.. Shivasahasranaamastotram ..

Shuklaambaradharam' vishnum' shashivarnam' chaturbhujam.
Prasannavadanam' dhyaayet sarvavighnopashaantaye..

Namo'stu te vyaasa vishaalabuddhe phullaaravindaayatapatranetra.
Yena tvayaa bhaaratatailapoornah' prajvaalito jnyaanamayah' pradeepah'..

Naaraayanam' namaskri'tya naram' chaiva narottamam.
Deveem' sarasvateem' vyaasam' tato jayamudeeraye..

Vande shambhumumaapatim' suragurum' vande jagatkaaranam
Vande pannagabhooshanam' mri'gadharam' vande pashoonaam' patim.
Vande sooryashashaankavahninayanam' vande mukundapriyam
Vande bhaktajanaashrayam' cha varadam' vande shivam' shankaram..

.. Poorvabhaagah'..

Yudhisht'hira uvaacha
Tvayaa''pageya naamaani shrutaaneeha jagatpateh'.
Pitaamaheshaaya vibhornaamaanyaachakshva shambhave..1..

Babhrave vishvaroopaaya mahaabhaagyam' cha tattvatah'.
Suraasuragurau deve shankare'vyaktayonaye..2..

Bheeshma uvaacha
Ashakto'ham' gunaan vaktum' mahaadevasya dheematah'.
Yo hi sarvagato devo na cha sarvatra dri'shyate..3..

Brahmavishnusureshaanaam' srasht'aa cha prabhureva cha.
Brahmaadayah' pishaachaantaa yam' hi devaa upaasate..4..

Prakri'teenaam' paratvena purushasya cha yah' parah'.
Chintyate yo yogavidbhir'shibhistattvadarshibhih'..5..

Prakri'tim' purusham' chaiva kshobhayitvaa svatejasaa.
Brahmaanamasri'jat tasmaaddevadevah' prajaapatih'..6..

Ko hi shakto gunaan vaktum' devadevasya dheematah'.
Garbhajanmajaraayukto martyo mri'tyusamanvitah'..7..

Ko hi shakto bhavam' jnyaatum' madvidhah' parameshvaram.
Ri'te naaraayanaat putra shankhachakragadaadharaat..8..

Esha vidvaan gunashresht'ho vishnuh' paramadurjayah'.
Divyachakshurmahaatejaa veekshyate yogachakshushaa..9..

Rudrabhaktyaa tu kri'shnena jagadvyaaptam' mahaatmanaa.
Tam' prasaadya tadaa devam' badaryaam' kila bhaarata..10..

Arthaat priyataratvam' cha sarvalokeshu vai tadaa.
Praaptavaaneva raajendra suvarnaakshaanmaheshvaraat..11..

Poornam' varshasahasram' tu taptavaanesha maadhavah'.
Prasaadya varadam' devam' charaacharagurum' shivam..12..

Yuge yuge tu kri'shnena toshito vai maheshvarah'.
Bhaktyaa paramayaa chaiva preetashchaiva mahaatmanah'..13..

Aishvaryam' yaadri'sham' tasya jagadyonermahaatmanah'.
Tadayam' dri'sht'avaan saakshaat putraarthe harirachyutah'..14..

Yasmaat parataram' chaiva naanyam' pashyaami bhaarata.
Vyaakhyaatum' devadevasya shakto naamaanyasheshatah'..15..

Esha shakto mahaabaahurvaktum' bhagavato gunaan.
Vibhootim' chaiva kaartsnyena satyaam' maaheshvareem' nri'pa..16..

Suraasuraguro deva vishno tvam' vaktum arhasi.
Shivaaya shivaroopaaya yanmaa'pri'chchhadyudhisht'hirah'..17..

Naamnaam' sahasram' devasya tand'inaa brahmavaadinaa.
Niveditam' brahmaloke brahmano yat puraa'bhavat..18..

Dvaipaayanaprabhri'tayastathaa cheme tapodhanaah'.
Ri'shayah' suvrataa daantaah' shri'nvantu gadatastava..19..

Vaasudeva uvaacha
Na gatih' karmanaam' shakyaa vettumeeshasya tattvatah'.
Hiranyagarbhapramukhaa devaah' sendraa maharshayah'..20..

Na viduryasya nidhanam aadim' vaa sookshmadarshinah'.
Sa katham' naamamaatrena shakyo jnyaatum' sataam' gatih'..21..

Tasyaaham asuraghnasya kaam'shchidbhagavato gunaan.
Bhavataam' keertayishyaami vrateshaaya yathaatatham..22..

Vaishampaayana uvaacha
Evamuktvaa tu bhagavaan gunaam'stasya mahaatmanah'.
Upaspri'shya shuchirbhootvaa kathayaamaasa dheematah'..23..

Vaasudeva uvaacha
Tatah' sa prayato bhootvaa mama taata yudhisht'hira.
Praanjalih' praaha viprarshirnaamasangrahaamaaditah'..24..

Upamanyuruvaacha
Brahmaproktair'shiproktairvedavedaangasambhavaih'.
Sarvalokeshu vikhyaatam' stutyam' stoshyaami naamabhih'..25..

Mahadbhirvihitaih' satyaih' siddhaih' sarvaarthasaadhakaih'.
Ri'shinaa tand'inaa bhaktyaa kri'tairvedakri'taatmanaa..26..

Yathoktaih' saadhubhih' khyaatairmunibhistattvadarshibhih'.
Pravaram' prathamam' svargyam' sarvabhootahitam' shubham..27..

Shrutaih' sarvatra jagati brahmalokaavataaritaih'.
Satyaistat paramam' brahma brahmaproktam' sanaatanam.
Vakshye yadukulashresht'ha shri'nushvaavahito mama..28..

Varayainam' bhavam' devam' bhaktastvam' parameshvaram.
Tena te shraavayishyaami yat tadbrahma sanaatanam..29..

Na shakyam' vistaraat kri'tsnam' vaktum' sharvasya kenachit.
Yuktenaapi vibhooteenaamapi varshashatairapi..30..

Yasyaadirmadhyamantam' cha surairapi na gamyate.
Kastasya shaknuyaadvaktum' gunaan kaartsnyena maadhava..31..

Kim' tu devasya mahatah' sankshiptaarthapadaaksharam.
Shaktitashcharitam' vakshye prasaadaat tasya dheematah'..32..

Apraapya tu tato'nujnyaam' na shakyah' stotumeeshvarah'.
Yadaa tenaabhyanujnyaatah' stuto vai sa tadaa mayaa..33..

Anaadinidhanasyaaham' jagadyonermahaatmanah'.
Naamnaam' kanchit samuddeshyam' vakshyaamyavyaktayoninah'..34..

Varadasya varenyasya vishvaroopasya dheematah'.
Shri'nu naamnaam' chayam' kri'shna yaduktam' padmayoninaa..35..

Dashanaamasahasraani yaanyaaha prapitaamahah'.
Taani nirmathya manasaa dadhno ghri'tamivoddhri'tam..36..

Gireh' saaram' yathaa hema pushpasaaram' yathaa madhu.
Ghri'taat saaram' yathaa mand'astathaitat saaramuddhri'tam..37..

Sarvapaapaapahamidam' chaturvedasamanvitam.
Prayatnenaadhigantavyam' dhaaryam' cha prayataatmanaa..38..

Sarvabhootaatmabhootasya harasyaamitatejasah'.
Asht'ottarasahasram' tu naamnaam' sharvasya me shri'nu.
Yachchhrutvaa manujavyaaghra sarvaan kaamaanavaapsyasi..39..

Shaantam' padmaanastham' shashidharamukut'am' panchavaktram' trinetram
Shoolam' vajram' cha khad'gam' parashumabhayadam' dakshabhaage vahantam.
Naagam' paasham' ghant'aam' pralayahutavaham' saankusham' vaamabhaage
Naanaalankaarayuktam' sphat'ikamaninibham' paarvateesham' namaami..

Stotram
Om' sthirah' sthaanuh' prabhurbheemah' pravaro varado varah'.
Sarvaatmaa sarvavikhyaatah' sarvah' sarvakaro bhavah'..1..

Jat'ee charmee shikhand'ee cha sarvaangah' sarvabhaavanah'.
Harashcha harinaakshashcha sarvabhootaharah' prabhuh'..2..

Pravri'ttishcha nivri'ttishcha niyatah' shaashvato dhruvah'.
Shmashaanavaasee bhagavaan khacharo gocharo'rdanah'..3..

Abhivaadyo mahaakarmaa tapasvee bhootabhaavanah'.
Unmattaveshaprachchhannah' sarvalokaprajaapatih'..4..

Mahaaroopo mahaakaayo vri'sharoopo mahaayashaah'.
Mahaatmaa sarvabhootaatmaa vishvaroopo mahaahanuh'..5..

Lokapaalo'ntarhitaatmaa prasaado hayagardabhih'.
Pavitram' cha mahaam'shchaiva niyamo niyamaashritah'..6..

Sarvakarmaa svayambhoota aadiraadikaro nidhih'.
Sahasraaksho vishaalaakshah' somo nakshatrasaadhakah'..7..

Chandrah' sooryah' shanih' keturgraho grahapatirvarah'.
Atriratryaanamaskartaa mri'gabaanaarpano'naghah'..8..

Mahaatapaa ghoratapaa adeeno deenasaadhakah'.
Sam'vatsarakaro mantrah' pramaanam' paramam' tapah'..9..

Yogee yojyo mahaabeejo mahaaretaa mahaabalah'.
Suvarnaretaah' sarvajnyah' subeejo beejavaahanah'..10..

Dashabaahustvanimisho neelakant'ha umaapatih'.
Vishvaroopah' svayam'shresht'ho balaveero'balo ganah'..11..

Ganakartaa ganapatirdigvaasaah' kaama eva cha.
Mantravit paramo mantrah' sarvabhaavakaro harah'..12..

Kamand'aludharo dhanvee baanahastah' kapaalavaan.
Ashanee shataghnee khad'gee pat't'ishee cha''yudhee mahaan..13..

Sruvahastah' suroopashcha tejastejaskaro nidhih'.
Ushnishee cha suvaktrashcha udagro vinatastathaa..14..

Deerghashcha harikeshashcha suteerthah' kri'shna eva cha.
Sri'gaalaroopah' siddhaartho mund'ah' sarvashubhankarah'..15..

Ajashcha bahuroopashcha gandhadhaaree kapardyapi.
Oordhvaretaa oordhvalinga oordhvashaayee nabhah'sthalah'..16..

Trijat'ee cheeravaasaashcha rudrah' senaapatirvibhuh'.
Ahashcharo naktancharastigmamanyuh' suvarchasah'..17..

Gajahaa daityahaa kaalo lokadhaataa gunaakarah'.
Sim'hashaardoolaroopashcha aardracharmaambaraavri'tah'..18..

Kaalayogee mahaanaadah' sarvakaamashchatushpathah'.
Nishaacharah' pretachaaree bhootachaaree maheshvarah'..19..

Bahubhooto bahudharah' svarbhaanuramito gatih'.
Nri'tyapriyo nityanarto nartakah' sarvalaalasah'..20..

Ghoro mahaatapaah' paasho nityo giriruho nabhah'.
Sahasrahasto vijayo vyavasaayo hyatandritah'..21..

Adharshano dharshanaatmaa yajnyahaa kaamanaashakah'.
Dakshayaagaapahaaree cha susaho madhyamastathaa..22..

Tejopahaaree balahaa mudito'rtho'jito varah'.
Gambheeraghosho gambheero gambheerabalavaahanah'..23..

Nyagrodharoopo nyagrodho vri'kshakarnasthitirvibhuh'.
Suteekshnadashanashchaiva mahaakaayo mahaananah'..24..

Vishvakseno hariryajnyah' sam'yugaapeed'avaahanah'.
Teekshnataapashcha haryashvah' sahaayah' karmakaalavit..25..

Vishnuprasaadito yajnyah' samudro bad'avaamukhah'.
Hutaashanasahaayashcha prashaantaatmaa hutaashanah'..26..

Ugratejaa mahaatejaa janyo vijayakaalavit.
Jyotishaamayanam' siddhih' sarvavigraha eva cha..27..

Shikhee mund'ee jat'ee jvaalee moortijo moordhajo balee.
Vainavee panavee taalee khalee kaalakat'ankat'ah'..28..

Nakshatravigrahamatirgunabuddhirlayo'gamah'.
Prajaapatirvishvabaahurvibhaagah' sarvago'mukhah'..29..

Vimochanah' susarano hiranyakavachodbhavah'.
Med'hrajo balachaaree cha maheechaaree srutastathaa..30..

Sarvatooryavinodee cha sarvaatodyaparigrahah'.
Vyaalaroopo guhaavaasee guho maalee tarangavit..31..

Tridashastrikaaladhri'k karmasarvabandhavimochanah'.
Bandhanastvasurendraanaam' yudhi shatruvinaashanah'..32..

Saankhyaprasaado durvaasaah' sarvasaadhunishevitah'.
Praskandano vibhaagajnyo'tulyo yajnyavibhaagavit..33..

Sarvavaasah' sarvachaaree durvaasaa vaasavo'marah'.
Haimo hemakaro yajnyah' sarvadhaaree dharottamah'..34..

Lohitaaksho mahaakshashcha vijayaaksho vishaaradah'.
Sangraho nigrahah' kartaa sarpacheeranivaasanah'..35..

Mukhyo'mukhyashcha dehashcha kaahalih' sarvakaamadah'.
Sarvakaalaprasaadashcha subalo balaroopadhri'k..36..

Sarvakaamavarashchaiva sarvadah' sarvatomukhah'.
Aakaashanirviroopashcha nipaatee hyavashah' khagah'..37..

Raudraroopom''shuraadityo bahurashmih' suvarchasee.
Vasuvego mahaavego manovego nishaacharah'..38..

Sarvavaasee shriyaavaasee upadeshakaro'karah'.
Muniraatmaniraalokah' sambhagnashcha sahasradah'..39..

Pakshee cha paksharoopashcha atideepto vishaampatih'.
Unmaado madanah' kaamo hyashvattho'rthakaro yashah'..40..

Vaamadevashcha vaamashcha praagdakshinashcha vaamanah'.
Siddhayogee maharshishcha siddhaarthah' siddhasaadhakah'..41..

Bhikshushcha bhikshuroopashcha vipano mri'duravyayah'.
Mahaaseno vishaakhashcha shasht'hibhaago gavaam' patih'..42..

Vajrahastashcha vishkambhee chamoostambhana eva cha.
Vri'ttaavri'ttakarastaalo madhurmadhukalochanah'..43..

Vaachaspatyo vaajasano nityamaashritapoojitah'.
Brahmachaaree lokachaaree sarvachaaree vichaaravit..44..

Eeshaana eeshvarah' kaalo nishaachaaree pinaakavaan.
Nimittastho nimittam' cha nandirnandikaro harih'..45..

Nandeeshvarashcha nandee cha nandano nandivardhanah'.
Bhagahaaree nihantaa cha kaalo brahmaa pitaamahah'..46..

Chaturmukho mahaalingashchaarulingastathaiva cha.
Lingaadhyakshah' suraadhyaksho yogaadhyaksho yugaavahah'..47..

Beejaadhyaksho beejakartaa adhyaatmaa'nugato balah'.
Itihaasah' sakalpashcha gautamo'tha nishaakarah'..48..

Dambho hyadambho vaidambho vashyo vashakarah' kalih'.
Lokakartaa pashupatirmahaakartaa hyanaushadhah'..49..

Aksharam' paramam' brahma balavachchakra eva cha.
Neetirhyaneetih' shuddhaatmaa shuddho maanyo gataagatah'..50..

Bahuprasaadah' susvapno darpano'tha tvamitrajit.
Vedakaaro mantrakaaro vidvaan samaramardanah'..51..

Mahaameghanivaasee cha mahaaghoro vasheekarah'.
Agnijvaalo mahaajvaalo atidhoomro huto havih'..52..

Vri'shanah' shankaro nityam' varchasvee dhoomaketanah'.
Neelastathaangalubdhashcha shobhano niravagrahah'..53..

Svastidah' svastibhaavashcha bhaagee bhaagakaro laghuh'.
Utsangashcha mahaangashcha mahaagarbhaparaayanah'..54..

Kri'shnavarnah' suvarnashcha indriyam' sarvadehinaam.
Mahaapaado mahaahasto mahaakaayo mahaayashaah'..55..

Mahaamoordhaa mahaamaatro mahaanetro nishaalayah'.
Mahaantako mahaakarno mahosht'hashcha mahaahanuh'..56..

Mahaanaaso mahaakamburmahaagreevah' shmashaanabhaak.
Mahaavakshaa mahorasko hyantaraatmaa mri'gaalayah'..57..

Lambano lambitosht'hashcha mahaamaayah' payonidhih'.
Mahaadanto mahaadam'sht'ro mahaajihvo mahaamukhah'..58..

Mahaanakho mahaaromo mahaakosho mahaajat'ah'.
Prasannashcha prasaadashcha pratyayo girisaadhanah'..59..

Snehano'snehanashchaiva ajitashcha mahaamunih'.
Vri'kshaakaaro vri'kshaketuranalo vaayuvaahanah'..60..

Gand'alee merudhaamaa cha devaadhipatireva cha.
Atharvasheershah' saamaasya ri'ksahasraamitekshanah'..61..

Yajuh' paadabhujo guhyah' prakaasho jangamastathaa.
Amoghaarthah' prasaadashcha abhigamyah' sudarshanah'..62..

Upakaarah' priyah' sarvah' kanakah' kaanchanachchhavih'.
Naabhirnandikaro bhaavah' pushkarah' sthapatih' sthirah'..63..

Dvaadashastraasanashchaadyo yajnyo yajnyasamaahitah'.
Naktam' kalishcha kaalashcha makarah' kaalapoojitah'..64..

Sagano ganakaarashcha bhootavaahanasaarathih'.
Bhasmashayo bhasmagoptaa bhasmabhootastarurganah'..65..

Lokapaalastathaa loko mahaatmaa sarvapoojitah'.
Shuklastrishuklah' sampannah' shuchirbhootanishevitah'..66..

Aashramasthah' kriyaavastho vishvakarmamatirvarah'.
Vishaalashaakhastaamrosht'ho hyambujaalah' sunishchalah'..67..

Kapilah' kapishah' shukla aayushchaiva paro'parah'.
Gandharvo hyaditistaarkshyah' suvijnyeyah' sushaaradah'..68..

Parashvadhaayudho deva anukaaree subaandhavah'.
Tumbaveeno mahaakrodha oordhvaretaa jaleshayah'..69..

Ugro vam'shakaro vam'sho vam'shanaado hyaninditah'.
Sarvaangaroopo maayaavee suhri'do hyanilo'nalah'..70..

Bandhano bandhakartaa cha subandhanavimochanah'.
Sayajnyaarih' sakaamaarirmahaadam'sht'ro mahaayudhah'..71..

Bahudhaa ninditah' sharvah' shankarah' shankaro'dhanah'.
Amaresho mahaadevo vishvadevah' suraarihaa..72..

Ahirbudhnyo'nilaabhashcha chekitaano havistathaa.
Ajaikapaachcha kaapaalee trishankurajitah' shivah'..73..

Dhanvantarirdhoomaketuh' skando vaishravanastathaa.
Dhaataa shakrashcha vishnushcha mitrastvasht'aa dhruvo dharah'..74..

Prabhaavah' sarvago vaayuraryamaa savitaa ravih'.
Ushangushcha vidhaataa cha maandhaataa bhootabhaavanah'..75..

Vibhurvarnavibhaavee cha sarvakaamagunaavahah'.
Padmanaabho mahaagarbhashchandravaktro'nilo'nalah'..76..

Balavaam'shchopashaantashcha puraanah' punyachanchuree.
Kurukartaa kuruvaasee kurubhooto gunaushadhah'..77..

Sarvaashayo darbhachaaree sarveshaam' praaninaam' patih'.
Devadevah' sukhaasaktah' sadasat sarvaratnavit..78..

Kailaasagirivaasee cha himavadgirisam'shrayah'.
Koolahaaree koolakartaa bahuvidyo bahupradah'..79..

Vanijo vardhakee vri'ksho vakulashchandanashchhadah'.
Saaragreevo mahaajatruralolashcha mahaushadhah'..80..

Siddhaarthakaaree siddhaarthashchhandovyaakaranottarah'.
Sim'hanaadah' sim'hadam'sht'rah' sim'hagah' sim'havaahanah'..81..

Prabhaavaatmaa jagatkaalasthaalo lokahitastaruh'.
Saarango navachakraangah' ketumaalee sabhaavanah'..82..

Bhootaalayo bhootapatirahoraatramaninditah' ..83..

Vaahitaa sarvabhootaanaam' nilayashcha vibhurbhavah'.
Amoghah' sam'yato hyashvo bhojanah' praanadhaaranah'..84..

Dhri'timaan matimaan dakshah' satkri'tashcha yugaadhipah'.
Gopaalirgopatirgraamo gocharmavasano harih'..85..

Hiranyabaahushcha tathaa guhaapaalah' praveshinaam.
Prakri'sht'aarirmahaaharsho jitakaamo jitendriyah'..86..

Gaandhaarashcha suvaasashcha tapah'sakto ratirnarah'.
Mahaageeto mahaanri'tyo hyapsaroganasevitah'..87..

Mahaaketurmahaadhaaturnaikasaanucharashchalah'.
Aavedaneeya aadeshah' sarvagandhasukhaavahah'..88..

Toranastaarano vaatah' paridheeh' patikhecharah'.
Sam'yogo vardhano vri'ddho ativri'ddho gunaadhikah'..89..

Nityamaatmasahaayashcha devaasurapatih' patih'.
Yuktashcha yuktabaahushcha devo divi suparvanah'..90..

Aashaad'hashcha sushaad'hashcha dhruvo'tha harino harah'.
Vapuraavartamaanebhyo vasushresht'ho mahaapathah'..91..

Shirohaaree vimarshashcha sarvalakshanalakshitah'.
Akshashcha rathayogee cha sarvayogee mahaabalah'..92..

Samaamnaayo'samaamnaayasteerthadevo mahaarathah'.
Nirjeevo jeevano mantrah' shubhaaksho bahukarkashah'..93..

Ratnaprabhooto raktaango mahaarnavanipaanavit.
Moolam' vishaalo hyamri'to vyaktaavyaktastaponidhih'..94..

Aarohano'dhirohashcha sheeladhaaree mahaayashaah'.
Senaakalpo mahaakalpo yogo yugakaro harih'..95..

Yugaroopo mahaaroopo mahaanaagahano vadhah'.
Nyaayanirvapanah' paadah' pand'ito hyachalopamah'..96..

Bahumaalo mahaamaalah' shashee harasulochanah'.
Vistaaro lavanah' koopastriyugah' saphalodayah'..97..

Trilochano vishannaango manividdho jat'aadharah'.
Bindurvisargah' sumukhah' sharah' sarvaayudhah' sahah'..98..

Nivedanah' sukhaajaatah' sugandhaaro mahaadhanuh'.
Gandhapaalee cha bhagavaanutthaanah' sarvakarmanaam..99..

Manthaano bahulo vaayuh' sakalah' sarvalochanah'.
Talastaalah' karasthaalee oordhvasam'hanano mahaan..100..

Chhatram' suchchhatro vikhyaato lokah' sarvaashrayah' kramah'.
Mund'o viroopo vikri'to dand'ee kund'ee vikurvanah'..101..

Haryakshah' kakubho vajree shatajihvah' sahasrapaat.
Sahasramoordhaa devendrah' sarvadevamayo guruh'..102..

Sahasrabaahuh' sarvaangah' sharanyah' sarvalokakri't.
Pavitram' trikakunmantrah' kanisht'hah' kri'shnapingalah'..103..

Brahmadand'avinirmaataa shataghneepaashashaktimaan.
Padmagarbho mahaagarbho brahmagarbho jalodbhavah'..104..

Gabhastirbrahmakri'd-brahmee brahmavid-braahmano gatih'.
Anantaroopo naikaatmaa tigmatejaah' svayambhuvah'..105..

Oordhvagaatmaa pashupatirvaataram'haa manojavah'.
Chandanee padmanaalaagrah' surabhyuttarano narah'..106..

Karnikaaramahaasragvee neelamaulih' pinaakadhri'k.
Umaapatirumaakaanto jaahnaveedhri'gumaadhavah'..107..

Varo varaaho varado varenyah' sumahaasvanah'.
Mahaaprasaado damanah' shatruhaa shvetapingalah'..108..

Peetaatmaa paramaatmaa cha prayataatmaa pradhaanadhri'k.
Sarvapaarshvamukhastryaksho dharmasaadhaarano varah'..109..

Charaacharaatmaa sookshmaatmaa hyamri'to govri'sheshvarah'.
Saadhyarshirvasuraadityo vivasvaan savitaa'mri'tah'..110..

Vyaasah' sargah' susankshepo vistarah' paryayo narah'.
Ri'tuh' sam'vatsaro maasah' pakshah' sankhyaasamaapanah'..111..

Kalaah' kaasht'haa lavaa maatraa muhoortaahah' kshapaah' kshanaah'.
Vishvakshetram' prajaabeejam' lingamaadyastu nirgamah'..112..

Sadasadvyaktamavyaktam' pitaa maataa pitaamahah'.
Svargadvaaram' prajaadvaaram' mokshadvaaram' trivisht'apam..113..

Nirvaanam' hlaadanashchaiva brahmalokah' paraa gatih'.
Devaasuravinirmaataa devaasuraparaayanah'..114..

Devaasuragururdevo devaasuranamaskri'tah'.
Devaasuramahaamaatro devaasuraganaashrayah'..115..

Devaasuraganaadhyaksho devaasuraganaagraneeh'.
Devaatidevo devarshirdevaasuravarapradah'..116..

Devaasureshvaro vishvo devaasuramaheshvarah'.
Sarvadevamayo'chintyo devataatmaa''tmasambhavah'..117..

Udbhittrivikramo vaidyo virajo neerajo'marah'.
Eed'yo hasteeshvaro vyaaghro devasim'ho nararshabhah'..118..

Vibudho'gravarah' sookshmah' sarvadevastapomayah'.
Suyuktah' shobhano vajree praasaanaam' prabhavo'vyayah'..119..

Guhah' kaanto nijah' sargah' pavitram' sarvapaavanah'.
Shri'ngee shri'ngapriyo babhroo raajaraajo niraamayah'..120..

Abhiraamah' suragano viraamah' sarvasaadhanah'.
Lalaat'aaksho vishvadevo harino brahmavarchasah'..121..

Sthaavaraanaam' patishchaiva niyamendriyavardhanah'.
Siddhaarthah' siddhabhootaartho'chintyah' satyavratah' shuchih'..122..

Vrataadhipah' param' brahma bhaktaanaam' paramaa gatih'.
Vimukto muktatejaashcha shreemaan shreevardhano jagat..123..

Shreemaan shreevardhano jagat om' nama iti.
Uttarabhaagah'
Yathaa pradhaanam' bhagavaan iti bhaktyaa stuto mayaa.
Yam' na brahmaadayo devaa vidustattvena narshayah'..1..

Stotavyamarchyam' vandyam' cha kah' stoshyati jagatpatim.
Bhaktim' tvevam' puraskri'tya mayaa yajnyapatirvibhuh'..2..

Tato'bhyanujnyaam' sampraapya stuto matimataam' varah'.
Shivamebhih' stuvan devam' naamabhih' pusht'ivardhanaih'.
Nityayuktah' shuchirbhaktah' praapnotyaatmaanamaatmanaa..3..

Ri'shayashchaiva devaashcha stuvantyetena tatparam.
Stooyamaano mahaadevastushyate niyamaatmabhih'..4..

Bhaktaanukampee bhagavaan aatmasam'sthaakaro vibhuh'.
Tathaiva cha manushyeshu ye manushyaah' pradhaanatah'..5..

Aastikaah' shraddadhaanaashcha bahubhirjanmabhih' stavaih'.
Bhaktyaa hyananyameeshaanam' param' devam' sanaatanam..6..

Karmanaa manasaa vaachaa bhaavenaamitatejasah'.
Shayaanaa jaagramaanaashcha vrajannupavisham'stathaa..7..

Unmishannimisham'shchaiva chintayantah' punah' punah'.
Shri'nvantah' shraavayantashcha kathayantashcha te bhavam..8..

Stuvantah' stooyamaanaashcha tushyanti cha ramanti cha.
Janmakot'isahasreshu naanaasam'saarayonishu..9..

Jantorvigatapaapasya bhave bhaktih' prajaayate.
Utpannaa cha bhave bhaktirananyaa sarvabhaavatah'..10..

Bhaavinah' kaarane chaasya sarvayuktasya sarvathaa.
Etaddeveshu dushpraapam' manushyeshu na labhyate..11..

Nirvighnaa nishchalaa rudre bhaktiravyabhichaarinee.
Tasyaiva cha prasaadena bhaktirutpadyate nri'naam.
Yena yaanti paraam' siddhim' tadbhaavagatachetasah'..12..

Ye sarvabhaavaanugataah' prapadyante maheshvaram.
Prapannavatsalo devah' sam'saaraat taan samuddharet..13..

Evam anye vikurvanti devaah' sam'saaramochanam.
Manushyaanaamri'te devam' naanyaa shaktistapobalam..14..

Iti tenendrakalpena bhagavaan sadasatpatih'.
Kri'ttivaasaah' stutah' kri'shna tand'inaa shuddhabuddhinaa..15..

Stavametam' bhagavato brahmaa svayamadhaarayat.
Geeyate cha sa buddhyeta brahmaa shankarasannidhau..16..

Idam' punyam' pavitram' cha sarvadaa paapanaashanam.
Yogadam' mokshadam' chaiva svargadam' toshadam' tathaa..17..

Evametat pat'hante ya ekabhaktyaa tu shankaram.
Yaa gatih' saankhyayogaanaam' vrajantyetaam' gatim' tadaa..18..

Stavametam' prayatnena sadaa rudrasya sannidhau.
Abdamekam' charedbhaktah' praapnuyaadeepsitam' phalam..19..

Etadrahasyam' paramam' brahmano hri'di sam'sthitam.
Brahmaa provaacha shakraaya shakrah' provaacha mri'tyave..20..

Mri'tyuh' provaacha rudrebhyo rudrebhyastand'imaagamat.
Mahataa tapasaa praaptastand'inaa brahmasadmani..21..

Tand'ih' provaacha shukraaya gautamaaya cha bhaargavah'.
Vaivasvataaya manave gautamah' praaha maadhava..22..

Naaraayanaaya saadhyaaya samaadhisht'haaya dheemate.
Yamaaya praaha bhagavaan saadhyo naaraayano'chyutah'..23..

Naachiketaaya bhagavaan aaha vaivasvato yamah'.
Maarkand'eyaaya vaarshneya naachiketo'bhyabhaashata..24..

Maarkand'eyaanmayaa praaptam' niyamena janaardana.
Tavaapyaham amitraghna stavam' dadyaam' hyavishrutam..25..

Svargyamaarogyamaayushyam' dhanyam' vedena sammitam.
Naasya vighnam' vikurvanti daanavaa yaksharaakshasaah'.
Pishaachaa yaatudhaanaashcha guhyakaa bhujagaa api..26..

Yah' pat'heta shuchirbhootvaa brahmachaaree jitendriyah'.
Abhagnayogo varsham' tu so'shvamedhaphalam' labhet..27..

Jaigeeshavya uvaacha
Mamaasht'agunamaishvaryam' dattam' bhagavataa puraa.
Yatnenaanyena balinaa vaaraanasyaam' yudhisht'hira..28..

Vaaraanasyaam' yudhisht'hira om' nama iti.
Garga uvaacha
Chatuh'shasht'yangamadadat kalaajnyaanam' mamaadbhutam.
Sarasvatyaastat'e tusht'o manoyajnyena paand'ava..29..

Manoyajnyena paand'ava om' nama iti.
Vaishampaayana uvaacha
Tatah' kri'shno'braveedvaakyam' punarmatimataam' varah'.
Yudhisht'hiram' dharmanidhim' puruhootamiveshvarah'.
Upamanyurmayi praaha tapanniva divaakarah'..30..

Ashubhaih' paapakarmaano ye naraah' kalusheekri'taah'.
Eeshaanam' na prapadyante tamoraajasavri'ttayah'.
Eeshvaram' samprapadyante dvijaa bhaavitabhaavanaah'..31..

Evameva mahaadeva bhaktaa ye maanavaa bhuvi.
Na te sam'saaravashagaa iti me nishchitaa matih'..32..

Iti me nishchitaa matih' om' nama iti.
Duh'svapna-duh'shakuna-durgati-daurmanasya
Durbhiksha-durvyasana-duh'saha-duryashaam'si.
Utpaata-taapa-vishabheetim asad-grahaartim
Vyaadheem'shcha naashayatu me jagataamadheeshah'..

.. Iti shreemanmahaabhaarate shatasaahasryaam' sam'hitaayaam' vaiyaasikyaam aanushaasanikaparvani asht'aadasho'dhyaayah' ..