.. Shreehayagreevastotram ..

Shreemaanvenkat'anaathaaryah' kavitaarkikakesaree .
Vedaantaachaaryavaryo me sannidhattaam' sadaa hri'di ..

Jnyaanaananda mayam' devam' nirmalasphat'ikaakri'tim.
Aadhaaram' sarvavidyaanaam' hayagreevamupaasmahe .. 1 ..

Svatassiddham' shuddhasphat'ikamanibhoobhri'tpratibhat'am'
Sudhaa sadhreecheebhidryutibhiravadaatatribhuvanam.
Anantaistrayyantairanuvihita heshaa halahalam'
Hataasheshaavadyam' hayavadanameed'imahi mahah' .. 2 ..

Samaahaarassaamnaam' pratipadamri'chaam' dhaama yajushaam'
Layah' pratyoohaanaam' laharivitati-rbodhajaladheh' .
Kadaa darpakshubhyatkathakakulakolaahalabhavam'
Haratvantardhvaantam' hayavadanaheshaahalahalah' .. 3 ..

Praachee sandhyaa kaachidantarnishaayaah'
Prajnyaadri'sht'eranjanashreerapoorvaa .
Vaktree vedaan bhaatu me vaajivaktraa
Vaageeshaakhyaa vaasudevasya moortih' .. 4 ..

Vishuddhavijnyaanaghanasvaroopam'
Vijnyaanavishraananabaddhadeeksham.
Dayaanidhim' dehabhri'taam' sharanyam'
Devam' hayagreevamaham' prapadye .. 5 ..

Apaurusheyairapi vaakprapanchaih'
Adyaapi te bhooti madri'sht'a paaraam.
Stuvannaham' mugdha iti tvayaiva
Kaarunyato naatha kat'aakshaneeyah' .. 6 ..

Daakshinya ramyaa girishasya moorti–
Rdevee sarojaasana dharmapatnee .
Vyaasaadayo'pi vyapadeshya vaachah'
Sphuranti sarve tava shakti leshaih' .. 7 ..

Mando'bhavishyanniyatam' virincho
Vaachaam' nidhe vanchita bhaaga dheyah' .
Daityaapaneetaandayayaiva bhooyo'–
Pyadhyaapayishyo nigamaanna chettvam.. 8 ..

Vitarka d'olaam' vyavadhooya satve
Bri'haspatim' vartayase yatastvam.
Tenaiva deva tridasheshvaraanaam
Aspri'sht'a d'olaayita maadhiraajyam.. 9 ..

Agnaaaisamiddhaarchishi saptatantoh'
Aatasthivaanmantramayam' shareeram.
Akhand'a saaraiharvishaam' pradaanai–
Raapyaayanam' vyoma sadaam' vidhatse .. 10 ..

Yanmoolameedri'kpratibhaati tatvam'
Yaa moolamaamnaaya mahaadrumaanaam.
Tatvena jaananti vishuddha satvaah'
Tvaamaksharaamakshara maatri'kaam' te .. 11 ..

Avyaakri'taadvyaakri'ta vaanasi tvam'
Naamaani roopaani cha yaani poorvam.
Sham'santi teshaam' charamaam' pratisht'aam'
Vaageeshvara tvaam' tvadupajnya vaachah' .. 12 ..

Mugdhendu nishyanda vilobha neeyaam'
Moortim' tavaananda sudhaa prasootim.
Vipashchitashchetasi bhaavayante
Velaa mudaaraamiva dugdha sindhoh' .. 13 ..

Manogatam' pashyati yah' sadaa tvaam'
Maneeshinaam' maanasa raaja ham'sam.
Svayam' purobhaava vivaadabhaajah'
Kinkurvate tasya giro yathaarham.. 14 ..

Api kshanaardham' kalayanti ye tvaam'
Aaplaavayantam' vishadaimaryookhaih' .
Vaachaam' pravaahairanivaaritaiste
Mandaakineem' mandayitum' kshamante .. 15 ..

Svaaminbhavaddhyaana sudhaabhishekaat
Vahanti dhanyaah' pulakaanubandham.
Alakshite kvaapi nirood'ha moolam'
Angeshvivaanandathumankurantam.. 16 ..

Svaaminprateechaa hri'dayena dhanyaah'
Tvaddhyaana chandrodaya vardhamaanam.
Amaanta maananda payodhimantah'
Payobhirakshnaam' parivaahayanti .. 17 ..

Svairaanubhaavaastvadadheena bhaavaah'
Samri'ddha veeryaastvadanugrahena .
Vipashchito naatha taranti maayaam'
Vaihaarikeem' mohana pinchhikaam' te .. 18 ..

Praangnirmitaanaam' tapasaam' vipaakaah'
Pratyagra nishshreyasa sampado me .
Samedhisheeram'stava paada padme
Sankalpa chintaamanayah' pranaamaah' .. 19 ..

Vilupta moordhanya lipikramaanaam'
Surendra chood'aapada laalitaanaam.
Tvadanghri raajeeva rajah' kanaanaam'
Bhooyaanprasaado mayi naatha bhooyaat.. 20 ..

Parisphurannoopura chitrabhaanu
Prakaasha nirdhoota tamonushangaam.
Padadvayeem' te parichinmahe'ntah'
Prabodha raajeeva vibhaata sandhyaam.. 21 ..

Tvatkinkaraalankarano chitaanaam'
Tvayaiva kalpaantara paalitaanaam.
Manjupranaadam' maninoopuram' te
Manjooshikaam' veda giraam' prateemah' .. 22 ..

Sanchintayaami pratibhaada shaasthaan
Sandhukshayantam' samaya pradeepaan.
Vijnyaana kalpadruma pallavaabham'
Vyaakhyaana mudraa madhuram' karam' te .. 23 ..

Chitte karomi sphuritaakshamaalam'
Savyetaram' naatha karam' tvadeeyam.
Jnyaanaamri'to danchanalaalasaanaam'
Leelaa ghat'ee yantra mivaashritaanaam.. 24 ..

Prabodha sindhorarunaih' prakaashaih'
Pravaala sanghaata mivodvahantam.
Vibhaavaye deva sapustakam' te
Vaamam' karam' dakshinamaashritaanaam.. 25 ..

Tamaam'si bhitvaa vishadairmayookhaih'
Sampreenayantam' vidushashchakoraan.
Nishaamaye tvaam' nava pund'areeke
Sharadghane chandramiva sphurantam.. 26 ..

Dishantu me deva sadaa tvadeeyaah'
Dayaa tarangaanucharaah' kat'aakshaah' .
Shrotreshu pum'saamamri'tam' ksharanteem'
Sarasvateem' sam'shrita kaamadhenum.. 27 ..

Visheshavitpaarishadeshu naatha
Vidagdha gosht'hee samaraanganeshu .
Jigeeshato me kavitaarki kendraan
Jihvaagra sim'haasanamabhyupeyaah' .. 28 ..

Tvaam' chintayantvanmayataam' prapannah'
Tvaamudgri'nanshabda mayena dhaamnaa .
Svaaminsamaajeshu samedhisheeya
Svachchhanda vaadaahava baddha shoorah' .. 29 ..

Naanaa vidhaanaamagatih' kalaanaam'
Na chaapi teertheshu kri'taavataarah' .
Dhruvam' tavaanaatha parigrahaayaah'
Navam' navam' paatramaham' dayaayaah' .. 30 ..

Akampaneeyaanyapaneeti bhedai–
Ralankri'sheeranhri'dayam' madeeyam.
Shankaakalankaa pagamojjvalaani
Tatvaani samyanchi tava prasaadaat.. 31 ..

Vyaakhyaa mudraam' karasarasijaih' pustakam' shanka chakre
Bibhradbhinnasphat'ika ruchire pund'areeke nishannah' .
Amlaanashreeramri'tavishadairam'shubhih' plaavayanmaam'
Aavirbhooyaadanagha mahimaa maanase vaaga dheeshah' .. 32 ..

Vaagarthasiddhihetoh' pat'hata hayagreevasam'stutim' bhaktyaa .
Kavitaarkikakesarinaa venkat'anaathena virachitaametaam.. 33 ..

Kavitaarkikasim'haaya kalyaanagunashaaline .
Shreemate venkat'eshaaya vedaantagurave namah' ..

.. Iti shreehayagreevastotram' samaaptam..