யதிராஜ ஸப்ததி꞉

.. யதிராஜ ஸப்ததி꞉ ..

ஶ்ரீமாந் வேங்கடநாதா₂ர்ய꞉ கவிதார்கிககேஸரீ .
வேதா₃ந்தாசார்ய வர்யோமே ஸந்நித₄த்தாம் ஸதா₃ ஹ்ருதி₃ ..

கமப்யாத்₄யம் கு₃ரும் வந்தே₃ கமலாக்₃ருஹமேதி₄நம் .
ப்ரவக்தா ச₂ந்த₃ஸாம் வக்தா பஞ்சராத்ரஸ்ய ய꞉ ஸ்வயம் .. 1..

ஸஹத₄ர்மசரீம் ஶௌரே꞉ ஸம்மந்த்ரிதஜக₃த்₄தி₃தாம் .
அநுக்₃ரஹமயீம் வந்தே₃ நித்யமஜ்ஞாதநிக்₃ரஹாம் .. 2..

வந்தே₃ வைகுண்ட₂ஸேநாந்யம் தே₃வம் ஸூத்ரவதீஸக₂ம் .
யத்₃வேத்ரஶிக₂ரஸ்பந்தே₃ விஶ்வமேதத்₃ வ்யவஸ்தி₂தம் .. 3..

யஸ்ய ஸாரஸ்வதஸ்ரோதோ வகுலாமோத₃வாஸிதம் .
ஶ்ருதீநாம் விஶ்ரமாயாலம் ஶடா₂ரிம் தமுபாஸ்மஹே .. 4..

நாதே₂ந முநிநா தேந ப₄வேயம் நாத₂வாஹநம் .
யஸ்ய நைக₃மிகம் தத்வம் ஹஸ்தாமலகதாம் க₃தம் .. 5..

நமஸ்யாம்யரவிந்தா₃க்ஷம் நாத₂பா₄வே வ்யவஸ்தி₂தம் .
ஶுத்₄த₃ஸத்வமயம் ஶௌரேரவதாரமிவாபரம் .. 6..

அநுஜ்ஜி₂தக்ஷமாயோக₃மபுண்யஜநபா₃த₄கம் .
அஸ்ப்ருஷ்டமதி₃ராக₃ம் தம் ராமம் துர்யமுபாஸ்மஹே .. 7..

விகா₃ஹே யாமுநம் தீர்த₂ம் ஸாது₄ ப்₃ருந்தா₃வநே ஸ்தி₂தம் .
நிரஸ்தஜிஹ்மக₃ஸ்பர்ஶே யத்ர க்ருஷ்ண꞉ க்ருதாத₃ர꞉ .. 8..

த₃யா நிக்₄நம் யதீந்த்₃ரஸ்ய தே₃ஶிகம் பூர்ணமாஶ்ரயே.
யேந விஶ்வஸ்ருஜோ விஷ்ணோரபூர்யத மநோரத₂꞉ .. 9..

ப்ரணாமம் லக்ஷ்மணமுநி꞉ ப்ரதிக்₃ருஹ்ணாது மாமகம் .
ப்ரஸாத₄யதி யத்ஸூக்தி꞉ ஸ்வாதீ₄ந பதிகாம் ஶ்ருதிம் .. 10..

உபவீதிநமூர்த்₄வபுண்ட்₃ரவந்தம்
த்ரிஜக₃த்புண்யப₂லம் த்ரித₃ண்ட₃ஹஸ்தம் .
ஶரணாக₃தஸார்த₂வாஹமீடே₃
ஶிக₂யா ஶேக₂ரிணம் பதிம் யதீநாம் .. 11..

ப்ரத₂யந் விமதேஷு தீக்ஷ்ணபா₄வம்
ப்ரபு₄ரஸ்மத்பரிரக்ஷணே யதீந்த்₃ர꞉ .
அப்ருத₂க்ப்ரதிபந்ந யந்மயத்வை꞉
வவ்ருதே₄ பஞ்சபி₄ராயுதை₄ர்முராரே꞉ .. 12..

ஶமிதோத₃யஶங்கராதி₃க₃ர்வ꞉
ஸ்வப₃லாது₃த்₄த்₃ருதயாத₃வப்ரகாஶ꞉ .
அவரோபிதவாந் ஶ்ருதேரபார்தா₂ந்
நநு ராமாவரஜ꞉ ஸ ஏஷ பூ₄ய꞉ .. 13.. var ஏவ
அப₃ஹுஶ்ருதஸம்ப₄வம் ஶ்ருதீநாம்
ஜரதீநாமயதா₂யத₂ ப்ரசாரம் .
விநிவர்தயிதும் யதீஶ்வரோக்தி꞉
வித₃தே₄ தா꞉ ஸ்தி₂ரநீதிபஞ்ஜரஸ்தா₂꞉ .. 14..

அமுநா தபநாதிஶாயி பூ₄ம்நா
யதிராஜேந நிப₃த்₄த₃நாயகஶ்ரீ꞉ .
மஹதீ கு₃ருபங்க்திஹாரயஷ்டி꞉
விபு₃தா₄நாம் ஹ்ருத₃யங்க₃மா விபா₄தி .. 15..

அலூநபக்ஷஸ்ய யதி க்ஷமாப்₄ருதோ
விபா₄தி வம்ஶே ஹரிதத்வமக்ஷதம் .
யது₃த்₃ப₄வா꞉ ஶுத்₄த₃ஸுவ்ருத்தஶீதலா꞉
ப₄வந்தி முக்தாவலிபூ₄ஷணம் பு₄வ꞉ .. 16..

அநபாய விஷ்ணுபத₃ஸம்ஶ்ரயம் ப₄ஜே
கலயா கயா(அ)பி கலயா(அ)ப்யநுஜ்ஜி₂தம் .
அகலங்கயோக₃மஜடா₃ஶயோத₃யம்
யதிராஜசந்த்₃ரமுபராக₃ தூ₃ரக₃ம் .. 17..

அபி₄க₃ம்ய ஸம்யக₃நகா₄꞉ ஸுமேத₄ஸோ
யதி சக்ரவர்திபத₃பத்₃மபத்தநம் .
ஹரிப₄க்ததா₃ஸ்யரஸிகா꞉ பரஸ்பரம்
க்ரயைக்ரயார்ஹத₃ஶயா ஸமிந்த₄தே .. 18..

பருஷாதிவாத₃பரிவாத₃பைஶுந-
ப்ரப்₄ருதி ப்ரபூ₄தபதநீயபங்கிலா .
ஸ்வத₃தே மமாத்₄ய ஸுப₄கா₃ ஸரஸ்வதீ
யதிராஜகீர்த்திகதகைர்விஶோதி₄தா .. 19..

அநுகல்பபூ₄தமுரபி₄த்பத₃ம் ஸதாம்
அஜஹத்த்ரிவர்க₃மபவர்க₃வைப₄வம் .
சலசித்தவ்ருத்திவிநிவர்த்தநௌஷத₄ம்
ஶரணம் யதீந்த்₃ரசரணம் வ்ருணீமஹே .. 20..

ஶ்வஸிதாவதூ₄தபரவாதிவைப₄வா꞉
நிக₃மாந்தநீதிஜலதே₄ஸ்தலஸ்ப்ருஶ꞉ .
ப்ரதிபாத₃யந்தி க₃திமாபவர்கி₃கீம்
யதிஸார்வபௌ₄மபத₃ஸாத்க்ருதாஶயா꞉ .. 21..

மூலே நிவிஶ்ய மஹதாம் நிக₃மத்₃ருமாணாம்
முஷ்ணந் ப்ரதாரகப₄யம் த்₄ருதநைகத₃ண்ட₃꞉ .
ரங்கே₃ஶ ப₄க்தஜநமாநஸராஜஹம்ஸோ
ராமாநுஜ꞉ ஶரணமஸ்து முநி꞉ ஸ்வயம் ந꞉ .. 22..

ஸந்மந்த்ரவித் க்ஷிபதி ஸம்யமிநாம் நரேந்த்₃ர꞉
ஸம்ஸாரஜிஹ்மக₃முகை₂꞉ ஸமுபஸ்தி₂தம் ந꞉ .
விஷ்வக்ததம் விஷயலோப₄விஷம் நிஜாபி₄꞉
கா₃டா₄நுபா₄வக₃ருட₃த்₄வஜபா₄வநாபி₄꞉ .. 23..

நாத₂꞉ ஸ ஏஷ யமிநாம் நக₂ரஶ்மிஜாலை꞉
அந்த நிலீநமபநீய தமோ மதீ₃யம் .
விஜ்ஞாநசித்ரமநக₄ம் லிக₂தீவ சித்தே
வ்யாக்₂யாநகேலிரஸிகேந கராம்பு₃ஜேந .. 24..

உத்₃க்₃ருஹ்ணதீமுபநிஷத்ஸு நிகூ₃ட₄மர்த₂ம்
சித்தே நிவேஶயிதுமல்பதி₄யாம் ஸ்வயம் ந꞉ .
பஶ்யேம லஃக்₂ஶ்மண் முநே꞉ ப்ரதிபந்நஹஸ்தாம்
உந்நித்₃ரபத்₃மஸுப₄கா₃முபதே₃ஶமுத்₃ராம் .. 25..

ஆகர்ஷணாநி நிக₃மாந்தஸரஸ்வதீநாம்
உச்சாடநாநி ப₃ஹிரந்தருபப்லவாநாம் .
பத்₂யாநி கோ₄ரப₄வஸம்ஜ்வரபீடி₃தாநாம்
ஹ்ருத்₄யாநி பா₄ந்தி யதிராஜமுநேர்வசாம்ஸி .. 26..

ஶீதஸ்வபா₄வஸுப₄கா₃நுப₄வ꞉ ஶிகா₂வாந்
தோ₃ஷாவமர்த₃நியதோந்நதிரோஷதீ₄ஶ꞉ .
தாபாநுப₃ந்த₄ஶமநஸ்தபந꞉ ப்ரஜாநாம்
ராமாநுஜோ ஜயதி ஸம்வலிதத்ரிதா₄மா .. 27..

ஜயதி ஸகலவித்₃யாவாஹிநீ ஜந்மஶைலோ
ஜநிபத₂பரிவ்ருத்திஶ்ராந்தவிஶ்ராந்திஶாகீ₂ .
நிகி₂லகுமதி மாயா ஶர்வரீ பா₃லஸூர்யோ
நிக₃மஜலதி₄வேலா பூர்ணசந்த்₃ரோ யதீந்த்₃ர꞉ .. 28..

முநிப₃ஹுமதஸாரா முக்திநிஶ்ரேணிகேயம்
ஸஹ்ருத₃யஹ்ருத₃யாநாம் ஶாஶ்வதீ தி₃ஷ்டஸித்₄தி₃꞉ .
ஶமிதது₃ரிதக₃ந்தா₄ ஸம்யமீந்த்₃ரஸ்ய ஸூக்தி꞉
பரிசிதக₃ஹநா ந꞉ ப்ரஸ்நுவீத ப்ரஸாத₃ம் .. 29..

ப₄வமருபரிகி₂ந்நஸ்பீ₂தபாநீயஸிந்து₄꞉
து₃ரிதரஹிதஜிஹ்வா து₃க்₃த₄குல்யா ஸகுல்யா .
ஶ்ருதிநயநஸநாபி₄꞉ ஶோப₄தே லக்ஷ்மணோக்தி꞉
நரகமத₂நஸேவாஸ்வாத₃நாடி₃ம்த₄மா ந꞉ .. 30..

ஹரிபத₃மகரந்த₃ஸ்யந்தி₃ந꞉ ஸம்ஶ்ரிதாநாம்
அநுக₃தப₃ஹுஶாகா₂ஸ்தாபமுந்மூலயந்தி ..

ஶமிதது₃ரிதக₃ந்தா₄꞉ ஸம்யமீந்த்₃ரப்ரப₃ந்தா₄꞉
கத₂கஜநமநீஷா கல்பநா கல்பவ்ருக்ஷா꞉ .. 31..

நாநாபூ₄தைர்ஜக₃தி ஸமயைர்நர்மலீலாம் விதி₄த்ஸோ꞉
அந்த்யம் வர்ணம் ப்ரத₂யதி விபோ₄ராதி₃மவ்யூஹபே₄தே₃ .
விஶ்வம் த்ராதும் விஷயநியதம் வ்யஞ்ஜிதாநுக்₃ரஹ꞉ ஸந்
விஷ்வக்ஸேநோ யதிபதிரபூ₄த்₃வேத்ரஸாரஸ்த்ரித₃ண்ட₃꞉ .. 32..

லக்ஷ்யம் பு₃த்₄தே₃ ரஸிகரஸநாலாஸ்யலீலாநிதா₃நம்
ஶுத்₄தா₃ஸ்வாத₃ம் கிமபி ஜக₃தி ஶ்ரோத்ரதி₃வ்யௌஷத₄ம் ந꞉ .
லக்ஷ்யாலக்ஷ்யை꞉ ஸிதஜலதி₄வத்₃பா₄தி தாத்பர்யரத்நை꞉
லக்ஷ்மீகாந்த ஸ்ப₂டிகமுகுரோ லக்ஷ்மணார்யோபதே₃ஶ꞉ .. 33..

ஸ்தி₂திமவதீ₄ரயந்த்யதிமநோரத₂ஸித்₄தி₃மதீம்
யதிபதிஸம்ப்ரதா₃யநிரபாயத₄நோபசிதா꞉ .
மது₄கரமௌலித₃க்₄நமத₃த₃ந்துரத₃ந்திக₄டா-
கரடகடாஹவாஹி க₄நஶீகரஶீப₄ரிதாம் .. 34..

நிருபதி₄ ரங்க₃வ்ருத்தி ரஸிகாநபி₄தாண்ட₃வயந்
நிக₃மவிமர்ஶகேலிரஸிகைர்நிப்₄ருதைர்வித்₄ருத꞉ .
கு₃ணபரிணத்₃த₄ஸூக்தி த்₃ருட₄கோணவிக₄ட்டநயா
ரடதி தி₃ஶா முகே₂ஷு யதிராஜயஶ꞉ படஹ꞉ .. 35..

இத₃ம் ப்ரத₂மஸம்ப₄வத்குமதி ஜாலகூலங்க₃ஷா꞉
ம்ருஷா மதவிஷாநலஜ்வலிதஜீவஜீவாதவ꞉ .
க்ஷரந்த்யம்ருதமக்ஷரம் யதி புரந்த₃ரஸ்யோக்தய꞉
சிரந்தநஸரஸ்வதி சிகுரப₃ந்த₄ஸைரந்த்₄ரிகா꞉ .. 36..

ஸுதா₄ஶநஸுது₃ர்க்₃ரஹ ஶ்ருதிஸமஷ்டிமுஷ்டிந்த்₄ய꞉
கதா₂ஹவமஸௌ க₃தாந் கபடஸௌக₃தாந் க₂ண்ட₃யந் .
முநிர்மநஸி லக்ஷ்மணோ முத₃ம்த₃ஞ்சயத்யஞ்ஜஸா
முகுந்த₃ கு₃ணமௌக்திகப்ரகரஶுக்திபி₄꞉ ஸூக்திபி₄꞉ .. 37..

கபர்தி₃மதகர்த₃மம் கபிலகல்பநாவாகு₃ராம்
து₃ரத்யயமதீத்ய தத்₃த்₃ருஹிணதந்த்ரயந்த்ரோத₃ரம் .
குத்₃ருஷ்டி குஹநாமுகே₂ நிபதத꞉ பரப்₃ருஹ்மண꞉
கரக்₃ரஹவிசக்ஷணோ ஜயதி லக்ஷ்மணோ(அ)யம் முநி꞉ .. 38..

கணாத₃பரிபாடிபி₄꞉ கபிலகல்பநாநாடகை꞉
குமாரிலகுபா₄ஷிதைர்கு₃ருநிப₃ந்த₄நக்₃ரந்தி₂பி₄꞉ .
ததா₂க₃தகதா₂ஶதைஸ்தத₃நுஸாரி ஜல்பைரபி
ப்ரதாரிதமித₃ம் ஜக₃த் ப்ரகு₃ணிதம் யதீந்த்₃ரோக்திபி₄꞉ .. 39..

கதா₂கலஹகௌதுகக்₃ரஹக்₃ர்ருஹீதகௌதஸ்குத-
ப்ரதா₂ ஜலதி₄ ஸம்ப்லவக்₃ரஸநகும்ப₄ஸம்பூ₄தய꞉ .
ஜயந்தி ஸுதி₄யோ யதிக்ஷிதிப்₄ருத₃ந்திகோபாஸநா-
ப்ரபா₄வபரிபக்த்ரிம ப்ரமிதி பா₄ரதீ ஸம்பத₃꞉ .. 40..

யதீஶ்வரஸரஸ்வதீ ஸுரபி₄தாஶயாநாம் ஸதாம்
வஹாமி சரணாம்பு₃ஜம் ப்ரணதி ஶாலிநா மௌலிநா .
தத₃ந்யமதது₃ர்மத₃ஜ்வலிதசேதஸாம் வாதி₃நாம்
ஶிரஸ்ஸு நிஹிதம் மயா பத₃மத₃க்ஷிணம் லக்ஷ்யதாம் .. 41..

ப₄ஜஸ்வ யதிபூ₄பதேரநித₃மாதி₃து₃ர்வாஸநா
கத₃த்₄வ பரிவர்தநஶ்ரமநிவர்தநீம் வர்தநீம் .
லப₄ஸ்ய ஹ்ருத₃ய ஸ்வயம் ரத₂பதா₃யுதா₄நுக்₃ரஹ-
த்₃ருதப்ரஹ்ருதி நிஸ்த்ருடத்₃து₃ரிதது₃ர்வ்ருதிம் நிர்வ்ருதிம் .. 42..

குமதிவிஹிதக்₃ரந்த₂க்₃ரந்தி₂ப்ரபூ₄தமதாந்தர-
க்₃ரஹிலமநஸ꞉ பஶ்யந்த்யல்பாம் யதீஶ்வரபா₄ரதீம் .
விகடமுரபி₄த்₃வக்ஷ꞉ பீடீ₂ பரிஷ்கரணோசித꞉
குலகி₃ரிதுலாரோஹே பா₄வீ கியாநிவ கௌஸ்துப₄꞉ .. 43..

ஸ்த₂விரநிக₃மஸ்தோமஸ்தே₂யாம் யதீஶ்வரபா₄ரதீம்
குமதிப₂ணிதிக்ஷோப₄க்ஷீபா₃꞉ க்ஷிபந்து ப₄ஜந்து வா .
ரஸபரிமலஶ்லாகா₄ கோ₄ஷஸ்பு₂டத்புடபே₄த₃நம்
லவணவணிஜ꞉ கர்பூரார்க₄ம் கிமித்யபி₄மந்வதே .. 44..

வஹதி மஹிலாமாத்₄யோ வேதா₄ஸ்த்ரயீ முக₂ரைர்முகை₂꞉
வரதநுதயா வாமோ பா₄க₃꞉ ஶிவஸ்ய விவர்ததே .
தத₃பி பரமம் தத்வம் கோ₃பீஜநஸ்ய வஶம்வத₃ம்
மத₃நகத₃நைர்ந க்லிஶ்யந்தே யதீஶ்வரஸம்ஶ்ரயா꞉ .. 45..

நிக₃மபதி₂கச்சா₂யா ஶாகீ₂ நிராஶமஹாநிதி₄꞉
மஹிதவிவித₄ச்சா₂த்ரஶ்ரேணீ மநோரத₂ஸாரதி₂꞉ .
த்ரிபு₄வநதம꞉ப்ரத்யூஷோ(அ)யம் த்ரிவித்₃யஶிகா₂மணி꞉
ப்ரத₂யதி யதிக்ஷ்மாப்₄ருத்பாராவரீமவிபர்யயாம் .. 46..

ஜட₃மதி முதா₄ த₃ந்தாத₃ந்திவ்யதௌ₂ஷத₄ஸித்₄த₃ய꞉
ப்ரமிதிநித₄ய꞉ ப்ரஜ்ஞாஶாலி ப்ரபாலநயஷ்டய꞉ .
ஶ்ருதிஸுரப₄ய꞉ ஶுத்₄தா₃நந்தா₃பி₄வர்ஷுகவாரிதா₃꞉
யமக₃தி கதா₂ விச்சே₂தி₃ந்யோ யதீஶ்வரஸூக்தய꞉ .. 47..

ப்ரதிகலமிஹ ப்ரத்யக்தத்வாவலோகநதீ₃பிகா꞉
யதிபரிப்₃ருட₄க்₃ரந்தா₂ஶ்சிந்தாம் நிரந்தரயந்தி ந꞉ .
அகலுஷபரஜ்ஞாநௌத்ஸுக்யக்ஷுதா₄துரது₃ர்த₃ஶா-
பரிணத ப₂ல ப்ரத்யாஸீத₃த் ப₂லேக்₃ரஹி ஸுக்₃ரஹா꞉ .. 48..

முகுந்தா₃ங்க்₄ரிஶ்ரத்₄தா₃ குமுத₃வநசந்த்₃ராதபநிபா₄꞉
முமுக்ஷாமாக்ஷோப்₄யாம் த₃த₃தி முநிப்₃ருந்தா₃ரககி₃ர꞉ .
ஸ்வஸித்₄தா₃ந்தத்₄வாந்தஸ்தி₂ரகுதுகது₃ர்வாதி₃பரிஷத்₃-
தி₃வாபீ₄தப்ரேக்ஷா தி₃நகரஸமுத்தா₂நபருஷா꞉ .. 49..

நிராபா₃தா₄ போ₃தா₄யநப₄ணிதி நிஷ்யந்த₃ஸுப₄கா₃꞉
விஶுத்₃தோ₄பந்யாஸவ்யதிபி₄து₃ரஶாரீரகநயா꞉ .
அகுண்டை₂꞉ கல்பந்தே யதிபதிநிப₃ந்தா₄ நிஜமுகை₂꞉
அநித்₃ராணப்ரஜ்ஞாரஸத₄மநி வேதா₄ய ஸுதி₄யாம் .. 50..

விகல்பாடோபேந ஶ்ருதிபத₂மஶேஷம் விக₄டயந்
யத்₃ருச்சா₂நிர்தி₃ஷ்டே யதி ந்ருபதி ஶப்₃தே₃ விரமதி .
விதண்டா₃ஹம்குர்வத்ப்ரதிகத₂கவேதண்ட₃ப்ருதநா-
வியாதவ்யாபாரவ்யதிமத₂நஸம்ரம்ப₄கலஹ꞉ .. 51..

ப்ரதிஷ்டா₂ தர்காணாம் ப்ரதிபத₃ம்ருசாம் தா₄ம யஜுஷாம்
பரிஷ்கார꞉ ஸாம்நாம் பரிபணமத₂ர்வாங்கி₃ரஸயோ꞉ .
ப்ரதீ₃பஸ்தத்வாநாம் ப்ரதிக்ருதிரஸௌ தாபஸகி₃ராம்
ப்ரஸத்திம் ஸம்வித்தே꞉ ப்ரதி₃ஶதி யதீஶாநப₂ணிதி꞉ .. 52..

ஹதாவத்₄யே ஹ்ருத்₄யே ஹரிசரணபங்கேருஹயுகே₃
நிப₃த்₄நந்த்யைகாந்த்யம் கிமபி யதி பூ₄ப்₄ருத்ப₂ணிதய꞉ .
ஶுநாஸீரஸ்கந்த₄த்₃ருஹிணஹரஹேரம்ப₃ஹுதபு₄க்-
ப்ரபே₄ஶாதி₃ க்ஷுத்₃ரப்ரணதி பரிஹாரப்ரதிபு₄வ꞉ .. 53..

யதா₂பூ₄த ஸ்வார்தா₂ யதி ந்ருபதிஸூக்திர்விஜயதே
ஸுதா₄ ஸம்தோ₃ஹாப்₃தி₄꞉ ஸுசரிதவிபக்தி꞉ ஶ்ருதிமதாம் .
கதா₂ த்₃ருப்யத்கௌதஸ்குதகலஹகோலாஹலஹத-
த்ரிவேதீ₃ நிர்வேத₃ப்ரஶமநவிநோத₃ப்ரணயீநீ .. 54..

ஶ்ருதிஶ்ரேணீசூடா₃பத₃ப₃ஹுமதே லக்ஷ்மணமதே
ஸ்வபக்ஷஸ்தா₂ந் தோ₃ஷாந் விதத₂மதிராரோபயதி ய꞉ .
ஸ்வஹஸ்தேநோத்க்ஷிப்தை꞉ ஸ க₂லு நிஜகா₃த்ரேஷு ப₃ஹுலம்
க₃லத்₃பி₄ர்ஜம்பா₃லைர்க₃க₃நதலமாலிம்பதி ஜட₃꞉ .. 55..

நிராலோகே லோகே நிருபதி₄ பரஸ்நேஹப₄ரிதோ
யதி க்ஷ்மாப்₄ருத்₃தீ₃போ யதி₃ ந கில ஜாஜ்வல்யத இஹ .
அஹம்காரத்₄வாந்தம் விஜஹதி கத₂ம்காரமநகா₄꞉
குதர்க வ்யாலௌக₄ம் குமதி மதபாதாளகுஹரம் .. 56..

யதி க்ஷமாப்₄ருத்₃த்₄ருஷ்டம் மதமிஹ நவீநம் தத₃பி கிம்
தத꞉ ப்ராகே₃வாந்யத்₃வத₃ தத₃பி கிம் வர்ணநிகஷே .
நிஶாம்யந்தாம் யத்₃வா நிஜமதிதிரஸ்காரவிக₃மாத்
நிராதங்காஷ்டங்கத்₃ரமிட₃கு₃ஹதே₃வ ப்ரப்₄ருதய꞉ .. 57..

ஸுதா₄ஸாரம் ஶ்ரீமத்₄யதிவர பு₄வ꞉ ஶ்ரோத்ரகுஹரே
நிஷிஞ்சந்தி ந்யஞ்சந்நிக₃மக₃ரிமாண꞉ ப₂ணிதய꞉ .
யதா₃ஸ்வாதா₃ப்₄யாஸப்ரசயமஹிமோல்லாஸிததி₄யாம்
ஸதா₃ஸ்வாத்₄யம் காலே தத₃ம்ருதமநந்தம் ஸுமநஸாம் .. 58..

யதி க்ஷோணீப₄ர்துர்யதி₃த₃மநித₃ம் போ₄க₃ஜநதா-
ஶிர꞉ ஶ்ரேணீஜுஷ்டம் ததி₃ஹ த்₃ருட₄ப₃ந்த₄ம் ப்ரப₄வதி .
அவித்₃யாரண்யாநீ குஹரவிஹரந்மாமகமந꞉-
ப்ரமாத்₃யந்மாதங்க₃ப்ரத₂மநிக₃லம் பாத₃யுக₃லம் .. 59..

ஸவித்ரீ முக்தாநாம் ஸகலஜக₃தே₃ந꞉ ப்ரஶமநீ
க₃ரீயோபி₄ஸ்தீர்த்தை₂ருபசிதரஸா யாமுநமுகை₂꞉ .
நிருச்சே₂தா₃ நிம்நேதரமபி ஸமாப்லாவயதி மாம்
யத்₃ருச்சா₂ விஃக்₂ஶேபாத்₃ யதிபதித₃யா தி₃வ்யதடிநீ .. 60..

சிந்தாஶேஷது₃ரர்த₂த₃ந்துரவச꞉ கந்தா₂ ஶதக்₃ரந்தி₂லா꞉
ஸித்₄தா₃ந்தா ந ஸமிந்த₄தே யதிவரக்₃ரந்தா₂நுஸம்தா₄யிநி .
முக்தா ஶுக்திவிஶுத்₄த₃ஸித்₄த₃தடிநீ சூடா₃லசூடா₃பத₃꞉
கிம் குல்யாம் கலயேத க₂ண்ட₃பரஶுர்மண்டூ₃கமஞ்ஜூஷிகாம் .. 61..

வந்தே₃ தம் யமிநாம் து₄ரந்த₄ரமஹம் மாநாந்த₄காரத்₃ருஹா
பந்தா₂நம் பரிபந்தி₂நாம் நிஜத்₃ருஶா ருந்தா₄நமிந்தா₄நயா .
த₃த்தம் யேந த₃யா ஸுதா₄ம்பு₃நிதி₄நா பீத்வா விஶுத்₄த₃ம் பய꞉
காலே ந꞉ கரிஶைலக்ருஷ்ணஜலத₃꞉ காங்க்ஷாதி₄கம் வர்ஷதி .. 62..

காஷாயேண க்₃ருஹீதபீதவஸநாத₃ண்டை₃ஸ்த்ரபி₄ர்மண்டி₃தா
ஸா மூர்திர்முரமர்த₃நஸ்ய ஜயதி த்ரய்யந்தஸம்ரக்ஷிணீ .
யத் ப்ரக்₂யாபிததீர்த₂வர்தி₄ததி₄யாமப்₄யஸ்யதாம் யத்₃கு₃ணாந்
ஆஸிந்தோ₄ரநித₃ம் ப்ரதே₃ஶநியதா கீர்தி꞉ ப்ரஜாக₃ர்தி ந꞉ .. 63..

லிப்ஸே லக்ஷ்மணயோகி₃ந꞉ பத₃யுக₃ம் ரத்₂யா பராக₃ச்ச₂டா
ரக்ஷாரோபணத₄ந்யஸூரிபரிஷத்ஸீமந்தஸீமாந்திகம் .
பி₄க்ஷா பர்யடநக்ஷணேஷு பி₃ப₄ராம்சக்ரே க₃ளத்கில்பி₃ஷா
யத்₃விந்யாஸமிஷேண பத்ரமகரீமுத்₃ராம் ஸமுத்₃ராம்ப₃ரா .. 64..

நாநா தந்த்ரவிலோபி₄தேந மநஸா நிர்ணீதது₃ர்நீதிபி₄꞉
கஷ்டம் குத்ஸிதத்₃ருஷ்டிபி₄ர்யதிபதேராதே₃ஶவைதே₃ஶிகை꞉ .
வ்யாஸோ ஹாஸபதீ₃ க்ருத꞉ பரிஹ்ருத꞉ ப்ராசேதஸஶ்சேதஸ꞉
க்லுப்த꞉ கேலிஶுக꞉ ஶுக꞉ ஸ ச முதா₄ பா₃தா₄ய போ₃தா₄யந꞉ .. 65..

அர்த்₂யா திஷ்ட₂தி மாமிகா மதிரஸாவாஜந்மராஜந்வதீ
பத்யா ஸம்யமிநாமநேந ஜக₃தாமத்யாஹிதச்சே₂தி₃நா .
யத்ஸாரஸ்வதது₃க்₃த₄ஸாக₃ரஸுதா₄ ஸித்₃தௌ₄ஷதா₄ஸ்வாதி₃நாம்
ப்ரஸ்வாபாய ந போ₃ப₄வீதி ப₄க₃வந்மாயா மஹாயாமிநீ .. 66..

ஶுத்₄தா₃தே₃ஶவஶம்த₃தீ₃க்ருதயதிக்ஷோணீஶவாணீஶதா-
ப்ரத்யாதி₃ஷ்டப₃ஹிர்க₃தி꞉ ஶ்ருதிஶிர꞉ ப்ரஸாத₃மாஸீத₃தி .
து₃க்₃தோ₄த₃ந்வத₃பத்யஸந்நிதி₄ ஸதா₃ ஸாமோத₃தா₃மோத₃ர-
ஶ்லக்ஷ்ணாலோகேந தௌ₃ர்லலித்ய லலிதோந்மேஷா மநீஷா மம .. 67..

ஆஸ்தாம் நாம யதீந்த்₃ரபத்₄த₃தி ஜுஷாமாஜாநஶுத்₄தா₃ மதி꞉
தச்சா வ்யாஜவித₃க்₃த₄முக்₃த₄மது₄ரம் ஸாரஸ்வதம் ஶாஶ்வதம் .
கோ வா சக்ஷுருத₃ஞ்சயேத₃பி புர꞉ ஸாடோபதர்கச்ச₂டா
ஶஸ்த்ராஶஸ்த்ரிவிஹாரஸம்ப்₄ருதரணாஸ்வாஸ்தே₃ஷு வாதே₃ஷு ந꞉ .. 68..

பர்யாப்தம் பர்யசைஷம் கணசரணகதா₂மாக்ஷபாத₃ம் ஶிஶிக்ஷே
மீமாம்ஸா மாம்ஸலாத்மா ஸமஜநிஷி முஹு꞉ ஸாம்க்₂யயோகௌ₃ ஸமாக்₂யம் .
இத்த₂ம் தைஸ்தைர்யதீந்த்₃ரத்ருடிதப₃ஹும்ருஷா தந்த்ரகாந்தாரபாந்தை₂꞉
அந்தர்மோஹக்ஷபாந்தை₄ரஹஹ கிமிஹ நஶ்சிந்தநீயம் தநீய꞉ .. 69..

கா₃தா₂ தாதா₂க₃தாநாம் க₃லதி க₃மநிகா காபிலீ க்வா(அ)பி லீநா
க்ஷீணா காணாத₃வாணீ த்₃ருஹிணஹரகி₃ர꞉ ஸௌரப₄ம் நாரப₄ந்தே .
க்ஷாமா கௌமாரிலோக்திர்ஜக₃தி கு₃ருமதம் கௌ₃ரவாத் தூ₃ரவாந்தம்
கா ஶங்கா ஶங்கராதே₃ர்ப₄ஜதி யதிபதௌ ப₄த்₃ரவேதீ₃ம் த்ரிவேதீ₃ம் .. 70..

விஷ்வக்₃வ்யாபிந்யகா₃தே₄ யதிந்ருபதி யஶ꞉ ஸம்பதே₃கார்ணவே(அ)ஸ்மிந்
ஶ்ரத்₄தா₃ ஶுத்₄தா₃வகா₃ஹை꞉ ஶுப₄மதிபி₄ரஸௌ வேங்கடேஶோ(அ)பி₄ஷிக்த꞉ .
ப்ரஜ்ஞாதௌ₃ர்ஜந்யக₃ர்ஜத்ப்ரதிகத₂கவசஸ்தூலவாதூலவ்ருத்யா
ஸப்தத்யா ஸாரவத்யா ஸமதநுத ஸதாம் ப்ரீதிமேதாம் ஸமேதாம் .. 71..

ஆஶாமதங்க₃ஜக₃ணாநவிஷஹ்ய வேகா₃ந்
பாதே₃ யதிக்ஷிதிப்₄ருத꞉ ப்ரஸப₄ம் நிருந்த₄ந் .
கார்ய꞉ கதா₂ஹவ குதூஹலிபி₄꞉ பரேஷாம்
கர்ணே ஸ ஏஷ கவிதார்கிக் ஸிம்ஹநாத₃꞉ .. 72..

உபஶமிதகுத்₃ருஷ்டிவிப்லவாநாம்
உபநிஷதா₃முபசாரதீ₃பிகேயம் .
கப₃லிதப₄க₃வத்₃விபூ₄தியுக்₃மாம்
தி₃ஷது மதிம் யதிராஜஸப்ததிர்ந꞉ .. 73..

கரதலாமலகீக்ருதஸத்பதா₂꞉
ஶ்ருதிவதம்ஸிதஸூந்ருதஸூக்தய꞉ .
தி₃வஸதாரகயந்தி ஸமத்ஸராந்
யதிபுரந்த₃ரஸப்ததிஸாத₃ரா꞉ .. 74..

கவிதார்கிக ஸிம்ஹாய கல்யாணகு₃ணஶாலிநே .