ಶನಿಮೃತ್ಯುಞ್ಜಯಸ್ತೋತ್ರಮ್

ಶನಿಮೃತ್ಯುಞ್ಜಯಸ್ತೋತ್ರಮ್

ಶ್ರೀ ಗಣೇಶಾಯ ನಮಃ.
ಓಂ ಮಹಾಕಾಲ ಶನಿ ಮೃತ್ಯುಂಜಯಾಯ ನಮಃ.

ನೀಲಾದ್ರೀಶೋಭಾಞ್ಚಿತದಿವ್ಯಮೂರ್ತಿಃ
ಖಡ್ಗೋ ತ್ರಿದಣ್ಡೀ ಶರಚಾಪಹಸ್ತಃ.
ಶಮ್ಭುರ್ಮಹಾಕಾಲಶನಿಃ ಪುರಾರಿ-
ರ್ಜಯತ್ಯಶೇಷಾಸುರನಾಶಕಾರೀ ..೧

ಮೇರುಪೃಷ್ಠೇ ಸಮಾಸೀನಂ ಸಾಮರಸ್ಯೇ ಸ್ಥಿತಂ ಶಿವಮ್ .
ಪ್ರಣಮ್ಯ ಶಿರಸಾ ಗೌರೀ ಪೃಚ್ಛತಿಸ್ಮ ಜಗದ್ಧಿತಮ್ ..೨

.. ಪಾರ್ವತ್ಯುವಾಚ..

ಭಗವನ್ ! ದೇವದೇವೇಶ ! ಭಕ್ತಾನುಗ್ರಹಕಾರಕ ! .
ಅಲ್ಪಮೃತ್ಯುವಿನಾಶಾಯ ಯತ್ತ್ವಯಾ ಪೂರ್ವ ಸೂಚಿತಮ್ ..೩..

ತದೇವತ್ವಂ ಮಹಾಬಾಹೋ ! ಲೋಕಾನಾಂ ಹಿತಕಾರಕಮ್ .
ತವ ಮೂರ್ತಿ ಪ್ರಭೇದಸ್ಯ ಮಹಾಕಾಲಸ್ಯ ಸಾಮ್ಪ್ರತಮ್ .. ೪ ..

ಶನೇರ್ಮೃತ್ಯುಞ್ಜಯಸ್ತೋತ್ರಂ ಬ್ರೂಹಿ ಮೇ ನೇತ್ರಜನ್ಮನಃ .
ಅಕಾಲ ಮೃತ್ಯುಹರಣಮಪಮೃತ್ಯು ನಿವಾರಣಮ್ ..೫..

ಶನಿಮನ್ತ್ರಪ್ರಭೇದಾ ಯೇ ತೈರ್ಯುಕ್ತಂ ಯತ್ಸ್ತವಂ ಶುಭಮ್ .
ಪ್ರತಿನಾಮ ಚಥುರ್ಯನ್ತಂ ನಮೋನ್ತಂ ಮನುನಾಯುತಮ್ ..೬..

.. ಶ್ರೀಶಂಕರ ಉವಾಚ..

ನಿತ್ಯೇ ಪ್ರಿಯತಮೇ ಗೌರಿ ಸರ್ವಲೋಕ-ಹಿತೇರತೇ .
ಗುಹ್ಯಾದ್ಗುಹ್ಯತಮಂ ದಿವ್ಯಂ ಸರ್ವಲೋಕೋಪಕಾರಕಮ್ ..೭ ..

ಶನಿಮೃತ್ಯುಞ್ಜಯಸ್ತೋತ್ರಂ ಪ್ರವಕ್ಷ್ಯಾಮಿ ತವಽಧುನಾ .
ಸರ್ವಮಂಗಲಮಾಂಗಲ್ಯಂ ಸರ್ವಶತ್ರು ವಿಮರ್ದನಮ್ ..೮..

ಸರ್ವರೋಗಪ್ರಶಮನಂ ಸರ್ವಾಪದ್ವಿನಿವಾರಣಮ್ .
ಶರೀರಾರೋಗ್ಯಕರಣಮಾಯುವೃದ್ಧಿಕರಂ ನೃಣಾಮ್ ..೯..

ಯದಿ ಭಕ್ತಾಸಿ ಮೇ ಗೌರೀ ಗೋಪನೀಯಂ ಪ್ರಯತ್ನತಃ .
ಗೋಪಿತಂ ಸರ್ವತನ್ತ್ರೇಷು ತಚ್ಛ್ರಣುಷ್ವ ಮಹೇಶ್ವರೀ ! ..೧೦..

ಋಷಿನ್ಯಾಸಂ ಕರನ್ಯಾಸಂ ದೇಹನ್ಯಾಸಂ ಸಮಾಚರೇತ್ .
ಮಹೋಗ್ರಂ ಮೂರ್ಘ್ನಿ ವಿನ್ಯಸ್ಯ ಮುಖೇ ವೈವಸ್ವತಂ ನ್ಯಸೇತ್ ..೧೧..

ಗಲೇ ತು ವಿನ್ಯಸೇನ್ಮನ್ದಂ ಬಾಹ್ವೋರ್ಮಹಾಗ್ರಹಂ ನ್ಯಸೇತ್ .
ಹೃದಿ ನ್ಯಸೇನ್ಮಹಾಕಾಲಂ ಗುಹ್ಯೇ ಕೃಶತನುಂ ನ್ಯಸೇತ್ ..೧೨

ಜಾನ್ವೋಮ್ತೂಡುಚರಂ ನ್ಯಸ್ಯ ಪಾದಯೋಸ್ತು ಶನೈಶ್ಚರಮ್.
ಏವಂ ನ್ಯಾಸವಿಧಿ ಕೃತ್ವಾ ಪಶ್ಚಾತ್ ಕಾಲಾತ್ಮನಃ ಶನೇಃ ..೧೩..

ನ್ಯಾಸಂ ಧ್ಯಾನಂ ಪ್ರವಕ್ಷ್ಯಾಮಿ ತನೌ ಶ್ಯಾರ್ವಾ ಪಠೇನ್ನರಃ .
ಕಲ್ಪಾದಿಯುಗಭೇದಾಂಶ್ಚ ಕರಾಂಗನ್ಯಾಸರುಪಿಣಃ ..೧೪..

ಕಾಲಾತ್ಮನೋ ನ್ಯಸೇದ್ ಗಾತ್ರೇ ಮೃತ್ಯುಞ್ಜಯ ! ನಮೋಽಸ್ತು ತೇ .
ಮನ್ವನ್ತರಾಣಿ ಸರ್ವಾಣಿ ಮಹಾಕಾಲಸ್ವರುಪಿಣಃ ..೧೫..

ಭಾವಯೇತ್ಪ್ರತಿ ಪ್ರತ್ಯಂಗೇ ಮಹಾಕಾಲಾಯ ತೇ ನಮಃ .
ಭಾವಯೇತ್ಪ್ರಭವಾದ್ಯಬ್ದಾನ್ ಶೀರ್ಷೇ ಕಾಲಜಿತೇ ನಮಃ ..೧೬..

ನಮಸ್ತೇ ನಿತ್ಯಸೇವ್ಯಾಯ ವಿನ್ಯಸೇದಯನೇ ಭ್ರುವೋಃ .
ಸೌರಯೇ ಚ ನಮಸ್ತೇಽತು ಗಣ್ಡಯೋರ್ವಿನ್ಯಸೇದೃತೂನ್ ..೧೭..

ಶ್ರಾವಣಂ ಭಾವಯೇದಕ್ಷ್ಣೋರ್ನಮಃ ಕೃಷ್ಣನಿಭಾಯ ಚ .
ಮಹೋಗ್ರಾಯ ನಮೋ ಭಾರ್ದಂ ತಥಾ ಶ್ರವಣಯೋರ್ನ್ಯಸೇತ್ ..೧೮..

ನಮೋ ವೈ ದುರ್ನಿರೀಕ್ಷ್ಯಾಯ ಚಾಶ್ವಿನಂ ವಿನ್ಯಸೇನ್ಮುಖೇ .
ನಮೋ ನೀಲಮಯೂಖಾಯ ಗ್ರೀವಾಯಾಂ ಕಾರ್ತಿಕಂ ನ್ಯಸೇತ್ ..೧೯..

ಮಾರ್ಗಶೀರ್ಷ ನ್ಯಸೇದ್-ಬಾಹ್ವೋರ್ಮಹಾರೌದ್ರಾಯ ತೇ ನಮಃ .
ಊರ್ದ್ವಲೋಕ-ನಿವಾಸಾಯ ಪೌಷಂ ತು ಹೃದಯೇ ನ್ಯಸೇತ್ ..೨೦..

ನಮಃ ಕಾಲಪ್ರಬೋಧಾಯ ಮಾಘಂ ವೈ ಚೋದರೇನ್ಯಸೇತ್ .
ಮನ್ದಗಾಯ ನಮೋ ಮೇಢ್ರೇ ನ್ಯಸೇರ್ದ್ವಫಾಲ್ಗುನಂ ತಥಾ ..೨೧..

ಊರ್ವೋರ್ನ್ಯಸೇಚ್ಚೈತ್ರಮಾಸಂ ನಮಃ ಶಿವೋಸ್ಭವಾಯ ಚ .
ವೈಶಾಖಂ ವಿನ್ಯಸೇಜ್ಜಾನ್ವೋರ್ನಮಃ ಸಂವರ್ತ್ತಕಾಯ ಚ ..೨೨..

ಜಂಘಯೋರ್ಭಾವಯೇಜ್ಜ್ಯೇಷ್ಠಂ ಭೈರವಾಯ ನಮಸ್ತಥಾ .
ಆಷಾಢ಼ಂ ಪಾದ್ಯೋಶ್ಚೈವ ಶನಯೇ ಚ ನಮಸ್ತಥಾ ..೨೩..

ಕೃಷ್ಣಪಕ್ಷಂ ಚ ಕ್ರೂರಾಯ ನಮಃ ಆಪಾದಮಸ್ತಕೇ .
ನ್ಯಸೇದಾಶೀರ್ಷಪಾದಾನ್ತೇ ಶುಕ್ಲಪಕ್ಷಂ ಗ್ರಹಾಯ ಚ ..೨೪..

ನಯಸೇನ್ಮೂಲಂ ಪಾದಯೋಶ್ಚ ಗ್ರಹಾಯ ಶನಯೇ ನಮಃ .
ನಮಃ ಸರ್ವಜಿತೇ ಚೈವ ತೋಯಂ ಸರ್ವಾಂಗುಲೌ ನ್ಯಸೇತ್ ..೨೫..

ನ್ಯಸೇದ್-ಗುಲ್ಫ-ದ್ವಯೇ ವಿಶ್ವಂ ನಮಃ ಶುಷ್ಕತರಾಯ ಚ .
ವಿಷ್ಣುಭಂ ಭಾವಯೇಜ್ಜಂಘೋಭಯೇ ಶಿಷ್ಟತಮಾಯ ತೇ ..೨೬..

ಜಾನುದ್ವಯೇ ಧನಿಷ್ಠಾಂ ಚ ನ್ಯಸೇತ್ ಕೃಷ್ಣರುಚೇ ನಮಃ .
ಊರುದ್ವಯೇ ವಾರುರ್ಣಾಂನ್ಯಸೇತ್ಕಾಲಭೃತೇ ನಮಃ ..೨೭..

ಪೂರ್ವಭಾದ್ರಂ ನ್ಯಸೇನ್ಮೇಢ್ರೇ ಜಟಾಜೂಟಧರಾಯ ಚ .
ಪೃಷ್ಠಉತ್ತರಭಾದ್ರಂ ಚ ಕರಾಲಾಯ ನಮಸ್ತಥಾ ..೨೮..

ರೇವತೀಂ ಚ ನ್ಯಸೇನ್ನಾಭೋ ನಮೋ ಮನ್ದಚರಾಯ ಚ .
ಗರ್ಭದೇಶೇ ನ್ಯಸೇದ್ದಸ್ತ್ರಂ ನಮಃ ಶ್ಯಾಮತರಾಯ ಚ ..೨೯..

ನಮೋ ಭೋಗಿಸ್ತ್ರಜೇ ನಿತ್ಯಂ ಯಮಂ ಸ್ತನಯುಗೇ ನ್ಯಸೇತ್ .
ನ್ಯೇಸತ್ಕೃತ್ತಿಕಾಂ ಹೃದಯೇ ನಮಸ್ತೈಲಪ್ರಿಯಾಯ ಚ ..೩೦..

ರೋಹಿಣೀಂ ಭಾವಯೇದ್ಧಸ್ತೇ ನಮಸ್ತೇ ಖಡ್ಗಧಾರೀಣೇ .
ಮೃಗಂ ನ್ಯೇಸತದ್ವಾಮ ಹಸ್ತೇ ತ್ರಿದಣ್ಡೋಲ್ಲಸಿತಾಯ ಚ ..೩೧..

ದಕ್ಷೋರ್ದ್ಧ್ವ ಭಾವಯೇದ್ರೌದ್ರಂ ನಮೋ ವೈ ಬಾಣಧಾರಿಣೇ .
ಪುನರ್ವಸುಮೂರ್ದ್ಧ್ವ ನಮೋ ವೈ ಚಾಪಧಾರಿಣೇ ..೩೨..

ತಿಷ್ಯಂ ನ್ಯಸೇದ್ದಕ್ಷಬಾಹೌ ನಮಸ್ತೇ ಹರ ಮನ್ಯವೇ .
ಸಾರ್ಪಂ ನ್ಯಸೇದ್ವಾಮಬಾಹೌ ಚೋಗ್ರಚಾಪಾಯ ತೇ ನಮಃ ..೩೩..

ಮಘಾಂ ವಿಭಾವಯೇತ್ಕಣ್ಠೇ ನಮಸ್ತೇ ಭಸ್ಮಧಾರಿಣೇ .
ಮುಖೇ ನ್ಯಸೇದ್-ಭಗರ್ಕ್ಷ ಚ ನಮಃ ಕ್ರೂರಗ್ರಹಾಯ ಚ ..೩೪..

ಭಾವಯೇದ್ದಕ್ಷನಾಸಾಯಾಮರ್ಯಮಾಣಶ್ವ ಯೋಗಿನೇ .
ಭಾವಯೇದ್ವಾಮನಾಸಾಯಾಂ ಹಸ್ತರ್ಕ್ಷಂ ಧಾರಿಣೇ ನಮಃ ..೩೫..

ತ್ವಾಷ್ಟ್ರಂ ನ್ಯಸೇದ್ದಕ್ಷಕರ್ಣೇ ಕೃಸರಾನ್ನ ಪ್ರಿಯಾಯ ತೇ .
ಸ್ವಾತೀಂ ನ್ಯೇಸದ್ವಾಮಕರ್ಣೇ ನಮೋ ಬೃಹ್ಮಮಯಾಯ ತೇ ..೩೬..

ವಿಶಾಖಾಂ ಚ ದಕ್ಷನೇತ್ರೇ ನಮಸ್ತೇ ಜ್ಞಾನದೃಷ್ಟಯೇ .
ವಿಷ್ಕುಮ್ಭಂ ಭಾವಯೇಚ್ಛೀರ್ಷೇಸನ್ಧೌ ಕಾಲಾಯ ತೇ ನಮಃ ..೩೭..

ಪ್ರೀತಿಯೋಗಂ ಭ್ರುವೋಃ ಸನ್ಧೌ ಮಹಾಮನ್ದಂ ! ನಮೋಽಸ್ತು ತೇ .
ನೇತ್ರಯೋಃ ಸನ್ಧಾವಾಯುಷ್ಮದ್ಯೋಗಂ ಭೀಷ್ಮಾಯ ತೇ ನಮಃ ..೩೮..

ಸೌಭಾಗ್ಯಂ ಭಾವಯೇನ್ನಾಸಾಸನ್ಧೌ ಫಲಾಶನಾಯ ಚ .
ಶೋಭನಂ ಭಾವಯೇತ್ಕರ್ಣೇ ಸನ್ಧೌ ಪಿಣ್ಯಾತ್ಮನೇ ನಮಃ ..೩೯..

ನಮಃ ಕೃಷ್ಣಯಾತಿಗಣ್ಡಂ ಹನುಸನ್ಧೌ ವಿಭಾವಯೇತ್ .
ನಮೋ ನಿರ್ಮಾಂಸದೇಹಾಯ ಸುಕರ್ಮಾಣಂ ಶಿರೋಧರೇ ..೪೦..

ಧೃತಿಂ ನ್ಯಸೇದ್ದಕ್ಷವಾಹೌ ಪೃಷ್ಠೇ ಛಾಯಾಸುತಾಯ ಚ .
ತನ್ಮೂಲಸನ್ಧೌ ಶೂಲಂ ಚ ನ್ಯಸೇದುಗ್ರಾಯ ತೇ ನಮಃ ..೪೧..

ತತ್ಕೂರ್ಪರೇ ನ್ಯಸೇದಗಣ್ಡೇ ನಿತ್ಯಾನನ್ದಾಯ ತೇ ನಮಃ .
ವೃದ್ಧಿಂ ತನ್ಮಣಿಬನ್ಧೇ ಚ ಕಾಲಜ್ಞಾಯ ನಮೋ ನ್ಯಸೇತ್ ..೪೨..

ಧ್ರುವಂ ತದ್ಙ್ಗುಲೀ-ಮೂಲಸನ್ಧೌ ಕೃಷ್ಣಾಯ ತೇ ನಮಃ .
ವ್ಯಾಘಾತಂ ಭಾವಯೇದ್ವಾಮಬಾಹುಪೃಷ್ಠೇ ಕೃಶಾಯ ಚ ..೪೩..

ಹರ್ಷಣಂ ತನ್ಮೂಲಸನ್ಧೌ ಭುತಸನ್ತಾಪಿನೇ ನಮಃ .
ತತ್ಕೂರ್ಪರೇ ನ್ಯಸೇದ್ವಜ್ರಂ ಸಾನನ್ದಾಯ ನಮೋಽಸ್ತು ತೇ ..೪೪..

ಸಿದ್ಧಿಂ ತನ್ಮಣಿಬನ್ಧೇ ಚ ನ್ಯಸೇತ್ ಕಾಲಾಗ್ನಯೇ ನಮಃ .
ವ್ಯತೀಪಾತಂ ಕರಾಗ್ರೇಷು ನ್ಯಸೇತ್ಕಾಲಕೃತೇ ನಮಃ ..೪೫..

ವರೀಯಾಂಸಂ ದಕ್ಷಪಾರ್ಶ್ವಸನ್ಧೌ ಕಾಲಾತ್ಮನೇ ನಮಃ .
ಪರಿಘಂ ಭಾವಯೇದ್ವಾಮಪಾರ್ಶ್ವಸನ್ಧೌ ನಮೋಽಸ್ತು ತೇ ..೪೬..

ನ್ಯಸೇದ್ದಕ್ಷೋರುಸನ್ಧೌ ಚ ಶಿವಂ ವೈ ಕಾಲಸಾಕ್ಷಿಣೇ .
ತಜ್ಜಾನೌ ಭಾವಯೇತ್ಸಿದ್ಧಿಂ ಮಹಾದೇಹಾಯ ತೇ ನಮಃ ..೪೭..

ಸಾಧ್ಯಂ ನ್ಯಸೇಚ್ಚ ತದ್-ಗುಲ್ಫಸನ್ಧೌ ಘೋರಾಯ ತೇ ನಮಃ .
ನ್ಯಸೇತ್ತದಂಗುಲೀಸನ್ಧೌ ಶುಭಂ ರೌದ್ರಾಯ ತೇ ನಮಃ ..೪೮..

ನ್ಯಸೇದ್ವಾಮಾರುಸನ್ಧೌ ಚ ಶುಕ್ಲಕಾಲವಿದೇ ನಮಃ .
ಬ್ರಹ್ಮಯೋಗಂ ಚ ತಜ್ಜಾನೋ ನ್ಯಸೇತ್ಸದ್ಯೋಗಿನೇ ನಮಃ ..೪೯..

ಐನ್ದ್ರಂ ತದ್-ಗುಲ್ಫಸನ್ಧೌ ಚ ಯೋಗಾಽಧೀಶಾಯ ತೇ ನಮಃ .
ನ್ಯಸೇತ್ತದಂಗುಲೀಸನ್ಧೌ ನಮೋ ಭವ್ಯಾಯ ವೈಧೃತಿಮ್ ..೫೦..

ಚರ್ಮಣಿ ಬವಕರಣಂ ಭಾವಯೇದ್ಯಜ್ವನೇ ನಮಃ .
ಬಾಲವಂ ಭಾವಯೇದ್ರಕ್ತೇ ಸಂಹಾರಕ ! ನಮೋಽಸ್ತು ತೇ ..೫೧..

ಕೌಲವಂ ಭಾವಯೇದಸ್ಥ್ನಿ ನಮಸ್ತೇ ಸರ್ವಭಕ್ಷಿಣೇ .
ತೈತ್ತಿಲಂ ಭಾವಯೇನ್ಮಸಿ ಆಮಮಾಂಸಪ್ರಿಯಾಯ ತೇ ..೫೨..

ಗರಂ ನ್ಯಸೇದ್ವಪಾಯಾಂ ಚ ಸರ್ವಗ್ರಾಸಾಯ ತೇ ನಮಃ .
ನ್ಯಸೇದ್ವಣಿಜಂ ಮಜ್ಜಾಯಾಂ ಸರ್ವಾನ್ತಕ ! ನಮೋಽಸ್ತು ತೇ ..೫೩..

ವಿರ್ಯೇವಿಭಾವಯೇದ್ವಿಷ್ಟಿಂ ನಮೋ ಮನ್ಯೂಗ್ರತೇಜಸೇ .
ರುದ್ರಮಿತ್ರ ! ಪಿತೃವಸುವಾರೀಣ್ಯೇತಾಂಶ್ಚ ಪಞ್ಚ ಚ ..೫೪..

ಮುಹೂರ್ತಾಂಶ್ಚ ದಕ್ಷಪಾದನಖೇಷು ಭಾವಯೇನ್ನಮಃ .
ಖಗೇಶಾಯ ಚ ಖಸ್ಥಾಯ ಖೇಚರಾಯ ಸ್ವರುಪಿಣೇ ..೫೫..

ಪುರುಹೂತಶತಮಖೇ ವಿಶ್ವವೇಧೋ-ವಿಧೂಂಸ್ತಥಾ .
ಮುಹೂರ್ತಾಂಶ್ಚ ವಾಮಪಾದನಖೇಷು ಭಾವಯೇನ್ನಮಃ ..೫೬..

ಸತ್ಯವ್ರತಾಯ ಸತ್ಯಾಯ ನಿತ್ಯಸತ್ಯಾಯ ತೇ ನಮಃ .
ಸಿದ್ಧೇಶ್ವರ ! ನಮಸ್ತುಭ್ಯಂ ಯೋಗೇಶ್ವರ ! ನಮೋಽಸ್ತು ತೇ ..೫೭..

ವಹ್ನಿನಕ್ತಂಚರಾಂಶ್ಚೈವ ವರುಣಾರ್ಯಮಯೋನಕಾನ್ .
ಮುಹೂರ್ತಾಂಶ್ಚ ದಕ್ಷಹಸ್ತನಖೇಷು ಭಾವಯೇನ್ನಮಃ ..೫೮..

ಲಗ್ನೋದಯಾಯ ದೀರ್ಘಾಯ ಮಾರ್ಗಿಣೇ ದಕ್ಷದೃಷ್ಟಯೇ .
ವಕ್ರಾಯ ಚಾತಿಕ್ರೂರಾಯ ನಮಸ್ತೇ ವಾಮದೃಷ್ಟಯೇ ..೫೯..

ವಾಮಹಸ್ತನಖೇಷ್ವನ್ತ್ಯವರ್ಣೇಶಾಯ ನಮೋಽಸ್ತು ತೇ .
ಗಿರಿಶಾಹಿರ್ಬುಧ್ನ್ಯಪೂಷಾಜಪಷ್ದ್ದಸ್ತ್ರಾಂಶ್ಚ ಭಾವಯೇತ್ ..೬೦..

ರಾಶಿಭೋಕ್ತ್ರೇ ರಾಶಿಗಾಯ ರಾಶಿಭ್ರಮಣಕಾರಿಣೇ .
ರಾಶಿನಾಥಾಯ ರಾಶೀನಾಂ ಫಲದಾತ್ರೇ ನಮೋಽಸ್ತು ತೇ ..೬೧..

ಯಮಾಗ್ನಿ-ಚನ್ದ್ರಾದಿತಿಜವಿಧಾತೃಂಶ್ಚ ವಿಭಾವಯೇತ್ .
ಊರ್ದ್ಧ್ವ-ಹಸ್ತ-ದಕ್ಷನಖೇಷ್ವತ್ಯಕಾಲಾಯ ತೇ ನಮಃ ..೬೨..

ತುಲೋಚ್ಚಸ್ಥಾಯ ಸೌಮ್ಯಾಯ ನಕ್ರಕುಮ್ಭಗೃಹಾಯ ಚ .
ಸಮೀರತ್ವಷ್ಟಜೀವಾಂಶ್ಚ ವಿಷ್ಣು ತಿಗ್ಮ ದ್ಯುತೀನ್ನಯಸೇತ್ ..೬೩..

ಊರ್ಧ್ವ-ವಾಮಹಸ್ತ-ನಖೇಷ್ವನ್ಯಗ್ರಹ ನಿವಾರಿಣೇ .
ತುಷ್ಟಾಯ ಚ ವರಿಷ್ಠಾಯ ನಮೋ ರಾಹುಸಖಾಯ ಚ ..೬೪..

ರವಿವಾರಂ ಲಲಾಟೇ ಚ ನ್ಯಸೇದ್-ಭೀಮದೃಶೇ ನಮಃ .
ಸೋಮವಾರಂ ನ್ಯಸೇದಾಸ್ಯೇ ನಮೋ ಮೃತಪ್ರಿಯಾಯ ಚ ..೬೫..

ಭೌಮವಾರಂ ನ್ಯಸೇತ್ಸ್ವಾನ್ತೇ ನಮೋ ಬ್ರಹ್ಮ-ಸ್ವರುಪಿಣೇ .
ಮೇಢ್ರಂ ನ್ಯಸೇತ್ಸೌಮ್ಯವಾರಂ ನಮೋ ಜೀವ-ಸ್ವರುಪಿಣೇ ..೬೬..

ವೃಷಣೇ ಗುರುವಾರಂ ಚ ನಮೋ ಮನ್ತ್ರ-ಸ್ವರುಪಿಣೇ .
ಭೃಗುವಾರಂ ಮಲದ್ವಾರೇ ನಮಃ ಪ್ರಲಯಕಾರಿಣೇ ..೬೭..

ಪಾದಯೋಃ ಶನಿವಾರಂ ಚ ನಿರ್ಮಾಂಸಾಯ ನಮೋಽಸ್ತು ತೇ .
ಘಟಿಕಾ ನ್ಯಸೇತ್ಕೇಶೇಷು ನಮಸ್ತೇ ಸೂಕ್ಷ್ಮರುಪಿಣೇ ..೬೮..

ಕಾಲರುಪಿನ್ನಮಸ್ತೇಽಸ್ತು ಸರ್ವಪಾಪಪ್ರಣಾಶಕಃ !.
ತ್ರಿಪುರಸ್ಯ ವಧಾರ್ಥಾಂಯ ಶಮ್ಭುಜಾತಾಯ ತೇ ನಮಃ ..೬೯..

ನಮಃ ಕಾಲಶರೀರಾಯ ಕಾಲನುನ್ನಾಯ ತೇ ನಮಃ .
ಕಾಲಹೇತೋ ! ನಮಸ್ತುಭ್ಯಂ ಕಾಲನನ್ದಾಯ ವೈ ನಮಃ ..೭೦..

ಅಖಣ್ಡದಣ್ಡಮಾನಾಯ ತ್ವನಾದ್ಯನ್ತಾಯ ವೈ ನಮಃ .
ಕಾಲದೇವಾಯ ಕಾಲಾಯ ಕಾಲಕಾಲಾಯ ತೇ ನಮಃ ..೭೧..

ನಿಮೇಷಾದಿಮಹಾಕಲ್ಪಕಾಲರುಪಂ ಚ ಭೈರವಮ್ .
ಮೃತ್ಯುಞ್ಜಯಂ ಮಹಾಕಾಲಂ ನಮಸ್ಯಾಮಿ ಶನೈಶ್ಚರಮ್ ..೭೨..

ದಾತಾರಂ ಸರ್ವಭವ್ಯಾನಾಂ ಭಕ್ತಾನಾಮಭಯಂಕರಮ್ .
ಮೃತ್ಯುಞ್ಜಯಂ ಮಹಾಕಾಲಂ ನಮಸ್ಯಾಮಿ ಶನೈಶ್ಚರಮ್ ..೭೩..

ಕರ್ತ್ತಾರಂ ಸರ್ವದುಃಖಾನಾಂ ದುಷ್ಟಾನಾಂ ಭಯವರ್ಧನಮ್ .
ಮೃತ್ಯುಞ್ಜಯಂ ಮಹಾಕಾಲಂ ನಮಸ್ಯಾಮಿ ಶನೈಶ್ಚರಮ್ ..೭೪..

ಹರ್ತ್ತಾರಂ ಗ್ರಹಜಾತಾನಾಂ ಫಲಾನಾಮಘಕಾರಿಣಾಮ್ .
ಮೃತ್ಯುಞ್ಜಯಂ ಮಹಾಕಾಲಂ ನಮಸ್ಯಾಮಿ ಶನೈಶ್ಚರಮ್ ..೭೫..

ಸರ್ವೇಷಾಮೇವ ಭೂತಾನಾಂ ಸುಖದಂ ಶಾನ್ತಮವ್ಯಯಮ್ .
ಮೃತ್ಯುಞ್ಜಯಂ ಮಹಾಕಾಲಂ ನಮಸ್ಯಾಮಿ ಶನೈಶ್ಚರಮ್ ..೭೬..

ಕಾರಣಂ ಸುಖದುಃಖಾನಾಂ ಭಾವಾಽಭಾವ-ಸ್ವರುಪಿಣಮ್ .
ಮೃತ್ಯುಞ್ಜಯಂ ಮಹಾಕಾಲಂ ನಮಸ್ಯಾಮಿ ಶನೈಶ್ಚರಮ್ ..೭೭..

ಅಕಾಲ-ಮೃತ್ಯು-ಹರಣಽಮಪಮೃತ್ಯು ನಿವಾರಣಮ್ .
ಮೃತ್ಯುಞ್ಜಯಂ ಮಹಾಕಾಲಂ ನಮಸ್ಯಾಮಿ ಶನೈಶ್ಚರಮ್ ..೭೮..

ಕಾಲರುಪೇಣ ಸಂಸಾರ ಭಕ್ಷಯನ್ತಂ ಮಹಾಗ್ರಹಮ್ .
ಮೃತ್ಯುಞ್ಜಯಂ ಮಹಾಕಾಲಂ ನಮಸ್ಯಾಮಿ ಶನೈಶ್ಚರಮ್ ..೭೯..

ದುರ್ನಿರೀಕ್ಷ್ಯಂ ಸ್ಥೂಲರೋಮಂ ಭೀಷಣಂ ದೀರ್ಘ-ಲೋಚನಮ್ .
ಮೃತ್ಯುಞ್ಜಯಂ ಮಹಾಕಾಲಂ ನಮಸ್ಯಾಮಿ ಶನೈಶ್ಚರಮ್ ..೮೦..

ಗ್ರಹಾಣಾಂ ಗ್ರಹಭೂತಂ ಚ ಸರ್ವಗ್ರಹ-ನಿವಾರಣಮ್ .
ಮೃತ್ಯುಞ್ಜಯಂ ಮಹಾಕಾಲಂ ನಮಸ್ಯಾಮಿ ಶನೈಶ್ಚರಮ್ ..೮೧..

ಕಾಲಸ್ಯ ವಶಗಾಃ ಸರ್ವೇ ನ ಕಾಲಃ ಕಸ್ಯಚಿದ್ವಶಃ .
ತಸ್ಮಾತ್ತ್ವಾಂ ಕಾಲಪುರುಷಂ ಪ್ರಣತೋಽಸ್ಮಿ ಶನೈಶ್ಚರಮ್ ..೮೨..

ಕಾಲದೇವ ಜಗತ್ಸರ್ವಂ ಕಾಲ ಏವ ವಿಲೀಯತೇ .
ಕಾಲರುಪಂ ಸ್ವಯಂ ಶಮ್ಭುಃ ಕಾಲಾತ್ಮಾ ಗ್ರಹದೇವತಾ ..೮೩..

ಚಣ್ಡೀಶೋ ರುದ್ರಡಾಕಿನ್ಯಾಕ್ರಾನ್ತಶ್ಚಣ್ಡೀಶ ಉಚ್ಯತೇ .
ವಿದ್ಯುದಾಕಲಿತೋ ನದ್ಯಾಂ ಸಮಾರುಢೋ ರಸಾಧಿಪಃ ..೮೪..

ಚಣ್ಡೀಶಃ ಶುಕಸಂಯುಕ್ತೋ ಜಿಹ್ವಯಾ ಲಲಿತಃ ಪುನಃ .
ಕ್ಷತಜಸ್ತಾಮಸೀ ಶೋಭೀ ಸ್ಥಿರಾತ್ಮಾ ವಿದ್ಯುತಾ ಯುತಃ ..೮೫..

ನಮೋಽನ್ತೋ ಮನುರಿತ್ಯೇಷ ಶನಿತುಷ್ಟಿಕರಃ ಶಿವೇ .
ಆದ್ಯನ್ತೇಽಷ್ಟೋತ್ತರಶತಂ ಮನುಮೇನಂ ಜಪೇನ್ನರಃ ..೮೬..

ಯಃ ಪಠೇಚ್ಛ್ರಣುಯಾದ್ವಾಪಿ ಧ್ಯಾತ್ತ್ವಾ ಸಮ್ಪೂಜ್ಯ ಭಕ್ತಿತಃ .
ತ್ರಸ್ಯ ಮೃತ್ಯೋರ್ಭಯಂ ನೈವ ಶತವರ್ಷಾವಧಿಪ್ರಿಯೇ !..೮೭..

ಜ್ವರಾಃ ಸರ್ವೇ ವಿನಶ್ಯನ್ತಿ ದದ್ರು-ವಿಸ್ಫೋಟಕಚ್ಛುಕಾಃ .
ದಿವಾ ಸೌರಿಂ ಸ್ಮರೇತ್ ರಾತ್ರೌ ಮಹಾಕಾಲಂ ಯಜನ್ ಪಠೇತ ..೮೮..

ಜನ್ಮರ್ಕ್ಷೇ ಚ ಯದಾ ಸೌರಿರ್ಜಪೇದೇತತ್ಸಹಸ್ತ್ರಕಮ್ .
ವೇಧಗೇ ವಾಮವೇಧೇ ವಾ ಜಪೇದರ್ದ್ಧಸಹಸ್ತ್ರಕಮ್ ..೮೯..

ದ್ವಿತೀಯೇ ದ್ವಾದಶೇ ಮನ್ದೇ ತನೌ ವಾ ಚಾಷ್ಟಮೇಽಪಿ ವಾ .
ತತ್ತದ್ರಾಶೌ ಭವೇದ್ಯಾವತ್ ಪಠೇತ್ತಾವದ್ದಿನಾವಧಿ ..೯೦..

ಚತುರ್ಥೇ ದಶಮೇ ವಾಽಪಿ ಸಪ್ತಮೇ ನವಪಞ್ಚಮೇ .
ಗೋಚರೇ ಜನ್ಮಲಗ್ನೇಶೇ ದಶಾಸ್ವನ್ತರ್ದಶಾಸು ಚ ..೯೧..

ಗುರುಲಾಘವಜ್ಞಾನೇನ ಪಠೇದಾವೃತ್ತಿಸಂಖ್ಯಯಾ .
ಶತಮೇಕಂ ತ್ರಯಂ ವಾಥ ಶತಯುಗ್ಮಂ ಕದಾಚನ ..೯೨..

ಆಪದಸ್ತಸ್ಯ ನಶ್ಯನ್ತಿ ಪಾಪಾನಿ ಚ ಜಯಂ ಭವೇತ್ .
ಮಹಾಕಾಲಾಲಯೇ ಪೀಠೇ ಹ್ಯಥವಾ ಜಲಸನ್ನಿಧೌ ..೯೩..

ಪುಣ್ಯಕ್ಷೇತ್ರೇಽಶ್ವತ್ಥಮೂಲೇ ತೈಲಕುಮ್ಭಾಗ್ರತೋ ಗೃಹೇ .
ನಿಯಮೇನೈಕಭಕ್ತೇನ ಬ್ರಹ್ಮಚರ್ಯೇಣ ಮೌನಿನಾ ..೯೪..

ಶ್ರೋತವ್ಯಂ ಪಠಿತವ್ಯಂ ಚ ಸಾಧಕಾನಾಂ ಸುಖಾವಹಮ್ .
ಪರಂ ಸ್ವಸ್ತ್ಯಯನಂ ಪುಣ್ಯಂ ಸ್ತೋತ್ರಂ ಮೃತ್ಯುಞ್ಜಯಾಭಿಧಮ್ ..೯೫..

ಕಾಲಕ್ರಮೇಣ ಕಥಿತಂ ನ್ಯಾಸಕ್ರಮ ಸಮನ್ವಿತಮ್ .
ಪ್ರಾತಃಕಾಲೇ ಶುಚಿರ್ಭೂತ್ವಾ ಪೂಜಾಯಾಂ ಚ ನಿಶಾಮುಖೇ ..೯೬..

ಪಠತಾಂ ನೈವ ದುಷ್ಟೇಭ್ಯೋ ವ್ಯಾಘ್ರಸರ್ಪಾದಿತೋ ಭಯಮ್ .
ನಾಗ್ನಿತೋ ನ ಜಲಾದ್ವಾಯೋರ್ದೇಶೇ ದೇಶಾನ್ತರೇಽಥವಾ ..೯೭..

ನಾಽಕಾಲೇ ಮರಣಂ ತೇಷಾಂ ನಾಽಪಮೃತ್ಯುಭಯಂ ಭವೇತ್ .
ಆಯುರ್ವರ್ಷಶತಂ ಸಾಗ್ರಂ ಭವನ್ತಿ ಚಿರಜೀವಿನಃ ..೯೮..

ನಾಽತಃ ಪರತರಂ ಸ್ತೋತ್ರಂ ಶನಿತುಷ್ಟಿಕರಂ ಮಹತ್ .
ಶಾನ್ತಿಕಂ ಶೀಘ್ರಫಲದಂ ಸ್ತೋತ್ರಮೇತನ್ಮಯೋದಿತಮ್ ..೯೯..

ತಸ್ಮಾತ್ಸರ್ವಪ್ರಯತ್ನೇನ ಯದೀಚ್ಛೇದಾತ್ಮನೋ ಹಿತಮ್ .
ಕಥನೀಯಂ ಮಹಾದೇವಿ ! ನೈವಾಭಕ್ತಸ್ಯ ಕಸ್ಯಚಿತ್ ..೧೦೦..