શ્રીરુદ્રયામલે શ્રીપાર્વતીપરમેશ્વરસંવાદે શ્રીમહાગણપતિકવચમ્

શ્રીમહાગણપતિકવચમ્

શ્રીગણાધિપતયે નમઃ .
શ્રીમહાગણપતયે નમઃ .

શુક્લામ્બરધરં વિષ્ણું શશિવર્ણં ચતુર્ભુજમ્ .
પ્રસન્નવદનં ધ્યાયેત્ સર્વવિઘ્નોપશાન્તયે .. ૧..

શ્રીગુરુભ્યો નમઃ .
શ્રિયં ગણપતિં દુર્ગાં વટુકં શિવમચ્યુતમ્ .
બ્રહ્માણં ગિરિજાં લક્ષ્મીં વાણીં વન્દે વિભૂતયે .. ૨..

વન્દે ગુરુપદદ્વન્દ્વમવાસનમગોચરમ્ .
રક્તશુક્લપ્રભા મિશ્રમતર્ક્યં ત્રૈપુરં મહઃ .. ૩..

અજ્ઞાનતિમિરાન્ધસ્ય જ્ઞાનાઞ્જનશલાકયા .
ચક્ષુરુન્મીલનં યેન તસ્મૈ શ્રીગુરવે નમઃ .. ૪..

અસ્મત્-શ્રીગુરુપાદુકાભ્યો નમઃ .
શ્રીશિવાય નમઃ .
ૐ વાગીશાદ્યાઃ સુમનસઃ સર્વાર્થાનામુપક્રમે .
યં નત્વા કૃતકૃત્યાઃ સ્યુસ્તં નમામિ ગજાનનમ્ .. ૫..

અગજાનનપદ્માર્કં ગજાનનમહર્નિશમ્ .
અનેકદં તં ભક્તાનામેકદન્તમુપાસ્મહે .. ૬..

અચિન્ત્યાવ્યક્તરૂપાય નિર્ગુણાય ગુણાત્મને .
સમસ્તજગદાધારમૂર્તયે બ્રહ્મણે નમઃ .. ૭..

ગુરુર્બ્રહ્મા ગુરુર્વિષ્ણુર્ગુરૂ રુદ્રો મહેશ્વરઃ .
ગુરુઃ સદાશિવઃ સર્વ સ્તસ્મૈ શ્રીગુરવે નમઃ .. ૮..

ગુરવે સર્વલોકાનાં ભિષજે ભવરોગિણામ્ .
નિધયે સર્વવિદ્યાનાં દક્ષિણામૂર્તયે નમઃ .. ૯..

યં બ્રહ્મ વેદાન્તવિદો વદન્તિ
પરં પ્રધાનં પુરુષં તથાન્યે .
વિશ્વોદ્ગતેઃ કારણમીશ્વરં વા
તસ્મૈ નમો વિઘ્નવિનાયકાય .. ૧૦..

ઉમાસુતં દેવવરપ્રસાદં
હરસ્ય પુત્રં ગણવૃન્દસેવ્યમ્ .
સુરાસુરાણાં પરમં પવિત્રં
વિનાયકં શૂરમહં પ્રપદ્યે .. ૧.. (શરણમહમ્)
શ્રીપાર્વત્યુવાચ-
ૐ મન્નાથ જગતાં નાથ મમ પ્રેરણકારણ .
ગણેશસ્ય તુ યન્મન્ત્રં શ્રુતં દેવ મહેશ્વર .. ૨..

ઇદાનીં શ્રોતુમિચ્છામિ કવચં તસ્ય દુર્લભમ્ .
તદ્વદસ્વ દયાસિન્ધો કૃપયા મમ શઙ્કર .. ૩..

શ્રી ઈશ્વર ઉવાચ-
શૃણુ દેવિ મહાભાગે ગણેશકવચં પરમ્ .
યદ્ધૃત્વા પઠનાત્ સદ્યો વિઘ્નનાશો ભવિષ્યતિ .. ૪..

વિષ્ણુના કથિતં પુણ્યં કવચં બ્રહ્મણે મુદા .
પઠિત્વા કૃતવાન્ સૃષ્ટિમેકભાવઃ પિતામહઃ .. ૫..

કવચસ્યાસ્ય દેવસ્ય ઋષિર્દેવો મહેશ્વરઃ .
છન્દો વિરાટ્ દેવતા ચ ગણેશો વિઘ્નનાયકઃ .

શ્રીમહાગણપતયે નમઃ
ૐ અસ્ય શ્રીમહાગણપતિકવચસ્તોત્રમહામન્ત્રસ્ય,
શ્રીમહેશ્વર ઋષિઃ, વિરાટ્ છન્દઃ, શ્રીમહાગણપતિર્દેવતા .
શ્રીમહાગણપતિપ્રસાદસિદ્ધ્યર્થે ધર્માર્થકામમોક્ષ-

ૐ ગં પાતુ મસ્તકં દેવો ગણનાથો મહાબલઃ .
એકાક્ષરો મહામન્ત્રો સર્વદેવનમસ્કૃતઃ .. ૭..

ૐ શ્રીં હ્રીં ક્લીં મેં ચ વદનં ગ્લૌં ગં ગણપતે હૃદયમ્ .
વરદ વરદ મે નાભિદેશં સર્વજનં મે વશમાનય .. ૮..

વસુ બીજાક્ષરો મન્ત્રો વહ્નિજાયાત્મકસ્તથા .
સર્વાઙ્ગં મે સદા પાતુ સર્વદેવસુપૂજિતઃ .. ૯..

હ્રીં વિરિતિરિ ગણપતિ ચૈવાવર વર વરદ સર્વલોકં તથા .
પાતુ મૂલાધાર નિયતં મે વશમાનય સ્વાહા .. ૧૦..

ષડ્ વિંશત્યક્ષરો મન્ત્રો (નૄણાં) શીઘ્રકાલફલપદઃ .
પાતુ માં પરિતો દેવઃ સર્વધર્મસમાવૃતમ્ .. ૧૧..

હ્રીં ગં હ્રીં મમ સર્વ ટઙ્ગં પાતુ શ્રીમહાગણપતયે .
વહ્નિજાયાત્મકો મન્ત્રો દ્વાદશાક્ષરસંયુતઃ .. ૧૨..

રાજદ્વારેજલે મધ્યે શૂન્યે ગેહે શ્મશાનકે .
(શ્રી) મહાગણપતિઃ પાતુ સર્વશત્રુનિબર્હણઃ .. ૧૩..

હ્રીં ગં શ્રીં વશમાનય દ્વયેન સમાદ્યતઃ . (?)
દશાક્ષરો મહામન્ત્રો સર્વકાર્યેષુ રક્ષતુ .. ૧૪..

ગં ક્ષિપ્રપ્રસાદનાય નમોઽન્તશ્ચ મહામનુઃ .
દશાક્ષરો મન્ત્રરાજો દશદિક્ષુ સદાવતુ .. ૧૫..

હૂં વક્રતુણ્ડાય નમઃ પાતુ માં દુર્ગમેષુ ચ .
હું વક્રતુણ્ડાય હું ચ પાતુ મે નૃહમેધયોઃ(?) .. ૧૬..

ૐ ગ્રં નમઃ પાતુ નિત્યં વેદવર્ણાત્મકો મનુઃ .
સર્વકાર્યેષુ સર્વત્ર પાતુ માં પાર્વતીસુતઃ .. ૧૭..

ઇતિ તે કથિતં ભદ્રે કવચં પરમાદ્ભુતમ્ .
પઠિત્વા ધારયિત્વા ચ સર્વમાશુ સમાલભેત્ .. ૧૮..

સકૃદ્વા યસ્તુ પઠતિ કવચં દેવદુર્લભમ્ . (પઠિતઃ)
સર્વસિદ્ધિયુતો ભૂત્વા દેવતુલ્યો ભવેન્નરઃ .. ૧૯..

બ્રહ્માસ્ત્રાદીનિ ચાસ્ત્રાણિ તદ્ગાત્રં પ્રાપ્ય પાર્વતિ .
માલ્યાનિ ચમ્પકાન્યેવ ભવિષ્યન્તિ ન સંશયઃ .. ૨૦..

રામોઽપિ કવચં ધૃત્વા જઘાનાશુ નિશાચરાન્ . (કૃત્વા)
ધૃત્વા તુ કવચં લોકે કુબેરોઽપિ ધનેશ્વરઃ .. ૨૧.. (કૃત્વા)
ઇન્દ્રોઽમરાવતીં લબ્ધ્વા પઠનાત્ કવચસ્ય તુ .
દેવનામાધિપત્યં વૈ તથાવાપ મહેશ્વરિ .. ૨૨..

સૃષ્ટિં વિતનુતે બ્રહ્મા સ્થિતિં વિતનુતે હરિઃ .
સંહારં તનુતે રુદ્રોઽપ્યહમેવ ન સંશયઃ .. ૨૩..

ભજેદ્વિલિરૂપ કવચં ધારયેદ્ભક્તિતઃ પરમ્ .
યં યં ચિન્તયતે લોકે તં તં પ્રાપ્નોતિ સર્વદા .. ૨૪..

ગન્ધર્વો ગાયતે ધીરઃ સર્વલોકવશઙ્કરઃ .
કામતુલ્યોઽપિ નારીણાં યોગી યોગપતિર્યથા .. ૨૫..

ન દેયં પરશિષ્યેભ્યો દેયં શિષ્યેભ્ય એવ ચ .
અપ્રશિષ્યાય દુષ્ટાય કૃતઘ્નાય દુરાત્મને .. ૨૬..

ભક્તિશ્રદ્ધાવિહીનાય પરનિન્દાપરાય ચ .
યો દદાતિ નિષિદ્ધેભ્યો કવચં પરમાદ્ભુતમ્ .. ૨૭..

તસ્ય નશ્યન્તિ દેવેશિ પુત્રાયુઃકીર્તિસમ્પદઃ .
શિષ્યાય ભક્તિયુક્તાય ગુરુભક્તિરતાય ચ .. ૨૮..

શાન્તાય વિષ્ણુભક્તાય શિવપૂજાપરાય ચ .
દેવ્યર્ચનપરાયાસ્મૈ સ્વજનાય મહાત્મને .. ૨૯..

દદાતિ ચેદ્યત્ કવચં શીઘ્રસિદ્ધિપ્રદં ભવેત્ .
એતત્ કવચમજ્ઞાત્વા યો જપેચ્ચ ગણાધિપમ્ .. ૩૦..

દારિદ્રં પરમં લબ્ધ્વા સોઽચિરાન્મૃત્યુમાપ્નુયાત્ . (યોઽચિરાન્)
જ્ઞાત્વા તુ કવચં યો વૈ જપેદ્ભક્તિપુરઃસરમ્ .. ૩૧..

જગાન્તે કવચં દિવ્યં પઠેન્નિત્યં નિયન્ત્રિતઃ .
સર્વાન્ કામાન્ સમાસાદ્ય ગણેશસ્ય પ્રિયો ભવેત્ .. ૩૨..