શનિમૃત્યુઞ્જયસ્તોત્રમ્

શનિમૃત્યુઞ્જયસ્તોત્રમ્

શ્રી ગણેશાય નમઃ.
ૐ મહાકાલ શનિ મૃત્યુંજયાય નમઃ.

નીલાદ્રીશોભાઞ્ચિતદિવ્યમૂર્તિઃ
ખડ્ગો ત્રિદણ્ડી શરચાપહસ્તઃ.
શમ્ભુર્મહાકાલશનિઃ પુરારિ-
ર્જયત્યશેષાસુરનાશકારી ..૧

મેરુપૃષ્ઠે સમાસીનં સામરસ્યે સ્થિતં શિવમ્ .
પ્રણમ્ય શિરસા ગૌરી પૃચ્છતિસ્મ જગદ્ધિતમ્ ..૨

.. પાર્વત્યુવાચ..

ભગવન્ ! દેવદેવેશ ! ભક્તાનુગ્રહકારક ! .
અલ્પમૃત્યુવિનાશાય યત્ત્વયા પૂર્વ સૂચિતમ્ ..૩..

તદેવત્વં મહાબાહો ! લોકાનાં હિતકારકમ્ .
તવ મૂર્તિ પ્રભેદસ્ય મહાકાલસ્ય સામ્પ્રતમ્ .. ૪ ..

શનેર્મૃત્યુઞ્જયસ્તોત્રં બ્રૂહિ મે નેત્રજન્મનઃ .
અકાલ મૃત્યુહરણમપમૃત્યુ નિવારણમ્ ..૫..

શનિમન્ત્રપ્રભેદા યે તૈર્યુક્તં યત્સ્તવં શુભમ્ .
પ્રતિનામ ચથુર્યન્તં નમોન્તં મનુનાયુતમ્ ..૬..

.. શ્રીશંકર ઉવાચ..

નિત્યે પ્રિયતમે ગૌરિ સર્વલોક-હિતેરતે .
ગુહ્યાદ્ગુહ્યતમં દિવ્યં સર્વલોકોપકારકમ્ ..૭ ..

શનિમૃત્યુઞ્જયસ્તોત્રં પ્રવક્ષ્યામિ તવઽધુના .
સર્વમંગલમાંગલ્યં સર્વશત્રુ વિમર્દનમ્ ..૮..

સર્વરોગપ્રશમનં સર્વાપદ્વિનિવારણમ્ .
શરીરારોગ્યકરણમાયુવૃદ્ધિકરં નૃણામ્ ..૯..

યદિ ભક્તાસિ મે ગૌરી ગોપનીયં પ્રયત્નતઃ .
ગોપિતં સર્વતન્ત્રેષુ તચ્છ્રણુષ્વ મહેશ્વરી ! ..૧૦..

ઋષિન્યાસં કરન્યાસં દેહન્યાસં સમાચરેત્ .
મહોગ્રં મૂર્ઘ્નિ વિન્યસ્ય મુખે વૈવસ્વતં ન્યસેત્ ..૧૧..

ગલે તુ વિન્યસેન્મન્દં બાહ્વોર્મહાગ્રહં ન્યસેત્ .
હૃદિ ન્યસેન્મહાકાલં ગુહ્યે કૃશતનું ન્યસેત્ ..૧૨

જાન્વોમ્તૂડુચરં ન્યસ્ય પાદયોસ્તુ શનૈશ્ચરમ્.
એવં ન્યાસવિધિ કૃત્વા પશ્ચાત્ કાલાત્મનઃ શનેઃ ..૧૩..

ન્યાસં ધ્યાનં પ્રવક્ષ્યામિ તનૌ શ્યાર્વા પઠેન્નરઃ .
કલ્પાદિયુગભેદાંશ્ચ કરાંગન્યાસરુપિણઃ ..૧૪..

કાલાત્મનો ન્યસેદ્ ગાત્રે મૃત્યુઞ્જય ! નમોઽસ્તુ તે .
મન્વન્તરાણિ સર્વાણિ મહાકાલસ્વરુપિણઃ ..૧૫..

ભાવયેત્પ્રતિ પ્રત્યંગે મહાકાલાય તે નમઃ .
ભાવયેત્પ્રભવાદ્યબ્દાન્ શીર્ષે કાલજિતે નમઃ ..૧૬..

નમસ્તે નિત્યસેવ્યાય વિન્યસેદયને ભ્રુવોઃ .
સૌરયે ચ નમસ્તેઽતુ ગણ્ડયોર્વિન્યસેદૃતૂન્ ..૧૭..

શ્રાવણં ભાવયેદક્ષ્ણોર્નમઃ કૃષ્ણનિભાય ચ .
મહોગ્રાય નમો ભાર્દં તથા શ્રવણયોર્ન્યસેત્ ..૧૮..

નમો વૈ દુર્નિરીક્ષ્યાય ચાશ્વિનં વિન્યસેન્મુખે .
નમો નીલમયૂખાય ગ્રીવાયાં કાર્તિકં ન્યસેત્ ..૧૯..

માર્ગશીર્ષ ન્યસેદ્-બાહ્વોર્મહારૌદ્રાય તે નમઃ .
ઊર્દ્વલોક-નિવાસાય પૌષં તુ હૃદયે ન્યસેત્ ..૨૦..

નમઃ કાલપ્રબોધાય માઘં વૈ ચોદરેન્યસેત્ .
મન્દગાય નમો મેઢ્રે ન્યસેર્દ્વફાલ્ગુનં તથા ..૨૧..

ઊર્વોર્ન્યસેચ્ચૈત્રમાસં નમઃ શિવોસ્ભવાય ચ .
વૈશાખં વિન્યસેજ્જાન્વોર્નમઃ સંવર્ત્તકાય ચ ..૨૨..

જંઘયોર્ભાવયેજ્જ્યેષ્ઠં ભૈરવાય નમસ્તથા .
આષાઢ઼ં પાદ્યોશ્ચૈવ શનયે ચ નમસ્તથા ..૨૩..

કૃષ્ણપક્ષં ચ ક્રૂરાય નમઃ આપાદમસ્તકે .
ન્યસેદાશીર્ષપાદાન્તે શુક્લપક્ષં ગ્રહાય ચ ..૨૪..

નયસેન્મૂલં પાદયોશ્ચ ગ્રહાય શનયે નમઃ .
નમઃ સર્વજિતે ચૈવ તોયં સર્વાંગુલૌ ન્યસેત્ ..૨૫..

ન્યસેદ્-ગુલ્ફ-દ્વયે વિશ્વં નમઃ શુષ્કતરાય ચ .
વિષ્ણુભં ભાવયેજ્જંઘોભયે શિષ્ટતમાય તે ..૨૬..

જાનુદ્વયે ધનિષ્ઠાં ચ ન્યસેત્ કૃષ્ણરુચે નમઃ .
ઊરુદ્વયે વારુર્ણાંન્યસેત્કાલભૃતે નમઃ ..૨૭..

પૂર્વભાદ્રં ન્યસેન્મેઢ્રે જટાજૂટધરાય ચ .
પૃષ્ઠઉત્તરભાદ્રં ચ કરાલાય નમસ્તથા ..૨૮..

રેવતીં ચ ન્યસેન્નાભો નમો મન્દચરાય ચ .
ગર્ભદેશે ન્યસેદ્દસ્ત્રં નમઃ શ્યામતરાય ચ ..૨૯..

નમો ભોગિસ્ત્રજે નિત્યં યમં સ્તનયુગે ન્યસેત્ .
ન્યેસત્કૃત્તિકાં હૃદયે નમસ્તૈલપ્રિયાય ચ ..૩૦..

રોહિણીં ભાવયેદ્ધસ્તે નમસ્તે ખડ્ગધારીણે .
મૃગં ન્યેસતદ્વામ હસ્તે ત્રિદણ્ડોલ્લસિતાય ચ ..૩૧..

દક્ષોર્દ્ધ્વ ભાવયેદ્રૌદ્રં નમો વૈ બાણધારિણે .
પુનર્વસુમૂર્દ્ધ્વ નમો વૈ ચાપધારિણે ..૩૨..

તિષ્યં ન્યસેદ્દક્ષબાહૌ નમસ્તે હર મન્યવે .
સાર્પં ન્યસેદ્વામબાહૌ ચોગ્રચાપાય તે નમઃ ..૩૩..

મઘાં વિભાવયેત્કણ્ઠે નમસ્તે ભસ્મધારિણે .
મુખે ન્યસેદ્-ભગર્ક્ષ ચ નમઃ ક્રૂરગ્રહાય ચ ..૩૪..

ભાવયેદ્દક્ષનાસાયામર્યમાણશ્વ યોગિને .
ભાવયેદ્વામનાસાયાં હસ્તર્ક્ષં ધારિણે નમઃ ..૩૫..

ત્વાષ્ટ્રં ન્યસેદ્દક્ષકર્ણે કૃસરાન્ન પ્રિયાય તે .
સ્વાતીં ન્યેસદ્વામકર્ણે નમો બૃહ્મમયાય તે ..૩૬..

વિશાખાં ચ દક્ષનેત્રે નમસ્તે જ્ઞાનદૃષ્ટયે .
વિષ્કુમ્ભં ભાવયેચ્છીર્ષેસન્ધૌ કાલાય તે નમઃ ..૩૭..

પ્રીતિયોગં ભ્રુવોઃ સન્ધૌ મહામન્દં ! નમોઽસ્તુ તે .
નેત્રયોઃ સન્ધાવાયુષ્મદ્યોગં ભીષ્માય તે નમઃ ..૩૮..

સૌભાગ્યં ભાવયેન્નાસાસન્ધૌ ફલાશનાય ચ .
શોભનં ભાવયેત્કર્ણે સન્ધૌ પિણ્યાત્મને નમઃ ..૩૯..

નમઃ કૃષ્ણયાતિગણ્ડં હનુસન્ધૌ વિભાવયેત્ .
નમો નિર્માંસદેહાય સુકર્માણં શિરોધરે ..૪૦..

ધૃતિં ન્યસેદ્દક્ષવાહૌ પૃષ્ઠે છાયાસુતાય ચ .
તન્મૂલસન્ધૌ શૂલં ચ ન્યસેદુગ્રાય તે નમઃ ..૪૧..

તત્કૂર્પરે ન્યસેદગણ્ડે નિત્યાનન્દાય તે નમઃ .
વૃદ્ધિં તન્મણિબન્ધે ચ કાલજ્ઞાય નમો ન્યસેત્ ..૪૨..

ધ્રુવં તદ્ઙ્ગુલી-મૂલસન્ધૌ કૃષ્ણાય તે નમઃ .
વ્યાઘાતં ભાવયેદ્વામબાહુપૃષ્ઠે કૃશાય ચ ..૪૩..

હર્ષણં તન્મૂલસન્ધૌ ભુતસન્તાપિને નમઃ .
તત્કૂર્પરે ન્યસેદ્વજ્રં સાનન્દાય નમોઽસ્તુ તે ..૪૪..

સિદ્ધિં તન્મણિબન્ધે ચ ન્યસેત્ કાલાગ્નયે નમઃ .
વ્યતીપાતં કરાગ્રેષુ ન્યસેત્કાલકૃતે નમઃ ..૪૫..

વરીયાંસં દક્ષપાર્શ્વસન્ધૌ કાલાત્મને નમઃ .
પરિઘં ભાવયેદ્વામપાર્શ્વસન્ધૌ નમોઽસ્તુ તે ..૪૬..

ન્યસેદ્દક્ષોરુસન્ધૌ ચ શિવં વૈ કાલસાક્ષિણે .
તજ્જાનૌ ભાવયેત્સિદ્ધિં મહાદેહાય તે નમઃ ..૪૭..

સાધ્યં ન્યસેચ્ચ તદ્-ગુલ્ફસન્ધૌ ઘોરાય તે નમઃ .
ન્યસેત્તદંગુલીસન્ધૌ શુભં રૌદ્રાય તે નમઃ ..૪૮..

ન્યસેદ્વામારુસન્ધૌ ચ શુક્લકાલવિદે નમઃ .
બ્રહ્મયોગં ચ તજ્જાનો ન્યસેત્સદ્યોગિને નમઃ ..૪૯..

ઐન્દ્રં તદ્-ગુલ્ફસન્ધૌ ચ યોગાઽધીશાય તે નમઃ .
ન્યસેત્તદંગુલીસન્ધૌ નમો ભવ્યાય વૈધૃતિમ્ ..૫૦..

ચર્મણિ બવકરણં ભાવયેદ્યજ્વને નમઃ .
બાલવં ભાવયેદ્રક્તે સંહારક ! નમોઽસ્તુ તે ..૫૧..

કૌલવં ભાવયેદસ્થ્નિ નમસ્તે સર્વભક્ષિણે .
તૈત્તિલં ભાવયેન્મસિ આમમાંસપ્રિયાય તે ..૫૨..

ગરં ન્યસેદ્વપાયાં ચ સર્વગ્રાસાય તે નમઃ .
ન્યસેદ્વણિજં મજ્જાયાં સર્વાન્તક ! નમોઽસ્તુ તે ..૫૩..

વિર્યેવિભાવયેદ્વિષ્ટિં નમો મન્યૂગ્રતેજસે .
રુદ્રમિત્ર ! પિતૃવસુવારીણ્યેતાંશ્ચ પઞ્ચ ચ ..૫૪..

મુહૂર્તાંશ્ચ દક્ષપાદનખેષુ ભાવયેન્નમઃ .
ખગેશાય ચ ખસ્થાય ખેચરાય સ્વરુપિણે ..૫૫..

પુરુહૂતશતમખે વિશ્વવેધો-વિધૂંસ્તથા .
મુહૂર્તાંશ્ચ વામપાદનખેષુ ભાવયેન્નમઃ ..૫૬..

સત્યવ્રતાય સત્યાય નિત્યસત્યાય તે નમઃ .
સિદ્ધેશ્વર ! નમસ્તુભ્યં યોગેશ્વર ! નમોઽસ્તુ તે ..૫૭..

વહ્નિનક્તંચરાંશ્ચૈવ વરુણાર્યમયોનકાન્ .
મુહૂર્તાંશ્ચ દક્ષહસ્તનખેષુ ભાવયેન્નમઃ ..૫૮..

લગ્નોદયાય દીર્ઘાય માર્ગિણે દક્ષદૃષ્ટયે .
વક્રાય ચાતિક્રૂરાય નમસ્તે વામદૃષ્ટયે ..૫૯..

વામહસ્તનખેષ્વન્ત્યવર્ણેશાય નમોઽસ્તુ તે .
ગિરિશાહિર્બુધ્ન્યપૂષાજપષ્દ્દસ્ત્રાંશ્ચ ભાવયેત્ ..૬૦..

રાશિભોક્ત્રે રાશિગાય રાશિભ્રમણકારિણે .
રાશિનાથાય રાશીનાં ફલદાત્રે નમોઽસ્તુ તે ..૬૧..

યમાગ્નિ-ચન્દ્રાદિતિજવિધાતૃંશ્ચ વિભાવયેત્ .
ઊર્દ્ધ્વ-હસ્ત-દક્ષનખેષ્વત્યકાલાય તે નમઃ ..૬૨..

તુલોચ્ચસ્થાય સૌમ્યાય નક્રકુમ્ભગૃહાય ચ .
સમીરત્વષ્ટજીવાંશ્ચ વિષ્ણુ તિગ્મ દ્યુતીન્નયસેત્ ..૬૩..

ઊર્ધ્વ-વામહસ્ત-નખેષ્વન્યગ્રહ નિવારિણે .
તુષ્ટાય ચ વરિષ્ઠાય નમો રાહુસખાય ચ ..૬૪..

રવિવારં લલાટે ચ ન્યસેદ્-ભીમદૃશે નમઃ .
સોમવારં ન્યસેદાસ્યે નમો મૃતપ્રિયાય ચ ..૬૫..

ભૌમવારં ન્યસેત્સ્વાન્તે નમો બ્રહ્મ-સ્વરુપિણે .
મેઢ્રં ન્યસેત્સૌમ્યવારં નમો જીવ-સ્વરુપિણે ..૬૬..

વૃષણે ગુરુવારં ચ નમો મન્ત્ર-સ્વરુપિણે .
ભૃગુવારં મલદ્વારે નમઃ પ્રલયકારિણે ..૬૭..

પાદયોઃ શનિવારં ચ નિર્માંસાય નમોઽસ્તુ તે .
ઘટિકા ન્યસેત્કેશેષુ નમસ્તે સૂક્ષ્મરુપિણે ..૬૮..

કાલરુપિન્નમસ્તેઽસ્તુ સર્વપાપપ્રણાશકઃ !.
ત્રિપુરસ્ય વધાર્થાંય શમ્ભુજાતાય તે નમઃ ..૬૯..

નમઃ કાલશરીરાય કાલનુન્નાય તે નમઃ .
કાલહેતો ! નમસ્તુભ્યં કાલનન્દાય વૈ નમઃ ..૭૦..

અખણ્ડદણ્ડમાનાય ત્વનાદ્યન્તાય વૈ નમઃ .
કાલદેવાય કાલાય કાલકાલાય તે નમઃ ..૭૧..

નિમેષાદિમહાકલ્પકાલરુપં ચ ભૈરવમ્ .
મૃત્યુઞ્જયં મહાકાલં નમસ્યામિ શનૈશ્ચરમ્ ..૭૨..

દાતારં સર્વભવ્યાનાં ભક્તાનામભયંકરમ્ .
મૃત્યુઞ્જયં મહાકાલં નમસ્યામિ શનૈશ્ચરમ્ ..૭૩..

કર્ત્તારં સર્વદુઃખાનાં દુષ્ટાનાં ભયવર્ધનમ્ .
મૃત્યુઞ્જયં મહાકાલં નમસ્યામિ શનૈશ્ચરમ્ ..૭૪..

હર્ત્તારં ગ્રહજાતાનાં ફલાનામઘકારિણામ્ .
મૃત્યુઞ્જયં મહાકાલં નમસ્યામિ શનૈશ્ચરમ્ ..૭૫..

સર્વેષામેવ ભૂતાનાં સુખદં શાન્તમવ્યયમ્ .
મૃત્યુઞ્જયં મહાકાલં નમસ્યામિ શનૈશ્ચરમ્ ..૭૬..

કારણં સુખદુઃખાનાં ભાવાઽભાવ-સ્વરુપિણમ્ .
મૃત્યુઞ્જયં મહાકાલં નમસ્યામિ શનૈશ્ચરમ્ ..૭૭..

અકાલ-મૃત્યુ-હરણઽમપમૃત્યુ નિવારણમ્ .
મૃત્યુઞ્જયં મહાકાલં નમસ્યામિ શનૈશ્ચરમ્ ..૭૮..

કાલરુપેણ સંસાર ભક્ષયન્તં મહાગ્રહમ્ .
મૃત્યુઞ્જયં મહાકાલં નમસ્યામિ શનૈશ્ચરમ્ ..૭૯..

દુર્નિરીક્ષ્યં સ્થૂલરોમં ભીષણં દીર્ઘ-લોચનમ્ .
મૃત્યુઞ્જયં મહાકાલં નમસ્યામિ શનૈશ્ચરમ્ ..૮૦..

ગ્રહાણાં ગ્રહભૂતં ચ સર્વગ્રહ-નિવારણમ્ .
મૃત્યુઞ્જયં મહાકાલં નમસ્યામિ શનૈશ્ચરમ્ ..૮૧..

કાલસ્ય વશગાઃ સર્વે ન કાલઃ કસ્યચિદ્વશઃ .
તસ્માત્ત્વાં કાલપુરુષં પ્રણતોઽસ્મિ શનૈશ્ચરમ્ ..૮૨..

કાલદેવ જગત્સર્વં કાલ એવ વિલીયતે .
કાલરુપં સ્વયં શમ્ભુઃ કાલાત્મા ગ્રહદેવતા ..૮૩..

ચણ્ડીશો રુદ્રડાકિન્યાક્રાન્તશ્ચણ્ડીશ ઉચ્યતે .
વિદ્યુદાકલિતો નદ્યાં સમારુઢો રસાધિપઃ ..૮૪..

ચણ્ડીશઃ શુકસંયુક્તો જિહ્વયા લલિતઃ પુનઃ .
ક્ષતજસ્તામસી શોભી સ્થિરાત્મા વિદ્યુતા યુતઃ ..૮૫..

નમોઽન્તો મનુરિત્યેષ શનિતુષ્ટિકરઃ શિવે .
આદ્યન્તેઽષ્ટોત્તરશતં મનુમેનં જપેન્નરઃ ..૮૬..

યઃ પઠેચ્છ્રણુયાદ્વાપિ ધ્યાત્ત્વા સમ્પૂજ્ય ભક્તિતઃ .
ત્રસ્ય મૃત્યોર્ભયં નૈવ શતવર્ષાવધિપ્રિયે !..૮૭..

જ્વરાઃ સર્વે વિનશ્યન્તિ દદ્રુ-વિસ્ફોટકચ્છુકાઃ .
દિવા સૌરિં સ્મરેત્ રાત્રૌ મહાકાલં યજન્ પઠેત ..૮૮..

જન્મર્ક્ષે ચ યદા સૌરિર્જપેદેતત્સહસ્ત્રકમ્ .
વેધગે વામવેધે વા જપેદર્દ્ધસહસ્ત્રકમ્ ..૮૯..

દ્વિતીયે દ્વાદશે મન્દે તનૌ વા ચાષ્ટમેઽપિ વા .
તત્તદ્રાશૌ ભવેદ્યાવત્ પઠેત્તાવદ્દિનાવધિ ..૯૦..

ચતુર્થે દશમે વાઽપિ સપ્તમે નવપઞ્ચમે .
ગોચરે જન્મલગ્નેશે દશાસ્વન્તર્દશાસુ ચ ..૯૧..

ગુરુલાઘવજ્ઞાનેન પઠેદાવૃત્તિસંખ્યયા .
શતમેકં ત્રયં વાથ શતયુગ્મં કદાચન ..૯૨..

આપદસ્તસ્ય નશ્યન્તિ પાપાનિ ચ જયં ભવેત્ .
મહાકાલાલયે પીઠે હ્યથવા જલસન્નિધૌ ..૯૩..

પુણ્યક્ષેત્રેઽશ્વત્થમૂલે તૈલકુમ્ભાગ્રતો ગૃહે .
નિયમેનૈકભક્તેન બ્રહ્મચર્યેણ મૌનિના ..૯૪..

શ્રોતવ્યં પઠિતવ્યં ચ સાધકાનાં સુખાવહમ્ .
પરં સ્વસ્ત્યયનં પુણ્યં સ્તોત્રં મૃત્યુઞ્જયાભિધમ્ ..૯૫..

કાલક્રમેણ કથિતં ન્યાસક્રમ સમન્વિતમ્ .
પ્રાતઃકાલે શુચિર્ભૂત્વા પૂજાયાં ચ નિશામુખે ..૯૬..

પઠતાં નૈવ દુષ્ટેભ્યો વ્યાઘ્રસર્પાદિતો ભયમ્ .
નાગ્નિતો ન જલાદ્વાયોર્દેશે દેશાન્તરેઽથવા ..૯૭..

નાઽકાલે મરણં તેષાં નાઽપમૃત્યુભયં ભવેત્ .
આયુર્વર્ષશતં સાગ્રં ભવન્તિ ચિરજીવિનઃ ..૯૮..

નાઽતઃ પરતરં સ્તોત્રં શનિતુષ્ટિકરં મહત્ .
શાન્તિકં શીઘ્રફલદં સ્તોત્રમેતન્મયોદિતમ્ ..૯૯..

તસ્માત્સર્વપ્રયત્નેન યદીચ્છેદાત્મનો હિતમ્ .
કથનીયં મહાદેવિ ! નૈવાભક્તસ્ય કસ્યચિત્ ..૧૦૦..