শুল্কযজুর্ভ়েদান্তর্গতপুরুষসূক্তম্

শুক্লযজুর্ভ়েদীয পুরুষসূক্তঃ

হরিঃ ওঁ সহস্রশীর্ষা পুরুষঃ সহস্রাক্ষঃ সহস্রপাৎ ।
স ভূমিꣳ সর্ভ়ত স্পৃত্বাঽত্যতিষ্ঠদ্দশাঙ্গুলম্ ॥ ১॥

পুরুষ এভ়েদꣳ সর্ভ়ং যদ্ভূতং যচ্চ ভাভ়্যম্ ।
উতামৃতত্বস্যেশানো যদন্নেনাতিরোহতি ॥ ২॥

এতাভ়ানস্য মহিমাতো জ্যাযাঁশ্চ পূরুষঃ ।
পাদোঽস্য ভ়িশ্বা ভূতানি ত্রিপাদস্যামৃতং দিভ়ি ॥ ৩॥

ত্রিপাদূর্ধ্ব উদৈৎপুরুষঃ পাদোঽস্যেহাভভ়ৎ পুনঃ ।
ততো ভ়িষ্বঙ্ ভ়্যক্রামৎসাশনানশনে অভি ॥ ৪॥

ততো ভ়িরাডজাযত ভ়িরাজো অধি পূরুষঃ ।
স জাতো অত্যরিচ্যত পশ্চাদ্ভূমিমথো পুরঃ ॥ ৫॥

তস্মাদ্যজ্ঞাৎ সর্ভ়হুতঃ সম্ভৃতং পৃষদাজ্যম্ ।
পশূঁস্তাঁশ্চক্রে ভ়াযভ়্যানারণ্যা গ্রাম্যাশ্চ যে ॥ ৬॥

তস্মাদ্যজ্ঞাৎ সর্ভ়হুতঃ ঋচঃ সামানি জজ্ঞিরে ।
ছন্দাꣳসি জজ্ঞিরে তস্মাদ্যজুস্তস্মাদজাযত ॥ ৭॥

তস্মাদশ্বা অজাযন্ত যে কে চোভযাদতঃ ।
গাভ়ো হ জজ্ঞিরে তস্মাত্তস্মাজ্জাতা অজাভ়যঃ ॥ ৮॥

তং যজ্ঞং বর্হিষি প্রৌক্ষন্ পুরুষং জাতমগ্রতঃ ।
তেন দেভ়া অযজন্ত সাধ্যা ঋষযশ্চ যে ॥ ৯॥

যৎপুরুষং ভ়্যদধুঃ কতিধা ভ়্যকল্পযন্ ।
মুখং কিমস্যাসীৎ কিং বাহূ কিমূরূ পাদা উচ্যেতে ॥ ১০॥

ব্রাহ্মণোঽস্য মুখমাসীদ্‌বাহূ রাজন্যঃ কৃতঃ ।
ঊরূ তদস্য যদ্বৈশ্যঃ পদ্ভ্যাꣳ শূদ্রো অজাযত ॥ ১১॥

চন্দ্রমা মনসো জাতশ্চক্ষোঃ সূর্যো অজাযত ।
শ্রোত্রাদ্বাযুশ্চ প্রাণশ্চ মুখাদগ্নিরজাযত ॥ ১২॥

নাভ্যা আসীদন্তরিক্ষꣳ শীর্ষ্ণো দ্যৌঃ সমভ়র্তত ।
পদ্ভ্যাং ভূমির্দিশঃ শ্রোত্রাত্তথা লোকাঁঽকল্পযন্ ॥ ১৩॥

যৎপুরুষেণ হভ়িষা দেভ়া যজ্ঞমতন্বত ।
ভ়সন্তোঽস্যাসীদাজ্যং গ্রীষ্ম ইধ্মঃ শরদ্ধভ়িঃ ॥ ১৪॥

সপ্তাস্যাসন্ পরিধযস্ত্রিঃ সপ্ত সমিধঃ কৃতাঃ ।
দেভ়া যদ্যজ্ঞং তন্বানা অবধ্নন্ পুরুষং পশুম্ ॥ ১৫॥

যজ্ঞেন যজ্ঞমযজন্ত দেভ়াস্তানি ধর্মাণি প্রথমান্যাসন্ ।
তে হ নাকং মহিমানঃ সচন্ত যত্র পূর্ভ়ে সাধ্যাঃ সন্তি দেভ়াঃ ॥ ১৬॥