ஶ்ரீசித₃ம்ப₃ரஸூரிக்ருதம் ஶ்ரீவிக்₄நேஶ்வரமாநஸிகம்

விக்₄நேஶ்வரமாநஸிகம்
ஶ்ரீமஹாக₃ணபதயே நம꞉ .
விக்₄நேஶ்வரஸ்ய விஷயே ஹ்ருதி₃ மாநஸாக்₂யாம்
பூஜாம் விதா₄துமுசிதம் ஸரஸம் ப்ரப₃ந்த₄ம் .
வித்₃வஜ்ஜநே து₄ரி சித₃ம்ப₃ர ஏஷ நம்ர꞉
ஶ்லோகைர்வஸந்ததிலகைர்விதநோதி ஶீக்₄ரம் .. 1..

காந்தாக்ருதிம் க₃மிதயா கமநீயகாந்த்யா
ஸத்யா ஸதா₃பி நிஜயா நவரத்நபீடே₂ .
காந்தம் வஸந்தமமரேந்த்₃ரமுகா₂க்₃ரவந்த்₃யம்
த₃ந்தாவலேநவத₃நம் ஹ்ருதி₃ பா₄வயாமி .. 2..

ஆக₃ச்ச₂ த₃ந்திவத₃நாத்₃ய ஜயாஸமேத꞉
ஸத்யாக்₂யயா த₃யிதயா ஸஹ பூஜநாய .
அல்பாம் க்ருதாமபி மயா த்வயி தே₃வ பூஜாம்
ஸ்வீக்ருத்ய ப₄க்தவஶகே₃ஶ மயி ப்ரஸீத₃ .. 3..

ரத்நை꞉ க்ருதம் நவபி₄ரத்ர து சித்ரசித்ரம்
பாரீந்த்₃ரவேஷமமரேந்த்₃ரகரோபநீதம் .
ஆஸ்தா₂ய சாஸநமித₃ம் த்₄ருதவல்லப₄ஸ்த்வம்
ஸாம்ராஜ்யமாகலய மே க₃ஜவக்த்ர சித்தே .. 4..

வேதா₃ந்தகாநநசரம் விவிதா₄ஹவாதி₃-
வேஶந்தக்லுப்தவிஹ்ருதிம் விபு₃தே₄ந்த்₃ரபா₄வ்யம் .
விக்₄நேஶ்வரம் வித்₄ருதவல்லப₄மங்கதே₃ஶ
ஆவாஹயாமி ஹ்ருத₃யே ஸத₃யாந்தரங்க₃ம் .. 5..

க₃ங்கா₃யமஸ்வஸ்ருஜலைர்ஹரிரத்நமுக்தா-
பாத்ரே(அ)ர்பிதை꞉ ஸுரபி₄பி₄꞉ ஸுக₂ஶீதலைஶ்ச .
ம்ருத்₃வங்கு₃லீத₃லயுதே பத₃பத்₃மயுக்₃மே
பாத்₃யக்ரமம் கலய பத்₃மமுக₂ ப்ரபோ₄ த்வம் .. 6..

ஸஹ்யாத்₃ரிஜாஹ்ருதமஸஹ்யமஹாக₄ஹாரி
தூ₃ர்வாக்₃ரத₃ர்ப₄ஸுமக₃ர்ப₄மத₃க்ஷதாட்₄யம் .
ப₄ர்மாக்₃ரபாத்ரபரிபூர்ணமித₃ம் மஹார்க₄-
மர்த்₄யம் க்₃ருஹாண மத₃நர்த₄வபுர்க₃ஜாஸ்ய .. 7..

மல்லீப்ரஸூநநவசம்பககுட்₃மலௌக₄-
ஸௌரப்₄யநிர்நரமுபாஸகசித்தஶுப்₄ரம் .
வ்யோமாபகா₃ஸலிலமத்₃ய மயா ப்ரத₃த்த-
மாசம்யதாம் க₃ஜமுக₂ ப்ரணதார்திஹாரிந் .. 8..

மோசாப₂லேந நவஶர்கரயா க்₄ருதேந
க₃வ்யேந ஸாது₄ மது₄நா த்வது₄நா ப்ரணீதம் .
பஞ்சாம்ருதம் க₃ஜமுகா₂நதபஞ்சதாரே
பஞ்சாநநாத்மஜ விதே₄ஹி நிமஜ்ஜநாய .. 9..

ஸந்மாநஸாதி₃ஶுசிபி₄ர்து₄ரி மாநஸாக்₂யம்
ஸத்தீர்த₂ கோடிஜட₂ராஹ்ருததீர்த₂ஸார்தை₂꞉ .
ஸம்ஸ்நாபயாமி தவ மங்க₃லதி₃வ்யதே₃ஹ-
முத்₃வர்தநேந ஸஹ வாரணராஜவக்த்ர .. 10..

சீநாம்ப₃ரேண கநகாஞ்சலமஞ்ஜுலேந
தி₃வ்யம் த்வத₃ங்க₃மகி₂லம் ஜலமஜ்ஜநார்த்₃ரம் .
த்₃ராங் மார்ஜயாமி நிகி₂லாக₄நிமார்ஜநாய
கிஞ்சித்₃ க₃ஜாஸ்ய து₄ரி திஷ்ட₂ மம ப்ரபோ₄ த்வம் .. 11..

கார்பாஸஸூத்ரகு₃ணிதம் விஶத₃ம் ப்ரக்லுப்தம்
யஜ்ஞோபவீதயுக₃லம் நிக₃லம் த்₃விஜத்வே .
ஹைமைரதா₂ஸமகு₃ணை꞉ ஸஹ யஜ்ஞஸூத்ரை-
ராமம் ச முஞ்ஜமயி கார்ஷ்ண்யஹதம் த்₄ருதம் ச (? ) .. 12..

ஜாம்பூ₃நதை₃ர்விரசிதே நவபா₄ஜநே(அ)க்₃ரே
த₃க்₄நா ஸஹைவ மது₄நா மிலிதம் ப்ரக்ல்ருப்தம் .
தத்₃வச்ச₂ராவபிஹிதம் மது₄பர்கமேத
ஹஸ்தே தவாத்₃ய விதராமி ச ஹஸ்திவக்த்ர .. 13..

கஸ்தூரிகாம்ருக₃மதை₃꞉ பரிம்ருத்₃ய க்ல்ருப்தம்
த்வத்கீர்திஸாரமிவ ஶோப₄நக₃ந்த₄பூரம் .
ஹஸ்தீந்த்₃ரவக்த்ர ஸுகு₃ணோர்மிலமங்க₃மங்க₃
ஶ்ரீக₃ந்வபங்கமநுலிம்ப நிலிம்பநாய .. 14..

ஶால்யக்ஷதைரதிதராமபரிக்ஷதாக்₃ரை꞉
ஶ்ரீகுங்குமாங்கபரிஶோபி₄நிஜாங்க₃பா₄கை₃꞉ .
க₃ந்தோ₄பரி ஸ்பு₂டதரீகரணாய ஹஸ்தி-
வக்த்ரார்சயாமி ஹரிசந்த₃நசர்சித த்வாம் .. 15..

மந்தா₃ரகுந்த₃கரவீரகசம்பகாக்₃ர்ய-
மல்லீமுகா₂நி குஸுமாநி தவார்பயாமி .
தாந்யங்க₃மங்க₃மபரிக்ஷத பூ₄ஷய த்வம்
ஸத்ர்யேகவிம்ஶதித₃லைர்க₃ஜராஜவக்த்ர .. 16..

ச₂த்ரத்₄வஜாம்பு₃ஜக₄டாங்குஶரேகி₂காங்கௌ
பாதோ₂ஜமார்த₃வவிமர்த₃நநிர்த₃யாங்கௌ₃ .
ஹஸ்தீந்த்₃ரவக்த்ர தவ ப₄ர்மவிநிர்மிதாப்₄யாம்
ஸம்யோஜயாமி சரணௌ மணிபாது₃காப்₄யாம் .. 17..

கண்டே₂ கரே ஶிரஸி தே மணிநிஷ்கபூ₄ஷாம்
ரத்நசிதம் ச கடகம் மகுடம் மணீத்₃த₄ம் .
அங்கே₃(அ)கி₂லே கநகபூ₄ஷணஜாலகா நி
ப₄க்த்யா ஸஹைவ க₄டயே கரடேந்த்₃ரவக்த்ர .. 18..

நக்ஷத்ரபங்க்திநிப₄மௌக்திகராஜிராஜ-
மாநாஞ்சலம் சரஸுதா₄கரமண்ட₃லாப₄ம் .
ஶ்வேதாதபத்ரமதிசித்ரமிபே₄ந்த்₃ரவக்த்ர
மூர்தோ₄பரி ஸ்பு₂டதரம் தவ தா₄ரயாமி .. 19..

சாமீகரஸ்பு₂ரிதரத்நவிசித்ரத₃ண்டௌ₃
சாருப்ரபா₄லிருசிரௌ தவ சாமரௌ த்₃வௌ .
ஸ்நாநக்ஷணாவஸரக₄ர்மபய꞉கணார்த்₃ரே
ஸஞ்சாலயாமி க₃ஜவக்த்ர முகே₂ கராப்₄யாம் .. 20..

நூத்நம் ச ரத்நசரமாங்க₃முதா₃ரமக்₃ரே
ரூபோத்₃வஹம் ச மணித₃ர்பணமர்பயாமி .
பா₄த₃ர்பத₃ர்பகவபுர்ஜயிநீம் தவாத்₃ய
கல்யாணமூர்திமிப₄வக்த்ர விலோகயாத்ர .. 21..

அங்கா₃ரஸங்க₃ஸுரபி₄ம் ஸுரபி₄ப்ரஜாத-
ஹையங்க₃வீநக்₄ருதயுக்தத₃ஶாங்க₃தூ₄பம் .
க்₄ராணேந்த்₃ரியப்ரியகரம் பரிஜிக்₄ர ஶீக்₄ரம்
ப₄க்த்யார்பிதம் க₃ஜமுக₂ ப்ரியக₃ந்த₄ தே₃வ .. 22..

பா₃ஹ்யாந்த₄காரகு₃ணப₃ந்த₄நலோகப₃ந்து₄-
மாஜ்யாட்₄யபாத்ரக்ருதவர்திஸமுஜ்ஜ்வலம் தே .
த்ரைலோக்யகா₃ட₄திமிராபஹபா₄ஸி வக்த்ரே
ஸந்த₃ர்ஶயாமி து₄ரி தீ₃பமிபே₄ந்த்₃ரவக்த்ர .. 23..

மோசாத₃ கி₄த்த₂பநஸாம்ரப₂லாதி₃யுக்தம்
ப₄க்ஷௌக₄ஶஷ்குலிஸலட்₃டு₃கமோத₃காட்₄யம்
ஸௌவர்ணவர்ணஸமஸூபக்₄ருதௌக₄பூர்ணம் .
ஶால்யந்நமேதது₃பபு₄ங்க்ஷ்வ க₃ஜாஸ்ய சாரு .. 24..

ஏலாலவங்க₃ஸுமசம்பககுட்₃மலாக்₃ர-
கர்பூரவாஸிதமுதா₃ரமுஶீரக₃ந்தி₄ .
பாநீயமப்₄ரஸரித꞉ கமநீயஶுப்₄ர-
மாநீயதாம் க₃ஜமுகா₂நநமேகத₃ந்தம் .. 25..

வார்தாககண்டகிரஸாரககாரவல்லி-
ரம்பா₄ஶலாடுமுக₂சாருபதா₃ர்த₂ஜாதம் .
ஆஜ்யாக்தஸர்ஷபஸஜீரகஹிங்கு₃கைலா-
ஸம்ப₄ர்ஜிதம் க₃ஜமுகா₂த்₃தி₄ பதே₃ பதே₃ ச .. 26..

ஹஸ்தீந்த்₃ரவக்த்ர ஸரஸம் து மயா ப்ரத₃த்தம்
ரம்பா₄ப₂லைர்மது₄சரை꞉ ஸிதஶர்கராபி₄꞉ .
ஏலாமரீசிஸமஶர்கரது₃க்₃த₄ஸித்₃த₄ம்
கோ₃தூ₄மதண்டு₃லஸுராந்நமுபாத₃த₃ஸ்வ .. 27..

மாஷைஸ்திலை꞉ ஸகு₃ட₃ஶர்கரநாலிகேரை-
ர்ஜம்பீ₃ரஸர்ஷபவராம்லப₂லைருதாந்யை꞉ .
தத்ர ப்ரயோக₃கலிதாநி விசித்ரிதாநி
ஸ்வந்நாநி பு₄ங்க்ஷ்வ க₃ஜவக்த்ர ரஸேந ஸாகம் .. 28..

மல்லீஸுமச்ச₂விஸுவர்ணஸவர்ணஶாலி
ஶால்யந்நமேதது₃பமர்த்₃ய பயஸ்ததை₂வ .
ஏதே கரேண மிலிதே விரசய்ய ஶுத்₃தே₄
பு₄ங்க்ஷ்வோபத₃ம்ஶிதகு₃ட₃ம் க₃ஜராஜவக்த்ர .. 29..

மண்டோ₃பயுக்தத₃தி₄க₂ண்ட₃கமேததே₃த-
ச்சு₂த்₃தா₄ந்நமாஶு மிலிதம் த்₃வயமத்₃ய க்ல்ருப்த்வா .
க₂ண்டா₃ம்லஸர்ஷபரஸாலவரோபத₃ம்ஶை-
ர்பு₄ங்க்ஷ்வேப₄வக்த்ர ஸஹ நிம்ப₃கக₂ண்ட₃சூர்ணை꞉ .. 30..

ஜம்பீ₃ரதாச்சுத ஸுபி₃ல்வகரீரசூத-
நாரங்க₃முக்₂யமுபத₃ம்ஶகுலம் ஸுஜாதம் .
ஹிங்க்₃வக்₃ரஸர்ஷபரஸாலவரோடமுக்₂யை꞉ (ப₃ஹுஸாத₄நாக்₃ரை꞉)
ஸம்மிஶ்ரிதம் ச பரிஶீலய பு₄க்திகாலே .. 31..

ஔர்வாருகம் து₄ரி ரஸாயநமேததே₃தத்₃
கௌ₃ட₃ம் து பாநகமித₃ம் ஸரஸேக்ஷுஸாரம் .
காபித்த₂பாநகமித₃ம் கரிவக்த்ர கிஞ்சித்
கிஞ்சித் பிபை₃ஷு விப₄வாய யதே₂ஷ்டதோ(அ)த்₃ய ... 32..

ஸத்க்ருஷ்ணநிம்ப₃த₃லநாக₃ரஹிங்கு₃பா₃ல-
ரம்பா₄க்₃ரத₃ண்ட₃வரஸைந்த₄வஜம்ப₄ஸாரை꞉ .
ஆலோடி₃தம் பரிமலைர்மிலிதம் க₃ஜாஸ்ய
த்வம் நீரதக்ரமுபபு₄ங்க்ஷ்வ ச தா₃ஹஶாந்த்யை .. 33..

ஹேம்நா க்ருதே மணிசிதே ருசிரே(அ)த்ர பாத்ரே
ஹேமாவதீஜலமித₃ம் க₃ஜவக்த்ர ஶுப்₄ரம் .
ஏலா தி₃வ ஸிதகு₃ணம் ஹிமநீரஶீத-
மாபோ(அ)ஶந சரமமாஶு ஸமாசர த்வம் .. 34..

ஶோணாம்பு₃ஜாத₄ரதலம் ஶுப₄மார்த₃வாட்₄ய-
முஷ்ணாம்பு₃நா ஸுரபி₄லேந தவாத்₃ய பாணிம் .
த்₃ரவ்யேண க₄ர்ஷணவிதௌ₄ ஸிதயோபம்ருத்₃ய
ப்ரக்ஷாலயேப₄முக₂ கல்மஷலேஶஹீந .. 35..

நிர்தோ₃ஷதாமுபக₃தேந விபோ₄ ஸுவர்ண-
ஸ்தா₂ல்யாம் ஸ்தி₂தேந ஹிமஶீதகு₃ணேந ஸத்₃ய꞉ .
ஹஸ்தீந்த்₃ரவக்த்ர பயஸா புநராத₃ரேண
ஶுத்₃த₄ம் த்வமாசமநமாசர போ₄ஜநாந்தே .. 36..

பூகா₃ இமே கபிஶிதா பரிபாகரீத்யா
ஶ்வேதா இமே கடுரஸா மது₄நாக₃வல்ய꞉ .
கர்பூரசூர்ணமித₃மேபி₄ரிபா₄ஸ்ய ராகா₃-
ச்சோ₂ணீகுரு த்வத₃த₄ரம் ஸமமாஸ்யஶுத்₃த₄யா .. 37..

தே₃தீ₃ப்யமாநமஹஸி த்₃ருதஹேமபாத்ரே
முக்தாமணீவிரசிதாம்பு₃ஜரேகி₂காந்த꞉ .
கர்பூரக₂ண்ட₃பரிதீ₃பிதமேதத₃க்₃ரே
நீராஜநம் க₃ஜவராநந த₃ர்ஶயாமி .. 38..

க₃ங்கா₃கவேரதநயாவரதுங்க₃ப₄த்₃ரா-
கோ₃தா₃வரீரவிஸுதாஸுஸமாஹ்ருதாபி₄꞉ .
அத்₃பி₄ர்த₃தா₃மி புநரர்த்₄யமிபே₄ந்த்₃ரவக்த்ர
(ஸ) தத் த்வம் க்₃ருஹாண நிக்₃ருஹாண தமோ மதீ₃யம் .. 39..

மல்லீப்ரஸூநநவசம்பககுந்த₃ஜாதி-
மந்தா₃ரமுக்₂யஸுமநோபி₄ரபி₄ஸ்பு₂டாபி₄꞉ .
மந்த்ரை꞉ ஸமம் ஶ்ருதிசதுஷ்டயஸம்ஸ்துதைஸ்தே
புஷ்பாஞ்ஜலிம் க₃ஜமுகா₂நிஶமர்பயாமி .. 40..

வேதா₃ந்தமூர்த₄ஶதகூ₃ட₄ ஶதோங்க்₄ரிதஸ்த-(? )
நாதா₂ந்தபா₄வித க₃ணாதி₄ப ஶக்திநாத₂ .
ஶ்ரீமந் த்வதீ₃யபத₃ப₄க்தமிமம் ஸதா₃ மா
மாமந்தகாந்தகஸுதாமல முஞ்ச முஞ்ச .. 41..

பா₄க்₃யாதி₄நோக்₃யகரமத்₃ய பதே₃ பதே₃ ச
ப₄க்த்யா ப்ரத₃க்ஷிணமஹம் கலயே க₃ஜாஸ்ய .
ரக்ஷ ப்ரதீக்ஷணமபாஸ்ய ஹ்ருதா₃விலம்ப₃ம்
வீக்ஷஸ்வ மாம் பரிக்₃ருஹீதத₃யாவலம்ப₃ம் .. 42..

ஹஸ்தீந்த்₃ரவக்த்ர க₃ணநாத₂ நமோ நமஸ்தே
ஸ்வஸ்தீந்த்₃ர முக்₂யநுத தே₃ஹி நமோ நமஸ்தே .
நஸ்தீவ்ரமக்₃ரமுபயாஹி நமோ நமஸ்தே
விஸ்தீர்ணவைப₄வநிதே₄(அ)த்₃ய நமோ நமஸ்தே .. 43..

மஞ்சே ஸுவர்ணவிததே மணிஜாலசித்ரே
டோ₃லாவ்ருதே(அ)ப்யுபரிபா₄க₃விதாநசித்ரே .
ம்ருத்₃வாஸ்தரா முபரிமஞ்ஜுலஹம்ஸதூலி-
மத்₄யாஸ்ய ஶேஷ்வ க₃ஜவக்த்ர ம்ருதூ₃பவாநாம் .. 44..

ஆலிங்கி₃தோ த₃யிதயா க₃ணநாத₂ ஶக்த்யா
ஸர்வாங்க₃ஶோப₄நகு₃ணோஜ்ஜ்வலரூபலக்ஷ்ம்யா .
ஆநங்க₃ஸங்க₃ரமுகை₂ர்விவிதை₄ர்விலாஸை-
ராநந்த₃பா₄ரமதி₄கம் ப₄ஜ ஹஸ்திவக்த்ர .. 45
பா₃ஹ்யம் விதா₄துமபடுஸ்தவ பூஜநம் யத்
பத்₃மேந்த்₃ரவக்த்ர தத₃ஹம் ஹ்ருதி₃ மாநஸாக்₂யம் .
த்வத்பூஜநம் ரசிதவாம்ஶ்சதுருத்தரைஶ்ச
பத்₃யைஸ்ததா₂ த₃ஶசதுஷ்டயஸம்ஸ்தி₂தைஶ்ச .. 46..

த்வாம் பூஜயந் ஹ்ருதி₃ ப₄ஜந் த்₃ருஶி லக்ஷயம்ஶ்ச
ஶ்ருண்வஞ்ச்₂ருதௌ ச க₃தி₃தம் தவ ரூபமேவ .
ஸம்பா₄வயந் க₃ஜவராநந த₃ர்ஶயாமி
த்வம் தே₃வ தே₃வ மயி தே₄ஹி க்ருபாகடாக்ஷம் .. 47..

சஸ்வாரிம்ஶது₃பர்யதி₄ஷ்டி₂தசது꞉ஶ்லோகாத்மஸங்க்₂யாந்விதாந்
ப்ரோக்தாந் யாநுபசாரகாம்ஸ்தவ விபோ₄ ஹஸ்தீந்த்₃ரவக்த்ராநிஶம் .
ப்ரத்யூஷே ஹ்ருதி₃ பா₄வயந்தி புருஷா யே தேஷு குர்யாத்₃ ப₄வாந்
ஸம்பூர்ணாம் புருஷார்த₂ஸித்₃தி₄மதுலாம் ஸந்தோஷதா₄ராதி₄காம் .. 48..

விக்₄நாதி₄நேதரி சித₃ம்ப₃ரஸூரிக்ல்ருப்தா
ஸம்பா₄வநாதி₃பரமப்ரமதா₃வஸாநை꞉ .
பூஜோபசாரவிதி₄பி₄ர்பு₄வி மாநஸாக்₂யா
ஜீயாச்சிரம் ஸுவிது₃ஷாம் ஹ்ருத₃யங்க₃மேயம் .. 49..

இதி ஶ்ரீசித₃ம்ப₃ரஸூரிக்ருதம் ஶ்ரீவிக்₄நேஶ்வரமாநஸிகம் .