Shreechidambarasoorikri'tam' shreevighneshvaramaanasikam

Vighneshvaramaanasikam
Shreemahaaganapataye namah' .
Vighneshvarasya vishaye hri'di maanasaakhyaam'
Poojaam' vidhaatumuchitam' sarasam' prabandham .
Vidvajjane dhuri chidambara esha namrah'
Shlokairvasantatilakairvitanoti sheeghram .. 1..

Kaantaakri'tim' gamitayaa kamaneeyakaantyaa
Satyaa sadaapi nijayaa navaratnapeet'he .
Kaantam' vasantamamarendramukhaagravandyam'
Dantaavalenavadanam' hri'di bhaavayaami .. 2..

Aagachchha dantivadanaadya jayaasametah'
Satyaakhyayaa dayitayaa saha poojanaaya .
Alpaam' kri'taamapi mayaa tvayi deva poojaam'
Sveekri'tya bhaktavashagesha mayi praseeda .. 3..

Ratnaih' kri'tam' navabhiratra tu chitrachitram'
Paareendraveshamamarendrakaropaneetam .
Aasthaaya chaasanamidam' dhri'tavallabhastvam'
Saamraajyamaakalaya me gajavaktra chitte .. 4..

Vedaantakaananacharam' vividhaahavaadi-
Veshantakli'ptavihri'tim' vibudhendrabhaavyam .
Vighneshvaram' vidhri'tavallabhamankadesha
Aavaahayaami hri'daye sadayaantarangam .. 5..

Gangaayamasvasri'jalairhariratnamuktaa-
Paatre'rpitaih' surabhibhih' sukhasheetalaishcha .
Mri'dvanguleedalayute padapadmayugme
Paadyakramam' kalaya padmamukha prabho tvam .. 6..

Sahyaadrijaahri'tamasahyamahaaghahaari
Doorvaagradarbhasumagarbhamadakshataad'hyam .
Bharmaagrapaatraparipoornamidam' mahaargha-
Mardhyam' gri'haana madanardhavapurgajaasya .. 7..

Malleeprasoonanavachampakakud'malaugha-
Saurabhyanirnaramupaasakachittashubhram .
Vyomaapagaasalilamadya mayaa pradatta-
Maachamyataam' gajamukha pranataartihaarin .. 8..

Mochaaphalena navasharkarayaa ghri'tena
Gavyena saadhu madhunaa tvadhunaa praneetam .
Panchaamri'tam' gajamukhaanatapanchataare
Panchaananaatmaja vidhehi nimajjanaaya .. 9..

Sanmaanasaadishuchibhirdhuri maanasaakhyam'
Satteertha kot'ijat'haraahri'tateerthasaarthaih' .
Sam'snaapayaami tava mangaladivyadeha-
Mudvartanena saha vaaranaraajavaktra .. 10..

Cheenaambarena kanakaanchalamanjulena
Divyam' tvadangamakhilam' jalamajjanaardram .
Draang maarjayaami nikhilaaghanimaarjanaaya
Kinchid gajaasya dhuri tisht'ha mama prabho tvam .. 11..

Kaarpaasasootragunitam' vishadam' prakli'ptam'
Yajnyopaveetayugalam' nigalam' dvijatve .
Haimairathaasamagunaih' saha yajnyasootrai-
Raamam' cha munjamayi kaarshnyahatam' dhri'tam' cha (? ) .. 12..

Jaamboonadairvirachite navabhaajane'gre
Daghnaa sahaiva madhunaa militam' praklri'ptam .
Tadvachchharaavapihitam' madhuparkameta
Haste tavaadya vitaraami cha hastivaktra .. 13..

Kastoorikaamri'gamadaih' parimri'dya klri'ptam'
Tvatkeertisaaramiva shobhanagandhapooram .
Hasteendravaktra sugunormilamangamanga
Shreeganvapankamanulimpa nilimpanaaya .. 14..

Shaalyakshatairatitaraamaparikshataagraih'
Shreekunkumaankaparishobhinijaangabhaagaih' .
Gandhopari sphut'atareekaranaaya hasti-
Vaktraarchayaami harichandanacharchita tvaam .. 15..

Mandaarakundakaraveerakachampakaagrya-
Malleemukhaani kusumaani tavaarpayaami .
Taanyangamangamaparikshata bhooshaya tvam'
Satryekavim'shatidalairgajaraajavaktra .. 16..

Chhatradhvajaambujaghat'aankusharekhikaankau
Paathojamaardavavimardananirdayaangau .
Hasteendravaktra tava bharmavinirmitaabhyaam'
Sam'yojayaami charanau manipaadukaabhyaam .. 17..

Kant'he kare shirasi te maninishkabhooshaam'
Ratnachitam' cha kat'akam' makut'am' maneeddham .
Ange'khile kanakabhooshanajaalakaa ni
Bhaktyaa sahaiva ghat'aye karat'endravaktra .. 18..

Nakshatrapanktinibhamauktikaraajiraaja-
Maanaanchalam' charasudhaakaramand'alaabham .
Shvetaatapatramatichitramibhendravaktra
Moordhopari sphut'ataram' tava dhaarayaami .. 19..

Chaameekarasphuritaratnavichitradand'au
Chaaruprabhaaliruchirau tava chaamarau dvau .
Snaanakshanaavasaragharmapayah'kanaardre
Sanchaalayaami gajavaktra mukhe karaabhyaam .. 20..

Nootnam' cha ratnacharamaangamudaaramagre
Roopodvaham' cha manidarpanamarpayaami .
Bhaadarpadarpakavapurjayineem' tavaadya
Kalyaanamoortimibhavaktra vilokayaatra .. 21..

Angaarasangasurabhim' surabhiprajaata-
Haiyangaveenaghri'tayuktadashaangadhoopam .
Ghraanendriyapriyakaram' parijighra sheeghram'
Bhaktyaarpitam' gajamukha priyagandha deva .. 22..

Baahyaandhakaaragunabandhanalokabandhu-
Maajyaad'hyapaatrakri'tavartisamujjvalam' te .
Trailokyagaad'hatimiraapahabhaasi vaktre
Sandarshayaami dhuri deepamibhendravaktra .. 23..

Mochaada ghitthapanasaamraphalaadiyuktam'
Bhakshaughashashkulisalad'd'ukamodakaad'hyam'
Sauvarnavarnasamasoopaghri'taughapoornam .
Shaalyannametadupabhunkshva gajaasya chaaru .. 24..

Elaalavangasumachampakakud'malaagra-
Karpooravaasitamudaaramusheeragandhi .
Paaneeyamabhrasaritah' kamaneeyashubhra-
Maaneeyataam' gajamukhaananamekadantam .. 25..

Vaartaakakant'akirasaarakakaaravalli-
Rambhaashalaat'umukhachaarupadaarthajaatam .
Aajyaaktasarshapasajeerakahingukailaa-
Sambharjitam' gajamukhaaddhi pade pade cha .. 26..

Hasteendravaktra sarasam' tu mayaa pradattam'
Rambhaaphalairmadhucharaih' sitasharkaraabhih' .
Elaamareechisamasharkaradugdhasiddham'
Godhoomatand'ulasuraannamupaadadasva .. 27..

Maashaistilaih' sagud'asharkaranaalikerai-
Rjambeerasarshapavaraamlaphalairutaanyaih' .
Tatra prayogakalitaani vichitritaani
Svannaani bhunkshva gajavaktra rasena saakam .. 28..

Malleesumachchhavisuvarnasavarnashaali
Shaalyannametadupamardya payastathaiva .
Ete karena milite virachayya shuddhe
Bhunkshvopadam'shitagud'am' gajaraajavaktra .. 29..

Mand'opayuktadadhikhand'akametadeta-
Chchhuddhaannamaashu militam' dvayamadya klri'ptvaa .
Khand'aamlasarshaparasaalavaropadam'shai-
Rbhunkshvebhavaktra saha nimbakakhand'achoornaih' .. 30..

Jambeerataachchuta subilvakareerachoota-
Naarangamukhyamupadam'shakulam' sujaatam .
Hingvagrasarshaparasaalavarot'amukhyaih' (bahusaadhanaagraih')
Sammishritam' cha parisheelaya bhuktikaale .. 31..

Aurvaarukam' dhuri rasaayanametadetad
Gaud'am' tu paanakamidam' sarasekshusaaram .
Kaapitthapaanakamidam' karivaktra kinchit
Kinchit pibaishu vibhavaaya yathesht'ato'dya ... 32..

Satkri'shnanimbadalanaagarahingubaala-
Rambhaagradand'avarasaindhavajambhasaaraih' .
Aalod'itam' parimalairmilitam' gajaasya
Tvam' neeratakramupabhunkshva cha daahashaantyai .. 33..

Hemnaa kri'te manichite ruchire'tra paatre
Hemaavateejalamidam' gajavaktra shubhram .
Elaa diva sitagunam' himaneerasheeta-
Maapo'shana charamamaashu samaachara tvam .. 34..

Shonaambujaadharatalam' shubhamaardavaad'hya-
Mushnaambunaa surabhilena tavaadya paanim .
Dravyena gharshanavidhau sitayopamri'dya
Prakshaalayebhamukha kalmashaleshaheena .. 35..

Nirdoshataamupagatena vibho suvarna-
Sthaalyaam' sthitena himasheetagunena sadyah' .
Hasteendravaktra payasaa punaraadarena
Shuddham' tvamaachamanamaachara bhojanaante .. 36..

Poogaa ime kapishitaa paripaakareetyaa
Shvetaa ime kat'urasaa madhunaagavalyah' .
Karpoorachoornamidamebhiribhaasya raagaa-
Chchhoneekuru tvadadharam' samamaasyashuddhayaa .. 37..

Dedeepyamaanamahasi drutahemapaatre
Muktaamaneevirachitaambujarekhikaantah' .
Karpoorakhand'aparideepitametadagre
Neeraajanam' gajavaraanana darshayaami .. 38..

Gangaakaveratanayaavaratungabhadraa-
Godaavareeravisutaasusamaahri'taabhih' .
Adbhirdadaami punarardhyamibhendravaktra
(sa) tat tvam' gri'haana nigri'haana tamo madeeyam .. 39..

Malleeprasoonanavachampakakundajaati-
Mandaaramukhyasumanobhirabhisphut'aabhih' .
Mantraih' samam' shrutichatusht'ayasam'stutaiste
Pushpaanjalim' gajamukhaanishamarpayaami .. 40..

Vedaantamoordhashatagood'ha shatonghritasta-(? )
Naathaantabhaavita ganaadhipa shaktinaatha .
Shreeman tvadeeyapadabhaktamimam' sadaa maa
Maamantakaantakasutaamala muncha muncha .. 41..

Bhaagyaadhinogyakaramadya pade pade cha
Bhaktyaa pradakshinamaham' kalaye gajaasya .
Raksha prateekshanamapaasya hri'daavilambam'
Veekshasva maam' parigri'heetadayaavalambam .. 42..

Hasteendravaktra gananaatha namo namaste
Svasteendra mukhyanuta dehi namo namaste .
Nasteevramagramupayaahi namo namaste
Visteernavaibhavanidhe'dya namo namaste .. 43..

Manche suvarnavitate manijaalachitre
D'olaavri'te'pyuparibhaagavitaanachitre .
Mri'dvaastaraa muparimanjulaham'satooli-
Madhyaasya sheshva gajavaktra mri'doopavaanaam .. 44..

Aalingito dayitayaa gananaatha shaktyaa
Sarvaangashobhanagunojjvalaroopalakshmyaa .
Aanangasangaramukhairvividhairvilaasai-
Raanandabhaaramadhikam' bhaja hastivaktra .. 45
Baahyam' vidhaatumapat'ustava poojanam' yat
Padmendravaktra tadaham' hri'di maanasaakhyam .
Tvatpoojanam' rachitavaam'shchaturuttaraishcha
Padyaistathaa dashachatusht'ayasam'sthitaishcha .. 46..

Tvaam' poojayan hri'di bhajan dri'shi lakshayam'shcha
Shri'nvanchhrutau cha gaditam' tava roopameva .
Sambhaavayan gajavaraanana darshayaami
Tvam' deva deva mayi dhehi kri'paakat'aaksham .. 47..

Chasvaarim'shaduparyadhisht'hitachatuh'shlokaatmasankhyaanvitaan
Proktaan yaanupachaarakaam'stava vibho hasteendravaktraanisham .
Pratyooshe hri'di bhaavayanti purushaa ye teshu kuryaad bhavaan
Sampoornaam' purushaarthasiddhimatulaam' santoshadhaaraadhikaam .. 48..

Vighnaadhinetari chidambarasooriklri'ptaa
Sambhaavanaadiparamapramadaavasaanaih' .
Poojopachaaravidhibhirbhuvi maanasaakhyaa
Jeeyaachchiram' suvidushaam' hri'dayangameyam .. 49..

Iti shreechidambarasoorikri'tam' shreevighneshvaramaanasikam .