நீலகண்ட₂ஶாஸ்த்ரிணா விரசிதம் க₃ணேஶபூர்வஶதகம்

ஶ்ரீக₃ணேஶபூர்வஶதகம்
ஸத்யஜ்ஞாநாநந்த₃ம் க₃ஜவத₃நம் நௌமி ஸித்₃தி₄பு₃த்₃தீ₄ஶம் .
குர்வே க₃ணேஶஶதகம் குஜுகேநாஹம் ஸ்வபு₃த்₃தி₄ஶுத்₃த₄யர்த₂ம் .. 1..

தி₃ங்மாத்ரேண க₃ணபதேர்கு₃ணக₃ணவிப₄வாதி₃வர்ணநாரூபம் .
ப்ராயோ வைநாயகக்ருதிவிதி₃தமதபக்ரியாவிவ்ருதிபூர்வம் .. 2..

யத்₃யபி மந்த₃மதிரஹம் கு₃ணலவமவக₃ந்துமதிதராம் நாலம் .
ப்ரயதே ததா₂பி வதி₃தும் லம்போ₃த₃ர தே த₃யாவலம்பே₃ந .. 3..

ஜக₃த꞉ ஸர்கா₃தா₃த்₃யாத் ப்ராக₃ப்யேகஸ்த்வமேவ பா₄ஸி விபோ₄ .
தஸ்மாத்₃க₃ணப ப₄வந்தம் நிகி₂லநிதா₃நம் க₃த₃ந்தி நிக₃மாந்தா꞉ .. 4..

த்வமதோ மாயாதீதம் ஸகலஜக₃த்கல்பநாத்₃யதி₄ஷ்டா₂நம் .
அத்₃வைதஸீமபூ₄தம் வாங்மாநஸாகோ₃சரம் பரம் ப்₃ரஹ்ம .. 5..

ஸகு₃ணப்₃ரஹ்மாத்மாநோ க₃ணபதிஶிவஶக்திகேஶவார்கா யே .
தேஷாம் காரணமாஹு꞉ ஶுத்₃தா₄த்₃வைதாநுகா₃ யமாத்மாநம் .. 6..

ய꞉ ஸர்வவேத₃வேத்₃யஸ்தத்த்வமஸிபதா₃த்₃யதீதரூபோ ய꞉ .
யோ யோகி₃வ்ருந்த₃ம்ருக்₃ய꞉ பரமாத்மாநம் தமாஶ்ரயே நித்யம் .. 7..

யத்பூர்ணயோக₃லப்₄யம் பூ₄மாத்மகமாமநந்தி கா₃ணபதா꞉ .
ஶுத்₃த₄ம் ஸ்வமஹிமஸம்ஸ்த₂ம் ப்₃ரஹ்மாஸ்மிந் மே மந꞉ ஸதா₃ ஸ்மரதாம் .. 8..

பூ₄மா ப்₃ரஹ்மைதத் தே ஷஷ்ட₂ம் க₃ணபம் ச பஞ்சமம் ப்ராஹு꞉ .
துர்யம் க₃ணேஶமஸ்ய ஹி கார்யாந் ஸகு₃ணாத்மநோ(அ)பி தாந் பஞ்ச .. 9..

தத்ரோபாஸநகாண்டே₃ பரகாஷ்டா₂பூ₄தமஸிபதா₃ர்த₂மயம் .
ஸ்வாநந்த₃ம் ப்₃ரஹ்மைதத்₃க₃ஜவத₃நமஹம் ப₄ஜே ஜக₃த்₃வந்த்₃யம் .. 10..

கா₃ணபதபுங்க₃வா꞉ கில பாத₃மயாந்யஸ்ய பஞ்சமஸ்யாஹு꞉ .
ஶைவாத்₃வைதாதீ₃நாம் முக்₂யப்₃ரஹ்மாணி யாநி சத்வாரி .. 11..

அவ்யாக்ருதம் துரீயம் ப்₃ரஹ்ம த்ரிகு₃ணாத்மகம் கு₃க₃ணேஶாக்₂யம் .
வித்₃யாத்மகம் க₃ணபதே ஸததம் தூ₃ரீகரோது மம து₃ரிதம் .. 12..

யஸ்ய ஹி நாபி₄ர்ப்₃ரஹ்மா வத₃நம் விஷ்ணுஶ்ச லோசநம் ருத்₃ர꞉ .
ஶக்திஶ்ச வாமபார்ஶ்வம் த₃க்ஷிணமர்கோ(அ)ஸ்மிதாமயஸ்த்வாத்மா .. 13..

ஜாக்₃ரத்ஸ்வப்நஸுஷுப்தப்₃ரஹ்ம த்ரிகு₃ணாத்மகம் ச யத்ப்ரோக்தம் .
வ்யாக்ருதமாவித்₃யகமபி தத₃பி வ்யக்தம் சகாஸ்து மே சித்தே .. 14..

ப்₃ரஹ்ம ஸ்வாநந்தா₃த்மகவித்₃யா(அ)வித்₃யாத்மகப்ரபே₄தே₃ந .
பூ₄மப்₃ரஹ்ம சதுஷ்பாத் ப்ரகாஶதாம் மே(அ)நிஶம் ஹ்ருதா₃காஶே .. 15..

மாயாஸமரஸயுக்தம் ஶாந்திக₃தம் நிஷ்கலம் பரம் ஜ்யோதி꞉ .
யத்₃ப்₃ரஹ்ம பாத₃ரூபம் கா₃ணேஶாத்₃வைதலக்ஷ்யபூ₄தமஸி .. 16..

யோ ப்₃ரஹ்மபாத₃ ஆத்₃ய꞉ ஸம்யோகா₃யோக₃பாத₃யுக₃யுக்த꞉
தௌ பாதா₃வப்யுதி₃தாவத்₄யாரோபாபவாத₃பரகாஷ்டே₂ .
ஸத₃ஸத்ஸஹஜஸமாத்மகசதுர்விதா₄நந்த₃பாத₃ரூபஸ்த்வம்
ரவிஶக்தீஶஹரீணாம் ஸங்கா₄தஸ்த்வம் ஶ்ருதோ(அ)ஸி க₃ணராஜ .. 17..

பி₃ந்து₃꞉ ஸோ(அ)ஹம்போ₃த₄꞉ ஸாங்க்₂யஶ்சேதி ப்ரஸித்₃த₄பே₄த₃யுத꞉ .
வித்₃யாபாதோ₃(அ)பி த்வம் யோகி₃ஸமாதௌ₄ க்₃ருஹீதஸுவிஶேஷ꞉ .. 18..

துர்யாவித்₃யாபாத₃ஸ்த்வமேவ ஸத்யாந்ருதோ ஜக₃த்₃ரூப꞉ .
ஸ விராட் ஹிரண்யக₃ர்பா₄வீஶகு₃ணேஶாவிதி ப்ரபே₄த₃யுத꞉ .. 19..

ப்₃ரஹ்மாம்ஶஸ்தி₂திபே₄தா₃꞉ ஸர்வே சைதே ஸ்பு₂ரந்து மம சித்தே .
ப்ராயோ(அ)ஸம்ப்ரஜ்ஞாதஸமாதி₄ஜ்ஞேயா க₃ணேஶ கருணாப்₃தே₄ .. 20..

ஸித்₃தி₄ர்பு₃த்₃தி₄ஶ்சேதி த்₃விதா₄ ஹி வைநாயகீ மஹாமாயா .
லோகைகநாயிகா ஸா தது₃பாதி₄வஶாத் கிலாஸி ப₃ஹுதா₄ த்வம் .. 21..

ஏவம் மாயோபாதி₄கபராத்மரூபம் ஹி பஞ்சதா₄ பி₄ந்நம் .
தத₃த₃ஸ்தா₂கு₃ணபே₄தா₃ந்நீரூபஸ்யாபி தே ஸமாம்நாதம் .. 22..

ஸத்₃ப்₃ரஹ்ம கில ப்ரத₂மம் ஸகலஜக₃த்₃வீஜபூ₄தரூபம் த்வம் .
மூர்திம் விநாயக இதி ஸ்வேச்சா₂வஶதோ க₃ணேஶ க்₃ருஹ்ணாஸி .. 23..

பீ₃ஜஸ்ய பூ₄மிரூபா கேவலமாயாத்₃விதீயமூர்திஸ்தே .
வர்தயதி க்ருத்யமகி₂லம் பு₄வநேஶீ ஸா ஶிவோ பராஶக்தி꞉ .. 24..

மாயேஶம் து த்ருதீயம் ரவிமண்ட₃லக₃ம் ஹிரண்மயம் புருஷம் .
த்வாமாமநந்தி வேதா₃ ஹ்யநவரதம் காலசக்ரநேதாரம் .. 25..

உபஹிததுரீயமூர்திர்மாயாயுக்த꞉ பர꞉ ஶிவோ கி₃ரீஶ꞉ .
கல்பாந்தகாலரூபீ த்வமேவ ஸர்வம் ச ஸஞ்ஜரீஹர்ஷி .. 26..

மாயாமயோ ஹி விஷ்ணுர்மாயோபாதே₄ஶ்ச பஞ்சமீ மூர்தி꞉ .
ஸோ(அ)பி த்வமேவ நிகி₂லம் லோகம் பாலயஸி லீலயா ஸததம் .. 27..

ஏவம் மாயாவஶதோ ரவிஶிவஶக்த்யாதி₃நாமபஞ்சகபா₄க் .
தி₃ஶது மதீ₃ப்ஸிதமகி₂லம் ஶுத்₃த₄ப்₃ரஹ்மாத்மகம் ப₄வத்₃ரூபம் .. 28..

மாயாப₃த்₃த₄꞉ ஷஷ்ட₂꞉ ப்ரத₂மஶரீரீ ஹிரண்யக₃ர்ப₄ஸ்த்வம் .
தத்தத்கர்மாநுகு₃ணம் கரோஷி ஸர்க₃ம் ஸமஸ்தலோகஸ்ய .. 29..

ப்ராக் பத்₃மாஸநரூபக்₃ரஹணாத்₃ப₄வதோ(அ)ப்யுபாதி₄தோ பி₄ந்நா꞉ .
ஏதாஶ்ச ஸகு₃ணமூர்தீராலம்ப்₃ய மதாநி பஞ்ச ஜாதாநி .. 30..

ஏதே ஹி பஞ்ச தே₃வா꞉ ஸ்வஸ்வாதா₄ரேஷு ஸந்தி ஸர்வத்ர .
வர்ணஸ்வத₄ர்மவிப₄வாத்தேஜோரூபாஸ்த்ரிவர்ண தே₃ஹேஷு .. 31..

கா₃யத்ரீக்₃ரஹணேந ஹி தத்ததேஜோ விஶேஷதோ பா₄தி .
தத்தஜ்ஜாதிகு₃ணா அப்யுத்க்ருஷ்டத்வேந தேந ஜாயந்தே .. 32..

மூலாதா₄ரே க₃ணபோ மணிபூரே ஹரிரநாஹதே ஶம்பு₄꞉ .
ராஜதி ரவிர்விஶுத்₃தௌ₄ ப்₃ரஹ்மஸுரந்த்₄ர ஶிவா பரா ஶக்தி꞉ .. 33..

அபி ச ஷடா₃தா₄ரேஷு ப்ராப்யைவம் த்₄யாநயோக₃சித்தலயௌ .
முக்தா ப₄வந்தி தஸ்மாத் பஞ்சாயதநார்சநே(அ)திஹர்ஷஸ்தே .. 34..

க₃ணபதிபஞ்சாயதநம் பஞ்சாயதநம் ரவீஶ்வராதீ₃நாம் .
யத்₃வா தத்₃வா க்ருதமபி பூஜாவிஷயே(அ)திமாத்ரத்ருப்திஸ்தே .. 35..

ப்ராஸாத₃ஶுத்₃த₄பூஜா அத ஏவ விஹாய பஞ்சதே₃வாநாம் .
பஞ்சாயதநஸபர்யாம் ஸகு₃ணஸமஷ்டயர்சநாம் வத₃ந்தி பு₃தா₄꞉ .. 36..

ஹர்யாதி₃க₃ணேஶாந்தா꞉ பஞ்சைதா ப்₃ரஹ்மமூர்தயோ முநிபி₄꞉ .
அத ஏவ ப்ரணவஸ்ய ச கா₃யத்ர்யாஶ்சாபி தே₃வதா꞉ ப்ரோக்தா꞉ .. 37..

வ்யாசக்ஷதே ஹி ருஷயோ கா₃யத்ர்யா꞉ பஞ்சதே₃வதாபராம் .
ப்ரணவஸ்யாபி ததை₂வ ப்ரபஞ்சயந்தி ஸ்ம பஞ்சதா₄ப்யர்தா₂ந் .. 38..

அத ஏஷாம் பஞ்சாநாம் ப்₃ரஹ்மத்வநிரூபணே நிஷ்ணாதா꞉ .
உத்தரமீமாம்ஸா꞉ ஷட் ஶுத்₃தா₄த்₃வைதேந தேநிரே முநய꞉ .. 31..

ப்ரதிபாத₃யந்தி சைதே யத்₃யப்யாபாததோ விபி₄ந்நாந் வை .
ஸர்வேஷாம் ஹி ருஷீணாம் ப்ராயஸ்த்வய்யேவ பரமதாத்பர்யம் .. 40..

ஏதே பஞ்ச மதஸ்தா₂ ப₄வத꞉ ஸர்வேஷு பூர்வபூஜ்யத்வம் .
விக்₃நாதி₄பத்யமங்கீ₃குர்வந்தி யதோ க₃ணாதி₄பத்யம் ச .. 41..

பூ₄க₃தபீ₃ஜாதி₃ யதா₂ பாத₃பரூபேண ஜாயதே ஜக₃தி .
ப்₃ரஹ்மைவ பீ₃ஜபூ₄தம் ப்ரக்ருதி꞉ ப்ருதி₂வீ தயா ஹி ஸம்யோகா₃த் .. 42..

காரணஸூக்ஷ்மஸ்தூ₂லப்ரபஞ்சரூபேண ஜாயதே க்ரமஶ꞉ .
மூலம் க₃ணபதிரூபம் ப்ரபஶ்சரூபஸ்ய பாத₃பஸ்யைவம் .. 43..

பு₃த்₃தி₄꞉ ஸித்₃தி₄ஶ்ச ப₂லே மூலம் க₃ணபோ(அ)ஸ்ய விஶ்வரூபதரோ꞉ .
ஶாகா₂꞉ கேஶா꞉ கந்த₃ம் த்வர்கோ(அ)கி₂லமூலமுச்யஸே(அ)தஸ்த்வம் .. 44..

ஸூலே ஜலஸேகாத் கில தருபத்ரப₂லாத₃யோ(அ)பி வர்த₄ந்தே .
தவ பூஜயா க₃ணபதே ரவிஶிவஶக்த்யாத₃யோ(அ)பி த்ருப்யந்தி .. 45..

ஏவம் ஸகு₃ணப்₃ரஹ்மவ்யபதே₃ஶவதாம் ச பஞ்ச தே₃வாநாம் .
பூர்ணகலாம்ஶாம்ஶாம்ஶாவதாரரூபாஶ்ச மூர்தயோ(அ)நந்தா꞉ .. 46..

ப₄வத꞉ கதிபயமூர்தீராவிர்பா₄வாவதாரதாரமுகா₂꞉ .
வைநாயகமதவிதி₃தப்ரக்ரியயைவ ப்₃ரவீமி ஹேரம்ப₃ .. 47..

ஸத்யம் ஜ்ஞாநமநந்தம் ஜ்யோதீரூபம் ச நிர்கு₃ணம் ப்₃ரஹ்ம .
ஏதந்நிர்வ்யாபாரம் க₃ஜபத₃வாச்யம் லயாதி₃ஹேதுத்வாத் .. 48..

யோகீ₃ந்த்₃ரா க₃ச்ச₂ந்தி ஹி ஸமாதி₄நாத்ரேதி க₃꞉ ஸ்ம்ருதோ முநிபி₄꞉ .
ப்ரணவாத்மகஜக₃த₃ஸ்மாஜ்ஜாயத இதி ஜ꞉ ஸ்ம்ருதிப்ரதீதார்த₂꞉ .. 49..

க₃ஶ்வாஸௌ ஜஶ்சேதி வ்யுத்பாத₃யதி ஸ்ம்ருதிர்ஹி க₃ஜஶப்₃த₃ம் .
ஏஷ ப்ரதிபதா₃யதி ப்ரப₄வாப்யயகாரணம் பரம் ப்₃ரஹ்ம .. 50..

மூலப்ரக்ருதிஸ்த்ரிகு₃ணா ஶுக்தௌ ரஜதம் யதா₂ ததோ ஜாதா .
தத்₃க₃தசித்ப்ரதிபி₃ம்ப₃ம் ஸகு₃ணப்₃ரஹ்மேதி கீர்திதம் முநிபி₄꞉ .. 51..

ஓங்காரப்₃ரஹ்மேதி ச நர இதி நாம்நீ ப்ரகீர்திதே தஸ்ய .
ஸகலஜ்யோதீரூபம் ஸகு₃ணஸ்யோக்தம் ஹி தத்த்வவித்₃வத்₃பி₄꞉ .. 52..

மூலாவித்₃யாக₃தநரமத்₃வைதப்₃ரஹ்மரூபமபி பி₃ப்₄ரத் .
நிர்கு₃ணஸகு₃ணஜ்யோதீரூமுப₄யதா₂ த்ருதீயமப்யுக்தம் .. 53..

அத்₃வைத இதி ஸதா₃த்மேத்யாம்நாயந்தே ததா₂ மஹாவாக்யா꞉ .
இத்யுக்தாநி க்ரமதோ நாமாந்யேஷாம் ஸ்ம்ருதீதிஹாஸாதௌ₃ .. 54..

நரவாச்யஸகலரூபோ க₃ஜவாச்யோ நிஷ்கலஸ்வரூபஸ்த்வம் .
விக்₃நேஶ ஸகலநிஷ்கலரூபமஹாவாக்யமூர்திதா₄ரீ த்வம் .. 55..

ஓம் தத்ஸதி₃தி ஹி பே₄தா₃த்₃ப்₃ரஹ்ம ப்ரோக்தம் த்ரிதா₄ ஸுதீ₄பி₄ரபி .
ப்ரதி₂தம் மூர்தமர்ம்தம் மூர்தாமூர்தம் த்ரிதா₄ ததே₃வமபி .. 56..

நாமாந்தராணி ஸர்வாண்யேதாந்யுதி₃தாநி வேத₃ஶீர்ஷேஷு .
கமலாவல்லப₄ ப₄வத꞉ பூர்வோக்தத்ரிவித₄ரூபதா₄ரயிது꞉ .. 57..

அபி சாந்யாநி க₃ணபதே நாமாநி ஸஹஸ்ரஶ꞉ ப்ரஸித்₃தா₄நி .
கர்மஜ்ஞாநோபாஸநகாண்டே₃ஷு ப்ருத₂க்₃விநாயகாதீ₃நி .. 58..

நிர்கு₃ணரூபத்₄யாநம் ந ஸாத₄காலா ப்ரஸித்₄யதி க்ஷிப்ரம் .
தத₃நுக்₃ரஹாய த₄ரஸே (த₄த்ஸே)தீ₄பரிபாகாநுரூபரூபாணி .. 59..

மந்தா₃தி₄காரிணாமபி யதா₂ ருசி꞉ ஸ்யாத்ததா₃நுகு₃ண்யேந .
விக்₃ரஹவரா க்₃ருஹீதா꞉ ஸர்வே தே மாம் ஸதா₃நுக்₃ருஹ்ணந்து .. 60..

கைலாஸே வைகுண்டே₂ ஹிரண்மயபுரே ச யா மணித்₃வீபே .
பூஜ்யந்தே(அ)நயஸ்மிந் வா ஸர்வா மூர்தீஶ்ச தாஸ்தவோபாஸே .. 61..

அஷ்டோத்தரம் ஶதம் வா ஸஹஸ்ரமத்யஷ்ட மதி₄கா ஶ்ச மூர்தயோ வா தே .
முக்₂யத்வேந க்₂யாதா꞉ கே₂லந்த்வகி₂லா꞉ ஸதா₃ மம ஸ்வாந்தே .. 62..

காஶ்சந பத்நீஹீநா ப₃ஹுஶக்தியுதாஶ்ச மூர்தய꞉ காஶ்வித் .
பாந்த்வேகத₃ந்த ப₄வதோ(அ)ப்யேகத்யஷ்டாதி₃ஶக்தய꞉ ஸர்வா꞉ .. 63..

ப₃ஹுப₂லபுஷ்பமஹீ ருஹநிகராராமம் நிகா₄டிதகவாடம் .
ஆராமேஶஸமீபே நிஷ்ட₂ந் க்ருத்வாஹ்யாராமேஶித்ருஸவிதே₄ யதோ₂பவநபால꞉ (?) .. 64..

நோத்₃தா₄டயதி கவாடம் ஸ்வாம்யாதே₃ஶம் விநா ப்ரவேஶாய .
தத்₃வந்நோத்₃கா₄டயதி ஸ்வாதி₄ஷ்டா₂நாதி₃ நிஜகவாடாநி .. 65..

ஸர்வஶரீரிஶரீரே மூலாதா₄ரஸ்தி₂தா ஹி குண்ட₃லிநீ .
(மூலாதா₄ரஸ்த₂குண்ட₃லிநீஶக்தி꞉)
ஆவ்ருத்ய ஷடா₃தா₄ராந் ம்ருத்₃பா₄ண்ட₃மிவாஸ்தி மூலவஹ்நேர்யா .. 66..

யத்₃வச்ச₂மீத்₃ருமே(அ)க்₃நிஸ்தத்₃வந்மூலாநலே ப₄வாந க₃ணேஶோ ஸ்தி .
தத்ரத்யஸித்₃தி₄பு₃த்₃த₄தா₂த்₃தி₄ யுதப₄வதா₃ஜ்ஞாம் க₃ணபாஜ்ஞாம் விநா கதா₃சித₃பி .. 67..

யதி₃ தவ பூஜா க்ரியதே விநாயகோத்₃கா₄டிதா꞉ ஷடா₃தா₄ரா꞉ .
அத ஏவ பூர்வபூஜ்ய꞉ ஸர்வா கர்மா ஸ்ம்பே₄த்வமேவ தே₃வாத்₃யை꞉ .. 68..

ஶுக்லாம்ப₃ரேதிமந்த்ரம் ப்ரோச்சார்ய சதுர்முகா₂த₃யோ(அ)பி த்வாம் .
ஶ்வேதவிநாயகமூர்திம் த்₄யாத்வா குர்வந்தி குட்டநம் முஷ்டயா .. 69..

ஸர்வஶரீரிஶிரஸ்தா₂ மூர்த₄நி கரகுட்டநாத் ஸுதா₄ க₃லிதா .
பததி ஸுஷும்நாநாடி₃த்₃வாரா மூலாது₃பர்யுபோத்₃க₃தயா .. 70..

ஸித்₃த₄தா₂ பு₃த்₃த₄தா₂ ச யுதே மூலாதா₄ரஸ்த₂க₃ணபதௌ ப₄வதி .
தேந ப்ரஸீத₃தி ப₄வாந் கரோதி கர்மார்ஹமந்தராத்மாநம் .. 71..

தாத்₃ருஶகுட்டநதுஷ்டம் ஶ்வேதவிநாயகமநாரதம் கலயே .
பீயூஷமத₂நஸமயே புருஹூதமுகை₂ஶ்ச பூஜிதோ யோ(அ)பூ₄த் .. 72..

ப₄வதஸ்தேஜோரூபம் நராமராத்₃யைர்ந ஶக்யதே த்₃ரஷ்டும் .
அத ஏவ நயநவிஷயம் க்₃ருஹ்ணாஸி த்வம் க₃ஜாநநஶரீரம் .. 73..

ந்ருக₃ஜாத்மகரூபத்வாந்நிர்கு₃ணஸகு₃ணஸ்வரூபவத்த்வாச்ச .
ஹேலம்போ₃த₃ர ஸ்யாதே₃கத₃ந்த ப₄வதோ க₃ஜாநநாக்₂யா ஸுவிஶ்ருதாம்நாயே .. 74..

க₃ஜபத₃வாச்யம் ஹி முக₂ம் ப்ரத₂மம் கார்யம் ஹி யஸ்ய தே₃வஸ்ய .
அத ஏவ வா ஸ கதி₂தோ க₃ஜமுக₂நாமேதி மந்வதே முநய꞉ .. 75..

த்யக்த்வா மாயாவத₃நம் க₃ஜவத₃நம் நிர்கு₃ணம் த₃தௌ₄ தே₃வ꞉ .
யோ லீலயா க₃ணேஶஸ்தம் த்வாம் ஶரணம் ஸதா₃ ப்ரபத்யே(அ)ஹம் .. 76..

விக₃தோ நாயக இதி ஸா விநாயகாக்₂யா ஶ்ருதௌ ஸமாம்நாதா .
ஸர்வேஷாம் ஹி விஶேஷாந்நாயக இத்யப்யபி₄ப்ரயந்த்யர்த₂ம் .. 77..

விக்₃நோ(அ)பி₄ஹிதோ ஜக₃தாம் ஸாமர்த்₂யஸ்ய ஹி விஶேஷதோ ஹநநாத் .
உக்த꞉ ஸ ஏவ காலஸ்தந்நாத₂த்வாத் த்வமேவ விக்₃நேஶ꞉ .. 78..

ஜீவேஶ்வரா ஹி வஶகா₃ ப₄வந்தி காலாத்மந꞉ பரேஶஸ்ய .
தத₃தீ₄ஶ்வரஸ்ய ப₄வதோ விக்₃நேஶத்வே கிமஸ்தி வக்தவ்யம் .. 79..

ஸர்வப்₃ரஹ்மாண்டா₃நாம் ஸ்வதந்த்ரதே₃வோ விநாயகோ ராஜா .
ராஜப்ரதிநிதி₄ரர்க꞉ ஸஹாயபூ₄தா ஶிவா மஹாராஜ்ஞீ .. 80..

ஸ்ருஷ்டிஸ்தி₂திஸம்ஹாராந் கர்தாரோ தா₄த்ருஹரிகி₃ரீஶாஶ்ச .
ராஜ்யாதி₄காரஸசிவா꞉ ஸந்தி ப₄வாநீ தி₃வாகராத்₃யாஶ்ச .. 81..

யத்₃ராஜ்யரக்ஷணாயைதத்ஸேநாபதிதாம் கு₃ஹோ மஹாஸேந꞉ .
தஜ்ஜ்யேஷ்டராஜநாமா க₃ஜாநநோ(அ)பூ₄தி₃தீரிதம் முநிபி₄꞉ .. 82..

யஸ்ய ஜ்யேஷ்டா₂பா₄வாஜ்யேஷ்ட₂த்வாத₃பி ச ராஜபா₄வவதாம் .
தஜ்ஜ்யேஷ்ட₂ராஜநாம ப்ரோக்தம் ஸ ஸதா₃ விராஜதாம் சித்தே .. 83..

யஸ்யோத₃ரமவலம்ப₃ஶ்வராசராணாம் ஹி ஸர்வஜந்தூநாம் .
மாதாபிதராவபி ப்ரலயே ஸ்தி₂த்யாதா₃வபி ஜந்மாதா₃வபி
ய꞉ ஸதை₃வ லம்போ₃த₃ரம் தமவலம்பே₃ .. 84..

ஶூர்பஸ்துஷமிவ கலுஷம் நிரஸ்யதீத்யஸ்ய .
(ஶூர்பகர்ணாக்₂யா கர்ணாத₃ஸ்யதி ஹி ஶூர்பகர்ணோ(அ)த꞉)
விக₃லிதரஜஸ்தமோமலமதிபூதம் மாம் கரோது ஸ க₃ணேஶ꞉ .. 85..

ப்₃ரஹ்மாத்மமஸ்தகத்வாத் கண்டா₂தோ₄ மாயிகஸ்வரூபத்வாத் .
வக்ரம் தே₃ஹவிலக்ஷணமஸ்ய து துண்ட₃ம் ஸ வக்ரதுண்டோ₃(அ)த꞉ .. 86..

மாயாவாசக ஏக꞉ த₃ந்த꞉ ஸத்தாத்மவாசகஶ்ச தயோ꞉ .
யோகோ₃ க₃ணேஶ இத்யத உக்தோ(அ)ஸாவேகத₃ந்தாம்நாபி .. 87..

ப்₃ரஹ்மாத்மநாம் பதித்வாந்மாயாகௌ₃ரீமஹேஶ்வராதீ₃நாம .
அந்நப்ராணப்ரப்₄ருதிப்ரணவாந்தப்₃ரஹ்மணாம் பதித்வாச்ச .. 88..

யம் ப்₃ரஹ்மணம்பதிரிதி ப்ராஹுர்வேதா₃தி₄பத்யதோ(அ)ப்யேவம் .
தமஹம் ஸர்வாதீ₄ஶம் ஸததம் பரிஶீலயாமி விக்₄நேஶம் .. 89..

ப்₃ரஹ்மாதி₃ஸ்தம்பா₃ந்தப்ராணிக₃ணாநாமதீ₄ஶ்வரோ யத꞉ .
ஸகு₃ணப்₃ரஹ்மக₃ணாநாமபி தஸ்மாத் த்வம் க₃ணேஶ இத்யுக்த꞉ .. 90..

யந்நாமரூபபோ₄கா₃ந் மாயாகூ₃டோ₄(அ)ந்தரேவ முஷ்ணாதி .
தந்மூஷக꞉ ஸ்வவாஹோ யஸ்ய ஸ க₃ணபோ விஹரது மம மநஸி .. 91..

மூலப்ரக்ருதி꞉ பத்நீ ஜஹாதி சைநாம் து பு₄க்தபோ₄கா₃ம் ய꞉ .
பத்நீஹீநோ(அ)பி₄ஹிதஸ்ததோ க₃ஜாஸ்யோ(அ)நிஶம் ஸ மாம் பாது .. 92..

ப்₃ரஹ்மணி வேதே₃ சரதீத்யர்த₂மபி₄ப்ரேத்ய வேத₃க₃ம்யத்வாத் .
தம் ப்₃ரஹ்மசாரிஶப்₃த₃ம் குஞ்ஜரவத₃நே ப்ரயுஞ்ஜதே கவய꞉ .. 93..

ப்₃ரஹ்மாத்மமஸ்தகத்வாத்தஸ்ய மஹாவாக்யக₃ணபதேஶ்வ விபோ₄꞉ .
தேந ச ஸஹஸஞ்சாராதா₃ஹுர்வா ப்₃ரஹ்மசாரீதி .. 94..

ஆத்மாராமத்வாத₃பி சரதி ப்₃ரஹ்மண்யபா₃ஹ்யவ்ருத்திரிதி .
யமிஹாமநந்தி முநய꞉ பாயாத்ஸ ப்₃ரஹ்மசாரிதே₃வோ க₃ணபோ மாம் .. 95..

ஸந் த்₃வாபரே பராஶரபுத்ர꞉ ஸிந்தூ₃ரதா₃நவம் ந்யவதீ₄த் .
யத்₃ப்₃ரஹ்மசர்யவர்தீ க₃தி₃தோ(அ)தோ ப்₃ரஹ்மசாரிஶப்₃தே₃ந .. 96..

விமலகமண்ட₃லுதடிநீதீரமயூரேஶநக₃ரவர்யே ய꞉ .
பூ₄ஸ்வாநந்தே₃ ஸுசிராதா₃விர்பூ₄தோ(அ)த்₃பு₄தாநி க்ருத்யாநி .. 97..

லோகாநுகூலபூ₄தாந் ஸிந்து₄வதா₄தீ₃ம்ஶ்ச ப₃ஹுவிதா₄ந் வ்யத₃தா₄த் .
நிகி₂லாநுக்₃ரஹநிரத꞉ ஸததம் த்₃வைமாதுர꞉ ஸ மாம் பாயாத் .. 98..

யத்கோபபாவகார்சிஷ்யஸுரௌ சண்ட₃ப்ரசண்ட₃நாமாநௌ .
ப்ராப்தௌ பதங்க₃பா₄வம் பாலயது ஸ மாம் ஸதை₃வ விக்₄நேஶ꞉ .. 99..

யஶ்சாஷ்டக₃ந்த₄நிர்மிதசந்த₃நக₃ணபோ புரா ப்₄ருகோ₃꞉ ஸுதயா .
ரமயா ப்ரபூஜித꞉ ஸந் விவாஹஸமயே புராணபுருஷஸ்ய .. 100..

து₃ர்க₃ந்தா₄ஸுரமவதீ₄ந்மது₄கைடப₄மேத₃ஸ꞉ ஸமுத்₃பூ₄தம் .
யோ(அ)பி ச க₃வ்யக₃ணபதிர்மஹிதோ கோ₃லோகராத₄யா பூர்வம் .. 101..

க₃வ்யை꞉ பயோத₃தி₄க்₄ருதைர்ஜகா₄ந பாபாஸுரம் து₃ராத்மாநம் .
வரிவஸ்யாம்யநவரதம் தம் விக்₄நேஶம் த₃யாபயோராஶிம் .. 102..

யம் ஹாரித்₃ரக₃ணபதிம் ஹிமவத்₃து₃ஹிதா மஹேஶ்வரஶ்சாபி .
ஸ்வீயே விவாஹஸமயே ஹ்யபூஜயேதாம் ச த₃ம்பதீ ப்ராஞ்சௌ .. 103..

யஶ்ச ஹரித்₃ராபி₃ம்பா₃தா₃விர்பூ₄தோ க₃ணேஶ்வர꞉ ஸத்₃ய꞉ .
அவதீ₄த₃மங்க₃லாஸுரமந்யமபரமாரநாமகம் ஹ்யஸுரம் .. 104..

கௌ₃ரீஹரவசநாத்₃யம் ச ஶுபா₄தௌ₃ ப்ரபூஜயந்த்யத்₃ய .
மம ஹாரித்₃ரக₃ணபதிர்ஹரது ஸ து₃ரிதம் ஸமஸ்தமபி ஸத்₃ய꞉ .. 105..

க்ருதயுக₃ஸமயே யோ(அ)ஸௌ காஶ்யபபுத்ரோ மஹோத்கடோ பூ₄த்வா .
தே₃வாந்தகம் நராந்தகமபி நாம்நா தாவஹந்மஹாது₃ஷ்டௌ .. 106..

ப்ராபயதா₃நந்த₃பு₄வம் ஸஶரீரம் காஶிராஜமபி ப₄க்தம் .
அகரோச்சாத்₃பு₄தலீலாமஹோத்கடம் த்வாமஹம் ஸதா₃ர்ஹாமி .. 107..

யோ(அ)பி வரேண்யாய புரா க₃ணேஶகீ₃தாம் ஹிதாமுபதி₃தே₃ஶ .
ஸ வரேண்யராஜபுத்ரோ க₃ஜாநநோ மே தநோது குஶலததிம் .. 108..

தூ₄ம்ரவிநாயகமூர்திம் க்₃ரஹீஷ்யஸி த்வம் கலேர்யுக₃ஸ்யாந்தே .
ஸர்வாம்ஶ்ச நிக்₃ரஹிஷ்யஸி விப்லுதமதக்ருத்யநாஸ்திகப்ராயாந் .. 109..

ஶிஶ்நோத₃ரமாத்ரபரா ஜாதிவிபா₄கா₃தி₃வர்ஜிதா꞉ ஸர்வே .
தூ₄ம்ரவிநாயக (தூ₄மத்₄வஜேந) ப₄வதா ஸமூலகா₄தம் ஹதா ப₄விஷ்யந்தி .. 110..

.. இதி ஶ்ரீவித்₃வத்₃ரத்நோபநாமகேந வையாகரணஶிரோமணிநா வைதி₃கஷட்₃த₃ர்ஶநீஸாரவேதி₃நா நீலகண்ட₂ஶாஸ்த்ரிணா விரசிதம் க₃ணேஶபூர்வஶதகம் .