॥ শিভ়সহস্রনামস্তোত্রম্ ॥

শুক্লাম্বরধরং ভ়িষ্ণুং শশিভ়র্ণং চতুর্ভুজম্।
প্রসন্নভ়দনং ধ্যাযেৎ সর্ভ়ভ়িঘ্নোপশান্তযে॥

নমোঽস্তু তে ভ়্যাস ভ়িশালবুদ্ধে ফুল্লারভ়িন্দাযতপত্রনেত্র।
যেন ত্বযা ভারততৈলপূর্ণঃ প্রজ্বালিতো জ্ঞানমযঃ প্রদীপঃ॥

নারাযণং নমস্কৃত্য নরং চৈভ় নরোত্তমম্।
দেভ়ীং সরস্বতীং ভ়্যাসং ততো জযমুদীরযে॥

ভ়ন্দে শম্ভুমুমাপতিং সুরগুরুং ভ়ন্দে জগৎকারণম্
ভ়ন্দে পন্নগভূষণং মৃগধরং ভ়ন্দে পশূনাং পতিম্।
ভ়ন্দে সূর্যশশাঙ্কভ়হ্নিনযনং ভ়ন্দে মুকুন্দপ্রিযম্
ভ়ন্দে ভক্তজনাশ্রযং চ ভ়রদং ভ়ন্দে শিভ়ং শঙ্করম্॥

॥ পূর্ভ়ভাগঃ॥

যুধিষ্ঠির উভ়াচ
ত্বযাঽঽপগেয নামানি শ্রুতানীহ জগৎপতেঃ।
পিতামহেশায ভ়িভোর্নামান্যাচক্ষ্ব শম্ভভ়ে॥১॥

বভ্রভ়ে ভ়িশ্বরূপায মহাভাগ্যং চ তত্ত্বতঃ।
সুরাসুরগুরৌ দেভ়ে শঙ্করেঽভ়্যক্তযোনযে॥২॥

ভীষ্ম উভ়াচ
অশক্তোঽহং গুণান্ ভ়ক্তুং মহাদেভ়স্য ধীমতঃ।
যো হি সর্ভ়গতো দেভ়ো ন চ সর্ভ়ত্র দৃশ্যতে॥৩॥

ব্রহ্মভ়িষ্ণুসুরেশানাং স্রষ্টা চ প্রভুরেভ় চ।
ব্রহ্মাদযঃ পিশাচান্তা যং হি দেভ়া উপাসতে॥৪॥

প্রকৃতীনাং পরত্বেন পুরুষস্য চ যঃ পরঃ।
চিন্ত্যতে যো যোগভ়িদ্ভির়্ষিভিস্তত্ত্বদর্শিভিঃ॥৫॥

প্রকৃতিং পুরুষং চৈভ় ক্ষোভযিত্বা স্বতেজসা।
ব্রহ্মাণমসৃজৎ তস্মাদ্দেভ়দেভ়ঃ প্রজাপতিঃ॥৬॥

কো হি শক্তো গুণান্ ভ়ক্তুং দেভ়দেভ়স্য ধীমতঃ।
গর্ভজন্মজরাযুক্তো মর্ত্যো মৃত্যুসমন্বিতঃ॥৭॥

কো হি শক্তো ভভ়ং জ্ঞাতুং মদ্বিধঃ পরমেশ্বরম্।
ঋতে নারাযণাৎ পুত্র শঙ্খচক্রগদাধরাৎ॥৮॥

এষ ভ়িদ্বান্ গুণশ্রেষ্ঠো ভ়িষ্ণুঃ পরমদুর্জযঃ।
দিভ়্যচক্ষুর্মহাতেজা ভ়ীক্ষ্যতে যোগচক্ষুষা॥৯॥

রুদ্রভক্ত্যা তু কৃষ্ণেন জগদ্ব্যাপ্তং মহাত্মনা।
তং প্রসাদ্য তদা দেভ়ং বদর্যাং কিল ভারত॥১০॥

অর্থাৎ প্রিযতরত্বং চ সর্ভ়লোকেষু ভ়ৈ তদা।
প্রাপ্তভ়ানেভ় রাজেন্দ্র সুভ়র্ণাক্ষান্মহেশ্বরাৎ॥১১॥

পূর্ণং ভ়র্ষসহস্রং তু তপ্তভ়ানেষ মাধভ়ঃ।
প্রসাদ্য ভ়রদং দেভ়ং চরাচরগুরুং শিভ়ম্॥১২॥

যুগে যুগে তু কৃষ্ণেন তোষিতো ভ়ৈ মহেশ্বরঃ।
ভক্ত্যা পরমযা চৈভ় প্রীতশ্চৈভ় মহাত্মনঃ॥১৩॥

ঐশ্বর্যং যাদৃশং তস্য জগদ্যোনের্মহাত্মনঃ।
তদযং দৃষ্টভ়ান্ সাক্ষাৎ পুত্রার্থে হরিরচ্যুতঃ॥১৪॥

যস্মাৎ পরতরং চৈভ় নান্যং পশ্যামি ভারত।
ভ়্যাখ্যাতুং দেভ়দেভ়স্য শক্তো নামান্যশেষতঃ॥১৫॥

এষ শক্তো মহাবাহুর্ভ়ক্তুং ভগভ়তো গুণান্।
ভ়িভূতিং চৈভ় কার্ত্স্ন্যেন সত্যাং মাহেশ্বরীং নৃপ॥১৬॥

সুরাসুরগুরো দেভ় ভ়িষ্ণো ত্বং ভ়ক্তুম্ অর্হসি।
শিভ়ায শিভ়রূপায যন্মাঽপৃচ্ছদ্যুধিষ্ঠিরঃ॥১৭॥

নাম্নাং সহস্রং দেভ়স্য তণ্ডিনা ব্রহ্মভ়াদিনা।
নিভ়েদিতং ব্রহ্মলোকে ব্রহ্মণো যৎ পুরাঽভভ়ৎ॥১৮॥

দ্বৈপাযনপ্রভৃতযস্তথা চেমে তপোধনাঃ।
ঋষযঃ সুভ়্রতা দান্তাঃ শৃণ্বন্তু গদতস্তভ়॥১৯॥

ভ়াসুদেভ় উভ়াচ
ন গতিঃ কর্মণাং শক্যা ভ়েত্তুমীশস্য তত্ত্বতঃ।
হিরণ্যগর্ভপ্রমুখা দেভ়াঃ সেন্দ্রা মহর্ষযঃ॥২০॥

ন ভ়িদুর্যস্য নিধনম্ আদিং ভ়া সূক্ষ্মদর্শিনঃ।
স কথং নামমাত্রেণ শক্যো জ্ঞাতুং সতাং গতিঃ॥২১॥

তস্যাহম্ অসুরঘ্নস্য কাংশ্চিদ্ভগভ়তো গুণান্।
ভভ়তাং কীর্তযিষ্যামি ভ়্রতেশায যথাতথম্॥২২॥

ভ়ৈশম্পাযন উভ়াচ
এভ়মুক্ত্বা তু ভগভ়ান্ গুণাংস্তস্য মহাত্মনঃ।
উপস্পৃশ্য শুচির্ভূত্বা কথযামাস ধীমতঃ॥২৩॥

ভ়াসুদেভ় উভ়াচ
ততঃ স প্রযতো ভূত্বা মম তাত যুধিষ্ঠির।
প্রাঞ্জলিঃ প্রাহ ভ়িপ্রর্ষির্নামসঙ্গ্রহামাদিতঃ॥২৪॥

উপমন্যুরুভ়াচ
ব্রহ্মপ্রোক্তৈর়্ষিপ্রোক্তৈর্ভ়েদভ়েদাঙ্গসম্ভভ়ৈঃ।
সর্ভ়লোকেষু ভ়িখ্যাতং স্তুত্যং স্তোষ্যামি নামভিঃ॥২৫॥

মহদ্ভির্ভ়িহিতৈঃ সত্যৈঃ সিদ্ধৈঃ সর্ভ়ার্থসাধকৈঃ।
ঋষিণা তণ্ডিনা ভক্ত্যা কৃতৈর্ভ়েদকৃতাত্মনা॥২৬॥

যথোক্তৈঃ সাধুভিঃ খ্যাতৈর্মুনিভিস্তত্ত্বদর্শিভিঃ।
প্রভ়রং প্রথমং স্বর্গ্যং সর্ভ়ভূতহিতং শুভম্॥২৭॥

শ্রুতৈঃ সর্ভ়ত্র জগতি ব্রহ্মলোকাভ়তারিতৈঃ।
সত্যৈস্তৎ পরমং ব্রহ্ম ব্রহ্মপ্রোক্তং সনাতনম্।
ভ়ক্ষ্যে যদুকুলশ্রেষ্ঠ শৃণুষ্বাভ়হিতো মম॥২৮॥

ভ়রযৈনং ভভ়ং দেভ়ং ভক্তস্ত্বং পরমেশ্বরম্।
তেন তে শ্রাভ়যিষ্যামি যৎ তদ্‌ব্রহ্ম সনাতনম্॥২৯॥

ন শক্যং ভ়িস্তরাৎ কৃৎস্নং ভ়ক্তুং শর্ভ়স্য কেনচিৎ।
যুক্তেনাপি ভ়িভূতীনামপি ভ়র্ষশতৈরপি॥৩০॥

যস্যাদির্মধ্যমন্তং চ সুরৈরপি ন গম্যতে।
কস্তস্য শক্নুযাদ্বক্তুং গুণান্ কার্ত্স্ন্যেন মাধভ়॥৩১॥

কিং তু দেভ়স্য মহতঃ সঙ্ক্ষিপ্তার্থপদাক্ষরম্।
শক্তিতশ্চরিতং ভ়ক্ষ্যে প্রসাদাৎ তস্য ধীমতঃ॥৩২॥

অপ্রাপ্য তু ততোঽনুজ্ঞাং ন শক্যঃ স্তোতুমীশ্বরঃ।
যদা তেনাভ্যনুজ্ঞাতঃ স্তুতো ভ়ৈ স তদা মযা॥৩৩॥

অনাদিনিধনস্যাহং জগদ্যোনের্মহাত্মনঃ।
নাম্নাং কঞ্চিৎ সমুদ্দেশ্যং ভ়ক্ষ্যাম্যভ়্যক্তযোনিনঃ॥৩৪॥

ভ়রদস্য ভ়রেণ্যস্য ভ়িশ্বরূপস্য ধীমতঃ।
শৃণু নাম্নাং চযং কৃষ্ণ যদুক্তং পদ্মযোনিনা॥৩৫॥

দশনামসহস্রাণি যান্যাহ প্রপিতামহঃ।
তানি নির্মথ্য মনসা দধ্নো ঘৃতমিভ়োদ্ধৃতম্॥৩৬॥

গিরেঃ সারং যথা হেম পুষ্পসারং যথা মধু।
ঘৃতাৎ সারং যথা মণ্ডস্তথৈতৎ সারমুদ্ধৃতম্॥৩৭॥

সর্ভ়পাপাপহমিদং চতুর্ভ়েদসমন্বিতম্।
প্রযত্নেনাধিগন্তভ়্যং ধার্যং চ প্রযতাত্মনা॥৩৮॥

সর্ভ়ভূতাত্মভূতস্য হরস্যামিততেজসঃ।
অষ্টোত্তরসহস্রং তু নাম্নাং শর্ভ়স্য মে শৃণু।
যচ্ছ্রুত্বা মনুজভ়্যাঘ্র সর্ভ়ান্ কামানভ়াপ্স্যসি॥৩৯॥

শান্তং পদ্মানস্থং শশিধরমুকুটং পঞ্চভ়ক্ত্রং ত্রিনেত্রম্
শূলং ভ়জ্রং চ খড্গং পরশুমভযদং দক্ষভাগে ভ়হন্তম্।
নাগং পাশং ঘণ্টাং প্রলযহুতভ়হং সাঙ্কুশং ভ়ামভাগে
নানালঙ্কারযুক্তং স্ফটিকমণিনিভং পার্ভ়তীশং নমামি॥

স্তোত্রম্
ওং স্থিরঃ স্থাণুঃ প্রভুর্ভীমঃ প্রভ়রো ভ়রদো ভ়রঃ।
সর্ভ়াত্মা সর্ভ়ভ়িখ্যাতঃ সর্ভ়ঃ সর্ভ়করো ভভ়ঃ॥১॥

জটী চর্মী শিখণ্ডী চ সর্ভ়াঙ্গঃ সর্ভ়ভাভ়নঃ।
হরশ্চ হরিণাক্ষশ্চ সর্ভ়ভূতহরঃ প্রভুঃ॥২॥

প্রভ়ৃত্তিশ্চ নিভ়ৃত্তিশ্চ নিযতঃ শাশ্বতো ধ্রুভ়ঃ।
শ্মশানভ়াসী ভগভ়ান্ খচরো গোচরোঽর্দনঃ॥৩॥

অভিভ়াদ্যো মহাকর্মা তপস্বী ভূতভাভ়নঃ।
উন্মত্তভ়েষপ্রচ্ছন্নঃ সর্ভ়লোকপ্রজাপতিঃ॥৪॥

মহারূপো মহাকাযো ভ়ৃষরূপো মহাযশাঃ।
মহাত্মা সর্ভ়ভূতাত্মা ভ়িশ্বরূপো মহাহনুঃ॥৫॥

লোকপালোঽন্তর্হিতাত্মা প্রসাদো হযগর্দভিঃ।
পভ়িত্রং চ মহাংশ্চৈভ় নিযমো নিযমাশ্রিতঃ॥৬॥

সর্ভ়কর্মা স্বযম্ভূত আদিরাদিকরো নিধিঃ।
সহস্রাক্ষো ভ়িশালাক্ষঃ সোমো নক্ষত্রসাধকঃ॥৭॥

চন্দ্রঃ সূর্যঃ শনিঃ কেতুর্গ্রহো গ্রহপতির্ভ়রঃ।
অত্রিরত্র্যানমস্কর্তা মৃগবাণার্পণোঽনঘঃ॥৮॥

মহাতপা ঘোরতপা অদীনো দীনসাধকঃ।
সংভ়ৎসরকরো মন্ত্রঃ প্রমাণং পরমং তপঃ॥৯॥

যোগী যোজ্যো মহাবীজো মহারেতা মহাবলঃ।
সুভ়র্ণরেতাঃ সর্ভ়জ্ঞঃ সুবীজো বীজভ়াহনঃ॥১০॥

দশবাহুস্ত্বনিমিষো নীলকণ্ঠ উমাপতিঃ।
ভ়িশ্বরূপঃ স্বযংশ্রেষ্ঠো বলভ়ীরোঽবলো গণঃ॥১১॥

গণকর্তা গণপতির্দিগ্বাসাঃ কাম এভ় চ।
মন্ত্রভ়িৎ পরমো মন্ত্রঃ সর্ভ়ভাভ়করো হরঃ॥১২॥

কমণ্ডলুধরো ধন্বী বাণহস্তঃ কপালভ়ান্।
অশনী শতঘ্নী খড্গী পট্টিশী চঽঽযুধী মহান্॥১৩॥

স্রুভ়হস্তঃ সুরূপশ্চ তেজস্তেজস্করো নিধিঃ।
উষ্ণিষী চ সুভ়ক্ত্রশ্চ উদগ্রো ভ়িনতস্তথা॥১৪॥

দীর্ঘশ্চ হরিকেশশ্চ সুতীর্থঃ কৃষ্ণ এভ় চ।
সৃগালরূপঃ সিদ্ধার্থো মুণ্ডঃ সর্ভ়শুভঙ্করঃ॥১৫॥

অজশ্চ বহুরূপশ্চ গন্ধধারী কপর্দ্যপি।
ঊর্ধ্বরেতা ঊর্ধ্বলিঙ্গ ঊর্ধ্বশাযী নভঃস্থলঃ॥১৬॥

ত্রিজটী চীরভ়াসাশ্চ রুদ্রঃ সেনাপতির্ভ়িভুঃ।
অহশ্চরো নক্তঞ্চরস্তিগ্মমন্যুঃ সুভ়র্চসঃ॥১৭॥

গজহা দৈত্যহা কালো লোকধাতা গুণাকরঃ।
সিংহশার্দূলরূপশ্চ আর্দ্রচর্মাম্বরাভ়ৃতঃ॥১৮॥

কালযোগী মহানাদঃ সর্ভ়কামশ্চতুষ্পথঃ।
নিশাচরঃ প্রেতচারী ভূতচারী মহেশ্বরঃ॥১৯॥

বহুভূতো বহুধরঃ স্বর্ভানুরমিতো গতিঃ।
নৃত্যপ্রিযো নিত্যনর্তো নর্তকঃ সর্ভ়লালসঃ॥২০॥

ঘোরো মহাতপাঃ পাশো নিত্যো গিরিরুহো নভঃ।
সহস্রহস্তো ভ়িজযো ভ়্যভ়সাযো হ্যতন্দ্রিতঃ॥২১॥

অধর্ষণো ধর্ষণাত্মা যজ্ঞহা কামনাশকঃ।
দক্ষযাগাপহারী চ সুসহো মধ্যমস্তথা॥২২॥

তেজোপহারী বলহা মুদিতোঽর্থোঽজিতো ভ়রঃ।
গম্ভীরঘোষো গম্ভীরো গম্ভীরবলভ়াহনঃ॥২৩॥

ন্যগ্রোধরূপো ন্যগ্রোধো ভ়ৃক্ষকর্ণস্থিতির্ভ়িভুঃ।
সুতীক্ষ্ণদশনশ্চৈভ় মহাকাযো মহাননঃ॥২৪॥

ভ়িষ্বক্সেনো হরির্যজ্ঞঃ সংযুগাপীডভ়াহনঃ।
তীক্ষ্ণতাপশ্চ হর্যশ্বঃ সহাযঃ কর্মকালভ়িৎ॥২৫॥

ভ়িষ্ণুপ্রসাদিতো যজ্ঞঃ সমুদ্রো বডভ়ামুখঃ।
হুতাশনসহাযশ্চ প্রশান্তাত্মা হুতাশনঃ॥২৬॥

উগ্রতেজা মহাতেজা জন্যো ভ়িজযকালভ়িৎ।
জ্যোতিষামযনং সিদ্ধিঃ সর্ভ়ভ়িগ্রহ এভ় চ॥২৭॥

শিখী মুণ্ডী জটী জ্বালী মূর্তিজো মূর্ধজো বলী।
ভ়ৈণভ়ী পণভ়ী তালী খলী কালকটঙ্কটঃ॥২৮॥

নক্ষত্রভ়িগ্রহমতির্গুণবুদ্ধির্লযোঽগমঃ।
প্রজাপতির্ভ়িশ্ববাহুর্ভ়িভাগঃ সর্ভ়গোঽমুখঃ॥২৯॥

ভ়িমোচনঃ সুসরণো হিরণ্যকভ়চোদ্ভভ়ঃ।
মেঢ্রজো বলচারী চ মহীচারী স্রুতস্তথা॥৩০॥

সর্ভ়তূর্যভ়িনোদী চ সর্ভ়াতোদ্যপরিগ্রহঃ।
ভ়্যালরূপো গুহাভ়াসী গুহো মালী তরঙ্গভ়িৎ॥৩১॥

ত্রিদশস্ত্রিকালধৃক্ কর্মসর্ভ়বন্ধভ়িমোচনঃ।
বন্ধনস্ত্বসুরেন্দ্রাণাং যুধি শত্রুভ়িনাশনঃ॥৩২॥

সাঙ্খ্যপ্রসাদো দুর্ভ়াসাঃ সর্ভ়সাধুনিষেভ়িতঃ।
প্রস্কন্দনো ভ়িভাগজ্ঞোঽতুল্যো যজ্ঞভ়িভাগভ়িৎ॥৩৩॥

সর্ভ়ভ়াসঃ সর্ভ়চারী দুর্ভ়াসা ভ়াসভ়োঽমরঃ।
হৈমো হেমকরো যজ্ঞঃ সর্ভ়ধারী ধরোত্তমঃ॥৩৪॥

লোহিতাক্ষো মহাক্ষশ্চ ভ়িজযাক্ষো ভ়িশারদঃ।
সঙ্গ্রহো নিগ্রহঃ কর্তা সর্পচীরনিভ়াসনঃ॥৩৫॥

মুখ্যোঽমুখ্যশ্চ দেহশ্চ কাহলিঃ সর্ভ়কামদঃ।
সর্ভ়কালপ্রসাদশ্চ সুবলো বলরূপধৃক্॥৩৬॥

সর্ভ়কামভ়রশ্চৈভ় সর্ভ়দঃ সর্ভ়তোমুখঃ।
আকাশনির্ভ়িরূপশ্চ নিপাতী হ্যভ়শঃ খগঃ॥৩৭॥

রৌদ্ররূপোংঽশুরাদিত্যো বহুরশ্মিঃ সুভ়র্চসী।
ভ়সুভ়েগো মহাভ়েগো মনোভ়েগো নিশাচরঃ॥৩৮॥

সর্ভ়ভ়াসী শ্রিযাভ়াসী উপদেশকরোঽকরঃ।
মুনিরাত্মনিরালোকঃ সম্ভগ্নশ্চ সহস্রদঃ॥৩৯॥

পক্ষী চ পক্ষরূপশ্চ অতিদীপ্তো ভ়িশাম্পতিঃ।
উন্মাদো মদনঃ কামো হ্যশ্বত্থোঽর্থকরো যশঃ॥৪০॥

ভ়ামদেভ়শ্চ ভ়ামশ্চ প্রাগ্দক্ষিণশ্চ ভ়ামনঃ।
সিদ্ধযোগী মহর্ষিশ্চ সিদ্ধার্থঃ সিদ্ধসাধকঃ॥৪১॥

ভিক্ষুশ্চ ভিক্ষুরূপশ্চ ভ়িপণো মৃদুরভ়্যযঃ।
মহাসেনো ভ়িশাখশ্চ ষষ্ঠিভাগো গভ়াং পতিঃ॥৪২॥

ভ়জ্রহস্তশ্চ ভ়িষ্কম্ভী চমূস্তম্ভন এভ় চ।
ভ়ৃত্তাভ়ৃত্তকরস্তালো মধুর্মধুকলোচনঃ॥৪৩॥

ভ়াচস্পত্যো ভ়াজসনো নিত্যমাশ্রিতপূজিতঃ।
ব্রহ্মচারী লোকচারী সর্ভ়চারী ভ়িচারভ়িৎ॥৪৪॥

ঈশান ঈশ্বরঃ কালো নিশাচারী পিনাকভ়ান্।
নিমিত্তস্থো নিমিত্তং চ নন্দির্নন্দিকরো হরিঃ॥৪৫॥

নন্দীশ্বরশ্চ নন্দী চ নন্দনো নন্দিভ়র্ধনঃ।
ভগহারী নিহন্তা চ কালো ব্রহ্মা পিতামহঃ॥৪৬॥

চতুর্মুখো মহালিঙ্গশ্চারুলিঙ্গস্তথৈভ় চ।
লিঙ্গাধ্যক্ষঃ সুরাধ্যক্ষো যোগাধ্যক্ষো যুগাভ়হঃ॥৪৭॥

বীজাধ্যক্ষো বীজকর্তা অধ্যাত্মাঽনুগতো বলঃ।
ইতিহাসঃ সকল্পশ্চ গৌতমোঽথ নিশাকরঃ॥৪৮॥

দম্ভো হ্যদম্ভো ভ়ৈদম্ভো ভ়শ্যো ভ়শকরঃ কলিঃ।
লোককর্তা পশুপতির্মহাকর্তা হ্যনৌষধঃ॥৪৯॥

অক্ষরং পরমং ব্রহ্ম বলভ়চ্চক্র এভ় চ।
নীতির্হ্যনীতিঃ শুদ্ধাত্মা শুদ্ধো মান্যো গতাগতঃ॥৫০॥

বহুপ্রসাদঃ সুস্বপ্নো দর্পণোঽথ ত্বমিত্রজিৎ।
ভ়েদকারো মন্ত্রকারো ভ়িদ্বান্ সমরমর্দনঃ॥৫১॥

মহামেঘনিভ়াসী চ মহাঘোরো ভ়শীকরঃ।
অগ্নিজ্বালো মহাজ্বালো অতিধূম্রো হুতো হভ়িঃ॥৫২॥

ভ়ৃষণঃ শঙ্করো নিত্যং ভ়র্চস্বী ধূমকেতনঃ।
নীলস্তথাঙ্গলুব্ধশ্চ শোভনো নিরভ়গ্রহঃ॥৫৩॥

স্বস্তিদঃ স্বস্তিভাভ়শ্চ ভাগী ভাগকরো লঘুঃ।
উৎসঙ্গশ্চ মহাঙ্গশ্চ মহাগর্ভপরাযণঃ॥৫৪॥

কৃষ্ণভ়র্ণঃ সুভ়র্ণশ্চ ইন্দ্রিযং সর্ভ়দেহিনাম্।
মহাপাদো মহাহস্তো মহাকাযো মহাযশাঃ॥৫৫॥

মহামূর্ধা মহামাত্রো মহানেত্রো নিশালযঃ।
মহান্তকো মহাকর্ণো মহোষ্ঠশ্চ মহাহনুঃ॥৫৬॥

মহানাসো মহাকম্বুর্মহাগ্রীভ়ঃ শ্মশানভাক্।
মহাভ়ক্ষা মহোরস্কো হ্যন্তরাত্মা মৃগালযঃ॥৫৭॥

লম্বনো লম্বিতোষ্ঠশ্চ মহামাযঃ পযোনিধিঃ।
মহাদন্তো মহাদংষ্ট্রো মহাজিহ্বো মহামুখঃ॥৫৮॥

মহানখো মহারোমো মহাকোশো মহাজটঃ।
প্রসন্নশ্চ প্রসাদশ্চ প্রত্যযো গিরিসাধনঃ॥৫৯॥

স্নেহনোঽস্নেহনশ্চৈভ় অজিতশ্চ মহামুনিঃ।
ভ়ৃক্ষাকারো ভ়ৃক্ষকেতুরনলো ভ়াযুভ়াহনঃ॥৬০॥

গণ্ডলী মেরুধামা চ দেভ়াধিপতিরেভ় চ।
অথর্ভ়শীর্ষঃ সামাস্য ঋক্সহস্রামিতেক্ষণঃ॥৬১॥

যজুঃ পাদভুজো গুহ্যঃ প্রকাশো জঙ্গমস্তথা।
অমোঘার্থঃ প্রসাদশ্চ অভিগম্যঃ সুদর্শনঃ॥৬২॥

উপকারঃ প্রিযঃ সর্ভ়ঃ কনকঃ কাঞ্চনচ্ছভ়িঃ।
নাভির্নন্দিকরো ভাভ়ঃ পুষ্করঃ স্থপতিঃ স্থিরঃ॥৬৩॥

দ্বাদশস্ত্রাসনশ্চাদ্যো যজ্ঞো যজ্ঞসমাহিতঃ।
নক্তং কলিশ্চ কালশ্চ মকরঃ কালপূজিতঃ॥৬৪॥

সগণো গণকারশ্চ ভূতভ়াহনসারথিঃ।
ভস্মশযো ভস্মগোপ্তা ভস্মভূতস্তরুর্গণঃ॥৬৫॥

লোকপালস্তথা লোকো মহাত্মা সর্ভ়পূজিতঃ।
শুক্লস্ত্রিশুক্লঃ সম্পন্নঃ শুচির্ভূতনিষেভ়িতঃ॥৬৬॥

আশ্রমস্থঃ ক্রিযাভ়স্থো ভ়িশ্বকর্মমতির্ভ়রঃ।
ভ়িশালশাখস্তাম্রোষ্ঠো হ্যম্বুজালঃ সুনিশ্চলঃ॥৬৭॥

কপিলঃ কপিশঃ শুক্ল আযুশ্চৈভ় পরোঽপরঃ।
গন্ধর্ভ়ো হ্যদিতিস্তার্ক্ষ্যঃ সুভ়িজ্ঞেযঃ সুশারদঃ॥৬৮॥

পরশ্বধাযুধো দেভ় অনুকারী সুবান্ধভ়ঃ।
তুম্বভ়ীণো মহাক্রোধ ঊর্ধ্বরেতা জলেশযঃ॥৬৯॥

উগ্রো ভ়ংশকরো ভ়ংশো ভ়ংশনাদো হ্যনিন্দিতঃ।
সর্ভ়াঙ্গরূপো মাযাভ়ী সুহৃদো হ্যনিলোঽনলঃ॥৭০॥

বন্ধনো বন্ধকর্তা চ সুবন্ধনভ়িমোচনঃ।
সযজ্ঞারিঃ সকামারির্মহাদংষ্ট্রো মহাযুধঃ॥৭১॥

বহুধা নিন্দিতঃ শর্ভ়ঃ শঙ্করঃ শঙ্করোঽধনঃ।
অমরেশো মহাদেভ়ো ভ়িশ্বদেভ়ঃ সুরারিহা॥৭২॥

অহির্বুধ্ন্যোঽনিলাভশ্চ চেকিতানো হভ়িস্তথা।
অজৈকপাচ্চ কাপালী ত্রিশঙ্কুরজিতঃ শিভ়ঃ॥৭৩॥

ধন্বন্তরির্ধূমকেতুঃ স্কন্দো ভ়ৈশ্রভ়ণস্তথা।
ধাতা শক্রশ্চ ভ়িষ্ণুশ্চ মিত্রস্ত্বষ্টা ধ্রুভ়ো ধরঃ॥৭৪॥

প্রভাভ়ঃ সর্ভ়গো ভ়াযুরর্যমা সভ়িতা রভ়িঃ।
উষঙ্গুশ্চ ভ়িধাতা চ মান্ধাতা ভূতভাভ়নঃ॥৭৫॥

ভ়িভুর্ভ়র্ণভ়িভাভ়ী চ সর্ভ়কামগুণাভ়হঃ।
পদ্মনাভো মহাগর্ভশ্চন্দ্রভ়ক্ত্রোঽনিলোঽনলঃ॥৭৬॥

বলভ়াংশ্চোপশান্তশ্চ পুরাণঃ পুণ্যচঞ্চুরী।
কুরুকর্তা কুরুভ়াসী কুরুভূতো গুণৌষধঃ॥৭৭॥

সর্ভ়াশযো দর্ভচারী সর্ভ়েষাং প্রাণিনাং পতিঃ।
দেভ়দেভ়ঃ সুখাসক্তঃ সদসৎ সর্ভ়রত্নভ়িৎ॥৭৮॥

কৈলাসগিরিভ়াসী চ হিমভ়দ্গিরিসংশ্রযঃ।
কূলহারী কূলকর্তা বহুভ়িদ্যো বহুপ্রদঃ॥৭৯॥

ভ়ণিজো ভ়র্ধকী ভ়ৃক্ষো ভ়কুলশ্চন্দনশ্ছদঃ।
সারগ্রীভ়ো মহাজত্রুরলোলশ্চ মহৌষধঃ॥৮০॥

সিদ্ধার্থকারী সিদ্ধার্থশ্ছন্দোভ়্যাকরণোত্তরঃ।
সিংহনাদঃ সিংহদংষ্ট্রঃ সিংহগঃ সিংহভ়াহনঃ॥৮১॥

প্রভাভ়াত্মা জগৎকালস্থালো লোকহিতস্তরুঃ।
সারঙ্গো নভ়চক্রাঙ্গঃ কেতুমালী সভাভ়নঃ॥৮২॥

ভূতালযো ভূতপতিরহোরাত্রমনিন্দিতঃ ॥৮৩॥

ভ়াহিতা সর্ভ়ভূতানাং নিলযশ্চ ভ়িভুর্ভভ়ঃ।
অমোঘঃ সংযতো হ্যশ্বো ভোজনঃ প্রাণধারণঃ॥৮৪॥

ধৃতিমান্ মতিমান্ দক্ষঃ সৎকৃতশ্চ যুগাধিপঃ।
গোপালির্গোপতির্গ্রামো গোচর্মভ়সনো হরিঃ॥৮৫॥

হিরণ্যবাহুশ্চ তথা গুহাপালঃ প্রভ়েশিনাম্।
প্রকৃষ্টারির্মহাহর্ষো জিতকামো জিতেন্দ্রিযঃ॥৮৬॥

গান্ধারশ্চ সুভ়াসশ্চ তপঃসক্তো রতির্নরঃ।
মহাগীতো মহানৃত্যো হ্যপ্সরোগণসেভ়িতঃ॥৮৭॥

মহাকেতুর্মহাধাতুর্নৈকসানুচরশ্চলঃ।
আভ়েদনীয আদেশঃ সর্ভ়গন্ধসুখাভ়হঃ॥৮৮॥

তোরণস্তারণো ভ়াতঃ পরিধীঃ পতিখেচরঃ।
সংযোগো ভ়র্ধনো ভ়ৃদ্ধো অতিভ়ৃদ্ধো গুণাধিকঃ॥৮৯॥

নিত্যমাত্মসহাযশ্চ দেভ়াসুরপতিঃ পতিঃ।
যুক্তশ্চ যুক্তবাহুশ্চ দেভ়ো দিভ়ি সুপর্ভ়ণঃ॥৯০॥

আষাঢশ্চ সুষাঢশ্চ ধ্রুভ়োঽথ হরিণো হরঃ।
ভ়পুরাভ়র্তমানেভ্যো ভ়সুশ্রেষ্ঠো মহাপথঃ॥৯১॥

শিরোহারী ভ়িমর্শশ্চ সর্ভ়লক্ষণলক্ষিতঃ।
অক্ষশ্চ রথযোগী চ সর্ভ়যোগী মহাবলঃ॥৯২॥

সমাম্নাযোঽসমাম্নাযস্তীর্থদেভ়ো মহারথঃ।
নির্জীভ়ো জীভ়নো মন্ত্রঃ শুভাক্ষো বহুকর্কশঃ॥৯৩॥

রত্নপ্রভূতো রক্তাঙ্গো মহার্ণভ়নিপানভ়িৎ।
মূলং ভ়িশালো হ্যমৃতো ভ়্যক্তাভ়্যক্তস্তপোনিধিঃ॥৯৪॥

আরোহণোঽধিরোহশ্চ শীলধারী মহাযশাঃ।
সেনাকল্পো মহাকল্পো যোগো যুগকরো হরিঃ॥৯৫॥

যুগরূপো মহারূপো মহানাগহনো ভ়ধঃ।
ন্যাযনির্ভ়পণঃ পাদঃ পণ্ডিতো হ্যচলোপমঃ॥৯৬॥

বহুমালো মহামালঃ শশী হরসুলোচনঃ।
ভ়িস্তারো লভ়ণঃ কূপস্ত্রিযুগঃ সফলোদযঃ॥৯৭॥

ত্রিলোচনো ভ়িষণ্ণাঙ্গো মণিভ়িদ্ধো জটাধরঃ।
বিন্দুর্ভ়িসর্গঃ সুমুখঃ শরঃ সর্ভ়াযুধঃ সহঃ॥৯৮॥

নিভ়েদনঃ সুখাজাতঃ সুগন্ধারো মহাধনুঃ।
গন্ধপালী চ ভগভ়ানুত্থানঃ সর্ভ়কর্মণাম্॥৯৯॥

মন্থানো বহুলো ভ়াযুঃ সকলঃ সর্ভ়লোচনঃ।
তলস্তালঃ করস্থালী ঊর্ধ্বসংহননো মহান্॥১০০॥

ছত্রং সুচ্ছত্রো ভ়িখ্যাতো লোকঃ সর্ভ়াশ্রযঃ ক্রমঃ।
মুণ্ডো ভ়িরূপো ভ়িকৃতো দণ্ডী কুণ্ডী ভ়িকুর্ভ়ণঃ॥১০১॥

হর্যক্ষঃ ককুভো ভ়জ্রী শতজিহ্বঃ সহস্রপাৎ।
সহস্রমূর্ধা দেভ়েন্দ্রঃ সর্ভ়দেভ়মযো গুরুঃ॥১০২॥

সহস্রবাহুঃ সর্ভ়াঙ্গঃ শরণ্যঃ সর্ভ়লোককৃৎ।
পভ়িত্রং ত্রিককুন্মন্ত্রঃ কনিষ্ঠঃ কৃষ্ণপিঙ্গলঃ॥১০৩॥

ব্রহ্মদণ্ডভ়িনির্মাতা শতঘ্নীপাশশক্তিমান্।
পদ্মগর্ভো মহাগর্ভো ব্রহ্মগর্ভো জলোদ্ভভ়ঃ॥১০৪॥

গভস্তির্ব্রহ্মকৃদ্-ব্রহ্মী ব্রহ্মভ়িদ্-ব্রাহ্মণো গতিঃ।
অনন্তরূপো নৈকাত্মা তিগ্মতেজাঃ স্বযম্ভুভ়ঃ॥১০৫॥

ঊর্ধ্বগাত্মা পশুপতির্ভ়াতরংহা মনোজভ়ঃ।
চন্দনী পদ্মনালাগ্রঃ সুরভ্যুত্তরণো নরঃ॥১০৬॥

কর্ণিকারমহাস্রগ্বী নীলমৌলিঃ পিনাকধৃক্।
উমাপতিরুমাকান্তো জাহ্নভ়ীধৃগুমাধভ়ঃ॥১০৭॥

ভ়রো ভ়রাহো ভ়রদো ভ়রেণ্যঃ সুমহাস্বনঃ।
মহাপ্রসাদো দমনঃ শত্রুহা শ্বেতপিঙ্গলঃ॥১০৮॥

পীতাত্মা পরমাত্মা চ প্রযতাত্মা প্রধানধৃক্।
সর্ভ়পার্শ্বমুখস্ত্র্যক্ষো ধর্মসাধারণো ভ়রঃ॥১০৯॥

চরাচরাত্মা সূক্ষ্মাত্মা হ্যমৃতো গোভ়ৃষেশ্বরঃ।
সাধ্যর্ষির্ভ়সুরাদিত্যো ভ়িভ়স্বান্ সভ়িতাঽমৃতঃ॥১১০॥

ভ়্যাসঃ সর্গঃ সুসঙ্ক্ষেপো ভ়িস্তরঃ পর্যযো নরঃ।
ঋতুঃ সংভ়ৎসরো মাসঃ পক্ষঃ সঙ্খ্যাসমাপনঃ॥১১১॥

কলাঃ কাষ্ঠা লভ়া মাত্রা মুহূর্তাহঃ ক্ষপাঃ ক্ষণাঃ।
ভ়িশ্বক্ষেত্রং প্রজাবীজং লিঙ্গমাদ্যস্তু নির্গমঃ॥১১২॥

সদসদ্ব্যক্তমভ়্যক্তং পিতা মাতা পিতামহঃ।
স্বর্গদ্বারং প্রজাদ্বারং মোক্ষদ্বারং ত্রিভ়িষ্টপম্॥১১৩॥

নির্ভ়াণং হ্লাদনশ্চৈভ় ব্রহ্মলোকঃ পরা গতিঃ।
দেভ়াসুরভ়িনির্মাতা দেভ়াসুরপরাযণঃ॥১১৪॥

দেভ়াসুরগুরুর্দেভ়ো দেভ়াসুরনমস্কৃতঃ।
দেভ়াসুরমহামাত্রো দেভ়াসুরগণাশ্রযঃ॥১১৫॥

দেভ়াসুরগণাধ্যক্ষো দেভ়াসুরগণাগ্রণীঃ।
দেভ়াতিদেভ়ো দেভ়র্ষির্দেভ়াসুরভ়রপ্রদঃ॥১১৬॥

দেভ়াসুরেশ্বরো ভ়িশ্বো দেভ়াসুরমহেশ্বরঃ।
সর্ভ়দেভ়মযোঽচিন্ত্যো দেভ়তাত্মাঽঽত্মসম্ভভ়ঃ॥১১৭॥

উদ্ভিত্ত্রিভ়িক্রমো ভ়ৈদ্যো ভ়িরজো নীরজোঽমরঃ।
ঈড্যো হস্তীশ্বরো ভ়্যাঘ্রো দেভ়সিংহো নরর্ষভঃ॥১১৮॥

ভ়িবুধোঽগ্রভ়রঃ সূক্ষ্মঃ সর্ভ়দেভ়স্তপোমযঃ।
সুযুক্তঃ শোভনো ভ়জ্রী প্রাসানাং প্রভভ়োঽভ়্যযঃ॥১১৯॥

গুহঃ কান্তো নিজঃ সর্গঃ পভ়িত্রং সর্ভ়পাভ়নঃ।
শৃঙ্গী শৃঙ্গপ্রিযো বভ্রূ রাজরাজো নিরামযঃ॥১২০॥

অভিরামঃ সুরগণো ভ়িরামঃ সর্ভ়সাধনঃ।
ললাটাক্ষো ভ়িশ্বদেভ়ো হরিণো ব্রহ্মভ়র্চসঃ॥১২১॥

স্থাভ়রাণাং পতিশ্চৈভ় নিযমেন্দ্রিযভ়র্ধনঃ।
সিদ্ধার্থঃ সিদ্ধভূতার্থোঽচিন্ত্যঃ সত্যভ়্রতঃ শুচিঃ॥১২২॥

ভ়্রতাধিপঃ পরং ব্রহ্ম ভক্তানাং পরমা গতিঃ।
ভ়িমুক্তো মুক্ততেজাশ্চ শ্রীমান্ শ্রীভ়র্ধনো জগৎ॥১২৩॥

শ্রীমান্ শ্রীভ়র্ধনো জগৎ ওং নম ইতি।
উত্তরভাগঃ
যথা প্রধানং ভগভ়ান্ ইতি ভক্ত্যা স্তুতো মযা।
যং ন ব্রহ্মাদযো দেভ়া ভ়িদুস্তত্ত্বেন নর্ষযঃ॥১॥

স্তোতভ়্যমর্চ্যং ভ়ন্দ্যং চ কঃ স্তোষ্যতি জগৎপতিম্।
ভক্তিং ত্বেভ়ং পুরস্কৃত্য মযা যজ্ঞপতির্ভ়িভুঃ॥২॥

ততোঽভ্যনুজ্ঞাং সম্প্রাপ্য স্তুতো মতিমতাং ভ়রঃ।
শিভ়মেভিঃ স্তুভ়ন্ দেভ়ং নামভিঃ পুষ্টিভ়র্ধনৈঃ।
নিত্যযুক্তঃ শুচির্ভক্তঃ প্রাপ্নোত্যাত্মানমাত্মনা॥৩॥

ঋষযশ্চৈভ় দেভ়াশ্চ স্তুভ়ন্ত্যেতেন তৎপরম্।
স্তূযমানো মহাদেভ়স্তুষ্যতে নিযমাত্মভিঃ॥৪॥

ভক্তানুকম্পী ভগভ়ান্ আত্মসংস্থাকরো ভ়িভুঃ।
তথৈভ় চ মনুষ্যেষু যে মনুষ্যাঃ প্রধানতঃ॥৫॥

আস্তিকাঃ শ্রদ্দধানাশ্চ বহুভির্জন্মভিঃ স্তভ়ৈঃ।
ভক্ত্যা হ্যনন্যমীশানং পরং দেভ়ং সনাতনম্॥৬॥

কর্মণা মনসা ভ়াচা ভাভ়েনামিততেজসঃ।
শযানা জাগ্রমাণাশ্চ ভ়্রজন্নুপভ়িশংস্তথা॥৭॥

উন্মিষন্নিমিষংশ্চৈভ় চিন্তযন্তঃ পুনঃ পুনঃ।
শৃণ্বন্তঃ শ্রাভ়যন্তশ্চ কথযন্তশ্চ তে ভভ়ম্॥৮॥

স্তুভ়ন্তঃ স্তূযমানাশ্চ তুষ্যন্তি চ রমন্তি চ।
জন্মকোটিসহস্রেষু নানাসংসারযোনিষু॥৯॥

জন্তোর্ভ়িগতপাপস্য ভভ়ে ভক্তিঃ প্রজাযতে।
উৎপন্না চ ভভ়ে ভক্তিরনন্যা সর্ভ়ভাভ়তঃ॥১০॥

ভাভ়িনঃ কারণে চাস্য সর্ভ়যুক্তস্য সর্ভ়থা।
এতদ্দেভ়েষু দুষ্প্রাপং মনুষ্যেষু ন লভ্যতে॥১১॥

নির্ভ়িঘ্না নিশ্চলা রুদ্রে ভক্তিরভ়্যভিচারিণী।
তস্যৈভ় চ প্রসাদেন ভক্তিরুৎপদ্যতে নৃণাম্।
যেন যান্তি পরাং সিদ্ধিং তদ্ভাভ়গতচেতসঃ॥১২॥

যে সর্ভ়ভাভ়ানুগতাঃ প্রপদ্যন্তে মহেশ্বরম্।
প্রপন্নভ়ৎসলো দেভ়ঃ সংসারাৎ তান্ সমুদ্ধরেৎ॥১৩॥

এভ়ম্ অন্যে ভ়িকুর্ভ়ন্তি দেভ়াঃ সংসারমোচনম্।
মনুষ্যাণামৃতে দেভ়ং নান্যা শক্তিস্তপোবলম্॥১৪॥

ইতি তেনেন্দ্রকল্পেন ভগভ়ান্ সদসৎপতিঃ।
কৃত্তিভ়াসাঃ স্তুতঃ কৃষ্ণ তণ্ডিনা শুদ্ধবুদ্ধিনা॥১৫॥

স্তভ়মেতং ভগভ়তো ব্রহ্মা স্বযমধারযৎ।
গীযতে চ স বুদ্ধ্যেত ব্রহ্মা শঙ্করসন্নিধৌ॥১৬॥

ইদং পুণ্যং পভ়িত্রং চ সর্ভ়দা পাপনাশনম্।
যোগদং মোক্ষদং চৈভ় স্বর্গদং তোষদং তথা॥১৭॥

এভ়মেতৎ পঠন্তে য একভক্ত্যা তু শঙ্করম্।
যা গতিঃ সাঙ্খ্যযোগানাং ভ়্রজন্ত্যেতাং গতিং তদা॥১৮॥

স্তভ়মেতং প্রযত্নেন সদা রুদ্রস্য সন্নিধৌ।
অব্দমেকং চরেদ্ভক্তঃ প্রাপ্নুযাদীপ্সিতং ফলম্॥১৯॥

এতদ্রহস্যং পরমং ব্রহ্মণো হৃদি সংস্থিতম্।
ব্রহ্মা প্রোভ়াচ শক্রায শক্রঃ প্রোভ়াচ মৃত্যভ়ে॥২০॥

মৃত্যুঃ প্রোভ়াচ রুদ্রেভ্যো রুদ্রেভ্যস্তণ্ডিমাগমৎ।
মহতা তপসা প্রাপ্তস্তণ্ডিনা ব্রহ্মসদ্মনি॥২১॥

তণ্ডিঃ প্রোভ়াচ শুক্রায গৌতমায চ ভার্গভ়ঃ।
ভ়ৈভ়স্বতায মনভ়ে গৌতমঃ প্রাহ মাধভ়॥২২॥

নারাযণায সাধ্যায সমাধিষ্ঠায ধীমতে।
যমায প্রাহ ভগভ়ান্ সাধ্যো নারাযণোঽচ্যুতঃ॥২৩॥

নাচিকেতায ভগভ়ান্ আহ ভ়ৈভ়স্বতো যমঃ।
মার্কণ্ডেযায ভ়ার্ষ্ণেয নাচিকেতোঽভ্যভাষত॥২৪॥

মার্কণ্ডেযান্মযা প্রাপ্তং নিযমেন জনার্দন।
তভ়াপ্যহম্ অমিত্রঘ্ন স্তভ়ং দদ্যাং হ্যভ়িশ্রুতম্॥২৫॥

স্বর্গ্যমারোগ্যমাযুষ্যং ধন্যং ভ়েদেন সম্মিতম্।
নাস্য ভ়িঘ্নং ভ়িকুর্ভ়ন্তি দানভ়া যক্ষরাক্ষসাঃ।
পিশাচা যাতুধানাশ্চ গুহ্যকা ভুজগা অপি॥২৬॥

যঃ পঠেত শুচির্ভূত্বা ব্রহ্মচারী জিতেন্দ্রিযঃ।
অভগ্নযোগো ভ়র্ষং তু সোঽশ্বমেধফলং লভেৎ॥২৭॥

জৈগীষভ়্য উভ়াচ
মমাষ্টগুণমৈশ্বর্যং দত্তং ভগভ়তা পুরা।
যত্নেনান্যেন বলিনা ভ়ারাণস্যাং যুধিষ্ঠির॥২৮॥

ভ়ারাণস্যাং যুধিষ্ঠির ওং নম ইতি।
গর্গ উভ়াচ
চতুঃষষ্ট্যঙ্গমদদৎ কলাজ্ঞানং মমাদ্ভুতম্।
সরস্বত্যাস্তটে তুষ্টো মনোযজ্ঞেন পাণ্ডভ়॥২৯॥

মনোযজ্ঞেন পাণ্ডভ় ওং নম ইতি।
ভ়ৈশম্পাযন উভ়াচ
ততঃ কৃষ্ণোঽব্রভ়ীদ্বাক্যং পুনর্মতিমতাং ভ়রঃ।
যুধিষ্ঠিরং ধর্মনিধিং পুরুহূতমিভ়েশ্বরঃ।
উপমন্যুর্মযি প্রাহ তপন্নিভ় দিভ়াকরঃ॥৩০॥

অশুভৈঃ পাপকর্মাণো যে নরাঃ কলুষীকৃতাঃ।
ঈশানং ন প্রপদ্যন্তে তমোরাজসভ়ৃত্তযঃ।
ঈশ্বরং সম্প্রপদ্যন্তে দ্বিজা ভাভ়িতভাভ়নাঃ॥৩১॥

এভ়মেভ় মহাদেভ় ভক্তা যে মানভ়া ভুভ়ি।
ন তে সংসারভ়শগা ইতি মে নিশ্চিতা মতিঃ॥৩২॥

ইতি মে নিশ্চিতা মতিঃ ওং নম ইতি।
দুঃস্বপ্ন-দুঃশকুন-দুর্গতি-দৌর্মনস্য
দুর্ভিক্ষ-দুর্ভ়্যসন-দুঃসহ-দুর্যশাংসি।
উৎপাত-তাপ-ভ়িষভীতিম্ অসদ্-গ্রহার্তিম্
ভ়্যাধীংশ্চ নাশযতু মে জগতামধীশঃ॥

॥ ইতি শ্রীমন্মহাভারতে শতসাহস্র্যাং সংহিতাযাং ভ়ৈযাসিক্যাম্ আনুশাসনিকপর্ভ়ণি অষ্টাদশোঽধ্যাযঃ ॥