.. ஶ்ரீஹயக்₃ரீவஸ்தோத்ரம் ..

ஶ்ரீமாந்வேங்கடநாதா₂ர்ய꞉ கவிதார்கிககேஸரீ .
வேதா₃ந்தாசார்யவர்யோ மே ஸந்நித₄த்தாம் ஸதா₃ ஹ்ருதி₃ ..

ஜ்ஞாநாநந்த₃ மயம் தே₃வம் நிர்மலஸ்ப₂டிகாக்ருதிம்.
ஆதா₄ரம் ஸர்வவித்₃யாநாம் ஹயக்₃ரீவமுபாஸ்மஹே .. 1 ..

ஸ்வதஸ்ஸித்₃த₄ம் ஶுத்₃த₄ஸ்ப₂டிகமணிபூ₄ப்₄ருத்ப்ரதிப₄டம்
ஸுதா₄ ஸத்₄ரீசீபி₄த்₃ர்யுதிபி₄ரவதா₃தத்ரிபு₄வநம்.
அநந்தைஸ்த்ரய்யந்தைரநுவிஹித ஹேஷா ஹலஹலம்
ஹதாஶேஷாவத்₃யம் ஹயவத₃நமீடி₃மஹி மஹ꞉ .. 2 ..

ஸமாஹாரஸ்ஸாம்நாம் ப்ரதிபத₃ம்ருசாம் தா₄ம யஜுஷாம்
லய꞉ ப்ரத்யூஹாநாம் லஹரிவிததி-ர்போ₃த₄ஜலதே₄꞉ .
கதா₃ த₃ர்பக்ஷுப்₄யத்கத₂ககுலகோலாஹலப₄வம்
ஹரத்வந்தர்த்₄வாந்தம் ஹயவத₃நஹேஷாஹலஹல꞉ .. 3 ..

ப்ராசீ ஸந்த்₄யா காசித₃ந்தர்நிஶாயா꞉
ப்ரஜ்ஞாத்₃ருஷ்டேரஞ்ஜநஶ்ரீரபூர்வா .
வக்த்ரீ வேதா₃ந் பா₄து மே வாஜிவக்த்ரா
வாகீ₃ஶாக்₂யா வாஸுதே₃வஸ்ய மூர்தி꞉ .. 4 ..

விஶுத்₃த₄விஜ்ஞாநக₄நஸ்வரூபம்
விஜ்ஞாநவிஶ்ராணநப₃த்₃த₄தீ₃க்ஷம்.
த₃யாநிதி₄ம் தே₃ஹப்₄ருதாம் ஶரண்யம்
தே₃வம் ஹயக்₃ரீவமஹம் ப்ரபத்₃யே .. 5 ..

அபௌருஷேயைரபி வாக்ப்ரபஞ்சை꞉
அத்₃யாபி தே பூ₄தி மத்₃ருஷ்ட பாராம்.
ஸ்துவந்நஹம் முக்₃த₄ இதி த்வயைவ
காருண்யதோ நாத₂ கடாக்ஷணீய꞉ .. 6 ..

தா₃க்ஷிண்ய ரம்யா கி₃ரிஶஸ்ய மூர்தி–
ர்தே₃வீ ஸரோஜாஸந த₄ர்மபத்நீ .
வ்யாஸாத₃யோ(அ)பி வ்யபதே₃ஶ்ய வாச꞉
ஸ்பு₂ரந்தி ஸர்வே தவ ஶக்தி லேஶை꞉ .. 7 ..

மந்தோ₃(அ)ப₄விஷ்யந்நியதம் விரிஞ்சோ
வாசாம் நிதே₄ வஞ்சித பா₄க₃ தே₄ய꞉ .
தை₃த்யாபநீதாந்த₃யயைவ பூ₄யோ(அ)–
ப்யத்₄யாபயிஷ்யோ நிக₃மாந்ந சேத்த்வம்.. 8 ..

விதர்க டோ₃லாம் வ்யவதூ₄ய ஸத்வே
ப்₃ருஹஸ்பதிம் வர்தயஸே யதஸ்த்வம்.
தேநைவ தே₃வ த்ரித₃ஶேஶ்வராணாம்
அஸ்ப்ருஷ்ட டோ₃லாயித மாதி₄ராஜ்யம்.. 9 ..

அக்₃நாைஸமித்₃தா₄ர்சிஷி ஸப்ததந்தோ꞉
ஆதஸ்தி₂வாந்மந்த்ரமயம் ஶரீரம்.
அக₂ண்ட₃ ஸாரைஹர்விஷாம் ப்ரதா₃நை–
ராப்யாயநம் வ்யோம ஸதா₃ம் வித₄த்ஸே .. 10 ..

யந்மூலமீத்₃ருக்ப்ரதிபா₄தி தத்வம்
யா மூலமாம்நாய மஹாத்₃ருமாணாம்.
தத்வேந ஜாநந்தி விஶுத்₃த₄ ஸத்வா꞉
த்வாமக்ஷராமக்ஷர மாத்ருகாம் தே .. 11 ..

அவ்யாக்ருதாத்₃வ்யாக்ருத வாநஸி த்வம்
நாமாநி ரூபாணி ச யாநி பூர்வம்.
ஶம்ஸந்தி தேஷாம் சரமாம் ப்ரதிஷ்டாம்
வாகீ₃ஶ்வர த்வாம் த்வது₃பஜ்ஞ வாச꞉ .. 12 ..

முக்₃தே₄ந்து₃ நிஷ்யந்த₃ விலோப₄ நீயாம்
மூர்திம் தவாநந்த₃ ஸுதா₄ ப்ரஸூதிம்.
விபஶ்சிதஶ்சேதஸி பா₄வயந்தே
வேலா முதா₃ராமிவ து₃க்₃த₄ ஸிந்தோ₄꞉ .. 13 ..

மநோக₃தம் பஶ்யதி ய꞉ ஸதா₃ த்வாம்
மநீஷிணாம் மாநஸ ராஜ ஹம்ஸம்.
ஸ்வயம் புரோபா₄வ விவாத₃பா₄ஜ꞉
கிம்குர்வதே தஸ்ய கி₃ரோ யதா₂ர்ஹம்.. 14 ..

அபி க்ஷணார்த₄ம் கலயந்தி யே த்வாம்
ஆப்லாவயந்தம் விஶதை₃மர்யூகை₂꞉ .
வாசாம் ப்ரவாஹைரநிவாரிதைஸ்தே
மந்தா₃கிநீம் மந்த₃யிதும் க்ஷமந்தே .. 15 ..

ஸ்வாமிந்ப₄வத்₃த்₄யாந ஸுதா₄பி₄ஷேகாத்
வஹந்தி த₄ந்யா꞉ புலகாநுப₃ந்த₄ம்.
அலக்ஷிதே க்வாபி நிரூட₄ மூலம்
அங்கே₃ஷ்விவாநந்த₃து₂மங்குரந்தம்.. 16 ..

ஸ்வாமிந்ப்ரதீசா ஹ்ருத₃யேந த₄ந்யா꞉
த்வத்₃த்₄யாந சந்த்₃ரோத₃ய வர்த₄மாநம்.
அமாந்த மாநந்த₃ பயோதி₄மந்த꞉
பயோபி₄ரக்ஷ்ணாம் பரிவாஹயந்தி .. 17 ..

ஸ்வைராநுபா₄வாஸ்த்வத₃தீ₄ந பா₄வா꞉
ஸம்ருத்₃த₄ வீர்யாஸ்த்வத₃நுக்₃ரஹேண .
விபஶ்சிதோ நாத₂ தரந்தி மாயாம்
வைஹாரிகீம் மோஹந பிஞ்சி₂காம் தே .. 18 ..

ப்ராங்நிர்மிதாநாம் தபஸாம் விபாகா꞉
ப்ரத்யக்₃ர நிஶ்ஶ்ரேயஸ ஸம்பதோ₃ மே .
ஸமேதி₄ஷீரம்ஸ்தவ பாத₃ பத்₃மே
ஸம்கல்ப சிந்தாமணய꞉ ப்ரணாமா꞉ .. 19 ..

விலுப்த மூர்த₄ந்ய லிபிக்ரமாணாம்
ஸுரேந்த்₃ர சூடா₃பத₃ லாலிதாநாம்.
த்வத₃ம்க்₄ரி ராஜீவ ரஜ꞉ கணாநாம்
பூ₄யாந்ப்ரஸாதோ₃ மயி நாத₂ பூ₄யாத்.. 20 ..

பரிஸ்பு₂ரந்நூபுர சித்ரபா₄நு
ப்ரகாஶ நிர்தூ₄த தமோநுஷங்கா₃ம்.
பத₃த்₃வயீம் தே பரிசிந்மஹே(அ)ந்த꞉
ப்ரபோ₃த₄ ராஜீவ விபா₄த ஸந்த்₄யாம்.. 21 ..

த்வத்கிங்கராலம்கரணோ சிதாநாம்
த்வயைவ கல்பாந்தர பாலிதாநாம்.
மஞ்ஜுப்ரணாத₃ம் மணிநூபுரம் தே
மஞ்ஜூஷிகாம் வேத₃ கி₃ராம் ப்ரதீம꞉ .. 22 ..

ஸம்சிந்தயாமி ப்ரதிபா₄த₃ ஶாஸ்தா₂ந்
ஸந்து₄க்ஷயந்தம் ஸமய ப்ரதீ₃பாந்.
விஜ்ஞாந கல்பத்₃ரும பல்லவாப₄ம்
வ்யாக்₂யாந முத்₃ரா மது₄ரம் கரம் தே .. 23 ..

சித்தே கரோமி ஸ்பு₂ரிதாக்ஷமாலம்
ஸவ்யேதரம் நாத₂ கரம் த்வதீ₃யம்.
ஜ்ஞாநாம்ருதோ த₃ஞ்சநலாலஸாநாம்
லீலா க₄டீ யந்த்ர மிவாஶ்ரிதாநாம்.. 24 ..

ப்ரபோ₃த₄ ஸிந்தோ₄ரருணை꞉ ப்ரகாஶை꞉
ப்ரவால ஸங்கா₄த மிவோத்₃வஹந்தம்.
விபா₄வயே தே₃வ ஸபுஸ்தகம் தே
வாமம் கரம் த₃க்ஷிணமாஶ்ரிதாநாம்.. 25 ..

தமாம்ஸி பி₄த்வா விஶதை₃ர்மயூகை₂꞉
ஸம்ப்ரீணயந்தம் விது₃ஷஶ்சகோராந்.
நிஶாமயே த்வாம் நவ புண்ட₃ரீகே
ஶரத்₃க₄நே சந்த்₃ரமிவ ஸ்பு₂ரந்தம்.. 26 ..

தி₃ஶந்து மே தே₃வ ஸதா₃ த்வதீ₃யா꞉
த₃யா தரங்கா₃நுசரா꞉ கடாக்ஷா꞉ .
ஶ்ரோத்ரேஷு பும்ஸாமம்ருதம் க்ஷரந்தீம்
ஸரஸ்வதீம் ஸம்ஶ்ரித காமதே₄நும்.. 27 ..

விஶேஷவித்பாரிஷதே₃ஷு நாத₂
வித₃க்₃த₄ கோ₃ஷ்டீ₂ ஸமராங்க₃ணேஷு .
ஜிகீ₃ஷதோ மே கவிதார்கி கேந்த்₃ராந்
ஜிஹ்வாக்₃ர ஸிம்ஹாஸநமப்₄யுபேயா꞉ .. 28 ..

த்வாம் சிந்தயந்த்வந்மயதாம் ப்ரபந்ந꞉
த்வாமுத்₃க்₃ருணந்ஶப்₃த₃ மயேந தா₄ம்நா .
ஸ்வாமிந்ஸமாஜேஷு ஸமேதி₄ஷீய
ஸ்வச்ச₂ந்த₃ வாதா₃ஹவ ப₃த்₃த₄ ஶூர꞉ .. 29 ..

நாநா விதா₄நாமக₃தி꞉ கலாநாம்
ந சாபி தீர்தே₂ஷு க்ருதாவதார꞉ .
த்₄ருவம் தவாநாத₂ பரிக்₃ரஹாயா꞉
நவம் நவம் பாத்ரமஹம் த₃யாயா꞉ .. 30 ..

அகம்பநீயாந்யபநீதி பே₄தை₃–
ரலம்க்ருஷீரந்ஹ்ருத₃யம் மதீ₃யம்.
ஶங்காகலங்கா பக₃மோஜ்ஜ்வலாநி
தத்வாநி ஸம்யஞ்சி தவ ப்ரஸாதா₃த்.. 31 ..

வ்யாக்₂யா முத்₃ராம் கரஸரஸிஜை꞉ புஸ்தகம் ஶங்க சக்ரே
பி₃ப்₄ரத்₃பி₄ந்நஸ்ப₂டிக ருசிரே புண்ட₃ரீகே நிஷண்ண꞉ .
அம்லாநஶ்ரீரம்ருதவிஶதை₃ரம்ஶுபி₄꞉ ப்லாவயந்மாம்
ஆவிர்பூ₄யாத₃நக₄ மஹிமா மாநஸே வாக₃ தீ₄ஶ꞉ .. 32 ..

வாக₃ர்த₂ஸித்₃தி₄ஹேதோ꞉ பட₂த ஹயக்₃ரீவஸம்ஸ்துதிம் ப₄க்த்யா .
கவிதார்கிககேஸரிணா வேங்கடநாதே₂ந விரசிதாமேதாம்.. 33 ..

கவிதார்கிகஸிம்ஹாய கல்யாணகு₃ணஶாலிநே .
ஶ்ரீமதே வேங்கடேஶாய வேதா₃ந்தகு₃ரவே நம꞉ ..

.. இதி ஶ்ரீஹயக்₃ரீவஸ்தோத்ரம் ஸமாப்தம்..