস্তে প্রীণযন্তু ভ়ঃ ।
লভধ্বং পরমং স্থানমন্যোন্যপ্রীণনাৎস্থিরম্ ॥১১ ॥

ইষ্টা দেভ়াঃ প্রদাস্যন্তি ভোগানিষ্টান্সুতর্পিতাঃ ।
তৈর্দত্তাংস্তান্নরস্তেভ্যোঽদত্বা ভুঙ্ক্তে স তস্করঃ ॥১২ ॥

হুতাভ়শিষ্টভোক্তারো মুক্তাঃ স্যুঃ সর্ভ়পাতকৈঃ ।
অদন্ত্যেনো মহাপাপা আত্মহেতোঃ পচন্তি যে ॥১৩ ॥

ঊর্জো ভভ়ন্তি ভূতানি দেভ়াদন্নস্য সংভভ়ঃ ।
যজ্ঞাচ্চ দেভ়সংভূতিস্তদুৎপত্তিশ্চ ভ়ৈধতঃ ॥১৪ ॥

ব্রহ্মণো ভ়ৈধমুৎপন্নং মত্তো ব্রহ্মসমুদ্ভভ়ঃ ।
অতো যজ্ঞে চ ভ়িশ্বস্মিন্ স্থিতং মাং ভ়িদ্ধি ভূমিপ ॥১৫ ॥

সংসৃতীনাং মহাচক্রং ক্রামিতভ়্যং ভ়িচক্ষণৈঃ ।
স মুদা প্রীণতে ভূপেন্দ্রিযক্রীডোঽধমো জনঃ ॥১৬ ॥

অন্তরাত্মনি যঃ প্রীত আত্মারামোঽখিলপ্রিযঃ ।
আত্মতৃপ্তো নরো যঃ স্যাত্তস্যার্থো নৈভ় ভ়িদ্যতে ॥১৭

কার্যাকার্যকৃতীনাং স নৈভ়াপ্নোতি শুভাশুভে ।
কিংচিদস্য ন সাধ্যং স্যাৎসর্ভ়জন্তুষু সর্ভ়দা ॥১৮ ॥

অতোঽসক্ততযা ভূপ কর্তভ়্যং কর্ম জন্তুভিঃ ।
সক্তোঽগতিমভ়াপ্নোতি মামভ়াপ্নোতি তাদৃশঃ ॥১৯ ॥

পরমাং সিদ্ধিমাপন্নাঃ পুরা রাজর্ষযো দ্বিজাঃ ।
সংগ্রহায হি লোকানাং তাদৃশং কর্ম চারভেৎ ॥২০ ॥

শ্রেযান্যৎকুরুতে কর্ম তৎকরোত্যখিলো জনঃ ।
মনুতে যৎপ্রমাণং স তদেভ়ানুসরত্যসৌ ॥২১ ॥

ভ়িষ্টপে মে ন সাধ্যোঽস্তি কশ্চিদর্থো নরাধিপ ।
অনালব্ধশ্চ লব্ধভ়্যঃ কুর্ভ়ে কর্ম তথাপ্যহম্ ॥২২ ॥

ন কুর্ভ়েঽহং যদা কর্ম স্বতন্ত্রোঽলসভাভ়িতঃ ।
করিষ্যন্তি মম ধ্যানং সর্ভ়ে ভ়র্ণা মহামতে ॥২৩ ॥

ভভ়িষ্যন্তি ততো লোকা উচ্ছিন্নাঃ সম্প্রদাযিনঃ ।
হংতা স্যামস্য লোকস্য ভ়িধাতা সংকরস্য চ ॥২৪ ॥

কামিনো হি সদা কামৈরজ্ঞানাৎকর্মকারিণঃ ।
লোকানাং সংগ্রহাযৈতদ্বিদ্বান্ কুর্যাদসক্তধীঃ ॥২৫ ॥

ভ়িভিন্নত্বমতিং জহ্যাদজ্ঞানাং কর্মচারিণাম্
ভাগাদ্গুণকর্ম
যোগযুক্তঃ সর্ভ়কর্মাণ্যর্পযেন্মযি কর্মকৃৎ ॥২৬ ॥

অভ়িদ্যাগুণসাচিভ়্যাৎকুর্ভ়ন্কর্মাণ্যতন্দ্রিতঃ ।
অহংকারাদ্ভিন্নবুদ্ধিরহংকর্তেতি যোঽব্রভ়ীৎ ॥২৭ ॥

যস্তু ভ়েত্ত্যাত্মনস্তত্ত্বং ভ়িভাগাদ্গুণকর্মণোঃ ।
করণং ভ়িষযে ভ়ৃত্তমিতি মত্বা ন সজ্জতে ॥২৮ ॥

কুর্ভ়ন্তি সফলং কর্ম গুণৈস্ত্রিভির্ভ়িমোহিতাঃ ।
অভ়িশ্বস্তঃ স্বাত্মদ্রুহো ভ়িশ্বভ়িন্নৈভ় লংঘযেৎ ॥২৯ ॥

নিত্যং নৈমিত্তিকং তস্মান্মযি কর্মার্পযেদ্‌বুধঃ ।
ত্যক্ত্বাহংমমতাবুদ্ধিং পরাং গতিমভ়াপ্নুযাৎ ॥৩০ ॥

অনীর্ষ্যন্তো ভক্তিমন্তো যে মযোক্তমিদং শুভম্ ।
অনুতিষ্ঠন্তি যে সর্ভ়ে মুক্তাস্তেঽখিলকর্মভিঃ ॥৩১ ॥

যে চৈভ় নানুতিষ্ঠন্তি ত্বশুভা হতচেতসঃ ।
ঈর্ষ্যমাণান্মহামূঢান্নষ্টাংস্তান্বিদ্ধি মে রিপূন্ ॥৩২ ॥

তুল্যং প্রকৃত্যা কুরুতে কর্ম যজ্জ্ঞানভ়ানপি ।
অনুযাতি চ তামেভ়াগ্রহস্তত্র মুধা মতঃ ॥৩৩ ॥

কামশ্চৈভ় তথা ক্রোধঃ খানামর্থেষু জাযতে ।
নৈতযোর্ভ়শ্যতাং যাযাদম্যভ়িধ্বংসকৌ যতঃ ॥৩৪ ॥

শস্তোঽগুণো নিজো ধর্মঃ সাংগাদন্যস্য ধর্মতঃ ।
নিজে তস্মিন্মৃতিঃ শ্রেযোঽপরত্র ভযদঃ পরঃ ॥৩৫ ॥

ভ়রেণ্য উভ়াচ -
পুমান্যৎকুরুতে পাপং স হি কেন নিযুজ্যতে ।
অকাঙ্ক্ষন্নপি হেরম্ব প্রেরিতঃ প্রবলাদিভ় ॥৩৬ ॥

শ্রীগজানন উভ়াচ -
কামক্রোধৌ মহাপাপৌ গুণদ্বযসমুদ্ভভ়ৌ ।
নযন্তৌ ভ়শ্যতাং লোকান্ ভ়িদ্ধ্যেতৌ দ্বেষিণৌ ভ়রৌ ॥৩৭ ॥

আভ়ৃণোতি যথা মাযা জগদ্‌বাষ্পো জলং যথা ।
ভ়র্ষামেঘো যথা ভানুং তদ্বৎকামোঽখিলাংশ্চ রুট্ ॥৩৮ ॥

প্রতিপত্তিমতো জ্ঞানং ছাদিতং সততং দ্বিষা ।
ইচ্ছাত্মকেন তরসা দুষ্পোষ্যেণ চ শুষ্মিণা ॥৩৯ ॥

আশ্রিত্য বুদ্ধিমনসী ইন্দ্রিযাণি স তিষ্ঠতি ।
তৈরেভ়াচ্ছাদিতপ্রজ্ঞো জ্ঞানিনং মোহযত্যসৌ ॥৪০ ॥

তস্মান্নিযম্য তান্যাদৌ সমনাংসি নরো জযেৎ ।
জ্ঞানভ়িজ্ঞানযোঃ শান্তিকরং পাপং মনোভভ়ম্ ॥৪১ ॥

যতস্তানি পরাণ্যাহুস্তেভ্যশ্চ পরমং মনঃ ।
ততোঽপি হি পরা বুদ্ধিরাত্মা বুদ্ধেঃ পরো মতঃ ॥৪২ ॥

বুদ্ধ্বৈভ়মাত্মনাত্মানং সংস্তভ্যাত্মানমাত্মনা ।
হত্বা শত্রুং কামরূপং পরং পদমভ়াপ্নুযাৎ ॥৪৩ ॥

ইতি শ্রীমদ্গণেশগীতাসূপনিষদর্থগর্ভাসু যোগামৃতার্থশাস্ত্রে শ্রীগণেশপুরাণে উত্তরখণ্ডে গজাননভ়রেণ্যসংভ়াদে কর্মযোগো নাম দ্বিতীযোঽধ্যাযঃ ॥

॥ ভ়িজ্ঞানপ্রতিপাদন ॥

শ্রীগজানন উভ়াচ -
পুরা সর্গাদিসমযে ত্রৈগুণ্যং ত্রিতনূরুহম্ ।
নির্মায চৈনমভ়দং ভ়িষ্ণভ়ে যোগমুত্তমম্ ॥১ ॥

অর্যম্ণে সোঽব্রভ়ীৎসোঽপি মনভ়ে নিজসূনভ়ে ।
ততঃ পরম্পরাযাতং ভ়িদুরেনং মহর্ষযঃ ॥২ ॥

কালেন বহুনা চাযং নষ্টঃ স্যাচ্চরমে যুগে ।
অশ্রদ্ধেযো হ্যভ়িশ্বাস্যো ভ়িগীতভ়্যশ্চ ভূমিপ ॥৩ ॥

এভ়ং পুরাতনং যোগং শ্রুতভ়ানসি মন্মুখাৎ ।
গুহ্যাদ্গুহ্যতরং ভ়েদরহস্যং পরমং শুভম্ ॥৪ ॥

ভ়রেণ্য উভ়াচ -
সাংপ্রতং চাভ়তীর্ণোঽসি গর্ভতস্ত্বং গজানন ।
প্রোক্তভ়ান্কথমেতং ত্বং ভ়িষ্ণভ়ে যোগমুত্তমম্ ॥৫ ॥

গণেশ উভ়াচ -
অনেকানি চ তে জন্মান্যতীতানি মমাপি চ ।
সংস্মরে তানি সর্ভ়াণি ন স্মৃতিস্তভ় ভ়র্ততে ॥৬ ॥

মত্ত এভ় মহাবাহো জাতা ভ়িষ্ণ্বাদযঃ সুরাঃ ।
ময্যেভ় চ লযং যান্তি প্রলযেষু যুগে যুগে ॥৭ ॥

অহমেভ় পরো ব্রহ্ম মহারুদ্রোঽহমেভ় চ ।
অহমেভ় জগৎসর্ভ়ং স্থাভ়রং জঙ্গমং চ যৎ ॥৮ ॥

অজোঽভ়্যযোঽহং ভূতাত্মাঽনাদিরীশ্বর এভ় চ ।
আস্থায ত্রিগুণাং মাযাং ভভ়ামি বহুযোনিষু ॥৯ ॥

অধর্মোপচযো ধর্মাপচযো হি যদা ভভ়েৎ ।
সাধূন্সংরক্ষিতুং দুষ্টাংস্তাডিতুং সংভভ়াম্যহম্ ॥১০ ॥

উচ্ছিদ্যাধর্মনিচযং ধর্মং সংস্থাপযামি চ ।
হন্মি দুষ্টাংশ্চ দৈত্যাংশ্চ নানালীলাকরো মুদা ॥১১ ॥

ভ়র্ণাশ্রমান্মুনীন্সাধূন্পালযে বহুরূপধৃক্ ।
এভ়ং যো ভ়েত্তি সংভূতির্মম দিভ়্যা যুগে যুগে ॥১২ ॥

তত্তৎকর্ম চ ভ়ীর্যং চ মম রূপং সমাসতঃ ।
ত্যক্তাহংমমতাবুদ্ধিং ন পুনর্ভূঃ স জাযতে ॥১৩ ॥

নিরীহা নির্ভিযোরোষা মৎপরা মদ্ব্যপাশ্রযাঃ ।
ভ়িজ্ঞানতপসা শুদ্ধা অনেকে মামুপাগতাঃ ॥১৪ ॥

যেন যেন হি ভাভ়েন সংসেভ়ন্তে নরোত্তমাঃ ।
তথা তথা ফলং তেভ্যঃ প্রযচ্ছাম্যভ়্যযঃ স্ফুটম্ ॥১৫ ॥

জনাঃ স্যুরিতরে রাজন্মম মার্গানুযাযিনঃ ।
তথৈভ় ভ়্যভ়হারং তে স্বেষু চান্যেষু কুর্ভ়তে ॥১৬ ॥

কুর্ভ়ন্তি দেভ়তাপ্রীতিং কাঙ্ক্ষন্তঃ কর্মণাং ফলম্ ।
প্রাপ্নুবংতীহ তে লোকে শীঘ্রং সিদ্ধিং হি কর্মজাম্ ॥১৭ ॥

চত্বারো হি মযা ভ়র্ণা রজঃসত্ত্বতমোংঽশতঃ ।
কর্মাংশতশ্চ সংসৃষ্টা মৃত্যুলোকে মযানঘ ॥১৮ ॥

কর্তারমপি তেষাং মামকর্তারং ভ়িদুর্বুধাঃ ।
অনাদিমীশ্বরং নিত্যমলিপ্তং কর্মজৈর্গুণৈঃ ॥১৯ ॥

নিরীহং যোঽভিজানাতি কর্ম বধ্নাতি নৈভ় তম্ ।
চক্রুঃ কর্মাণি বুদ্ধ্যৈভ়ং পূর্ভ়ং পূর্ভ়ং মুমুক্ষভ়ঃ ॥২০ ॥

ভ়াসনাসহিতাদাদ্যাৎসংসারকারণাদ্দৃঢাৎ ।
অজ্ঞানবন্ধনাজ্জন্তুর্বুদ্ধ্বাযং মুচ্যতেঽখিলাৎ ॥২১ ॥

তদকর্ম চ কর্মাপি কথযাম্যধুনা তভ় ।
যত্র মৌনং গতা মোহাদৃষযো বুদ্ধিশালিনঃ ॥২২ ॥

তত্ত্বং মুমুক্ষুণা জ্ঞেযং কর্মাকর্মভ়িকর্মণাম্ ।
ত্রিভ়িধানীহ কর্মাণি সুনিম্নৈষাং গতিঃ প্রিয ॥২৩ ॥

ক্রিযাযামক্রিযাজ্ঞানমক্রিযাযাং ক্রিযামতিঃ ।
যস্য স্যাৎস হি মর্ত্যেঽস্মিঁল্লোকে মুক্তোঽখিলার্থকৃৎ ॥২৪ ॥

কর্মাংকুরভ়িযোগেন যঃ কর্মাণ্যারভেন্নরঃ ।
তত্ত্বদর্শননির্দগ্ধক্রিযমাহুর্বুধা বুধম্ ॥২৫ ॥

ফলতৃষ্ণাং ভ়িহায স্যাৎসদা তৃপ্তো ভ়িসাধনঃ ।
উদ্যুক্তোঽপি ক্রিযাং কর্তুং কিংচিন্নৈভ় করোতি সঃ ॥২৬ ॥

নিরীহো নিগৃহীতাত্মা পরিত্যক্তপরিগ্রহঃ ।
কেভ়লং ভ়ৈ গৃহং কর্মাচরন্নাযাতি পাতকম্ ॥২৭ ॥

অদ্বন্দ্বোঽমৎসরো ভূত্বা সিদ্ধ্যসিদ্ধ্যোঃ সমশ্চ যঃ ।
যথাপ্রাপ্ত্যেহ সংতুষ্টঃ কুর্ভ়ন্কর্ম ন বধ্যতে ॥২৮ ॥

অখিলৈর্ভ়িষযৈর্মুক্তো জ্ঞানভ়িজ্ঞানভ়ানপি ।
যজ্ঞার্থং তস্য সকলং কৃতং কর্ম ভ়িলীযতে ॥২৯ ॥

অহমগ্নির্হভ়ির্হোতা হুতং যন্মযি চার্পিতম্ ।
ব্রহ্মাপ্তভ়্যং চ তেনাথ ব্রহ্মণ্যেভ় যতো রতঃ ॥৩০ ॥

যোগিনঃ কেচিদপরে দিষ্টং যজ্ঞং ভ়দন্তি চ ।
ব্রহ্মাগ্নিরেভ় যজ্ঞো ভ়ৈ ইতি কেচন মেনিরে ॥৩১ ॥

সংযমাগ্নৌ পরে ভূপ ইন্দ্রিযাণ্যুপজুহ্বতি ।
খাগ্নিষ্বন্যে তদ্বিষযাংশ্ছব্দাদীনুপজুহ্বতি ॥৩২ ॥

প্রাণানামিন্দ্রিযাণাং চ পরে কর্মাণি কৃৎস্নশঃ ।
নিজাত্মরতিরূপেঽগ্নৌ জ্ঞানদীপ্তে প্রজুহ্বতি ॥৩৩ ॥

দ্রভ়্যেণ তপসা ভ়াপি স্বাধ্যাযেনাপি কেচন ।
তীভ়্রভ়্রতেন যতিনো জ্ঞানেনাপি যজন্তি মাম্ ॥৩৪ ॥

প্রাণেঽপানং তথা প্রাণমপানে প্রক্ষিপন্তি যে ।
রুদ্ধ্বা গতীশ্চোভযস্তে প্রাণাযামপরাযণাঃ ॥৩৫ ॥

জিত্বা প্রাণান্প্রাণগতীরুপজুহ্বতি তেষু চ ।
এভ়ং নানাযজ্ঞরতা যজ্ঞধ্বংসিতপাতকাঃ ॥৩৬ ॥

নিত্যং ব্রহ্ম প্রযান্ত্যেতে যজ্ঞশিষ্টামৃতাশিনঃ ।
অযজ্ঞকারিণো লোকো নাযমন্যঃ কুতো ভভ়েৎ ॥৩৭ ॥

কাযিকাদিত্রিধাভূতান্যজ্ঞান্বেদে প্রতিষ্ঠিতান্ ।
জ্ঞাত্বা তানখিলান্ভূপ মোক্ষ্যসেঽখিলবন্ধনাৎ ॥৩৮ ॥

সর্ভ়েষাং ভূপ যজ্ঞানাং জ্ঞানযজ্ঞঃ পরো মতঃ ।
অখিলং লীযতে কর্ম জ্ঞানে মোক্ষস্য সাধনে ॥৩৯ ॥

তজ্জ্ঞেযং পুরুষভ়্যাঘ্র প্রশ্নেন নতিতঃ সতাম্ ।
শুশ্রূষযা ভ়দিষ্যন্তি সংতস্তত্ত্বভ়িশারদাঃ ॥৪০ ॥

নানাসংগাঞ্জনঃ কুর্ভ়ন্নৈকং সাধুসমাগমম্ ।
করোতি তেন সংসারে বন্ধনং সমুপৈতি সঃ ॥৪১ ॥

সৎসংগাদ্গুণসংভূতিরাপদাং লয এভ় চ ।
স্বহিতং প্রাপ্যতে সর্ভ়ৈরিহ লোকে পরত্র চ ॥৪২ ॥

ইতরৎসুলভং রাজন্সৎসংগোঽতীভ় দুর্লভঃ ।
যজ্জ্ঞাত্বা পুনর্ভ়েধমেতি জ্ঞেযং ততস্ততঃ ॥৪৩ ॥

ততঃ সর্ভ়াণি ভূতানি স্বাত্মন্যেভ়াভিপশ্যতি ।
অতিপাপরতো জংতুস্ততস্তস্মাৎপ্রমুচ্যতে ॥৪৪ ॥

দ্বিভ়িধান্যপি কর্মাণি জ্ঞানাগ্নির্দহতি ক্ষণাৎ ।
প্রসিদ্ধোঽগ্নির্যথা সর্ভ়ং ভস্মতাং নযতি ক্ষণাৎ ॥৪৫ ॥

ন জ্ঞানসমতামেতি পভ়িত্রমিতরন্নৃপ ।
আত্মন্যেভ়াভ়গচ্ছন্তি যোগাৎকালেন যোগিনঃ ॥৪৬ ॥

ভক্তিমানিন্দ্রিযজযী তৎপরো জ্ঞানমাপ্নুযাৎ ।
লব্ধ্বা তৎপরমং মোক্ষং স্বল্পকালেন যাত্যসৌ ॥৪৭ ॥

ভক্তিহীনোঽশ্রদ্দধানঃ সর্ভ়ত্র সংশযী তু যঃ ।
তস্য শং নাপি ভ়িজ্ঞানমিহ লোকোঽথ ভ়া পরঃ ॥৪৮ ॥

আত্মজ্ঞানরতং জ্ঞাননাশিতাখিলসংশযম্ ।
যোগাস্তাখিলকর্মাণং বধ্নন্তি ভূপ তানি ন ॥৪৯ ॥

জ্ঞানখড্গপ্রহারেণ সংভূতামজ্ঞতাং বলাৎ ।
ছিত্বান্তঃসংশযং তস্মাদ্যোগযুক্তো ভভ়েন্নরঃ ॥৫০ ॥

ইতি শ্রীমদ্গণেশগীতাসূপনিষদর্থগর্ভাসু যোগামৃতার্থশাস্ত্রে শ্রীগণেশপুরাণে উত্তরখণ্ডে গজাননভ়রেণ্যসংভ়াদে ভ়িজ্ঞানপ্রতিপাদনো নাম তৃতীযোঽধ্যাযঃ ॥

॥ ভ়ৈধসংন্যাসযোগঃ ॥

ভ়রেণ্য উভ়াচ -
সংন্যস্তিশ্চৈভ় যোগশ্চ কর্মণাং ভ়র্ণ্যতে ত্বযা ।
উভযোর্নিশ্চিতং ত্বেকং শ্রেযো যদ্বদ মে প্রভো ॥১ ॥

শ্রীগজানন উভ়াচ -
ক্রিযাযোগো ভ়িযোগশ্চাপ্যুভৌ মোক্ষস্য সাধনে ।
তযোর্মধ্যে ক্রিযাযোগস্ত্যাগাত্তস্য ভ়িশিষ্যতে ॥২ ॥

দ্বন্দ্বদুঃখসহোঽদ্বেষ্টা যো ন কাঙ্ক্ষতি কিংচন ।
মুচ্যতে বন্ধনাৎসদ্যো নিত্যং সংন্যাসভ়ান্সুখম্ ॥৩ ॥

ভ়দন্তি ভিন্নফলকৌ কর্মণস্ত্যাগসংগ্রহৌ ।
মূঢাল্পজ্ঞাস্তযোরেকং সংযুঞ্জীত ভ়িচক্ষণঃ ॥৪ ॥

যদেভ় প্রাপ্যতে ত্যাগাত্তদেভ় যোগতঃ ফলম্ ।
সংগ্রহং কর্মণো যোগং যো ভ়িন্দতি স ভ়িন্দতি ॥৫ ॥

কেভ়লং কর্মণাং ন্যাসং সংন্যাসং ন ভ়িদুর্বুধাঃ ।
কুর্ভ়ন্ননিচ্ছযা কর্ম যোগী ব্রহ্মৈভ় জাযতে ॥৬ ॥

নির্মলো যতচিত্তাত্মা জিতখো যোগতৎপরঃ ।
আত্মানং সর্ভ়ভূতস্থং পশ্যন্কুর্ভ়ন্ন লিপ্যতে ॥৭ ॥

তত্ত্বভ়িদ্যোগযুক্তাত্মা করোমীতি ন মন্যতে ।
একাদশানীন্দ্রিযাণি কুর্ভ়ন্তি কর্মসংখ্যযা ॥৮ ॥

তৎসর্ভ়মর্পযেদ্‌ব্রহ্মণ্যপি কর্ম করোতি যঃ ।
ন লিপ্যতে পুণ্যপাপৈর্ভানুর্জলগতো যথা ॥৯ ॥

কাযিকং ভ়াচিকং বৌদ্ধমৈন্দ্রিযং মানসং তথা ।
ত্যক্ত্বাশাং কর্ম কুর্ভ়ন্তি যোগজ্ঞাশ্চিত্তশুদ্ধযে ॥১০ ॥

যোগহীনো নরঃ কর্ম ফলেহযা করোত্যলম্ ।
বধ্যতে কর্মবীজৈঃ স ততো দুঃখং সমশ্নুতে ॥১১ ॥

মনসা সকলং কর্ম ত্যক্ত্বা যোগী সুখং ভ়সেৎ ।
ন কুর্ভ়ন্কারযন্বাপি নন্দন্শ্বভ্রে সুপত্তনে ॥১২ ॥

ন ক্রিযা ন চ কর্তৃত্বং কস্য চিৎসৃজ্যতে মযা ।
ন ক্রিযাবীজসম্পর্কঃ শক্ত্যা তৎক্রিযতেঽখিলম্ ॥১৩ ॥

কস্যচিৎপুণ্যপাপানি ন স্পৃশামি ভ়িভুর্নৃপ ।
জ্ঞানমূঢা ভ়িমুহ্যন্তে মোহেনাভ়ৃতবুদ্ধযঃ ॥১৪ ॥

ভ়িভ়েকেনাত্মনোঽজ্ঞানং যেষাং নাশিতমাত্মনা ।
তেষাং ভ়িকাশমাযাতি জ্ঞানমাদিত্যভ়ৎপরম্ ॥১৫ ॥

মন্নিষ্ঠা মদ্ধিযোঽত্যন্তং মচ্চিত্তা মযি তৎপরাঃ ।
অপুনর্ভভ়মাযান্তি ভ়িজ্ঞানান্নাশিতৈনসঃ ॥১৬ ॥

জ্ঞানভ়িজ্ঞানসংযুক্তে দ্বিজে গভ়ি গজাদিষু ।
সমেক্ষণা মহাত্মানঃ পণ্ডিতাঃ শ্বপচে শুনি ॥১৭ ॥

ভ়শ্যঃ স্বর্গো জগত্তেষাং জীভ়ন্মুক্তাঃ সমেক্ষণাঃ ।
যতোঽদোষং ব্রহ্ম সমং তস্মাত্তৈর্ভ়িষযীকৃতম্ ॥১৮ ॥

প্রিযাপ্রিযে প্রাপ্য হর্ষদ্বেষৌ যে প্রাপ্নুভ়ন্তি ন ।
ব্রহ্মাশ্রিতা অসংমূঢা ব্রহ্মজ্ঞাঃ সমবুদ্ধযঃ ॥১৯ ॥

ভ়রেণ্য উভ়াচ -
কিং সুখং ত্রিষু লোকেষু দেভ়গন্ধর্ভ়যোনিষু ।
ভগভ়ন্কৃপযা তন্মে ভ়দ ভ়িদ্যাভ়িশারদ ॥২০ ॥

শ্রীগজানন উভ়াচ -
আনন্দমশ্নুতেঽসক্তঃ স্বাত্মারামো নিজাত্মনি ।
অভ়িনাশি সুখং তদ্ধি ন সুখং ভ়িষযাদিষু ॥২১ ॥

ভ়িষযোত্থানি সৌখ্যানি দুঃখানাং তানি হেতভ়ঃ ।
উৎপত্তিনাশযুক্তানি তত্রাসক্তো ন তত্ত্বভ়িৎ ॥২২ ॥

কারণে সতি কামস্য ক্রোধস্য সহতে চ যঃ ।
তৌ জেতুং ভ়র্ষ্মভ়িরহাৎস সুখং চিরমশ্নুতে ॥২৩ ॥

অন্তর্নিষ্ঠোঽন্তঃপ্রকাশোঽন্তঃসুখোঽন্তারতির্লভেৎ ।
অসংদিগ্ধোঽক্ষযং ব্রহ্ম সর্ভ়ভূতহিতার্থকৃৎ ॥২৪ ॥

জেতারঃ ষড্রিপূণাং যে শমিনো দমিনস্তথা ।
তেষাং সমন্ততো ব্রহ্ম স্বাত্মজ্ঞানাং ভ়িভাত্যহো ॥২৫ ॥

আসনেষু সমাসীনস্ত্যক্ত্বেমান্বিষযান্‌বহিঃ ।
সংস্তভ্য ভৃকুটীমাস্তে প্রাণাযামপরাযণঃ ॥২৬ ॥

প্রাণাযামং তু সংরোধং প্রাণাপানসমুদ্ভভ়ম্ ।
ভ়দন্তি মুনযস্তং চ ত্রিধাভূতং ভ়িপশ্চিতঃ ॥২৭ ॥

প্রমাণং ভেদতো ভ়িদ্ধি লঘুমধ্যমমুত্তমম্ ।
দশভির্দ্ব্যধিকৈর্ভ়র্ণৈঃ প্রাণাযামো লঘুঃ স্মৃতঃ ॥২৮ ॥

চতুর্ভ়িংশত্যক্ষরো যো মধ্যমঃ স উদাহৃতঃ ।
ষট্ত্রিংশল্লঘুভ়র্ণো য উত্তমঃ সোঽভিধীযতে ॥২৯ ॥

সিংহং শার্দূলকং ভ়াপি মত্তেভং মৃদুতাং যথা ।
নযন্তি প্রাণিনস্তদ্বৎপ্রাণাপানৌ সুসাধযেৎ ॥৩০ ॥

পীডযন্তি মৃগাস্তে ন লোকান্বশ্যং গতা নৃপ ।
দহত্যেনস্তথা ভ়াযুঃ সংস্তব্ধো ন চ তত্তনুম্ ॥৩১ ॥

যথা যথা নরঃ কশ্চিৎসোপানাভ়লিমাক্রমেৎ ।
তথা তথা ভ়শীকুর্যাৎপ্রাণাপানৌ হি যোগভ়িৎ ॥৩২ ॥

পূরকং কুম্ভকং চৈভ় রেচকং চ ততোঽভ্যসেৎ ।
অতীতানাগতজ্ঞানী ততঃ স্যাজ্জগতীতলে ॥৩৩ ॥

প্রাণাযামৈর্দ্বাদশভিরুত্তমৈর্ধারণা মতা ।
যোগস্তু ধারণে দ্বে স্যাদ্যোগীশস্তে সদাভ্যসেৎ ॥৩৪ ॥

এভ়ং যঃ কুরুতে রাজংস্ত্রিকালজ্ঞঃ স জাযতে ।
অনাযাসেন তস্য স্যাদ্বশ্যং লোকত্রযং নৃপ ॥৩৫ ॥

ব্রহ্মরূপং জগৎসর্ভ়ং পশ্যতি স্বান্তরাত্মনি ।
এভ়ং যোগশ্চ সংন্যাসঃ সমানফলদাযিনৌ ॥৩৬ ॥

জন্তূনাং হিতকর্তারং কর্মণাং ফলদাযিনম্ ।
মাং জ্ঞাত্বা মুক্তিমাপ্নোতি ত্রৈলোক্যস্যেশ্বরং ভ়িভুম্ ॥৩৭ ॥

যোগামৃতার্থশাস্ত্রে
শ্রীগণেশপুরাণে উত্তরখণ্ডে গজাননভ়রেণ্যসংভ়াদে
ভ়ৈধসংন্যাসযোগো নাম চতুর্থোঽধ্যাযঃ ॥

॥ পঞ্চমোঽধ্যাযঃ ॥

॥ যোগাভ়ৃত্তিপ্রশংসনঃ ॥

শ্রীগজানন উভ়াচ -
শ্রৌতস্মার্তানি কর্মাণি ফলং নেচ্ছন্সমাচরেৎ ।
শস্তঃ স যোগী রাজেন্দ্র অক্রিযাদ্যোগমাশ্রিতাৎ ॥১ ॥

যোগপ্রাপ্ত্যৈ মহাবাহো হেতুঃ কর্মৈভ় মে মতম্ ।
সিদ্ধিযোগস্য সংসিদ্ধ্যৈ হেতূ শমদমৌ মতৌ ॥২ ॥

ইন্দ্রিযার্থাংশ্চ সংকল্প্য কুর্ভ়ন্স্বস্য রিপুর্ভভ়েৎ ।
এতাননিচ্ছন্যঃ কুর্ভ়ন্সিদ্ধিং যোগী স সিদ্ধ্যতি ॥৩ ॥

সুহৃত্বে চ রিপুত্বে চ উদ্ধারে চৈভ় বন্ধনে ।
আত্মনৈভ়াত্মনি হ্যাত্মা নাত্মা ভভ়তি কশ্চন ॥৪ ॥

মানেঽপমানে দুঃখে চ সুখেঽসুহৃদি সাধুষু ।
মিত্রেঽমিত্রেঽপ্যুদাসীনে দ্বেষ্যে লোষ্ঠে চ কাঞ্চনে ॥৫ ॥

সমো জিতাত্মা ভ়িজ্ঞানী জ্ঞানীন্দ্রিযজযাভ়হঃ ।
অভ্যসেৎসততং যোগং যদা যুক্ততমো হি সঃ ॥৬ ॥

তপ্তঃ শ্রান্তো ভ়্যাকুলো ভ়া ক্ষুধিতো ভ়্যগ্রচিত্তকঃ ।
কালেঽতিশীতেঽত্যুষ্ণে ভ়ানিলাগ্ন্যম্বুসমাকুলে ॥৭ ॥

সধ্বনাভ়তিজীর্ণে গোঃস্থানে সাগ্নৌ জলান্তিকে ।
কূপকূলে শ্মশানে চ নদ্যাং ভিত্তৌ চ মর্মরে ॥৮ ॥

চৈত্যে সভ়ল্মিকে দেশে পিশাচাদিসমাভ়ৃতে ।
নাভ্যসেদ্যোগভ়িদ্যোগং যোগধ্যানপরাযণঃ ॥৯ ॥

স্মৃতিলোপশ্চ মূকত্বং বাধির্যং মন্দতা জ্বরঃ ।
জডতা জাযতে সদ্যো দোষাজ্ঞানাদ্ধি যোগিনঃ ॥১০ ॥

এতে দোষাঃ পরিত্যাজ্যা যোগাভ্যসনশালিনা ।
অনাদরে হি চৈতেষাং স্মৃতিলোপাদযো ধ্রুভ়ম্ ॥১১ ॥

নাতিভুঞ্জন্সদা যোগী নাভুঞ্জন্নাতিনিদ্রিতঃ ।
নাতিজাগ্রৎসিদ্ধিমেতি ভূপ যোগং সদাভ্যসন্ ॥১২ ॥

সংকল্পজাংস্ত্যজেৎকামান্নিযতাহারজাগরঃ ।
নিযম্য খগণং বুদ্ধ্যা ভ়িরমেত শনৈঃ শনৈঃ ॥১৩ ॥

ততস্ততঃ কৃষেদেতদ্যত্র যত্রানুগচ্ছতি ।
ধৃত্যাত্মভ়শগং কুর্যাচ্চিত্তং চঞ্চলমাদৃতঃ ॥১৪ ॥

এভ়ং কুর্ভ়ন্সদা যোগী পরাং নির্ভ়ৃতিমৃচ্ছতি ।
ভ়িশ্বস্মিন্নিজমাত্মানং ভ়িশ্বং চ স্বাত্মনীক্ষতে ॥১৫ ॥

যোগেন যো মামুপৈতি তমুপৈম্যহমাদরাৎ ।
মোচযামি ন মুঞ্চামি তমহং মাং স ন ত্যজেৎ ॥১৬ ॥

সুখে সুখেতরে দ্বেষে ক্ষুধি তোষে সমস্তৃষি ।
আত্মসাম্যেন ভূতানি সর্ভ়গং মাং চ ভ়েত্তি যঃ ॥১৭ ॥

জীভ়ন্মুক্তঃ স যোগীন্দ্রঃ কেভ়লং মযি সংগতঃ ।
ব্রহ্মাদীনাং চ দেভ়ানাং স ভ়ন্দ্যঃ স্যাজ্জগত্রযে ॥১৮ ॥

ভ়রেণ্য উভ়াচ -
দ্বিভ়িধোঽপি হি যোগোঽযমসংভাভ়্যো হি মে মতঃ ।
যতোঽন্তঃকরণং দুষ্টং চঞ্চলং দুর্গ্রহং ভ়িভো ॥১৯ ॥

শ্রীগজানন উভ়াচ -
যো নিগ্রহং দুর্গ্রহস্য মনসঃ সম্প্রকল্পযেৎ ।
ঘটীযন্ত্রসমাদস্মান্মুক্তঃ সংসৃতিচক্রকাৎ ॥২০ ॥

ভ়িষযৈঃ ক্রকচৈরেতৎসংসৃষ্টং চক্রকং দৃঢম্ ।
জনশ্ছেত্তুং ন শক্নোতি কর্মকীলঃ সুসংভ়ৃতম্ ॥২১ ॥

অতিদুঃখং চ ভ়ৈরাগ্যং ভোগাদ্বৈতৃষ্ণ্যমেভ় চ ।
গুরুপ্রসাদঃ সৎসঙ্গ উপাযাস্তজ্জযে অমী ॥২২ ॥

অভ্যাসাদ্বা ভ়শীকুর্যান্মনো যোগস্য সিদ্ধযে ।
ভ়রেণ্য দুর্লভো যোগো ভ়িনাস্য মনসো জযাৎ ॥২৩ ॥

ভ়রেণ্য উভ়াচ -
যোগভ্রষ্টস্য কো লোকঃ কা গতিঃ কিং ফলং ভভ়েৎ ।
ভ়িভো সর্ভ়জ্ঞ মে ছিন্ধি সংশযং বুদ্ধিচক্রভৃৎ ॥২৪ ॥

শ্রীগজানন উভ়াচ -
দিভ়্যদেহধরো যোগাদ্ভ্রষ্টঃ স্বর্ভোগমুত্তমম্ ।
ভুক্ত্বা যোগিকুলে জন্ম লভেচ্ছুদ্ধিমতাং কুলে ॥২৫ ॥

পুনর্যোগী ভভ়ত্যেষ সংস্কারাৎপূর্ভ়কর্মজাৎ ।
ন হি পুণ্যকৃতাং কশ্চিন্নরকং প্রতিপদ্যতে ॥২৬ ॥

জ্ঞাননিষ্ঠাত্তপোনিষ্ঠাৎকর্মনিষ্ঠান্নরাধিপ ।
শ্রেষ্ঠো যোগী শ্রেষ্ঠতমো ভক্তিমান্মযি তেষু যঃ ॥২৭ ॥

ইতি শ্রীমদ্গণেশগীতাসূপনিষদর্থগর্ভাসু যোগামৃতার্থশাস্ত্রে শ্রীগণেশপুরাণে উত্তরখণ্ডে গজাননভ়রেণ্যসংভ়াদে যোগাভ়ৃত্তিপ্রশংসনো নাম পঞ্চমোঽধ্যাযঃ ॥

॥ বুদ্ধিযোগঃ ॥

শ্রীগজানন উভ়াচ -
ঈদৃশং ভ়িদ্ধি মে তত্ত্বং মদ্গতেনান্তরাত্মনা ।
যজ্জ্ঞাত্বা মামসন্দিগ্ধং ভ়েৎসি মোক্ষ্যসি সর্ভ়গম্ ॥১ ॥

তত্তেঽহং শৃণু ভ়ক্ষ্যামি লোকানাং হিতকাম্যযা ।
অস্তি জ্ঞেযং যতো নান্যন্মুক্তেশ্চ সাধনং নৃপ ॥২ ॥

জ্ঞেযা মৎপ্রকৃতিঃ পূর্ভ়ং ততঃ স্যাং জ্ঞানগোচরঃ ।
ততো ভ়িজ্ঞানসম্পত্তির্মযি জ্ঞাতে নৃণাং ভভ়েৎ ॥৩ ॥

ক্বনলৌ খমহঙ্কারঃ কং চিত্তং ধীসমীরণৌ ।
রভ়ীন্দূ যাগকৃচ্চৈকাদশধা প্রকৃতির্মম ॥৪ ॥

অন্যাং মৎপ্রকৃতিং ভ়ৃদ্ধা মুনযঃ সংগিরন্তি চ ।
তথা ত্রিভ়িষ্টপং ভ়্যাপ্তং জীভ়ত্বং গতযানযা ॥৫ ॥

আভ্যামুৎপাদ্যতে সর্ভ়ং চরাচরমযং জগৎ ।
সংগাদ্বিশ্বস্য সংভূতিঃ পরিত্রাণং লযোঽপ্যহম্ ॥৬ ॥

তত্ত্বমেতন্নিবোদ্ধুং মে যততে কশ্চিদেভ় হি ।
ভ়র্ণাশ্রমভ়তাং পুংসাং পুরা চীর্ণেন কর্মণা ॥৭ ॥

সাক্ষাৎকরোতি মাং কশ্চিদ্যত্নভ়ৎস্বপি তেষু চ ।
মত্তোঽন্যন্নেক্ষতে কিংচিন্মযি সর্ভ়ং চ ভ়ীক্ষতে ॥৮ ॥

ক্ষিতৌ সুগন্ধরূপেণ তেজোরূপেণ চাগ্নিষু ।
প্রভারূপেণ পূষ্ণ্যব্জে রসরূপেণ চাপ্সু চ ॥৯ ॥

ধীতপোবলিনাং চাহং ধীস্তপোবলমেভ় চ ।
ত্রিভ়িধেষু ভ়িকারেষু মদুৎপন্নেষ্বহং স্থিতঃ ॥১০ ॥

ন মাং ভ়িন্দতি পাপীযান্মাযামোহিতচেতনঃ ।
ত্রিভ়িকারা মোহযতি প্রকৃতির্মে জগত্ত্রযম্ ॥১১ ॥

যো মে তত্ত্বং ভ়িজানাতি মোহং ত্যজতি সোঽখিলম্ ।
অনেকৈর্জন্মভিশ্চৈভ়ং জ্ঞাত্বা মাং মুচ্যতে ততঃ ॥১২ ॥

অন্যে নানাভ়িধান্দেভ়ান্ভজন্তে তান্ব্রজন্তি তে ।
যথা যথা মতিং কৃত্বা ভজতে মাং জনোঽখিলঃ ॥১৩ ॥

তথা তথাস্য তং ভাভ়ং পূরযাম্যহমেভ় তম্ ।
অহং সর্ভ়ং ভ়িজানামি মাং ন কশ্চিদ্বিবুধ্যতে ॥১৪ ॥

অভ়্যক্তং ভ়্যক্তিমাপন্নং ন ভ়িদুঃ কামমোহিতাঃ ।
নাহং প্রকাশতাং যামি অজ্ঞানাং পাপকর্মণাম্ ॥১৫ ॥

যঃ স্মৃত্বা ত্যজতি প্রাণমন্তে মাং শ্রদ্ধযান্বিতঃ ।
স যাত্যপুনরাভ়ৃত্তিং প্রসাদান্মম ভূভুজ ॥১৬ ॥

যং যং দেভ়ং স্মরন্ভক্ত্যা ত্যজতি স্বং কলেভ়রম্ ।
তত্তৎসালোক্যমাযাতি তত্তদ্ভক্ত্যা নরাধিপ ॥১৭ ॥

অতশ্চাহর্নিশং ভূপ স্মর্তভ়্যোঽনেকরূপভ়ান্ ।
সর্ভ়েষামপ্যহং গম্যঃ স্রোতসামর্ণভ়ো যথা ॥১৮ ॥

ব্রহ্মভ়িষ্ণুশিভ়েন্দ্রাদ্যাঁল্লোকান্প্রাপ্য পুনঃ পতেৎ ।
যো মামুপৈত্যসংদিগ্ধঃ পতনং তস্য ন ক্বচিৎ ॥১৯ ॥

অনন্যশরণো যো মাং ভক্ত্যা ভজতি ভূমিপ ।
যোগক্ষেমৌ চ তস্যাহং সর্ভ়দা প্রতিপাদযে ॥২০ ॥

দ্বিভ়িধা গতিরুদ্দিষ্টা শুক্লা কৃষ্ণা নৃণাং নৃপ ।
একযা পরমং ব্রহ্ম পরযা যাতি সংসৃতিম্ ॥২১ ॥

যোগামৃতার্থশাস্ত্রে
শ্রীগণেশপুরাণে উত্তরখণ্ডে গজাননভ়রেণ্যসংভ়াদে
বুদ্ধিযোগো নাম ষষ্ঠোঽধ্যাযঃ ॥

॥ সপ্তমোঽধ্যাযঃ ॥

॥ উপাসনা যোগঃ ॥

ভ়রেণ্য উভ়াচ -
কা শুক্লা গতিরুদ্দিষ্টা কা চ কৃষ্ণা গজানন ।
কিং ব্রহ্ম সংসৃতিঃ কা মে ভ়ক্তুমর্হস্যনুগ্রহাৎ ॥১ ॥

শ্রীগজানন উভ়াচ -
অগ্নির্জ্যোতিরহঃ শুক্লা কর্মার্হমযনং গতিঃ ।
চান্দ্রং জ্যোতিস্তথা ধূমো রাত্রিশ্চ দক্ষিণাযনম্ ॥২ ॥

কৃষ্ণৈতে ব্রহ্মসংসৃত্যোরভ়াপ্তেঃ কারণং গতী ।
দৃশ্যাদৃশ্যমিদং সর্ভ়ং ব্রহ্মৈভ়েত্যভ়ধারয ॥৩ ॥

ক্ষরং পঞ্চাত্মকং ভ়িদ্ধি তদন্তরক্ষরং স্মৃতম্ ।
উভাভ্যাং যদতিক্রান্তং শুদ্ধং ভ়িদ্ধি সনাতনম্ ॥৪ ॥

অনেকজন্মসংভূতিঃ সংসৃতিঃ পরিকীর্তিতা ।
সংসৃতিং প্রাপ্নুভ়ন্ত্যেতে যে তু মাং গণযন্তি ন ॥৫ ॥

যে মাং সম্যগুপাসন্তে পরং ব্রহ্ম প্রযান্তি তে ।
ধ্যানাদ্যৈরুপচারৈর্মাং তথা পঞ্চামৃতাদিভিঃ ॥৬ ॥

স্নানভ়স্ত্রাদ্যলংকারসুগন্ধধূপদীপকৈঃ ।
নৈভ়েদ্যৈঃ ফলতাংবূলৈর্দক্ষিণাভিশ্চ যোঽর্চযেৎ ॥৭ ॥

ভক্ত্যৈকচেতসা চৈভ় তস্যেষ্টং পূরযাম্যহম্ ।
এভ়ং প্রতিদিনং ভক্ত্যা মদ্ভক্তো মাং সমর্চযেৎ ॥৮ ॥

অথভ়া মানসীং পূজাং কুর্ভ়ীত স্থিরচেতসা ।
অথভ়া ফলপত্রাদ্যৈঃ পুষ্পমূলজলাদিভিঃ ॥৯ ॥

পূজযেন্মাং প্রযত্নেন তত্তদিষ্টং ফলং লভেৎ ।
ত্রিভ়িধাস্বপি পূজাসু শ্রেযসী মানসী মতা ॥১০ ॥

সাপ্যুত্তমা মতা পূজানিচ্ছযা যা কৃতা মম ।
ব্রহ্মচারী গৃহস্থো ভ়া ভ়ানপ্রস্থো যতিশ্চ যঃ ॥১১ ॥

একাং পূজাং প্রকুর্ভ়াণোঽপ্যন্যো ভ়া সিদ্ধিমৃচ্ছতি ।
মদন্যদেভ়ং যো ভক্ত্যা দ্বিষন্মামন্যদেভ়তাম্ ॥১২ ॥

সোঽপি মামেভ় যজতে পরং ত্বভ়িধিতো নৃপ ।
যো হ্যন্যদেভ়তাং মাং চ দ্বিষন্নন্যাং সমর্চযেৎ ॥১৩ ॥

যাতি কল্পসহস্রং স নিরযান্দুঃখভাক্ সদা ।
ভূতশুদ্ধিং ভ়িধাযাদৌ প্রাণানাং স্থাপনং ততঃ ॥১৪ ॥

আকৃষ্য চেতসো ভ়ৃত্তিং ততো ন্যাসং উপক্রমেৎ ।
কৃত্বান্তর্মাতৃকান্যাসং বহিশ্চাথ ষডঙ্গকম্ ॥১৫ ॥

ন্যাসং চ মূলমন্ত্রস্য ততো ধ্যাত্বা জপেন্মনুম্ ।
স্থিরচিত্তো জপেন্মন্ত্রং যথা গুরুমুখাগতম্ ॥১৬ ॥

জপং নিভ়েদ্য দেভ়ায স্তুত্বা স্তোত্রৈরনেকধা ।
এভ়ং মাং য উপাসীত স লভেন্মোক্ষমভ়্যযম্ ॥১৭ ॥

য উপাসনযা হীনো ধিঙ্নরো ভ়্যর্থজন্মভাক্ ।
যজ্ঞোঽহমৌষধং মন্রোঽগ্নিরাজ্যং চ হভ়ির্হুতম্ ॥১৮ ॥

ধ্যানং ধ্যেযং স্তুতিং স্তোত্রং নতির্ভক্তিরুপাসনা ।
ত্রযীজ্ঞেযং পভ়িত্রং চ পিতামহপিতামহঃ ॥১৯ ॥

ওঁকারঃ পাভ়নঃ সাক্ষী প্রভুর্মিত্রং গতির্লযঃ ।
উৎপত্তিঃ পোষকো বীজং শরণং ভ়াস এভ় চ ॥২০ ॥

অসন্মৃত্যুঃ সদমৃতমাত্মা ব্রহ্মাহমেভ় চ ।
দানং হোমস্তপো ভক্তির্জপঃ স্বাধ্যায এভ় চ ॥২১ ॥

যদ্যৎকরোতি তৎসর্ভ়ং স মে মযি নিভ়েদযেৎ ।
যোষিতোঽথ দুরাচারাঃ পাপাস্ত্রৈভ়র্ণিকাস্তথা ॥২২ ॥

মদাশ্রযা ভ়িমুচ্যন্তে কিং মদ্ভক্ত্যা দ্বিজাদযঃ ।
ন ভ়িনশ্যতি মদ্ভক্তো জ্ঞাত্বেমা মদ্বিভূতযঃ ॥২৩ ॥

প্রভভ়ং মে ভ়িভূতিশ্চ ন দেভ়া ঋষযো ভ়িদুঃ ।
নানাভ়িভূতিভিরহং ভ়্যাপ্য ভ়িশ্বং প্রতিষ্ঠিতঃ ॥২৪ ॥

যদ্যচ্ছ্রেষ্ঠতমং লোকে স ভ়িভূতির্নিবোধ মে ॥২৫ ॥

যোগামৃতার্থশাস্ত্রে
শ্রীগণেশপুরাণে উত্তরখণ্ডে গজাননভ়রেণ্যসংভ়াদে
উপাসনাযোগো নাম সপ্তমোঽধ্যাযঃ ॥

॥ অষ্টমোঽধ্যাযঃ ॥

॥ ভ়িশ্বরূপদর্শন ॥

ভ়রেণ্য উভ়াচ -
ভগভ়ন্নারদো মহ্যং তভ় নানা ভ়িভূতযঃ ।
উক্তভ়াংস্তা অহং ভ়েদ ন সর্ভ়াঃ সোঽপি ভ়েত্তি তাঃ ॥১ ॥

ত্বমেভ় তত্ত্বতঃ সর্ভ়া ভ়েৎসি তা দ্বিরদানন ।
নিজং রূপমিদানীং মে ভ়্যাপকং চারু দর্শয ॥২ ॥

শ্রীগজানন উভ়াচ -
একস্মিন্মযি পশ্য ত্বং ভ়িশ্বমেতচ্চরাচরম্ ।
নানাশ্চর্যাণি দিভ়্যানি পুরাঽদৃষ্টানি কেনচিৎ ॥৩ ॥

জ্ঞানচক্ষুরহং তেঽদ্য সৃজামি স্বপ্রভাভ়তঃ ।
চর্মচক্ষুঃ কথং পশ্যেন্মাং ভ়িভুং হ্যজমভ়্যযম্ ॥৪ ॥

ক উভ়াচ -
ততো রাজা ভ়রেণ্যঃ স দিভ়্যচক্ষুরভ়ৈক্ষত ।
ঈশিতুঃ পরমং রূপং গজাস্যস্য মহাদ্ভুতম্ ॥৫ ॥

অসংখ্যভ়ক্ত্রং ললিতমসংখ্যাংঘ্রিকরং মহৎ ।
অনুলিপ্তং সুগন্ধেন দিভ়্যভূষাম্বরস্রজম্ ॥৬ ॥

অসংখ্যনযনং কোটিসূর্যরশ্মিধৃতাযুধম্ ।
তদ্বর্ষ্মণি ত্রযো লোকা দৃষ্টাস্তেন পৃথগ্বিধাঃ ॥৭ ॥

দৃষ্ট্বৈশ্বরং পরং রূপং প্রণম্য স নৃপোঽব্রভ়ীৎ ।
ভ়রেণ্য উভ়াচ -
ভ়ীক্ষেঽহং তভ় দেহেঽস্মিন্দেভ়ানৃষিগণান্পিতৄন্ ॥৮ ॥

পাতালানাং সমুদ্রাণাং দ্বীপানাং চৈভ় ভূভৃতাম্ ।
মহর্ষীণাং সপ্তকং চ নানার্থৈঃ সংকুলং ভ়িভো ॥৯ ॥

ভুভ়োঽন্তরিক্ষস্বর্গাংশ্চ মনুষ্যোরগরাক্ষসান্ ।
ব্রহ্মাভ়িষ্ণুমহেশেন্দ্রান্দেভ়ান্জন্তূননেকধা ॥১০ ॥

অনাদ্যনন্তং লোকাদিমনন্তভুজশীর্ষকম্ ।
প্রদীপ্তানলসংকাশমপ্রমেযং পুরাতনম্ ॥১১ ॥

কিরীটকুণ্ডলধরং দুর্নিরীক্ষ্যং মুদাভ়হম্ ।
এতাদৃশং চ ভ়ীক্ষে ত্বাং ভ়িশালভ়ক্ষসং প্রভুম্ ॥১২ ॥

সুরভ়িদ্যাধরৈর্যক্ষৈঃ কিন্নরৈর্মুনিমানুষৈঃ ।
নৃত্যদ্ভিরপ্সরোভিশ্চ গন্ধর্ভ়ৈর্গানতৎপরৈঃ ॥১৩ ॥

ভ়সুরুদ্রাদিত্যগণৈঃ সিদ্ধৈঃ সাধ্যৈর্মুদা যুতৈঃ ।
সেভ়্যমানং মহাভক্ত্যা ভ়ীক্ষ্যমাণং সুভ়িস্মিতৈঃ ॥১৪ ॥

ভ়েত্তারমক্ষরং ভ়েদ্যং ধর্মগোপ্তারমীশ্বরম্ ।
পাতালানি দিশঃ স্বর্গান্ভুভ়ং ভ়্যাপ্যাঽখিলং স্থিতম্ ॥১৫ ॥

ভীতা লোকাস্তথা চাহমেভ়ং ত্বাং ভ়ীক্ষ্য রূপিণম্ ।
নানাদংষ্ট্রাকরালং চ নানাভ়িদ্যাভ়িশারদম্ ॥১৬ ॥

প্রলযানলদীপ্তাস্যং জটিলং চ নভঃস্পৃশম্ ।
দৃষ্ট্বা গণেশ তে রূপমহং ভ্রান্ত ইভ়াভভ়ম্ ॥১৭ ॥

দেভ়া মনুষ্যনাগাদ্যাঃ খলাস্ত্বদুদরেশযাঃ ।
নানাযোনিভুজশ্চান্তে ত্বয্যেভ় প্রভ়িশন্তি চ ॥১৮ ॥

অব্ধেরুৎপদ্যমানাস্তে যথাজীমূতবিন্দভ়ঃ ।
ত্বমিন্দ্রোঽগ্নির্যমশ্চৈভ় নিরৃতির্ভ়রুণো মরুৎ ॥১৯ ॥

গুহ্যকেশস্তথেশানঃ সোমঃ সূর্যোঽখিলং জগৎ ।
নমামি ত্বামতঃ স্বামিন্প্রসাদং কুরু মেঽধুনা ॥২০ ॥

দর্শযস্ব নিজং রূপং সৌম্যং যৎপূর্ভ়মীক্ষিতম্ ।
কো ভ়েদ লীলাস্তে ভূমন্ ক্রিযমাণা নিজেচ্ছযা ॥২১ ॥

অনুগ্রহান্মযা দৃষ্টমৈশ্বরং রূপমীদৃশম্ ।
জ্ঞানচক্ষুর্যতো দত্তং প্রসন্নেন ত্বযা মম ॥২২ ॥

শ্রীগজানন উভ়াচ -
নেদং রূপং মহাবাহো মম পশ্যন্ত্যযোগিনঃ ।
সনকাদ্যা নারদাদ্যাঃ পশ্যন্তি মদনুগ্রহাৎ ॥ ২৩ ॥

চতুর্ভ়েদার্থতত্ত্বজ্ঞাঃ সর্ভ়শাস্ত্রভ়িশারদাঃ ।
যজ্ঞদানতপোনিষ্ঠা ন মে রূপং ভ়িদন্তি তে ॥২৪ ॥

শক্যোঽহং ভ়ীক্ষিতুং জ্ঞাতুং প্রভ়েষ্টুং ভক্তিভাভ়তঃ ।
ত্যজ ভীতিং চ মোহং চ পশ্য মাং সৌম্যরূপিণম্ ॥২৫ ॥

মদ্ভক্তো মৎপরঃ সর্ভ়সংগহীনো মদর্থকৃৎ ।
নিষ্ক্রোধঃ সর্ভ়ভূতেষু সমো মামেতি ভূভুজ ॥২৬ ॥

ইতি শ্রীমদ্গণেশগীতাসূপনিষদর্থগর্ভাসু যোগামৃতার্থশাস্ত্রে শ্রীগণেশপুরাণে উত্তরখণ্ডে গজাননভ়রেণ্যসংভ়াদে ভ়িশ্বরূপদর্শনো নামাষ্টমোঽধ্যাযঃ ॥

॥ ক্ষেত্রজ্ঞাতৃজ্ঞেযভ়িভ়েকযোগঃ ॥

ভ়রেণ্য উভ়াচ -
অনন্যভাভ়স্ত্বাং সম্যঙ্মূর্তিমন্তমুপাসতে ।
যোঽক্ষরং পরমভ়্যক্তং তযোঃ কস্তে মতোঽধিকঃ ॥১ ॥

অসি ত্বং সর্ভ়ভ়িৎসাক্ষী ভূতভাভ়ন ঈশ্বরঃ ।
অতস্ত্বাং পরিপৃচ্ছামি ভ়দ মে কৃপযা ভ়িভো ॥২ ॥

শ্রীগজানন উভ়াচ -
যো মাং মূর্তিধরং ভক্ত্যা মদ্ভক্তঃ পরিসেভ়তে ।
স মে মান্যোঽনন্যভক্তির্নিযুজ্য হৃদযং মযি ॥৩ ॥

খগণং স্বভ়শং কৃত্বাখিলভূতহিতার্থকৃৎ ।
ধ্যেযমক্ষরমভ়্যক্তং সর্ভ়গং কূটগং স্থিরম্ ॥৪ ॥

সোঽপি মামেত্যনির্দেশ্যং মৎপরো য উপাসতে ।
সংসারসাগরাদস্মাদুদ্ধরামি তমপ্যহম্ ॥৫ ॥

অভ়্যক্তোপাসনাদ্দুঃখমধিকং তেন লভ্যতে ।
ভ়্যক্তস্যোপাসনাৎসাধ্যং তদেভ়াভ়্যক্তভক্তিতঃ ॥৬ ॥

ভক্তিশ্চৈভ়াদরশ্চাত্র কারণং পরমং মতম্ ।
সর্ভ়েষাং ভ়িদুষাং শ্রেষ্ঠো হ্যকিংচিজ্জ্ঞোঽপি ভক্তিমান্ ॥৭ ॥

ভজন্ভক্ত্যা ভ়িহীনো যঃ স চাণ্ডালোঽভিধীযতে ।
চাণ্ডালোঽপি ভজন্ভক্ত্যা ব্রাহ্মণেভ্যোঽধিকো মতঃ ॥৮ ॥

শুকাদ্যাঃ সনকাদ্যাশ্চ পুরা মুক্তা হি ভক্তিতঃ ।
ভক্ত্যৈভ় মামনুপ্রাপ্তা নারদাদ্যাশ্চিরাযুষঃ ॥৯ ॥

অতো ভক্ত্যা মযি মনো ভ়িধেহি বুদ্ধিমেভ় চ ।
ভক্ত্যা যজস্ব মাং রাজংস্ততো মামেভ় যাস্যসি ॥১০ ॥

অসমর্থোঽর্পিতুং স্বান্তং এভ়ং মযি নরাধিপ ।
অভ্যাসেন চে যোগেন ততো গন্তুং যতস্ব মাম্ ॥১১ ॥

তত্রাপি ত্বমশক্তশ্চেৎকুরু কর্ম মদর্পণম্ ।
মামনুগ্রহতশ্চৈভ়ং পরাং নির্ভ়ৃতিমেষ্যসি ॥১২ ॥

অথৈতদপ্যনুষ্ঠাতুং ন শক্তোঽসি তদা কুরু ।
প্রযত্নতঃ ফলত্যাগং ত্রিভ়িধানাং হি কর্মণাম্ ॥১৩ ॥

শ্রেযসী বুদ্ধিরাভ়ৃত্তেস্ততো ধ্যানং পরং মতম্ ।
ততোঽখিলপরিত্যাগস্ততঃ শান্তির্গরীযসী ॥১৪ ॥

নিরহংমমতাবুদ্ধিরদ্বেষঃ শরণঃ সমঃ ।
লাভালাভে সুখে দুঃখে মানামানে স মে প্রিযঃ ॥১৫ ॥

যং ভ়ীক্ষ্য ন ভযং যাতি জনস্তস্মান্ন চ স্বযম্ ।
উদ্বেগভীঃ কোপমুদ্ভীরহিতো যঃ স মে প্রিযঃ ॥১৬ ॥

রিপৌ মিত্রেঽথ গর্হাযাং স্তুতৌ শোকে সমঃ সমুৎ ।
মৌনী নিশ্চলধীভক্তিরসংগঃ স চ মে প্রিযঃ ॥১৭ ॥

সংশীলযতি যশ্চৈনমুপদেশং মযা কৃতম্ ।
স ভ়ন্দ্যঃ সর্ভ়লোকেষু মুক্তাত্মা মে প্রিযঃ সদা ॥১৮ ॥

অনিষ্টাপ্তৌ চ ন দ্বেষ্টীষ্টপ্রাপ্তৌ চ ন তুষ্যতি ।
ক্ষেত্রতজ্জ্ঞৌ চ যো ভ়েত্তি সমে প্রিযতমো ভভ়েৎ ॥১৯ ॥

ভ়রেণ্য উভ়াচ -
কিং ক্ষেত্রং কশ্চ তদ্বেত্তি কিং তজ্জ্ঞানং গজানন ।
এতদাচক্ষ্ব মহ্যং ত্বং পৃচ্ছতে করুণাম্বুধে ॥২০ ॥

শ্রীগজানন উভ়াচ -
পঞ্চ ভূতানি তন্মাত্রাঃ পঞ্চ কর্মেন্দ্রিযাণি চ ।
অহংকারো মনো বুদ্ধিঃ পঞ্চ জ্ঞানেন্দ্রিযাণি চ ॥২১ ॥

ইচ্ছাভ়্যক্তং ধৃতিদ্বেষৌ সুখদুঃখে তথৈভ় চ ।
চেতনাসহিতশ্চাযং সমূহঃ ক্ষেত্রমুচ্যতে ॥২২ ॥

তজ্জ্ঞং ত্বং ভ়িদ্ধি মাং ভূপ সর্ভ়ান্তর্যামিণং ভ়িভুম্ ।
অযং সমূহোঽহং চাপি যজ্জ্ঞানভ়িষযৌ নৃপ ॥২৩ ॥

আর্জভ়ং গুরুশুশ্রূষা ভ়িরক্তিশ্চেন্দ্রিযার্থতঃ ।
শৌচং ক্ষান্তিরদম্ভশ্চ জন্মাদিদোষভ়ীক্ষণম্ ॥২৪ ॥

সমদৃষ্টির্দৃঢা ভক্তিরেকান্তিত্বং শমো দমঃ ।
এতৈর্যচ্চ যুতং জ্ঞানং তজ্জ্ঞানং ভ়িদ্ধি বাহুজ ॥২৫ ॥

তজ্জ্ঞানভ়িষযং রাজন্‌ব্রভ়ীমি ত্বং শৃণুষ্ব মে ।
যজ্জ্ঞাত্বৈতি চ নির্ভ়াণং মুক্ত্বা সংসৃতিসাগরম্ ॥২৬ ॥

যদনাদীন্দ্রিযৈর্হীনং গুণভুগ্গুণভ়র্জিতম্ ।
অভ়্যক্তং সদসদ্ভিন্নমিন্দ্রিযার্থাভ়ভাসকম্ ॥ ২৭ ॥

ভ়িশ্বভৃচ্চাখিলভ়্যাপি ত্বেকং নানেভ় ভাসতে ।
বাহ্যাভ্যন্তরতঃ পূর্ণমসংগং তমসঃ পরম্ ॥২৮ ॥

দুর্জ্ঞেযং চাতিসূক্ষ্মত্বাদ্দীপ্তানামপি ভাসকম্ ।
জ্ঞেযমেতাদৃশং ভ়িদ্ধি জ্ঞানগম্যং পুরাতনম্ ॥২৯ ॥

এতদেভ় পরং ব্রহ্ম জ্ঞেযমাত্মা পরোঽভ়্যযঃ ।
গুণান্প্রকৃতিজান্ভুঙ্ক্তে পুরুষঃ প্রকৃতেঃ পরঃ ॥৩০ ॥

গুণৈস্ত্রিভিরিযং দেহে বধ্নাতি পুরুষং দৃঢম্ ।
যদা প্রকাশঃ শান্তিশ্চ ভ়ৃদ্ধে সত্ত্বং তদাধিকম্ ॥৩১ ॥

লোভোঽশমঃ স্পৃহারম্ভঃ কর্মণাং রজসো গুণঃ ।
মোহোঽপ্রভ়ৃত্তিশ্চাজ্ঞানং প্রমাদস্তমসো গুণঃ ॥৩২ ॥

সত্ত্বাধিকঃ সুখং জ্ঞানং কর্মসংগং রজোঽধিকঃ ।
তমোঽধিকশ্চ লভতে নিদ্রালস্যং সুখেতরৎ ॥৩৩ ॥

এষু ত্রিষু প্রভ়ৃদ্ধেষু মুক্তিসংসৃতিদুর্গতীঃ ।
প্রযান্তি মানভ়া রাজংস্তস্মাৎসত্ত্বযুতো ভভ় ॥৩৪ ॥

ততশ্চ সর্ভ়ভাভ়েন ভজ ত্বং মাং নরেশ্বর ।
ভক্ত্যা চাভ়্যভিচারিণ্যা সর্ভ়ত্রৈভ় চ সংস্থিতম্ ॥৩৫ ॥

অগ্নৌ সূর্যে তথা সোমে যচ্চ তারাসু সংস্থিতম্ ।
ভ়িদুষি ব্রাহ্মণে তেজো ভ়িদ্ধি তন্মামকং নৃপ ॥৩৬ ॥

অহমেভ়াখিলং ভ়িশ্বং সৃজামি ভ়িসৃজামি চ ।
ঔষধীস্তেজসা সর্ভ়া ভ়িশ্বং চাপ্যাযযাম্যহম্ ॥৩৭ ॥

সর্ভ়েন্দ্রিযাণ্যধিষ্ঠায জাঠরং চ ধনংজযম্ ।
ভুনজ্মি চাখিলান্ভোগান্পুণ্যপাপভ়িভ়র্জিতঃ ॥৩৮ ॥

অহং ভ়িষ্ণুশ্চ রুদ্রশ্চ ব্রহ্মা গৌরী গণেশ্বরঃ ।
ইন্দ্রাদ্যা লোকপালাশ্চ মমৈভ়াংশসমুদ্ভভ়াঃ ॥৩৯ ॥

যেন যেন হি রূপেণ জনো মাং পর্যুপাসতে ।
তথা তথা দর্শযামি তস্মৈ রূপং সুভক্তিতঃ ॥৪০ ॥

ইতি ক্ষেত্রং তথা জ্ঞাতা জ্ঞানং জ্ঞেযং মযেরিতম্ ।
অখিলং ভূপতে সম্যগুপপন্নায পৃচ্ছতে ॥৪১ ॥

ইতি শ্রীমদ্গণেশগীতাসূপনিষদর্থগর্ভাসু যোগামৃতার্থশাস্ত্রে শ্রীগণেশপুরাণে উত্তরখণ্ডে গজাননভ়রেণ্যসংভ়াদে ক্ষেত্রজ্ঞাতৃজ্ঞেযভ়িভ়েকযোগো নাম নভ়মোঽধ্যাযঃ ॥

॥ উপদেশযোগঃ ॥

শ্রীগজানন উভ়াচ -
দৈভ়্যাসুরী রাক্ষসী চ প্রকৃতিস্ত্রিভ়িধা নৃণাম্ ।
তাসাং ফলানি চিন্হানি সংক্ষেপাত্তেঽধুনা ব্রুভ়ে ॥১ ॥

আদ্যা সংসাধযেন্মুক্তিং দ্বে পরে বন্ধনং নৃপ ।
চিন্হং ব্রভ়ীমি চাদ্যাযাস্তন্মে নিগদতঃ শৃণু ॥২ ॥

অপৈশূন্যং দযাঽক্রোধশ্চাপল্যং ধৃতিরার্জভ়ম্ ।
তেজোঽভযমহিংসা চ ক্ষমা শৌচমমানিতা ॥৩ ॥

ইত্যাদি চিন্হমাদ্যাযা আসুর্যাঃ শৃণু সাংপ্রতম্ ।
অতিভ়াদোঽভিমানশ্চ দর্পো জ্ঞানং সকোপতা ॥৪ ॥

আসুর্যা এভ়মাদ্যানি চিন্হানি প্রকৃতের্নৃপ ।
নিষ্ঠুরত্বং মদো মোহোঽহংকারো গর্ভ় এভ় চ ॥৫ ॥

দ্বেষো হিংসাঽদযা ক্রোধ ঔদ্ধত্যং দুর্ভ়িনীততা ।
আভিচারিককর্তৃত্বং ক্রূরকর্মরতিস্তথা ॥৬ ॥

অভ়িশ্বাসঃ সতাং ভ়াক্যেঽশুচিত্বং কর্মহীনতা ।
নিন্দকত্বং চ ভ়েদানাং ভক্তানামসুরদ্বিষাম্ ॥৭ ॥

মুনিশ্রোত্রিযভ়িপ্রাণাং তথা স্মৃতিপুরাণযোঃ ।
পাখণ্ডভ়াক্যে ভ়িশ্বাসঃ সংগতির্মলিনান্মনাম্ ॥৮ ॥

সদম্ভকর্মকর্তৃত্বং স্পৃহা চ পরভ়স্তুষু ।
অনেককামনাভ়ত্ত্বং সর্ভ়দাঽনৃতভাষণম্ ॥৯ ॥

পরোৎকর্ষাসহিষ্ণুত্বং পরকৃত্যপরাহতিঃ ।
ইত্যাদ্যা বহভ়শ্চান্যে রাক্ষস্যাঃ প্রকৃতের্গুণাঃ ॥১০ ॥

পৃথিভ়্যাং স্বর্গলোকে চ পরিভ়ৃত্য ভ়সন্তি তে ।
মদ্ভক্তিরহিতা লোকা রাক্ষসীং প্রকৃতিং শ্রিতাঃ ॥১১ ॥

তামসীং যে শ্রিতা রাজন্যান্তি তে রৌরভ়ং ধ্রুভ়ম্ ।
অনির্ভ়াচ্যং চ তে দুঃখং ভুঞ্জতে তত্র সংস্থিতাঃ ॥১২ ।
দৈভ়ান্নিঃসৃত্য নরকাজ্জাযন্তে ভুভ়ি কুব্জকাঃ ।
জাত্যন্ধাঃ পঙ্গভ়ো দীনা হীনজাতিষু তে নৃপ ॥১৩ ॥

পুনঃ পাপসমাচারা ময্যভক্তাঃ পতন্তি তে ।
উৎপতন্তি হি মদ্ভক্তা যাং কাংচিদ্যোনিমাশ্রিতাঃ ॥১৪ ॥

লভন্তে স্বর্গতিং যজ্ঞৈরন্যৈর্ধর্মশ্চ ভূমিপ ।
সুলভাস্তাঃ সকামানাং মযি ভক্তিঃ সুদুর্লভা ॥১৫ ॥

ভ়িমূঢা মোহজালেন বদ্ধাঃ স্বেন চ কর্মণা ।
অহং হন্তা অহং কর্তা অহং ভোক্তেতি ভ়াদিনঃ ॥১৬ ॥

অহমেভ়েশ্বরঃ শাস্তা অহং ভ়েত্তা অহং সুখী ।
এতাদৃশী মতির্নৄণামধঃ পাতযতীহ তান্ ॥১৭ ॥

তস্মাদেতৎসমুৎসৃজ্য দৈভ়ীং প্রকৃতিমাশ্রয ।
ভক্তিং কুরু মদীযাং ত্বমনিশং দৃঢচেতসা ॥১৮ ॥

সাপি ভক্তিস্ত্রিধা রাজন্সাত্ত্বিকী রাজসীতরা ।
যদ্দেভ়ান্ভজতে ভক্ত্যা সাত্ত্বিকী সা মতা শুভা ॥১৯ ॥

রাজসী সা তু ভ়িজ্ঞেযা ভক্তির্জন্মমৃতিপ্রদা ।
যদ্যক্ষাংশ্চৈভ় রক্ষাংসি যজন্তে সর্ভ়ভাভ়তঃ ॥২০ ॥

ভ়েদেনাভ়িহিতং ক্রূরং সাহংকারং সদম্ভকম্ ।
ভজন্তে প্রেতভূতাদীন্কর্ম কুর্ভ়ন্তি কামুকম্ ॥২১ ॥

শোষযন্তো নিজং দেহমন্তঃস্থং মাং দৃঢাগ্রহাঃ ।
তামস্যেতাদৃশী ভক্তির্নৃণাং সা নিরযপ্রদা ॥২২ ॥

কামো লোভস্তথা ক্রোধো দম্ভশ্চত্বার ইত্যমী ।
মহাদ্বারাণি ভ়ীচীনাং তস্মাদেতাংস্তু ভ়র্জযেৎ ॥২৩ ॥

ইতি শ্রীমদ্গণেশগীতাসূপনিষদর্থগর্ভাসু যোগামৃতার্থশাস্ত্রে শ্রীগণেশপুরাণে উত্তরখণ্ডে গজাননভ়রেণ্যসংভ়াদে উপদেশযোগো নাম দশমোঽধ্যাযঃ ॥

॥ ত্রিভ়িধভ়স্তুভ়িভ়েকনিরূপণম্ ॥

শ্রীগজানন উভ়াচ -
তপোঽপি ত্রিভ়িধং রাজন্কাযিকাদিপ্রভেদতঃ ।
ঋজুতার্জভ়শৌচানি ব্রহ্মচর্যমহিংসনম্ ॥১ ॥

গুরুভ়িজ্ঞদ্বিজাতীনাং পূজনং চাসুরদ্বিষাম্ ।
স্বধর্মপালনং নিত্যং কাযিকং তপ ঈদৃশম্ ॥২ ॥

মর্মাস্পৃক্চ প্রিযং ভ়াক্যমনুদ্বেগং হিতং ঋতম্ ।
অধীতির্ভ়েদশাস্ত্রাণাং ভ়াচিকং তপ ঈদৃশম্ ॥৩ ॥

অন্তঃপ্রসাদঃ শান্তত্বং মৌনমিন্দ্রিযনিগ্রহঃ ।
নির্মলাশযতা নিত্যং মানসং তপ ঈদৃশম্ ॥৪ ॥

অকামতঃ শ্রদ্ধযা চ যত্তপঃ সাত্ত্বিকং চ তৎ ।
ঋধ্যৈ সৎকারপূজার্থং সদম্ভং রাজসং তপঃ ॥৫ ॥

তদস্থিরং জন্মমৃতী প্রযচ্ছতি ন সংশযঃ ।
পরাত্মপীডকং যচ্চ তপস্তামসমুচ্যতে ॥৬ ॥

ভ়িধিভ়াক্যপ্রমাণার্থং সৎপাত্রে দেশকালতঃ ।
শ্রদ্ধযা দীযমানং যদ্দানং তৎসাত্ত্বিকং মতম্ ॥৭ ॥

উপকারং ফলং ভ়াপি কাঙ্ক্ষদ্ভির্দীযতে নরৈঃ ।
ক্লেশতো দীযমানং ভ়া ভক্ত্যা রাজসমুচ্যতে ॥৮ ॥

অকালদেশতোঽপাত্রেঽভ়জ্ঞযা দীযতে তু যৎ ।
অসৎকারাচ্চ যদ্দত্তং তদ্দানং তামসং স্মৃতম্ ॥৯ ॥

জ্ঞানং চ ত্রিভ়িধং রাজন্ শৃণুষ্ব স্থিরচেতসা ।
ত্রিধা কর্ম চ কর্তারং ব্রভ়ীমি তে প্রসংগতঃ ॥১০ ॥

নানাভ়িধেষু ভূতেষু মামেকং ভ়ীক্ষতে তু যঃ ।
নাশভ়ৎসু চ নিত্যং মাং তজ্জ্ঞানং সাত্বিকং নৃপ ॥১১ ॥

তেষু ভ়েত্তি পৃথগ্ভূতং ভ়িভ়িধং ভাভ়মাশ্রিতঃ ।
মামভ়্যযং চ তজ্জ্ঞানং রাজসং পরিকীর্তিতম্ ॥১২ ॥

হেতুহীনমসত্যং চ দেহাত্মভ়িষযং চ যৎ ।
অসদল্পার্থভ়িষযং তামসং জ্ঞানমুচ্যতে ॥১৩ ॥

ভেদতস্ত্রিভ়িধং কর্ম ভ়িদ্ধি রাজন্মযেরিতম্ ।
কামনাদ্বেষদম্ভৈর্যদ্রহিতং নিত্যকর্ম যৎ ॥১৪ ॥

কৃতং ভ়িনা ফলেচ্ছাং যৎকর্ম সাত্ত্বিকমুচ্যতে ।
যদ্‌বহুক্লেশতঃ কর্ম কৃতং যচ্চ ফলেচ্ছযা ॥১৫ ॥

ক্রিযমাণং নৃভির্দম্ভাৎকর্ম রাজসমুচ্যতে ।
অনপেক্ষ্য স্বশক্তিং যদর্থক্ষযকরং চ যৎ ॥১৬ ॥

অজ্ঞানাৎক্রিযমাণং যৎকর্ম তামসমীরিতম্ ।
কর্তারং ত্রিভ়িধং ভ়িদ্ধি কথ্যমানং মযা নৃপ ॥১৭ ॥

ধৈর্যোৎসাহী সমোঽসিদ্ধৌ সিদ্ধৌ চাভ়িক্রিযস্তু যঃ ।
অহংকারভ়িমুক্তো যঃ স কর্তা সাত্ত্বিকো নৃপ ॥১৮ ॥

কুর্ভ়ন্হর্ষং চ শোকং চ হিংসাং ফলস্পৃহাং চ যঃ ।
অশুচির্লুব্ধকো যশ্চ রাজসোঽসৌ নিগদ্যতে ॥১৯ ॥

প্রমাদাজ্ঞানসহিতঃ পরোচ্ছেদপরঃ শঠঃ ।
অলসস্তর্কভ়ান্যস্তু কর্তাসৌ তামসো মতঃ ॥২০ ॥

সুখং চ ত্রিভ়িধং রাজন্দুঃখং চ ক্রমতঃ শৃণু ।
সাত্ত্বিকং রাজসং চৈভ় তামসং চ মযোচ্যতে ॥২১ ॥

ভ়িষভ়দ্ভাসতে পূর্ভ়ং দুঃখস্যান্তকরং চ যৎ ।
ইষ্যমানং তথাঽঽভ়ৃত্ত্যা যদন্তেঽমৃতভ়দ্ভভ়েৎ ॥২২ ॥

প্রসাদাৎস্বস্য বুদ্ধের্যৎসাত্ত্বিকং সুখমীরিতম্ ।
ভ়িষযাণাং তু যো ভোগো ভাসতেঽমৃতভ়ৎপুরা ॥২৩ ॥

হালাহলমিভ়ান্তে যদ্রাজসং সুখমীরিতম্ ।
তন্দ্রিপ্রমাদসংভূতমালস্যপ্রভভ়ং চ যৎ ॥২৪ ॥

সর্ভ়দা মোহকং স্বস্য সুখং তামসমীদৃশম্ ।
ন তদস্তি যদেতৈর্যন্মুক্তং স্যাত্ত্রিভ়িধৈর্গুণৈঃ ॥২৫ ॥

রাজন্‌ব্রহ্মাপি ত্রিভ়িধমোংতৎসদিতি ভেদতঃ ।
ত্রিলোকেষু ত্রিধা ভূতমখিলং ভূপ ভ়র্ততে ॥২৬ ॥

ব্রহ্মক্ষত্রিযভ়িট্শূদ্রাঃ স্বভাভ়াদ্ভিন্নকর্মিণঃ ।
তানি তেষাং তু কর্মাণি সংক্ষেপাত্তেঽধুনা ভ়দে ॥২৭ ॥

অন্তর্বাহ্যেন্দ্রিযাণাং চ ভ়শ্যত্বমার্জভ়ং ক্ষমা ।
নানাতপাংসি শৌচং চ দ্বিভ়িধং জ্ঞানমাত্মনঃ ॥২৮ ॥

ভ়েদশাস্ত্রপুরাণানাং স্মৃতীনাং জ্ঞানমেভ় চ ।
অনুষ্ঠানং তদর্থানাং কর্ম ব্রাহ্মমুদাহৃতম্ ॥২৯ ॥

দার্ঢ্যং শৌর্যং চ দাক্ষ্যং চ যুদ্ধে পৃষ্ঠাপ্রদর্শনম্ ।
শরণ্যপালনং দানং ধৃতিস্তেজঃ স্বভাভ়জম্ ॥৩০ ॥

প্রভুতা মন ঔনত্যং সুনীতির্লোকপালনম্ ।
পঞ্চকর্মাধিকারিত্বং ক্ষাত্রং কর্ম সমীরিতম্ ॥৩১ ॥

নানাভ়স্তুক্রযো ভূমেঃ কর্ষণং রক্ষণং গভ়াম্ ।
ত্রিধা কর্মাধিকারিত্বং ভ়ৈশ্যকর্ম সমীরিতম্ ॥৩২ ॥

দানং দ্বিজানাং শুশ্রূষা সর্ভ়দা শিভ়সেভ়নম্ ।
এতাদৃশং নরভ়্যাঘ্র কর্ম শৌদ্রমুদীরিতম্ ॥৩৩ ॥

স্বস্বকর্মরতা এতে ময্যর্প্যাখিলকারিণঃ ।
মৎপ্রসাদাৎস্থিরং স্থানং যান্তি তে পরমং নৃপ ॥ ৩৪॥

ইতি তে কথিতো রাজন্প্রসাদাদ্যোগৌত্তমঃ ।
সাংগোপাংগঃ সভ়িস্তারোঽনাদিসিদ্ধো মযা প্রিয ॥ ৩৫ ॥

যুঙ্ক্ষ্ব যোগং মযাখ্যাতং নাখ্যাতং কস্যচিন্নৃপ ।
গোপযৈনং ততঃ সিদ্ধিং পরাং যাস্যস্যনুত্তমাম্ ॥৩৬ ॥

ভ়্যাস উভ়াচ -
ইতি তস্য ভ়চঃ শ্রুত্বা প্রসন্নস্য মহাত্মনঃ ।
গণেশস্য ভ়রেণ্যঃ স চকার চ যথোদিতম্ ॥৩৭ ॥

ত্যক্ত্বা রাজ্যং কুটুম্বং চ কান্তারং প্রযযৌ রযাৎ ।
উপদিষ্টং যথা যোগমাস্থায মুক্তিমাপ্নভ়ান্ ॥৩৮ ॥

ইমং গোপ্যতমং যোগং শৃণোতি শ্রদ্ধযা তু যঃ ।
সোঽপি কৈভ়ল্যমাপ্নোতি যথা যোগী তথৈভ় সঃ ॥৩৯ ॥

য ইমং শ্রাভ়যেদ্যোগং কৃত্বা স্বার্থং সুবুদ্ধিমান্ ।
যথা যোগী তথা সোঽপি পরং নির্ভ়াণমৃচ্ছতি ॥৪০ ॥

যো গীতাং সম্যগভ্যস্য জ্ঞাত্বা চার্থং গুরোর্মুখাৎ ।
কৃত্বা পূজাং গণেশস্য প্রত্যহং পঠতে তু যঃ ॥৪১ ॥

এককালং দ্বিকালং ভ়া ত্রিকালং ভ়াপি যঃ পঠেৎ ।
ব্রহ্মীভূতস্য তস্যাপি দর্শনান্মুচ্যতে নরঃ ॥৪২ ॥

ন যজ্ঞৈর্ন ভ়্রতৈর্দানৈর্নাগ্নিহোত্রৈর্মহাধনৈঃ ।
ন ভ়েদৈঃ সম্যগভ্যস্তৈঃ সহাঙ্গকৈঃ ॥৪৩ ॥

পুরাণশ্রভ়ণৈর্নৈভ় ন শাস্ত্রৈঃ সাধুচিন্তিতৈঃ ।
প্রাপ্যতে ব্রহ্ম পরমমনযা প্রাপ্যতে নরৈঃ ॥৪৪ ॥

ব্রহ্মঘ্নো মদ্যপঃ স্তেযী গুরুতল্পগমোঽপি যঃ ।
চতুর্ণাং যস্তু সংসর্গী মহাপাতককারিণাম্ ॥৪৫ ॥

স্ত্রীহিংসাগোভ়ধাদীনাং কর্তারো যে চ পাপিনঃ ।
তে সর্ভ়ে প্রতিমুচ্যন্তে গীতামেতাং পঠন্তি চেৎ ॥৪৬ ॥

যঃ পঠেৎপ্রযতো নিত্যং স গণেশো ন সংশযঃ ।
চতুর্থ্যাং যঃ পঠেদ্ভক্ত্যা সোঽপি মোক্ষায কল্পতে ॥৪৭ ॥

তত্তৎক্ষেত্রং সমাসাদ্য স্নাত্বাভ্যর্চ্য গজাননম্ ।
সকৃদ্গীতাং পঠন্ভক্ত্যা ব্রহ্মভূযায কল্পতে ॥৪৮ ॥

ভাদ্রে মাসে সিতে পক্ষে চতুর্থ্যাং ভক্তিমান্নরঃ ।
কৃত্বা মহীমযীং মূর্তিং গণেশস্য চতুর্ভুজাম্ ॥৪৯ ॥

সভ়াহনাং সাযুধাং চ সমভ্যর্চ্য যথাভ়িধি ।
যঃ পঠেৎসপ্তকৃত্বস্তু গীতামেতাং প্রযত্নতঃ ॥৫০ ॥

দদাতি তস্য সন্তুষ্টো গণেশো ভোগমুত্তমম্ ।
পুত্রান্পৌত্রান্ধনং ধান্যং পশুরত্নাদিসম্পদঃ ॥৫১ ॥

ভ়িদ্যার্থিনো ভভ়েদ্বিদ্যা সুখার্থী সুখমাপ্নুযাৎ ।
কামানন্যাঁল্লভেৎকামী মুক্তিমন্তে প্রযান্তি তে ॥৫২ ॥

ইতি শ্রীমদ্গণেশগীতাসূপনিষদর্থগর্ভাসু যোগামৃতার্থশাস্ত্রে শ্রীগণেশপুরাণে উত্তরখণ্ডে গজাননভ়রেণ্যসংভ়াদে ত্রিভ়িধভ়স্তুভ়িভ়েকনিরূপণং নাম একাদশোঽধ্যাযঃ ॥