.. ஶிவஸஹஸ்ரநாமஸ்தோத்ரம் ..

ஶுக்லாம்ப₃ரத₄ரம் விஷ்ணும் ஶஶிவர்ணம் சதுர்பு₄ஜம்.
ப்ரஸந்நவத₃நம் த்₄யாயேத் ஸர்வவிக்₄நோபஶாந்தயே..

நமோ(அ)ஸ்து தே வ்யாஸ விஶாலபு₃த்₃தே₄ பு₂ல்லாரவிந்தா₃யதபத்ரநேத்ர.
யேந த்வயா பா₄ரததைலபூர்ண꞉ ப்ரஜ்வாலிதோ ஜ்ஞாநமய꞉ ப்ரதீ₃ப꞉..

நாராயணம் நமஸ்க்ருத்ய நரம் சைவ நரோத்தமம்.
தே₃வீம் ஸரஸ்வதீம் வ்யாஸம் ததோ ஜயமுதீ₃ரயே..

வந்தே₃ ஶம்பு₄முமாபதிம் ஸுரகு₃ரும் வந்தே₃ ஜக₃த்காரணம்
வந்தே₃ பந்நக₃பூ₄ஷணம் ம்ருக₃த₄ரம் வந்தே₃ பஶூநாம் பதிம்.
வந்தே₃ ஸூர்யஶஶாங்கவஹ்நிநயநம் வந்தே₃ முகுந்த₃ப்ரியம்
வந்தே₃ ப₄க்தஜநாஶ்ரயம் ச வரத₃ம் வந்தே₃ ஶிவம் ஶங்கரம்..

.. பூர்வபா₄க₃꞉..

யுதி₄ஷ்டி₂ர உவாச
த்வயா(ஆ)பகே₃ய நாமாநி ஶ்ருதாநீஹ ஜக₃த்பதே꞉.
பிதாமஹேஶாய விபோ₄ர்நாமாந்யாசக்ஷ்வ ஶம்ப₄வே..1..

ப₃ப்₄ரவே விஶ்வரூபாய மஹாபா₄க்₃யம் ச தத்த்வத꞉.
ஸுராஸுரகு₃ரௌ தே₃வே ஶங்கரே(அ)வ்யக்தயோநயே..2..

பீ₄ஷ்ம உவாச
அஶக்தோ(அ)ஹம் கு₃ணாந் வக்தும் மஹாதே₃வஸ்ய தீ₄மத꞉.
யோ ஹி ஸர்வக₃தோ தே₃வோ ந ச ஸர்வத்ர த்₃ருஶ்யதே..3..

ப்₃ரஹ்மவிஷ்ணுஸுரேஶாநாம் ஸ்ரஷ்டா ச ப்ரபு₄ரேவ ச.
ப்₃ரஹ்மாத₃ய꞉ பிஶாசாந்தா யம் ஹி தே₃வா உபாஸதே..4..

ப்ரக்ருதீநாம் பரத்வேந புருஷஸ்ய ச ய꞉ பர꞉.
சிந்த்யதே யோ யோக₃வித்₃பி₄ற்ஷிபி₄ஸ்தத்த்வத₃ர்ஶிபி₄꞉..5..

ப்ரக்ருதிம் புருஷம் சைவ க்ஷோப₄யித்வா ஸ்வதேஜஸா.
ப்₃ரஹ்மாணமஸ்ருஜத் தஸ்மாத்₃தே₃வதே₃வ꞉ ப்ரஜாபதி꞉..6..

கோ ஹி ஶக்தோ கு₃ணாந் வக்தும் தே₃வதே₃வஸ்ய தீ₄மத꞉.
க₃ர்ப₄ஜந்மஜராயுக்தோ மர்த்யோ ம்ருத்யுஸமந்வித꞉..7..

கோ ஹி ஶக்தோ ப₄வம் ஜ்ஞாதும் மத்₃வித₄꞉ பரமேஶ்வரம்.
ருதே நாராயணாத் புத்ர ஶங்க₂சக்ரக₃தா₃த₄ராத்..8..

ஏஷ வித்₃வாந் கு₃ணஶ்ரேஷ்டோ₂ விஷ்ணு꞉ பரமது₃ர்ஜய꞉.
தி₃வ்யசக்ஷுர்மஹாதேஜா வீக்ஷ்யதே யோக₃சக்ஷுஷா..9..

ருத்₃ரப₄க்த்யா து க்ருஷ்ணேந ஜக₃த்₃வ்யாப்தம் மஹாத்மநா.
தம் ப்ரஸாத்₃ய ததா₃ தே₃வம் ப₃த₃ர்யாம் கில பா₄ரத..10..

அர்தா₂த் ப்ரியதரத்வம் ச ஸர்வலோகேஷு வை ததா₃.
ப்ராப்தவாநேவ ராஜேந்த்₃ர ஸுவர்ணாக்ஷாந்மஹேஶ்வராத்..11..

பூர்ணம் வர்ஷஸஹஸ்ரம் து தப்தவாநேஷ மாத₄வ꞉.
ப்ரஸாத்₃ய வரத₃ம் தே₃வம் சராசரகு₃ரும் ஶிவம்..12..

யுகே₃ யுகே₃ து க்ருஷ்ணேந தோஷிதோ வை மஹேஶ்வர꞉.
ப₄க்த்யா பரமயா சைவ ப்ரீதஶ்சைவ மஹாத்மந꞉..13..

ஐஶ்வர்யம் யாத்₃ருஶம் தஸ்ய ஜக₃த்₃யோநேர்மஹாத்மந꞉.
தத₃யம் த்₃ருஷ்டவாந் ஸாக்ஷாத் புத்ரார்தே₂ ஹரிரச்யுத꞉..14..

யஸ்மாத் பரதரம் சைவ நாந்யம் பஶ்யாமி பா₄ரத.
வ்யாக்₂யாதும் தே₃வதே₃வஸ்ய ஶக்தோ நாமாந்யஶேஷத꞉..15..

ஏஷ ஶக்தோ மஹாபா₃ஹுர்வக்தும் ப₄க₃வதோ கு₃ணாந்.
விபூ₄திம் சைவ கார்த்ஸ்ந்யேந ஸத்யாம் மாஹேஶ்வரீம் ந்ருப..16..

ஸுராஸுரகு₃ரோ தே₃வ விஷ்ணோ த்வம் வக்தும் அர்ஹஸி.
ஶிவாய ஶிவரூபாய யந்மா(அ)ப்ருச்ச₂த்₃யுதி₄ஷ்டி₂ர꞉..17..

நாம்நாம் ஸஹஸ்ரம் தே₃வஸ்ய தண்டி₃நா ப்₃ரஹ்மவாதி₃நா.
நிவேதி₃தம் ப்₃ரஹ்மலோகே ப்₃ரஹ்மணோ யத் புரா(அ)ப₄வத்..18..

த்₃வைபாயநப்ரப்₄ருதயஸ்ததா₂ சேமே தபோத₄நா꞉.
ருஷய꞉ ஸுவ்ரதா தா₃ந்தா꞉ ஶ்ருண்வந்து க₃த₃தஸ்தவ..19..

வாஸுதே₃வ உவாச
ந க₃தி꞉ கர்மணாம் ஶக்யா வேத்துமீஶஸ்ய தத்த்வத꞉.
ஹிரண்யக₃ர்ப₄ப்ரமுகா₂ தே₃வா꞉ ஸேந்த்₃ரா மஹர்ஷய꞉..20..

ந விது₃ர்யஸ்ய நித₄நம் ஆதி₃ம் வா ஸூக்ஷ்மத₃ர்ஶிந꞉.
ஸ கத₂ம் நாமமாத்ரேண ஶக்யோ ஜ்ஞாதும் ஸதாம் க₃தி꞉..21..

தஸ்யாஹம் அஸுரக்₄நஸ்ய காம்ஶ்சித்₃ப₄க₃வதோ கு₃ணாந்.
ப₄வதாம் கீர்தயிஷ்யாமி வ்ரதேஶாய யதா₂தத₂ம்..22..

வைஶம்பாயந உவாச
ஏவமுக்த்வா து ப₄க₃வாந் கு₃ணாம்ஸ்தஸ்ய மஹாத்மந꞉.
உபஸ்ப்ருஶ்ய ஶுசிர்பூ₄த்வா கத₂யாமாஸ தீ₄மத꞉..23..

வாஸுதே₃வ உவாச
தத꞉ ஸ ப்ரயதோ பூ₄த்வா மம தாத யுதி₄ஷ்டி₂ர.
ப்ராஞ்ஜலி꞉ ப்ராஹ விப்ரர்ஷிர்நாமஸங்க்₃ரஹாமாதி₃த꞉..24..

உபமந்யுருவாச
ப்₃ரஹ்மப்ரோக்தைற்ஷிப்ரோக்தைர்வேத₃வேதா₃ங்க₃ஸம்ப₄வை꞉.
ஸர்வலோகேஷு விக்₂யாதம் ஸ்துத்யம் ஸ்தோஷ்யாமி நாமபி₄꞉..25..

மஹத்₃பி₄ர்விஹிதை꞉ ஸத்யை꞉ ஸித்₃தை₄꞉ ஸர்வார்த₂ஸாத₄கை꞉.
ருஷிணா தண்டி₃நா ப₄க்த்யா க்ருதைர்வேத₃க்ருதாத்மநா..26..

யதோ₂க்தை꞉ ஸாது₄பி₄꞉ க்₂யாதைர்முநிபி₄ஸ்தத்த்வத₃ர்ஶிபி₄꞉.
ப்ரவரம் ப்ரத₂மம் ஸ்வர்க்₃யம் ஸர்வபூ₄தஹிதம் ஶுப₄ம்..27..

ஶ்ருதை꞉ ஸர்வத்ர ஜக₃தி ப்₃ரஹ்மலோகாவதாரிதை꞉.
ஸத்யைஸ்தத் பரமம் ப்₃ரஹ்ம ப்₃ரஹ்மப்ரோக்தம் ஸநாதநம்.
வக்ஷ்யே யது₃குலஶ்ரேஷ்ட₂ ஶ்ருணுஷ்வாவஹிதோ மம..28..

வரயைநம் ப₄வம் தே₃வம் ப₄க்தஸ்த்வம் பரமேஶ்வரம்.
தேந தே ஶ்ராவயிஷ்யாமி யத் தத்₃ப்₃ரஹ்ம ஸநாதநம்..29..

ந ஶக்யம் விஸ்தராத் க்ருத்ஸ்நம் வக்தும் ஶர்வஸ்ய கேநசித்.
யுக்தேநாபி விபூ₄தீநாமபி வர்ஷஶதைரபி..30..

யஸ்யாதி₃ர்மத்₄யமந்தம் ச ஸுரைரபி ந க₃ம்யதே.
கஸ்தஸ்ய ஶக்நுயாத்₃வக்தும் கு₃ணாந் கார்த்ஸ்ந்யேந மாத₄வ..31..

கிம் து தே₃வஸ்ய மஹத꞉ ஸங்க்ஷிப்தார்த₂பதா₃க்ஷரம்.
ஶக்திதஶ்சரிதம் வக்ஷ்யே ப்ரஸாதா₃த் தஸ்ய தீ₄மத꞉..32..

அப்ராப்ய து ததோ(அ)நுஜ்ஞாம் ந ஶக்ய꞉ ஸ்தோதுமீஶ்வர꞉.
யதா₃ தேநாப்₄யநுஜ்ஞாத꞉ ஸ்துதோ வை ஸ ததா₃ மயா..33..

அநாதி₃நித₄நஸ்யாஹம் ஜக₃த்₃யோநேர்மஹாத்மந꞉.
நாம்நாம் கஞ்சித் ஸமுத்₃தே₃ஶ்யம் வக்ஷ்யாம்யவ்யக்தயோநிந꞉..34..

வரத₃ஸ்ய வரேண்யஸ்ய விஶ்வரூபஸ்ய தீ₄மத꞉.
ஶ்ருணு நாம்நாம் சயம் க்ருஷ்ண யது₃க்தம் பத்₃மயோநிநா..35..

த₃ஶநாமஸஹஸ்ராணி யாந்யாஹ ப்ரபிதாமஹ꞉.
தாநி நிர்மத்₂ய மநஸா த₃த்₄நோ க்₄ருதமிவோத்₃த்₄ருதம்..36..

கி₃ரே꞉ ஸாரம் யதா₂ ஹேம புஷ்பஸாரம் யதா₂ மது₄.
க்₄ருதாத் ஸாரம் யதா₂ மண்ட₃ஸ்ததை₂தத் ஸாரமுத்₃த்₄ருதம்..37..

ஸர்வபாபாபஹமித₃ம் சதுர்வேத₃ஸமந்விதம்.
ப்ரயத்நேநாதி₄க₃ந்தவ்யம் தா₄ர்யம் ச ப்ரயதாத்மநா..38..

ஸர்வபூ₄தாத்மபூ₄தஸ்ய ஹரஸ்யாமிததேஜஸ꞉.
அஷ்டோத்தரஸஹஸ்ரம் து நாம்நாம் ஶர்வஸ்ய மே ஶ்ருணு.
யச்ச்₂ருத்வா மநுஜவ்யாக்₄ர ஸர்வாந் காமாநவாப்ஸ்யஸி..39..

ஶாந்தம் பத்₃மாநஸ்த₂ம் ஶஶித₄ரமுகுடம் பஞ்சவக்த்ரம் த்ரிநேத்ரம்
ஶூலம் வஜ்ரம் ச க₂ட்₃க₃ம் பரஶுமப₄யத₃ம் த₃க்ஷபா₄கே₃ வஹந்தம்.
நாக₃ம் பாஶம் க₄ண்டாம் ப்ரலயஹுதவஹம் ஸாங்குஶம் வாமபா₄கே₃
நாநாலங்காரயுக்தம் ஸ்ப₂டிகமணிநிப₄ம் பார்வதீஶம் நமாமி..

ஸ்தோத்ரம்
ஓம் ஸ்தி₂ர꞉ ஸ்தா₂ணு꞉ ப்ரபு₄ர்பீ₄ம꞉ ப்ரவரோ வரதோ₃ வர꞉.
ஸர்வாத்மா ஸர்வவிக்₂யாத꞉ ஸர்வ꞉ ஸர்வகரோ ப₄வ꞉..1..

ஜடீ சர்மீ ஶிக₂ண்டீ₃ ச ஸர்வாங்க₃꞉ ஸர்வபா₄வந꞉.
ஹரஶ்ச ஹரிணாக்ஷஶ்ச ஸர்வபூ₄தஹர꞉ ப்ரபு₄꞉..2..

ப்ரவ்ருத்திஶ்ச நிவ்ருத்திஶ்ச நியத꞉ ஶாஶ்வதோ த்₄ருவ꞉.
ஶ்மஶாநவாஸீ ப₄க₃வாந் க₂சரோ கோ₃சரோ(அ)ர்த₃ந꞉..3..

அபி₄வாத்₃யோ மஹாகர்மா தபஸ்வீ பூ₄தபா₄வந꞉.
உந்மத்தவேஷப்ரச்ச₂ந்ந꞉ ஸர்வலோகப்ரஜாபதி꞉..4..

மஹாரூபோ மஹாகாயோ வ்ருஷரூபோ மஹாயஶா꞉.
மஹாத்மா ஸர்வபூ₄தாத்மா விஶ்வரூபோ மஹாஹநு꞉..5..

லோகபாலோ(அ)ந்தர்ஹிதாத்மா ப்ரஸாதோ₃ ஹயக₃ர்த₃பி₄꞉.
பவித்ரம் ச மஹாம்ஶ்சைவ நியமோ நியமாஶ்ரித꞉..6..

ஸர்வகர்மா ஸ்வயம்பூ₄த ஆதி₃ராதி₃கரோ நிதி₄꞉.
ஸஹஸ்ராக்ஷோ விஶாலாக்ஷ꞉ ஸோமோ நக்ஷத்ரஸாத₄க꞉..7..

சந்த்₃ர꞉ ஸூர்ய꞉ ஶநி꞉ கேதுர்க்₃ரஹோ க்₃ரஹபதிர்வர꞉.
அத்ரிரத்ர்யாநமஸ்கர்தா ம்ருக₃பா₃ணார்பணோ(அ)நக₄꞉..8..

மஹாதபா கோ₄ரதபா அதீ₃நோ தீ₃நஸாத₄க꞉.
ஸம்வத்ஸரகரோ மந்த்ர꞉ ப்ரமாணம் பரமம் தப꞉..9..

யோகீ₃ யோஜ்யோ மஹாபீ₃ஜோ மஹாரேதா மஹாப₃ல꞉.
ஸுவர்ணரேதா꞉ ஸர்வஜ்ஞ꞉ ஸுபீ₃ஜோ பீ₃ஜவாஹந꞉..10..

த₃ஶபா₃ஹுஸ்த்வநிமிஷோ நீலகண்ட₂ உமாபதி꞉.
விஶ்வரூப꞉ ஸ்வயம்ஶ்ரேஷ்டோ₂ ப₃லவீரோ(அ)ப₃லோ க₃ண꞉..11..

க₃ணகர்தா க₃ணபதிர்தி₃க்₃வாஸா꞉ காம ஏவ ச.
மந்த்ரவித் பரமோ மந்த்ர꞉ ஸர்வபா₄வகரோ ஹர꞉..12..

கமண்ட₃லுத₄ரோ த₄ந்வீ பா₃ணஹஸ்த꞉ கபாலவாந்.
அஶநீ ஶதக்₄நீ க₂ட்₃கீ₃ பட்டிஶீ ச(ஆ)யுதீ₄ மஹாந்..13..

ஸ்ருவஹஸ்த꞉ ஸுரூபஶ்ச தேஜஸ்தேஜஸ்கரோ நிதி₄꞉.
உஷ்ணிஷீ ச ஸுவக்த்ரஶ்ச உத₃க்₃ரோ விநதஸ்ததா₂..14..

தீ₃ர்க₄ஶ்ச ஹரிகேஶஶ்ச ஸுதீர்த₂꞉ க்ருஷ்ண ஏவ ச.
ஸ்ருகா₃லரூப꞉ ஸித்₃தா₄ர்தோ₂ முண்ட₃꞉ ஸர்வஶுப₄ங்கர꞉..15..

அஜஶ்ச ப₃ஹுரூபஶ்ச க₃ந்த₄தா₄ரீ கபர்த்₃யபி.
ஊர்த்₄வரேதா ஊர்த்₄வலிங்க₃ ஊர்த்₄வஶாயீ நப₄꞉ஸ்த₂ல꞉..16..

த்ரிஜடீ சீரவாஸாஶ்ச ருத்₃ர꞉ ஸேநாபதிர்விபு₄꞉.
அஹஶ்சரோ நக்தஞ்சரஸ்திக்₃மமந்யு꞉ ஸுவர்சஸ꞉..17..

க₃ஜஹா தை₃த்யஹா காலோ லோகதா₄தா கு₃ணாகர꞉.
ஸிம்ஹஶார்தூ₃லரூபஶ்ச ஆர்த்₃ரசர்மாம்ப₃ராவ்ருத꞉..18..

காலயோகீ₃ மஹாநாத₃꞉ ஸர்வகாமஶ்சதுஷ்பத₂꞉.
நிஶாசர꞉ ப்ரேதசாரீ பூ₄தசாரீ மஹேஶ்வர꞉..19..

ப₃ஹுபூ₄தோ ப₃ஹுத₄ர꞉ ஸ்வர்பா₄நுரமிதோ க₃தி꞉.
ந்ருத்யப்ரியோ நித்யநர்தோ நர்தக꞉ ஸர்வலாலஸ꞉..20..

கோ₄ரோ மஹாதபா꞉ பாஶோ நித்யோ கி₃ரிருஹோ நப₄꞉.
ஸஹஸ்ரஹஸ்தோ விஜயோ வ்யவஸாயோ ஹ்யதந்த்₃ரித꞉..21..

அத₄ர்ஷணோ த₄ர்ஷணாத்மா யஜ்ஞஹா காமநாஶக꞉.
த₃க்ஷயாகா₃பஹாரீ ச ஸுஸஹோ மத்₄யமஸ்ததா₂..22..

தேஜோபஹாரீ ப₃லஹா முதி₃தோ(அ)ர்தோ₂(அ)ஜிதோ வர꞉.
க₃ம்பீ₄ரகோ₄ஷோ க₃ம்பீ₄ரோ க₃ம்பீ₄ரப₃லவாஹந꞉..23..

ந்யக்₃ரோத₄ரூபோ ந்யக்₃ரோதோ₄ வ்ருக்ஷகர்ணஸ்தி₂திர்விபு₄꞉.
ஸுதீக்ஷ்ணத₃ஶநஶ்சைவ மஹாகாயோ மஹாநந꞉..24..

விஷ்வக்ஸேநோ ஹரிர்யஜ்ஞ꞉ ஸம்யுகா₃பீட₃வாஹந꞉.
தீக்ஷ்ணதாபஶ்ச ஹர்யஶ்வ꞉ ஸஹாய꞉ கர்மகாலவித்..25..

விஷ்ணுப்ரஸாதி₃தோ யஜ்ஞ꞉ ஸமுத்₃ரோ ப₃ட₃வாமுக₂꞉.
ஹுதாஶநஸஹாயஶ்ச ப்ரஶாந்தாத்மா ஹுதாஶந꞉..26..

உக்₃ரதேஜா மஹாதேஜா ஜந்யோ விஜயகாலவித்.
ஜ்யோதிஷாமயநம் ஸித்₃தி₄꞉ ஸர்வவிக்₃ரஹ ஏவ ச..27..

ஶிகீ₂ முண்டீ₃ ஜடீ ஜ்வாலீ மூர்திஜோ மூர்த₄ஜோ ப₃லீ.
வைணவீ பணவீ தாலீ க₂லீ காலகடங்கட꞉..28..

நக்ஷத்ரவிக்₃ரஹமதிர்கு₃ணபு₃த்₃தி₄ர்லயோ(அ)க₃ம꞉.
ப்ரஜாபதிர்விஶ்வபா₃ஹுர்விபா₄க₃꞉ ஸர்வகோ₃(அ)முக₂꞉..29..

விமோசந꞉ ஸுஸரணோ ஹிரண்யகவசோத்₃ப₄வ꞉.
மேட்₄ரஜோ ப₃லசாரீ ச மஹீசாரீ ஸ்ருதஸ்ததா₂..30..

ஸர்வதூர்யவிநோதீ₃ ச ஸர்வாதோத்₃யபரிக்₃ரஹ꞉.
வ்யாலரூபோ கு₃ஹாவாஸீ கு₃ஹோ மாலீ தரங்க₃வித்..31..

த்ரித₃ஶஸ்த்ரிகாலத்₄ருக் கர்மஸர்வப₃ந்த₄விமோசந꞉.
ப₃ந்த₄நஸ்த்வஸுரேந்த்₃ராணாம் யுதி₄ ஶத்ருவிநாஶந꞉..32..

ஸாங்க்₂யப்ரஸாதோ₃ து₃ர்வாஸா꞉ ஸர்வஸாது₄நிஷேவித꞉.
ப்ரஸ்கந்த₃நோ விபா₄க₃ஜ்ஞோ(அ)துல்யோ யஜ்ஞவிபா₄க₃வித்..33..

ஸர்வவாஸ꞉ ஸர்வசாரீ து₃ர்வாஸா வாஸவோ(அ)மர꞉.
ஹைமோ ஹேமகரோ யஜ்ஞ꞉ ஸர்வதா₄ரீ த₄ரோத்தம꞉..34..

லோஹிதாக்ஷோ மஹாக்ஷஶ்ச விஜயாக்ஷோ விஶாரத₃꞉.
ஸங்க்₃ரஹோ நிக்₃ரஹ꞉ கர்தா ஸர்பசீரநிவாஸந꞉..35..

முக்₂யோ(அ)முக்₂யஶ்ச தே₃ஹஶ்ச காஹலி꞉ ஸர்வகாமத₃꞉.
ஸர்வகாலப்ரஸாத₃ஶ்ச ஸுப₃லோ ப₃லரூபத்₄ருக்..36..

ஸர்வகாமவரஶ்சைவ ஸர்வத₃꞉ ஸர்வதோமுக₂꞉.
ஆகாஶநிர்விரூபஶ்ச நிபாதீ ஹ்யவஶ꞉ க₂க₃꞉..37..

ரௌத்₃ரரூபோம்(அ)ஶுராதி₃த்யோ ப₃ஹுரஶ்மி꞉ ஸுவர்சஸீ.
வஸுவேகோ₃ மஹாவேகோ₃ மநோவேகோ₃ நிஶாசர꞉..38..

ஸர்வவாஸீ ஶ்ரியாவாஸீ உபதே₃ஶகரோ(அ)கர꞉.
முநிராத்மநிராலோக꞉ ஸம்ப₄க்₃நஶ்ச ஸஹஸ்ரத₃꞉..39..

பக்ஷீ ச பக்ஷரூபஶ்ச அதிதீ₃ப்தோ விஶாம்பதி꞉.
உந்மாதோ₃ மத₃ந꞉ காமோ ஹ்யஶ்வத்தோ₂(அ)ர்த₂கரோ யஶ꞉..40..

வாமதே₃வஶ்ச வாமஶ்ச ப்ராக்₃த₃க்ஷிணஶ்ச வாமந꞉.
ஸித்₃த₄யோகீ₃ மஹர்ஷிஶ்ச ஸித்₃தா₄ர்த₂꞉ ஸித்₃த₄ஸாத₄க꞉..41..

பி₄க்ஷுஶ்ச பி₄க்ஷுரூபஶ்ச விபணோ ம்ருது₃ரவ்யய꞉.
மஹாஸேநோ விஶாக₂ஶ்ச ஷஷ்டி₂பா₄கோ₃ க₃வாம் பதி꞉..42..

வஜ்ரஹஸ்தஶ்ச விஷ்கம்பீ₄ சமூஸ்தம்ப₄ந ஏவ ச.
வ்ருத்தாவ்ருத்தகரஸ்தாலோ மது₄ர்மது₄கலோசந꞉..43..

வாசஸ்பத்யோ வாஜஸநோ நித்யமாஶ்ரிதபூஜித꞉.
ப்₃ரஹ்மசாரீ லோகசாரீ ஸர்வசாரீ விசாரவித்..44..

ஈஶாந ஈஶ்வர꞉ காலோ நிஶாசாரீ பிநாகவாந்.
நிமித்தஸ்தோ₂ நிமித்தம் ச நந்தி₃ர்நந்தி₃கரோ ஹரி꞉..45..

நந்தீ₃ஶ்வரஶ்ச நந்தீ₃ ச நந்த₃நோ நந்தி₃வர்த₄ந꞉.
ப₄க₃ஹாரீ நிஹந்தா ச காலோ ப்₃ரஹ்மா பிதாமஹ꞉..46..

சதுர்முகோ₂ மஹாலிங்க₃ஶ்சாருலிங்க₃ஸ்ததை₂வ ச.
லிங்கா₃த்₄யக்ஷ꞉ ஸுராத்₄யக்ஷோ யோகா₃த்₄யக்ஷோ யுகா₃வஹ꞉..47..

பீ₃ஜாத்₄யக்ஷோ பீ₃ஜகர்தா அத்₄யாத்மா(அ)நுக₃தோ ப₃ல꞉.
இதிஹாஸ꞉ ஸகல்பஶ்ச கௌ₃தமோ(அ)த₂ நிஶாகர꞉..48..

த₃ம்போ₄ ஹ்யத₃ம்போ₄ வைத₃ம்போ₄ வஶ்யோ வஶகர꞉ கலி꞉.
லோககர்தா பஶுபதிர்மஹாகர்தா ஹ்யநௌஷத₄꞉..49..

அக்ஷரம் பரமம் ப்₃ரஹ்ம ப₃லவச்சக்ர ஏவ ச.
நீதிர்ஹ்யநீதி꞉ ஶுத்₃தா₄த்மா ஶுத்₃தோ₄ மாந்யோ க₃தாக₃த꞉..50..

ப₃ஹுப்ரஸாத₃꞉ ஸுஸ்வப்நோ த₃ர்பணோ(அ)த₂ த்வமித்ரஜித்.
வேத₃காரோ மந்த்ரகாரோ வித்₃வாந் ஸமரமர்த₃ந꞉..51..

மஹாமேக₄நிவாஸீ ச மஹாகோ₄ரோ வஶீகர꞉.
அக்₃நிஜ்வாலோ மஹாஜ்வாலோ அதிதூ₄ம்ரோ ஹுதோ ஹவி꞉..52..

வ்ருஷண꞉ ஶங்கரோ நித்யம் வர்சஸ்வீ தூ₄மகேதந꞉.
நீலஸ்ததா₂ங்க₃லுப்₃த₄ஶ்ச ஶோப₄நோ நிரவக்₃ரஹ꞉..53..

ஸ்வஸ்தித₃꞉ ஸ்வஸ்திபா₄வஶ்ச பா₄கீ₃ பா₄க₃கரோ லகு₄꞉.
உத்ஸங்க₃ஶ்ச மஹாங்க₃ஶ்ச மஹாக₃ர்ப₄பராயண꞉..54..

க்ருஷ்ணவர்ண꞉ ஸுவர்ணஶ்ச இந்த்₃ரியம் ஸர்வதே₃ஹிநாம்.
மஹாபாதோ₃ மஹாஹஸ்தோ மஹாகாயோ மஹாயஶா꞉..55..

மஹாமூர்தா₄ மஹாமாத்ரோ மஹாநேத்ரோ நிஶாலய꞉.
மஹாந்தகோ மஹாகர்ணோ மஹோஷ்ட₂ஶ்ச மஹாஹநு꞉..56..

மஹாநாஸோ மஹாகம்பு₃ர்மஹாக்₃ரீவ꞉ ஶ்மஶாநபா₄க்.
மஹாவக்ஷா மஹோரஸ்கோ ஹ்யந்தராத்மா ம்ருகா₃லய꞉..57..

லம்ப₃நோ லம்பி₃தோஷ்ட₂ஶ்ச மஹாமாய꞉ பயோநிதி₄꞉.
மஹாத₃ந்தோ மஹாத₃ம்ஷ்ட்ரோ மஹாஜிஹ்வோ மஹாமுக₂꞉..58..

மஹாநகோ₂ மஹாரோமோ மஹாகோஶோ மஹாஜட꞉.
ப்ரஸந்நஶ்ச ப்ரஸாத₃ஶ்ச ப்ரத்யயோ கி₃ரிஸாத₄ந꞉..59..

ஸ்நேஹநோ(அ)ஸ்நேஹநஶ்சைவ அஜிதஶ்ச மஹாமுநி꞉.
வ்ருக்ஷாகாரோ வ்ருக்ஷகேதுரநலோ வாயுவாஹந꞉..60..

க₃ண்ட₃லீ மேருதா₄மா ச தே₃வாதி₄பதிரேவ ச.
அத₂ர்வஶீர்ஷ꞉ ஸாமாஸ்ய ருக்ஸஹஸ்ராமிதேக்ஷண꞉..61..

யஜு꞉ பாத₃பு₄ஜோ கு₃ஹ்ய꞉ ப்ரகாஶோ ஜங்க₃மஸ்ததா₂.
அமோகா₄ர்த₂꞉ ப்ரஸாத₃ஶ்ச அபி₄க₃ம்ய꞉ ஸுத₃ர்ஶந꞉..62..

உபகார꞉ ப்ரிய꞉ ஸர்வ꞉ கநக꞉ காஞ்சநச்ச₂வி꞉.
நாபி₄ர்நந்தி₃கரோ பா₄வ꞉ புஷ்கர꞉ ஸ்த₂பதி꞉ ஸ்தி₂ர꞉..63..

த்₃வாத₃ஶஸ்த்ராஸநஶ்சாத்₃யோ யஜ்ஞோ யஜ்ஞஸமாஹித꞉.
நக்தம் கலிஶ்ச காலஶ்ச மகர꞉ காலபூஜித꞉..64..

ஸக₃ணோ க₃ணகாரஶ்ச பூ₄தவாஹநஸாரதி₂꞉.
ப₄ஸ்மஶயோ ப₄ஸ்மகோ₃ப்தா ப₄ஸ்மபூ₄தஸ்தருர்க₃ண꞉..65..

லோகபாலஸ்ததா₂ லோகோ மஹாத்மா ஸர்வபூஜித꞉.
ஶுக்லஸ்த்ரிஶுக்ல꞉ ஸம்பந்ந꞉ ஶுசிர்பூ₄தநிஷேவித꞉..66..

ஆஶ்ரமஸ்த₂꞉ க்ரியாவஸ்தோ₂ விஶ்வகர்மமதிர்வர꞉.
விஶாலஶாக₂ஸ்தாம்ரோஷ்டோ₂ ஹ்யம்பு₃ஜால꞉ ஸுநிஶ்சல꞉..67..

கபில꞉ கபிஶ꞉ ஶுக்ல ஆயுஶ்சைவ பரோ(அ)பர꞉.
க₃ந்த₄ர்வோ ஹ்யதி₃திஸ்தார்க்ஷ்ய꞉ ஸுவிஜ்ஞேய꞉ ஸுஶாரத₃꞉..68..

பரஶ்வதா₄யுதோ₄ தே₃வ அநுகாரீ ஸுபா₃ந்த₄வ꞉.
தும்ப₃வீணோ மஹாக்ரோத₄ ஊர்த்₄வரேதா ஜலேஶய꞉..69..

உக்₃ரோ வம்ஶகரோ வம்ஶோ வம்ஶநாதோ₃ ஹ்யநிந்தி₃த꞉.
ஸர்வாங்க₃ரூபோ மாயாவீ ஸுஹ்ருதோ₃ ஹ்யநிலோ(அ)நல꞉..70..

ப₃ந்த₄நோ ப₃ந்த₄கர்தா ச ஸுப₃ந்த₄நவிமோசந꞉.
ஸயஜ்ஞாரி꞉ ஸகாமாரிர்மஹாத₃ம்ஷ்ட்ரோ மஹாயுத₄꞉..71..

ப₃ஹுதா₄ நிந்தி₃த꞉ ஶர்வ꞉ ஶங்கர꞉ ஶங்கரோ(அ)த₄ந꞉.
அமரேஶோ மஹாதே₃வோ விஶ்வதே₃வ꞉ ஸுராரிஹா..72..

அஹிர்பு₃த்₄ந்யோ(அ)நிலாப₄ஶ்ச சேகிதாநோ ஹவிஸ்ததா₂.
அஜைகபாச்ச காபாலீ த்ரிஶங்குரஜித꞉ ஶிவ꞉..73..

த₄ந்வந்தரிர்தூ₄மகேது꞉ ஸ்கந்தோ₃ வைஶ்ரவணஸ்ததா₂.
தா₄தா ஶக்ரஶ்ச விஷ்ணுஶ்ச மித்ரஸ்த்வஷ்டா த்₄ருவோ த₄ர꞉..74..

ப்ரபா₄வ꞉ ஸர்வகோ₃ வாயுரர்யமா ஸவிதா ரவி꞉.
உஷங்கு₃ஶ்ச விதா₄தா ச மாந்தா₄தா பூ₄தபா₄வந꞉..75..

விபு₄ர்வர்ணவிபா₄வீ ச ஸர்வகாமகு₃ணாவஹ꞉.
பத்₃மநாபோ₄ மஹாக₃ர்ப₄ஶ்சந்த்₃ரவக்த்ரோ(அ)நிலோ(அ)நல꞉..76..

ப₃லவாம்ஶ்சோபஶாந்தஶ்ச புராண꞉ புண்யசஞ்சுரீ.
குருகர்தா குருவாஸீ குருபூ₄தோ கு₃ணௌஷத₄꞉..77..

ஸர்வாஶயோ த₃ர்ப₄சாரீ ஸர்வேஷாம் ப்ராணிநாம் பதி꞉.
தே₃வதே₃வ꞉ ஸுகா₂ஸக்த꞉ ஸத₃ஸத் ஸர்வரத்நவித்..78..

கைலாஸகி₃ரிவாஸீ ச ஹிமவத்₃கி₃ரிஸம்ஶ்ரய꞉.
கூலஹாரீ கூலகர்தா ப₃ஹுவித்₃யோ ப₃ஹுப்ரத₃꞉..79..

வணிஜோ வர்த₄கீ வ்ருக்ஷோ வகுலஶ்சந்த₃நஶ்ச₂த₃꞉.
ஸாரக்₃ரீவோ மஹாஜத்ருரலோலஶ்ச மஹௌஷத₄꞉..80..

ஸித்₃தா₄ர்த₂காரீ ஸித்₃தா₄ர்த₂ஶ்ச₂ந்தோ₃வ்யாகரணோத்தர꞉.
ஸிம்ஹநாத₃꞉ ஸிம்ஹத₃ம்ஷ்ட்ர꞉ ஸிம்ஹக₃꞉ ஸிம்ஹவாஹந꞉..81..

ப்ரபா₄வாத்மா ஜக₃த்காலஸ்தா₂லோ லோகஹிதஸ்தரு꞉.
ஸாரங்கோ₃ நவசக்ராங்க₃꞉ கேதுமாலீ ஸபா₄வந꞉..82..

பூ₄தாலயோ பூ₄தபதிரஹோராத்ரமநிந்தி₃த꞉ ..83..

வாஹிதா ஸர்வபூ₄தாநாம் நிலயஶ்ச விபு₄ர்ப₄வ꞉.
அமோக₄꞉ ஸம்யதோ ஹ்யஶ்வோ போ₄ஜந꞉ ப்ராணதா₄ரண꞉..84..

த்₄ருதிமாந் மதிமாந் த₃க்ஷ꞉ ஸத்க்ருதஶ்ச யுகா₃தி₄ப꞉.
கோ₃பாலிர்கோ₃பதிர்க்₃ராமோ கோ₃சர்மவஸநோ ஹரி꞉..85..

ஹிரண்யபா₃ஹுஶ்ச ததா₂ கு₃ஹாபால꞉ ப்ரவேஶிநாம்.
ப்ரக்ருஷ்டாரிர்மஹாஹர்ஷோ ஜிதகாமோ ஜிதேந்த்₃ரிய꞉..86..

கா₃ந்தா₄ரஶ்ச ஸுவாஸஶ்ச தப꞉ஸக்தோ ரதிர்நர꞉.
மஹாகீ₃தோ மஹாந்ருத்யோ ஹ்யப்ஸரோக₃ணஸேவித꞉..87..

மஹாகேதுர்மஹாதா₄துர்நைகஸாநுசரஶ்சல꞉.
ஆவேத₃நீய ஆதே₃ஶ꞉ ஸர்வக₃ந்த₄ஸுகா₂வஹ꞉..88..

தோரணஸ்தாரணோ வாத꞉ பரிதீ₄꞉ பதிகே₂சர꞉.
ஸம்யோகோ₃ வர்த₄நோ வ்ருத்₃தோ₄ அதிவ்ருத்₃தோ₄ கு₃ணாதி₄க꞉..89..

நித்யமாத்மஸஹாயஶ்ச தே₃வாஸுரபதி꞉ பதி꞉.
யுக்தஶ்ச யுக்தபா₃ஹுஶ்ச தே₃வோ தி₃வி ஸுபர்வண꞉..90..

ஆஷாட₄ஶ்ச ஸுஷாட₄ஶ்ச த்₄ருவோ(அ)த₂ ஹரிணோ ஹர꞉.
வபுராவர்தமாநேப்₄யோ வஸுஶ்ரேஷ்டோ₂ மஹாபத₂꞉..91..

ஶிரோஹாரீ விமர்ஶஶ்ச ஸர்வலக்ஷணலக்ஷித꞉.
அக்ஷஶ்ச ரத₂யோகீ₃ ச ஸர்வயோகீ₃ மஹாப₃ல꞉..92..

ஸமாம்நாயோ(அ)ஸமாம்நாயஸ்தீர்த₂தே₃வோ மஹாரத₂꞉.
நிர்ஜீவோ ஜீவநோ மந்த்ர꞉ ஶுபா₄க்ஷோ ப₃ஹுகர்கஶ꞉..93..

ரத்நப்ரபூ₄தோ ரக்தாங்கோ₃ மஹார்ணவநிபாநவித்.
மூலம் விஶாலோ ஹ்யம்ருதோ வ்யக்தாவ்யக்தஸ்தபோநிதி₄꞉..94..

ஆரோஹணோ(அ)தி₄ரோஹஶ்ச ஶீலதா₄ரீ மஹாயஶா꞉.
ஸேநாகல்போ மஹாகல்போ யோகோ₃ யுக₃கரோ ஹரி꞉..95..

யுக₃ரூபோ மஹாரூபோ மஹாநாக₃ஹநோ வத₄꞉.
ந்யாயநிர்வபண꞉ பாத₃꞉ பண்டி₃தோ ஹ்யசலோபம꞉..96..

ப₃ஹுமாலோ மஹாமால꞉ ஶஶீ ஹரஸுலோசந꞉.
விஸ்தாரோ லவண꞉ கூபஸ்த்ரியுக₃꞉ ஸப₂லோத₃ய꞉..97..

த்ரிலோசநோ விஷண்ணாங்கோ₃ மணிவித்₃தோ₄ ஜடாத₄ர꞉.
பி₃ந்து₃ர்விஸர்க₃꞉ ஸுமுக₂꞉ ஶர꞉ ஸர்வாயுத₄꞉ ஸஹ꞉..98..

நிவேத₃ந꞉ ஸுகா₂ஜாத꞉ ஸுக₃ந்தா₄ரோ மஹாத₄நு꞉.
க₃ந்த₄பாலீ ச ப₄க₃வாநுத்தா₂ந꞉ ஸர்வகர்மணாம்..99..

மந்தா₂நோ ப₃ஹுலோ வாயு꞉ ஸகல꞉ ஸர்வலோசந꞉.
தலஸ்தால꞉ கரஸ்தா₂லீ ஊர்த்₄வஸம்ஹநநோ மஹாந்..100..

ச₂த்ரம் ஸுச்ச₂த்ரோ விக்₂யாதோ லோக꞉ ஸர்வாஶ்ரய꞉ க்ரம꞉.
முண்டோ₃ விரூபோ விக்ருதோ த₃ண்டீ₃ குண்டீ₃ விகுர்வண꞉..101..

ஹர்யக்ஷ꞉ ககுபோ₄ வஜ்ரீ ஶதஜிஹ்வ꞉ ஸஹஸ்ரபாத்.
ஸஹஸ்ரமூர்தா₄ தே₃வேந்த்₃ர꞉ ஸர்வதே₃வமயோ கு₃ரு꞉..102..

ஸஹஸ்ரபா₃ஹு꞉ ஸர்வாங்க₃꞉ ஶரண்ய꞉ ஸர்வலோகக்ருத்.
பவித்ரம் த்ரிககுந்மந்த்ர꞉ கநிஷ்ட₂꞉ க்ருஷ்ணபிங்க₃ல꞉..103..

ப்₃ரஹ்மத₃ண்ட₃விநிர்மாதா ஶதக்₄நீபாஶஶக்திமாந்.
பத்₃மக₃ர்போ₄ மஹாக₃ர்போ₄ ப்₃ரஹ்மக₃ர்போ₄ ஜலோத்₃ப₄வ꞉..104..

க₃ப₄ஸ்திர்ப்₃ரஹ்மக்ருத்₃-ப்₃ரஹ்மீ ப்₃ரஹ்மவித்₃-ப்₃ராஹ்மணோ க₃தி꞉.
அநந்தரூபோ நைகாத்மா திக்₃மதேஜா꞉ ஸ்வயம்பு₄வ꞉..105..

ஊர்த்₄வகா₃த்மா பஶுபதிர்வாதரம்ஹா மநோஜவ꞉.
சந்த₃நீ பத்₃மநாலாக்₃ர꞉ ஸுரப்₄யுத்தரணோ நர꞉..106..

கர்ணிகாரமஹாஸ்ரக்₃வீ நீலமௌலி꞉ பிநாகத்₄ருக்.
உமாபதிருமாகாந்தோ ஜாஹ்நவீத்₄ருகு₃மாத₄வ꞉..107..

வரோ வராஹோ வரதோ₃ வரேண்ய꞉ ஸுமஹாஸ்வந꞉.
மஹாப்ரஸாதோ₃ த₃மந꞉ ஶத்ருஹா ஶ்வேதபிங்க₃ல꞉..108..

பீதாத்மா பரமாத்மா ச ப்ரயதாத்மா ப்ரதா₄நத்₄ருக்.
ஸர்வபார்ஶ்வமுக₂ஸ்த்ர்யக்ஷோ த₄ர்மஸாதா₄ரணோ வர꞉..109..

சராசராத்மா ஸூக்ஷ்மாத்மா ஹ்யம்ருதோ கோ₃வ்ருஷேஶ்வர꞉.
ஸாத்₄யர்ஷிர்வஸுராதி₃த்யோ விவஸ்வாந் ஸவிதா(அ)ம்ருத꞉..110..

வ்யாஸ꞉ ஸர்க₃꞉ ஸுஸங்க்ஷேபோ விஸ்தர꞉ பர்யயோ நர꞉.
ருது꞉ ஸம்வத்ஸரோ மாஸ꞉ பக்ஷ꞉ ஸங்க்₂யாஸமாபந꞉..111..

கலா꞉ காஷ்டா₂ லவா மாத்ரா முஹூர்தாஹ꞉ க்ஷபா꞉ க்ஷணா꞉.
விஶ்வக்ஷேத்ரம் ப்ரஜாபீ₃ஜம் லிங்க₃மாத்₃யஸ்து நிர்க₃ம꞉..112..

ஸத₃ஸத்₃வ்யக்தமவ்யக்தம் பிதா மாதா பிதாமஹ꞉.
ஸ்வர்க₃த்₃வாரம் ப்ரஜாத்₃வாரம் மோக்ஷத்₃வாரம் த்ரிவிஷ்டபம்..113..

நிர்வாணம் ஹ்லாத₃நஶ்சைவ ப்₃ரஹ்மலோக꞉ பரா க₃தி꞉.
தே₃வாஸுரவிநிர்மாதா தே₃வாஸுரபராயண꞉..114..

தே₃வாஸுரகு₃ருர்தே₃வோ தே₃வாஸுரநமஸ்க்ருத꞉.
தே₃வாஸுரமஹாமாத்ரோ தே₃வாஸுரக₃ணாஶ்ரய꞉..115..

தே₃வாஸுரக₃ணாத்₄யக்ஷோ தே₃வாஸுரக₃ணாக்₃ரணீ꞉.
தே₃வாதிதே₃வோ தே₃வர்ஷிர்தே₃வாஸுரவரப்ரத₃꞉..116..

தே₃வாஸுரேஶ்வரோ விஶ்வோ தே₃வாஸுரமஹேஶ்வர꞉.
ஸர்வதே₃வமயோ(அ)சிந்த்யோ தே₃வதாத்மா(ஆ)த்மஸம்ப₄வ꞉..117..

உத்₃பி₄த்த்ரிவிக்ரமோ வைத்₃யோ விரஜோ நீரஜோ(அ)மர꞉.
ஈட்₃யோ ஹஸ்தீஶ்வரோ வ்யாக்₄ரோ தே₃வஸிம்ஹோ நரர்ஷப₄꞉..118..

விபு₃தோ₄(அ)க்₃ரவர꞉ ஸூக்ஷ்ம꞉ ஸர்வதே₃வஸ்தபோமய꞉.
ஸுயுக்த꞉ ஶோப₄நோ வஜ்ரீ ப்ராஸாநாம் ப்ரப₄வோ(அ)வ்யய꞉..119..

கு₃ஹ꞉ காந்தோ நிஜ꞉ ஸர்க₃꞉ பவித்ரம் ஸர்வபாவந꞉.
ஶ்ருங்கீ₃ ஶ்ருங்க₃ப்ரியோ ப₃ப்₄ரூ ராஜராஜோ நிராமய꞉..120..

அபி₄ராம꞉ ஸுரக₃ணோ விராம꞉ ஸர்வஸாத₄ந꞉.
லலாடாக்ஷோ விஶ்வதே₃வோ ஹரிணோ ப்₃ரஹ்மவர்சஸ꞉..121..

ஸ்தா₂வராணாம் பதிஶ்சைவ நியமேந்த்₃ரியவர்த₄ந꞉.
ஸித்₃தா₄ர்த₂꞉ ஸித்₃த₄பூ₄தார்தோ₂(அ)சிந்த்ய꞉ ஸத்யவ்ரத꞉ ஶுசி꞉..122..

வ்ரதாதி₄ப꞉ பரம் ப்₃ரஹ்ம ப₄க்தாநாம் பரமா க₃தி꞉.
விமுக்தோ முக்ததேஜாஶ்ச ஶ்ரீமாந் ஶ்ரீவர்த₄நோ ஜக₃த்..123..

ஶ்ரீமாந் ஶ்ரீவர்த₄நோ ஜக₃த் ஓம் நம இதி.
உத்தரபா₄க₃꞉
யதா₂ ப்ரதா₄நம் ப₄க₃வாந் இதி ப₄க்த்யா ஸ்துதோ மயா.
யம் ந ப்₃ரஹ்மாத₃யோ தே₃வா விது₃ஸ்தத்த்வேந நர்ஷய꞉..1..

ஸ்தோதவ்யமர்ச்யம் வந்த்₃யம் ச க꞉ ஸ்தோஷ்யதி ஜக₃த்பதிம்.
ப₄க்திம் த்வேவம் புரஸ்க்ருத்ய மயா யஜ்ஞபதிர்விபு₄꞉..2..

ததோ(அ)ப்₄யநுஜ்ஞாம் ஸம்ப்ராப்ய ஸ்துதோ மதிமதாம் வர꞉.
ஶிவமேபி₄꞉ ஸ்துவந் தே₃வம் நாமபி₄꞉ புஷ்டிவர்த₄நை꞉.
நித்யயுக்த꞉ ஶுசிர்ப₄க்த꞉ ப்ராப்நோத்யாத்மாநமாத்மநா..3..

ருஷயஶ்சைவ தே₃வாஶ்ச ஸ்துவந்த்யேதேந தத்பரம்.
ஸ்தூயமாநோ மஹாதே₃வஸ்துஷ்யதே நியமாத்மபி₄꞉..4..

ப₄க்தாநுகம்பீ ப₄க₃வாந் ஆத்மஸம்ஸ்தா₂கரோ விபு₄꞉.
ததை₂வ ச மநுஷ்யேஷு யே மநுஷ்யா꞉ ப்ரதா₄நத꞉..5..

ஆஸ்திகா꞉ ஶ்ரத்₃த₃தா₄நாஶ்ச ப₃ஹுபி₄ர்ஜந்மபி₄꞉ ஸ்தவை꞉.
ப₄க்த்யா ஹ்யநந்யமீஶாநம் பரம் தே₃வம் ஸநாதநம்..6..

கர்மணா மநஸா வாசா பா₄வேநாமிததேஜஸ꞉.
ஶயாநா ஜாக்₃ரமாணாஶ்ச வ்ரஜந்நுபவிஶம்ஸ்ததா₂..7..

உந்மிஷந்நிமிஷம்ஶ்சைவ சிந்தயந்த꞉ புந꞉ புந꞉.
ஶ்ருண்வந்த꞉ ஶ்ராவயந்தஶ்ச கத₂யந்தஶ்ச தே ப₄வம்..8..

ஸ்துவந்த꞉ ஸ்தூயமாநாஶ்ச துஷ்யந்தி ச ரமந்தி ச.
ஜந்மகோடிஸஹஸ்ரேஷு நாநாஸம்ஸாரயோநிஷு..9..

ஜந்தோர்விக₃தபாபஸ்ய ப₄வே ப₄க்தி꞉ ப்ரஜாயதே.
உத்பந்நா ச ப₄வே ப₄க்திரநந்யா ஸர்வபா₄வத꞉..10..

பா₄விந꞉ காரணே சாஸ்ய ஸர்வயுக்தஸ்ய ஸர்வதா₂.
ஏதத்₃தே₃வேஷு து₃ஷ்ப்ராபம் மநுஷ்யேஷு ந லப்₄யதே..11..

நிர்விக்₄நா நிஶ்சலா ருத்₃ரே ப₄க்திரவ்யபி₄சாரிணீ.
தஸ்யைவ ச ப்ரஸாதே₃ந ப₄க்திருத்பத்₃யதே ந்ருணாம்.
யேந யாந்தி பராம் ஸித்₃தி₄ம் தத்₃பா₄வக₃தசேதஸ꞉..12..

யே ஸர்வபா₄வாநுக₃தா꞉ ப்ரபத்₃யந்தே மஹேஶ்வரம்.
ப்ரபந்நவத்ஸலோ தே₃வ꞉ ஸம்ஸாராத் தாந் ஸமுத்₃த₄ரேத்..13..

ஏவம் அந்யே விகுர்வந்தி தே₃வா꞉ ஸம்ஸாரமோசநம்.
மநுஷ்யாணாம்ருதே தே₃வம் நாந்யா ஶக்திஸ்தபோப₃லம்..14..

இதி தேநேந்த்₃ரகல்பேந ப₄க₃வாந் ஸத₃ஸத்பதி꞉.
க்ருத்திவாஸா꞉ ஸ்துத꞉ க்ருஷ்ண தண்டி₃நா ஶுத்₃த₄பு₃த்₃தி₄நா..15..

ஸ்தவமேதம் ப₄க₃வதோ ப்₃ரஹ்மா ஸ்வயமதா₄ரயத்.
கீ₃யதே ச ஸ பு₃த்₃த்₄யேத ப்₃ரஹ்மா ஶங்கரஸந்நிதௌ₄..16..

இத₃ம் புண்யம் பவித்ரம் ச ஸர்வதா₃ பாபநாஶநம்.
யோக₃த₃ம் மோக்ஷத₃ம் சைவ ஸ்வர்க₃த₃ம் தோஷத₃ம் ததா₂..17..

ஏவமேதத் பட₂ந்தே ய ஏகப₄க்த்யா து ஶங்கரம்.
யா க₃தி꞉ ஸாங்க்₂யயோகா₃நாம் வ்ரஜந்த்யேதாம் க₃திம் ததா₃..18..

ஸ்தவமேதம் ப்ரயத்நேந ஸதா₃ ருத்₃ரஸ்ய ஸந்நிதௌ₄.
அப்₃த₃மேகம் சரேத்₃ப₄க்த꞉ ப்ராப்நுயாதீ₃ப்ஸிதம் ப₂லம்..19..

ஏதத்₃ரஹஸ்யம் பரமம் ப்₃ரஹ்மணோ ஹ்ருதி₃ ஸம்ஸ்தி₂தம்.
ப்₃ரஹ்மா ப்ரோவாச ஶக்ராய ஶக்ர꞉ ப்ரோவாச ம்ருத்யவே..20..

ம்ருத்யு꞉ ப்ரோவாச ருத்₃ரேப்₄யோ ருத்₃ரேப்₄யஸ்தண்டி₃மாக₃மத்.
மஹதா தபஸா ப்ராப்தஸ்தண்டி₃நா ப்₃ரஹ்மஸத்₃மநி..21..

தண்டி₃꞉ ப்ரோவாச ஶுக்ராய கௌ₃தமாய ச பா₄ர்க₃வ꞉.
வைவஸ்வதாய மநவே கௌ₃தம꞉ ப்ராஹ மாத₄வ..22..

நாராயணாய ஸாத்₄யாய ஸமாதி₄ஷ்டா₂ய தீ₄மதே.
யமாய ப்ராஹ ப₄க₃வாந் ஸாத்₄யோ நாராயணோ(அ)ச்யுத꞉..23..

நாசிகேதாய ப₄க₃வாந் ஆஹ வைவஸ்வதோ யம꞉.
மார்கண்டே₃யாய வார்ஷ்ணேய நாசிகேதோ(அ)ப்₄யபா₄ஷத..24..

மார்கண்டே₃யாந்மயா ப்ராப்தம் நியமேந ஜநார்த₃ந.
தவாப்யஹம் அமித்ரக்₄ந ஸ்தவம் த₃த்₃யாம் ஹ்யவிஶ்ருதம்..25..

ஸ்வர்க்₃யமாரோக்₃யமாயுஷ்யம் த₄ந்யம் வேதே₃ந ஸம்மிதம்.
நாஸ்ய விக்₄நம் விகுர்வந்தி தா₃நவா யக்ஷராக்ஷஸா꞉.
பிஶாசா யாதுதா₄நாஶ்ச கு₃ஹ்யகா பு₄ஜகா₃ அபி..26..

ய꞉ படே₂த ஶுசிர்பூ₄த்வா ப்₃ரஹ்மசாரீ ஜிதேந்த்₃ரிய꞉.
அப₄க்₃நயோகோ₃ வர்ஷம் து ஸோ(அ)ஶ்வமேத₄ப₂லம் லபே₄த்..27..

ஜைகீ₃ஷவ்ய உவாச
மமாஷ்டகு₃ணமைஶ்வர்யம் த₃த்தம் ப₄க₃வதா புரா.
யத்நேநாந்யேந ப₃லிநா வாராணஸ்யாம் யுதி₄ஷ்டி₂ர..28..

வாராணஸ்யாம் யுதி₄ஷ்டி₂ர ஓம் நம இதி.
க₃ர்க₃ உவாச
சது꞉ஷஷ்ட்யங்க₃மத₃த₃த் கலாஜ்ஞாநம் மமாத்₃பு₄தம்.
ஸரஸ்வத்யாஸ்தடே துஷ்டோ மநோயஜ்ஞேந பாண்ட₃வ..29..

மநோயஜ்ஞேந பாண்ட₃வ ஓம் நம இதி.
வைஶம்பாயந உவாச
தத꞉ க்ருஷ்ணோ(அ)ப்₃ரவீத்₃வாக்யம் புநர்மதிமதாம் வர꞉.
யுதி₄ஷ்டி₂ரம் த₄ர்மநிதி₄ம் புருஹூதமிவேஶ்வர꞉.
உபமந்யுர்மயி ப்ராஹ தபந்நிவ தி₃வாகர꞉..30..

அஶுபை₄꞉ பாபகர்மாணோ யே நரா꞉ கலுஷீக்ருதா꞉.
ஈஶாநம் ந ப்ரபத்₃யந்தே தமோராஜஸவ்ருத்தய꞉.
ஈஶ்வரம் ஸம்ப்ரபத்₃யந்தே த்₃விஜா பா₄விதபா₄வநா꞉..31..

ஏவமேவ மஹாதே₃வ ப₄க்தா யே மாநவா பு₄வி.
ந தே ஸம்ஸாரவஶகா₃ இதி மே நிஶ்சிதா மதி꞉..32..

இதி மே நிஶ்சிதா மதி꞉ ஓம் நம இதி.
து₃꞉ஸ்வப்ந-து₃꞉ஶகுந-து₃ர்க₃தி-தௌ₃ர்மநஸ்ய
து₃ர்பி₄க்ஷ-து₃ர்வ்யஸந-து₃꞉ஸஹ-து₃ர்யஶாம்ஸி.
உத்பாத-தாப-விஷபீ₄திம் அஸத்₃-க்₃ரஹார்திம்
வ்யாதீ₄ம்ஶ்ச நாஶயது மே ஜக₃தாமதீ₄ஶ꞉..

.. இதி ஶ்ரீமந்மஹாபா₄ரதே ஶதஸாஹஸ்ர்யாம் ஸம்ஹிதாயாம் வையாஸிக்யாம் ஆநுஶாஸநிகபர்வணி அஷ்டாத₃ஶோ(அ)த்₄யாய꞉ ..