શ્રીમુણ્ડમાલાતન્ત્રે શ્રીદુર્ગાકવચમ્

શ્રીદુર્ગાકવચમ્
શ્રીદેવ્યુવાચ -
પુરા શ્રુતં મહાદેવ ! શવસાધનમેવ ચ .
શ્મશાન-સાધનં નાથ ! શ્રુતં પરમમાદરાત્ .. ૧..

ન સ્ત્રોતં કવચં નાથ ! શ્રુતં ન શવસાધને .
કવચેન મહાદેવ ! સ્ત્રોત્રેણૈવ ચ શઙ્કર ! .
કથં સિદ્ધિર્ભવેદ્ દેવ ! ક્ષિપ્રં તદ્ બ્રૂહિ સામ્પ્રતમ્ .. ૨..

શિવ ઉવાચ -
શૃણુ દેવિ! વરારોહે ! દુર્ગે ! પરમસુન્દરિ ! .
સિદ્ધ્યર્થે વિનિયોગઃ સ્યાત્ શઙ્કરસ્ય નિયન્ત્રણાત્ .. ૩..

સિદ્ધિં સિદ્ધેશ્વરી પાતુ મસ્તકં પાતુ કાલિકા .
કપાલં કામિની ભાલં પાતુ નેત્રં નગેશ્વરી .. ૪..

કર્ણૌ વિશ્વેશ્વરી પાતુ હૃદયં જગદમ્બિકા .
કાલી સદા પાતુ મુખં જિહ્વાં નીલ-સરસ્વતી .. ૫..

કરૌ કરાલ-વદના પાતુ નિત્યં સુરેશ્વરી .
દન્તં ગુહ્યં નખં નાભિં પાતુ નિત્યં હિમાત્મજા .. ૬..

નારાયણી કપોલઞ્ચ ગણ્ડાગણ્ડં સદૈવ તુ .
કેશં મેં ભદ્રકાલી ચ દુર્ગા પાતુ સુરેશ્વરી .. ૭..

પુત્રાન્ રક્ષતુ મે ચણ્ડી ધનં પાતુ ધનેશ્વરી .
સ્તનૌ વિશ્વેશ્વરી પાતુ સર્વાઙ્ગં જગદીશ્વરી .. ૮..

ઉગ્રતારા સદા પાતુ મહાનીલ-સરસ્વતી .
પાતુ જિહ્વાં મહામાયા પૃષ્ઠં મેં જગદમ્બિકા .. ૯..

હરપ્રિયા પાતુ નિત્યં શ્મશાને જગદીશ્વરી .
સર્વાન્ પાતુ ચ સર્વાણી સદા રક્ષતુ ચણ્ડિકા .. ૧૦..

કાત્યાયની કુલં પાતુ સદા ચ શવવાહિની .
ઘોરદંષ્ટ્રા કરાલાસ્યા પાર્વતી પાતુ સર્વદા .. ૧૧..

કમલા પાતુ બાહ્યં મે મન્ત્રં મન્ત્રેશ્વરી તથા .
ઇત્યેવં કવચં દેવિ દેવાનામપિ દુર્લભમ્ .. ૧૨..

યઃ પઠેત્ સતતં ભક્ત્યા સિદ્ધિમાપ્નોતિ નિશ્ચિતમ્ .
સિદ્ધિકાલે સમુત્પન્ને કવચં પ્રપઠેત્ સુધીઃ .. ૧૩..

અજ્ઞાત્વા કવચં દેવિ ! યશ્ચ સિદ્ધિમુપક્રમઃ .
સ ચ સિદ્ધિં ન વાપ્નોતિ ન મુક્તિં ન ચ સદ્ગતિમ્ .. ૧૪..

અતએવ મહામાયે ! કવચં સિદ્ધિકારકમ્ .
દેવાનાઞ્ચ નરાણાઞ્ચ કિન્નરાણાઞ્ચ દુર્લભમ્ .
પઠિત્વા કવચં ચણ્ડિ ! શીઘ્ર સિદ્ધિમવાપ્નુયાત્ .. ૧૫..

મહોત્પાતે મહાદુઃખે મહાવિપદિ સઙ્કટે .
પ્રપઠેત્ કવચં દેવિ ! પઠિત્વા મોક્ષમાપ્નુયાત્ .. ૧૬..

શૂન્યાગારે શ્મશાને ના કામરૂપે કામરૂપે મહાઘટે .
સ્વવામા-મન્દિરે કાલેઽપ્યથવા કામમન્દિરે .
મન્ત્રી મન્ત્રં જપેદ્ બુદ્ધ્યા ભક્ત્યા પરમયા યુતઃ .. ૧૭..

મૂલે દલે ફલે વાપ્યનલે કાલેઽનિલેઽનલે .
જલે પઠેત્ પ્રાણબુદ્ધ્યા મનસા સાધકોત્તમઃ .. ૧૮..