ಶ್ರೀಮುಣ್ಡಮಾಲಾತನ್ತ್ರೇ ಶ್ರೀದುರ್ಗಾಕವಚಮ್

ಶ್ರೀದುರ್ಗಾಕವಚಮ್
ಶ್ರೀದೇವ್ಯುವಾಚ -
ಪುರಾ ಶ್ರುತಂ ಮಹಾದೇವ ! ಶವಸಾಧನಮೇವ ಚ .
ಶ್ಮಶಾನ-ಸಾಧನಂ ನಾಥ ! ಶ್ರುತಂ ಪರಮಮಾದರಾತ್ .. ೧..

ನ ಸ್ತ್ರೋತಂ ಕವಚಂ ನಾಥ ! ಶ್ರುತಂ ನ ಶವಸಾಧನೇ .
ಕವಚೇನ ಮಹಾದೇವ ! ಸ್ತ್ರೋತ್ರೇಣೈವ ಚ ಶಙ್ಕರ ! .
ಕಥಂ ಸಿದ್ಧಿರ್ಭವೇದ್ ದೇವ ! ಕ್ಷಿಪ್ರಂ ತದ್ ಬ್ರೂಹಿ ಸಾಮ್ಪ್ರತಮ್ .. ೨..

ಶಿವ ಉವಾಚ -
ಶೃಣು ದೇವಿ! ವರಾರೋಹೇ ! ದುರ್ಗೇ ! ಪರಮಸುನ್ದರಿ ! .
ಸಿದ್ಧ್ಯರ್ಥೇ ವಿನಿಯೋಗಃ ಸ್ಯಾತ್ ಶಙ್ಕರಸ್ಯ ನಿಯನ್ತ್ರಣಾತ್ .. ೩..

ಸಿದ್ಧಿಂ ಸಿದ್ಧೇಶ್ವರೀ ಪಾತು ಮಸ್ತಕಂ ಪಾತು ಕಾಲಿಕಾ .
ಕಪಾಲಂ ಕಾಮಿನೀ ಭಾಲಂ ಪಾತು ನೇತ್ರಂ ನಗೇಶ್ವರೀ .. ೪..

ಕರ್ಣೌ ವಿಶ್ವೇಶ್ವರೀ ಪಾತು ಹೃದಯಂ ಜಗದಮ್ಬಿಕಾ .
ಕಾಲೀ ಸದಾ ಪಾತು ಮುಖಂ ಜಿಹ್ವಾಂ ನೀಲ-ಸರಸ್ವತೀ .. ೫..

ಕರೌ ಕರಾಲ-ವದನಾ ಪಾತು ನಿತ್ಯಂ ಸುರೇಶ್ವರೀ .
ದನ್ತಂ ಗುಹ್ಯಂ ನಖಂ ನಾಭಿಂ ಪಾತು ನಿತ್ಯಂ ಹಿಮಾತ್ಮಜಾ .. ೬..

ನಾರಾಯಣೀ ಕಪೋಲಞ್ಚ ಗಣ್ಡಾಗಣ್ಡಂ ಸದೈವ ತು .
ಕೇಶಂ ಮೇಂ ಭದ್ರಕಾಲೀ ಚ ದುರ್ಗಾ ಪಾತು ಸುರೇಶ್ವರೀ .. ೭..

ಪುತ್ರಾನ್ ರಕ್ಷತು ಮೇ ಚಣ್ಡೀ ಧನಂ ಪಾತು ಧನೇಶ್ವರೀ .
ಸ್ತನೌ ವಿಶ್ವೇಶ್ವರೀ ಪಾತು ಸರ್ವಾಙ್ಗಂ ಜಗದೀಶ್ವರೀ .. ೮..

ಉಗ್ರತಾರಾ ಸದಾ ಪಾತು ಮಹಾನೀಲ-ಸರಸ್ವತೀ .
ಪಾತು ಜಿಹ್ವಾಂ ಮಹಾಮಾಯಾ ಪೃಷ್ಠಂ ಮೇಂ ಜಗದಮ್ಬಿಕಾ .. ೯..

ಹರಪ್ರಿಯಾ ಪಾತು ನಿತ್ಯಂ ಶ್ಮಶಾನೇ ಜಗದೀಶ್ವರೀ .
ಸರ್ವಾನ್ ಪಾತು ಚ ಸರ್ವಾಣೀ ಸದಾ ರಕ್ಷತು ಚಣ್ಡಿಕಾ .. ೧೦..

ಕಾತ್ಯಾಯನೀ ಕುಲಂ ಪಾತು ಸದಾ ಚ ಶವವಾಹಿನೀ .
ಘೋರದಂಷ್ಟ್ರಾ ಕರಾಲಾಸ್ಯಾ ಪಾರ್ವತೀ ಪಾತು ಸರ್ವದಾ .. ೧೧..

ಕಮಲಾ ಪಾತು ಬಾಹ್ಯಂ ಮೇ ಮನ್ತ್ರಂ ಮನ್ತ್ರೇಶ್ವರೀ ತಥಾ .
ಇತ್ಯೇವಂ ಕವಚಂ ದೇವಿ ದೇವಾನಾಮಪಿ ದುರ್ಲಭಮ್ .. ೧೨..

ಯಃ ಪಠೇತ್ ಸತತಂ ಭಕ್ತ್ಯಾ ಸಿದ್ಧಿಮಾಪ್ನೋತಿ ನಿಶ್ಚಿತಮ್ .
ಸಿದ್ಧಿಕಾಲೇ ಸಮುತ್ಪನ್ನೇ ಕವಚಂ ಪ್ರಪಠೇತ್ ಸುಧೀಃ .. ೧೩..

ಅಜ್ಞಾತ್ವಾ ಕವಚಂ ದೇವಿ ! ಯಶ್ಚ ಸಿದ್ಧಿಮುಪಕ್ರಮಃ .
ಸ ಚ ಸಿದ್ಧಿಂ ನ ವಾಪ್ನೋತಿ ನ ಮುಕ್ತಿಂ ನ ಚ ಸದ್ಗತಿಮ್ .. ೧೪..

ಅತಏವ ಮಹಾಮಾಯೇ ! ಕವಚಂ ಸಿದ್ಧಿಕಾರಕಮ್ .
ದೇವಾನಾಞ್ಚ ನರಾಣಾಞ್ಚ ಕಿನ್ನರಾಣಾಞ್ಚ ದುರ್ಲಭಮ್ .
ಪಠಿತ್ವಾ ಕವಚಂ ಚಣ್ಡಿ ! ಶೀಘ್ರ ಸಿದ್ಧಿಮವಾಪ್ನುಯಾತ್ .. ೧೫..

ಮಹೋತ್ಪಾತೇ ಮಹಾದುಃಖೇ ಮಹಾವಿಪದಿ ಸಙ್ಕಟೇ .
ಪ್ರಪಠೇತ್ ಕವಚಂ ದೇವಿ ! ಪಠಿತ್ವಾ ಮೋಕ್ಷಮಾಪ್ನುಯಾತ್ .. ೧೬..

ಶೂನ್ಯಾಗಾರೇ ಶ್ಮಶಾನೇ ನಾ ಕಾಮರೂಪೇ ಕಾಮರೂಪೇ ಮಹಾಘಟೇ .
ಸ್ವವಾಮಾ-ಮನ್ದಿರೇ ಕಾಲೇಽಪ್ಯಥವಾ ಕಾಮಮನ್ದಿರೇ .
ಮನ್ತ್ರೀ ಮನ್ತ್ರಂ ಜಪೇದ್ ಬುದ್ಧ್ಯಾ ಭಕ್ತ್ಯಾ ಪರಮಯಾ ಯುತಃ .. ೧೭..

ಮೂಲೇ ದಲೇ ಫಲೇ ವಾಪ್ಯನಲೇ ಕಾಲೇಽನಿಲೇಽನಲೇ .
ಜಲೇ ಪಠೇತ್ ಪ್ರಾಣಬುದ್ಧ್ಯಾ ಮನಸಾ ಸಾಧಕೋತ್ತಮಃ .. ೧೮..