નીલકણ્ઠશાસ્ત્રિણા વિરચિતં ગણેશપૂર્વશતકમ્

શ્રીગણેશપૂર્વશતકમ્
સત્યજ્ઞાનાનન્દં ગજવદનં નૌમિ સિદ્ધિબુદ્ધીશમ્ .
કુર્વે ગણેશશતકં કુજુકેનાહં સ્વબુદ્ધિશુદ્ધયર્થમ્ .. ૧..

દિઙ્માત્રેણ ગણપતેર્ગુણગણવિભવાદિવર્ણનારૂપમ્ .
પ્રાયો વૈનાયકકૃતિવિદિતમતપક્રિયાવિવૃતિપૂર્વમ્ .. ૨..

યદ્યપિ મન્દમતિરહં ગુણલવમવગન્તુમતિતરાં નાલમ્ .
પ્રયતે તથાપિ વદિતું લમ્બોદર તે દયાવલમ્બેન .. ૩..

જગતઃ સર્ગાદાદ્યાત્ પ્રાગપ્યેકસ્ત્વમેવ ભાસિ વિભો .
તસ્માદ્ગણપ ભવન્તં નિખિલનિદાનં ગદન્તિ નિગમાન્તાઃ .. ૪..

ત્વમતો માયાતીતં સકલજગત્કલ્પનાદ્યધિષ્ઠાનમ્ .
અદ્વૈતસીમભૂતં વાઙ્માનસાગોચરં પરં બ્રહ્મ .. ૫..

સગુણબ્રહ્માત્માનો ગણપતિશિવશક્તિકેશવાર્કા યે .
તેષાં કારણમાહુઃ શુદ્ધાદ્વૈતાનુગા યમાત્માનમ્ .. ૬..

યઃ સર્વવેદવેદ્યસ્તત્ત્વમસિપદાદ્યતીતરૂપો યઃ .
યો યોગિવૃન્દમૃગ્યઃ પરમાત્માનં તમાશ્રયે નિત્યમ્ .. ૭..

યત્પૂર્ણયોગલભ્યં ભૂમાત્મકમામનન્તિ ગાણપતાઃ .
શુદ્ધં સ્વમહિમસંસ્થં બ્રહ્માસ્મિન્ મે મનઃ સદા સ્મરતામ્ .. ૮..

ભૂમા બ્રહ્મૈતત્ તે ષષ્ઠં ગણપં ચ પઞ્ચમં પ્રાહુઃ .
તુર્યં ગણેશમસ્ય હિ કાર્યાન્ સગુણાત્મનોઽપિ તાન્ પઞ્ચ .. ૯..

તત્રોપાસનકાણ્ડે પરકાષ્ઠાભૂતમસિપદાર્થમયમ્ .
સ્વાનન્દં બ્રહ્મૈતદ્ગજવદનમહં ભજે જગદ્વન્દ્યમ્ .. ૧૦..

ગાણપતપુઙ્ગવાઃ કિલ પાદમયાન્યસ્ય પઞ્ચમસ્યાહુઃ .
શૈવાદ્વૈતાદીનાં મુખ્યબ્રહ્માણિ યાનિ ચત્વારિ .. ૧૧..

અવ્યાકૃતં તુરીયં બ્રહ્મ ત્રિગુણાત્મકં ગુગણેશાખ્યમ્ .
વિદ્યાત્મકં ગણપતે સતતં દૂરીકરોતુ મમ દુરિતમ્ .. ૧૨..

યસ્ય હિ નાભિર્બ્રહ્મા વદનં વિષ્ણુશ્ચ લોચનં રુદ્રઃ .
શક્તિશ્ચ વામપાર્શ્વં દક્ષિણમર્કોઽસ્મિતામયસ્ત્વાત્મા .. ૧૩..

જાગ્રત્સ્વપ્નસુષુપ્તબ્રહ્મ ત્રિગુણાત્મકં ચ યત્પ્રોક્તમ્ .
વ્યાકૃતમાવિદ્યકમપિ તદપિ વ્યક્તં ચકાસ્તુ મે ચિત્તે .. ૧૪..

બ્રહ્મ સ્વાનન્દાત્મકવિદ્યાઽવિદ્યાત્મકપ્રભેદેન .
ભૂમબ્રહ્મ ચતુષ્પાત્ પ્રકાશતાં મેઽનિશં હૃદાકાશે .. ૧૫..

માયાસમરસયુક્તં શાન્તિગતં નિષ્કલં પરં જ્યોતિઃ .
યદ્બ્રહ્મ પાદરૂપં ગાણેશાદ્વૈતલક્ષ્યભૂતમસિ .. ૧૬..

યો બ્રહ્મપાદ આદ્યઃ સંયોગાયોગપાદયુગયુક્તઃ
તૌ પાદાવપ્યુદિતાવધ્યારોપાપવાદપરકાષ્ઠે .
સદસત્સહજસમાત્મકચતુર્વિધાનન્દપાદરૂપસ્ત્વં
રવિશક્તીશહરીણાં સઙ્ઘાતસ્ત્વં શ્રુતોઽસિ ગણરાજ .. ૧૭..

બિન્દુઃ સોઽહમ્બોધઃ સાઙ્ખ્યશ્ચેતિ પ્રસિદ્ધભેદયુતઃ .
વિદ્યાપાદોઽપિ ત્વં યોગિસમાધૌ ગૃહીતસુવિશેષઃ .. ૧૮..

તુર્યાવિદ્યાપાદસ્ત્વમેવ સત્યાનૃતો જગદ્રૂપઃ .
સ વિરાટ્ હિરણ્યગર્ભાવીશગુણેશાવિતિ પ્રભેદયુતઃ .. ૧૯..

બ્રહ્માંશસ્થિતિભેદાઃ સર્વે ચૈતે સ્ફુરન્તુ મમ ચિત્તે .
પ્રાયોઽસમ્પ્રજ્ઞાતસમાધિજ્ઞેયા ગણેશ કરુણાબ્ધે .. ૨૦..

સિદ્ધિર્બુદ્ધિશ્ચેતિ દ્વિધા હિ વૈનાયકી મહામાયા .
લોકૈકનાયિકા સા તદુપાધિવશાત્ કિલાસિ બહુધા ત્વમ્ .. ૨૧..

એવં માયોપાધિકપરાત્મરૂપં હિ પઞ્ચધા ભિન્નમ્ .
તદદસ્થાગુણભેદાન્નીરૂપસ્યાપિ તે સમામ્નાતમ્ .. ૨૨..

સદ્બ્રહ્મ કિલ પ્રથમં સકલજગદ્વીજભૂતરૂપં ત્વમ્ .
મૂર્તિં વિનાયક ઇતિ સ્વેચ્છાવશતો ગણેશ ગૃહ્ણાસિ .. ૨૩..

બીજસ્ય ભૂમિરૂપા કેવલમાયાદ્વિતીયમૂર્તિસ્તે .
વર્તયતિ કૃત્યમખિલં ભુવનેશી સા શિવો પરાશક્તિઃ .. ૨૪..

માયેશં તુ તૃતીયં રવિમણ્ડલગં હિરણ્મયં પુરુષમ્ .
ત્વામામનન્તિ વેદા હ્યનવરતં કાલચક્રનેતારમ્ .. ૨૫..

ઉપહિતતુરીયમૂર્તિર્માયાયુક્તઃ પરઃ શિવો ગિરીશઃ .
કલ્પાન્તકાલરૂપી ત્વમેવ સર્વં ચ સઞ્જરીહર્ષિ .. ૨૬..

માયામયો હિ વિષ્ણુર્માયોપાધેશ્ચ પઞ્ચમી મૂર્તિઃ .
સોઽપિ ત્વમેવ નિખિલં લોકં પાલયસિ લીલયા સતતમ્ .. ૨૭..

એવં માયાવશતો રવિશિવશક્ત્યાદિનામપઞ્ચકભાક્ .
દિશતુ મદીપ્સિતમખિલં શુદ્ધબ્રહ્માત્મકં ભવદ્રૂપમ્ .. ૨૮..

માયાબદ્ધઃ ષષ્ઠઃ પ્રથમશરીરી હિરણ્યગર્ભસ્ત્વમ્ .
તત્તત્કર્માનુગુણં કરોષિ સર્ગં સમસ્તલોકસ્ય .. ૨૯..

પ્રાક્ પદ્માસનરૂપગ્રહણાદ્ભવતોઽપ્યુપાધિતો ભિન્નાઃ .
એતાશ્ચ સગુણમૂર્તીરાલમ્બ્ય મતાનિ પઞ્ચ જાતાનિ .. ૩૦..

એતે હિ પઞ્ચ દેવાઃ સ્વસ્વાધારેષુ સન્તિ સર્વત્ર .
વર્ણસ્વધર્મવિભવાત્તેજોરૂપાસ્ત્રિવર્ણ દેહેષુ .. ૩૧..

ગાયત્રીગ્રહણેન હિ તત્તતેજો વિશેષતો ભાતિ .
તત્તજ્જાતિગુણા અપ્યુત્કૃષ્ટત્વેન તેન જાયન્તે .. ૩૨..

મૂલાધારે ગણપો મણિપૂરે હરિરનાહતે શમ્ભુઃ .
રાજતિ રવિર્વિશુદ્ધૌ બ્રહ્મસુરન્ધ્ર શિવા પરા શક્તિઃ .. ૩૩..

અપિ ચ ષડાધારેષુ પ્રાપ્યૈવં ધ્યાનયોગચિત્તલયૌ .
મુક્તા ભવન્તિ તસ્માત્ પઞ્ચાયતનાર્ચનેઽતિહર્ષસ્તે .. ૩૪..

ગણપતિપઞ્ચાયતનં પઞ્ચાયતનં રવીશ્વરાદીનામ્ .
યદ્વા તદ્વા કૃતમપિ પૂજાવિષયેઽતિમાત્રતૃપ્તિસ્તે .. ૩૫..

પ્રાસાદશુદ્ધપૂજા અત એવ વિહાય પઞ્ચદેવાનામ્ .
પઞ્ચાયતનસપર્યાં સગુણસમષ્ટયર્ચનાં વદન્તિ બુધાઃ .. ૩૬..

હર્યાદિગણેશાન્તાઃ પઞ્ચૈતા બ્રહ્મમૂર્તયો મુનિભિઃ .
અત એવ પ્રણવસ્ય ચ ગાયત્ર્યાશ્ચાપિ દેવતાઃ પ્રોક્તાઃ .. ૩૭..

વ્યાચક્ષતે હિ ઋષયો ગાયત્ર્યાઃ પઞ્ચદેવતાપરામ્ .
પ્રણવસ્યાપિ તથૈવ પ્રપઞ્ચયન્તિ સ્મ પઞ્ચધાપ્યર્થાન્ .. ૩૮..

અત એષાં પઞ્ચાનાં બ્રહ્મત્વનિરૂપણે નિષ્ણાતાઃ .
ઉત્તરમીમાંસાઃ ષટ્ શુદ્ધાદ્વૈતેન તેનિરે મુનયઃ .. ૩૧..

પ્રતિપાદયન્તિ ચૈતે યદ્યપ્યાપાતતો વિભિન્નાન્ વૈ .
સર્વેષાં હિ ઋષીણાં પ્રાયસ્ત્વય્યેવ પરમતાત્પર્યમ્ .. ૪૦..

એતે પઞ્ચ મતસ્થા ભવતઃ સર્વેષુ પૂર્વપૂજ્યત્વમ્ .
વિગ્નાધિપત્યમઙ્ગીકુર્વન્તિ યતો ગણાધિપત્યં ચ .. ૪૧..

ભૂગતબીજાદિ યથા પાદપરૂપેણ જાયતે જગતિ .
બ્રહ્મૈવ બીજભૂતં પ્રકૃતિઃ પૃથિવી તયા હિ સંયોગાત્ .. ૪૨..

કારણસૂક્ષ્મસ્થૂલપ્રપઞ્ચરૂપેણ જાયતે ક્રમશઃ .
મૂલં ગણપતિરૂપં પ્રપશ્ચરૂપસ્ય પાદપસ્યૈવમ્ .. ૪૩..

બુદ્ધિઃ સિદ્ધિશ્ચ ફલે મૂલં ગણપોઽસ્ય વિશ્વરૂપતરોઃ .
શાખાઃ કેશાઃ કન્દં ત્વર્કોઽખિલમૂલમુચ્યસેઽતસ્ત્વમ્ .. ૪૪..

સૂલે જલસેકાત્ કિલ તરુપત્રફલાદયોઽપિ વર્ધન્તે .
તવ પૂજયા ગણપતે રવિશિવશક્ત્યાદયોઽપિ તૃપ્યન્તિ .. ૪૫..

એવં સગુણબ્રહ્મવ્યપદેશવતાં ચ પઞ્ચ દેવાનામ્ .
પૂર્ણકલાંશાંશાંશાવતારરૂપાશ્ચ મૂર્તયોઽનન્તાઃ .. ૪૬..

ભવતઃ કતિપયમૂર્તીરાવિર્ભાવાવતારતારમુખાઃ .
વૈનાયકમતવિદિતપ્રક્રિયયૈવ બ્રવીમિ હેરમ્બ .. ૪૭..

સત્યં જ્ઞાનમનન્તં જ્યોતીરૂપં ચ નિર્ગુણં બ્રહ્મ .
એતન્નિર્વ્યાપારં ગજપદવાચ્યં લયાદિહેતુત્વાત્ .. ૪૮..

યોગીન્દ્રા ગચ્છન્તિ હિ સમાધિનાત્રેતિ ગઃ સ્મૃતો મુનિભિઃ .
પ્રણવાત્મકજગદસ્માજ્જાયત ઇતિ જઃ સ્મૃતિપ્રતીતાર્થઃ .. ૪૯..

ગશ્વાસૌ જશ્ચેતિ વ્યુત્પાદયતિ સ્મૃતિર્હિ ગજશબ્દમ્ .
એષ પ્રતિપદાયતિ પ્રભવાપ્યયકારણં પરં બ્રહ્મ .. ૫૦..

મૂલપ્રકૃતિસ્ત્રિગુણા શુક્તૌ રજતં યથા તતો જાતા .
તદ્ગતચિત્પ્રતિબિમ્બં સગુણબ્રહ્મેતિ કીર્તિતં મુનિભિઃ .. ૫૧..

ઓઙ્કારબ્રહ્મેતિ ચ નર ઇતિ નામ્ની પ્રકીર્તિતે તસ્ય .
સકલજ્યોતીરૂપં સગુણસ્યોક્તં હિ તત્ત્વવિદ્વદ્ભિઃ .. ૫૨..

મૂલાવિદ્યાગતનરમદ્વૈતબ્રહ્મરૂપમપિ બિભ્રત્ .
નિર્ગુણસગુણજ્યોતીરૂમુભયથા તૃતીયમપ્યુક્તમ્ .. ૫૩..

અદ્વૈત ઇતિ સદાત્મેત્યામ્નાયન્તે તથા મહાવાક્યાઃ .
ઇત્યુક્તાનિ ક્રમતો નામાન્યેષાં સ્મૃતીતિહાસાદૌ .. ૫૪..

નરવાચ્યસકલરૂપો ગજવાચ્યો નિષ્કલસ્વરૂપસ્ત્વમ્ .
વિગ્નેશ સકલનિષ્કલરૂપમહાવાક્યમૂર્તિધારી ત્વમ્ .. ૫૫..

ઓં તત્સદિતિ હિ ભેદાદ્બ્રહ્મ પ્રોક્તં ત્રિધા સુધીભિરપિ .
પ્રથિતં મૂર્તમર્મ્તં મૂર્તામૂર્તં ત્રિધા તદેવમપિ .. ૫૬..

નામાન્તરાણિ સર્વાણ્યેતાન્યુદિતાનિ વેદશીર્ષેષુ .
કમલાવલ્લભ ભવતઃ પૂર્વોક્તત્રિવિધરૂપધારયિતુઃ .. ૫૭..

અપિ ચાન્યાનિ ગણપતે નામાનિ સહસ્રશઃ પ્રસિદ્ધાનિ .
કર્મજ્ઞાનોપાસનકાણ્ડેષુ પૃથગ્વિનાયકાદીનિ .. ૫૮..

નિર્ગુણરૂપધ્યાનં ન સાધકાલા પ્રસિધ્યતિ ક્ષિપ્રમ્ .
તદનુગ્રહાય ધરસે (ધત્સે)ધીપરિપાકાનુરૂપરૂપાણિ .. ૫૯..

મન્દાધિકારિણામપિ યથા રુચિઃ સ્યાત્તદાનુગુણ્યેન .
વિગ્રહવરા ગૃહીતાઃ સર્વે તે માં સદાનુગૃહ્ણન્તુ .. ૬૦..

કૈલાસે વૈકુણ્ઠે હિરણ્મયપુરે ચ યા મણિદ્વીપે .
પૂજ્યન્તેઽનયસ્મિન્ વા સર્વા મૂર્તીશ્ચ તાસ્તવોપાસે .. ૬૧..

અષ્ટોત્તરં શતં વા સહસ્રમત્યષ્ટ મધિકા શ્ચ મૂર્તયો વા તે .
મુખ્યત્વેન ખ્યાતાઃ ખેલન્ત્વખિલાઃ સદા મમ સ્વાન્તે .. ૬૨..

કાશ્ચન પત્નીહીના બહુશક્તિયુતાશ્ચ મૂર્તયઃ કાશ્વિત્ .
પાન્ત્વેકદન્ત ભવતોઽપ્યેકત્યષ્ટાદિશક્તયઃ સર્વાઃ .. ૬૩..

બહુફલપુષ્પમહી રુહનિકરારામં નિઘાટિતકવાટમ્ .
આરામેશસમીપે નિષ્ઠન્ કૃત્વાહ્યારામેશિતૃસવિધે યથોપવનપાલઃ (?) .. ૬૪..

નોદ્ધાટયતિ કવાટં સ્વામ્યાદેશં વિના પ્રવેશાય .
તદ્વન્નોદ્ઘાટયતિ સ્વાધિષ્ઠાનાદિ નિજકવાટાનિ .. ૬૫..

સર્વશરીરિશરીરે મૂલાધારસ્થિતા હિ કુણ્ડલિની .
(મૂલાધારસ્થકુણ્ડલિનીશક્તિઃ)
આવૃત્ય ષડાધારાન્ મૃદ્ભાણ્ડમિવાસ્તિ મૂલવહ્નેર્યા .. ૬૬..

યદ્વચ્છમીદ્રુમેઽગ્નિસ્તદ્વન્મૂલાનલે ભવાન ગણેશો સ્તિ .
તત્રત્યસિદ્ધિબુદ્ધથાદ્ધિ યુતભવદાજ્ઞાં ગણપાજ્ઞાં વિના કદાચિદપિ .. ૬૭..

યદિ તવ પૂજા ક્રિયતે વિનાયકોદ્ઘાટિતાઃ ષડાધારાઃ .
અત એવ પૂર્વપૂજ્યઃ સર્વા કર્મા સ્મ્ભેત્વમેવ દેવાદ્યૈઃ .. ૬૮..

શુક્લામ્બરેતિમન્ત્રં પ્રોચ્ચાર્ય ચતુર્મુખાદયોઽપિ ત્વામ્ .
શ્વેતવિનાયકમૂર્તિં ધ્યાત્વા કુર્વન્તિ કુટ્ટનં મુષ્ટયા .. ૬૯..

સર્વશરીરિશિરસ્થા મૂર્ધનિ કરકુટ્ટનાત્ સુધા ગલિતા .
પતતિ સુષુમ્નાનાડિદ્વારા મૂલાદુપર્યુપોદ્ગતયા .. ૭૦..

સિદ્ધથા બુદ્ધથા ચ યુતે મૂલાધારસ્થગણપતૌ ભવતિ .
તેન પ્રસીદતિ ભવાન્ કરોતિ કર્માર્હમન્તરાત્માનમ્ .. ૭૧..

તાદૃશકુટ્ટનતુષ્ટં શ્વેતવિનાયકમનારતં કલયે .
પીયૂષમથનસમયે પુરુહૂતમુખૈશ્ચ પૂજિતો યોઽભૂત્ .. ૭૨..

ભવતસ્તેજોરૂપં નરામરાદ્યૈર્ન શક્યતે દ્રષ્ટુમ્ .
અત એવ નયનવિષયં ગૃહ્ણાસિ ત્વં ગજાનનશરીરમ્ .. ૭૩..

નૃગજાત્મકરૂપત્વાન્નિર્ગુણસગુણસ્વરૂપવત્ત્વાચ્ચ .
હેલમ્બોદર સ્યાદેકદન્ત ભવતો ગજાનનાખ્યા સુવિશ્રુતામ્નાયે .. ૭૪..

ગજપદવાચ્યં હિ મુખં પ્રથમં કાર્યં હિ યસ્ય દેવસ્ય .
અત એવ વા સ કથિતો ગજમુખનામેતિ મન્વતે મુનયઃ .. ૭૫..

ત્યક્ત્વા માયાવદનં ગજવદનં નિર્ગુણં દધૌ દેવઃ .
યો લીલયા ગણેશસ્તં ત્વાં શરણં સદા પ્રપત્યેઽહમ્ .. ૭૬..

વિગતો નાયક ઇતિ સા વિનાયકાખ્યા શ્રુતૌ સમામ્નાતા .
સર્વેષાં હિ વિશેષાન્નાયક ઇત્યપ્યભિપ્રયન્ત્યર્થમ્ .. ૭૭..

વિગ્નોઽભિહિતો જગતાં સામર્થ્યસ્ય હિ વિશેષતો હનનાત્ .
ઉક્તઃ સ એવ કાલસ્તન્નાથત્વાત્ ત્વમેવ વિગ્નેશઃ .. ૭૮..

જીવેશ્વરા હિ વશગા ભવન્તિ કાલાત્મનઃ પરેશસ્ય .
તદધીશ્વરસ્ય ભવતો વિગ્નેશત્વે કિમસ્તિ વક્તવ્યમ્ .. ૭૯..

સર્વબ્રહ્માણ્ડાનાં સ્વતન્ત્રદેવો વિનાયકો રાજા .
રાજપ્રતિનિધિરર્કઃ સહાયભૂતા શિવા મહારાજ્ઞી .. ૮૦..

સૃષ્ટિસ્થિતિસંહારાન્ કર્તારો ધાતૃહરિગિરીશાશ્ચ .
રાજ્યાધિકારસચિવાઃ સન્તિ ભવાની દિવાકરાદ્યાશ્ચ .. ૮૧..

યદ્રાજ્યરક્ષણાયૈતત્સેનાપતિતાં ગુહો મહાસેનઃ .
તજ્જ્યેષ્ટરાજનામા ગજાનનોઽભૂદિતીરિતં મુનિભિઃ .. ૮૨..

યસ્ય જ્યેષ્ઠાભાવાજ્યેષ્ઠત્વાદપિ ચ રાજભાવવતામ્ .
તજ્જ્યેષ્ઠરાજનામ પ્રોક્તં સ સદા વિરાજતાં ચિત્તે .. ૮૩..

યસ્યોદરમવલમ્બશ્વરાચરાણાં હિ સર્વજન્તૂનામ્ .
માતાપિતરાવપિ પ્રલયે સ્થિત્યાદાવપિ જન્માદાવપિ
યઃ સદૈવ લમ્બોદરં તમવલમ્બે .. ૮૪..

શૂર્પસ્તુષમિવ કલુષં નિરસ્યતીત્યસ્ય .
(શૂર્પકર્ણાખ્યા કર્ણાદસ્યતિ હિ શૂર્પકર્ણોઽતઃ)
વિગલિતરજસ્તમોમલમતિપૂતં માં કરોતુ સ ગણેશઃ .. ૮૫..

બ્રહ્માત્મમસ્તકત્વાત્ કણ્ઠાધો માયિકસ્વરૂપત્વાત્ .
વક્રં દેહવિલક્ષણમસ્ય તુ તુણ્ડં સ વક્રતુણ્ડોઽતઃ .. ૮૬..

માયાવાચક એકઃ દન્તઃ સત્તાત્મવાચકશ્ચ તયોઃ .
યોગો ગણેશ ઇત્યત ઉક્તોઽસાવેકદન્તામ્નાપિ .. ૮૭..

બ્રહ્માત્મનાં પતિત્વાન્માયાગૌરીમહેશ્વરાદીનામ .
અન્નપ્રાણપ્રભૃતિપ્રણવાન્તબ્રહ્મણાં પતિત્વાચ્ચ .. ૮૮..

યં બ્રહ્મણમ્પતિરિતિ પ્રાહુર્વેદાધિપત્યતોઽપ્યેવમ્ .
તમહં સર્વાધીશં સતતં પરિશીલયામિ વિઘ્નેશમ્ .. ૮૯..

બ્રહ્માદિસ્તમ્બાન્તપ્રાણિગણાનામધીશ્વરો યતઃ .
સગુણબ્રહ્મગણાનામપિ તસ્માત્ ત્વં ગણેશ ઇત્યુક્તઃ .. ૯૦..

યન્નામરૂપભોગાન્ માયાગૂઢોઽન્તરેવ મુષ્ણાતિ .
તન્મૂષકઃ સ્વવાહો યસ્ય સ ગણપો વિહરતુ મમ મનસિ .. ૯૧..

મૂલપ્રકૃતિઃ પત્ની જહાતિ ચૈનાં તુ ભુક્તભોગાં યઃ .
પત્નીહીનોઽભિહિતસ્તતો ગજાસ્યોઽનિશં સ માં પાતુ .. ૯૨..

બ્રહ્મણિ વેદે ચરતીત્યર્થમભિપ્રેત્ય વેદગમ્યત્વાત્ .
તં બ્રહ્મચારિશબ્દં કુઞ્જરવદને પ્રયુઞ્જતે કવયઃ .. ૯૩..

બ્રહ્માત્મમસ્તકત્વાત્તસ્ય મહાવાક્યગણપતેશ્વ વિભોઃ .
તેન ચ સહસઞ્ચારાદાહુર્વા બ્રહ્મચારીતિ .. ૯૪..

આત્મારામત્વાદપિ ચરતિ બ્રહ્મણ્યબાહ્યવૃત્તિરિતિ .
યમિહામનન્તિ મુનયઃ પાયાત્સ બ્રહ્મચારિદેવો ગણપો મામ્ .. ૯૫..

સન્ દ્વાપરે પરાશરપુત્રઃ સિન્દૂરદાનવં ન્યવધીત્ .
યદ્બ્રહ્મચર્યવર્તી ગદિતોઽતો બ્રહ્મચારિશબ્દેન .. ૯૬..

વિમલકમણ્ડલુતટિનીતીરમયૂરેશનગરવર્યે યઃ .
ભૂસ્વાનન્દે સુચિરાદાવિર્ભૂતોઽદ્ભુતાનિ કૃત્યાનિ .. ૯૭..

લોકાનુકૂલભૂતાન્ સિન્ધુવધાદીંશ્ચ બહુવિધાન્ વ્યદધાત્ .
નિખિલાનુગ્રહનિરતઃ સતતં દ્વૈમાતુરઃ સ માં પાયાત્ .. ૯૮..

યત્કોપપાવકાર્ચિષ્યસુરૌ ચણ્ડપ્રચણ્ડનામાનૌ .
પ્રાપ્તૌ પતઙ્ગભાવં પાલયતુ સ માં સદૈવ વિઘ્નેશઃ .. ૯૯..

યશ્ચાષ્ટગન્ધનિર્મિતચન્દનગણપો પુરા ભૃગોઃ સુતયા .
રમયા પ્રપૂજિતઃ સન્ વિવાહસમયે પુરાણપુરુષસ્ય .. ૧૦૦..

દુર્ગન્ધાસુરમવધીન્મધુકૈટભમેદસઃ સમુદ્ભૂતમ્ .
યોઽપિ ચ ગવ્યગણપતિર્મહિતો ગોલોકરાધયા પૂર્વમ્ .. ૧૦૧..

ગવ્યૈઃ પયોદધિઘૃતૈર્જઘાન પાપાસુરં દુરાત્માનમ્ .
વરિવસ્યામ્યનવરતં તં વિઘ્નેશં દયાપયોરાશિમ્ .. ૧૦૨..

યં હારિદ્રગણપતિં હિમવદ્દુહિતા મહેશ્વરશ્ચાપિ .
સ્વીયે વિવાહસમયે હ્યપૂજયેતાં ચ દમ્પતી પ્રાઞ્ચૌ .. ૧૦૩..

યશ્ચ હરિદ્રાબિમ્બાદાવિર્ભૂતો ગણેશ્વરઃ સદ્યઃ .
અવધીદમઙ્ગલાસુરમન્યમપરમારનામકં હ્યસુરમ્ .. ૧૦૪..

ગૌરીહરવચનાદ્યં ચ શુભાદૌ પ્રપૂજયન્ત્યદ્ય .
મમ હારિદ્રગણપતિર્હરતુ સ દુરિતં સમસ્તમપિ સદ્યઃ .. ૧૦૫..

કૃતયુગસમયે યોઽસૌ કાશ્યપપુત્રો મહોત્કટો ભૂત્વા .
દેવાન્તકં નરાન્તકમપિ નામ્ના તાવહન્મહાદુષ્ટૌ .. ૧૦૬..

પ્રાપયદાનન્દભુવં સશરીરં કાશિરાજમપિ ભક્તમ્ .
અકરોચ્ચાદ્ભુતલીલામહોત્કટં ત્વામહં સદાર્હામિ .. ૧૦૭..

યોઽપિ વરેણ્યાય પુરા ગણેશગીતાં હિતામુપદિદેશ .
સ વરેણ્યરાજપુત્રો ગજાનનો મે તનોતુ કુશલતતિમ્ .. ૧૦૮..

ધૂમ્રવિનાયકમૂર્તિં ગ્રહીષ્યસિ ત્વં કલેર્યુગસ્યાન્તે .
સર્વાંશ્ચ નિગ્રહિષ્યસિ વિપ્લુતમતકૃત્યનાસ્તિકપ્રાયાન્ .. ૧૦૯..

શિશ્નોદરમાત્રપરા જાતિવિભાગાદિવર્જિતાઃ સર્વે .
ધૂમ્રવિનાયક (ધૂમધ્વજેન) ભવતા સમૂલઘાતં હતા ભવિષ્યન્તિ .. ૧૧૦..

.. ઇતિ શ્રીવિદ્વદ્રત્નોપનામકેન વૈયાકરણશિરોમણિના વૈદિકષડ્દર્શનીસારવેદિના નીલકણ્ઠશાસ્ત્રિણા વિરચિતં ગણેશપૂર્વશતકમ્ .