.. ಶಾರದಾಭುಜಙ್ಗಪ್ರಯಾತಾಷ್ಟಕಮ್ ..

.. ಶಾರದಾಭುಜಙ್ಗಪ್ರಯಾತಾಷ್ಟಕಮ್ ..

ಸುವಕ್ಷೋಜಕುಮ್ಭಾಂ ಸುಧಾಪೂರ್ಣಕುಮ್ಭಾಮ್
ಪ್ರಸಾದಾವಲಮ್ಬಾಂ ಪ್ರಪುಣ್ಯಾವಲಮ್ಬಾಮ್.
ಸದಾಸ್ಯೇನ್ದುಬಿಮ್ಬಾಂ ಸದಾನೋಷ್ಠಬಿಮ್ಬಾಮ್
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್..೧..

ಕಟಾಕ್ಷೇ ದಯಾರ್ದ್ರೋ ಕರೇ ಜ್ಞಾನಮುದ್ರಾಮ್
ಕಲಾಭಿರ್ವಿನಿದ್ರಾಂ ಕಲಾಪೈಃ ಸುಭದ್ರಾಮ್.
ಪುರಸ್ತ್ರೀಂ ವಿನಿದ್ರಾಂ ಪುರಸ್ತುಙ್ಗಭದ್ರಾಮ್
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್..೨..

ಲಲಾಮಾಙ್ಕಫಾಲಾಂ ಲಸದ್ಗಾನಲೋಲಾಮ್
ಸ್ವಭಕ್ತೈಕಪಾಲಾಂ ಯಶಃಶ್ರೀಕಪೋಲಾಮ್.
ಕರೇ ತ್ವಕ್ಷಮಾಲಾಂ ಕನತ್ಪ್ರತ್ನಲೋಲಾಮ್
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್..೩..

ಸುಸೀಮನ್ತವೇಣೀಂ ದೃಶಾ ನಿರ್ಜಿತೈಣೀಮ್
ರಮತ್ಕೀರವಾಣೀಂ ನಮದ್ವಜ್ರಪಾಣೀಮ್.
ಸುಧಾಮನ್ಥರಾಸ್ಯಾಂ ಮುದಾ ಚಿನ್ತ್ಯವೇಣೀಮ್
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್..೪..

ಸುಶಾನ್ತಾಂ ಸುದೇಹಾಂ ದೃಗನ್ತೇ ಕಚಾನ್ತಾಮ್
ಲಸತ್ಸಲ್ಲತಾಙ್ಗೀಮನನ್ತಾಮಚಿನ್ತ್ಯಾಮ್.
ಸ್ಮರೇತ್ತಾಪಸೈಃ ಸಙ್ಗಪೂರ್ವಸ್ಥಿತಾಂ ತಾಮ್
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್..೫..

ಕುರಙ್ಗೇ ತುರಙ್ಗೇ ಮೃಗೇನ್ದ್ರೇ ಖಗೇನ್ದ್ರೇ
ಮರಾಲೇ ಮದೇಭೇ ಮಹೋಕ್ಷೇಽಧಿರೂಢಾಮ್.
ಮಹತ್ಯಾಂ ನವಮ್ಯಾಂ ಸದಾ ಸಾಮರೂಪಾಮ್
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್..೬..

ಜ್ವಲತ್ಕಾನ್ತಿವಹ್ನಿಂ ಜಗನ್ಮೋಹನಾಙ್ಗೀಮ್
ಭಜೇ ಮಾನಸಾಮ್ಭೋಜಸುಭ್ರಾನ್ತಭೃಙ್ಗೀಮ್.
ನಿಜಸ್ತೋತ್ರಸಙ್ಗೀತನೃತ್ಯಪ್ರಭಾಙ್ಗೀಮ್
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್..೭..

ಭವಾಮ್ಭೋಜನೇತ್ರಾಜಸಮ್ಪೂಜ್ಯಮಾನಾಮ್
ಲಸನ್ಮನ್ದಹಾಸಪ್ರಭಾವಕ್ತ್ರಚಿಹ್ನಾಮ್.
ಚಲಚ್ಚಞ್ಚಲಾಚಾರುತಾಟಙ್ಕಕರ್ಣೋ -
ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್..೮..