శ్రీముణ్డమాలాతన్త్రే శ్రీదుర్గాకవచమ్

శ్రీదుర్గాకవచమ్
శ్రీదేవ్యువాచ -
పురా శ్రుతం మహాదేవ ! శవసాధనమేవ చ .
శ్మశాన-సాధనం నాథ ! శ్రుతం పరమమాదరాత్ .. 1..

న స్త్రోతం కవచం నాథ ! శ్రుతం న శవసాధనే .
కవచేన మహాదేవ ! స్త్రోత్రేణైవ చ శఙ్కర ! .
కథం సిద్ధిర్భవేద్ దేవ ! క్షిప్రం తద్ బ్రూహి సామ్ప్రతమ్ .. 2..

శివ ఉవాచ -
శృణు దేవి! వరారోహే ! దుర్గే ! పరమసున్దరి ! .
సిద్ధ్యర్థే వినియోగః స్యాత్ శఙ్కరస్య నియన్త్రణాత్ .. 3..

సిద్ధిం సిద్ధేశ్వరీ పాతు మస్తకం పాతు కాలికా .
కపాలం కామినీ భాలం పాతు నేత్రం నగేశ్వరీ .. 4..

కర్ణౌ విశ్వేశ్వరీ పాతు హృదయం జగదమ్బికా .
కాలీ సదా పాతు ముఖం జిహ్వాం నీల-సరస్వతీ .. 5..

కరౌ కరాల-వదనా పాతు నిత్యం సురేశ్వరీ .
దన్తం గుహ్యం నఖం నాభిం పాతు నిత్యం హిమాత్మజా .. 6..

నారాయణీ కపోలఞ్చ గణ్డాగణ్డం సదైవ తు .
కేశం మేం భద్రకాలీ చ దుర్గా పాతు సురేశ్వరీ .. 7..

పుత్రాన్ రక్షతు మే చణ్డీ ధనం పాతు ధనేశ్వరీ .
స్తనౌ విశ్వేశ్వరీ పాతు సర్వాఙ్గం జగదీశ్వరీ .. 8..

ఉగ్రతారా సదా పాతు మహానీల-సరస్వతీ .
పాతు జిహ్వాం మహామాయా పృష్ఠం మేం జగదమ్బికా .. 9..

హరప్రియా పాతు నిత్యం శ్మశానే జగదీశ్వరీ .
సర్వాన్ పాతు చ సర్వాణీ సదా రక్షతు చణ్డికా .. 10..

కాత్యాయనీ కులం పాతు సదా చ శవవాహినీ .
ఘోరదంష్ట్రా కరాలాస్యా పార్వతీ పాతు సర్వదా .. 11..

కమలా పాతు బాహ్యం మే మన్త్రం మన్త్రేశ్వరీ తథా .
ఇత్యేవం కవచం దేవి దేవానామపి దుర్లభమ్ .. 12..

యః పఠేత్ సతతం భక్త్యా సిద్ధిమాప్నోతి నిశ్చితమ్ .
సిద్ధికాలే సముత్పన్నే కవచం ప్రపఠేత్ సుధీః .. 13..

అజ్ఞాత్వా కవచం దేవి ! యశ్చ సిద్ధిముపక్రమః .
స చ సిద్ధిం న వాప్నోతి న ముక్తిం న చ సద్గతిమ్ .. 14..

అతఏవ మహామాయే ! కవచం సిద్ధికారకమ్ .
దేవానాఞ్చ నరాణాఞ్చ కిన్నరాణాఞ్చ దుర్లభమ్ .
పఠిత్వా కవచం చణ్డి ! శీఘ్ర సిద్ధిమవాప్నుయాత్ .. 15..

మహోత్పాతే మహాదుఃఖే మహావిపది సఙ్కటే .
ప్రపఠేత్ కవచం దేవి ! పఠిత్వా మోక్షమాప్నుయాత్ .. 16..

శూన్యాగారే శ్మశానే నా కామరూపే కామరూపే మహాఘటే .
స్వవామా-మన్దిరే కాలేఽప్యథవా కామమన్దిరే .
మన్త్రీ మన్త్రం జపేద్ బుద్ధ్యా భక్త్యా పరమయా యుతః .. 17..

మూలే దలే ఫలే వాప్యనలే కాలేఽనిలేఽనలే .
జలే పఠేత్ ప్రాణబుద్ధ్యా మనసా సాధకోత్తమః .. 18..