অথ তৃতীযোঽধ্যাযঃ

ওঁ শ্রী পরমাত্মনে নমঃ

অর্জুন উভ়াচ
জ্যাযসী চেৎ কর্মণস্তে মতা বুদ্ধির্জনার্দন।
তৎ কিং কর্মণি ঘোরে মাং নিযোজযসি কেশভ়॥১॥

ভ়্যামিশ্রেণেভ় ভ়াক্যেন বুদ্ধিং মোহযসীভ় মে।
তদেকং ভ়দ নিশ্চিত্য যেন শ্রেযোঽহমাপ্নুযাম্॥২॥

শ্রীভগভ়ানুভ়াচ
লোকেঽস্মিন্ দ্বিভ়িধা নিষ্ঠা পুরা প্রোক্তা মযাঽনঘ।
জ্ঞানযোগেন সাঙ্খ্যানাং কর্মযোগেন যোগিনাম্॥৩॥

ন কর্মণামনারম্ভান্নৈষ্কর্ম্যং পুরুষোঽশ্নুতে।
ন চ সন্ন্যসনাদেভ় সিদ্ধিং সমধিগচ্ছতি॥৪॥

ন হি কশ্চিৎ ক্ষণমপি জাতু তিষ্ঠত্যকর্মকৃৎ।
কার্যতে হ্যভ়শঃ কর্ম সর্ভ়ঃ প্রকৃতিজৈর্গুণৈঃ॥৫॥

কর্মেন্দ্রিযাণি সংযম্য য আস্তে মনসা স্মরন্।
ইন্দ্রিযার্থান্ ভ়িমূঢাত্মা মিথ্যাচারঃ স উচ্যতে॥৬॥

যস্ত্বিন্দ্রিযাণি মনসা নিযম্যারভতেঽর্জুন।
কর্মেন্দ্রিযৈঃ কর্মযোগমসক্তঃ স ভ়িশিষ্যতে॥৭॥

নিযতং কুরু কর্ম ত্বং কর্ম জ্যাযো হ্যকর্মণঃ।
শরীরযাত্রাঽপি চ তে ন প্রসিদ্ধ্যেদকর্মণঃ॥৮॥

যজ্ঞার্থাৎ কর্মণোঽন্যত্র লোকোঽযং কর্মবন্ধনঃ।
তদর্থং কর্ম কৌন্তেয মুক্তসঙ্গঃ সমাচর॥৯॥

সহযজ্ঞাঃ প্রজাঃ সৃষ্ট্বা পুরোভ়াচ প্রজাপতিঃ।
অনেন প্রসভ়িষ্যধ্বমেষ ভ়োঽস্ত্বিষ্টকামধুক্॥১০॥

দেভ়ান্ ভাভ়যতাঽনেন তে দেভ়া ভাভ়যন্তু ভ়ঃ।
পরস্পরং ভাভ়যন্তঃ শ্রেযঃ পরমভ়াপ্স্যথ॥১১॥

ইষ্টান্ ভোগান্ হি ভ়ো দেভ়া দাস্যন্তে যজ্ঞভাভ়িতাঃ।
তৈর্দত্তানপ্রদাযৈভ্যো যো ভুঙ্ক্তে স্তেন এভ় সঃ॥১২॥

যজ্ঞশিষ্টাশিনঃ সন্তো মুচ্যন্তে সর্ভ়কিল্‌বিষৈঃ।
ভুঞ্জতে তে ত্বঘং পাপা যে পচন্ত্যাত্মকারণাৎ॥১৩॥

অন্নাদ্ভভ়ন্তি ভূতানি পর্জন্যাদন্নসম্ভভ়ঃ।
যজ্ঞাদ্ভভ়তি পর্জন্যো যজ্ঞঃ কর্মসমুদ্ভভ়ঃ॥১৪॥

কর্ম ব্রহ্মোদ্ভভ়ং ভ়িদ্ধি ব্রহ্মাক্ষরসমুদ্ভভ়ম্।
তস্মাৎ সর্ভ়গতং ব্রহ্ম নিত্যং যজ্ঞে প্রতিষ্ঠিতম্॥১৫॥

এভ়ং প্রভ়র্তিতং চক্রং নানুভ়র্তযতীহ যঃ।
অঘাযুরিন্দ্রিযারামো মোঘং পার্থ স জীভ়তি॥১৬॥

যস্ত্বাত্মরতিরেভ় স্যাদাত্মতৃপ্তশ্চ মানভ়ঃ।
আত্মন্যেভ় চ সন্তুষ্টস্তস্য কার্যং ন ভ়িদ্যতে॥১৭॥

নৈভ় তস্য কৃতেনার্থো নাকৃতেনেহ কশ্চন।
ন চাস্য সর্ভ়ভূতেষু কশ্চিদর্থভ়্যপাশ্রযঃ॥১৮॥

তস্মাদসক্তঃ সততং কার্যং কর্ম সমাচর।
অসক্তো হ্যাচরন্ কর্ম পরমাপ্নোতি পূরুষঃ॥১৯॥

কর্মণৈভ় হি সংসিদ্ধিম্ আস্থিতা জনকাদযঃ।
লোকসঙ্গ্রহমেভ়াপি সম্পশ্যন্ কর্তুমর্হসি॥২০॥

যদ্যদাচরতি শ্রেষ্ঠস্তত্তদেভ়েতরো জনঃ।
স যৎ প্রমাণং কুরুতে লোকস্তদনুভ়র্ততে॥২১॥

ন মে পার্থাস্তি কর্তভ়্যং ত্রিষু লোকেষু কিঞ্চন।
নানভ়াপ্তমভ়াপ্তভ়্যং ভ়র্ত এভ় চ কর্মণি॥২২॥

যদি হ্যহং ন ভ়র্তেযং জাতু কর্মণ্যতন্দ্রিতঃ।
মম ভ়র্ত্মানুভ়র্তন্তে মনুষ্যাঃ পার্থ সর্ভ়শঃ॥২৩॥

উৎসীদেযুরিমে লোকা ন কুর্যাং কর্ম চেদহম্।
সঙ্করস্য চ কর্তা স্যামুপহন্যামিমাঃ প্রজাঃ॥২৪॥

সক্তাঃ কর্মণ্যভ়িদ্বাংসো যথা কুর্ভ়ন্তি ভারত।
কুর্যাদ্বিদ্বাংস্তথাঽসক্তশ্চিকীর্ষুর্লোকসঙ্গ্রহম্॥২৫॥

ন বুদ্ধিভেদং জনযেদজ্ঞানাং কর্মসঙ্গিনাম্।
জোষযেৎ সর্ভ়কর্মাণি ভ়িদ্বান্ যুক্তঃ সমাচরন্॥২৬॥

প্রকৃতেঃ ক্রিযমাণানি গুণৈঃ কর্মাণি সর্ভ়শঃ।
অহঙ্কারভ়িমূঢাত্মা কর্তাঽহমিতি মন্যতে॥২৭॥

তত্ত্বভ়িৎ তু মহাবাহো গুণকর্মভ়িভাগযোঃ।
গুণা গুণেষু ভ়র্তন্ত ইতি মত্বা ন সজ্জতে॥২৮॥

প্রকৃতের্গুণসম্মূঢাঃ সজ্জন্তে গুণকর্মসু।
তানকৃৎস্নভ়িদো মন্দান্ কৃৎস্নভ়িন্ন ভ়িচালযেৎ॥২৯॥

মযি সর্ভ়াণি কর্মাণি সন্ন্যস্যাধ্যাত্মচেতসা।
নিরাশীর্নির্মমো ভূত্বা যুধ্যস্ব ভ়িগতজ্বরঃ॥৩০॥

যে মে মতমিদং নিত্যম্ অনুতিষ্ঠন্তি মানভ়াঃ।
শ্রদ্ধাভ়ন্তোঽনসূযন্তো মুচ্যন্তে তেঽপি কর্মভিঃ॥৩১॥

যে ত্বেতদভ্যসূযন্তো নানুতিষ্ঠন্তি মে মতম্।
সর্ভ়জ্ঞানভ়িমূঢাংস্তান্ ভ়িদ্ধি নষ্টানচেতসঃ॥৩২॥

সদৃশং চেষ্টতে স্বস্যাঃ প্রকৃতের্জ্ঞানভ়ানপি।
প্রকৃতিং যান্তি ভূতানি নিগ্রহঃ কিং করিষ্যতি॥৩৩॥

ইন্দ্রিযস্যেন্দ্রিযস্যার্থে রাগদ্বেষৌ ভ়্যভ়স্থিতৌ।
তযোর্ন ভ়শমাগচ্ছেৎ তৌ হ্যস্য পরিপন্থিনৌ॥৩৪॥

শ্রেযান্ স্বধর্মো ভ়িগুণঃ পরধর্মাৎ স্বনুষ্ঠিতাৎ।
স্বধর্মে নিধনং শ্রেযঃ পরধর্মো ভযাভ়হঃ॥৩৫॥

অর্জুন উভ়াচ
অথ কেন প্রযুক্তোঽযং পাপং চরতি পূরুষঃ।
অনিচ্ছন্নপি ভ়ার্ষ্ণেয বলাদিভ় নিযোজিতঃ॥৩৬॥