Shanimri'tyunjayastotram

Shanimri'tyunjayastotram

Shree ganeshaaya namah'.
Om mahaakaala shani mri'tyunjayaaya namah'.

Neelaadreeshobhaanchitadivyamoortih'
Khad'go tridand'ee sharachaapahastah'.
Shambhurmahaakaalashanih' puraari-
Rjayatyasheshaasuranaashakaaree ..1

Merupri'sht'he samaaseenam' saamarasye sthitam' shivam .
Pranamya shirasaa gauree pri'chchhatisma jagaddhitam ..2

.. Paarvatyuvaacha..

Bhagavan ! Devadevesha ! Bhaktaanugrahakaaraka ! .
Alpamri'tyuvinaashaaya yattvayaa poorva soochitam ..3..

Tadevatvam' mahaabaaho ! Lokaanaam' hitakaarakam .
Tava moorti prabhedasya mahaakaalasya saampratam .. 4 ..

Shanermri'tyunjayastotram' broohi me netrajanmanah' .
Akaala mri'tyuharanamapamri'tyu nivaaranam ..5..

Shanimantraprabhedaa ye tairyuktam' yatstavam' shubham .
Pratinaama chathuryantam' namontam' manunaayutam ..6..

.. Shreeshankara uvaacha..

Nitye priyatame gauri sarvaloka-hiterate .
Guhyaadguhyatamam' divyam' sarvalokopakaarakam ..7 ..

Shanimri'tyunjayastotram' pravakshyaami tava'dhunaa .
Sarvamangalamaangalyam' sarvashatru vimardanam ..8..

Sarvarogaprashamanam' sarvaapadvinivaaranam .
Shareeraarogyakaranamaayuvri'ddhikaram' nri'naam ..9..

Yadi bhaktaasi me gauree gopaneeyam' prayatnatah' .
Gopitam' sarvatantreshu tachchhranushva maheshvaree ! ..10..

Ri'shinyaasam' karanyaasam' dehanyaasam' samaacharet .
Mahogram' moorghni vinyasya mukhe vaivasvatam' nyaset ..11..

Gale tu vinyasenmandam' baahvormahaagraham' nyaset .
Hri'di nyasenmahaakaalam' guhye kri'shatanum' nyaset ..12

Jaanvomtood'ucharam' nyasya paadayostu shanaishcharam.
Evam' nyaasavidhi kri'tvaa pashchaat kaalaatmanah' shaneh' ..13..

Nyaasam' dhyaanam' pravakshyaami tanau shyaarvaa pat'hennarah' .
Kalpaadiyugabhedaam'shcha karaanganyaasarupinah' ..14..

Kaalaatmano nyased gaatre mri'tyunjaya ! Namo'stu te .
Manvantaraani sarvaani mahaakaalasvarupinah' ..15..

Bhaavayetprati pratyange mahaakaalaaya te namah' .
Bhaavayetprabhavaadyabdaan sheershe kaalajite namah' ..16..

Namaste nityasevyaaya vinyasedayane bhruvoh' .
Sauraye cha namaste'tu gand'ayorvinyasedri'toon ..17..

Shraavanam' bhaavayedakshnornamah' kri'shnanibhaaya cha .
Mahograaya namo bhaardam' tathaa shravanayornyaset ..18..

Namo vai durnireekshyaaya chaashvinam' vinyasenmukhe .
Namo neelamayookhaaya greevaayaam' kaartikam' nyaset ..19..

Maargasheersha nyased-baahvormahaaraudraaya te namah' .
Oordvaloka-nivaasaaya pausham' tu hri'daye nyaset ..20..

Namah' kaalaprabodhaaya maagham' vai chodarenyaset .
Mandagaaya namo med'hre nyaserdvaphaalgunam' tathaa ..21..

Oorvornyasechchaitramaasam' namah' shivosbhavaaya cha .
Vaishaakham' vinyasejjaanvornamah' sam'varttakaaya cha ..22..

Janghayorbhaavayejjyesht'ham' bhairavaaya namastathaa .
Aashaarham' paadyoshchaiva shanaye cha namastathaa ..23..

Kri'shnapaksham' cha krooraaya namah' aapaadamastake .
Nyasedaasheershapaadaante shuklapaksham' grahaaya cha ..24..

Nayasenmoolam' paadayoshcha grahaaya shanaye namah' .
Namah' sarvajite chaiva toyam' sarvaangulau nyaset ..25..

Nyased-gulpha-dvaye vishvam' namah' shushkataraaya cha .
Vishnubham' bhaavayejjanghobhaye shisht'atamaaya te ..26..

Jaanudvaye dhanisht'haam' cha nyaset kri'shnaruche namah' .
Oorudvaye vaarurnaam'nyasetkaalabhri'te namah' ..27..

Poorvabhaadram' nyasenmed'hre jat'aajoot'adharaaya cha .
Pri'sht'ha_uttarabhaadram' cha karaalaaya namastathaa ..28..

Revateem' cha nyasennaabho namo mandacharaaya cha .
Garbhadeshe nyaseddastram' namah' shyaamataraaya cha ..29..

Namo bhogistraje nityam' yamam' stanayuge nyaset .
Nyesatkri'ttikaam' hri'daye namastailapriyaaya cha ..30..

Rohineem' bhaavayeddhaste namaste khad'gadhaareene .
Mri'gam' nyesatadvaama haste tridand'ollasitaaya cha ..31..

Dakshorddhva bhaavayedraudram' namo vai baanadhaarine .
Punarvasumoorddhva namo vai chaapadhaarine ..32..

Tishyam' nyaseddakshabaahau namaste hara manyave .
Saarpam' nyasedvaamabaahau chograchaapaaya te namah' ..33..

Maghaam' vibhaavayetkant'he namaste bhasmadhaarine .
Mukhe nyased-bhagarksha cha namah' krooragrahaaya cha ..34..

Bhaavayeddakshanaasaayaamaryamaanashva yogine .
Bhaavayedvaamanaasaayaam' hastarksham' dhaarine namah' ..35..

Tvaasht'ram' nyaseddakshakarne kri'saraanna priyaaya te .
Svaateem' nyesadvaamakarne namo bri'hmamayaaya te ..36..

Vishaakhaam' cha dakshanetre namaste jnyaanadri'sht'aye .
Vishkumbham' bhaavayechchheershesandhau kaalaaya te namah' ..37..

Preetiyogam' bhruvoh' sandhau mahaamandam' ! Namo'stu te .
Netrayoh' sandhaavaayushmadyogam' bheeshmaaya te namah' ..38..

Saubhaagyam' bhaavayennaasaasandhau phalaashanaaya cha .
Shobhanam' bhaavayetkarne sandhau pinyaatmane namah' ..39..

Namah' kri'shnayaatigand'am' hanusandhau vibhaavayet .
Namo nirmaam'sadehaaya sukarmaanam' shirodhare ..40..

Dhri'tim' nyaseddakshavaahau pri'sht'he chhaayaasutaaya cha .
Tanmoolasandhau shoolam' cha nyasedugraaya te namah' ..41..

Tatkoorpare nyasedagand'e nityaanandaaya te namah' .
Vri'ddhim' tanmanibandhe cha kaalajnyaaya namo nyaset ..42..

Dhruvam' tadngulee-moolasandhau kri'shnaaya te namah' .
Vyaaghaatam' bhaavayedvaamabaahupri'sht'he kri'shaaya cha ..43..

Harshanam' tanmoolasandhau bhutasantaapine namah' .
Tatkoorpare nyasedvajram' saanandaaya namo'stu te ..44..

Siddhim' tanmanibandhe cha nyaset kaalaagnaye namah' .
Vyateepaatam' karaagreshu nyasetkaalakri'te namah' ..45..

Vareeyaam'sam' dakshapaarshvasandhau kaalaatmane namah' .
Parigham' bhaavayedvaamapaarshvasandhau namo'stu te ..46..

Nyaseddakshorusandhau cha shivam' vai kaalasaakshine .
Tajjaanau bhaavayetsiddhim' mahaadehaaya te namah' ..47..

Saadhyam' nyasechcha tad-gulphasandhau ghoraaya te namah' .
Nyasettadanguleesandhau shubham' raudraaya te namah' ..48..

Nyasedvaamaarusandhau cha shuklakaalavide namah' .
Brahmayogam' cha tajjaano nyasetsadyogine namah' ..49..

Aindram' tad-gulphasandhau cha yogaa'dheeshaaya te namah' .
Nyasettadanguleesandhau namo bhavyaaya vaidhri'tim ..50..

Charmani bavakaranam' bhaavayedyajvane namah' .
Baalavam' bhaavayedrakte sam'haaraka ! Namo'stu te ..51..

Kaulavam' bhaavayedasthni namaste sarvabhakshine .
Taittilam' bhaavayenmasi aamamaam'sapriyaaya te ..52..

Garam' nyasedvapaayaam' cha sarvagraasaaya te namah' .
Nyasedvanijam' majjaayaam' sarvaantaka ! Namo'stu te ..53..

Viryevibhaavayedvisht'im' namo manyoogratejase .
Rudramitra ! Pitri'vasuvaareenyetaam'shcha pancha cha ..54..

Muhoortaam'shcha dakshapaadanakheshu bhaavayennamah' .
Khageshaaya cha khasthaaya khecharaaya svarupine ..55..

Puruhootashatamakhe vishvavedho-vidhoom'stathaa .
Muhoortaam'shcha vaamapaadanakheshu bhaavayennamah' ..56..

Satyavrataaya satyaaya nityasatyaaya te namah' .
Siddheshvara ! Namastubhyam' yogeshvara ! Namo'stu te ..57..

Vahninaktancharaam'shchaiva varunaaryamayonakaan .
Muhoortaam'shcha dakshahastanakheshu bhaavayennamah' ..58..

Lagnodayaaya deerghaaya maargine dakshadri'sht'aye .
Vakraaya chaatikrooraaya namaste vaamadri'sht'aye ..59..

Vaamahastanakheshvantyavarneshaaya namo'stu te .
Girishaahirbudhnyapooshaajapashddastraam'shcha bhaavayet ..60..

Raashibhoktre raashigaaya raashibhramanakaarine .
Raashinaathaaya raasheenaam' phaladaatre namo'stu te ..61..

Yamaagni-chandraaditijavidhaatri'm'shcha vibhaavayet .
Oorddhva-hasta-dakshanakheshvatyakaalaaya te namah' ..62..

Tulochchasthaaya saumyaaya nakrakumbhagri'haaya cha .
Sameeratvasht'ajeevaam'shcha vishnu tigma dyuteennayaset ..63..

Oordhva-vaamahasta-nakheshvanyagraha nivaarine .
Tusht'aaya cha varisht'haaya namo raahusakhaaya cha ..64..

Ravivaaram' lalaat'e cha nyased-bheemadri'she namah' .
Somavaaram' nyasedaasye namo mri'tapriyaaya cha ..65..

Bhaumavaaram' nyasetsvaante namo brahma-svarupine .
Med'hram' nyasetsaumyavaaram' namo jeeva-svarupine ..66..

Vri'shane guruvaaram' cha namo mantra-svarupine .
Bhri'guvaaram' maladvaare namah' pralayakaarine ..67..

Paadayoh' shanivaaram' cha nirmaam'saaya namo'stu te .
Ghat'ikaa nyasetkesheshu namaste sookshmarupine ..68..

Kaalarupinnamaste'stu sarvapaapapranaashakah' !.
Tripurasya vadhaarthaam'ya shambhujaataaya te namah' ..69..

Namah' kaalashareeraaya kaalanunnaaya te namah' .
Kaalaheto ! Namastubhyam' kaalanandaaya vai namah' ..70..

Akhand'adand'amaanaaya tvanaadyantaaya vai namah' .
Kaaladevaaya kaalaaya kaalakaalaaya te namah' ..71..

Nimeshaadimahaakalpakaalarupam' cha bhairavam .
Mri'tyunjayam' mahaakaalam' namasyaami shanaishcharam ..72..

Daataaram' sarvabhavyaanaam' bhaktaanaamabhayankaram .
Mri'tyunjayam' mahaakaalam' namasyaami shanaishcharam ..73..

Karttaaram' sarvaduh'khaanaam' dusht'aanaam' bhayavardhanam .
Mri'tyunjayam' mahaakaalam' namasyaami shanaishcharam ..74..

Harttaaram' grahajaataanaam' phalaanaamaghakaarinaam .
Mri'tyunjayam' mahaakaalam' namasyaami shanaishcharam ..75..

Sarveshaameva bhootaanaam' sukhadam' shaantamavyayam .
Mri'tyunjayam' mahaakaalam' namasyaami shanaishcharam ..76..

Kaaranam' sukhaduh'khaanaam' bhaavaa'bhaava-svarupinam .
Mri'tyunjayam' mahaakaalam' namasyaami shanaishcharam ..77..

Akaala-mri'tyu-harana'mapamri'tyu nivaaranam .
Mri'tyunjayam' mahaakaalam' namasyaami shanaishcharam ..78..

Kaalarupena sam'saara bhakshayantam' mahaagraham .
Mri'tyunjayam' mahaakaalam' namasyaami shanaishcharam ..79..

Durnireekshyam' sthoolaromam' bheeshanam' deergha-lochanam .
Mri'tyunjayam' mahaakaalam' namasyaami shanaishcharam ..80..

Grahaanaam' grahabhootam' cha sarvagraha-nivaaranam .
Mri'tyunjayam' mahaakaalam' namasyaami shanaishcharam ..81..

Kaalasya vashagaah' sarve na kaalah' kasyachidvashah' .
Tasmaattvaam' kaalapurusham' pranato'smi shanaishcharam ..82..

Kaaladeva jagatsarvam' kaala eva vileeyate .
Kaalarupam' svayam' shambhuh' kaalaatmaa grahadevataa ..83..

Chand'eesho rudrad'aakinyaakraantashchand'eesha uchyate .
Vidyudaakalito nadyaam' samaarud'ho rasaadhipah' ..84..

Chand'eeshah' shukasam'yukto jihvayaa lalitah' punah' .
Kshatajastaamasee shobhee sthiraatmaa vidyutaa yutah' ..85..

Namo'nto manurityesha shanitusht'ikarah' shive .
Aadyante'sht'ottarashatam' manumenam' japennarah' ..86..

Yah' pat'hechchhranuyaadvaapi dhyaattvaa sampoojya bhaktitah' .
Trasya mri'tyorbhayam' naiva shatavarshaavadhipriye !..87..

Jvaraah' sarve vinashyanti dadru-visphot'akachchhukaah' .
Divaa saurim' smaret raatrau mahaakaalam' yajan pat'heta ..88..

Janmarkshe cha yadaa saurirjapedetatsahastrakam .
Vedhage vaamavedhe vaa japedarddhasahastrakam ..89..

Dviteeye dvaadashe mande tanau vaa chaasht'ame'pi vaa .
Tattadraashau bhavedyaavat pat'hettaavaddinaavadhi ..90..

Chaturthe dashame vaa'pi saptame navapanchame .
Gochare janmalagneshe dashaasvantardashaasu cha ..91..

Gurulaaghavajnyaanena pat'hedaavri'ttisankhyayaa .
Shatamekam' trayam' vaatha shatayugmam' kadaachana ..92..

Aapadastasya nashyanti paapaani cha jayam' bhavet .
Mahaakaalaalaye peet'he hyathavaa jalasannidhau ..93..

Punyakshetre'shvatthamoole tailakumbhaagrato gri'he .
Niyamenaikabhaktena brahmacharyena mauninaa ..94..

Shrotavyam' pat'hitavyam' cha saadhakaanaam' sukhaavaham .
Param' svastyayanam' punyam' stotram' mri'tyunjayaabhidham ..95..

Kaalakramena kathitam' nyaasakrama samanvitam .
Praatah'kaale shuchirbhootvaa poojaayaam' cha nishaamukhe ..96..

Pat'hataam' naiva dusht'ebhyo vyaaghrasarpaadito bhayam .
Naagnito na jalaadvaayordeshe deshaantare'thavaa ..97..

Naa'kaale maranam' teshaam' naa'pamri'tyubhayam' bhavet .
Aayurvarshashatam' saagram' bhavanti chirajeevinah' ..98..

Naa'tah' parataram' stotram' shanitusht'ikaram' mahat .
Shaantikam' sheeghraphaladam' stotrametanmayoditam ..99..

Tasmaatsarvaprayatnena yadeechchhedaatmano hitam .
Kathaneeyam' mahaadevi ! Naivaabhaktasya kasyachit ..100..