ஶுல்கயஜுர்வேதா₃ந்தர்க₃தபுருஷஸூக்தம்

ஶுக்லயஜுர்வேதீ₃ய புருஷஸூக்த꞉

ஹரி꞉ ௐ ஸஹஸ்ரஶீர்ஷா புருஷ꞉ ஸஹஸ்ராக்ஷ꞉ ஸஹஸ்ரபாத் .
ஸ பூ₄மிꣳ ஸர்வத ஸ்ப்ருத்வா(அ)த்யதிஷ்ட₂த்₃த₃ஶாங்கு₃லம் .. 1..

புருஷ ஏவேத₃ꣳ ஸர்வம் யத்₃பூ₄தம் யச்ச பா₄வ்யம் .
உதாம்ருதத்வஸ்யேஶாநோ யத₃ந்நேநாதிரோஹதி .. 2..

ஏதாவாநஸ்ய மஹிமாதோ ஜ்யாயாம்ஶ்ச பூருஷ꞉ .
பாதோ₃(அ)ஸ்ய விஶ்வா பூ₄தாநி த்ரிபாத₃ஸ்யாம்ருதம் தி₃வி .. 3..

த்ரிபாதூ₃ர்த்₄வ உதை₃த்புருஷ꞉ பாதோ₃(அ)ஸ்யேஹாப₄வத் புந꞉ .
ததோ விஷ்வங் வ்யக்ராமத்ஸாஶநாநஶநே அபி₄ .. 4..

ததோ விராட₃ஜாயத விராஜோ அதி₄ பூருஷ꞉ .
ஸ ஜாதோ அத்யரிச்யத பஶ்சாத்₃பூ₄மிமதோ₂ புர꞉ .. 5..

தஸ்மாத்₃யஜ்ஞாத் ஸர்வஹுத꞉ ஸம்ப்₄ருதம் ப்ருஷதா₃ஜ்யம் .
பஶூம்ஸ்தாம்ஶ்சக்ரே வாயவ்யாநாரண்யா க்₃ராம்யாஶ்ச யே .. 6..

தஸ்மாத்₃யஜ்ஞாத் ஸர்வஹுத꞉ ருச꞉ ஸாமாநி ஜஜ்ஞிரே .
ச₂ந்தா₃ꣳஸி ஜஜ்ஞிரே தஸ்மாத்₃யஜுஸ்தஸ்மாத₃ஜாயத .. 7..

தஸ்மாத₃ஶ்வா அஜாயந்த யே கே சோப₄யாத₃த꞉ .
கா₃வோ ஹ ஜஜ்ஞிரே தஸ்மாத்தஸ்மாஜ்ஜாதா அஜாவய꞉ .. 8..

தம் யஜ்ஞம் ப₃ர்ஹிஷி ப்ரௌக்ஷந் புருஷம் ஜாதமக்₃ரத꞉ .
தேந தே₃வா அயஜந்த ஸாத்₄யா ருஷயஶ்ச யே .. 9..

யத்புருஷம் வ்யத₃து₄꞉ கதிதா₄ வ்யகல்பயந் .
முக₂ம் கிமஸ்யாஸீத் கிம் பா₃ஹூ கிமூரூ பாதா₃ உச்யேதே .. 10..

ப்₃ராஹ்மணோ(அ)ஸ்ய முக₂மாஸீத்₃பா₃ஹூ ராஜந்ய꞉ க்ருத꞉ .
ஊரூ தத₃ஸ்ய யத்₃வைஶ்ய꞉ பத்₃ப்₄யாꣳ ஶூத்₃ரோ அஜாயத .. 11..

சந்த்₃ரமா மநஸோ ஜாதஶ்சக்ஷோ꞉ ஸூர்யோ அஜாயத .
ஶ்ரோத்ராத்₃வாயுஶ்ச ப்ராணஶ்ச முகா₂த₃க்₃நிரஜாயத .. 12..

நாப்₄யா ஆஸீத₃ந்தரிக்ஷꣳ ஶீர்ஷ்ணோ த்₃யௌ꞉ ஸமவர்தத .
பத்₃ப்₄யாம் பூ₄மிர்தி₃ஶ꞉ ஶ்ரோத்ராத்ததா₂ லோகாம்(அ)கல்பயந் .. 13..

யத்புருஷேண ஹவிஷா தே₃வா யஜ்ஞமதந்வத .
வஸந்தோ(அ)ஸ்யாஸீதா₃ஜ்யம் க்₃ரீஷ்ம இத்₄ம꞉ ஶரத்₃த₄வி꞉ .. 14..

ஸப்தாஸ்யாஸந் பரித₄யஸ்த்ரி꞉ ஸப்த ஸமித₄꞉ க்ருதா꞉ .
தே₃வா யத்₃யஜ்ஞம் தந்வாநா அப₃த்₄நந் புருஷம் பஶும் .. 15..

யஜ்ஞேந யஜ்ஞமயஜந்த தே₃வாஸ்தாநி த₄ர்மாணி ப்ரத₂மாந்யாஸந் .
தே ஹ நாகம் மஹிமாந꞉ ஸசந்த யத்ர பூர்வே ஸாத்₄யா꞉ ஸந்தி தே₃வா꞉ .. 16..