ஶ்ரீருத்₃ரயாமலே ஶ்ரீபார்வதீபரமேஶ்வரஸம்வாதே₃ ஶ்ரீமஹாக₃ணபதிகவசம்

ஶ்ரீமஹாக₃ணபதிகவசம்

ஶ்ரீக₃ணாதி₄பதயே நம꞉ .
ஶ்ரீமஹாக₃ணபதயே நம꞉ .

ஶுக்லாம்ப₃ரத₄ரம் விஷ்ணும் ஶஶிவர்ணம் சதுர்பு₄ஜம் .
ப்ரஸந்நவத₃நம் த்₄யாயேத் ஸர்வவிக்₄நோபஶாந்தயே .. 1..

ஶ்ரீகு₃ருப்₄யோ நம꞉ .
ஶ்ரியம் க₃ணபதிம் து₃ர்கா₃ம் வடுகம் ஶிவமச்யுதம் .
ப்₃ரஹ்மாணம் கி₃ரிஜாம் லக்ஷ்மீம் வாணீம் வந்தே₃ விபூ₄தயே .. 2..

வந்தே₃ கு₃ருபத₃த்₃வந்த்₃வமவாஸநமகோ₃சரம் .
ரக்தஶுக்லப்ரபா₄ மிஶ்ரமதர்க்யம் த்ரைபுரம் மஹ꞉ .. 3..

அஜ்ஞாநதிமிராந்த₄ஸ்ய ஜ்ஞாநாஞ்ஜநஶலாகயா .
சக்ஷுருந்மீலநம் யேந தஸ்மை ஶ்ரீகு₃ரவே நம꞉ .. 4..

அஸ்மத்-ஶ்ரீகு₃ருபாது₃காப்₄யோ நம꞉ .
ஶ்ரீஶிவாய நம꞉ .
ௐ வாகீ₃ஶாத்₃யா꞉ ஸுமநஸ꞉ ஸர்வார்தா₂நாமுபக்ரமே .
யம் நத்வா க்ருதக்ருத்யா꞉ ஸ்யுஸ்தம் நமாமி க₃ஜாநநம் .. 5..

அக₃ஜாநநபத்₃மார்கம் க₃ஜாநநமஹர்நிஶம் .
அநேகத₃ம் தம் ப₄க்தாநாமேகத₃ந்தமுபாஸ்மஹே .. 6..

அசிந்த்யாவ்யக்தரூபாய நிர்கு₃ணாய கு₃ணாத்மநே .
ஸமஸ்தஜக₃தா₃தா₄ரமூர்தயே ப்₃ரஹ்மணே நம꞉ .. 7..

கு₃ருர்ப்₃ரஹ்மா கு₃ருர்விஷ்ணுர்கு₃ரூ ருத்₃ரோ மஹேஶ்வர꞉ .
கு₃ரு꞉ ஸதா₃ஶிவ꞉ ஸர்வ ஸ்தஸ்மை ஶ்ரீகு₃ரவே நம꞉ .. 8..

கு₃ரவே ஸர்வலோகாநாம் பி₄ஷஜே ப₄வரோகி₃ணாம் .
நித₄யே ஸர்வவித்₃யாநாம் த₃க்ஷிணாமூர்தயே நம꞉ .. 9..

யம் ப்₃ரஹ்ம வேதா₃ந்தவிதோ₃ வத₃ந்தி
பரம் ப்ரதா₄நம் புருஷம் ததா₂ந்யே .
விஶ்வோத்₃க₃தே꞉ காரணமீஶ்வரம் வா
தஸ்மை நமோ விக்₄நவிநாயகாய .. 10..

உமாஸுதம் தே₃வவரப்ரஸாத₃ம்
ஹரஸ்ய புத்ரம் க₃ணவ்ருந்த₃ஸேவ்யம் .
ஸுராஸுராணாம் பரமம் பவித்ரம்
விநாயகம் ஶூரமஹம் ப்ரபத்₃யே .. 1.. (ஶரணமஹம்)
ஶ்ரீபார்வத்யுவாச-
ௐ மந்நாத₂ ஜக₃தாம் நாத₂ மம ப்ரேரணகாரண .
க₃ணேஶஸ்ய து யந்மந்த்ரம் ஶ்ருதம் தே₃வ மஹேஶ்வர .. 2..

இதா₃நீம் ஶ்ரோதுமிச்சா₂மி கவசம் தஸ்ய து₃ர்லப₄ம் .
தத்₃வத₃ஸ்வ த₃யாஸிந்தோ₄ க்ருபயா மம ஶங்கர .. 3..

ஶ்ரீ ஈஶ்வர உவாச-
ஶ்ருணு தே₃வி மஹாபா₄கே₃ க₃ணேஶகவசம் பரம் .
யத்₃த்₄ருத்வா பட₂நாத் ஸத்₃யோ விக்₄நநாஶோ ப₄விஷ்யதி .. 4..

விஷ்ணுநா கதி₂தம் புண்யம் கவசம் ப்₃ரஹ்மணே முதா₃ .
படி₂த்வா க்ருதவாந் ஸ்ருஷ்டிமேகபா₄வ꞉ பிதாமஹ꞉ .. 5..

கவசஸ்யாஸ்ய தே₃வஸ்ய ருஷிர்தே₃வோ மஹேஶ்வர꞉ .
ச₂ந்தோ₃ விராட் தே₃வதா ச க₃ணேஶோ விக்₄நநாயக꞉ .

ஶ்ரீமஹாக₃ணபதயே நம꞉
ௐ அஸ்ய ஶ்ரீமஹாக₃ணபதிகவசஸ்தோத்ரமஹாமந்த்ரஸ்ய,
ஶ்ரீமஹேஶ்வர ருஷி꞉, விராட் ச₂ந்த₃꞉, ஶ்ரீமஹாக₃ணபதிர்தே₃வதா .
ஶ்ரீமஹாக₃ணபதிப்ரஸாத₃ஸித்₃த்₄யர்தே₂ த₄ர்மார்த₂காமமோக்ஷ-

ௐ க₃ம் பாது மஸ்தகம் தே₃வோ க₃ணநாதோ₂ மஹாப₃ல꞉ .
ஏகாக்ஷரோ மஹாமந்த்ரோ ஸர்வதே₃வநமஸ்க்ருத꞉ .. 7..

ௐ ஶ்ரீம் ஹ்ரீம் க்லீம் மேம் ச வத₃நம் க்₃லௌம் க₃ம் க₃ணபதே ஹ்ருத₃யம் .
வரத₃ வரத₃ மே நாபி₄தே₃ஶம் ஸர்வஜநம் மே வஶமாநய .. 8..

வஸு பீ₃ஜாக்ஷரோ மந்த்ரோ வஹ்நிஜாயாத்மகஸ்ததா₂ .
ஸர்வாங்க₃ம் மே ஸதா₃ பாது ஸர்வதே₃வஸுபூஜித꞉ .. 9..

ஹ்ரீம் விரிதிரி க₃ணபதி சைவாவர வர வரத₃ ஸர்வலோகம் ததா₂ .
பாது மூலாதா₄ர நியதம் மே வஶமாநய ஸ்வாஹா .. 10..

ஷட்₃ விம்ஶத்யக்ஷரோ மந்த்ரோ (ந்ரூணாம்) ஶீக்₄ரகாலப₂லபத₃꞉ .
பாது மாம் பரிதோ தே₃வ꞉ ஸர்வத₄ர்மஸமாவ்ருதம் .. 11..

ஹ்ரீம் க₃ம் ஹ்ரீம் மம ஸர்வ டங்க₃ம் பாது ஶ்ரீமஹாக₃ணபதயே .
வஹ்நிஜாயாத்மகோ மந்த்ரோ த்₃வாத₃ஶாக்ஷரஸம்யுத꞉ .. 12..

ராஜத்₃வாரேஜலே மத்₄யே ஶூந்யே கே₃ஹே ஶ்மஶாநகே .
(ஶ்ரீ) மஹாக₃ணபதி꞉ பாது ஸர்வஶத்ருநிப₃ர்ஹண꞉ .. 13..

ஹ்ரீம் க₃ம் ஶ்ரீம் வஶமாநய த்₃வயேந ஸமாத்₃யத꞉ . (?)
த₃ஶாக்ஷரோ மஹாமந்த்ரோ ஸர்வகார்யேஷு ரக்ஷது .. 14..

க₃ம் க்ஷிப்ரப்ரஸாத₃நாய நமோ(அ)ந்தஶ்ச மஹாமநு꞉ .
த₃ஶாக்ஷரோ மந்த்ரராஜோ த₃ஶதி₃க்ஷு ஸதா₃வது .. 15..

ஹூம் வக்ரதுண்டா₃ய நம꞉ பாது மாம் து₃ர்க₃மேஷு ச .
ஹும் வக்ரதுண்டா₃ய ஹும் ச பாது மே ந்ருஹமேத₄யோ꞉(?) .. 16..

ௐ க்₃ரம் நம꞉ பாது நித்யம் வேத₃வர்ணாத்மகோ மநு꞉ .
ஸர்வகார்யேஷு ஸர்வத்ர பாது மாம் பார்வதீஸுத꞉ .. 17..

இதி தே கதி₂தம் ப₄த்₃ரே கவசம் பரமாத்₃பு₄தம் .
படி₂த்வா தா₄ரயித்வா ச ஸர்வமாஶு ஸமாலபே₄த் .. 18..

ஸக்ருத்₃வா யஸ்து பட₂தி கவசம் தே₃வது₃ர்லப₄ம் . (படி₂த꞉)
ஸர்வஸித்₃தி₄யுதோ பூ₄த்வா தே₃வதுல்யோ ப₄வேந்நர꞉ .. 19..

ப்₃ரஹ்மாஸ்த்ராதீ₃நி சாஸ்த்ராணி தத்₃கா₃த்ரம் ப்ராப்ய பார்வதி .
மால்யாநி சம்பகாந்யேவ ப₄விஷ்யந்தி ந ஸம்ஶய꞉ .. 20..

ராமோ(அ)பி கவசம் த்₄ருத்வா ஜகா₄நாஶு நிஶாசராந் . (க்ருத்வா)
த்₄ருத்வா து கவசம் லோகே குபே₃ரோ(அ)பி த₄நேஶ்வர꞉ .. 21.. (க்ருத்வா)
இந்த்₃ரோ(அ)மராவதீம் லப்₃த்₄வா பட₂நாத் கவசஸ்ய து .
தே₃வநாமாதி₄பத்யம் வை ததா₂வாப மஹேஶ்வரி .. 22..

ஸ்ருஷ்டிம் விதநுதே ப்₃ரஹ்மா ஸ்தி₂திம் விதநுதே ஹரி꞉ .
ஸம்ஹாரம் தநுதே ருத்₃ரோ(அ)ப்யஹமேவ ந ஸம்ஶய꞉ .. 23..

ப₄ஜேத்₃விலிரூப கவசம் தா₄ரயேத்₃ப₄க்தித꞉ பரம் .
யம் யம் சிந்தயதே லோகே தம் தம் ப்ராப்நோதி ஸர்வதா₃ .. 24..

க₃ந்த₄ர்வோ கா₃யதே தீ₄ர꞉ ஸர்வலோகவஶங்கர꞉ .
காமதுல்யோ(அ)பி நாரீணாம் யோகீ₃ யோக₃பதிர்யதா₂ .. 25..

ந தே₃யம் பரஶிஷ்யேப்₄யோ தே₃யம் ஶிஷ்யேப்₄ய ஏவ ச .
அப்ரஶிஷ்யாய து₃ஷ்டாய க்ருதக்₄நாய து₃ராத்மநே .. 26..

ப₄க்திஶ்ரத்₃தா₄விஹீநாய பரநிந்தா₃பராய ச .
யோ த₃தா₃தி நிஷித்₃தே₄ப்₄யோ கவசம் பரமாத்₃பு₄தம் .. 27..

தஸ்ய நஶ்யந்தி தே₃வேஶி புத்ராயு꞉கீர்திஸம்பத₃꞉ .
ஶிஷ்யாய ப₄க்தியுக்தாய கு₃ருப₄க்திரதாய ச .. 28..

ஶாந்தாய விஷ்ணுப₄க்தாய ஶிவபூஜாபராய ச .
தே₃வ்யர்சநபராயாஸ்மை ஸ்வஜநாய மஹாத்மநே .. 29..

த₃தா₃தி சேத்₃யத் கவசம் ஶீக்₄ரஸித்₃தி₄ப்ரத₃ம் ப₄வேத் .
ஏதத் கவசமஜ்ஞாத்வா யோ ஜபேச்ச க₃ணாதி₄பம் .. 30..

தா₃ரித்₃ரம் பரமம் லப்₃த்₄வா ஸோ(அ)சிராந்ம்ருத்யுமாப்நுயாத் . (யோ(அ)சிராந்)
ஜ்ஞாத்வா து கவசம் யோ வை ஜபேத்₃ப₄க்திபுர꞉ஸரம் .. 31..

ஜகா₃ந்தே கவசம் தி₃வ்யம் படே₂ந்நித்யம் நியந்த்ரித꞉ .
ஸர்வாந் காமாந் ஸமாஸாத்₃ய க₃ணேஶஸ்ய ப்ரியோ ப₄வேத் .. 32..