ஶநிம்ருத்யுஞ்ஜயஸ்தோத்ரம்

ஶநிம்ருத்யுஞ்ஜயஸ்தோத்ரம்

ஶ்ரீ க₃ணேஶாய நம꞉.
ௐ மஹாகால ஶநி ம்ருத்யும்ஜயாய நம꞉.

நீலாத்₃ரீஶோபா₄ஞ்சிததி₃வ்யமூர்தி꞉
க₂ட்₃கோ₃ த்ரித₃ண்டீ₃ ஶரசாபஹஸ்த꞉.
ஶம்பு₄ர்மஹாகாலஶநி꞉ புராரி-
ர்ஜயத்யஶேஷாஸுரநாஶகாரீ ..1

மேருப்ருஷ்டே₂ ஸமாஸீநம் ஸாமரஸ்யே ஸ்தி₂தம் ஶிவம் .
ப்ரணம்ய ஶிரஸா கௌ₃ரீ ப்ருச்ச₂திஸ்ம ஜக₃த்₃தி₄தம் ..2

.. பார்வத்யுவாச..

ப₄க₃வந் ! தே₃வதே₃வேஶ ! ப₄க்தாநுக்₃ரஹகாரக ! .
அல்பம்ருத்யுவிநாஶாய யத்த்வயா பூர்வ ஸூசிதம் ..3..

ததே₃வத்வம் மஹாபா₃ஹோ ! லோகாநாம் ஹிதகாரகம் .
தவ மூர்தி ப்ரபே₄த₃ஸ்ய மஹாகாலஸ்ய ஸாம்ப்ரதம் .. 4 ..

ஶநேர்ம்ருத்யுஞ்ஜயஸ்தோத்ரம் ப்₃ரூஹி மே நேத்ரஜந்மந꞉ .
அகால ம்ருத்யுஹரணமபம்ருத்யு நிவாரணம் ..5..

ஶநிமந்த்ரப்ரபே₄தா₃ யே தைர்யுக்தம் யத்ஸ்தவம் ஶுப₄ம் .
ப்ரதிநாம சது₂ர்யந்தம் நமோந்தம் மநுநாயுதம் ..6..

.. ஶ்ரீஶம்கர உவாச..

நித்யே ப்ரியதமே கௌ₃ரி ஸர்வலோக-ஹிதேரதே .
கு₃ஹ்யாத்₃கு₃ஹ்யதமம் தி₃வ்யம் ஸர்வலோகோபகாரகம் ..7 ..

ஶநிம்ருத்யுஞ்ஜயஸ்தோத்ரம் ப்ரவக்ஷ்யாமி தவ(அ)து₄நா .
ஸர்வமம்க₃லமாம்க₃ல்யம் ஸர்வஶத்ரு விமர்த₃நம் ..8..

ஸர்வரோக₃ப்ரஶமநம் ஸர்வாபத்₃விநிவாரணம் .
ஶரீராரோக்₃யகரணமாயுவ்ருத்₃தி₄கரம் ந்ருணாம் ..9..

யதி₃ ப₄க்தாஸி மே கௌ₃ரீ கோ₃பநீயம் ப்ரயத்நத꞉ .
கோ₃பிதம் ஸர்வதந்த்ரேஷு தச்ச்₂ரணுஷ்வ மஹேஶ்வரீ ! ..10..

ருஷிந்யாஸம் கரந்யாஸம் தே₃ஹந்யாஸம் ஸமாசரேத் .
மஹோக்₃ரம் மூர்க்₄நி விந்யஸ்ய முகே₂ வைவஸ்வதம் ந்யஸேத் ..11..

க₃லே து விந்யஸேந்மந்த₃ம் பா₃ஹ்வோர்மஹாக்₃ரஹம் ந்யஸேத் .
ஹ்ருதி₃ ந்யஸேந்மஹாகாலம் கு₃ஹ்யே க்ருஶதநும் ந்யஸேத் ..12

ஜாந்வோம்தூடு₃சரம் ந்யஸ்ய பாத₃யோஸ்து ஶநைஶ்சரம்.
ஏவம் ந்யாஸவிதி₄ க்ருத்வா பஶ்சாத் காலாத்மந꞉ ஶநே꞉ ..13..

ந்யாஸம் த்₄யாநம் ப்ரவக்ஷ்யாமி தநௌ ஶ்யார்வா படே₂ந்நர꞉ .
கல்பாதி₃யுக₃பே₄தா₃ம்ஶ்ச கராம்க₃ந்யாஸருபிண꞉ ..14..

காலாத்மநோ ந்யஸேத்₃ கா₃த்ரே ம்ருத்யுஞ்ஜய ! நமோ(அ)ஸ்து தே .
மந்வந்தராணி ஸர்வாணி மஹாகாலஸ்வருபிண꞉ ..15..

பா₄வயேத்ப்ரதி ப்ரத்யம்கே₃ மஹாகாலாய தே நம꞉ .
பா₄வயேத்ப்ரப₄வாத்₃யப்₃தா₃ந் ஶீர்ஷே காலஜிதே நம꞉ ..16..

நமஸ்தே நித்யஸேவ்யாய விந்யஸேத₃யநே ப்₄ருவோ꞉ .
ஸௌரயே ச நமஸ்தே(அ)து க₃ண்ட₃யோர்விந்யஸேத்₃ருதூந் ..17..

ஶ்ராவணம் பா₄வயேத₃க்ஷ்ணோர்நம꞉ க்ருஷ்ணநிபா₄ய ச .
மஹோக்₃ராய நமோ பா₄ர்த₃ம் ததா₂ ஶ்ரவணயோர்ந்யஸேத் ..18..

நமோ வை து₃ர்நிரீக்ஷ்யாய சாஶ்விநம் விந்யஸேந்முகே₂ .
நமோ நீலமயூகா₂ய க்₃ரீவாயாம் கார்திகம் ந்யஸேத் ..19..

மார்க₃ஶீர்ஷ ந்யஸேத்₃-பா₃ஹ்வோர்மஹாரௌத்₃ராய தே நம꞉ .
ஊர்த்₃வலோக-நிவாஸாய பௌஷம் து ஹ்ருத₃யே ந்யஸேத் ..20..

நம꞉ காலப்ரபோ₃தா₄ய மாக₄ம் வை சோத₃ரேந்யஸேத் .
மந்த₃கா₃ய நமோ மேட்₄ரே ந்யஸேர்த்₃வபா₂ல்கு₃நம் ததா₂ ..21..

ஊர்வோர்ந்யஸேச்சைத்ரமாஸம் நம꞉ ஶிவோஸ்ப₄வாய ச .
வைஶாக₂ம் விந்யஸேஜ்ஜாந்வோர்நம꞉ ஸம்வர்த்தகாய ச ..22..

ஜம்க₄யோர்பா₄வயேஜ்ஜ்யேஷ்ட₂ம் பை₄ரவாய நமஸ்ததா₂ .
ஆஷாஃட₃ம் பாத்₃யோஶ்சைவ ஶநயே ச நமஸ்ததா₂ ..23..

க்ருஷ்ணபக்ஷம் ச க்ரூராய நம꞉ ஆபாத₃மஸ்தகே .
ந்யஸேதா₃ஶீர்ஷபாதா₃ந்தே ஶுக்லபக்ஷம் க்₃ரஹாய ச ..24..

நயஸேந்மூலம் பாத₃யோஶ்ச க்₃ரஹாய ஶநயே நம꞉ .
நம꞉ ஸர்வஜிதே சைவ தோயம் ஸர்வாம்கு₃லௌ ந்யஸேத் ..25..

ந்யஸேத்₃-கு₃ல்ப₂-த்₃வயே விஶ்வம் நம꞉ ஶுஷ்கதராய ச .
விஷ்ணுப₄ம் பா₄வயேஜ்ஜம்கோ₄ப₄யே ஶிஷ்டதமாய தே ..26..

ஜாநுத்₃வயே த₄நிஷ்டா₂ம் ச ந்யஸேத் க்ருஷ்ணருசே நம꞉ .
ஊருத்₃வயே வாருர்ணாம்ந்யஸேத்காலப்₄ருதே நம꞉ ..27..

பூர்வபா₄த்₃ரம் ந்யஸேந்மேட்₄ரே ஜடாஜூடத₄ராய ச .
ப்ருஷ்ட₂உத்தரபா₄த்₃ரம் ச கராலாய நமஸ்ததா₂ ..28..

ரேவதீம் ச ந்யஸேந்நாபோ₄ நமோ மந்த₃சராய ச .
க₃ர்ப₄தே₃ஶே ந்யஸேத்₃த₃ஸ்த்ரம் நம꞉ ஶ்யாமதராய ச ..29..

நமோ போ₄கி₃ஸ்த்ரஜே நித்யம் யமம் ஸ்தநயுகே₃ ந்யஸேத் .
ந்யேஸத்க்ருத்திகாம் ஹ்ருத₃யே நமஸ்தைலப்ரியாய ச ..30..

ரோஹிணீம் பா₄வயேத்₃த₄ஸ்தே நமஸ்தே க₂ட்₃க₃தா₄ரீணே .
ம்ருக₃ம் ந்யேஸதத்₃வாம ஹஸ்தே த்ரித₃ண்டோ₃ல்லஸிதாய ச ..31..

த₃க்ஷோர்த்₃த்₄வ பா₄வயேத்₃ரௌத்₃ரம் நமோ வை பா₃ணதா₄ரிணே .
புநர்வஸுமூர்த்₃த்₄வ நமோ வை சாபதா₄ரிணே ..32..

திஷ்யம் ந்யஸேத்₃த₃க்ஷபா₃ஹௌ நமஸ்தே ஹர மந்யவே .
ஸார்பம் ந்யஸேத்₃வாமபா₃ஹௌ சோக்₃ரசாபாய தே நம꞉ ..33..

மகா₄ம் விபா₄வயேத்கண்டே₂ நமஸ்தே ப₄ஸ்மதா₄ரிணே .
முகே₂ ந்யஸேத்₃-ப₄க₃ர்க்ஷ ச நம꞉ க்ரூரக்₃ரஹாய ச ..34..

பா₄வயேத்₃த₃க்ஷநாஸாயாமர்யமாணஶ்வ யோகி₃நே .
பா₄வயேத்₃வாமநாஸாயாம் ஹஸ்தர்க்ஷம் தா₄ரிணே நம꞉ ..35..

த்வாஷ்ட்ரம் ந்யஸேத்₃த₃க்ஷகர்ணே க்ருஸராந்ந ப்ரியாய தே .
ஸ்வாதீம் ந்யேஸத்₃வாமகர்ணே நமோ ப்₃ருஹ்மமயாய தே ..36..

விஶாகா₂ம் ச த₃க்ஷநேத்ரே நமஸ்தே ஜ்ஞாநத்₃ருஷ்டயே .
விஷ்கும்ப₄ம் பா₄வயேச்சீ₂ர்ஷேஸந்தௌ₄ காலாய தே நம꞉ ..37..

ப்ரீதியோக₃ம் ப்₄ருவோ꞉ ஸந்தௌ₄ மஹாமந்த₃ம் ! நமோ(அ)ஸ்து தே .
நேத்ரயோ꞉ ஸந்தா₄வாயுஷ்மத்₃யோக₃ம் பீ₄ஷ்மாய தே நம꞉ ..38..

ஸௌபா₄க்₃யம் பா₄வயேந்நாஸாஸந்தௌ₄ ப₂லாஶநாய ச .
ஶோப₄நம் பா₄வயேத்கர்ணே ஸந்தௌ₄ பிண்யாத்மநே நம꞉ ..39..

நம꞉ க்ருஷ்ணயாதிக₃ண்ட₃ம் ஹநுஸந்தௌ₄ விபா₄வயேத் .
நமோ நிர்மாம்ஸதே₃ஹாய ஸுகர்மாணம் ஶிரோத₄ரே ..40..

த்₄ருதிம் ந்யஸேத்₃த₃க்ஷவாஹௌ ப்ருஷ்டே₂ சா₂யாஸுதாய ச .
தந்மூலஸந்தௌ₄ ஶூலம் ச ந்யஸேது₃க்₃ராய தே நம꞉ ..41..

தத்கூர்பரே ந்யஸேத₃க₃ண்டே₃ நித்யாநந்தா₃ய தே நம꞉ .
வ்ருத்₃தி₄ம் தந்மணிப₃ந்தே₄ ச காலஜ்ஞாய நமோ ந்யஸேத் ..42..

த்₄ருவம் தத்₃ங்கு₃லீ-மூலஸந்தௌ₄ க்ருஷ்ணாய தே நம꞉ .
வ்யாகா₄தம் பா₄வயேத்₃வாமபா₃ஹுப்ருஷ்டே₂ க்ருஶாய ச ..43..

ஹர்ஷணம் தந்மூலஸந்தௌ₄ பு₄தஸந்தாபிநே நம꞉ .
தத்கூர்பரே ந்யஸேத்₃வஜ்ரம் ஸாநந்தா₃ய நமோ(அ)ஸ்து தே ..44..

ஸித்₃தி₄ம் தந்மணிப₃ந்தே₄ ச ந்யஸேத் காலாக்₃நயே நம꞉ .
வ்யதீபாதம் கராக்₃ரேஷு ந்யஸேத்காலக்ருதே நம꞉ ..45..

வரீயாம்ஸம் த₃க்ஷபார்ஶ்வஸந்தௌ₄ காலாத்மநே நம꞉ .
பரிக₄ம் பா₄வயேத்₃வாமபார்ஶ்வஸந்தௌ₄ நமோ(அ)ஸ்து தே ..46..

ந்யஸேத்₃த₃க்ஷோருஸந்தௌ₄ ச ஶிவம் வை காலஸாக்ஷிணே .
தஜ்ஜாநௌ பா₄வயேத்ஸித்₃தி₄ம் மஹாதே₃ஹாய தே நம꞉ ..47..

ஸாத்₄யம் ந்யஸேச்ச தத்₃-கு₃ல்ப₂ஸந்தௌ₄ கோ₄ராய தே நம꞉ .
ந்யஸேத்தத₃ம்கு₃லீஸந்தௌ₄ ஶுப₄ம் ரௌத்₃ராய தே நம꞉ ..48..

ந்யஸேத்₃வாமாருஸந்தௌ₄ ச ஶுக்லகாலவிதே₃ நம꞉ .
ப்₃ரஹ்மயோக₃ம் ச தஜ்ஜாநோ ந்யஸேத்ஸத்₃யோகி₃நே நம꞉ ..49..

ஐந்த்₃ரம் தத்₃-கு₃ல்ப₂ஸந்தௌ₄ ச யோகா₃(அ)தீ₄ஶாய தே நம꞉ .
ந்யஸேத்தத₃ம்கு₃லீஸந்தௌ₄ நமோ ப₄வ்யாய வைத்₄ருதிம் ..50..

சர்மணி ப₃வகரணம் பா₄வயேத்₃யஜ்வநே நம꞉ .
பா₃லவம் பா₄வயேத்₃ரக்தே ஸம்ஹாரக ! நமோ(அ)ஸ்து தே ..51..

கௌலவம் பா₄வயேத₃ஸ்த்₂நி நமஸ்தே ஸர்வப₄க்ஷிணே .
தைத்திலம் பா₄வயேந்மஸி ஆமமாம்ஸப்ரியாய தே ..52..

க₃ரம் ந்யஸேத்₃வபாயாம் ச ஸர்வக்₃ராஸாய தே நம꞉ .
ந்யஸேத்₃வணிஜம் மஜ்ஜாயாம் ஸர்வாந்தக ! நமோ(அ)ஸ்து தே ..53..

விர்யேவிபா₄வயேத்₃விஷ்டிம் நமோ மந்யூக்₃ரதேஜஸே .
ருத்₃ரமித்ர ! பித்ருவஸுவாரீண்யேதாம்ஶ்ச பஞ்ச ச ..54..

முஹூர்தாம்ஶ்ச த₃க்ஷபாத₃நகே₂ஷு பா₄வயேந்நம꞉ .
க₂கே₃ஶாய ச க₂ஸ்தா₂ய கே₂சராய ஸ்வருபிணே ..55..

புருஹூதஶதமகே₂ விஶ்வவேதோ₄-விதூ₄ம்ஸ்ததா₂ .
முஹூர்தாம்ஶ்ச வாமபாத₃நகே₂ஷு பா₄வயேந்நம꞉ ..56..

ஸத்யவ்ரதாய ஸத்யாய நித்யஸத்யாய தே நம꞉ .
ஸித்₃தே₄ஶ்வர ! நமஸ்துப்₄யம் யோகே₃ஶ்வர ! நமோ(அ)ஸ்து தே ..57..

வஹ்நிநக்தம்சராம்ஶ்சைவ வருணார்யமயோநகாந் .
முஹூர்தாம்ஶ்ச த₃க்ஷஹஸ்தநகே₂ஷு பா₄வயேந்நம꞉ ..58..

லக்₃நோத₃யாய தீ₃ர்கா₄ய மார்கி₃ணே த₃க்ஷத்₃ருஷ்டயே .
வக்ராய சாதிக்ரூராய நமஸ்தே வாமத்₃ருஷ்டயே ..59..

வாமஹஸ்தநகே₂ஷ்வந்த்யவர்ணேஶாய நமோ(அ)ஸ்து தே .
கி₃ரிஶாஹிர்பு₃த்₄ந்யபூஷாஜபஷ்த்₃த₃ஸ்த்ராம்ஶ்ச பா₄வயேத் ..60..

ராஶிபோ₄க்த்ரே ராஶிகா₃ய ராஶிப்₄ரமணகாரிணே .
ராஶிநாதா₂ய ராஶீநாம் ப₂லதா₃த்ரே நமோ(அ)ஸ்து தே ..61..

யமாக்₃நி-சந்த்₃ராதி₃திஜவிதா₄த்ரும்ஶ்ச விபா₄வயேத் .
ஊர்த்₃த்₄வ-ஹஸ்த-த₃க்ஷநகே₂ஷ்வத்யகாலாய தே நம꞉ ..62..

துலோச்சஸ்தா₂ய ஸௌம்யாய நக்ரகும்ப₄க்₃ருஹாய ச .
ஸமீரத்வஷ்டஜீவாம்ஶ்ச விஷ்ணு திக்₃ம த்₃யுதீந்நயஸேத் ..63..

ஊர்த்₄வ-வாமஹஸ்த-நகே₂ஷ்வந்யக்₃ரஹ நிவாரிணே .
துஷ்டாய ச வரிஷ்டா₂ய நமோ ராஹுஸகா₂ய ச ..64..

ரவிவாரம் லலாடே ச ந்யஸேத்₃-பீ₄மத்₃ருஶே நம꞉ .
ஸோமவாரம் ந்யஸேதா₃ஸ்யே நமோ ம்ருதப்ரியாய ச ..65..

பௌ₄மவாரம் ந்யஸேத்ஸ்வாந்தே நமோ ப்₃ரஹ்ம-ஸ்வருபிணே .
மேட்₄ரம் ந்யஸேத்ஸௌம்யவாரம் நமோ ஜீவ-ஸ்வருபிணே ..66..

வ்ருஷணே கு₃ருவாரம் ச நமோ மந்த்ர-ஸ்வருபிணே .
ப்₄ருகு₃வாரம் மலத்₃வாரே நம꞉ ப்ரலயகாரிணே ..67..

பாத₃யோ꞉ ஶநிவாரம் ச நிர்மாம்ஸாய நமோ(அ)ஸ்து தே .
க₄டிகா ந்யஸேத்கேஶேஷு நமஸ்தே ஸூக்ஷ்மருபிணே ..68..

காலருபிந்நமஸ்தே(அ)ஸ்து ஸர்வபாபப்ரணாஶக꞉ !.
த்ரிபுரஸ்ய வதா₄ர்தா₂ம்ய ஶம்பு₄ஜாதாய தே நம꞉ ..69..

நம꞉ காலஶரீராய காலநுந்நாய தே நம꞉ .
காலஹேதோ ! நமஸ்துப்₄யம் காலநந்தா₃ய வை நம꞉ ..70..

அக₂ண்ட₃த₃ண்ட₃மாநாய த்வநாத்₃யந்தாய வை நம꞉ .
காலதே₃வாய காலாய காலகாலாய தே நம꞉ ..71..

நிமேஷாதி₃மஹாகல்பகாலருபம் ச பை₄ரவம் .
ம்ருத்யுஞ்ஜயம் மஹாகாலம் நமஸ்யாமி ஶநைஶ்சரம் ..72..

தா₃தாரம் ஸர்வப₄வ்யாநாம் ப₄க்தாநாமப₄யம்கரம் .
ம்ருத்யுஞ்ஜயம் மஹாகாலம் நமஸ்யாமி ஶநைஶ்சரம் ..73..

கர்த்தாரம் ஸர்வது₃꞉கா₂நாம் து₃ஷ்டாநாம் ப₄யவர்த₄நம் .
ம்ருத்யுஞ்ஜயம் மஹாகாலம் நமஸ்யாமி ஶநைஶ்சரம் ..74..

ஹர்த்தாரம் க்₃ரஹஜாதாநாம் ப₂லாநாமக₄காரிணாம் .
ம்ருத்யுஞ்ஜயம் மஹாகாலம் நமஸ்யாமி ஶநைஶ்சரம் ..75..

ஸர்வேஷாமேவ பூ₄தாநாம் ஸுக₂த₃ம் ஶாந்தமவ்யயம் .
ம்ருத்யுஞ்ஜயம் மஹாகாலம் நமஸ்யாமி ஶநைஶ்சரம் ..76..

காரணம் ஸுக₂து₃꞉கா₂நாம் பா₄வா(அ)பா₄வ-ஸ்வருபிணம் .
ம்ருத்யுஞ்ஜயம் மஹாகாலம் நமஸ்யாமி ஶநைஶ்சரம் ..77..

அகால-ம்ருத்யு-ஹரண(அ)மபம்ருத்யு நிவாரணம் .
ம்ருத்யுஞ்ஜயம் மஹாகாலம் நமஸ்யாமி ஶநைஶ்சரம் ..78..

காலருபேண ஸம்ஸார ப₄க்ஷயந்தம் மஹாக்₃ரஹம் .
ம்ருத்யுஞ்ஜயம் மஹாகாலம் நமஸ்யாமி ஶநைஶ்சரம் ..79..

து₃ர்நிரீக்ஷ்யம் ஸ்தூ₂லரோமம் பீ₄ஷணம் தீ₃ர்க₄-லோசநம் .
ம்ருத்யுஞ்ஜயம் மஹாகாலம் நமஸ்யாமி ஶநைஶ்சரம் ..80..

க்₃ரஹாணாம் க்₃ரஹபூ₄தம் ச ஸர்வக்₃ரஹ-நிவாரணம் .
ம்ருத்யுஞ்ஜயம் மஹாகாலம் நமஸ்யாமி ஶநைஶ்சரம் ..81..

காலஸ்ய வஶகா₃꞉ ஸர்வே ந கால꞉ கஸ்யசித்₃வஶ꞉ .
தஸ்மாத்த்வாம் காலபுருஷம் ப்ரணதோ(அ)ஸ்மி ஶநைஶ்சரம் ..82..

காலதே₃வ ஜக₃த்ஸர்வம் கால ஏவ விலீயதே .
காலருபம் ஸ்வயம் ஶம்பு₄꞉ காலாத்மா க்₃ரஹதே₃வதா ..83..

சண்டீ₃ஶோ ருத்₃ரடா₃கிந்யாக்ராந்தஶ்சண்டீ₃ஶ உச்யதே .
வித்₃யுதா₃கலிதோ நத்₃யாம் ஸமாருடோ₄ ரஸாதி₄ப꞉ ..84..

சண்டீ₃ஶ꞉ ஶுகஸம்யுக்தோ ஜிஹ்வயா லலித꞉ புந꞉ .
க்ஷதஜஸ்தாமஸீ ஶோபீ₄ ஸ்தி₂ராத்மா வித்₃யுதா யுத꞉ ..85..

நமோ(அ)ந்தோ மநுரித்யேஷ ஶநிதுஷ்டிகர꞉ ஶிவே .
ஆத்₃யந்தே(அ)ஷ்டோத்தரஶதம் மநுமேநம் ஜபேந்நர꞉ ..86..

ய꞉ படே₂ச்ச்₂ரணுயாத்₃வாபி த்₄யாத்த்வா ஸம்பூஜ்ய ப₄க்தித꞉ .
த்ரஸ்ய ம்ருத்யோர்ப₄யம் நைவ ஶதவர்ஷாவதி₄ப்ரியே !..87..

ஜ்வரா꞉ ஸர்வே விநஶ்யந்தி த₃த்₃ரு-விஸ்போ₂டகச்சு₂கா꞉ .
தி₃வா ஸௌரிம் ஸ்மரேத் ராத்ரௌ மஹாகாலம் யஜந் படே₂த ..88..

ஜந்மர்க்ஷே ச யதா₃ ஸௌரிர்ஜபேதே₃தத்ஸஹஸ்த்ரகம் .
வேத₄கே₃ வாமவேதே₄ வா ஜபேத₃ர்த்₃த₄ஸஹஸ்த்ரகம் ..89..

த்₃விதீயே த்₃வாத₃ஶே மந்தே₃ தநௌ வா சாஷ்டமே(அ)பி வா .
தத்தத்₃ராஶௌ ப₄வேத்₃யாவத் படே₂த்தாவத்₃தி₃நாவதி₄ ..90..

சதுர்தே₂ த₃ஶமே வா(அ)பி ஸப்தமே நவபஞ்சமே .
கோ₃சரே ஜந்மலக்₃நேஶே த₃ஶாஸ்வந்தர்த₃ஶாஸு ச ..91..

கு₃ருலாக₄வஜ்ஞாநேந படே₂தா₃வ்ருத்திஸம்க்₂யயா .
ஶதமேகம் த்ரயம் வாத₂ ஶதயுக்₃மம் கதா₃சந ..92..

ஆபத₃ஸ்தஸ்ய நஶ்யந்தி பாபாநி ச ஜயம் ப₄வேத் .
மஹாகாலாலயே பீடே₂ ஹ்யத₂வா ஜலஸந்நிதௌ₄ ..93..

புண்யக்ஷேத்ரே(அ)ஶ்வத்த₂மூலே தைலகும்பா₄க்₃ரதோ க்₃ருஹே .
நியமேநைகப₄க்தேந ப்₃ரஹ்மசர்யேண மௌநிநா ..94..

ஶ்ரோதவ்யம் படி₂தவ்யம் ச ஸாத₄காநாம் ஸுகா₂வஹம் .
பரம் ஸ்வஸ்த்யயநம் புண்யம் ஸ்தோத்ரம் ம்ருத்யுஞ்ஜயாபி₄த₄ம் ..95..

காலக்ரமேண கதி₂தம் ந்யாஸக்ரம ஸமந்விதம் .
ப்ராத꞉காலே ஶுசிர்பூ₄த்வா பூஜாயாம் ச நிஶாமுகே₂ ..96..

பட₂தாம் நைவ து₃ஷ்டேப்₄யோ வ்யாக்₄ரஸர்பாதி₃தோ ப₄யம் .
நாக்₃நிதோ ந ஜலாத்₃வாயோர்தே₃ஶே தே₃ஶாந்தரே(அ)த₂வா ..97..

நா(அ)காலே மரணம் தேஷாம் நா(அ)பம்ருத்யுப₄யம் ப₄வேத் .
ஆயுர்வர்ஷஶதம் ஸாக்₃ரம் ப₄வந்தி சிரஜீவிந꞉ ..98..

நா(அ)த꞉ பரதரம் ஸ்தோத்ரம் ஶநிதுஷ்டிகரம் மஹத் .
ஶாந்திகம் ஶீக்₄ரப₂லத₃ம் ஸ்தோத்ரமேதந்மயோதி₃தம் ..99..

தஸ்மாத்ஸர்வப்ரயத்நேந யதீ₃ச்சே₂தா₃த்மநோ ஹிதம் .
கத₂நீயம் மஹாதே₃வி ! நைவாப₄க்தஸ்ய கஸ்யசித் ..100..