অথ চতুর্থোঽধ্যাযঃ

ওঁ শ্রী পরমাত্মনে নমঃ

শ্রীভগভ়ানুভ়াচ
ইমং ভ়িভ়স্বতে যোগং প্রোক্তভ়ানহমভ়্যযম্।
ভ়িভ়স্বান্ মনভ়ে প্রাহ মনুরিক্ষ্বাকভ়েঽব্রভ়ীৎ॥১ ॥

এভ়ং পরম্পরাপ্রাপ্তমিমং রাজর্ষযো ভ়িদুঃ।
স কালেনেহ মহতা যোগো নষ্টঃ পরন্তপ॥২॥

স এভ়াযং মযা তেঽদ্য যোগঃ প্রোক্তঃ পুরাতনঃ।
ভক্তোঽসি মে সখা চেতি রহস্যং হ্যেতদুত্তমম্॥৩॥

অর্জুন উভ়াচ
অপরং ভভ়তো জন্ম পরং জন্ম ভ়িভ়স্বতঃ।
কথমেতদ্বিজানীযাং ত্বমাদৌ প্রোক্তভ়ানিতি॥৪॥

শ্রীভগভ়ানুভ়াচ
বহূনি মে ভ়্যতীতানি জন্মানি তভ় চার্জুন।
তান্যহং ভ়েদ সর্ভ়াণি ন ত্বং ভ়েত্থ পরন্তপ॥৫ ॥

অজোঽপি সন্নভ়্যযাত্মা ভূতানামীশ্বরোঽপি সন্।
প্রকৃতিং স্বামধিষ্ঠায সম্ভভ়াম্যাত্মমাযযা॥৬॥

যদা যদা হি ধর্মস্য গ্লানির্ভভ়তি ভারত।
অভ্যুত্থানমধর্মস্য তদাঽঽত্মানং সৃজাম্যহম্॥৭॥

পরিত্রাণায সাধূনাং ভ়িনাশায চ দুষ্কৃতাম্।
ধর্মসংস্থাপনার্থায সম্ভভ়ামি যুগে যুগে॥৮॥

জন্ম কর্ম চ মে দিভ়্যমেভ়ং যো ভ়েত্তি তত্ত্বতঃ।
ত্যক্ত্বা দেহং পুনর্জন্ম নৈতি মামেতি সোঽর্জুন॥৯॥

ভ়ীতরাগভযক্রোধা মন্মযা মামুপাশ্রিতাঃ।
বহভ়ো জ্ঞানতপসা পূতা মদ্ভাভ়মাগতাঃ॥১০॥

যে যথা মাং প্রপদ্যন্তে তাংস্তথৈভ় ভজাম্যহম্।
মম ভ়র্ত্মানুভ়র্তন্তে মনুষ্যাঃ পার্থ সর্ভ়শঃ॥১১॥

কাঙ্ক্ষন্তঃ কর্মণাং সিদ্ধিং যজন্ত ইহ দেভ়তাঃ।
ক্ষিপ্রং হি মানুষে লোকে সিদ্ধির্ভভ়তি কর্মজা॥১২॥

চাতুর্ভ়র্ণ্যং মযা সৃষ্টং গুণকর্মভ়িভাগশঃ।
তস্য কর্তারমপি মাং ভ়িদ্ধ্যকর্তারমভ়্যযম্॥১৩॥

ন মাং কর্মাণি লিম্পন্তি ন মে কর্মফলে স্পৃহা।
ইতি মাং যোঽভিজানাতি কর্মভির্ন স বধ্যতে॥১৪॥

এভ়ং জ্ঞাত্বা কৃতং কর্ম পূর্ভ়ৈরপি মুমুক্ষুভিঃ।
কুরু কর্মৈভ় তস্মাত্ত্বং পূর্ভ়ৈঃ পূর্ভ়তরং কৃতম্॥১৫॥

কিং কর্ম কিমকর্মেতি কভ়যোঽপ্যত্র মোহিতাঃ।
তত্তে কর্ম প্রভ়ক্ষ্যামি যজ্জ্ঞাত্বা মোক্ষ্যসেঽশুভাৎ॥১৬॥

কর্মণো হ্যপি বোদ্ধভ়্যং বোদ্ধভ়্যং চ ভ়িকর্মণঃ।
অকর্মণশ্চ বোদ্ধভ়্যং গহনা কর্মণো গতিঃ॥১৭॥

কর্মণ্যকর্ম যঃ পশ্যেদকর্মণি চ কর্ম যঃ।
স বুদ্ধিমান্ মনুষ্যেষু স যুক্তঃ কৃৎস্নকর্মকৃৎ॥১৮॥

যস্য সর্ভ়ে সমারম্ভাঃ কামসঙ্কল্পভ়র্জিতাঃ।
জ্ঞানাগ্নিদগ্ধকর্মাণং তমাহুঃ পণ্ডিতং বুধাঃ॥১৯॥

ত্যক্ত্বা কর্মফলাসঙ্গং নিত্যতৃপ্তো নিরাশ্রযঃ।
কর্মণ্যভিপ্রভ়ৃত্তোঽপি নৈভ় কিঞ্চিৎ করোতি সঃ॥২০॥

নিরাশীর্যতচিত্তাত্মা ত্যক্তসর্ভ়পরিগ্রহঃ।
শারীরং কেভ়লং কর্ম কুর্ভ়ন্নাপ্নোতি কিল্‌বিষম্॥২১॥

যদৃচ্ছালাভসন্তুষ্টো দ্বন্দ্বাতীতো ভ়িমৎসরঃ।
সমঃ সিদ্ধাভ়সিদ্ধৌ চ কৃত্বাঽপি ন নিবধ্যতে॥২২॥

গতসঙ্গস্য মুক্তস্য জ্ঞানাভ়স্থিতচেতসঃ।
যজ্ঞাযাচরতঃ কর্ম সমগ্রং প্রভ়িলীযতে॥২৩॥

ব্রহ্মার্পণং ব্রহ্ম হভ়ির্ব্রহ্মাগ্নৌ ব্রহ্মণা হুতম্।
ব্রহ্মৈভ় তেন গন্তভ়্যং ব্রহ্মকর্মসমাধিনা॥২৪॥

দৈভ়মেভ়াপরে যজ্ঞং যোগিনঃ পর্যুপাসতে।
ব্রহ্মাগ্নাভ়পরে যজ্ঞং যজ্ঞেনৈভ়োপজুহ্বতি॥২৫॥

শ্রোত্রাদীনীন্দ্রিযাণ্যন্যে সংযমাগ্নিষু জুহ্বতি।
শব্দাদীন্ ভ়িষযানন্য ইন্দ্রিযাগ্নিষু জুহ্বতি॥২৬॥

সর্ভ়াণীন্দ্রিযকর্মাণি প্রাণকর্মাণি চাপরে।
আত্মসংযমযোগাগ্নৌ জুহ্বতি জ্ঞানদীপিতে॥২৭॥

দ্রভ়্যযজ্ঞাস্তপোযজ্ঞা যোগযজ্ঞাস্তথাঽপরে।
স্বাধ্যাযজ্ঞানযজ্ঞাশ্চ যতযঃ সংশিতভ়্রতাঃ॥২৮॥

অপানে জুহ্বতি প্রাণং প্রাণেঽপানং তথাঽপরে।
প্রাণাপানগতী রুদ্ধ্বা প্রাণাযামপরাযণাঃ॥২৯॥

অপরে নিযতাহারাঃ প্রাণান্ প্রাণেষু জুহ্বতি।
সর্ভ়েঽপ্যেতে যজ্ঞভ়িদো যজ্ঞক্ষপিতকল্মষাঃ॥৩০॥

যজ্ঞশিষ্টামৃতভুজো যান্তি ব্রহ্ম সনাতনম্।
নাযং লোকোঽস্ত্যযজ্ঞস্য কুতোঽন্যঃ কুরুসত্তম॥৩১॥

এভ়ং বহুভ়িধা যজ্ঞা ভ়িততা ব্রহ্মণো মুখে।
কর্মজান্ ভ়িদ্ধি তান্ সর্ভ়ানেভ়ং জ্ঞাত্বা ভ়িমোক্ষ্যসে॥৩২॥

শ্রেযান্ দ্রভ়্যমযাদ্যজ্ঞাজ্জ্ঞানযজ্ঞঃ পরন্তপ।
সর্ভ়ং কর্মাখিলং পার্থ জ্ঞানে পরিসমাপ্যতে॥৩৩॥

তদ্বিদ্ধি প্রণিপাতেন পরিপ্রশ্নেন সেভ়যা।
উপদেক্ষ্যন্তি তে জ্ঞানং জ্ঞানিনস্তত্ত্বদর্শিনঃ॥৩৪॥

যজ্জ্ঞাত্বা ন পুনর্মোহমেভ়ং যাস্যসি পাণ্ডভ়।
যেন ভূতান্যশেষেণ দ্রক্ষ্যস্যাত্মন্যথো মযি॥৩৫॥

অপি চেদসি পাপেভ্যঃ সর্ভ়েভ্যঃ পাপকৃত্তমঃ।
সর্ভ়ং জ্ঞানপ্লভ়েনৈভ় ভ়ৃজিনং সন্তরিষ্যসি॥৩৬॥

যথৈধাংসি সমিদ্ধোঽগ্নির্ভস্মসাৎ কুরুতেঽর্জুন।
জ্ঞানাগ্নিঃ সর্ভ়কর্মাণি ভস্মসাৎ কুরুতে তথা॥৩৭॥

ন হি জ্ঞানেন সদৃশং পভ়িত্রমিহ ভ়িদ্যতে।
তৎ স্বযং যোগসংসিদ্ধঃ কালেনঽঽত্মনি ভ়িন্দতি॥৩৮॥

শ্রদ্ধাভ়াঁল্লভতে জ্ঞানং তৎপরঃ সংযতেন্দ্রিযঃ।
জ্ঞানং লব্ধ্বা পরাং শান্তিমচিরেণাধিগচ্ছতি॥৩৯॥

অজ্ঞশ্চাশ্রদ্দধানশ্চ সংশযাত্মা ভ়িনশ্যতি।
নাযং লোকোঽস্তি ন পরো ন সুখং সংশযাত্মনঃ॥৪০॥

যোগসন্ন্যস্তকর্মাণং জ্ঞানসঞ্ছিন্নসংশযম্।
আত্মভ়ন্তং ন কর্মাণি নিবধ্নন্তি ধনঞ্জয॥৪১॥

তস্মাদজ্ঞানসম্ভূতং হৃৎস্থং জ্ঞানাসিনাঽঽত্মনঃ।
ছিত্ত্বৈনং সংশযং যোগমাতিষ্ঠোত্তিষ্ঠ ভারত॥৪২॥

॥ ওং তৎসদিতি শ্রীমদ্ভগভ়দ্গীতাসূপনিষৎসু ব্রহ্মভ়িদ্যাযাং যোগশাস্ত্রে শ্রীকৃষ্ণার্জুনসংভ়াদে জ্ঞানকর্মসন্ন্যাসযোগো নাম চতুর্থোঽধ্যাযঃ॥